(꧔) ꦈꦥ꧀ꦥꦴꦢꦮꦴꦫꦺꦴ

꧖꧖. (ꦏ) ꦪꦱ꧀ꦱ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦠꦶ ꦠꦱ꧀ꦱ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦶꦠ꧀ꦡꦴꦠꦶ? ꦄꦴꦩꦤ꧀ꦠꦴ.

(ꦑ) ꦪꦱ꧀ꦱ ꦮꦴ ꦥꦤ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦶꦠ꧀ꦡ ꦠꦱ꧀ꦱ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦠꦷꦠꦶ?

ꦕꦶꦠ꧀ꦠꦱ꧀ꦱ ꦨꦔ꧀ꦒꦏ꧀ꦑꦟꦺ ꦤꦶꦫꦺꦴꦣꦱꦩꦴꦥꦤ꧀ꦤꦴꦤꦁ ꦄꦱꦚ꧀ꦚꦱꦠ꧀ꦠꦴꦤꦁ ꦠꦺꦱꦁ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦶꦠ꧀ꦡ, ꦤꦺꦴ ꦕ ꦠꦺꦱꦁ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦠꦶ. ꦕꦶꦠ꧀ꦠꦱ꧀ꦱ ꦈꦥ꧀ꦥꦴꦢꦏ꧀ꦑꦟꦺ ꦠꦺꦱꦁ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦶꦠ꧀ꦡ ꦕꦺꦮ ꦈꦥ꧀ꦥꦗ꧀ꦗꦠꦶ ꦕ.

(ꦏ) ꦪꦱ꧀ꦱ ꦕꦶꦠ꧀ꦠꦁ ꦤ ꦈꦥ꧀ꦥꦗ꧀ꦗꦠꦶ ꦠꦱ꧀ꦱ ꦕꦶꦠ꧀ꦠꦁ ꦤ ꦈꦥ꧀ꦥꦗ꧀ꦗꦶꦠ꧀ꦡꦴꦠꦶ? ꦈꦥ꧀ꦥꦗ꧀ꦗꦶꦠ꧀ꦡ.

(ꦑ) ꦪꦱ꧀ꦱ ꦮꦴ ꦥꦤ ꦕꦶꦠ꧀ꦠꦁ ꦤ ꦈꦥ꧀ꦥꦗ꧀ꦗꦶꦠ꧀ꦡ ꦠꦱ꧀ꦱ ꦕꦶꦠ꧀ꦠꦁ ꦤ ꦈꦥ꧀ꦥꦗ꧀ꦗꦠꦷꦠꦶ? ꦤꦠ꧀ꦡꦶ.

꧖꧗. (ꦏ) ꦪꦱ꧀ꦱ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦠꦶ ꦠꦱ꧀ꦱ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦶꦱ꧀ꦱꦠꦷꦠꦶ?

ꦥꦕ꧀ꦖꦶꦩꦕꦶꦠ꧀ꦠꦱ꧀ꦱ ꦈꦥ꧀ꦥꦴꦢꦏ꧀ꦑꦟꦺ ꦠꦺꦱꦁ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦠꦶ, ꦤꦺꦴ ꦕ ꦠꦺꦱꦁ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦶꦱ꧀ꦱꦠꦶ. ꦆꦠꦫꦺꦱꦁ ꦕꦶꦠ꧀ꦠꦱ꧀ꦱ ꦈꦥ꧀ꦥꦴꦢꦏ꧀ꦑꦟꦺ ꦠꦺꦱꦁ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦠꦶ ꦕꦺꦮ ꦈꦥ꧀ꦥꦗ꧀ꦗꦶꦱ꧀ꦱꦠꦶ ꦕ.

(ꦑ) ꦪꦱ꧀ꦱ ꦮꦴ ꦥꦤ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦶꦱ꧀ꦱꦠꦶ ꦠꦱ꧀ꦱ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦠꦷꦠꦶ?

ꦕꦶꦠ꧀ꦠꦱ꧀ꦱ ꦨꦔ꧀ꦒꦏ꧀ꦑꦟꦺ ꦤꦶꦫꦺꦴꦣꦱꦩꦴꦥꦤ꧀ꦤꦴꦤꦁ ꦄꦱꦚ꧀ꦚꦱꦠ꧀ꦠꦴꦤꦁ ꦠꦺꦱꦁ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦶꦱ꧀ꦱꦠꦶ, ꦤꦺꦴ ꦕ ꦠꦺꦱꦁ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦠꦶ. ꦕꦶꦠ꧀ꦠꦱ꧀ꦱ ꦈꦥ꧀ꦥꦴꦢꦏ꧀ꦑꦟꦺ ꦠꦺꦱꦁ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦶꦱ꧀ꦱꦠꦶ ꦕꦺꦮ ꦈꦥ꧀ꦥꦗ꧀ꦗꦠꦶ ꦕ.

(ꦏ) ꦪꦱ꧀ꦱ ꦕꦶꦠ꧀ꦠꦁ ꦤ ꦈꦥ꧀ꦥꦗ꧀ꦗꦠꦶ ꦠꦱ꧀ꦱ ꦕꦶꦠ꧀ꦠꦁ ꦤ ꦈꦥ꧀ꦥꦗ꧀ꦗꦶꦱ꧀ꦱꦠꦷꦠꦶ?

ꦕꦶꦠ꧀ꦠꦱ꧀ꦱ ꦨꦔ꧀ꦒꦏ꧀ꦑꦟꦺ ꦤꦶꦫꦺꦴꦣꦱꦩꦴꦥꦤ꧀ꦤꦴꦤꦁ ꦄꦱꦚ꧀ꦚꦱꦠ꧀ꦠꦴꦤꦁ ꦠꦺꦱꦁ ꦕꦶꦠ꧀ꦠꦁ ꦤ ꦈꦥ꧀ꦥꦗ꧀ꦗꦠꦶ, ꦤꦺꦴ ꦕ ꦠꦺꦱꦁ ꦕꦶꦠ꧀ꦠꦁ ꦤ ꦈꦥ꧀ꦥꦗ꧀ꦗꦶꦱ꧀ꦱꦠꦶ. ꦥꦕ꧀ꦖꦶꦩꦕꦶꦠ꧀ꦠꦱ꧀ꦱ ꦨꦔ꧀ꦒꦏ꧀ꦑꦟꦺ ꦠꦺꦱꦁ ꦕꦶꦠ꧀ꦠꦁ ꦤ ꦕꦺꦮ ꦈꦥ꧀ꦥꦗ꧀ꦗꦠꦶ ꦤ ꦕ ꦈꦥ꧀ꦥꦗ꧀ꦗꦶꦱ꧀ꦱꦠꦶ.

(ꦑ) ꦪꦱ꧀ꦱ ꦮꦴ ꦥꦤ ꦕꦶꦠ꧀ꦠꦁ ꦤ ꦈꦥ꧀ꦥꦗ꧀ꦗꦶꦱ꧀ꦱꦠꦶ ꦠꦱ꧀ꦱ ꦕꦶꦠ꧀ꦠꦁ ꦤ ꦈꦥ꧀ꦥꦗ꧀ꦗꦠꦷꦠꦶ?

ꦥꦕ꧀ꦖꦶꦩꦕꦶꦠ꧀ꦠꦱ꧀ꦱ ꦈꦥ꧀ꦥꦴꦢꦏ꧀ꦑꦟꦺ ꦠꦺꦱꦁ ꦕꦶꦠ꧀ꦠꦁ ꦤ ꦈꦥ꧀ꦥꦗ꧀ꦗꦶꦱ꧀ꦱꦠꦶ, ꦤꦺꦴ ꦕ ꦠꦺꦱꦁ ꦕꦶꦠ꧀ꦠꦁ ꦤ ꦈꦥ꧀ꦥꦗ꧀ꦗꦠꦶ. ꦥꦕ꧀ꦖꦶꦩꦕꦶꦠ꧀ꦠꦱ꧀ꦱ ꦨꦔ꧀ꦒꦏ꧀ꦑꦟꦺ ꦠꦺꦱꦁ ꦕꦶꦠ꧀ꦠꦁ ꦤ ꦕꦺꦮ ꦈꦥ꧀ꦥꦗ꧀ꦗꦶꦱ꧀ꦱꦠꦶ ꦤ ꦕ ꦈꦥ꧀ꦥꦗ꧀ꦗꦠꦶ.

꧖꧘. (ꦏ) ꦪꦱ꧀ꦱ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦶꦠ꧀ꦡ ꦠꦱ꧀ꦱ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦶꦱ꧀ꦱꦠꦷꦠꦶ?

ꦥꦕ꧀ꦖꦶꦩꦕꦶꦠ꧀ꦠꦱꦩꦔ꧀ꦒꦷꦤꦁ ꦠꦺꦱꦁ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦶꦠ꧀ꦡ, ꦤꦺꦴ ꦕ ꦠꦺꦱꦁ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦶꦱ꧀ꦱꦠꦶ. ꦆꦠꦫꦺꦱꦁ ꦠꦺꦱꦁ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦶꦠ꧀ꦡ ꦕꦺꦮ ꦈꦥ꧀ꦥꦗ꧀ꦗꦶꦱ꧀ꦱꦠꦶ ꦕ.

(ꦑ) ꦪꦱ꧀ꦱ ꦮꦴ ꦥꦤ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦶꦱ꧀ꦱꦠꦶ ꦠꦱ꧀ꦱ ꦕꦶꦠ꧀ꦠꦁ ꦈꦥ꧀ꦥꦗ꧀ꦗꦶꦠ꧀ꦡꦴꦠꦶ? ꦄꦴꦩꦤ꧀ꦠꦴ.

(ꦏ) ꦪꦱ꧀ꦱ ꦕꦶꦠ꧀ꦠꦁ ꦤ ꦈꦥ꧀ꦥꦗ꧀ꦗꦶꦠ꧀ꦡ ꦠꦱ꧀ꦱ ꦕꦶꦠ꧀ꦠꦁ ꦤ ꦈꦥ꧀ꦥꦗ꧀ꦗꦶꦱ꧀ꦱꦠꦷꦠꦶ? ꦤꦠ꧀ꦡꦶ.

(ꦑ) ꦪꦱ꧀ꦱ ꦮꦴ ꦥꦤ ꦕꦶꦠ꧀ꦠꦁ ꦤ ꦈꦥ꧀ꦥꦗ꧀ꦗꦶꦱ꧀ꦱꦠꦶ ꦠꦱ꧀ꦱ ꦕꦶꦠ꧀ꦠꦁ ꦤ ꦈꦥ꧀ꦥꦗ꧀ꦗꦶꦠ꧀ꦡꦴꦠꦶ? ꦈꦥ꧀ꦥꦗ꧀ꦗꦶꦠ꧀ꦡ.