꧖. ꦲꦺꦠꦸꦕꦠꦸꦏ꧀ꦏꦁ

꧒꧕꧖. ꦠꦱ꧀ꦩꦶꦁ ꦱꦩꦪꦺ ꦄꦮꦶꦗ꧀ꦗꦴꦥꦕ꧀ꦕꦪꦴ ꦱꦔ꧀ꦑꦴꦫꦺꦴ ꦄꦮꦶꦗ꧀ꦗꦴꦲꦺꦠꦸꦏꦺꦴ, ꦱꦔ꧀ꦑꦴꦫꦥꦕ꧀ꦕꦪꦴ ꦮꦶꦚ꧀ꦚꦴꦟꦁ ꦱꦔ꧀ꦑꦴꦫꦲꦺꦠꦸꦏꦁ, ꦮꦶꦚ꧀ꦚꦴꦟꦥꦕ꧀ꦕꦪꦴ ꦤꦴꦩꦁ ꦮꦶꦚ꧀ꦚꦴꦟꦲꦺꦠꦸꦏꦁ, ꦤꦴꦩꦥꦕ꧀ꦕꦪꦴ ꦖꦛ꧀ꦜꦴꦪꦠꦤꦁ ꦤꦴꦩꦲꦺꦠꦸꦏꦁ, ꦖꦛ꧀ꦜꦴꦪꦠꦤꦥꦕ꧀ꦕꦪꦴ ꦦꦱ꧀ꦱꦺꦴ ꦖꦛ꧀ꦜꦴꦪꦠꦤꦲꦺꦠꦸꦏꦺꦴ, ꦦꦱ꧀ꦱꦥꦕ꧀ꦕꦪꦴ ꦮꦺꦢꦤꦴ ꦦꦱ꧀ꦱꦲꦺꦠꦸꦏꦴ, ꦮꦺꦢꦤꦴꦥꦕ꧀ꦕꦪꦴ ꦠꦟ꧀ꦲꦴ ꦮꦺꦢꦤꦴꦲꦺꦠꦸꦏꦴ, ꦠꦟ꧀ꦲꦴꦥꦕ꧀ꦕꦪꦴ ꦈꦥꦴꦢꦴꦤꦁ ꦠꦟ꧀ꦲꦴꦲꦺꦠꦸꦏꦁ; ꦈꦥꦴꦢꦴꦤꦥꦕ꧀ꦕꦪꦴ ꦨꦮꦺꦴ, ꦨꦮꦥꦕ꧀ꦕꦪꦴ ꦗꦴꦠꦶ, ꦗꦴꦠꦶꦥꦕ꧀ꦕꦪꦴ ꦗꦫꦴꦩꦫꦟꦁ. ꦌꦮꦩꦺꦠꦱ꧀ꦱ ꦏꦺꦮꦭꦱ꧀ꦱ ꦢꦸꦏ꧀ꦑꦏ꧀ꦑꦤ꧀ꦣꦱ꧀ꦱ ꦱꦩꦸꦢꦪꦺꦴ ꦲꦺꦴꦠꦶ.

꧒꧕꧗. ꦠꦠ꧀ꦡ ꦏꦠꦩꦴ ꦄꦮꦶꦗ꧀ꦗꦴ? ꦪꦁ ꦄꦚ꧀ꦚꦴꦟꦁ ꦄꦢꦱ꧀ꦱꦤꦁ…ꦥꦺ… ꦄꦮꦶꦗ꧀ꦗꦴꦭꦔ꧀ꦒꦷ ꦩꦺꦴꦲꦺꦴ ꦄꦏꦸꦱꦭꦩꦹꦭꦁ – ꦄꦪꦁ ꦮꦸꦕ꧀ꦕꦠꦶ ‘‘ꦄꦮꦶꦗ꧀ꦗꦴ’’.

ꦠꦠ꧀ꦡ ꦏꦠꦩꦺꦴ ꦄꦮꦶꦗ꧀ꦗꦴꦥꦕ꧀ꦕꦪꦴ ꦱꦔ꧀ꦑꦴꦫꦺꦴ ꦄꦮꦶꦗ꧀ꦗꦴꦲꦺꦠꦸꦏꦺꦴ? ꦪꦴ ꦕꦺꦠꦤꦴ ꦱꦚ꧀ꦕꦺꦠꦤꦴ ꦱꦚ꧀ꦕꦺꦠꦪꦶꦠꦠ꧀ꦠꦁ – ꦄꦪꦁ ꦮꦸꦕ꧀ꦕꦠꦶ ‘‘ꦄꦮꦶꦗ꧀ꦗꦴꦥꦕ꧀ꦕꦪꦴ ꦱꦔ꧀ꦑꦴꦫꦺꦴ ꦄꦮꦶꦗ꧀ꦗꦴꦲꦺꦠꦸꦏꦺꦴ’’.

ꦠꦠ꧀ꦡ ꦏꦠꦩꦁ ꦱꦔ꧀ꦑꦴꦫꦥꦕ꧀ꦕꦪꦴ ꦮꦶꦚ꧀ꦚꦴꦟꦁ ꦱꦔ꧀ꦑꦴꦫꦲꦺꦠꦸꦏꦁ? ꦪꦁ ꦕꦶꦠ꧀ꦠꦁ ꦩꦤꦺꦴ ꦩꦴꦤꦱꦁ…ꦥꦺ… ꦠꦗ꧀ꦗꦴꦩꦤꦺꦴꦮꦶꦚ꧀ꦚꦴꦟꦣꦴꦠꦸ – ꦆꦢꦁ ꦮꦸꦕ꧀ꦕꦠꦶ ‘‘ꦱꦔ꧀ꦑꦴꦫꦥꦕ꧀ꦕꦪꦴ ꦮꦶꦚ꧀ꦚꦴꦟꦁ ꦱꦔ꧀ꦑꦴꦫꦲꦺꦠꦸꦏꦁ’’.

ꦠꦠ꧀ꦡ ꦏꦠꦩꦁ ꦮꦶꦚ꧀ꦚꦴꦟꦥꦕ꧀ꦕꦪꦴ ꦤꦴꦩꦁ ꦮꦶꦚ꧀ꦚꦴꦟꦲꦺꦠꦸꦏꦁ? ꦮꦺꦢꦤꦴꦏ꧀ꦑꦤ꧀ꦣꦺꦴ, ꦱꦚ꧀ꦚꦴꦏ꧀ꦑꦤ꧀ꦣꦺꦴ, ꦱꦔ꧀ꦑꦴꦫꦏ꧀ꦑꦤ꧀ꦣꦺꦴ – ꦆꦢꦁ ꦮꦸꦕ꧀ꦕꦠꦶ ‘‘ꦮꦶꦚ꧀ꦚꦴꦟꦥꦕ꧀ꦕꦪꦴ ꦤꦴꦩꦁ ꦮꦶꦚ꧀ꦚꦴꦟꦲꦺꦠꦸꦏꦁ’’.

ꦠꦠ꧀ꦡ ꦏꦠꦩꦁ ꦤꦴꦩꦥꦕ꧀ꦕꦪꦴ ꦖꦛ꧀ꦜꦴꦪꦠꦤꦁ ꦤꦴꦩꦲꦺꦠꦸꦏꦁ? ꦪꦁ ꦕꦶꦠ꧀ꦠꦁ ꦩꦤꦺꦴ ꦩꦴꦤꦱꦁ…ꦥꦺ… ꦠꦗ꧀ꦗꦴꦩꦤꦺꦴꦮꦶꦚ꧀ꦚꦴꦟꦣꦴꦠꦸ – ꦆꦢꦁ ꦮꦸꦕ꧀ꦕꦠꦶ ‘‘ꦤꦴꦩꦥꦕ꧀ꦕꦪꦴ ꦖꦛ꧀ꦜꦴꦪꦠꦤꦁ ꦤꦴꦩꦲꦺꦠꦸꦏꦁ’’.

ꦠꦠ꧀ꦡ ꦏꦠꦩꦺꦴ ꦖꦛ꧀ꦜꦴꦪꦠꦤꦥꦕ꧀ꦕꦪꦴ ꦦꦱ꧀ꦱꦺꦴ ꦖꦛ꧀ꦜꦴꦪꦠꦤꦲꦺꦠꦸꦏꦺꦴ? ꦪꦺꦴ ꦦꦱ꧀ꦱꦺꦴ ꦦꦸꦱꦤꦴ ꦱꦩ꧀ꦦꦸꦱꦤꦴ ꦱꦩ꧀ꦦꦸꦱꦶꦠꦠ꧀ꦠꦁ – ꦄꦪꦁ ꦮꦸꦕ꧀ꦕꦠꦶ ‘‘ꦖꦛ꧀ꦜꦴꦪꦠꦤꦥꦕ꧀ꦕꦪꦴ ꦦꦱ꧀ꦱꦺꦴ ꦖꦛ꧀ꦜꦴꦪꦠꦤꦲꦺꦠꦸꦏꦺꦴ’’.

ꦠꦠ꧀ꦡ ꦏꦠꦩꦴ ꦦꦱ꧀ꦱꦥꦕ꧀ꦕꦪꦴ ꦮꦺꦢꦤꦴ ꦦꦱ꧀ꦱꦲꦺꦠꦸꦏꦴ? ꦪꦁ ꦕꦺꦠꦱꦶꦏꦁ ꦱꦴꦠꦁ ꦕꦺꦠꦱꦶꦏꦁ ꦱꦸꦑꦁ ꦕꦺꦠꦺꦴꦱꦩ꧀ꦦꦱ꧀ꦱꦗꦁ ꦱꦴꦠꦁ ꦱꦸꦑꦁ ꦮꦺꦢꦪꦶꦠꦁ ꦕꦺꦠꦺꦴꦱꦩ꧀ꦦꦱ꧀ꦱꦗꦴ ꦱꦴꦠꦴ ꦱꦸꦑꦴ ꦮꦺꦢꦤꦴ – ꦄꦪꦁ ꦮꦸꦕ꧀ꦕꦠꦶ ‘‘ꦦꦱ꧀ꦱꦥꦕ꧀ꦕꦪꦴ ꦮꦺꦢꦤꦴ ꦦꦱ꧀ꦱꦲꦺꦠꦸꦏꦴ’’.

ꦠꦠ꧀ꦡ ꦏꦠꦩꦴ ꦮꦺꦢꦤꦴꦥꦕ꧀ꦕꦪꦴ ꦠꦟ꧀ꦲꦴ ꦮꦺꦢꦤꦴꦲꦺꦠꦸꦏꦴ? ꦪꦺꦴ ꦫꦴꦒꦺꦴ ꦱꦴꦫꦴꦒꦺꦴ…ꦥꦺ… ꦕꦶꦠ꧀ꦠꦱ꧀ꦱ ꦱꦴꦫꦴꦒꦺꦴ – ꦄꦪꦁ ꦮꦸꦕ꧀ꦕꦠꦶ ‘‘ꦮꦺꦢꦤꦴꦥꦕ꧀ꦕꦪꦴ ꦠꦟ꧀ꦲꦴ ꦮꦺꦢꦤꦴꦲꦺꦠꦸꦏꦴ’’.

ꦠꦠ꧀ꦡ ꦏꦠꦩꦁ ꦠꦟ꧀ꦲꦴꦥꦕ꧀ꦕꦪꦴ ꦈꦥꦴꦢꦴꦤꦁ ꦠꦟ꧀ꦲꦴꦲꦺꦠꦸꦏꦁ? ꦪꦴ ꦢꦶꦛ꧀ꦜꦶ ꦢꦶꦛ꧀ꦜꦶꦒꦠꦁ…ꦥꦺ… ꦠꦶꦠ꧀ꦡꦴꦪꦠꦤꦁ ꦮꦶꦥꦫꦶꦪꦴꦱꦒ꧀ꦒꦴꦲꦺꦴ – ꦆꦢꦁ ꦮꦸꦕ꧀ꦕꦠꦶ ‘‘ꦠꦟ꧀ꦲꦴꦥꦕ꧀ꦕꦪꦴ ꦈꦥꦴꦢꦴꦤꦁ ꦠꦟ꧀ꦲꦴꦲꦺꦠꦸꦏꦁ’’…ꦥꦺ… ꦠꦺꦤ ꦮꦸꦕ꧀ꦕꦠꦶ ‘‘ꦌꦮꦩꦺꦠꦱ꧀ꦱ ꦏꦺꦮꦭꦱ꧀ꦱ ꦢꦸꦏ꧀ꦑꦏ꧀ꦑꦤ꧀ꦣꦱ꧀ꦱ ꦱꦩꦸꦢꦪꦺꦴ ꦲꦺꦴꦠꦶ’’ꦠꦶ.

꧒꧕꧘. ꦠꦱ꧀ꦩꦶꦁ ꦱꦩꦪꦺ ꦄꦮꦶꦗ꧀ꦗꦴꦥꦕ꧀ꦕꦪꦴ ꦱꦔ꧀ꦑꦴꦫꦺꦴ ꦄꦮꦶꦗ꧀ꦗꦴꦲꦺꦠꦸꦏꦺꦴ, ꦱꦔ꧀ꦑꦴꦫꦥꦕ꧀ꦕꦪꦴ ꦮꦶꦚ꧀ꦚꦴꦟꦁ ꦱꦔ꧀ꦑꦴꦫꦲꦺꦠꦸꦏꦁ, ꦮꦶꦚ꧀ꦚꦴꦟꦥꦕ꧀ꦕꦪꦴ ꦤꦴꦩꦁ ꦮꦶꦚ꧀ꦚꦴꦟꦲꦺꦠꦸꦏꦁ, ꦤꦴꦩꦥꦕ꧀ꦕꦪꦴ ꦦꦱ꧀ꦱꦺꦴ ꦤꦴꦩꦲꦺꦠꦸꦏꦺꦴ, ꦦꦱ꧀ꦱꦥꦕ꧀ꦕꦪꦴ ꦮꦺꦢꦤꦴ ꦦꦱ꧀ꦱꦲꦺꦠꦸꦏꦴ, ꦮꦺꦢꦤꦴꦥꦕ꧀ꦕꦪꦴ ꦠꦟ꧀ꦲꦴ ꦮꦺꦢꦤꦴꦲꦺꦠꦸꦏꦴ, ꦠꦟ꧀ꦲꦴꦥꦕ꧀ꦕꦪꦴ ꦈꦥꦴꦢꦴꦤꦁ ꦠꦟ꧀ꦲꦴꦲꦺꦠꦸꦏꦁ; ꦈꦥꦴꦢꦴꦤꦥꦕ꧀ꦕꦪꦴ ꦨꦮꦺꦴ, ꦨꦮꦥꦕ꧀ꦕꦪꦴ ꦗꦴꦠꦶ, ꦗꦴꦠꦶꦥꦕ꧀ꦕꦪꦴ ꦗꦫꦴꦩꦫꦟꦁ. ꦌꦮꦩꦺꦠꦱ꧀ꦱ ꦏꦺꦮꦭꦱ꧀ꦱ ꦢꦸꦏ꧀ꦑꦏ꧀ꦑꦤ꧀ꦣꦱ꧀ꦱ ꦱꦩꦸꦢꦪꦺꦴ ꦲꦺꦴꦠꦶ.

꧒꧕꧙. ꦠꦠ꧀ꦡ ꦏꦠꦩꦴ ꦄꦮꦶꦗ꧀ꦗꦴ? ꦪꦁ ꦄꦚ꧀ꦚꦴꦟꦁ ꦄꦢꦱ꧀ꦱꦤꦁ…ꦥꦺ… ꦄꦮꦶꦗ꧀ꦗꦴꦭꦔ꧀ꦒꦷ ꦩꦺꦴꦲꦺꦴ ꦄꦏꦸꦱꦭꦩꦹꦭꦁ – ꦄꦪꦁ ꦮꦸꦕ꧀ꦕꦠꦶ ‘‘ꦄꦮꦶꦗ꧀ꦗꦴ’’.

ꦠꦠ꧀ꦡ ꦏꦠꦩꦁ ꦱꦔ꧀ꦑꦴꦫꦥꦕ꧀ꦕꦪꦴ ꦮꦶꦚ꧀ꦚꦴꦟꦁ ꦱꦔ꧀ꦑꦴꦫꦲꦺꦠꦸꦏꦁ? ꦪꦁ ꦕꦶꦠ꧀ꦠꦁ ꦩꦤꦺꦴ ꦩꦴꦤꦱꦁ…ꦥꦺ… ꦠꦗ꧀ꦗꦴꦩꦤꦺꦴꦮꦶꦚ꧀ꦚꦴꦟꦣꦴꦠꦸ – ꦆꦢꦁ ꦮꦸꦕ꧀ꦕꦠꦶ ꦱꦔ꧀ꦑꦴꦫꦥꦕ꧀ꦕꦪꦴ ꦮꦶꦚ꧀ꦚꦴꦟꦁ ꦱꦔ꧀ꦑꦴꦫꦲꦺꦠꦸꦏꦁ.

ꦤꦴꦩꦥꦕ꧀ꦕꦪꦴ ꦦꦱ꧀ꦱꦺꦴ ꦤꦴꦩꦲꦺꦠꦸꦏꦺꦴꦠꦶ. ꦠꦠ꧀ꦡ ꦏꦠꦩꦁ ꦤꦴꦩꦁ? ꦜꦥꦺꦠ꧀ꦮꦴ ꦦꦱ꧀ꦱꦁ, ꦮꦺꦢꦤꦴꦏ꧀ꦑꦤ꧀ꦣꦺꦴ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦱꦔ꧀ꦑꦴꦫꦏ꧀ꦑꦤ꧀ꦣꦺꦴ ꦮꦶꦚ꧀ꦚꦴꦟꦏ꧀ꦑꦤ꧀ꦣꦺꦴ – ꦆꦢꦁ ꦮꦸꦕ꧀ꦕꦠꦶ ‘‘ꦤꦴꦩꦁ’’.

ꦠꦠ꧀ꦡ ꦏꦠꦩꦺꦴ ꦤꦴꦩꦥꦕ꧀ꦕꦪꦴ ꦦꦱ꧀ꦱꦺꦴ ꦤꦴꦩꦲꦺꦠꦸꦏꦺꦴ? ꦪꦺꦴ ꦦꦱ꧀ꦱꦺꦴ ꦦꦸꦱꦤꦴ ꦱꦩ꧀ꦦꦸꦱꦤꦴ ꦱꦩ꧀ꦦꦸꦱꦶꦠꦠ꧀ꦠꦁ – ꦄꦪꦁ ꦮꦸꦕ꧀ꦕꦠꦶ ‘‘ꦤꦴꦩꦥꦕ꧀ꦕꦪꦴ ꦦꦱ꧀ꦱꦺꦴ ꦤꦴꦩꦲꦺꦠꦸꦏꦺꦴ’’…ꦥꦺ… ꦠꦺꦤ ꦮꦸꦕ꧀ꦕꦠꦶ ‘‘ꦌꦮꦩꦺꦠꦱ꧀ꦱ ꦏꦺꦮꦭꦱ꧀ꦱ ꦢꦸꦏ꧀ꦑꦏ꧀ꦑꦤ꧀ꦣꦱ꧀ꦱ ꦱꦩꦸꦢꦪꦺꦴ ꦲꦺꦴꦠꦷ’’ꦠꦶ.

꧒꧖꧐. ꦠꦱ꧀ꦩꦶꦁ ꦱꦩꦪꦺ ꦄꦮꦶꦗ꧀ꦗꦴꦥꦕ꧀ꦕꦪꦴ ꦱꦔ꧀ꦑꦴꦫꦺꦴ ꦄꦮꦶꦗ꧀ꦗꦴꦲꦺꦠꦸꦏꦺꦴ, ꦱꦔ꧀ꦑꦴꦫꦥꦕ꧀ꦕꦪꦴ ꦮꦶꦚ꧀ꦚꦴꦟꦁ ꦱꦔ꧀ꦑꦴꦫꦲꦺꦠꦸꦏꦁ, ꦮꦶꦚ꧀ꦚꦴꦟꦥꦕ꧀ꦕꦪꦴ ꦤꦴꦩꦫꦹꦥꦁ ꦮꦶꦚ꧀ꦚꦴꦟꦲꦺꦠꦸꦏꦁ, ꦤꦴꦩꦫꦹꦥꦥꦕ꧀ꦕꦪꦴ ꦖꦛ꧀ꦜꦴꦪꦠꦤꦁ ꦤꦴꦩꦫꦹꦥꦲꦺꦠꦸꦏꦁ, ꦖꦛ꧀ꦜꦴꦪꦠꦤꦥꦕ꧀ꦕꦪꦴ ꦦꦱ꧀ꦱꦺꦴ ꦖꦛ꧀ꦜꦴꦪꦠꦤꦲꦺꦠꦸꦏꦺꦴ, ꦦꦱ꧀ꦱꦥꦕ꧀ꦕꦪꦴ ꦮꦺꦢꦤꦴ ꦦꦱ꧀ꦱꦲꦺꦠꦸꦏꦴ, ꦮꦺꦢꦤꦴꦥꦕ꧀ꦕꦪꦴ ꦠꦟ꧀ꦲꦴ ꦮꦺꦢꦤꦴꦲꦺꦠꦸꦏꦴ, ꦠꦟ꧀ꦲꦴꦥꦕ꧀ꦕꦪꦴ ꦈꦥꦴꦢꦴꦤꦁ ꦠꦟ꧀ꦲꦴꦲꦺꦠꦸꦏꦁ; ꦈꦥꦴꦢꦴꦤꦥꦕ꧀ꦕꦪꦴ ꦨꦮꦺꦴ, ꦨꦮꦥꦕ꧀ꦕꦪꦴ ꦗꦴꦠꦶ, ꦗꦴꦠꦶꦥꦕ꧀ꦕꦪꦴ ꦗꦫꦴꦩꦫꦟꦁ. ꦌꦮꦩꦺꦠꦱ꧀ꦱ ꦏꦺꦮꦭꦱ꧀ꦱ ꦢꦸꦏ꧀ꦑꦏ꧀ꦑꦤ꧀ꦣꦱ꧀ꦱ ꦱꦩꦸꦢꦪꦺꦴ ꦲꦺꦴꦠꦶ.

꧒꧖꧑. ꦠꦠ꧀ꦡ ꦏꦠꦩꦴ ꦄꦮꦶꦗ꧀ꦗꦴ? ꦪꦁ ꦄꦚ꧀ꦚꦴꦟꦁ ꦄꦢꦱ꧀ꦱꦤꦁ…ꦥꦺ… ꦄꦮꦶꦗ꧀ꦗꦴꦭꦔ꧀ꦒꦷ ꦩꦺꦴꦲꦺꦴ ꦄꦏꦸꦱꦭꦩꦹꦭꦁ – ꦄꦪꦁ ꦮꦸꦕ꧀ꦕꦠꦶ ‘‘ꦄꦮꦶꦗ꧀ꦗꦴ’’.

ꦠꦠ꧀ꦡ ꦏꦠꦩꦁ ꦮꦶꦚ꧀ꦚꦴꦟꦥꦕ꧀ꦕꦪꦴ ꦤꦴꦩꦫꦹꦥꦁ ꦮꦶꦚ꧀ꦚꦴꦟꦲꦺꦠꦸꦏꦁ? ꦄꦠ꧀ꦡꦶ ꦤꦴꦩꦁ, ꦄꦠ꧀ꦡꦶ ꦫꦹꦥꦁ. ꦠꦠ꧀ꦡ ꦏꦠꦩꦁ ꦤꦴꦩꦁ? ꦮꦺꦢꦤꦴꦏ꧀ꦑꦤ꧀ꦣꦺꦴ, ꦱꦚ꧀ꦚꦴꦏ꧀ꦑꦤ꧀ꦣꦺꦴ, ꦱꦔ꧀ꦑꦴꦫꦏ꧀ꦑꦤ꧀ꦣꦺꦴ – ꦆꦢꦁ ꦮꦸꦕ꧀ꦕꦠꦶ ‘‘ꦤꦴꦩꦁ’’. ꦠꦠ꧀ꦡ ꦏꦠꦩꦁ ꦫꦹꦥꦁ? ꦕꦏ꧀ꦑꦴꦪꦠꦤꦱ꧀ꦱ ꦈꦥꦕꦪꦺꦴ, ꦱꦺꦴꦠꦴꦪꦠꦤꦱ꧀ꦱ ꦈꦥꦕꦪꦺꦴ, ꦓꦴꦤꦴꦪꦠꦤꦱ꧀ꦱ ꦈꦥꦕꦪꦺꦴ, ꦗꦶꦮ꧀ꦲꦴꦪꦠꦤꦱ꧀ꦱ ꦈꦥꦕꦪꦺꦴ, ꦏꦴꦪꦴꦪꦠꦤꦱ꧀ꦱ ꦈꦥꦕꦪꦺꦴ, ꦪꦁ ꦮꦴ ꦥꦤꦚ꧀ꦚꦩ꧀ꦥꦶ ꦄꦠ꧀ꦡꦶ ꦫꦹꦥꦁ ꦕꦶꦠ꧀ꦠꦗꦁ ꦕꦶꦠ꧀ꦠꦲꦺꦠꦸꦏꦁ ꦕꦶꦠ꧀ꦠꦱꦩꦸꦛ꧀ꦜꦴꦤꦁ – ꦆꦢꦁ ꦮꦸꦕ꧀ꦕꦠꦶ ‘‘ꦫꦹꦥꦁ’’. ꦆꦠꦶ ꦆꦢꦚ꧀ꦕ ꦤꦴꦩꦁ, ꦆꦢꦚ꧀ꦕ ꦫꦹꦥꦁ. ꦆꦢꦁ ꦮꦸꦕ꧀ꦕꦠꦶ ‘‘ꦮꦶꦚ꧀ꦚꦴꦟꦥꦕ꧀ꦕꦪꦴ ꦤꦴꦩꦫꦹꦥꦁ ꦮꦶꦚ꧀ꦚꦴꦟꦲꦺꦠꦸꦏꦁ’’.

ꦤꦴꦩꦫꦹꦥꦥꦕ꧀ꦕꦪꦴ ꦖꦛ꧀ꦜꦴꦪꦠꦤꦁ ꦤꦴꦩꦫꦹꦥꦲꦺꦠꦸꦏꦤ꧀ꦠꦶ. ꦄꦠ꧀ꦡꦶ ꦤꦴꦩꦁ, ꦄꦠ꧀ꦡꦶ ꦫꦹꦥꦁ. ꦠꦠ꧀ꦡ ꦏꦠꦩꦁ ꦤꦴꦩꦁ? ꦮꦺꦢꦤꦴꦏ꧀ꦑꦤ꧀ꦣꦺꦴ, ꦱꦚ꧀ꦚꦴꦏ꧀ꦑꦤ꧀ꦣꦺꦴ, ꦱꦔ꧀ꦑꦴꦫꦏ꧀ꦑꦤ꧀ꦣꦺꦴ – ꦆꦢꦁ ꦮꦸꦕ꧀ꦕꦠꦶ ‘‘ꦤꦴꦩꦁ’’. ꦠꦠ꧀ꦡ ꦏꦠꦩꦁ ꦫꦹꦥꦁ? ꦪꦁ ꦫꦹꦥꦁ ꦤꦶꦱ꧀ꦱꦴꦪ ꦩꦤꦺꦴꦮꦶꦚ꧀ꦚꦴꦟꦣꦴꦠꦸ ꦮꦠ꧀ꦠꦠꦶ – ꦆꦢꦁ ꦮꦸꦕ꧀ꦕꦠꦶ ‘‘ꦫꦹꦥꦁ’’. ꦆꦠꦶ ꦆꦢꦚ꧀ꦕ ꦤꦴꦩꦁ, ꦆꦢꦚ꧀ꦕ ꦫꦹꦥꦁ. ꦆꦢꦁ ꦮꦸꦕ꧀ꦕꦠꦶ ‘‘ꦤꦴꦩꦫꦹꦥꦁ’’.

ꦠꦠ꧀ꦡ ꦏꦠꦩꦁ ꦤꦴꦩꦫꦹꦥꦥꦕ꧀ꦕꦪꦴ ꦖꦛ꧀ꦜꦴꦪꦠꦤꦁ ꦤꦴꦩꦫꦹꦥꦲꦺꦠꦸꦏꦁ? ꦪꦁ ꦕꦶꦠ꧀ꦠꦁ ꦩꦤꦺꦴ ꦩꦴꦤꦱꦁ…ꦥꦺ… ꦠꦗ꧀ꦗꦴꦩꦤꦺꦴꦮꦶꦚ꧀ꦚꦴꦟꦣꦴꦠꦸ – ꦆꦢꦁ ꦮꦸꦕ꧀ꦕꦠꦶ ‘‘ꦤꦴꦩꦫꦹꦥꦥꦕ꧀ꦕꦪꦴ ꦖꦛ꧀ꦜꦴꦪꦠꦤꦁ ꦤꦴꦩꦫꦹꦥꦲꦺꦠꦸꦏꦁ’’.

ꦠꦠ꧀ꦡ ꦏꦠꦩꦺꦴ ꦖꦛ꧀ꦜꦴꦪꦠꦤꦥꦕ꧀ꦕꦪꦴ ꦦꦱ꧀ꦱꦺꦴ ꦖꦛ꧀ꦜꦴꦪꦠꦤꦲꦺꦠꦸꦏꦺꦴ? ꦪꦺꦴ ꦦꦱ꧀ꦱꦺꦴ ꦦꦸꦱꦤꦴ ꦱꦩ꧀ꦦꦸꦱꦤꦴ ꦱꦩ꧀ꦦꦸꦱꦶꦠꦠ꧀ꦠꦁ – ꦄꦪꦁ ꦮꦸꦕ꧀ꦕꦠꦶ ‘‘ꦖꦛ꧀ꦜꦴꦪꦠꦤꦥꦕ꧀ꦕꦪꦴ ꦦꦱ꧀ꦱꦺꦴ ꦖꦛ꧀ꦜꦴꦪꦠꦤꦲꦺꦠꦸꦏꦺꦴ’’…ꦥꦺ… ꦠꦺꦤ ꦮꦸꦕ꧀ꦕꦠꦶ ‘‘ꦌꦮꦩꦺꦠꦱ꧀ꦱ ꦏꦺꦮꦭꦱ꧀ꦱ ꦢꦸꦏ꧀ꦑꦏ꧀ꦑꦤ꧀ꦣꦱ꧀ꦱ ꦱꦩꦸꦢꦪꦺꦴ ꦲꦺꦴꦠꦷ’’ꦠꦶ.

꧒꧖꧒. ꦠꦱ꧀ꦩꦶꦁ ꦱꦩꦪꦺ ꦄꦮꦶꦗ꧀ꦗꦴꦥꦕ꧀ꦕꦪꦴ ꦱꦔ꧀ꦑꦴꦫꦺꦴ ꦄꦮꦶꦗ꧀ꦗꦴꦲꦺꦠꦸꦏꦺꦴ, ꦱꦔ꧀ꦑꦴꦫꦥꦕ꧀ꦕꦪꦴ ꦮꦶꦚ꧀ꦚꦴꦟꦁ ꦱꦔ꧀ꦑꦴꦫꦲꦺꦠꦸꦏꦁ ꦮꦶꦚ꧀ꦚꦴꦟꦥꦕ꧀ꦕꦪꦴ ꦤꦴꦩꦫꦹꦥꦁ ꦮꦶꦚ꧀ꦚꦴꦟꦲꦺꦠꦸꦏꦁ, ꦤꦴꦩꦫꦹꦥꦥꦕ꧀ꦕꦪꦴ ꦱꦭ꦳ꦴꦪꦠꦤꦁ ꦤꦴꦩꦫꦹꦥꦲꦺꦠꦸꦏꦁ, ꦖꦛ꧀ꦜꦴꦪꦠꦤꦥꦕ꧀ꦕꦪꦴ ꦦꦱ꧀ꦱꦺꦴ ꦖꦛ꧀ꦜꦴꦪꦠꦤꦲꦺꦠꦸꦏꦺꦴ, ꦦꦱ꧀ꦱꦥꦕ꧀ꦕꦪꦴ ꦮꦺꦢꦤꦴ ꦦꦱ꧀ꦱꦲꦺꦠꦸꦏꦴ, ꦮꦺꦢꦤꦴꦥꦕ꧀ꦕꦪꦴ ꦠꦟ꧀ꦲꦴ ꦮꦺꦢꦤꦴꦲꦺꦠꦸꦏꦴ, ꦠꦟ꧀ꦲꦴꦥꦕ꧀ꦕꦪꦴ ꦈꦥꦴꦢꦴꦤꦁ ꦠꦟ꧀ꦲꦴꦲꦺꦠꦸꦏꦁ; ꦈꦥꦴꦢꦴꦤꦥꦕ꧀ꦕꦪꦴ ꦨꦮꦺꦴ, ꦨꦮꦥꦕ꧀ꦕꦪꦴ ꦗꦴꦠꦶ, ꦗꦴꦠꦶꦥꦕ꧀ꦕꦪꦴ ꦗꦫꦴꦩꦫꦟꦁ. ꦌꦮꦩꦺꦠꦱ꧀ꦱ ꦏꦺꦮꦭꦱ꧀ꦱ ꦢꦸꦏ꧀ꦑꦏ꧀ꦑꦤ꧀ꦣꦱ꧀ꦱ ꦱꦩꦸꦢꦪꦺꦴ ꦲꦺꦴꦠꦶ.

꧒꧖꧓. ꦠꦠ꧀ꦡ ꦏꦠꦩꦴ ꦄꦮꦶꦗ꧀ꦗꦴ? ꦪꦁ ꦄꦚ꧀ꦚꦴꦟꦁ ꦄꦢꦱ꧀ꦱꦤꦁ…ꦥꦺ… ꦄꦮꦶꦗ꧀ꦗꦴꦭꦔ꧀ꦒꦷ ꦩꦺꦴꦲꦺꦴ ꦄꦏꦸꦱꦭꦩꦹꦭꦁ – ꦄꦪꦁ ꦮꦸꦕ꧀ꦕꦠꦶ ‘‘ꦄꦮꦶꦗ꧀ꦗꦴ’’.

ꦤꦴꦩꦫꦹꦥꦥꦕ꧀ꦕꦪꦴ ꦱꦭ꦳ꦴꦪꦠꦤꦁ ꦤꦴꦩꦫꦹꦥꦲꦺꦠꦸꦏꦤ꧀ꦠꦶ. ꦄꦠ꧀ꦡꦶ ꦤꦴꦩꦁ, ꦄꦠ꧀ꦡꦶ ꦫꦹꦥꦁ. ꦠꦠ꧀ꦡ ꦏꦠꦩꦁ ꦤꦴꦩꦁ? ꦮꦺꦢꦤꦴꦏ꧀ꦑꦤ꧀ꦣꦺꦴ, ꦱꦚ꧀ꦚꦴꦏ꧀ꦑꦤ꧀ꦣꦺꦴ, ꦱꦔ꧀ꦑꦴꦫꦏ꧀ꦑꦤ꧀ꦣꦺꦴ – ꦆꦢꦁ ꦮꦸꦕ꧀ꦕꦠꦶ ‘‘ꦤꦴꦩꦁ’’. ꦠꦠ꧀ꦡ ꦏꦠꦩꦁ ꦫꦹꦥꦁ? ꦕꦠ꧀ꦠꦴꦫꦺꦴ ꦕ ꦩꦲꦴꦨꦹꦠꦴ, ꦪꦚ꧀ꦕ ꦫꦹꦥꦁ ꦤꦶꦱ꧀ꦱꦴꦪ ꦩꦤꦺꦴꦮꦶꦚ꧀ꦚꦴꦟꦣꦴꦠꦸ ꦮꦠ꧀ꦠꦠꦶ – ꦆꦢꦁ ꦮꦸꦕ꧀ꦕꦠꦶ ‘‘ꦫꦹꦥꦁ’’. ꦆꦠꦶ ꦆꦢꦚ꧀ꦕ ꦤꦴꦩꦁ, ꦆꦢꦚ꧀ꦕ ꦫꦹꦥꦁ. ꦆꦢꦁ ꦮꦸꦕ꧀ꦕꦠꦶ ‘‘ꦤꦴꦩꦫꦹꦥꦁ’’.

ꦠꦠ꧀ꦡ ꦏꦠꦩꦁ ꦤꦴꦩꦫꦹꦥꦥꦕ꧀ꦕꦪꦴ ꦱꦭ꦳ꦴꦪꦠꦤꦁ ꦤꦴꦩꦫꦹꦥꦲꦺꦠꦸꦏꦁ? ꦕꦏ꧀ꦑꦴꦪꦠꦤꦁ, ꦱꦺꦴꦠꦴꦪꦠꦤꦁ, ꦓꦴꦤꦴꦪꦠꦤꦁ, ꦗꦶꦮ꧀ꦲꦴꦪꦠꦤꦁ, ꦏꦴꦪꦴꦪꦠꦤꦁ, ꦩꦤꦴꦪꦠꦤꦁ – ꦆꦢꦁ ꦮꦸꦕ꧀ꦕꦠꦶ ‘‘ꦤꦴꦩꦫꦹꦥꦥꦕ꧀ꦕꦪꦴ ꦱꦭ꦳ꦴꦪꦠꦤꦁ ꦤꦴꦩꦫꦹꦥꦲꦺꦠꦸꦏꦁ’’.

ꦲꦺꦠꦸꦕꦠꦸꦏ꧀ꦏꦁ.