(꧖) ꦄꦠꦷꦠꦴꦤꦴꦒꦠꦮꦴꦫꦺꦴ

(ꦏ) ꦄꦤꦸꦭꦺꦴꦩꦥꦸꦒ꧀ꦒꦭꦺꦴ

꧑꧙꧖. (ꦏ) ꦪꦱ꧀ꦱ ꦫꦹꦥꦏ꧀ꦑꦤ꧀ꦣꦺꦴ ꦈꦥ꧀ꦥꦗ꧀ꦗꦶꦠ꧀ꦡ ꦠꦱ꧀ꦱ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤꦶꦫꦸꦗ꧀ꦙꦶꦱ꧀ꦱꦠꦷꦠꦶ?

ꦥꦫꦶꦤꦶꦧ꧀ꦧꦤ꧀ꦠꦴꦤꦁ ꦠꦺꦱꦁ ꦫꦹꦥꦏ꧀ꦑꦤ꧀ꦣꦺꦴ ꦈꦥ꧀ꦥꦗ꧀ꦗꦶꦠ꧀ꦡ, ꦤꦺꦴ ꦕ ꦠꦺꦱꦁ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤꦶꦫꦸꦗ꧀ꦙꦶꦱ꧀ꦱꦠꦶ. ꦆꦠꦫꦺꦱꦁ ꦠꦺꦱꦁ ꦫꦹꦥꦏ꧀ꦑꦤ꧀ꦣꦺꦴ ꦕ ꦈꦥ꧀ꦥꦗ꧀ꦗꦶꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦕ ꦤꦶꦫꦸꦗ꧀ꦙꦶꦱ꧀ꦱꦠꦶ.

(ꦑ) ꦪꦱ꧀ꦱ ꦮꦴ ꦥꦤ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤꦶꦫꦸꦗ꧀ꦙꦶꦱ꧀ꦱꦠꦶ ꦠꦱ꧀ꦱ ꦫꦹꦥꦏ꧀ꦑꦤ꧀ꦣꦺꦴ ꦈꦥ꧀ꦥꦗ꧀ꦗꦶꦠ꧀ꦡꦴꦠꦶ? ꦄꦴꦩꦤ꧀ꦠꦴ.

꧑꧙꧗. (ꦏ) ꦪꦱ꧀ꦱ ꦮꦺꦢꦤꦴꦏ꧀ꦑꦤ꧀ꦣꦺꦴ ꦈꦥ꧀ꦥꦗ꧀ꦗꦶꦠ꧀ꦡ ꦠꦱ꧀ꦱ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦤꦶꦫꦸꦗ꧀ꦙꦶꦱ꧀ꦱꦠꦷꦠꦶ?

ꦥꦫꦶꦤꦶꦧ꧀ꦧꦤ꧀ꦠꦴꦤꦁ ꦠꦺꦱꦁ ꦮꦺꦢꦤꦴꦏ꧀ꦑꦤ꧀ꦣꦺꦴ ꦈꦥ꧀ꦥꦗ꧀ꦗꦶꦠ꧀ꦡ, ꦤꦺꦴ ꦕ ꦠꦺꦱꦁ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦤꦶꦫꦸꦗ꧀ꦙꦶꦱ꧀ꦱꦠꦶ. ꦆꦠꦫꦺꦱꦁ ꦠꦺꦱꦁ ꦮꦺꦢꦤꦴꦏ꧀ꦑꦤ꧀ꦣꦺꦴ ꦕ ꦈꦥ꧀ꦥꦗ꧀ꦗꦶꦠ꧀ꦡ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦕ ꦤꦶꦫꦸꦗ꧀ꦙꦶꦱ꧀ꦱꦠꦶ.

(ꦑ) ꦪꦱ꧀ꦱ ꦮꦴ ꦥꦤ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦤꦶꦫꦸꦗ꧀ꦙꦶꦱ꧀ꦱꦠꦶ ꦠꦱ꧀ꦱ ꦮꦺꦢꦤꦴꦏ꧀ꦑꦤ꧀ꦣꦺꦴ ꦈꦥ꧀ꦥꦗ꧀ꦗꦶꦠ꧀ꦡꦴꦠꦶ? ꦄꦴꦩꦤ꧀ꦠꦴ.

(ꦑ) ꦄꦤꦸꦭꦺꦴꦩꦎꦏꦴꦱꦺꦴ

꧑꧙꧘. ꦪꦠ꧀ꦡ ꦫꦹꦥꦏ꧀ꦑꦤ꧀ꦣꦺꦴ ꦈꦥ꧀ꦥꦗ꧀ꦗꦶꦠ꧀ꦡ…ꦥꦺ….

(ꦒ) ꦄꦤꦸꦭꦺꦴꦩꦥꦸꦒ꧀ꦒꦭꦺꦴꦏꦴꦱꦴ

꧑꧙꧙. (ꦏ) ꦪꦱ꧀ꦱ ꦪꦠ꧀ꦡ ꦫꦹꦥꦏ꧀ꦑꦤ꧀ꦣꦺꦴ ꦈꦥ꧀ꦥꦗ꧀ꦗꦶꦠ꧀ꦡ ꦠꦱ꧀ꦱ ꦠꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤꦶꦫꦸꦗ꧀ꦙꦶꦱ꧀ꦱꦠꦷꦠꦶ?

ꦥꦚ꧀ꦕꦮꦺꦴꦏꦴꦫꦺ ꦥꦫꦶꦤꦶꦧ꧀ꦧꦤ꧀ꦠꦴꦤꦁ ꦄꦱꦚ꧀ꦚꦱꦠ꧀ꦠꦴꦤꦁ ꦠꦺꦱꦁ ꦠꦠ꧀ꦡ ꦫꦹꦥꦏ꧀ꦑꦤ꧀ꦣꦺꦴ ꦈꦥ꧀ꦥꦗ꧀ꦗꦶꦠ꧀ꦡ, ꦤꦺꦴ ꦕ ꦠꦺꦱꦁ ꦠꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤꦶꦫꦸꦗ꧀ꦙꦶꦱ꧀ꦱꦠꦶ. ꦆꦠꦫꦺꦱꦁ ꦥꦚ꧀ꦕꦮꦺꦴꦏꦴꦫꦴꦤꦁ ꦠꦺꦱꦁ ꦠꦠ꧀ꦡ ꦫꦹꦥꦏ꧀ꦑꦤ꧀ꦣꦺꦴ ꦕ ꦈꦥ꧀ꦥꦗ꧀ꦗꦶꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦕ ꦤꦶꦫꦸꦗ꧀ꦙꦶꦱ꧀ꦱꦠꦶ.

(ꦑ) ꦪꦱ꧀ꦱ ꦮꦴ ꦥꦤ ꦪꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤꦶꦫꦸꦗ꧀ꦙꦶꦱ꧀ꦱꦠꦶ ꦠꦱ꧀ꦱ ꦠꦠ꧀ꦡ ꦫꦹꦥꦏ꧀ꦑꦤ꧀ꦣꦺꦴ ꦈꦥ꧀ꦥꦗ꧀ꦗꦶꦠ꧀ꦡꦴꦠꦶ?

ꦱꦸꦢ꧀ꦣꦴꦮꦴꦱꦁ ꦈꦥꦥꦗ꧀ꦗꦤ꧀ꦠꦴꦤꦁ ꦄꦫꦹꦥꦴꦤꦁ ꦠꦺꦱꦁ ꦠꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤꦶꦫꦸꦗ꧀ꦙꦶꦱ꧀ꦱꦠꦶ, ꦤꦺꦴ ꦕ ꦠꦺꦱꦁ ꦠꦠ꧀ꦡ ꦫꦹꦥꦏ꧀ꦑꦤ꧀ꦣꦺꦴ ꦈꦥ꧀ꦥꦗ꧀ꦗꦶꦠ꧀ꦡ. ꦆꦠꦫꦺꦱꦁ ꦥꦚ꧀ꦕꦮꦺꦴꦏꦴꦫꦴꦤꦁ ꦠꦺꦱꦁ ꦠꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦕ ꦤꦶꦫꦸꦗ꧀ꦙꦶꦱ꧀ꦱꦠꦶ ꦫꦹꦥꦏ꧀ꦑꦤ꧀ꦣꦺꦴ ꦕ ꦈꦥ꧀ꦥꦗ꧀ꦗꦶꦠ꧀ꦡ.

꧒꧐꧐. (ꦏ) ꦪꦱ꧀ꦱ ꦪꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦈꦥ꧀ꦥꦗ꧀ꦗꦶꦠ꧀ꦡ ꦠꦱ꧀ꦱ ꦠꦠ꧀ꦡ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦤꦶꦫꦸꦗ꧀ꦙꦶꦱ꧀ꦱꦠꦷꦠꦶ?

ꦥꦫꦶꦤꦶꦧ꧀ꦧꦤ꧀ꦠꦴꦤꦁ ꦠꦺꦱꦁ ꦠꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦈꦥ꧀ꦥꦗ꧀ꦗꦶꦠ꧀ꦡ, ꦤꦺꦴ ꦕ ꦠꦺꦱꦁ ꦠꦠ꧀ꦡ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦤꦶꦫꦸꦗ꧀ꦙꦶꦱ꧀ꦱꦠꦶ. ꦆꦠꦫꦺꦱꦁ ꦕꦠꦸꦮꦺꦴꦏꦴꦫꦴꦤꦁ ꦥꦚ꧀ꦕꦮꦺꦴꦏꦴꦫꦴꦤꦁ ꦠꦺꦱꦁ ꦠꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦕ ꦈꦥ꧀ꦥꦗ꧀ꦗꦶꦠ꧀ꦡ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦕ ꦤꦶꦫꦸꦗ꧀ꦙꦶꦱ꧀ꦱꦠꦶ.

(ꦑ) ꦪꦱ꧀ꦱ ꦮꦴ ꦥꦤ ꦪꦠ꧀ꦡ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦤꦶꦫꦸꦗ꧀ꦙꦶꦱ꧀ꦱꦠꦶ ꦠꦱ꧀ꦱ ꦠꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦈꦥ꧀ꦥꦗ꧀ꦗꦶꦠ꧀ꦡꦴꦠꦶ?

ꦱꦸꦢ꧀ꦣꦴꦮꦴꦱꦁ ꦈꦥꦥꦗ꧀ꦗꦤ꧀ꦠꦴꦤꦁ ꦠꦺꦱꦁ ꦠꦠ꧀ꦡ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦤꦶꦫꦸꦗ꧀ꦙꦶꦱ꧀ꦱꦠꦶ, ꦤꦺꦴ ꦕ ꦠꦺꦱꦁ ꦠꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦈꦥ꧀ꦥꦗ꧀ꦗꦶꦠ꧀ꦡ. ꦆꦠꦫꦺꦱꦁ ꦕꦠꦸꦮꦺꦴꦏꦴꦫꦴꦤꦁ ꦥꦚ꧀ꦕꦮꦺꦴꦏꦴꦫꦴꦤꦁ ꦠꦺꦱꦁ ꦠꦠ꧀ꦡ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦕ ꦤꦶꦫꦸꦗ꧀ꦙꦶꦱ꧀ꦱꦠꦶ ꦮꦺꦢꦤꦴꦏ꧀ꦑꦤ꧀ꦣꦺꦴ ꦕ ꦈꦥ꧀ꦥꦗ꧀ꦗꦶꦠ꧀ꦡ.

(ꦓ) ꦥꦕ꧀ꦕꦤꦷꦏꦥꦸꦒ꧀ꦒꦭꦺꦴ

꧒꧐꧑. (ꦏ) ꦪꦱ꧀ꦱ ꦫꦹꦥꦏ꧀ꦑꦤ꧀ꦣꦺꦴ ꦤꦸꦥ꧀ꦥꦗ꧀ꦗꦶꦠ꧀ꦡ ꦠꦱ꧀ꦱ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤ ꦤꦶꦫꦸꦗ꧀ꦙꦶꦱ꧀ꦱꦠꦷꦠꦶ? ꦤꦠ꧀ꦡꦶ.

(ꦑ) ꦪꦱ꧀ꦱ ꦮꦴ ꦥꦤ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤ ꦤꦶꦫꦸꦗ꧀ꦙꦶꦱ꧀ꦱꦠꦶ ꦠꦱ꧀ꦱ ꦫꦹꦥꦏ꧀ꦑꦤ꧀ꦣꦺꦴ ꦤꦸꦥ꧀ꦥꦗ꧀ꦗꦶꦠ꧀ꦡꦴꦠꦶ? ꦈꦥ꧀ꦥꦗ꧀ꦗꦶꦠ꧀ꦡ.

꧒꧐꧒. (ꦏ) ꦪꦱ꧀ꦱ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤꦸꦥ꧀ꦥꦗ꧀ꦗꦶꦠ꧀ꦡ ꦠꦱ꧀ꦱ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦤ ꦤꦶꦫꦸꦗ꧀ꦙꦶꦱ꧀ꦱꦠꦷꦠꦶ? ꦤꦠ꧀ꦡꦶ.

(ꦑ) ꦪꦱ꧀ꦱ ꦮꦴ ꦥꦤ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦤ ꦤꦶꦫꦸꦗ꧀ꦙꦶꦱ꧀ꦱꦠꦶ ꦠꦱ꧀ꦱ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤꦸꦥ꧀ꦥꦗ꧀ꦗꦶꦠ꧀ꦡꦴꦠꦶ? ꦈꦥ꧀ꦥꦗ꧀ꦗꦶꦠ꧀ꦡ.

(ꦔ) ꦥꦕ꧀ꦕꦤꦷꦏꦎꦏꦴꦱꦺꦴ

꧒꧐꧓. ꦪꦠ꧀ꦡ ꦫꦹꦥꦏ꧀ꦑꦤ꧀ꦣꦺꦴ ꦤꦸꦥ꧀ꦥꦗ꧀ꦗꦶꦠ꧀ꦡ…ꦥꦺ….

(ꦕ) ꦥꦕ꧀ꦕꦤꦷꦏꦥꦸꦒ꧀ꦒꦭꦺꦴꦏꦴꦱꦴ

꧒꧐꧔. (ꦏ) ꦪꦱ꧀ꦱ ꦪꦠ꧀ꦡ ꦫꦹꦥꦏ꧀ꦑꦤ꧀ꦣꦺꦴ ꦤꦸꦥ꧀ꦥꦗ꧀ꦗꦶꦠ꧀ꦡ ꦠꦱ꧀ꦱ ꦠꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤ ꦤꦶꦫꦸꦗ꧀ꦙꦶꦱ꧀ꦱꦠꦷꦠꦶ?

ꦱꦸꦢ꧀ꦣꦴꦮꦴꦱꦁ ꦈꦥꦥꦗ꧀ꦗꦤ꧀ꦠꦴꦤꦁ ꦄꦫꦹꦥꦴꦤꦁ ꦠꦺꦱꦁ ꦠꦠ꧀ꦡ ꦫꦹꦥꦏ꧀ꦑꦤ꧀ꦣꦺꦴ ꦤꦸꦥ꧀ꦥꦗ꧀ꦗꦶꦠ꧀ꦡ, ꦤꦺꦴ ꦕ ꦠꦺꦱꦁ ꦠꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤ ꦤꦶꦫꦸꦗ꧀ꦙꦶꦱ꧀ꦱꦠꦶ. ꦱꦸꦢ꧀ꦣꦴꦮꦴꦱꦺ ꦥꦫꦶꦤꦶꦧ꧀ꦧꦤ꧀ꦠꦴꦤꦁ ꦄꦫꦹꦥꦺ ꦥꦫꦶꦤꦶꦧ꧀ꦧꦤ꧀ꦠꦴꦤꦁ ꦠꦺꦱꦁ ꦠꦠ꧀ꦡ ꦫꦹꦥꦏ꧀ꦑꦤ꧀ꦣꦺꦴ ꦕ ꦤꦸꦥ꧀ꦥꦗ꧀ꦗꦶꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦕ ꦤ ꦤꦶꦫꦸꦗ꧀ꦙꦶꦱ꧀ꦱꦠꦶ.

(ꦑ) ꦪꦱ꧀ꦱ ꦮꦴ ꦥꦤ ꦪꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤ ꦤꦶꦫꦸꦗ꧀ꦙꦶꦱ꧀ꦱꦠꦶ ꦠꦱ꧀ꦱ ꦠꦠ꧀ꦡ ꦫꦹꦥꦏ꧀ꦑꦤ꧀ꦣꦺꦴ ꦤꦸꦥ꧀ꦥꦗ꧀ꦗꦶꦠ꧀ꦡꦴꦠꦶ?

ꦥꦚ꧀ꦕꦮꦺꦴꦏꦴꦫꦺ ꦥꦫꦶꦤꦶꦧ꧀ꦧꦤ꧀ꦠꦴꦤꦁ ꦄꦱꦚ꧀ꦚꦱꦠ꧀ꦠꦴꦤꦁ ꦠꦺꦱꦁ ꦠꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤ ꦤꦶꦫꦸꦗ꧀ꦙꦶꦱ꧀ꦱꦠꦶ, ꦤꦺꦴ ꦕ ꦠꦺꦱꦁ ꦠꦠ꧀ꦡ ꦫꦹꦥꦏ꧀ꦑꦤ꧀ꦣꦺꦴ ꦤꦸꦥ꧀ꦥꦗ꧀ꦗꦶꦠ꧀ꦡ. ꦱꦸꦢ꧀ꦣꦴꦮꦴꦱꦺ ꦥꦫꦶꦤꦶꦧ꧀ꦧꦤ꧀ꦠꦴꦤꦁ ꦄꦫꦹꦥꦺ ꦥꦫꦶꦤꦶꦧ꧀ꦧꦤ꧀ꦠꦴꦤꦁ ꦠꦺꦱꦁ ꦠꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦕ ꦤ ꦤꦶꦫꦸꦗ꧀ꦙꦶꦱ꧀ꦱꦠꦶ ꦫꦹꦥꦏ꧀ꦑꦤ꧀ꦣꦺꦴ ꦕ ꦤꦸꦥ꧀ꦥꦗ꧀ꦗꦶꦠ꧀ꦡ.

꧒꧐꧕. (ꦏ) ꦪꦱ꧀ꦱ ꦪꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤꦸꦥ꧀ꦥꦗ꧀ꦗꦶꦠ꧀ꦡ ꦠꦱ꧀ꦱ ꦠꦠ꧀ꦡ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦤ ꦤꦶꦫꦸꦗ꧀ꦙꦶꦱ꧀ꦱꦠꦷꦠꦶ?

ꦱꦸꦢ꧀ꦣꦴꦮꦴꦱꦁ ꦈꦥꦥꦗ꧀ꦗꦤ꧀ꦠꦴꦤꦁ ꦠꦺꦱꦁ ꦠꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤꦸꦥ꧀ꦥꦗ꧀ꦗꦶꦠ꧀ꦡ, ꦤꦺꦴ ꦕ ꦠꦺꦱꦁ ꦠꦠ꧀ꦡ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦤ ꦤꦶꦫꦸꦗ꧀ꦙꦶꦱ꧀ꦱꦠꦶ. ꦱꦸꦢ꧀ꦣꦴꦮꦴꦱꦺ ꦥꦫꦶꦤꦶꦧ꧀ꦧꦤ꧀ꦠꦴꦤꦁ ꦄꦱꦚ꧀ꦚꦱꦠ꧀ꦠꦴꦤꦁ ꦠꦺꦱꦁ ꦠꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦕ ꦤꦸꦥ꧀ꦥꦗ꧀ꦗꦶꦠ꧀ꦡ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦕ ꦤ ꦤꦶꦫꦸꦗ꧀ꦙꦶꦱ꧀ꦱꦠꦶ.

(ꦑ) ꦪꦱ꧀ꦱ ꦮꦴ ꦥꦤ ꦪꦠ꧀ꦡ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦤ ꦤꦶꦫꦸꦗ꧀ꦙꦶꦱ꧀ꦱꦠꦶ ꦠꦱ꧀ꦱ ꦠꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤꦸꦥ꧀ꦥꦗ꧀ꦗꦶꦠ꧀ꦡꦴꦠꦶ?

ꦥꦫꦶꦤꦶꦧ꧀ꦧꦤ꧀ꦠꦴꦤꦁ ꦠꦺꦱꦁ ꦠꦠ꧀ꦡ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦤ ꦤꦶꦫꦸꦗ꧀ꦙꦶꦱ꧀ꦱꦠꦶ, ꦤꦺꦴ ꦕ ꦠꦺꦱꦁ ꦠꦠ꧀ꦡ ꦮꦺꦢꦤꦴꦏ꧀ꦑꦤ꧀ꦣꦺꦴ ꦤꦸꦥ꧀ꦥꦗ꧀ꦗꦶꦠ꧀ꦡ. ꦱꦸꦢ꧀ꦣꦴꦮꦴꦱꦺ ꦥꦫꦶꦤꦶꦧ꧀ꦧꦤ꧀ꦠꦴꦤꦁ ꦄꦱꦚ꧀ꦚꦱꦠ꧀ꦠꦴꦤꦁ ꦠꦺꦱꦁ ꦠꦠ꧀ꦡ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦕ ꦤ ꦤꦶꦫꦸꦗ꧀ꦙꦶꦱ꧀ꦱꦠꦶ ꦮꦺꦢꦤꦴꦏ꧀ꦑꦤ꧀ꦣꦺꦴ ꦕ ꦤꦸꦥ꧀ꦥꦗ꧀ꦗꦶꦠ꧀ꦡ.

ꦈꦥ꧀ꦥꦴꦢꦤꦶꦫꦺꦴꦣꦮꦴꦫꦺꦴ.

ꦥꦮꦠ꧀ꦠꦶꦮꦴꦫꦺꦴ ꦤꦶꦛ꧀ꦜꦶꦠꦺꦴ.