꧑. ꦱꦔ꧀ꦓꦨꦺꦢꦏꦱꦸꦠ꧀ꦠꦮꦟ꧀ꦟꦤꦴ

꧒꧔꧓. ꦥꦚ꧀ꦕꦩꦱ꧀ꦱ ꦥꦜꦩꦺ ꦄꦥꦶ ꦤꦸ ꦠꦁ, ꦄꦴꦤꦤ꧀ꦢ, ꦄꦣꦶꦏꦫꦟꦤ꧀ꦠꦶ ꦮꦶꦮꦴꦢꦴꦣꦶꦏꦫꦟꦴꦢꦷꦱꦸ ꦄꦚ꧀ꦚꦠꦫꦁ ꦄꦣꦶꦏꦫꦟꦁ ꦨꦶꦏ꧀ꦑꦸꦱꦔ꧀ꦓꦱ꧀ꦱ ꦈꦥ꧀ꦥꦗ꧀ꦗꦶ, ꦱꦠ꧀ꦡꦴ ꦠꦱ꧀ꦱ ꦮꦹꦥꦱꦤ꧀ꦠꦨꦴꦮꦁ ꦥꦸꦕ꧀ꦖꦤ꧀ꦠꦺꦴ ꦌꦮꦩꦴꦲ. ꦏꦸꦠꦺꦴ ꦠꦁ, ꦨꦤ꧀ꦠꦺꦠꦶ, ꦨꦤ꧀ꦠꦺ, ꦏꦸꦠꦺꦴ ꦏꦶꦤ꧀ꦠꦶ ꦏꦺꦤ ꦏꦴꦫꦟꦺꦤ ꦠꦁ ꦄꦣꦶꦏꦫꦟꦁ ꦮꦹꦥꦱꦩꦶꦱ꧀ꦱꦠꦷꦠꦶ ꦮꦢꦠꦶ. ꦏꦺꦮꦭꦏꦥ꧀ꦥꦤ꧀ꦠꦶ ꦱꦏꦭꦁ ꦱꦩꦤ꧀ꦠꦠꦺꦴ. ꦱꦔ꧀ꦓꦨꦺꦢꦴꦪ ꦜꦶꦠꦺꦴꦠꦶ ꦱꦔ꧀ꦓꦺꦤ ꦱꦢ꧀ꦣꦶꦁ ꦮꦴꦢꦠ꧀ꦡꦴꦪ ꦏꦡꦶꦠꦁ ꦥꦛꦶꦏꦡꦺꦤ꧀ꦠꦺꦴꦮ ꦜꦶꦠꦺꦴ. ꦠꦠ꧀ꦫꦴꦪꦱ꧀ꦩꦴꦠꦶ ꦠꦱ꧀ꦩꦶꦁ ꦌꦮꦁ ꦜꦶꦠꦺ ꦄꦴꦪꦱ꧀ꦩꦴ ꦄꦤꦸꦫꦸꦢ꧀ꦣꦺꦴ. ꦤ ꦌꦏꦮꦴꦕꦶꦏꦩ꧀ꦥꦶ ꦨꦟꦶꦠꦧ꧀ꦧꦁ ꦩꦚ꧀ꦚꦠꦷꦠꦶ ‘‘ꦩꦴ, ꦄꦴꦮꦸꦱꦺꦴ, ꦱꦔ꧀ꦓꦺꦤ ꦱꦢ꧀ꦣꦶꦁ ꦌꦮꦁ ꦄꦮꦕꦴ’’ꦠꦶ ꦌꦏꦮꦕꦤꦩ꧀ꦥꦶ ꦮꦠ꧀ꦠꦧ꧀ꦧꦁ ꦤ ꦩꦚ꧀ꦚꦠꦶ. ꦮꦺꦴꦪꦸꦚ꧀ꦗꦠꦷꦠꦶ ꦄꦤꦸꦪꦸꦚ꧀ꦗꦠꦶ ꦄꦤꦸꦪꦺꦴꦒꦁ ꦄꦴꦥꦗ꧀ꦗꦠꦶ. ꦄꦠ꧀ꦡꦮꦱꦺꦠꦶ ꦏꦴꦫꦟꦮꦱꦺ. ꦤꦴꦱꦺꦱ꧀ꦱꦤ꧀ꦠꦷꦠꦶ ꦈꦥꦺꦴꦱꦡꦥ꧀ꦥꦮꦴꦫꦟꦁ ꦈꦥꦒꦤ꧀ꦠꦸꦁ ꦄꦢꦠ꧀ꦮꦴ ꦤꦶꦏ꧀ꦏꦝ꧀ꦞꦶꦱ꧀ꦱꦤ꧀ꦠꦶ. ꦱꦺꦱꦁ ꦥꦴꦭ꦳ꦶꦮꦱꦺꦤꦺꦮ ꦮꦺꦢꦶꦠꦧ꧀ꦧꦁ.