꧙. ꦨꦶꦏ꧀ꦑꦸꦤꦷꦱꦸꦠ꧀ꦠꦮꦟ꧀ꦟꦤꦴ

꧑꧕꧙. ꦤꦮꦩꦺ ꦌꦲꦶ ꦠ꧀ꦮꦤ꧀ꦠꦶ ꦡꦺꦫꦺ ꦥꦛꦶꦧꦢ꧀ꦣꦕꦶꦠ꧀ꦠꦴ ꦠꦁ ꦥꦲꦶꦟꦶꦠꦸꦁ ꦌꦮꦩꦴꦲ. ꦱꦱꦷꦱꦁ ꦥꦴꦫꦸꦥꦶꦠ꧀ꦮꦴꦠꦶ ꦱꦲ ꦱꦷꦱꦺꦤ ꦏꦴꦪꦁ ꦥꦴꦫꦸꦥꦶꦠ꧀ꦮꦴ. ꦩꦚ꧀ꦕꦏꦺ ꦤꦶꦥꦗ꧀ꦗꦷꦠꦶ ꦮꦺꦒꦺꦤ ꦩꦚ꧀ꦕꦏꦁ ꦥꦚ꧀ꦚꦴꦥꦺꦠ꧀ꦮꦴ ꦠꦠ꧀ꦡ ꦤꦶꦥꦗ꧀ꦗꦶ. ꦌꦠꦢꦮꦺꦴꦕꦴꦠꦶ ꦠꦱ꧀ꦱꦴꦏꦴꦫꦁ ꦱꦭ꧀ꦭꦏ꧀ꦑꦺꦠ꧀ꦮꦴ ꦭꦺꦴꦨꦥ꧀ꦥꦲꦴꦤꦠ꧀ꦡꦴꦪ ꦱꦟ꧀ꦲꦺꦤꦺꦮ ꦄꦱꦸꦨꦏꦡꦁ ꦏꦡꦺꦠꦸꦁ ꦌꦠꦁ ꦄꦮꦺꦴꦕ. ꦄꦴꦲꦴꦫꦱꦩ꧀ꦨꦹꦠꦺꦴꦠꦶ ꦄꦴꦲꦴꦫꦺꦤ ꦱꦩ꧀ꦨꦹꦠꦺꦴ ꦄꦴꦲꦴꦫꦁ ꦤꦶꦱ꧀ꦱꦴꦪ ꦮꦝ꧀ꦞꦶꦠꦺꦴ. ꦄꦴꦲꦴꦫꦁ ꦤꦶꦱ꧀ꦱꦴꦪ ꦄꦴꦲꦴꦫꦁ ꦥꦗꦲꦠꦷꦠꦶ ꦥꦕ꧀ꦕꦸꦥ꧀ꦥꦤ꧀ꦤꦁ ꦏꦧꦭ꦳ꦷꦏꦴꦫꦴꦲꦴꦫꦁ ꦤꦶꦱ꧀ꦱꦴꦪ ꦠꦁ ꦌꦮꦁ ꦪꦺꦴꦤꦶꦱꦺꦴ ꦱꦺꦮꦩꦴꦤꦺꦴ ꦥꦸꦧ꧀ꦧꦏꦩ꧀ꦩꦱꦔ꧀ꦑꦴꦠꦁ ꦄꦴꦲꦴꦫꦁ ꦥꦗꦲꦠꦶ. ꦥꦕ꧀ꦕꦸꦥ꧀ꦥꦤ꧀ꦤꦺꦥꦶ ꦥꦤ ꦏꦧꦭ꦳ꦷꦏꦴꦫꦴꦲꦴꦫꦺ ꦤꦶꦏꦤ꧀ꦠꦶꦠꦟ꧀ꦲꦴ ꦥꦗꦲꦶꦠꦧ꧀ꦧꦴ.

ꦠꦟ꧀ꦲꦁ ꦥꦗꦲꦠꦷꦠꦶ ꦆꦢꦴꦤꦶ ꦌꦮꦁ ꦥꦮꦠ꧀ꦠꦁ ꦥꦕ꧀ꦕꦸꦥ꧀ꦥꦤ꧀ꦤꦠꦟ꧀ꦲꦁ ꦤꦶꦱ꧀ꦱꦴꦪ ꦮꦛ꧀ꦛꦩꦹꦭꦶꦏꦁ ꦥꦸꦧ꧀ꦧꦠꦟ꧀ꦲꦁ ꦥꦗꦲꦠꦶ. ꦄꦪꦁ ꦥꦤ ꦥꦕ꧀ꦕꦸꦥ꧀ꦥꦤ꧀ꦤꦠꦟ꧀ꦲꦴ ꦏꦸꦱꦭꦴ ꦄꦏꦸꦱꦭꦴꦠꦶ? ꦄꦏꦸꦱꦭꦴ. ꦱꦺꦮꦶꦠꦧ꧀ꦧꦴ ꦤ ꦱꦺꦮꦶꦠꦧ꧀ꦧꦴꦠꦶ? ꦱꦺꦮꦶꦠꦧ꧀ꦧꦴ. ꦥꦛꦶꦱꦤ꧀ꦣꦶꦁ ꦄꦴꦏꦝ꧀ꦞꦠꦶ ꦤꦴꦏꦝ꧀ꦞꦠꦷꦠꦶ? ꦤꦴꦏꦝ꧀ꦞꦠꦶ. ꦌꦠꦶꦱ꧀ꦱꦴꦥꦶ ꦥꦤ ꦥꦕ꧀ꦕꦸꦥ꧀ꦥꦤ꧀ꦤꦴꦪ ꦱꦺꦮꦶꦠꦧ꧀ꦧꦠꦟ꧀ꦲꦴꦪ ꦤꦶꦏꦤ꧀ꦠꦶ ꦥꦗꦲꦶꦠꦧ꧀ꦧꦴꦪꦺꦮ. ꦱꦺꦴ ꦲꦶ ꦤꦴꦩ ꦄꦴꦪꦱ꧀ꦩꦴ ꦄꦴꦱꦮꦴꦤꦁ ꦑꦪꦴ ꦈꦥꦱꦩ꧀ꦥꦗ꧀ꦗ ꦮꦶꦲꦫꦶꦱ꧀ꦱꦠꦶ, ꦏꦶꦩꦔ꧀ꦒꦁ ꦥꦤꦴꦲꦤ꧀ꦠꦶ ꦌꦠ꧀ꦡ ꦏꦶꦩꦔ꧀ꦒꦁ ꦥꦤꦴꦠꦶ ꦏꦴꦫꦟꦥꦫꦶꦮꦶꦠꦏ꧀ꦏꦤꦩꦺꦠꦁ. ꦆꦢꦁ ꦮꦸꦠ꧀ꦠꦁ ꦲꦺꦴꦠꦶ – ꦱꦺꦴ ꦄꦴꦪꦱ꧀ꦩꦴ ꦄꦫꦲꦠ꧀ꦠꦦꦭꦁ ꦱꦕ꧀ꦖꦶꦏꦠ꧀ꦮꦴ ꦮꦶꦲꦫꦶꦱ꧀ꦱꦠꦶ, ꦄꦲꦁ ꦏꦺꦤ ꦏꦴꦫꦟꦺꦤ ꦤ ꦱꦕ꧀ꦖꦶꦏꦠ꧀ꦮꦴ ꦮꦶꦲꦫꦶꦱ꧀ꦱꦴꦩꦶ. ꦱꦺꦴꦥꦶ ꦲꦶ ꦄꦴꦪꦱ꧀ꦩꦴ ꦱꦩ꧀ꦩꦴꦱꦩ꧀ꦧꦸꦢ꧀ꦣꦱ꧀ꦱꦺꦮ ꦥꦸꦠ꧀ꦠꦺꦴ, ꦄꦲꦩ꧀ꦥꦶ ꦱꦩ꧀ꦩꦴꦱꦩ꧀ꦧꦸꦢ꧀ꦣꦱ꧀ꦱꦺꦮ ꦥꦸꦠ꧀ꦠꦺꦴ, ꦩꦪ꧀ꦲꦩ꧀ꦥꦺꦠꦁ ꦈꦥ꧀ꦥꦗ꧀ꦗꦶꦱ꧀ꦱꦠꦷꦠꦶ. ꦩꦴꦤꦁ ꦤꦶꦱ꧀ꦱꦴꦪꦴꦠꦶ ꦆꦢꦁ ꦌꦮꦁ ꦈꦥ꧀ꦥꦤ꧀ꦤꦱꦺꦮꦶꦠꦧ꧀ꦧꦩꦴꦤꦁ ꦤꦶꦱ꧀ꦱꦴꦪ. ꦩꦴꦤꦁ ꦥꦗꦲꦠꦷꦠꦶ ꦮꦛ꧀ꦛꦩꦹꦭꦏꦁ ꦥꦸꦧ꧀ꦧꦩꦴꦤꦁ ꦥꦗꦲꦠꦶ. ꦪꦁ ꦤꦶꦱ꧀ꦱꦴꦪ ꦥꦤꦺꦱ ꦠꦁ ꦥꦗꦲꦠꦶ, ꦱꦺꦴꦥꦶ ꦠꦟ꧀ꦲꦴ ꦮꦶꦪ ꦄꦏꦸꦱꦭꦺꦴ ꦕꦺꦮ ꦱꦺꦮꦶꦠꦧ꧀ꦧꦺꦴ ꦕ, ꦤꦺꦴ ꦕ ꦥꦛꦶꦱꦤ꧀ꦣꦶꦁ ꦄꦴꦏꦝ꧀ꦞꦠꦶ. ꦤꦶꦏꦤ꧀ꦠꦶ ꦥꦤ ꦠꦱ꧀ꦩꦶꦩ꧀ꦥꦶ ꦥꦗꦲꦶꦠꦧ꧀ꦧꦴꦮ.

ꦱꦺꦠꦸꦓꦴꦠꦺꦴ ꦮꦸꦠ꧀ꦠꦺꦴ ꦨꦒꦮꦠꦴꦠꦶ ꦥꦢꦓꦴꦠꦺꦴ ꦥꦕ꧀ꦕꦪꦓꦴꦠꦺꦴ ꦧꦸꦢ꧀ꦣꦺꦤ ꦨꦒꦮꦠꦴ ꦏꦡꦶꦠꦺꦴ. ꦆꦠꦶ ꦆꦩꦺꦲꦶ ꦕꦠꦹꦲꦶ ꦄꦔ꧀ꦒꦺꦲꦶ ꦡꦺꦫꦺ ꦢꦺꦱꦤꦁ ꦮꦶꦤꦶꦮꦛ꧀ꦛꦺꦤ꧀ꦠꦺ ꦠꦱ꧀ꦱꦴ ꦨꦶꦏ꧀ꦑꦸꦤꦶꦪꦴ ꦡꦺꦫꦁ ꦄꦴꦫꦧ꧀ꦨ ꦈꦥ꧀ꦥꦤ꧀ꦤꦺꦴ ꦖꦤ꧀ꦢꦫꦴꦒꦺꦴ ꦄꦥꦒꦚ꧀ꦖꦶ. ꦱꦴꦥꦶ ꦡꦺꦫꦁ ꦑꦩꦴꦥꦺꦠꦸꦁ ꦄꦕ꧀ꦕꦪꦁ ꦢꦺꦱꦺꦱꦶ, ꦡꦺꦫꦺꦴꦥꦶꦱ꧀ꦱꦴ ꦥꦛꦶꦒ꧀ꦒꦟ꧀ꦲꦶ. ꦠꦁ ꦢꦱ꧀ꦱꦺꦠꦸꦁ ꦄꦡ ꦑꦺꦴ ꦱꦴ ꦨꦶꦏ꧀ꦑꦸꦤꦷꦠꦶꦄꦴꦢꦶ ꦮꦸꦠ꧀ꦠꦁ.