꧑꧒. ꦄꦤꦴꦥꦠ꧀ꦠꦶꦮꦒ꧀ꦒꦮꦟ꧀ꦟꦤꦴ

꧑꧕꧐. ꦢ꧀ꦮꦴꦢꦱꦩꦺ ꦥꦤ ꦄꦤꦴꦥꦠ꧀ꦠꦶꦁ ꦄꦴꦥꦠ꧀ꦠꦷꦠꦶꦄꦴꦢꦷꦱꦸ ‘‘ꦄꦤꦴꦥꦠ꧀ꦠꦶ ꦄꦗꦴꦤꦤ꧀ꦠꦱ꧀ꦱ ꦄꦡꦺꦪ꧀ꦪꦕꦶꦠ꧀ꦠꦱ꧀ꦱ ꦤꦩꦫꦟꦴꦣꦶꦥ꧀ꦥꦴꦪꦱ꧀ꦱ ꦄꦤꦸꦭ꧀ꦭꦥꦤꦴꦣꦶꦥ꧀ꦥꦴꦪꦱ꧀ꦱ ꦤꦩꦺꦴꦕꦤꦴꦣꦶꦥ꧀ꦥꦴꦪꦱ꧀ꦱꦴ’’ꦠꦶ ꦠꦠ꧀ꦡ ꦠꦠ꧀ꦡ ꦮꦸꦠ꧀ꦠꦴ ꦄꦤꦴꦥꦠ꧀ꦠꦶ ꦄꦤꦴꦥꦠ꧀ꦠꦶ ꦤꦴꦩ, ‘‘ꦗꦴꦤꦤ꧀ꦠꦱ꧀ꦱ ꦡꦺꦪ꧀ꦪꦕꦶꦠ꧀ꦠꦱ꧀ꦱꦴ’’ꦠꦶꦄꦴꦢꦶꦤꦴ ꦤꦪꦺꦤ ꦮꦸꦠ꧀ꦠꦴ ꦄꦴꦥꦠ꧀ꦠꦶ ꦄꦴꦥꦠ꧀ꦠꦶ ꦤꦴꦩ, ꦥꦚ꧀ꦕꦴꦥꦠ꧀ꦠꦶꦏ꧀ꦑꦤ꧀ꦣꦴ ꦭꦲꦸꦏꦴꦥꦠ꧀ꦠꦶ ꦤꦴꦩ, ꦢ꧀ꦮꦺ ꦄꦴꦥꦠ꧀ꦠꦶꦏ꧀ꦑꦤ꧀ꦣꦴ ꦒꦫꦸꦏꦴꦥꦠ꧀ꦠꦶ ꦤꦴꦩ. ꦢ꧀ꦮꦺ ꦄꦴꦥꦠ꧀ꦠꦶꦏ꧀ꦑꦤ꧀ꦣꦴ ꦢꦸꦛ꧀ꦜꦸꦭ꧀ꦭꦴꦥꦠ꧀ꦠꦶ ꦤꦴꦩ, ꦥꦚ꧀ꦕꦴꦥꦠ꧀ꦠꦶꦏ꧀ꦑꦤ꧀ꦣꦴ ꦄꦢꦸꦛ꧀ꦜꦸꦭ꧀ꦭꦴꦥꦠ꧀ꦠꦶ ꦤꦴꦩ. ꦖ ꦄꦴꦥꦠ꧀ꦠꦶꦏ꧀ꦑꦤ꧀ꦣꦴ ꦱꦴꦮꦱꦺꦱꦴꦥꦠ꧀ꦠꦶ ꦤꦴꦩ, ꦌꦏꦺꦴ ꦥꦴꦫꦴꦗꦶꦏꦴꦥꦠ꧀ꦠꦶꦏ꧀ꦑꦤ꧀ꦣꦺꦴ ꦄꦤꦮꦱꦺꦱꦴꦥꦠ꧀ꦠꦶ ꦤꦴꦩ. ꦱꦥ꧀ꦥꦛꦶꦏꦩ꧀ꦩꦴꦥꦠ꧀ꦠꦶ ꦤꦴꦩ ꦱꦴꦮꦱꦺꦱꦴꦥꦠ꧀ꦠꦶꦪꦺꦮ, ꦄꦥ꧀ꦥꦛꦶꦏꦩ꧀ꦩꦴꦥꦠ꧀ꦠꦶ ꦤꦴꦩ ꦄꦤꦮꦱꦺꦱꦴꦥꦠ꧀ꦠꦶꦪꦺꦮ. ꦱꦺꦱꦁ ꦱꦧ꧀ꦧꦠ꧀ꦡ ꦈꦠ꧀ꦠꦴꦤꦩꦺꦮꦴꦠꦶ.

ꦄꦤꦴꦥꦠ꧀ꦠꦶꦮꦒ꧀ꦒꦮꦟ꧀ꦟꦤꦴ.