(꧓) ꦄꦤꦴꦒꦠꦮꦴꦫꦺꦴ
(ꦏ) ꦄꦤꦸꦭꦺꦴꦩꦥꦸꦒ꧀ꦒꦭꦺꦴ
꧑꧒꧓. (ꦏ) ꦪꦱ꧀ꦱ ꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦄꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ?
ꦄꦒ꧀ꦒꦩꦒ꧀ꦒꦱ꧀ꦱ ꦈꦥ꧀ꦥꦴꦢꦏ꧀ꦑꦟꦺ ꦪꦱ꧀ꦱ ꦕꦶꦠ꧀ꦠꦱ꧀ꦱ ꦄꦤꦤ꧀ꦠꦫꦴ ꦄꦒ꧀ꦒꦩꦒ꧀ꦒꦁ ꦥꦛꦶꦭꦨꦶꦱ꧀ꦱꦤ꧀ꦠꦶ ꦠꦺꦱꦁ ꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ, ꦤꦺꦴ ꦕ ꦠꦺꦱꦁ ꦄꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ. ꦆꦠꦫꦺꦱꦁ ꦠꦺꦱꦁ ꦏꦸꦱꦭꦴ ꦕ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦄꦏꦸꦱꦭꦴ ꦕ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ.
(ꦑ) ꦪꦱ꧀ꦱ ꦮꦴ ꦥꦤ ꦄꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ? ꦄꦴꦩꦤ꧀ꦠꦴ.
(ꦏ) ꦪꦱ꧀ꦱ ꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ? ꦄꦴꦩꦤ꧀ꦠꦴ.
(ꦑ) ꦪꦱ꧀ꦱ ꦮꦴ ꦥꦤ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ?
ꦄꦒ꧀ꦒꦩꦒ꧀ꦒꦱ꧀ꦱ ꦨꦔ꧀ꦒꦏ꧀ꦑꦟꦺ ꦄꦫꦲꦤ꧀ꦠꦴꦤꦁ ꦠꦺꦱꦁ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ, ꦤꦺꦴ ꦕ ꦠꦺꦱꦁ ꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ. ꦆꦠꦫꦺꦱꦁ ꦠꦺꦱꦁ ꦄꦧ꧀ꦪꦴꦏꦠꦴ ꦕ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦏꦸꦱꦭꦴ ꦕ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ.
꧑꧒꧔. (ꦏ) ꦪꦱ꧀ꦱ ꦄꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ? ꦄꦴꦩꦤ꧀ꦠꦴ.
(ꦑ) ꦪꦱ꧀ꦱ ꦮꦴ ꦥꦤ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦄꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ?
ꦄꦒ꧀ꦒꦩꦒ꧀ꦒꦱꦩꦔ꧀ꦒꦷꦤꦁ ꦄꦫꦲꦤ꧀ꦠꦴꦤꦁ ꦪꦱ꧀ꦱ ꦕꦶꦠ꧀ꦠꦱ꧀ꦱ ꦄꦤꦤ꧀ꦠꦫꦴ ꦄꦒ꧀ꦒꦩꦒ꧀ꦒꦁ ꦥꦛꦶꦭꦨꦶꦱ꧀ꦱꦤ꧀ꦠꦶ ꦠꦺꦱꦁ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ, ꦤꦺꦴ ꦕ ꦠꦺꦱꦁ ꦄꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ. ꦆꦠꦫꦺꦱꦁ ꦠꦺꦱꦁ ꦄꦧ꧀ꦪꦴꦏꦠꦴ ꦕ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦄꦏꦸꦱꦭꦴ ꦕ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ.
(ꦑ) ꦄꦤꦸꦭꦺꦴꦩꦎꦏꦴꦱꦺꦴ
꧑꧒꧕. ꦪꦠ꧀ꦡ ꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦠ꧀ꦡ ꦄꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ?…ꦥꦺ….
(ꦒ) ꦄꦤꦸꦭꦺꦴꦩꦥꦸꦒ꧀ꦒꦭꦺꦴꦏꦴꦱꦴ
꧑꧒꧖. (ꦏ) ꦪꦱ꧀ꦱ ꦪꦠ꧀ꦡ ꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦠꦠ꧀ꦡ ꦄꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ?
ꦄꦒ꧀ꦒꦩꦒ꧀ꦒꦱ꧀ꦱ ꦈꦥ꧀ꦥꦴꦢꦏ꧀ꦑꦟꦺ ꦪꦱ꧀ꦱ ꦕꦶꦠ꧀ꦠꦱ꧀ꦱ ꦄꦤꦤ꧀ꦠꦫꦴ ꦄꦒ꧀ꦒꦩꦒ꧀ꦒꦁ ꦥꦛꦶꦭꦨꦶꦱ꧀ꦱꦤ꧀ꦠꦶ ꦠꦺꦱꦁ ꦠꦠ꧀ꦡ ꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ, ꦤꦺꦴ ꦕ ꦠꦺꦱꦁ ꦠꦠ꧀ꦡ ꦄꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ. ꦆꦠꦫꦺꦱꦁ ꦕꦠꦸꦮꦺꦴꦏꦴꦫꦴꦤꦁ ꦥꦚ꧀ꦕꦮꦺꦴꦏꦴꦫꦴꦤꦁ ꦠꦺꦱꦁ ꦠꦠ꧀ꦡ ꦏꦸꦱꦭꦴ ꦕ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦄꦏꦸꦱꦭꦴ ꦕ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ.
(ꦑ) ꦪꦱ꧀ꦱ ꦮꦴ ꦥꦤ ꦪꦠ꧀ꦡ ꦄꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦠꦠ꧀ꦡ ꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ? ꦄꦴꦩꦤ꧀ꦠꦴ.
(ꦏ) ꦪꦱ꧀ꦱ ꦪꦠ꧀ꦡ ꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦠꦠ꧀ꦡ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ? ꦄꦴꦩꦤ꧀ꦠꦴ.
(ꦑ) ꦪꦱ꧀ꦱ ꦮꦴ ꦥꦤ ꦪꦠ꧀ꦡ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦠꦠ꧀ꦡ ꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ?
ꦄꦒ꧀ꦒꦩꦒ꧀ꦒꦱ꧀ꦱ ꦨꦔ꧀ꦒꦏ꧀ꦑꦟꦺ ꦄꦫꦲꦤ꧀ꦠꦴꦤꦁ ꦄꦱꦚ꧀ꦚꦱꦠ꧀ꦠꦴꦤꦁ ꦠꦺꦱꦁ ꦠꦠ꧀ꦡ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ, ꦤꦺꦴ ꦕ ꦠꦺꦱꦁ ꦠꦠ꧀ꦡ ꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ. ꦆꦠꦫꦺꦱꦁ ꦕꦠꦸꦮꦺꦴꦏꦴꦫꦴꦤꦁ ꦥꦚ꧀ꦕꦮꦺꦴꦏꦴꦫꦴꦤꦁ ꦠꦺꦱꦁ ꦠꦠ꧀ꦡ ꦄꦧ꧀ꦪꦴꦏꦠꦴ ꦕ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦏꦸꦱꦭꦴ ꦕ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ.
꧑꧒꧗. (ꦏ) ꦪꦱ꧀ꦱ ꦪꦠ꧀ꦡ ꦄꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦠꦠ꧀ꦡ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ? ꦄꦴꦩꦤ꧀ꦠꦴ.
(ꦑ) ꦪꦱ꧀ꦱ ꦮꦴ ꦥꦤ ꦪꦠ꧀ꦡ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦠꦠ꧀ꦡ ꦄꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ?
ꦄꦒ꧀ꦒꦩꦒ꧀ꦒꦱꦩꦔ꧀ꦒꦷꦤꦁ ꦄꦫꦲꦤ꧀ꦠꦴꦤꦁ ꦪꦱ꧀ꦱ ꦕꦶꦠ꧀ꦠꦱ꧀ꦱ ꦄꦤꦤ꧀ꦠꦫꦴ ꦄꦒ꧀ꦒꦩꦒ꧀ꦒꦁ ꦥꦛꦶꦭꦨꦶꦱ꧀ꦱꦤ꧀ꦠꦶ ꦄꦱꦚ꧀ꦚꦱꦠ꧀ꦠꦴꦤꦁ ꦠꦺꦱꦁ ꦠꦠ꧀ꦡ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ, ꦤꦺꦴ ꦕ ꦠꦺꦱꦁ ꦠꦠ꧀ꦡ ꦄꦏꦸꦱꦭꦴ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ. ꦆꦠꦫꦺꦱꦁ ꦕꦠꦸꦮꦺꦴꦏꦴꦫꦴꦤꦁ ꦥꦚ꧀ꦕꦮꦺꦴꦏꦴꦫꦴꦤꦁ ꦠꦺꦱꦁ ꦠꦠ꧀ꦡ ꦄꦧ꧀ꦪꦴꦏꦠꦴ ꦕ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦄꦏꦸꦱꦭꦴ ꦕ ꦣꦩ꧀ꦩꦴ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ.
(ꦓ) ꦥꦕ꧀ꦕꦤꦷꦏꦥꦸꦒ꧀ꦒꦭꦺꦴ
꧑꧒꧘. (ꦏ) ꦪꦱ꧀ꦱ ꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦄꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ? ꦄꦴꦩꦤ꧀ꦠꦴ.
(ꦑ) ꦪꦱ꧀ꦱ ꦮꦴ ꦥꦤ ꦄꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ?
ꦄꦒ꧀ꦒꦩꦒ꧀ꦒꦱ꧀ꦱ ꦈꦥ꧀ꦥꦴꦢꦏ꧀ꦑꦟꦺ ꦪꦱ꧀ꦱ ꦕꦶꦠ꧀ꦠꦱ꧀ꦱ ꦄꦤꦤ꧀ꦠꦫꦴ ꦄꦒ꧀ꦒꦩꦒ꧀ꦒꦁ ꦥꦛꦶꦭꦨꦶꦱ꧀ꦱꦤ꧀ꦠꦶ ꦠꦺꦱꦁ ꦄꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ, ꦤꦺꦴ ꦕ ꦠꦺꦱꦁ ꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ. ꦄꦒ꧀ꦒꦩꦒ꧀ꦒꦱ꧀ꦱ ꦨꦔ꧀ꦒꦏ꧀ꦑꦟꦺ ꦄꦫꦲꦤ꧀ꦠꦴꦤꦁ ꦠꦺꦱꦁ ꦄꦏꦸꦱꦭꦴ ꦕ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦏꦸꦱꦭꦴ ꦕ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ.
(ꦏ) ꦪꦱ꧀ꦱ ꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ?
ꦄꦒ꧀ꦒꦩꦒ꧀ꦒꦱ꧀ꦱ ꦨꦔ꧀ꦒꦏ꧀ꦑꦟꦺ ꦄꦫꦲꦤ꧀ꦠꦴꦤꦁ ꦠꦺꦱꦁ ꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ, ꦤꦺꦴ ꦕ ꦠꦺꦱꦁ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ. ꦥꦕ꧀ꦖꦶꦩꦕꦶꦠ꧀ꦠꦱ꧀ꦱ ꦨꦔ꧀ꦒꦏ꧀ꦑꦟꦺ ꦠꦺꦱꦁ ꦏꦸꦱꦭꦴ ꦕ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦄꦧ꧀ꦪꦴꦏꦠꦴ ꦕ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ.
(ꦑ) ꦪꦱ꧀ꦱ ꦮꦴ ꦥꦤ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ? ꦄꦴꦩꦤ꧀ꦠꦴ.
꧑꧒꧙. (ꦏ) ꦪꦱ꧀ꦱ ꦄꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ?
ꦄꦒ꧀ꦒꦩꦒ꧀ꦒꦱꦩꦔ꧀ꦒꦷꦤꦁ ꦄꦫꦲꦤ꧀ꦠꦴꦤꦁ ꦪꦱ꧀ꦱ ꦕꦶꦠ꧀ꦠꦱ꧀ꦱ ꦄꦤꦤ꧀ꦠꦫꦴ ꦄꦒ꧀ꦒꦩꦒ꧀ꦒꦁ ꦥꦛꦶꦭꦨꦶꦱ꧀ꦱꦤ꧀ꦠꦶ ꦠꦺꦱꦁ ꦄꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ, ꦤꦺꦴ ꦕ ꦠꦺꦱꦁ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ. ꦥꦕ꧀ꦖꦶꦩꦕꦶꦠ꧀ꦠꦱ꧀ꦱ ꦨꦔ꧀ꦒꦏ꧀ꦑꦟꦺ ꦠꦺꦱꦁ ꦄꦏꦸꦱꦭꦴ ꦕ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦄꦧ꧀ꦪꦴꦏꦠꦴ ꦕ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ.
(ꦑ) ꦪꦱ꧀ꦱ ꦮꦴ ꦥꦤ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦄꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ? ꦄꦴꦩꦤ꧀ꦠꦴ.
(ꦔ) ꦥꦕ꧀ꦕꦤꦷꦏꦎꦏꦴꦱꦺꦴ
꧑꧓꧐. ꦪꦠ꧀ꦡ ꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦠ꧀ꦡ ꦄꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ?…ꦥꦺ….
(ꦕ) ꦥꦕ꧀ꦕꦤꦷꦏꦥꦸꦒ꧀ꦒꦭꦺꦴꦏꦴꦱꦴ
꧑꧓꧑. (ꦏ) ꦪꦱ꧀ꦱ ꦪꦠ꧀ꦡ ꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦠꦠ꧀ꦡ ꦄꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ? ꦄꦴꦩꦤ꧀ꦠꦴ.
(ꦑ) ꦪꦱ꧀ꦱ ꦮꦴ ꦥꦤ ꦪꦠ꧀ꦡ ꦄꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦠꦠ꧀ꦡ ꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ?
ꦄꦒ꧀ꦒꦩꦒ꧀ꦒꦱ꧀ꦱ ꦈꦥ꧀ꦥꦴꦢꦏ꧀ꦑꦟꦺ ꦪꦱ꧀ꦱ ꦕꦶꦠ꧀ꦠꦱ꧀ꦱ ꦄꦤꦤ꧀ꦠꦫꦴ ꦄꦒ꧀ꦒꦩꦒ꧀ꦒꦁ ꦥꦛꦶꦭꦨꦶꦱ꧀ꦱꦤ꧀ꦠꦶ ꦠꦺꦱꦁ ꦠꦠ꧀ꦡ ꦄꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ, ꦤꦺꦴ ꦕ ꦠꦺꦱꦁ ꦠꦠ꧀ꦡ ꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ. ꦄꦒ꧀ꦒꦩꦒ꧀ꦒꦱ꧀ꦱ ꦨꦔ꧀ꦒꦏ꧀ꦑꦟꦺ ꦄꦫꦲꦤ꧀ꦠꦴꦤꦁ ꦄꦱꦚ꧀ꦚꦱꦠ꧀ꦠꦴꦤꦁ ꦠꦺꦱꦁ ꦠꦠ꧀ꦡ ꦄꦏꦸꦱꦭꦴ ꦕ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦏꦸꦱꦭꦴ ꦕ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ.
(ꦏ) ꦪꦱ꧀ꦱ ꦪꦠ꧀ꦡ ꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦠꦠ꧀ꦡ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ?
ꦄꦒ꧀ꦒꦩꦒ꧀ꦒꦱ꧀ꦱ ꦨꦔ꧀ꦒꦏ꧀ꦑꦟꦺ ꦄꦫꦲꦤ꧀ꦠꦴꦤꦁ ꦄꦱꦚ꧀ꦚꦱꦠ꧀ꦠꦴꦤꦁ ꦠꦺꦱꦁ ꦠꦠ꧀ꦡ ꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ, ꦤꦺꦴ ꦕ ꦠꦺꦱꦁ ꦠꦠ꧀ꦡ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ. ꦥꦕ꧀ꦖꦶꦩꦕꦶꦠ꧀ꦠꦱ꧀ꦱ ꦨꦔ꧀ꦒꦏ꧀ꦑꦟꦺ ꦠꦺꦱꦁ ꦠꦠ꧀ꦡ ꦏꦸꦱꦭꦴ ꦕ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦄꦧ꧀ꦪꦴꦏꦠꦴ ꦕ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ.
(ꦑ) ꦪꦱ꧀ꦱ ꦮꦴ ꦥꦤ ꦪꦠ꧀ꦡ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦠꦠ꧀ꦡ ꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ? ꦄꦴꦩꦤ꧀ꦠꦴ.
꧑꧓꧒. (ꦏ) ꦪꦱ꧀ꦱ ꦪꦠ꧀ꦡ ꦄꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦠꦠ꧀ꦡ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ?
ꦄꦒ꧀ꦒꦩꦒ꧀ꦒꦱꦩꦔ꧀ꦒꦷꦤꦁ ꦄꦫꦲꦤ꧀ꦠꦴꦤꦁ ꦪꦱ꧀ꦱ ꦕꦶꦠ꧀ꦠꦱ꧀ꦱ ꦄꦤꦤ꧀ꦠꦫꦴ ꦄꦒ꧀ꦒꦩꦒ꧀ꦒꦁ ꦥꦛꦶꦭꦨꦶꦱ꧀ꦱꦤ꧀ꦠꦶ ꦄꦱꦚ꧀ꦚꦱꦠ꧀ꦠꦴꦤꦁ ꦠꦺꦱꦁ ꦠꦠ꧀ꦡ ꦄꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ, ꦤꦺꦴ ꦕ ꦠꦺꦱꦁ ꦠꦠ꧀ꦡ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ. ꦥꦕ꧀ꦖꦶꦩꦕꦶꦠ꧀ꦠꦱ꧀ꦱ ꦨꦔ꧀ꦒꦏ꧀ꦑꦟꦺ ꦠꦺꦱꦁ ꦠꦠ꧀ꦡ ꦄꦏꦸꦱꦭꦴ ꦕ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦄꦧ꧀ꦪꦴꦏꦠꦴ ꦕ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ.
(ꦑ) ꦪꦱ꧀ꦱ ꦮꦴ ꦥꦤ ꦪꦠ꧀ꦡ ꦄꦧ꧀ꦪꦴꦏꦠꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦶ ꦠꦱ꧀ꦱ ꦠꦠ꧀ꦡ ꦄꦏꦸꦱꦭꦴ ꦣꦩ꧀ꦩꦴ ꦤ ꦤꦶꦫꦸꦗ꧀ꦙꦶꦱ꧀ꦱꦤ꧀ꦠꦷꦠꦶ? ꦄꦴꦩꦤ꧀ꦠꦴ.