꧔. ꦢꦸꦠꦶꦪꦤꦴꦤꦴꦏꦫꦟꦱꦸꦠ꧀ꦠꦮꦟ꧀ꦟꦤꦴ

꧑꧒꧔. ꦕꦠꦸꦠ꧀ꦡꦺ ꦫꦹꦥꦩꦺꦮ ꦫꦹꦥꦒꦠꦁ. ꦱꦺꦱꦥꦢꦺꦱꦸꦥꦶ ꦌꦱꦺꦮ ꦤꦪꦺꦴ. ꦄꦤꦶꦕ꧀ꦕꦠꦺꦴꦠꦶꦄꦴꦢꦷꦱꦸ ꦲꦸꦠ꧀ꦮꦴ ꦄꦨꦴꦮꦛ꧀ꦜꦺꦤ ꦄꦤꦶꦕ꧀ꦕꦠꦺꦴ, ꦄꦴꦧꦴꦣꦛ꧀ꦜꦺꦤ ꦫꦺꦴꦒꦠꦺꦴ, ꦄꦤ꧀ꦠꦺꦴ ꦥꦢꦸꦱ꧀ꦱꦤꦛ꧀ꦜꦺꦤ ꦒꦟ꧀ꦝꦠꦺꦴ, ꦄꦤꦸꦥꦮꦶꦛ꧀ꦜꦛ꧀ꦜꦺꦤ ꦱꦭ꧀ꦭꦠꦺꦴ, ꦱꦢꦸꦏ꧀ꦑꦛ꧀ꦜꦺꦤ ꦄꦓꦠꦺꦴ, ꦱꦩ꧀ꦥꦷꦭ꦳ꦤꦛ꧀ꦜꦺꦤ ꦄꦴꦧꦴꦣꦠꦺꦴ, ꦄꦮꦶꦣꦺꦪ꧀ꦪꦛ꧀ꦜꦺꦤ ꦥꦫꦠꦺꦴ, ꦥꦭꦸꦗ꧀ꦗꦤꦛ꧀ꦜꦺꦤ ꦥꦭꦺꦴꦏꦠꦺꦴ, ꦤꦶꦱ꧀ꦱꦠ꧀ꦠꦛ꧀ꦜꦺꦤ ꦱꦸꦚ꧀ꦚꦠꦺꦴ, ꦄꦮꦱꦮꦠ꧀ꦠꦤꦛ꧀ꦜꦺꦤ ꦄꦤꦠ꧀ꦠꦠꦺꦴ. ꦌꦠ꧀ꦡ ꦕ ‘‘ꦄꦤꦶꦕ꧀ꦕꦠꦺꦴ ꦥꦭꦺꦴꦏꦠꦺꦴ’’ꦠꦶ ꦢ꧀ꦮꦷꦲꦶ ꦥꦢꦺꦲꦶ ꦄꦤꦶꦕ꧀ꦕꦭꦏ꧀ꦑꦟꦁ ꦏꦡꦶꦠꦁ, ‘‘ꦱꦸꦚ꧀ꦚꦠꦺꦴ ꦄꦤꦠ꧀ꦠꦠꦺꦴ’’ꦠꦶ ꦢ꧀ꦮꦷꦲꦶ ꦄꦤꦠ꧀ꦠꦭꦏ꧀ꦑꦟꦁ, ꦱꦺꦱꦺꦲꦶ ꦢꦸꦏ꧀ꦑꦭꦏ꧀ꦑꦟꦁ ꦏꦡꦶꦠꦤ꧀ꦠꦶ ꦮꦺꦢꦶꦠꦧ꧀ꦧꦁ. ꦱꦩꦤꦸꦥꦱ꧀ꦱꦠꦷꦠꦶ ꦚꦴꦟꦺꦤ ꦥꦱ꧀ꦱꦠꦶ. ꦌꦮꦁ ꦥꦚ꧀ꦕꦏ꧀ꦑꦤ꧀ꦣꦺ ꦠꦶꦭꦏ꧀ꦑꦟꦁ ꦄꦴꦫꦺꦴꦥꦺꦠ꧀ꦮꦴ ꦥꦱ꧀ꦱꦤ꧀ꦠꦺꦴ ꦠꦪꦺꦴ ꦩꦒ꧀ꦒꦺ ꦠꦷꦟꦶ ꦦꦭꦴꦤꦶ ꦱꦕ꧀ꦖꦶꦏꦫꦺꦴꦠꦶ. ꦱꦸꦢ꧀ꦣꦴꦮꦴꦱꦴꦤꦁ ꦢꦺꦮꦴꦤꦁ ꦱꦲꦧ꧀ꦪꦠꦁ ꦈꦥꦥꦗ꧀ꦗꦠꦷꦠꦶ ꦠꦠ꧀ꦡ ꦜꦶꦠꦺꦴ ꦕꦠꦸꦠ꧀ꦡꦗ꧀ꦙꦴꦤꦁ ꦨꦴꦮꦺꦠ꧀ꦮꦴ ꦈꦥꦥꦗ꧀ꦗꦠꦶ.