꧒. ꦄꦴꦪꦠꦤꦮꦶꦨꦔ꧀ꦒꦺꦴ

꧑. ꦱꦸꦠ꧀ꦠꦤ꧀ꦠꦨꦴꦗꦤꦷꦪꦁ

꧑꧕꧔. ꦢ꧀ꦮꦴꦢꦱꦴꦪꦠꦤꦴꦤꦶ – ꦕꦏ꧀ꦑꦴꦪꦠꦤꦁ, ꦫꦹꦥꦴꦪꦠꦤꦁ, ꦱꦺꦴꦠꦴꦪꦠꦤꦁ, ꦱꦢ꧀ꦢꦴꦪꦠꦤꦁ, ꦓꦴꦤꦴꦪꦠꦤꦁ, ꦒꦤ꧀ꦣꦴꦪꦠꦤꦁ, ꦗꦶꦮ꧀ꦲꦴꦪꦠꦤꦁ, ꦫꦱꦴꦪꦠꦤꦁ, ꦏꦴꦪꦴꦪꦠꦤꦁ, ꦦꦺꦴꦛ꧀ꦜꦧ꧀ꦧꦴꦪꦠꦤꦁ, ꦩꦤꦴꦪꦠꦤꦁ, ꦣꦩ꧀ꦩꦴꦪꦠꦤꦁ.

ꦕꦏ꧀ꦑꦸꦁ ꦄꦤꦶꦕ꧀ꦕꦁ ꦢꦸꦏ꧀ꦑꦁ ꦄꦤꦠ꧀ꦠꦴ ꦮꦶꦥꦫꦶꦟꦴꦩꦣꦩ꧀ꦩꦁ. ꦫꦹꦥꦴ ꦄꦤꦶꦕ꧀ꦕꦴ ꦢꦸꦏ꧀ꦑꦴ ꦄꦤꦠ꧀ꦠꦴ ꦮꦶꦥꦫꦶꦟꦴꦩꦣꦩ꧀ꦩꦴ. ꦱꦺꦴꦠꦁ ꦄꦤꦶꦕ꧀ꦕꦁ ꦢꦸꦏ꧀ꦑꦁ ꦄꦤꦠ꧀ꦠꦴ ꦮꦶꦥꦫꦶꦟꦴꦩꦣꦩ꧀ꦩꦁ. ꦱꦢ꧀ꦢꦴ ꦄꦤꦶꦕ꧀ꦕꦴ ꦢꦸꦏ꧀ꦑꦴ ꦄꦤꦠ꧀ꦠꦴ ꦮꦶꦥꦫꦶꦟꦴꦩꦣꦩ꧀ꦩꦴ. ꦓꦴꦤꦁ ꦄꦤꦶꦕ꧀ꦕꦁ ꦢꦸꦏ꧀ꦑꦁ ꦄꦤꦠ꧀ꦠꦴ ꦮꦶꦥꦫꦶꦟꦴꦩꦣꦩ꧀ꦩꦁ. ꦒꦤ꧀ꦣꦴ ꦄꦤꦶꦕ꧀ꦕꦴ ꦢꦸꦏ꧀ꦑꦴ ꦄꦤꦠ꧀ꦠꦴ ꦮꦶꦥꦫꦶꦟꦴꦩꦣꦩ꧀ꦩꦴ. ꦗꦶꦮ꧀ꦲꦴ ꦄꦤꦶꦕ꧀ꦕꦴ ꦢꦸꦏ꧀ꦑꦴ ꦄꦤꦠ꧀ꦠꦴ ꦮꦶꦥꦫꦶꦟꦴꦩꦣꦩ꧀ꦩꦴ. ꦫꦱꦴ ꦄꦤꦶꦕ꧀ꦕꦴ ꦢꦸꦏ꧀ꦑꦴ ꦄꦤꦠ꧀ꦠꦴ ꦮꦶꦥꦫꦶꦟꦴꦩꦣꦩ꧀ꦩꦴ. ꦏꦴꦪꦺꦴ ꦄꦤꦶꦕ꧀ꦕꦺꦴ ꦢꦸꦏ꧀ꦑꦺꦴ ꦄꦤꦠ꧀ꦠꦴ ꦮꦶꦥꦫꦶꦟꦴꦩꦣꦩ꧀ꦩꦺꦴ. ꦦꦺꦴꦛ꧀ꦜꦧ꧀ꦧꦴ ꦄꦤꦶꦕ꧀ꦕꦴ ꦢꦸꦏ꧀ꦑꦴ ꦄꦤꦠ꧀ꦠꦴ ꦮꦶꦥꦫꦶꦟꦴꦩꦣꦩ꧀ꦩꦴ. ꦩꦤꦺꦴ ꦄꦤꦶꦕ꧀ꦕꦺꦴ ꦢꦸꦏ꧀ꦑꦺꦴ ꦄꦤꦠ꧀ꦠꦴ ꦮꦶꦥꦫꦶꦟꦴꦩꦣꦩ꧀ꦩꦺꦴ. ꦣꦩ꧀ꦩꦴ ꦄꦤꦶꦕ꧀ꦕꦴ ꦢꦸꦏ꧀ꦑꦴ ꦄꦤꦠ꧀ꦠꦴ ꦮꦶꦥꦫꦶꦟꦴꦩꦣꦩ꧀ꦩꦴ.

ꦱꦸꦠ꧀ꦠꦤ꧀ꦠꦨꦴꦗꦤꦷꦪꦁ.

꧒. ꦄꦨꦶꦣꦩ꧀ꦩꦨꦴꦗꦤꦷꦪꦁ

꧑꧕꧕. ꦢ꧀ꦮꦴꦢꦱꦴꦪꦠꦤꦴꦤꦶ – ꦕꦏ꧀ꦑꦴꦪꦠꦤꦁ, ꦱꦺꦴꦠꦴꦪꦠꦤꦁ, ꦓꦴꦤꦴꦪꦠꦤꦁ, ꦗꦶꦮ꧀ꦲꦴꦪꦠꦤꦁ, ꦏꦴꦪꦴꦪꦠꦤꦁ, ꦩꦤꦴꦪꦠꦤꦁ, ꦫꦹꦥꦴꦪꦠꦤꦁ, ꦱꦢ꧀ꦢꦴꦪꦠꦤꦁ, ꦒꦤ꧀ꦣꦴꦪꦠꦤꦁ, ꦫꦱꦴꦪꦠꦤꦁ, ꦦꦺꦴꦛ꧀ꦜꦧ꧀ꦧꦴꦪꦠꦤꦁ, ꦣꦩ꧀ꦩꦴꦪꦠꦤꦁ.

꧑꧕꧖. ꦠꦠ꧀ꦡ ꦏꦠꦩꦁ ꦕꦏ꧀ꦑꦴꦪꦠꦤꦁ? ꦪꦁ ꦕꦏ꧀ꦑꦸ [ꦕꦏ꧀ꦑꦸꦁ (ꦱꦷ. ꦱ꧀ꦪꦴ. ꦏ.) ꦣ. ꦱ. ꧕꧙꧖-꧕꧙꧙] ꦕꦠꦸꦤ꧀ꦤꦁ ꦩꦲꦴꦨꦹꦠꦴꦤꦁ ꦈꦥꦴꦢꦴꦪ ꦥꦱꦴꦢꦺꦴ ꦄꦠ꧀ꦠꦨꦴꦮꦥꦫꦶꦪꦴꦥꦤ꧀ꦤꦺꦴ ꦄꦤꦶꦢꦱ꧀ꦱꦤꦺꦴ ꦱꦥ꧀ꦥꦛꦶꦓꦺꦴ, ꦪꦺꦤ ꦕꦏ꧀ꦑꦸꦤꦴ ꦄꦤꦶꦢꦱ꧀ꦱꦤꦺꦤ ꦱꦥ꧀ꦥꦛꦶꦓꦺꦤ ꦫꦹꦥꦁ ꦱꦤꦶꦢꦱ꧀ꦱꦤꦁ ꦱꦥ꧀ꦥꦛꦶꦓꦁ ꦥꦱ꧀ꦱꦶ ꦮꦴ ꦥꦱ꧀ꦱꦠꦶ ꦮꦴ ꦥꦱ꧀ꦱꦶꦱ꧀ꦱꦠꦶ ꦮꦴ ꦥꦱ꧀ꦱꦺ ꦮꦴ, ꦕꦏ꧀ꦑꦸꦩ꧀ꦥꦺꦠꦁ ꦕꦏ꧀ꦑꦴꦪꦠꦤꦩ꧀ꦥꦺꦠꦁ ꦕꦏ꧀ꦑꦸꦣꦴꦠꦸꦥꦺꦱꦴ ꦕꦏ꧀ꦑꦸꦤ꧀ꦢ꧀ꦫꦶꦪꦩ꧀ꦥꦺꦠꦁ ꦭꦺꦴꦏꦺꦴꦥꦺꦱꦺꦴ ꦢ꧀ꦮꦴꦫꦴꦥꦺꦱꦴ ꦱꦩꦸꦢ꧀ꦢꦺꦴꦥꦺꦱꦺꦴ ꦥꦟ꧀ꦝꦫꦩ꧀ꦥꦺꦠꦁ ꦑꦺꦠ꧀ꦠꦩ꧀ꦥꦺꦠꦁ ꦮꦠ꧀ꦡꦸꦩ꧀ꦥꦺꦠꦁ ꦤꦺꦠ꧀ꦠꦩ꧀ꦥꦺꦠꦁ ꦤꦪꦤꦩ꧀ꦥꦺꦠꦁ ꦎꦫꦶꦩꦁ ꦠꦷꦫꦩ꧀ꦥꦺꦠꦁ ꦱꦸꦚ꧀ꦚꦺꦴ ꦒꦴꦩꦺꦴꦥꦺꦱꦺꦴ. ꦆꦢꦁ ꦮꦸꦕ꧀ꦕꦠꦶ ‘‘ꦕꦏ꧀ꦑꦴꦪꦠꦤꦁ’’.

꧑꧕꧗. ꦠꦠ꧀ꦡ ꦏꦠꦩꦁ ꦱꦺꦴꦠꦴꦪꦠꦤꦁ? ꦪꦁ ꦱꦺꦴꦠꦁ ꦕꦠꦸꦤ꧀ꦤꦁ ꦩꦲꦴꦨꦹꦠꦴꦤꦁ ꦈꦥꦴꦢꦴꦪ ꦥꦱꦴꦢꦺꦴ ꦄꦠ꧀ꦠꦨꦴꦮꦥꦫꦶꦪꦴꦥꦤ꧀ꦤꦺꦴ ꦄꦤꦶꦢꦱ꧀ꦱꦤꦺꦴ ꦱꦥ꧀ꦥꦛꦶꦓꦺꦴ, ꦪꦺꦤ ꦱꦺꦴꦠꦺꦤ ꦄꦤꦶꦢꦱ꧀ꦱꦤꦺꦤ ꦱꦥ꧀ꦥꦛꦶꦓꦺꦤ ꦱꦢ꧀ꦢꦁ ꦄꦤꦶꦢꦱ꧀ꦱꦤꦁ ꦱꦥ꧀ꦥꦛꦶꦓꦁ ꦱꦸꦟꦶ ꦮꦴ ꦱꦸꦟꦴꦠꦶ ꦮꦴ ꦱꦸꦟꦶꦱ꧀ꦱꦠꦶ ꦮꦴ ꦱꦸꦟꦺ ꦮꦴ, ꦱꦺꦴꦠꦩ꧀ꦥꦺꦠꦁ ꦱꦺꦴꦠꦴꦪꦠꦤꦩ꧀ꦥꦺꦠꦁ ꦱꦺꦴꦠꦣꦴꦠꦸꦥꦺꦱꦴ ꦱꦺꦴꦠꦶꦤ꧀ꦢ꧀ꦫꦶꦪꦩ꧀ꦥꦺꦠꦁ ꦭꦺꦴꦏꦺꦴꦥꦺꦱꦺꦴ ꦢ꧀ꦮꦴꦫꦴꦥꦺꦱꦴ ꦱꦩꦸꦢ꧀ꦢꦺꦴꦥꦺꦱꦺꦴ ꦥꦟ꧀ꦝꦫꦩ꧀ꦥꦺꦠꦁ ꦑꦺꦠ꧀ꦠꦩ꧀ꦥꦺꦠꦁ ꦮꦠ꧀ꦡꦸꦩ꧀ꦥꦺꦠꦁ ꦎꦫꦶꦩꦁ ꦠꦷꦫꦩ꧀ꦥꦺꦠꦁ ꦱꦸꦚ꧀ꦚꦺꦴ ꦒꦴꦩꦺꦴꦥꦺꦱꦺꦴ. ꦆꦢꦁ ꦮꦸꦕ꧀ꦕꦠꦶ ‘‘ꦱꦺꦴꦠꦴꦪꦠꦤꦁ’’.

꧑꧕꧘. ꦠꦠ꧀ꦡ ꦏꦠꦩꦁ ꦓꦴꦤꦴꦪꦠꦤꦁ? ꦪꦁ ꦓꦴꦤꦁ ꦕꦠꦸꦤ꧀ꦤꦁ ꦩꦲꦴꦨꦹꦠꦴꦤꦁ ꦈꦥꦴꦢꦴꦪ ꦥꦱꦴꦢꦺꦴ ꦄꦠ꧀ꦠꦨꦴꦮꦥꦫꦶꦪꦴꦥꦤ꧀ꦤꦺꦴ ꦄꦤꦶꦢꦱ꧀ꦱꦤꦺꦴ ꦱꦥ꧀ꦥꦛꦶꦓꦺꦴ, ꦪꦺꦤ ꦓꦴꦤꦺꦤ ꦄꦤꦶꦢꦱ꧀ꦱꦤꦺꦤ ꦱꦥ꧀ꦥꦛꦶꦓꦺꦤ ꦒꦤ꧀ꦣꦁ ꦄꦤꦶꦢꦱ꧀ꦱꦤꦁ ꦱꦥ꧀ꦥꦛꦶꦓꦁ ꦓꦴꦪꦶ ꦮꦴ ꦓꦴꦪꦠꦶ ꦮꦴ ꦓꦴꦪꦶꦱ꧀ꦱꦠꦶ ꦮꦴ ꦓꦴꦪꦺ ꦮꦴ, ꦓꦴꦤꦩ꧀ꦥꦺꦠꦁ ꦓꦴꦤꦴꦪꦠꦤꦩ꧀ꦥꦺꦠꦁ ꦓꦴꦤꦣꦴꦠꦸꦥꦺꦱꦴ ꦓꦴꦤꦶꦤ꧀ꦢ꧀ꦫꦶꦪꦩ꧀ꦥꦺꦠꦁ ꦭꦺꦴꦏꦺꦴꦥꦺꦱꦺꦴ ꦢ꧀ꦮꦴꦫꦴꦥꦺꦱꦴ ꦱꦩꦸꦢ꧀ꦢꦺꦴꦥꦺꦱꦺꦴ ꦥꦟ꧀ꦝꦫꦩ꧀ꦥꦺꦠꦁ ꦑꦺꦠ꧀ꦠꦩ꧀ꦥꦺꦠꦁ ꦮꦠ꧀ꦡꦸꦩ꧀ꦥꦺꦠꦁ ꦎꦫꦶꦩꦁ ꦠꦷꦫꦩ꧀ꦥꦺꦠꦁ ꦱꦸꦚ꧀ꦚꦺꦴ ꦒꦴꦩꦺꦴꦥꦺꦱꦺꦴ. ꦆꦢꦁ ꦮꦸꦕ꧀ꦕꦠꦶ ‘‘ꦓꦴꦤꦴꦪꦠꦤꦁ’’.

꧑꧕꧙. ꦠꦠ꧀ꦡ ꦏꦠꦩꦁ ꦗꦶꦮ꧀ꦲꦴꦪꦠꦤꦁ? ꦪꦴ ꦗꦶꦮ꧀ꦲꦴ ꦕꦠꦸꦤ꧀ꦤꦁ ꦩꦲꦴꦨꦹꦠꦴꦤꦁ ꦈꦥꦴꦢꦴꦪ ꦥꦱꦴꦢꦺꦴ ꦄꦠ꧀ꦠꦨꦴꦮꦥꦫꦶꦪꦴꦥꦤ꧀ꦤꦺꦴ ꦄꦤꦶꦢꦱ꧀ꦱꦤꦺꦴ ꦱꦥ꧀ꦥꦛꦶꦓꦺꦴ, ꦪꦴꦪ ꦗꦶꦮ꧀ꦲꦴꦪ ꦄꦤꦶꦢꦱ꧀ꦱꦤꦴꦪ ꦱꦥ꧀ꦥꦛꦶꦓꦴꦪ ꦫꦱꦁ ꦄꦤꦶꦢꦱ꧀ꦱꦤꦁ ꦱꦥ꧀ꦥꦛꦶꦓꦁ ꦱꦴꦪꦶ ꦮꦴ ꦱꦴꦪꦠꦶ ꦮꦴ ꦱꦴꦪꦶꦱ꧀ꦱꦠꦶ ꦮꦴ ꦱꦴꦪꦺ ꦮꦴ, ꦗꦶꦮ꧀ꦲꦴꦥꦺꦱꦴ ꦗꦶꦮ꧀ꦲꦴꦪꦠꦤꦩ꧀ꦥꦺꦠꦁ ꦗꦶꦮ꧀ꦲꦴꦣꦴꦠꦸꦥꦺꦱꦴ ꦗꦷꦮ꧀ꦲꦶꦤ꧀ꦢ꧀ꦫꦶꦪꦩ꧀ꦥꦺꦠꦁ ꦭꦺꦴꦏꦺꦴꦥꦺꦱꦺꦴ ꦢ꧀ꦮꦴꦫꦴꦥꦺꦱꦴ ꦱꦩꦸꦢ꧀ꦢꦺꦴꦥꦺꦱꦺꦴ ꦥꦟ꧀ꦝꦫꦩ꧀ꦥꦺꦠꦁ ꦑꦺꦠ꧀ꦠꦩ꧀ꦥꦺꦠꦁ ꦮꦠ꧀ꦡꦸꦩ꧀ꦥꦺꦠꦁ ꦎꦫꦶꦩꦁ ꦠꦷꦫꦩ꧀ꦥꦺꦠꦁ ꦱꦸꦚ꧀ꦚꦺꦴ ꦒꦴꦩꦺꦴꦥꦺꦱꦺꦴ. ꦆꦢꦁ ꦮꦸꦕ꧀ꦕꦠꦶ ‘‘ꦗꦶꦮ꧀ꦲꦴꦪꦠꦤꦁ’’.

꧑꧖꧐. ꦠꦠ꧀ꦡ ꦏꦠꦩꦁ ꦏꦴꦪꦴꦪꦠꦤꦁ? ꦪꦺꦴ ꦏꦴꦪꦺꦴ ꦕꦠꦸꦤ꧀ꦤꦁ ꦩꦲꦴꦨꦹꦠꦴꦤꦁ ꦈꦥꦴꦢꦴꦪ ꦥꦱꦴꦢꦺꦴ ꦄꦠ꧀ꦠꦨꦴꦮꦥꦫꦶꦪꦴꦥꦤ꧀ꦤꦺꦴ ꦄꦤꦶꦢꦱ꧀ꦱꦤꦺꦴ ꦱꦥ꧀ꦥꦛꦶꦓꦺꦴ, ꦪꦺꦤ ꦏꦴꦪꦺꦤ ꦄꦤꦶꦢꦱ꧀ꦱꦤꦺꦤ ꦱꦥ꧀ꦥꦛꦶꦓꦺꦤ ꦦꦺꦴꦛ꧀ꦜꦧ꧀ꦧꦁ ꦄꦤꦶꦢꦱ꧀ꦱꦤꦁ ꦱꦥ꧀ꦥꦛꦶꦓꦁ ꦦꦸꦱꦶ ꦮꦴ ꦦꦸꦱꦠꦶ ꦮꦴ ꦦꦸꦱꦶꦱ꧀ꦱꦠꦶ ꦮꦴ ꦦꦸꦱꦺ ꦮꦴ, ꦏꦴꦪꦺꦴꦥꦺꦱꦺꦴ ꦏꦴꦪꦴꦪꦠꦤꦩ꧀ꦥꦺꦠꦁ ꦏꦴꦪꦣꦴꦠꦸꦥꦺꦱꦴ ꦏꦴꦪꦶꦤ꧀ꦢ꧀ꦫꦶꦪꦩ꧀ꦥꦺꦠꦁ ꦭꦺꦴꦏꦺꦴꦥꦺꦱꦺꦴ ꦢ꧀ꦮꦴꦫꦴꦥꦺꦱꦴ ꦱꦩꦸꦢ꧀ꦢꦺꦴꦥꦺꦱꦺꦴ ꦥꦟ꧀ꦝꦫꦩ꧀ꦥꦺꦠꦁ ꦑꦺꦠ꧀ꦠꦩ꧀ꦥꦺꦠꦁ ꦮꦠ꧀ꦡꦸꦩ꧀ꦥꦺꦠꦁ ꦎꦫꦶꦩꦁ ꦠꦷꦫꦩ꧀ꦥꦺꦠꦁ ꦱꦸꦚ꧀ꦚꦺꦴ ꦒꦴꦩꦺꦴꦥꦺꦱꦺꦴ. ꦆꦢꦁ ꦮꦸꦕ꧀ꦕꦠꦶ ‘‘ꦏꦴꦪꦴꦪꦠꦤꦁ’’.

꧑꧖꧑. ꦠꦠ꧀ꦡ ꦏꦠꦩꦁ ꦩꦤꦴꦪꦠꦤꦁ? ꦌꦏꦮꦶꦣꦺꦤ ꦩꦤꦴꦪꦠꦤꦁ – ꦦꦱ꧀ꦱꦱꦩ꧀ꦥꦪꦸꦠ꧀ꦠꦁ.

ꦢꦸꦮꦶꦣꦺꦤ ꦩꦤꦴꦪꦠꦤꦁ – ꦄꦠ꧀ꦡꦶ ꦱꦲꦺꦠꦸꦏꦁ, ꦄꦠ꧀ꦡꦶ ꦄꦲꦺꦠꦸꦏꦁ.

ꦠꦶꦮꦶꦣꦺꦤ ꦩꦤꦴꦪꦠꦤꦁ – ꦄꦠ꧀ꦡꦶ ꦏꦸꦱꦭꦁ, ꦄꦠ꧀ꦡꦶ ꦄꦏꦸꦱꦭꦁ, ꦄꦠ꧀ꦡꦶ ꦄꦧ꧀ꦪꦴꦏꦠꦁ.

ꦕꦠꦸꦧ꧀ꦧꦶꦣꦺꦤ ꦩꦤꦴꦪꦠꦤꦁ – ꦄꦠ꧀ꦡꦶ ꦏꦴꦩꦴꦮꦕꦫꦁ, ꦄꦠ꧀ꦡꦶ ꦫꦹꦥꦴꦮꦕꦫꦁ, ꦄꦠ꧀ꦡꦶ ꦄꦫꦹꦥꦴꦮꦕꦫꦁ, ꦄꦠ꧀ꦡꦶ ꦄꦥꦫꦶꦪꦴꦥꦤ꧀ꦤꦁ.

ꦥꦚ꧀ꦕꦮꦶꦣꦺꦤ ꦩꦤꦴꦪꦠꦤꦁ – ꦄꦠ꧀ꦡꦶ ꦱꦸꦑꦶꦤ꧀ꦢ꧀ꦫꦶꦪꦱꦩ꧀ꦥꦪꦸꦠ꧀ꦠꦁ, ꦄꦠ꧀ꦡꦶ ꦢꦸꦏ꧀ꦑꦶꦤ꧀ꦢ꧀ꦫꦶꦪꦱꦩ꧀ꦥꦪꦸꦠ꧀ꦠꦁ, ꦄꦠ꧀ꦡꦶ ꦱꦺꦴꦩꦤꦱ꧀ꦱꦶꦤ꧀ꦢ꧀ꦫꦶꦪꦱꦩ꧀ꦥꦪꦸꦠ꧀ꦠꦁ, ꦄꦠ꧀ꦡꦶ ꦢꦺꦴꦩꦤꦱ꧀ꦱꦶꦤ꧀ꦢ꧀ꦫꦶꦪꦱꦩ꧀ꦥꦪꦸꦠ꧀ꦠꦁ, ꦄꦠ꧀ꦡꦶ ꦈꦥꦺꦏ꧀ꦑꦶꦤ꧀ꦢ꧀ꦫꦶꦪꦱꦩ꧀ꦥꦪꦸꦠ꧀ꦠꦁ.

ꦖꦧ꧀ꦧꦶꦣꦺꦤ ꦩꦤꦴꦪꦠꦤꦁ – ꦕꦏ꧀ꦑꦸꦮꦶꦚ꧀ꦚꦴꦟꦁ, ꦱꦺꦴꦠꦮꦶꦚ꧀ꦚꦴꦟꦁ, ꦓꦴꦤꦮꦶꦚ꧀ꦚꦴꦟꦁ, ꦗꦶꦮ꧀ꦲꦴꦮꦶꦚ꧀ꦚꦴꦟꦁ, ꦏꦴꦪꦮꦶꦚ꧀ꦚꦴꦟꦁ, ꦩꦤꦺꦴꦮꦶꦚ꧀ꦚꦴꦟꦁ. ꦌꦮꦁ ꦖꦧ꧀ꦧꦶꦣꦺꦤ ꦩꦤꦴꦪꦠꦤꦁ.

ꦱꦠ꧀ꦠꦮꦶꦣꦺꦤ ꦩꦤꦴꦪꦠꦤꦁ – ꦕꦏ꧀ꦑꦸꦮꦶꦚ꧀ꦚꦴꦟꦁ, ꦱꦺꦴꦠꦮꦶꦚ꧀ꦚꦴꦟꦁ, ꦓꦴꦤꦮꦶꦚ꧀ꦚꦴꦟꦁ, ꦗꦶꦮ꧀ꦲꦴꦮꦶꦚ꧀ꦚꦴꦟꦁ, ꦏꦴꦪꦮꦶꦚ꧀ꦚꦴꦟꦁ, ꦩꦤꦺꦴꦣꦴꦠꦸ, ꦩꦤꦺꦴꦮꦶꦚ꧀ꦚꦴꦟꦣꦴꦠꦸ. ꦌꦮꦁ ꦱꦠ꧀ꦠꦮꦶꦣꦺꦤ ꦩꦤꦴꦪꦠꦤꦁ.

ꦄꦛ꧀ꦜꦮꦶꦣꦺꦤ ꦩꦤꦴꦪꦠꦤꦁ – ꦕꦏ꧀ꦑꦸꦮꦶꦚ꧀ꦚꦴꦟꦁ, ꦱꦺꦴꦠꦮꦶꦚ꧀ꦚꦴꦟꦁ, ꦓꦴꦤꦮꦶꦚ꧀ꦚꦴꦟꦁ, ꦗꦶꦮ꧀ꦲꦴꦮꦶꦚ꧀ꦚꦴꦟꦁ, ꦏꦴꦪꦮꦶꦚ꧀ꦚꦴꦟꦁ ꦄꦠ꧀ꦡꦶ ꦱꦸꦑꦱꦲꦒꦠꦁ, ꦄꦠ꧀ꦡꦶ ꦢꦸꦏ꧀ꦑꦱꦲꦒꦠꦁ, ꦩꦤꦺꦴꦣꦴꦠꦸ, ꦩꦤꦺꦴꦮꦶꦚ꧀ꦚꦴꦟꦣꦴꦠꦸ. ꦌꦮꦁ ꦄꦛ꧀ꦜꦮꦶꦣꦺꦤ ꦩꦤꦴꦪꦠꦤꦁ.

ꦤꦮꦮꦶꦣꦺꦤ ꦩꦤꦴꦪꦠꦤꦁ – ꦕꦏ꧀ꦑꦸꦮꦶꦚ꧀ꦚꦴꦟꦁ, ꦱꦺꦴꦠꦮꦶꦚ꧀ꦚꦴꦟꦁ, ꦓꦴꦤꦮꦶꦚ꧀ꦚꦴꦟꦁ, ꦗꦶꦮ꧀ꦲꦴꦮꦶꦚ꧀ꦚꦴꦟꦁ, ꦏꦴꦪꦮꦶꦚ꧀ꦚꦴꦟꦁ, ꦩꦤꦺꦴꦣꦴꦠꦸ, ꦩꦤꦺꦴꦮꦶꦚ꧀ꦚꦴꦟꦣꦴꦠꦸ ꦄꦠ꧀ꦡꦶ ꦏꦸꦱꦭꦁ, ꦄꦠ꧀ꦡꦶ ꦄꦏꦸꦱꦭꦁ, ꦄꦠ꧀ꦡꦶ ꦄꦧ꧀ꦪꦴꦏꦠꦁ. ꦌꦮꦁ ꦤꦮꦮꦶꦣꦺꦤ ꦩꦤꦴꦪꦠꦤꦁ.

ꦢꦱꦮꦶꦣꦺꦤ ꦩꦤꦴꦪꦠꦤꦁ – ꦕꦏ꧀ꦑꦸꦮꦶꦚ꧀ꦚꦴꦟꦁ, ꦱꦺꦴꦠꦮꦶꦚ꧀ꦚꦴꦟꦁ, ꦓꦴꦤꦮꦶꦚ꧀ꦚꦴꦟꦁ, ꦗꦶꦮ꧀ꦲꦴꦮꦶꦚ꧀ꦚꦴꦟꦁ, ꦏꦴꦪꦮꦶꦚ꧀ꦚꦴꦟꦁ ꦄꦠ꧀ꦡꦶ ꦱꦸꦑꦱꦲꦒꦠꦁ, ꦄꦠ꧀ꦡꦶ ꦢꦸꦏ꧀ꦑꦱꦲꦒꦠꦁ, ꦩꦤꦺꦴꦣꦴꦠꦸ, ꦩꦤꦺꦴꦮꦶꦚ꧀ꦚꦴꦟꦣꦴꦠꦸ ꦄꦠ꧀ꦡꦶ ꦏꦸꦱꦭꦁ, ꦄꦠ꧀ꦡꦶ ꦄꦏꦸꦱꦭꦁ, ꦄꦠ꧀ꦡꦶ ꦄꦧ꧀ꦪꦴꦏꦠꦁ. ꦌꦮꦁ ꦢꦱꦮꦶꦣꦺꦤ ꦩꦤꦴꦪꦠꦤꦁ.

ꦌꦏꦮꦶꦣꦺꦤ ꦩꦤꦴꦪꦠꦤꦁ – ꦦꦱ꧀ꦱꦱꦩ꧀ꦥꦪꦸꦠ꧀ꦠꦁ.

ꦢꦸꦮꦶꦣꦺꦤ ꦩꦤꦴꦪꦠꦤꦁ – ꦄꦠ꧀ꦡꦶ ꦱꦲꦺꦠꦸꦏꦁ, ꦄꦠ꧀ꦡꦶ ꦄꦲꦺꦠꦸꦏꦁ.

ꦠꦶꦮꦶꦣꦺꦤ ꦩꦤꦴꦪꦠꦤꦁ – ꦄꦠ꧀ꦡꦶ ꦱꦸꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦁ, ꦄꦠ꧀ꦡꦶ ꦢꦸꦏ꧀ꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦁ, ꦄꦠ꧀ꦡꦶ ꦄꦢꦸꦏ꧀ꦑꦩꦱꦸꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦁ…ꦥꦺ…. ꦌꦮꦁ ꦧꦲꦸꦮꦶꦣꦺꦤ ꦩꦤꦴꦪꦠꦤꦁ. ꦆꦢꦁ ꦮꦸꦕ꧀ꦕꦠꦶ ‘‘ꦩꦤꦴꦪꦠꦤꦁ’’.

꧑꧖꧒. ꦠꦠ꧀ꦡ ꦏꦠꦩꦁ ꦫꦹꦥꦴꦪꦠꦤꦁ? ꦪꦁ ꦫꦹꦥꦁ ꦕꦠꦸꦤ꧀ꦤꦁ ꦩꦲꦴꦨꦹꦠꦴꦤꦁ ꦈꦥꦴꦢꦴꦪ ꦮꦟ꧀ꦟꦤꦶꦨꦴ ꦱꦤꦶꦢꦱ꧀ꦱꦤꦁ ꦱꦥ꧀ꦥꦛꦶꦓꦁ ꦤꦷꦭꦁ ꦥꦷꦠꦏꦁ ꦭꦺꦴꦲꦶꦠꦏꦁ [ꦥꦷꦠꦁ ꦭꦺꦴꦲꦶꦠꦁ (ꦱꦷ.)] ꦎꦢꦴꦠꦁ ꦏꦴꦭ꦳ꦏꦁ ꦩꦚ꧀ꦗꦶꦛ꧀ꦜꦏꦁ [ꦩꦚ꧀ꦗꦺꦛ꧀ꦜꦏꦁ (ꦱꦷ. ꦱ꧀ꦪꦴ.)] ꦲꦫꦶ ꦲꦫꦶꦮꦟ꧀ꦟꦁ ꦄꦩ꧀ꦧꦔ꧀ꦏꦸꦫꦮꦟ꧀ꦟꦁ ꦢꦷꦓꦁ ꦫꦱ꧀ꦱꦁ ꦄꦟꦸꦁ ꦡꦹꦭꦁ ꦮꦛ꧀ꦛꦁ ꦥꦫꦶꦩꦟ꧀ꦝꦭꦁ ꦕꦠꦸꦫꦱ꧀ꦱꦁ ꦖꦭ꦳ꦁꦱꦁ ꦄꦛ꧀ꦜꦁꦱꦁ ꦱꦺꦴꦭ꦳ꦱꦁꦱꦁ ꦤꦶꦤ꧀ꦤꦁ ꦡꦭꦁ ꦖꦴꦪꦴ ꦄꦴꦠꦥꦺꦴ ꦄꦴꦭꦺꦴꦏꦺꦴ ꦄꦤ꧀ꦣꦏꦴꦫꦺꦴ ꦄꦧ꧀ꦨꦴ ꦩꦲꦶꦏꦴ ꦣꦹꦩꦺꦴ ꦫꦗꦺꦴ ꦕꦤ꧀ꦢꦩꦟ꧀ꦝꦭꦱ꧀ꦱ ꦮꦟ꧀ꦟꦤꦶꦨꦴ ꦱꦹꦫꦶꦪꦩꦟ꧀ꦝꦭꦱ꧀ꦱ [ꦱꦸꦫꦶꦪꦩꦟ꧀ꦝꦭꦱ꧀ꦱ (ꦱꦷ. ꦱ꧀ꦪꦴ. ꦏꦁ.)] ꦮꦟ꧀ꦟꦤꦶꦨꦴ ꦠꦴꦫꦏꦫꦹꦥꦴꦤꦁ ꦮꦟ꧀ꦟꦤꦶꦨꦴ ꦄꦴꦢꦴꦱꦩꦟ꧀ꦝꦭꦱ꧀ꦱ ꦮꦟ꧀ꦟꦤꦶꦨꦴ ꦩꦟꦶꦱꦔ꧀ꦑꦩꦸꦠ꧀ꦠꦮꦺꦭ꦳ꦸꦫꦶꦪꦱ꧀ꦱ ꦮꦟ꧀ꦟꦤꦶꦨꦴ ꦗꦴꦠꦫꦹꦥꦫꦗꦠꦱ꧀ꦱ ꦮꦟ꧀ꦟꦤꦶꦨꦴ, ꦪꦁ ꦮꦴ ꦥꦤꦚ꧀ꦚꦩ꧀ꦥꦶ ꦄꦠ꧀ꦡꦶ ꦫꦹꦥꦁ ꦕꦠꦸꦤ꧀ꦤꦁ ꦩꦲꦴꦨꦹꦠꦴꦤꦁ ꦈꦥꦴꦢꦴꦪ ꦮꦟ꧀ꦟꦤꦶꦨꦴ ꦱꦤꦶꦢꦱ꧀ꦱꦤꦁ ꦱꦥ꧀ꦥꦛꦶꦓꦁ, ꦪꦁ ꦫꦹꦥꦁ ꦱꦤꦶꦢꦱ꧀ꦱꦤꦁ ꦱꦥ꧀ꦥꦛꦶꦓꦁ ꦕꦏ꧀ꦑꦸꦤꦴ ꦄꦤꦶꦢꦱ꧀ꦱꦤꦺꦤ ꦱꦥ꧀ꦥꦛꦶꦓꦺꦤ ꦥꦱ꧀ꦱꦶ ꦮꦴ ꦥꦱ꧀ꦱꦠꦶ ꦮꦴ ꦥꦱ꧀ꦱꦶꦱ꧀ꦱꦠꦶ ꦮꦴ ꦥꦱ꧀ꦱꦺ ꦮꦴ, ꦫꦹꦥꦩ꧀ꦥꦺꦠꦁ ꦫꦹꦥꦴꦪꦠꦤꦩ꧀ꦥꦺꦠꦁ ꦫꦹꦥꦣꦴꦠꦸꦥꦺꦱꦴ. ꦆꦢꦁ ꦮꦸꦕ꧀ꦕꦠꦶ ‘‘ꦫꦹꦥꦴꦪꦠꦤꦁ’’.

꧑꧖꧓. ꦠꦠ꧀ꦡ ꦏꦠꦩꦁ ꦱꦢ꧀ꦢꦴꦪꦠꦤꦁ? ꦪꦺꦴ ꦱꦢ꧀ꦢꦺꦴ ꦕꦠꦸꦤ꧀ꦤꦁ ꦩꦲꦴꦨꦹꦠꦴꦤꦁ ꦈꦥꦴꦢꦴꦪ ꦄꦤꦶꦢꦱ꧀ꦱꦤꦺꦴ ꦱꦥ꧀ꦥꦛꦶꦓꦺꦴ ꦨꦺꦫꦶꦱꦢ꧀ꦢꦺꦴ ꦩꦸꦢꦶꦔ꧀ꦒꦱꦢ꧀ꦢꦺꦴ [ꦩꦸꦠꦶꦔ꧀ꦒꦱꦢ꧀ꦣꦺꦴ (ꦱꦷ.)] ꦱꦔ꧀ꦑꦱꦢ꧀ꦢꦺꦴ ꦥꦟꦮꦱꦢ꧀ꦢꦺꦴ ꦒꦷꦠꦱꦢ꧀ꦢꦺꦴ ꦮꦴꦢꦶꦠꦱꦢ꧀ꦢꦺꦴ ꦱꦩ꧀ꦩꦱꦢ꧀ꦢꦺꦴ ꦥꦴꦟꦶꦱꦢ꧀ꦢꦺꦴ ꦱꦠ꧀ꦠꦴꦤꦁ ꦤꦶꦒ꧀ꦓꦺꦴꦱꦱꦢ꧀ꦢꦺꦴ ꦣꦴꦠꦹꦤꦁ ꦱꦤ꧀ꦤꦶꦓꦴꦠꦱꦢ꧀ꦢꦺꦴ ꦮꦴꦠꦱꦢ꧀ꦢꦺꦴ ꦈꦢꦏꦱꦢ꧀ꦢꦺꦴ ꦩꦤꦸꦱ꧀ꦱꦱꦢ꧀ꦢꦺꦴ ꦄꦩꦤꦸꦱ꧀ꦱꦱꦢ꧀ꦢꦺꦴ, ꦪꦺꦴ ꦮꦴ ꦥꦤꦚ꧀ꦚꦺꦴꦥꦶ ꦄꦠ꧀ꦡꦶ ꦱꦢ꧀ꦢꦺꦴ ꦕꦠꦸꦤ꧀ꦤꦁ ꦩꦲꦴꦨꦹꦠꦴꦤꦁ ꦈꦥꦴꦢꦴꦪ ꦄꦤꦶꦢꦱ꧀ꦱꦤꦺꦴ ꦱꦥ꧀ꦥꦛꦶꦓꦺꦴ, ꦪꦁ ꦱꦢ꧀ꦢꦁ ꦄꦤꦶꦢꦱ꧀ꦱꦤꦁ ꦱꦥ꧀ꦥꦛꦶꦓꦁ ꦱꦺꦴꦠꦺꦤ ꦄꦤꦶꦢꦱ꧀ꦱꦤꦺꦤ ꦱꦥ꧀ꦥꦛꦶꦓꦺꦤ ꦱꦸꦟꦶ ꦮꦴ ꦱꦸꦟꦴꦠꦶ ꦮꦴ ꦱꦸꦟꦶꦱ꧀ꦱꦠꦶ ꦮꦴ ꦱꦸꦟꦺ ꦮꦴ, ꦱꦢ꧀ꦢꦺꦴꦥꦺꦱꦺꦴ ꦱꦢ꧀ꦢꦴꦪꦠꦤꦩ꧀ꦥꦺꦠꦁ ꦱꦢ꧀ꦢꦣꦴꦠꦸꦥꦺꦱꦴ. ꦆꦢꦁ ꦮꦸꦕ꧀ꦕꦠꦶ ‘‘ꦱꦢ꧀ꦢꦴꦪꦠꦤꦁ’’.

꧑꧖꧔. ꦠꦠ꧀ꦡ ꦏꦠꦩꦁ ꦒꦤ꧀ꦣꦴꦪꦠꦤꦁ? ꦪꦺꦴ ꦒꦤ꧀ꦣꦺꦴ ꦕꦠꦸꦤ꧀ꦤꦁ ꦩꦲꦴꦨꦹꦠꦴꦤꦁ ꦈꦥꦴꦢꦴꦪ ꦄꦤꦶꦢꦱ꧀ꦱꦤꦺꦴ ꦱꦥ꧀ꦥꦛꦶꦓꦺꦴ ꦩꦹꦭꦒꦤ꧀ꦣꦺꦴ ꦱꦴꦫꦒꦤ꧀ꦣꦺꦴ ꦠꦕꦒꦤ꧀ꦣꦺꦴ ꦥꦠ꧀ꦠꦒꦤ꧀ꦣꦺꦴ ꦥꦸꦥ꧀ꦦꦒꦤ꧀ꦣꦺꦴ ꦦꦭꦒꦤ꧀ꦣꦺꦴ ꦄꦴꦩꦒꦤ꧀ꦣꦺꦴ ꦮꦶꦱ꧀ꦱꦒꦤ꧀ꦣꦺꦴ ꦱꦸꦒꦤ꧀ꦣꦺꦴ ꦢꦸꦒ꧀ꦒꦤ꧀ꦣꦺꦴ, ꦪꦺꦴ ꦮꦴ ꦥꦤꦚ꧀ꦚꦺꦴꦥꦶ ꦄꦠ꧀ꦡꦶ ꦒꦤ꧀ꦣꦺꦴ ꦕꦠꦸꦤ꧀ꦤꦁ ꦩꦲꦴꦨꦹꦠꦴꦤꦁ ꦈꦥꦴꦢꦴꦪ ꦄꦤꦶꦢꦱ꧀ꦱꦤꦺꦴ ꦱꦥ꧀ꦥꦛꦶꦓꦺꦴ, ꦪꦁ ꦒꦤ꧀ꦣꦁ ꦄꦤꦶꦢꦱ꧀ꦱꦤꦁ ꦱꦥ꧀ꦥꦛꦶꦓꦁ ꦓꦴꦤꦺꦤ ꦄꦤꦶꦢꦱ꧀ꦱꦤꦺꦤ ꦱꦥ꧀ꦥꦛꦶꦓꦺꦤ ꦓꦴꦪꦶ ꦮꦴ ꦓꦴꦪꦠꦶ ꦮꦴ ꦓꦴꦪꦶꦱ꧀ꦱꦠꦶ ꦮꦴ ꦓꦴꦪꦺ ꦮꦴ, ꦒꦤ꧀ꦣꦺꦴꦥꦺꦱꦺꦴ ꦒꦤ꧀ꦣꦴꦪꦠꦤꦩ꧀ꦥꦺꦠꦁ ꦒꦤ꧀ꦣꦣꦴꦠꦸꦥꦺꦱꦴ. ꦆꦢꦁ ꦮꦸꦕ꧀ꦕꦠꦶ ‘‘ꦒꦤ꧀ꦣꦴꦪꦠꦤꦁ’’.

꧑꧖꧕. ꦠꦠ꧀ꦡ ꦏꦠꦩꦁ ꦫꦱꦴꦪꦠꦤꦁ? ꦪꦺꦴ ꦫꦱꦺꦴ ꦕꦠꦸꦤ꧀ꦤꦁ ꦩꦲꦴꦨꦹꦠꦴꦤꦁ ꦈꦥꦴꦢꦴꦪ ꦄꦤꦶꦢꦱ꧀ꦱꦤꦺꦴ ꦱꦥ꧀ꦥꦛꦶꦓꦺꦴ ꦩꦹꦭꦫꦱꦺꦴ ꦑꦤ꧀ꦣꦫꦱꦺꦴ ꦠꦕꦫꦱꦺꦴ ꦥꦠ꧀ꦠꦫꦱꦺꦴ ꦥꦸꦥ꧀ꦦꦫꦱꦺꦴ ꦦꦭꦫꦱꦺꦴ ꦄꦩ꧀ꦧꦶꦭꦁ ꦩꦣꦸꦫꦁ ꦠꦶꦠ꧀ꦠꦏꦁ ꦏꦛꦸꦏꦁ ꦭꦺꦴꦟꦶꦏꦁ [ꦭꦥꦶꦭꦏꦁ (ꦱꦷ.), ꦭꦩ꧀ꦥꦶꦏꦁ (ꦏ. ꦱꦷ.)] ꦑꦴꦫꦶꦏꦁ ꦭꦩ꧀ꦧꦶꦏꦁ ꦏꦱꦴꦮꦺꦴ ꦱꦴꦢꦸ ꦄꦱꦴꦢꦸ, ꦪꦺꦴ ꦮꦴ ꦥꦤꦚ꧀ꦚꦺꦴꦥꦶ ꦄꦠ꧀ꦡꦶ ꦫꦱꦺꦴ ꦕꦠꦸꦤ꧀ꦤꦁ ꦩꦲꦴꦨꦹꦠꦴꦤꦁ ꦈꦥꦴꦢꦴꦪ ꦄꦤꦶꦢꦱ꧀ꦱꦤꦺꦴ ꦱꦥ꧀ꦥꦛꦶꦓꦺꦴ, ꦪꦁ ꦫꦱꦁ ꦄꦤꦶꦢꦱ꧀ꦱꦤꦁ ꦱꦥ꧀ꦥꦛꦶꦓꦁ ꦗꦶꦮ꧀ꦲꦴꦪ ꦄꦤꦶꦢꦱ꧀ꦱꦤꦴꦪ ꦱꦥ꧀ꦥꦛꦶꦓꦴꦪ ꦱꦴꦪꦶ ꦮꦴ ꦱꦴꦪꦠꦶ ꦮꦴ ꦱꦴꦪꦶꦱ꧀ꦱꦠꦶ ꦮꦴ ꦱꦴꦪꦺ ꦮꦴ, ꦫꦱꦺꦴꦥꦺꦱꦺꦴ ꦫꦱꦴꦪꦠꦤꦩ꧀ꦥꦺꦠꦁ ꦫꦱꦣꦴꦠꦸꦥꦺꦱꦴ. ꦆꦢꦁ ꦮꦸꦕ꧀ꦕꦠꦶ ‘‘ꦫꦱꦴꦪꦠꦤꦁ’’.

꧑꧖꧖. ꦠꦠ꧀ꦡ ꦏꦠꦩꦁ ꦦꦺꦴꦛ꧀ꦜꦧ꧀ꦧꦴꦪꦠꦤꦁ? ꦥꦡꦮꦷꦣꦴꦠꦸ ꦠꦺꦗꦺꦴꦣꦴꦠꦸ ꦮꦴꦪꦺꦴꦣꦴꦠꦸ ꦏꦏ꧀ꦑꦭ꦳ꦁ ꦩꦸꦢꦸꦏꦁ ꦱꦟ꧀ꦲꦁ ꦦꦫꦸꦱꦁ ꦱꦸꦑꦱꦩ꧀ꦦꦱ꧀ꦱꦁ ꦢꦸꦏ꧀ꦑꦱꦩ꧀ꦦꦱ꧀ꦱꦁ ꦒꦫꦸꦏꦁ ꦭꦲꦸꦏꦁ, ꦪꦁ ꦦꦺꦴꦛ꧀ꦜꦧ꧀ꦧꦁ ꦄꦤꦶꦢꦱ꧀ꦱꦤꦁ ꦱꦥ꧀ꦥꦛꦶꦓꦁ ꦏꦴꦪꦺꦤ ꦄꦤꦶꦢꦱ꧀ꦱꦤꦺꦤ ꦱꦥ꧀ꦥꦛꦶꦓꦺꦤ ꦦꦸꦱꦶ ꦮꦴ ꦦꦸꦱꦠꦶ ꦮꦴ ꦦꦸꦱꦶꦱ꧀ꦱꦠꦶ ꦮꦴ ꦦꦸꦱꦺ ꦮꦴ, ꦦꦺꦴꦛ꧀ꦜꦧ꧀ꦧꦺꦴꦥꦺꦱꦺꦴ ꦦꦺꦴꦛ꧀ꦜꦧ꧀ꦧꦴꦪꦠꦤꦩ꧀ꦥꦺꦠꦁ ꦦꦺꦴꦛ꧀ꦜꦧ꧀ꦧꦣꦴꦠꦸꦥꦺꦱꦴ. ꦆꦢꦁ ꦮꦸꦕ꧀ꦕꦠꦶ ‘‘ꦦꦺꦴꦛ꧀ꦜꦧ꧀ꦧꦴꦪꦠꦤꦁ’’.

꧑꧖꧗. ꦠꦠ꧀ꦡ ꦏꦠꦩꦁ ꦣꦩ꧀ꦩꦴꦪꦠꦤꦁ? ꦮꦺꦢꦤꦴꦏ꧀ꦑꦤ꧀ꦣꦺꦴ, ꦱꦚ꧀ꦚꦴꦏ꧀ꦑꦤ꧀ꦣꦺꦴ, ꦱꦔ꧀ꦑꦴꦫꦏ꧀ꦑꦤ꧀ꦣꦺꦴ, ꦪꦚ꧀ꦕ ꦫꦹꦥꦁ ꦄꦤꦶꦢꦱ꧀ꦱꦤꦄꦥ꧀ꦥꦛꦶꦓꦁ ꦣꦩ꧀ꦩꦴꦪꦠꦤꦥꦫꦶꦪꦴꦥꦤ꧀ꦤꦁ, ꦄꦱꦔ꧀ꦑꦠꦴ ꦕ ꦣꦴꦠꦸ.

ꦠꦠ꧀ꦡ ꦏꦠꦩꦺꦴ ꦮꦺꦢꦤꦴꦏ꧀ꦑꦤ꧀ꦣꦺꦴ? ꦌꦏꦮꦶꦣꦺꦤ ꦮꦺꦢꦤꦴꦏ꧀ꦑꦤ꧀ꦣꦺꦴ – ꦦꦱ꧀ꦱꦱꦩ꧀ꦥꦪꦸꦠ꧀ꦠꦺꦴ. ꦢꦸꦮꦶꦣꦺꦤ ꦮꦺꦢꦤꦴꦏ꧀ꦑꦤ꧀ꦣꦺꦴ – ꦄꦠ꧀ꦡꦶ ꦱꦲꦺꦠꦸꦏꦺꦴ, ꦄꦠ꧀ꦡꦶ ꦄꦲꦺꦠꦸꦏꦺꦴ. ꦠꦶꦮꦶꦣꦺꦤ ꦮꦺꦢꦤꦴꦏ꧀ꦑꦤ꧀ꦣꦺꦴ – ꦄꦠ꧀ꦡꦶ ꦏꦸꦱꦭꦺꦴ, ꦄꦠ꧀ꦡꦶ ꦄꦏꦸꦱꦭꦺꦴ, ꦄꦠ꧀ꦡꦶ ꦄꦧ꧀ꦪꦴꦏꦠꦺꦴ…ꦥꦺ… ꦌꦮꦁ ꦢꦱꦮꦶꦣꦺꦤ ꦮꦺꦢꦤꦴꦏ꧀ꦑꦤ꧀ꦣꦺꦴ…ꦥꦺ… ꦌꦮꦁ ꦧꦲꦸꦮꦶꦣꦺꦤ ꦮꦺꦢꦤꦴꦏ꧀ꦑꦤ꧀ꦣꦺꦴ. ꦄꦪꦁ ꦮꦸꦕ꧀ꦕꦠꦶ ‘‘ꦮꦺꦢꦤꦴꦏ꧀ꦑꦤ꧀ꦣꦺꦴ’’.

ꦠꦠ꧀ꦡ ꦏꦠꦩꦺꦴ ꦱꦚ꧀ꦚꦴꦏ꧀ꦑꦤ꧀ꦣꦺꦴ? ꦌꦏꦮꦶꦣꦺꦤ ꦱꦚ꧀ꦚꦴꦏ꧀ꦑꦤ꧀ꦣꦺꦴ – ꦦꦱ꧀ꦱꦱꦩ꧀ꦥꦪꦸꦠ꧀ꦠꦺꦴ. ꦢꦸꦮꦶꦣꦺꦤ ꦱꦚ꧀ꦚꦴꦏ꧀ꦑꦤ꧀ꦣꦺꦴ – ꦄꦠ꧀ꦡꦶ ꦱꦲꦺꦠꦸꦏꦺꦴ, ꦄꦠ꧀ꦡꦶ ꦄꦲꦺꦠꦸꦏꦺꦴ. ꦠꦶꦮꦶꦣꦺꦤ ꦱꦚ꧀ꦚꦴꦏ꧀ꦑꦤ꧀ꦣꦺꦴ – ꦄꦠ꧀ꦡꦶ ꦏꦸꦱꦭꦺꦴ, ꦄꦠ꧀ꦡꦶ ꦄꦏꦸꦱꦭꦺꦴ, ꦄꦠ꧀ꦡꦶ ꦄꦧ꧀ꦪꦴꦏꦠꦺꦴ…ꦥꦺ… ꦌꦮꦁ ꦢꦱꦮꦶꦣꦺꦤ ꦱꦚ꧀ꦚꦴꦏ꧀ꦑꦤ꧀ꦣꦺꦴ…ꦥꦺ… ꦌꦮꦁ ꦧꦲꦸꦮꦶꦣꦺꦤ ꦱꦚ꧀ꦚꦴꦏ꧀ꦑꦤ꧀ꦣꦺꦴ. ꦄꦪꦁ ꦮꦸꦕ꧀ꦕꦠꦶ ‘‘ꦱꦚ꧀ꦚꦴꦏ꧀ꦑꦤ꧀ꦣꦺꦴ’’.

ꦠꦠ꧀ꦡ ꦏꦠꦩꦺꦴ ꦱꦔ꧀ꦑꦴꦫꦏ꧀ꦑꦤ꧀ꦣꦺꦴ? ꦌꦏꦮꦶꦣꦺꦤ ꦱꦔ꧀ꦑꦴꦫꦏ꧀ꦑꦤ꧀ꦣꦺꦴ – ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ. ꦢꦸꦮꦶꦣꦺꦤ ꦱꦔ꧀ꦑꦴꦫꦏ꧀ꦑꦤ꧀ꦣꦺꦴ – ꦄꦠ꧀ꦡꦶ ꦲꦺꦠꦸ, ꦄꦠ꧀ꦡꦶ ꦤ ꦲꦺꦠꦸ. ꦠꦶꦮꦶꦣꦺꦤ ꦱꦔ꧀ꦑꦴꦫꦏ꧀ꦑꦤ꧀ꦣꦺꦴ – ꦄꦠ꧀ꦡꦶ ꦏꦸꦱꦭꦺꦴ, ꦄꦠ꧀ꦡꦶ ꦄꦏꦸꦱꦭꦺꦴ, ꦄꦠ꧀ꦡꦶ ꦄꦧ꧀ꦪꦴꦏꦠꦺꦴ…ꦥꦺ… ꦌꦮꦁ ꦢꦱꦮꦶꦣꦺꦤ ꦱꦔ꧀ꦑꦴꦫꦏ꧀ꦑꦤ꧀ꦣꦺꦴ…ꦥꦺ… ꦌꦮꦁ ꦧꦲꦸꦮꦶꦣꦺꦤ ꦱꦔ꧀ꦑꦴꦫꦏ꧀ꦑꦤ꧀ꦣꦺꦴ. ꦄꦪꦁ ꦮꦸꦕ꧀ꦕꦠꦶ ‘‘ꦱꦔ꧀ꦑꦴꦫꦏ꧀ꦑꦤ꧀ꦣꦺꦴ’’.

ꦠꦠ꧀ꦡ ꦏꦠꦩꦁ ꦫꦹꦥꦁ ꦄꦤꦶꦢꦱ꧀ꦱꦤꦄꦥ꧀ꦥꦛꦶꦓꦁ ꦣꦩ꧀ꦩꦴꦪꦠꦤꦥꦫꦶꦪꦴꦥꦤ꧀ꦤꦁ? ꦆꦠ꧀ꦡꦶꦤ꧀ꦢ꧀ꦫꦶꦪꦁ ꦥꦸꦫꦶꦱꦶꦤ꧀ꦢ꧀ꦫꦶꦪꦁ…ꦥꦺ… ꦏꦧꦭ꦳ꦷꦏꦴꦫꦺꦴ ꦄꦴꦲꦴꦫꦺꦴ. ꦆꦢꦁ ꦮꦸꦕ꧀ꦕꦠꦶ ꦫꦹꦥꦁ ‘‘ꦄꦤꦶꦢꦱ꧀ꦱꦤꦄꦥ꧀ꦥꦛꦶꦓꦁ ꦣꦩ꧀ꦩꦴꦪꦠꦤꦥꦫꦶꦪꦴꦥꦤ꧀ꦤꦁ’’.

ꦠꦠ꧀ꦡ ꦏꦠꦩꦴ ꦄꦱꦔ꧀ꦑꦠꦴ ꦣꦴꦠꦸ? ꦫꦴꦒꦏ꧀ꦑꦪꦺꦴ, ꦢꦺꦴꦱꦏ꧀ꦑꦪꦺꦴ, ꦩꦺꦴꦲꦏ꧀ꦑꦪꦺꦴ – ꦄꦪꦁ ꦮꦸꦕ꧀ꦕꦠꦶ ‘‘ꦄꦱꦔ꧀ꦑꦠꦴ ꦣꦴꦠꦸ’’.

ꦆꦢꦁ ꦮꦸꦕ꧀ꦕꦠꦶ ꦣꦩ꧀ꦩꦴꦪꦠꦤꦁ.

ꦄꦨꦶꦣꦩ꧀ꦩꦨꦴꦗꦤꦷꦪꦁ.

꧓. ꦥꦚ꧀ꦲꦴꦥꦸꦕ꧀ꦖꦏꦁ

꧑꧖꧘. ꦢ꧀ꦮꦴꦢꦱꦴꦪꦠꦤꦴꦤꦶ – ꦕꦏ꧀ꦑꦴꦪꦠꦤꦁ, ꦫꦹꦥꦴꦪꦠꦤꦁ, ꦱꦺꦴꦠꦴꦪꦠꦤꦁ, ꦱꦢ꧀ꦢꦴꦪꦠꦤꦁ, ꦓꦴꦤꦴꦪꦠꦤꦁ, ꦒꦤ꧀ꦣꦴꦪꦠꦤꦁ, ꦗꦶꦮ꧀ꦲꦴꦪꦠꦤꦁ, ꦫꦱꦴꦪꦠꦤꦁ, ꦏꦴꦪꦴꦪꦠꦤꦁ, ꦦꦺꦴꦛ꧀ꦜꦧ꧀ꦧꦴꦪꦠꦤꦁ, ꦩꦤꦴꦪꦠꦤꦁ, ꦣꦩ꧀ꦩꦴꦪꦠꦤꦁ.

꧑꧖꧙. ꦢ꧀ꦮꦴꦢꦱꦤ꧀ꦤꦁ ꦄꦴꦪꦠꦤꦴꦤꦁ ꦏꦠꦶ ꦏꦸꦱꦭꦴ, ꦏꦠꦶ ꦄꦏꦸꦱꦭꦴ, ꦏꦠꦶ ꦄꦧ꧀ꦪꦴꦏꦠꦴ…ꦥꦺ… ꦏꦠꦶ ꦱꦫꦟꦴ, ꦏꦠꦶ ꦄꦫꦟꦴ?

꧑. ꦠꦶꦏꦁ

꧑꧗꧐. ꦢꦱꦴꦪꦠꦤꦴ ꦄꦧ꧀ꦪꦴꦏꦠꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦏꦸꦱꦭꦴ, ꦱꦶꦪꦴ ꦄꦏꦸꦱꦭꦴ, ꦱꦶꦪꦴ ꦄꦧ꧀ꦪꦴꦏꦠꦴ. ꦢꦱꦴꦪꦠꦤꦴ ꦤ ꦮꦠ꧀ꦠꦧ꧀ꦧꦴ – ‘‘ꦱꦸꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦴ’’ꦠꦶꦥꦶ, ‘‘ꦢꦸꦏ꧀ꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦴ’’ꦠꦶꦥꦶ, ‘‘ꦄꦢꦸꦏ꧀ꦑꦩꦱꦸꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦴ’’ꦠꦶꦥꦶ. ꦩꦤꦴꦪꦠꦤꦁ ꦱꦶꦪꦴ ꦱꦸꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦁ, ꦱꦶꦪꦴ ꦢꦸꦏ꧀ꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦁ, ꦱꦶꦪꦴ ꦄꦢꦸꦏ꧀ꦑꦩꦱꦸꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦁ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦱꦸꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦁ, ꦱꦶꦪꦴ ꦢꦸꦏ꧀ꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦁ, ꦱꦶꦪꦴ ꦄꦢꦸꦏ꧀ꦑꦩꦱꦸꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦁ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦱꦸꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠ’’ꦤ꧀ꦠꦶꦥꦶ, ‘‘ꦢꦸꦏ꧀ꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠ’’ꦤ꧀ꦠꦶꦥꦶ, ‘‘ꦄꦢꦸꦏ꧀ꦑꦩꦱꦸꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠ’’ꦤ꧀ꦠꦶꦥꦶ. ꦢꦱꦴꦪꦠꦤꦴ ꦤꦺꦮꦮꦶꦥꦴꦏꦤꦮꦶꦥꦴꦏꦣꦩ꧀ꦩꦣꦩ꧀ꦩꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦮꦶꦥꦴꦏꦴ, ꦱꦶꦪꦴ ꦮꦶꦥꦴꦏꦣꦩ꧀ꦩꦣꦩ꧀ꦩꦴ, ꦱꦶꦪꦴ ꦤꦺꦮꦮꦶꦥꦴꦏꦤꦮꦶꦥꦴꦏꦣꦩ꧀ꦩꦣꦩ꧀ꦩꦴ.

ꦥꦚ꧀ꦕꦴꦪꦠꦤꦴ ꦈꦥꦴꦢꦶꦤ꧀ꦤꦸꦥꦴꦢꦴꦤꦶꦪꦴ. ꦱꦢ꧀ꦢꦴꦪꦠꦤꦁ ꦄꦤꦸꦥꦴꦢꦶꦤ꧀ꦤꦸꦥꦴꦢꦴꦤꦶꦪꦁ. ꦕꦠ꧀ꦠꦴꦫꦺꦴ ꦄꦴꦪꦠꦤꦴ ꦱꦶꦪꦴ ꦈꦥꦴꦢꦶꦤ꧀ꦤꦸꦥꦴꦢꦴꦤꦶꦪꦴ, ꦱꦶꦪꦴ ꦄꦤꦸꦥꦴꦢꦶꦤ꧀ꦤꦸꦥꦴꦢꦴꦤꦶꦪꦴ, ꦱꦶꦪꦴ ꦄꦤꦸꦥꦴꦢꦴꦤꦶꦪꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦈꦥꦴꦢꦶꦤ꧀ꦤꦸꦥꦴꦢꦴꦤꦶꦪꦴ, ꦱꦶꦪꦴ ꦄꦤꦸꦥꦴꦢꦶꦤ꧀ꦤꦸꦥꦴꦢꦴꦤꦶꦪꦴ, ꦱꦶꦪꦴ ꦄꦤꦸꦥꦴꦢꦶꦤ꧀ꦤꦄꦤꦸꦥꦴꦢꦴꦤꦶꦪꦴ. ꦢꦱꦴꦪꦠꦤꦴ ꦄꦱꦁꦏꦶꦭꦶꦛ꧀ꦜꦱꦁꦏꦶꦭꦺꦱꦶꦏꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦱꦁꦏꦶꦭꦶꦛ꧀ꦜꦱꦁꦏꦶꦭꦺꦱꦶꦏꦴ, ꦱꦶꦪꦴ ꦄꦱꦁꦏꦶꦭꦶꦛ꧀ꦜꦱꦁꦏꦶꦭꦺꦱꦶꦏꦴ, ꦱꦶꦪꦴ ꦄꦱꦁꦏꦶꦭꦶꦛ꧀ꦜꦄꦱꦁꦏꦶꦭꦺꦱꦶꦏꦴ. ꦢꦱꦴꦪꦠꦤꦴ ꦄꦮꦶꦠꦏ꧀ꦏꦄꦮꦶꦕꦴꦫꦴ. ꦩꦤꦴꦪꦠꦤꦁ ꦱꦶꦪꦴ ꦱꦮꦶꦠꦏ꧀ꦏꦱꦮꦶꦕꦴꦫꦁ, ꦱꦶꦪꦴ ꦄꦮꦶꦠꦏ꧀ꦏꦮꦶꦕꦴꦫꦩꦠ꧀ꦠꦁ, ꦱꦶꦪꦴ ꦄꦮꦶꦠꦏ꧀ꦏꦄꦮꦶꦕꦴꦫꦁ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦱꦮꦶꦠꦏ꧀ꦏꦱꦮꦶꦕꦴꦫꦁ, ꦱꦶꦪꦴ ꦄꦮꦶꦠꦏ꧀ꦏꦮꦶꦕꦴꦫꦩꦠ꧀ꦠꦁ, ꦱꦶꦪꦴ ꦄꦮꦶꦠꦏ꧀ꦏꦄꦮꦶꦕꦴꦫꦁ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦱꦮꦶꦠꦏ꧀ꦏꦱꦮꦶꦕꦴꦫ’’ꦤ꧀ꦠꦶꦥꦶ, ‘‘ꦄꦮꦶꦠꦏ꧀ꦏꦮꦶꦕꦴꦫꦩꦠ꧀ꦠ’’ꦤ꧀ꦠꦶꦥꦶ, ‘‘ꦄꦮꦶꦠꦏ꧀ꦏꦄꦮꦶꦕꦴꦫ’’ꦤ꧀ꦠꦶꦥꦶ. ꦢꦱꦴꦪꦠꦤꦴ ꦤ ꦮꦠ꧀ꦠꦧ꧀ꦧꦴ – ‘‘ꦥꦷꦠꦶꦱꦲꦒꦠꦴ’’ꦠꦶꦥꦶ, ‘‘ꦱꦸꦑꦱꦲꦒꦠꦴ’’ꦠꦶꦥꦶ, ‘‘ꦈꦥꦺꦏ꧀ꦑꦴꦱꦲꦒꦠꦴ’’ꦠꦶꦥꦶ. ꦢ꧀ꦮꦴꦪꦠꦤꦴ ꦱꦶꦪꦴ ꦥꦷꦠꦶꦱꦲꦒꦠꦴ, ꦱꦶꦪꦴ ꦱꦸꦑꦱꦲꦒꦠꦴ, ꦱꦶꦪꦴ ꦈꦥꦺꦏ꧀ꦑꦴꦱꦲꦒꦠꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦴ – ‘‘ꦥꦷꦠꦶꦱꦲꦒꦠꦴ’’ꦠꦶꦥꦶ, ‘‘ꦱꦸꦑꦱꦲꦒꦠꦴ’’ꦠꦶꦥꦶ, ‘‘ꦈꦥꦺꦏ꧀ꦑꦴꦱꦲꦒꦠꦴ’’ꦠꦶꦥꦶ.

ꦢꦱꦴꦪꦠꦤꦴ ꦤꦺꦮ ꦢꦱ꧀ꦱꦤꦺꦤ ꦤ ꦨꦴꦮꦤꦴꦪ ꦥꦲꦴꦠꦧ꧀ꦧꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦢꦱ꧀ꦱꦤꦺꦤ ꦥꦲꦴꦠꦧ꧀ꦧꦴ, ꦱꦶꦪꦴ ꦨꦴꦮꦤꦴꦪ ꦥꦲꦴꦠꦧ꧀ꦧꦴ, ꦱꦶꦪꦴ ꦤꦺꦮ ꦢꦱ꧀ꦱꦤꦺꦤ ꦤ ꦨꦴꦮꦤꦴꦪ ꦥꦲꦴꦠꦧ꧀ꦧꦴ. ꦢꦱꦴꦪꦠꦤꦴ ꦤꦺꦮ ꦢꦱ꧀ꦱꦤꦺꦤ ꦤ ꦨꦴꦮꦤꦴꦪ ꦥꦲꦴꦠꦧ꧀ꦧꦲꦺꦠꦸꦏꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦢꦱ꧀ꦱꦤꦺꦤ ꦥꦲꦴꦠꦧ꧀ꦧꦲꦺꦠꦸꦏꦴ, ꦱꦶꦪꦴ ꦨꦴꦮꦤꦴꦪ ꦥꦲꦴꦠꦧ꧀ꦧꦲꦺꦠꦸꦏꦴ, ꦱꦶꦪꦴ ꦤꦺꦮ ꦢꦱ꧀ꦱꦤꦺꦤ ꦤ ꦨꦴꦮꦤꦴꦪ ꦥꦲꦴꦠꦧ꧀ꦧꦲꦺꦠꦸꦏꦴ. ꦢꦱꦴꦪꦠꦤꦴ ꦤꦺꦮꦴꦕꦪꦒꦴꦩꦶꦤꦴꦥꦕꦪꦒꦴꦩꦶꦤꦺꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦄꦴꦕꦪꦒꦴꦩꦶꦤꦺꦴ, ꦱꦶꦪꦴ ꦄꦥꦕꦪꦒꦴꦩꦶꦤꦺꦴ, ꦱꦶꦪꦴ ꦤꦺꦮꦴꦕꦪꦒꦴꦩꦶꦤꦴꦥꦕꦪꦒꦴꦩꦶꦤꦺꦴ. ꦢꦱꦴꦪꦠꦤꦴ ꦤꦺꦮꦱꦺꦏ꧀ꦑꦤꦴꦱꦺꦏ꧀ꦑꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦱꦺꦏ꧀ꦑꦴ, ꦱꦶꦪꦴ ꦄꦱꦺꦏ꧀ꦑꦴ, ꦱꦶꦪꦴ ꦤꦺꦮꦱꦺꦏ꧀ꦑꦤꦴꦱꦺꦏ꧀ꦑꦴ. ꦢꦱꦴꦪꦠꦤꦴ ꦥꦫꦶꦠ꧀ꦠꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦥꦫꦶꦠ꧀ꦠꦴ, ꦱꦶꦪꦴ ꦩꦲꦒ꧀ꦒꦠꦴ, ꦱꦶꦪꦴ ꦄꦥ꧀ꦥꦩꦴꦟꦴ. ꦢꦱꦴꦪꦠꦤꦴ ꦄꦤꦴꦫꦩ꧀ꦩꦟꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦥꦫꦶꦠ꧀ꦠꦴꦫꦩ꧀ꦩꦟꦴ, ꦱꦶꦪꦴ ꦩꦲꦒ꧀ꦒꦠꦴꦫꦩ꧀ꦩꦟꦴ, ꦱꦶꦪꦴ ꦄꦥ꧀ꦥꦩꦴꦟꦴꦫꦩ꧀ꦩꦟꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦴ – ‘‘ꦥꦫꦶꦠ꧀ꦠꦴꦫꦩ꧀ꦩꦟꦴ’’ꦠꦶꦥꦶ, ‘‘ꦩꦲꦒ꧀ꦒꦠꦴꦫꦩ꧀ꦩꦟꦴ’’ꦠꦶꦥꦶ, ‘‘ꦄꦥ꧀ꦥꦩꦴꦟꦴꦫꦩ꧀ꦩꦟꦴ’’ꦠꦶꦥꦶ. ꦢꦱꦴꦪꦠꦤꦴ ꦩꦗ꧀ꦙꦶꦩꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦲꦷꦤꦴ, ꦱꦶꦪꦴ ꦩꦗ꧀ꦙꦶꦩꦴ, ꦱꦶꦪꦴ ꦥꦟꦷꦠꦴ. ꦢꦱꦴꦪꦠꦤꦴ ꦄꦤꦶꦪꦠꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦩꦶꦕ꧀ꦖꦠ꧀ꦠꦤꦶꦪꦠꦴ, ꦱꦶꦪꦴ ꦱꦩ꧀ꦩꦠ꧀ꦠꦤꦶꦪꦠꦴ, ꦱꦶꦪꦴ ꦄꦤꦶꦪꦠꦴ.

ꦢꦱꦴꦪꦠꦤꦴ ꦄꦤꦴꦫꦩ꧀ꦩꦟꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦩꦒ꧀ꦒꦴꦫꦩ꧀ꦩꦟꦴ, ꦱꦶꦪꦴ ꦩꦒ꧀ꦒꦲꦺꦠꦸꦏꦴ, ꦱꦶꦪꦴ ꦩꦒ꧀ꦒꦴꦣꦶꦥꦠꦶꦤꦺꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦴ – ‘‘ꦩꦒ꧀ꦒꦴꦫꦩ꧀ꦩꦟꦴ’’ꦠꦶꦥꦶ, ‘‘ꦩꦒ꧀ꦒꦲꦺꦠꦸꦏꦴ’’ꦠꦶꦥꦶ, ‘‘ꦩꦒ꧀ꦒꦴꦣꦶꦥꦠꦶꦤꦺꦴ’’ꦠꦶꦥꦶ. ꦥꦚ꧀ꦕꦴꦪꦠꦤꦴ ꦱꦶꦪꦴ ꦈꦥ꧀ꦥꦤ꧀ꦤꦴ, ꦱꦶꦪꦴ ꦈꦥ꧀ꦥꦴꦢꦶꦤꦺꦴ, ꦤ ꦮꦠ꧀ꦠꦧ꧀ꦧꦴ – ‘‘ꦄꦤꦸꦥ꧀ꦥꦤ꧀ꦤꦴ’’ꦠꦶ. ꦱꦢ꧀ꦢꦴꦪꦠꦤꦁ ꦱꦶꦪꦴ ꦈꦥ꧀ꦥꦤ꧀ꦤꦁ, ꦱꦶꦪꦴ ꦄꦤꦸꦥ꧀ꦥꦤ꧀ꦤꦁ, ꦤ ꦮꦠ꧀ꦠꦧ꧀ꦧꦁ – ‘‘ꦈꦥ꧀ꦥꦴꦢꦷ’’ꦠꦶ. ꦥꦚ꧀ꦕꦴꦪꦠꦤꦴ ꦱꦶꦪꦴ ꦈꦥ꧀ꦥꦤ꧀ꦤꦴ, ꦱꦶꦪꦴ ꦄꦤꦸꦥ꧀ꦥꦤ꧀ꦤꦴ, ꦱꦶꦪꦴ ꦈꦥ꧀ꦥꦴꦢꦶꦤꦺꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦈꦥ꧀ꦥꦤ꧀ꦤꦁ, ꦱꦶꦪꦴ ꦄꦤꦸꦥ꧀ꦥꦤ꧀ꦤꦁ, ꦱꦶꦪꦴ ꦈꦥ꧀ꦥꦴꦢꦶ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦈꦥ꧀ꦥꦤ꧀ꦤ’’ꦤ꧀ꦠꦶꦥꦶ, ‘‘ꦄꦤꦸꦥ꧀ꦥꦤ꧀ꦤ’’ꦤ꧀ꦠꦶꦥꦶ, ‘‘ꦈꦥ꧀ꦥꦴꦢꦷ’’ꦠꦶꦥꦶ. ꦌꦏꦴꦢꦱꦴꦪꦠꦤꦴ ꦱꦶꦪꦴ ꦄꦠꦷꦠꦴ, ꦱꦶꦪꦴ ꦄꦤꦴꦒꦠꦴ, ꦱꦶꦪꦴ ꦥꦕ꧀ꦕꦸꦥ꧀ꦥꦤ꧀ꦤꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦄꦠꦷꦠꦁ, ꦱꦶꦪꦴ ꦄꦤꦴꦒꦠꦁ, ꦱꦶꦪꦴ ꦥꦕ꧀ꦕꦸꦥ꧀ꦥꦤ꧀ꦤꦁ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦄꦠꦷꦠ’’ꦤ꧀ꦠꦶꦥꦶ, ‘‘ꦄꦤꦴꦒꦠ’’ꦤ꧀ꦠꦶꦥꦶ, ‘‘ꦥꦕ꧀ꦕꦸꦥ꧀ꦥꦤ꧀ꦤ’’ꦤ꧀ꦠꦶꦥꦶ. ꦢꦱꦴꦪꦠꦤꦴ ꦄꦤꦴꦫꦩ꧀ꦩꦟꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦄꦠꦷꦠꦴꦫꦩ꧀ꦩꦟꦴ, ꦱꦶꦪꦴ ꦄꦤꦴꦒꦠꦴꦫꦩ꧀ꦩꦟꦴ, ꦱꦶꦪꦴ ꦥꦕ꧀ꦕꦸꦥ꧀ꦥꦤ꧀ꦤꦴꦫꦩ꧀ꦩꦟꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦴ – ‘‘ꦄꦠꦷꦠꦴꦫꦩ꧀ꦩꦟꦴ’’ꦠꦶꦥꦶ, ‘‘ꦄꦤꦴꦒꦠꦴꦫꦩ꧀ꦩꦟꦴ’’ꦠꦶꦥꦶ, ‘‘ꦥꦕ꧀ꦕꦸꦥ꧀ꦥꦤ꧀ꦤꦴꦫꦩ꧀ꦩꦟꦴ’’ꦠꦶꦥꦶ; ꦱꦶꦪꦴ ꦄꦗ꧀ꦙꦠ꧀ꦠꦴ, ꦱꦶꦪꦴ ꦧꦲꦶꦢ꧀ꦣꦴ, ꦱꦶꦪꦴ ꦄꦗ꧀ꦙꦠ꧀ꦠꦧꦲꦶꦢ꧀ꦣꦴ. ꦢꦱꦴꦪꦠꦤꦴ ꦄꦤꦴꦫꦩ꧀ꦩꦟꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦄꦗ꧀ꦙꦠ꧀ꦠꦴꦫꦩ꧀ꦩꦟꦴ, ꦱꦶꦪꦴ ꦧꦲꦶꦢ꧀ꦣꦴꦫꦩ꧀ꦩꦟꦴ, ꦱꦶꦪꦴ ꦄꦗ꧀ꦙꦠ꧀ꦠꦧꦲꦶꦢ꧀ꦣꦴꦫꦩ꧀ꦩꦟꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦴ – ‘‘ꦄꦗ꧀ꦙꦠ꧀ꦠꦴꦫꦩ꧀ꦩꦟꦴ’’ꦠꦶꦥꦶ, ‘‘ꦧꦲꦶꦢ꧀ꦣꦴꦫꦩ꧀ꦩꦟꦴ’’ꦠꦶꦥꦶ, ‘‘ꦄꦗ꧀ꦙꦠ꧀ꦠꦧꦲꦶꦢ꧀ꦣꦴꦫꦩ꧀ꦩꦟꦴ’’ꦠꦶꦥꦶ. ꦫꦹꦥꦴꦪꦠꦤꦁ ꦱꦤꦶꦢꦱ꧀ꦱꦤꦱꦥ꧀ꦥꦛꦶꦓꦁ. ꦤꦮꦴꦪꦠꦤꦴ ꦄꦤꦶꦢꦱ꧀ꦱꦤꦱꦥ꧀ꦥꦛꦶꦓꦴ. ꦢ꧀ꦮꦴꦪꦠꦤꦴ ꦄꦤꦶꦢꦱ꧀ꦱꦤꦄꦥ꧀ꦥꦛꦶꦓꦴ.

꧒. ꦢꦸꦏꦁ

꧑꧗꧑. ꦌꦏꦴꦢꦱꦴꦪꦠꦤꦴ ꦤ ꦲꦺꦠꦹ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦲꦺꦠꦸ, ꦱꦶꦪꦴ ꦤ ꦲꦺꦠꦸ. ꦢꦱꦴꦪꦠꦤꦴ ꦄꦲꦺꦠꦸꦏꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦱꦲꦺꦠꦸꦏꦴ, ꦱꦶꦪꦴ ꦄꦲꦺꦠꦸꦏꦴ. ꦢꦱꦴꦪꦠꦤꦴ ꦲꦺꦠꦸꦮꦶꦥ꧀ꦥꦪꦸꦠ꧀ꦠꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦲꦺꦠꦸꦱꦩ꧀ꦥꦪꦸꦠ꧀ꦠꦴ, ꦱꦶꦪꦴ ꦲꦺꦠꦸꦮꦶꦥ꧀ꦥꦪꦸꦠ꧀ꦠꦴ. ꦢꦱꦴꦪꦠꦤꦴ ꦤ ꦮꦠ꧀ꦠꦧ꧀ꦧꦴ – ‘‘ꦲꦺꦠꦹ ꦕꦺꦮ ꦱꦲꦺꦠꦸꦏꦴ ꦕꦴ’’ꦠꦶꦥꦶ, ‘‘ꦱꦲꦺꦠꦸꦏꦴ ꦕꦺꦮ ꦤ ꦕ ꦲꦺꦠꦹ’’ꦠꦶꦥꦶ. ꦩꦤꦴꦪꦠꦤꦁ ꦤ ꦮꦠ꧀ꦠꦧ꧀ꦧꦁ – ‘‘ꦲꦺꦠꦸ ꦕꦺꦮ ꦱꦲꦺꦠꦸꦏꦚ꧀ꦕꦴ’’ꦠꦶ, ꦱꦶꦪꦴ ꦱꦲꦺꦠꦸꦏꦚ꧀ꦕꦺꦮ ꦤ ꦕ ꦲꦺꦠꦸ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦱꦲꦺꦠꦸꦏꦚ꧀ꦕꦺꦮ ꦤ ꦕ ꦲꦺꦠꦹ’’ꦠꦶ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦲꦺꦠꦸ ꦕꦺꦮ ꦱꦲꦺꦠꦸꦏꦚ꧀ꦕ, ꦱꦶꦪꦴ ꦱꦲꦺꦠꦸꦏꦚ꧀ꦕꦺꦮ ꦤ ꦕ ꦲꦺꦠꦸ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦲꦺꦠꦸ ꦕꦺꦮ ꦱꦲꦺꦠꦸꦏꦚ꧀ꦕꦴ’’ꦠꦶꦥꦶ, ‘‘ꦱꦲꦺꦠꦸꦏꦚ꧀ꦕꦺꦮ ꦤ ꦕ ꦲꦺꦠꦹ’’ꦠꦶꦥꦶ. ꦢꦱꦴꦪꦠꦤꦴ ꦤ ꦮꦠ꧀ꦠꦧ꧀ꦧꦴ – ‘‘ꦲꦺꦠꦹ ꦕꦺꦮ ꦲꦺꦠꦸꦱꦩ꧀ꦥꦪꦸꦠ꧀ꦠꦴ ꦕꦴ’’ꦠꦶꦥꦶ, ‘‘ꦲꦺꦠꦸꦱꦩ꧀ꦥꦪꦸꦠ꧀ꦠꦴ ꦕꦺꦮ ꦤ ꦕ ꦲꦺꦠꦹ’’ꦠꦶꦥꦶ. ꦩꦤꦴꦪꦠꦤꦁ ꦤ ꦮꦠ꧀ꦠꦧ꧀ꦧꦁ – ‘‘ꦲꦺꦠꦸ ꦕꦺꦮ ꦲꦺꦠꦸꦱꦩ꧀ꦥꦪꦸꦠ꧀ꦠꦚ꧀ꦕꦴ’’ꦠꦶ, ꦱꦶꦪꦴ ꦲꦺꦠꦸꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤ ꦕ ꦲꦺꦠꦸ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦲꦺꦠꦸꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤ ꦕ ꦲꦺꦠꦹ’’ꦠꦶ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦲꦺꦠꦸ ꦕꦺꦮ ꦲꦺꦠꦸꦱꦩ꧀ꦥꦪꦸꦠ꧀ꦠꦚ꧀ꦕ, ꦱꦶꦪꦴ ꦲꦺꦠꦸꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤ ꦕ ꦲꦺꦠꦸ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦲꦺꦠꦸ ꦕꦺꦮ ꦲꦺꦠꦸꦱꦩ꧀ꦥꦪꦸꦠ꧀ꦠꦚ꧀ꦕꦴ’’ꦠꦶꦥꦶ, ‘‘ꦲꦺꦠꦸꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤ ꦕ ꦲꦺꦠꦹ’’ꦠꦶꦥꦶ. ꦢꦱꦴꦪꦠꦤꦴ ꦤ ꦲꦺꦠꦹꦄꦲꦺꦠꦸꦏꦴ. ꦩꦤꦴꦪꦠꦤꦁ ꦱꦶꦪꦴ ꦤ ꦲꦺꦠꦸꦱꦲꦺꦠꦸꦏꦁ, ꦱꦶꦪꦴ ꦤ ꦲꦺꦠꦸꦄꦲꦺꦠꦸꦏꦁ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦤ ꦲꦺꦠꦸꦱꦲꦺꦠꦸꦏꦁ, ꦱꦶꦪꦴ ꦤ ꦲꦺꦠꦸꦄꦲꦺꦠꦸꦏꦁ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦤ ꦲꦺꦠꦸꦱꦲꦺꦠꦸꦏ’’ꦤ꧀ꦠꦶꦥꦶ, ‘‘ꦤ ꦲꦺꦠꦸꦄꦲꦺꦠꦸꦏ’’ꦤ꧀ꦠꦶꦥꦶ.

ꦌꦏꦴꦢꦱꦴꦪꦠꦤꦴ ꦱꦥ꧀ꦥꦕ꧀ꦕꦪꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦱꦥ꧀ꦥꦕ꧀ꦕꦪꦁ, ꦱꦶꦪꦴ ꦄꦥ꧀ꦥꦕ꧀ꦕꦪꦁ. ꦌꦏꦴꦢꦱꦴꦪꦠꦤꦴ ꦱꦔ꧀ꦑꦠꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦱꦔ꧀ꦑꦠꦁ, ꦱꦶꦪꦴ ꦄꦱꦔ꧀ꦑꦠꦁ. ꦫꦹꦥꦴꦪꦠꦤꦁ ꦱꦤꦶꦢꦱ꧀ꦱꦤꦁ. ꦌꦏꦴꦢꦱꦴꦪꦠꦤꦴ ꦄꦤꦶꦢꦱ꧀ꦱꦤꦴ. ꦢꦱꦴꦪꦠꦤꦴ ꦱꦥ꧀ꦥꦛꦶꦓꦴ. ꦢ꧀ꦮꦴꦪꦠꦤꦴ ꦄꦥ꧀ꦥꦛꦶꦓꦴ. ꦢꦱꦴꦪꦠꦤꦴ ꦫꦹꦥꦴ. ꦩꦤꦴꦪꦠꦤꦁ ꦄꦫꦹꦥꦁ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦫꦹꦥꦁ, ꦱꦶꦪꦴ ꦄꦫꦹꦥꦁ. ꦢꦱꦴꦪꦠꦤꦴ ꦭꦺꦴꦏꦶꦪꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦭꦺꦴꦏꦶꦪꦴ, ꦱꦶꦪꦴ ꦭꦺꦴꦏꦸꦠ꧀ꦠꦫꦴ; ꦏꦺꦤꦕꦶ ꦮꦶꦚ꧀ꦚꦺꦪ꧀ꦪꦴ, ꦏꦺꦤꦕꦶ ꦤ ꦮꦶꦚ꧀ꦚꦺꦪ꧀ꦪꦴ.

ꦌꦏꦴꦢꦱꦴꦪꦠꦤꦴ ꦤꦺꦴ ꦄꦴꦱꦮꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦄꦴꦱꦮꦺꦴ, ꦱꦶꦪꦴ ꦤꦺꦴ ꦄꦴꦱꦮꦺꦴ. ꦢꦱꦴꦪꦠꦤꦴ ꦱꦴꦱꦮꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦱꦴꦱꦮꦴ, ꦱꦶꦪꦴ ꦄꦤꦴꦱꦮꦴ. ꦢꦱꦴꦪꦠꦤꦴ ꦄꦴꦱꦮꦮꦶꦥ꧀ꦥꦪꦸꦠ꧀ꦠꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦄꦴꦱꦮꦱꦩ꧀ꦥꦪꦸꦠ꧀ꦠꦴ, ꦱꦶꦪꦴ ꦄꦴꦱꦮꦮꦶꦥ꧀ꦥꦪꦸꦠ꧀ꦠꦴ. ꦢꦱꦴꦪꦠꦤꦴ ꦤ ꦮꦠ꧀ꦠꦧ꧀ꦧꦴ – ‘‘ꦄꦴꦱꦮꦴ ꦕꦺꦮ ꦱꦴꦱꦮꦴ ꦕꦴ’’ꦠꦶ, ‘‘ꦱꦴꦱꦮꦴ ꦕꦺꦮ ꦤꦺꦴ ꦕ ꦄꦴꦱꦮꦴ’’. ꦩꦤꦴꦪꦠꦤꦁ ꦤ ꦮꦠ꧀ꦠꦧ꧀ꦧꦁ – ‘‘ꦄꦴꦱꦮꦺꦴ ꦕꦺꦮ ꦱꦴꦱꦮꦚ꧀ꦕꦴ’’ꦠꦶ, ꦱꦶꦪꦴ ꦱꦴꦱꦮꦚ꧀ꦕꦺꦮ ꦤꦺꦴ ꦕ ꦄꦴꦱꦮꦺꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦱꦴꦱꦮꦚ꧀ꦕꦺꦮ ꦤꦺꦴ ꦕ ꦄꦴꦱꦮꦺꦴ’’ꦠꦶ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦄꦴꦱꦮꦺꦴ ꦕꦺꦮ ꦱꦴꦱꦮꦚ꧀ꦕ, ꦱꦶꦪꦴ ꦱꦴꦱꦮꦚ꧀ꦕꦺꦮ ꦤꦺꦴ ꦕ ꦄꦴꦱꦮꦺꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦄꦴꦱꦮꦺꦴ ꦕꦺꦮ ꦱꦴꦱꦮꦚ꧀ꦕꦴ’’ꦠꦶꦥꦶ, ‘‘ꦱꦴꦱꦮꦚ꧀ꦕꦺꦮ ꦤꦺꦴ ꦕ ꦄꦴꦱꦮꦺꦴ’’ꦠꦶꦥꦶ. ꦢꦱꦴꦪꦠꦤꦴ ꦤ ꦮꦠ꧀ꦠꦧ꧀ꦧꦴ – ‘‘ꦄꦴꦱꦮꦴ ꦕꦺꦮ ꦄꦴꦱꦮꦱꦩ꧀ꦥꦪꦸꦠ꧀ꦠꦴ ꦕꦴ’’ꦠꦶꦥꦶ, ‘‘ꦄꦴꦱꦮꦱꦩ꧀ꦥꦪꦸꦠ꧀ꦠꦴ ꦕꦺꦮ ꦤꦺꦴ ꦕ ꦄꦴꦱꦮꦴ’’ꦠꦶꦥꦶ. ꦩꦤꦴꦪꦠꦤꦁ ꦤ ꦮꦠ꧀ꦠꦧ꧀ꦧꦁ – ‘‘ꦄꦴꦱꦮꦺꦴ ꦕꦺꦮ ꦄꦴꦱꦮꦱꦩ꧀ꦥꦪꦸꦠ꧀ꦠꦚ꧀ꦕꦴ’’ꦠꦶ, ꦱꦶꦪꦴ ꦄꦴꦱꦮꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦄꦴꦱꦮꦺꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦄꦴꦱꦮꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦄꦴꦱꦮꦺꦴ’’ꦠꦶ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦄꦴꦱꦮꦺꦴ ꦕꦺꦮ ꦄꦴꦱꦮꦱꦩ꧀ꦥꦪꦸꦠ꧀ꦠꦚ꧀ꦕ, ꦱꦶꦪꦴ ꦄꦴꦱꦮꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦄꦴꦱꦮꦺꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦄꦴꦱꦮꦺꦴ ꦕꦺꦮ ꦄꦴꦱꦮꦱꦩ꧀ꦥꦪꦸꦠ꧀ꦠꦚ꧀ꦕꦴ’’ꦠꦶꦥꦶ, ‘‘ꦄꦴꦱꦮꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦄꦴꦱꦮꦺꦴ’’ꦠꦶꦥꦶ. ꦢꦱꦴꦪꦠꦤꦴ ꦄꦴꦱꦮꦮꦶꦥ꧀ꦥꦪꦸꦠ꧀ꦠꦱꦴꦱꦮꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦄꦴꦱꦮꦮꦶꦥ꧀ꦥꦪꦸꦠ꧀ꦠꦱꦴꦱꦮꦴ, ꦱꦶꦪꦴ ꦄꦴꦱꦮꦮꦶꦥ꧀ꦥꦪꦸꦠ꧀ꦠꦄꦤꦴꦱꦮꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦴ – ‘‘ꦄꦴꦱꦮꦮꦶꦥ꧀ꦥꦪꦸꦠ꧀ꦠꦱꦴꦱꦮꦴ’’ꦠꦶꦥꦶ, ‘‘ꦄꦴꦱꦮꦮꦶꦥ꧀ꦥꦪꦸꦠ꧀ꦠꦄꦤꦴꦱꦮꦴ’’ꦠꦶꦥꦶ.

ꦌꦏꦴꦢꦱꦴꦪꦠꦤꦴ ꦤꦺꦴ ꦱꦁꦪꦺꦴꦗꦤꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦱꦁꦪꦺꦴꦗꦤꦁ, ꦱꦶꦪꦴ ꦤꦺꦴ ꦱꦁꦪꦺꦴꦗꦤꦁ. ꦢꦱꦴꦪꦠꦤꦴ ꦱꦁꦪꦺꦴꦗꦤꦶꦪꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦱꦁꦪꦺꦴꦗꦤꦶꦪꦴ, ꦱꦶꦪꦴ ꦄꦱꦁꦪꦺꦴꦗꦤꦶꦪꦴ. ꦢꦱꦴꦪꦠꦤꦴ ꦱꦁꦪꦺꦴꦗꦤꦮꦶꦥ꧀ꦥꦪꦸꦠ꧀ꦠꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦱꦁꦪꦺꦴꦗꦤꦱꦩ꧀ꦥꦪꦸꦠ꧀ꦠꦴ, ꦱꦶꦪꦴ ꦱꦁꦪꦺꦴꦗꦤꦮꦶꦥ꧀ꦥꦪꦸꦠ꧀ꦠꦴ. ꦢꦱꦴꦪꦠꦤꦴ ꦤ ꦮꦠ꧀ꦠꦧ꧀ꦧꦴ – ‘‘ꦱꦁꦪꦺꦴꦗꦤꦴ ꦕꦺꦮ ꦱꦁꦪꦺꦴꦗꦤꦶꦪꦴ ꦕꦴ’’ꦠꦶ, ꦱꦁꦪꦺꦴꦗꦤꦶꦪꦴ ꦕꦺꦮ ꦤꦺꦴ ꦕ ꦱꦁꦪꦺꦴꦗꦤꦴ. ꦩꦤꦴꦪꦠꦤꦁ ꦤ ꦮꦠ꧀ꦠꦧ꧀ꦧꦁ – ‘‘ꦱꦁꦪꦺꦴꦗꦤꦚ꧀ꦕꦺꦮ ꦱꦁꦪꦺꦴꦗꦤꦶꦪꦚ꧀ꦕꦴ’’ꦠꦶ, ꦱꦶꦪꦴ ꦱꦁꦪꦺꦴꦗꦤꦶꦪꦚ꧀ꦕꦺꦮ ꦤꦺꦴ ꦕ ꦱꦁꦪꦺꦴꦗꦤꦁ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦱꦁꦪꦺꦴꦗꦤꦶꦪꦚ꧀ꦕꦺꦮ ꦤꦺꦴ ꦕ ꦱꦁꦪꦺꦴꦗꦤ’’ꦤ꧀ꦠꦶ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦱꦁꦪꦺꦴꦗꦤꦚ꧀ꦕꦺꦮ ꦱꦁꦪꦺꦴꦗꦤꦶꦪꦚ꧀ꦕ, ꦱꦶꦪꦴ ꦱꦁꦪꦺꦴꦗꦤꦶꦪꦚ꧀ꦕꦺꦮ ꦤꦺꦴ ꦕ ꦱꦁꦪꦺꦴꦗꦤꦁ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦱꦁꦪꦺꦴꦗꦤꦚ꧀ꦕꦺꦮ ꦱꦁꦪꦺꦴꦗꦤꦶꦪ’’ꦤ꧀ꦠꦶꦥꦶ, ‘‘ꦱꦁꦪꦺꦴꦗꦤꦶꦪꦚ꧀ꦕꦺꦮ ꦤꦺꦴ ꦕ ꦱꦁꦪꦺꦴꦗꦤ’’ꦤ꧀ꦠꦶꦥꦶ. ꦢꦱꦴꦪꦠꦤꦴ ꦤ ꦮꦠ꧀ꦠꦧ꧀ꦧꦴ – ‘‘ꦱꦁꦪꦺꦴꦗꦤꦴ ꦕꦺꦮ ꦱꦁꦪꦺꦴꦗꦤꦱꦩ꧀ꦥꦪꦸꦠ꧀ꦠꦴ ꦕꦴ’’ꦠꦶꦥꦶ, ‘‘ꦱꦁꦪꦺꦴꦗꦤꦱꦩ꧀ꦥꦪꦸꦠ꧀ꦠꦴ ꦕꦺꦮ ꦤꦺꦴ ꦕ ꦱꦁꦪꦺꦴꦗꦤꦴ’’ꦠꦶꦥꦶ. ꦩꦤꦴꦪꦠꦤꦁ ꦤ ꦮꦠ꧀ꦠꦧ꧀ꦧꦁ – ‘‘ꦱꦁꦪꦺꦴꦗꦤꦚ꧀ꦕꦺꦮ ꦱꦁꦪꦺꦴꦗꦤꦱꦩ꧀ꦥꦪꦸꦠ꧀ꦠꦚ꧀ꦕꦴ’’ꦠꦶ, ꦱꦶꦪꦴ ꦱꦁꦪꦺꦴꦗꦤꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦱꦁꦪꦺꦴꦗꦤꦁ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦱꦁꦪꦺꦴꦗꦤꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦱꦁꦪꦺꦴꦗꦤ’’ꦤ꧀ꦠꦶ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦱꦁꦪꦺꦴꦗꦤꦚ꧀ꦕꦺꦮ ꦱꦁꦪꦺꦴꦗꦤꦱꦩ꧀ꦥꦪꦸꦠ꧀ꦠꦚ꧀ꦕ, ꦱꦶꦪꦴ ꦱꦁꦪꦺꦴꦗꦤꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦱꦁꦪꦺꦴꦗꦤꦁ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦱꦁꦪꦺꦴꦗꦤꦚ꧀ꦕꦺꦮ ꦱꦁꦪꦺꦴꦗꦤꦱꦩ꧀ꦥꦪꦸꦠ꧀ꦠꦚ꧀ꦕꦴ’’ꦠꦶꦥꦶ, ‘‘ꦱꦁꦪꦺꦴꦗꦤꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦱꦁꦪꦺꦴꦗꦤ’’ꦤ꧀ꦠꦶꦥꦶ. ꦢꦱꦴꦪꦠꦤꦴ ꦱꦁꦪꦺꦴꦗꦤꦮꦶꦥ꧀ꦥꦪꦸꦠ꧀ꦠꦱꦁꦪꦺꦴꦗꦤꦶꦪꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦱꦁꦪꦺꦴꦗꦤꦮꦶꦥ꧀ꦥꦪꦸꦠ꧀ꦠꦱꦁꦪꦺꦴꦗꦤꦶꦪꦴ, ꦱꦶꦪꦴ ꦱꦁꦪꦺꦴꦗꦤꦮꦶꦥ꧀ꦥꦪꦸꦠ꧀ꦠꦄꦱꦁꦪꦺꦴꦗꦤꦶꦪꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦴ – ‘‘ꦱꦁꦪꦺꦴꦗꦤꦮꦶꦥ꧀ꦥꦪꦸꦠ꧀ꦠꦱꦁꦪꦺꦴꦗꦤꦶꦪꦴ’’ꦠꦶꦥꦶ, ‘‘ꦱꦁꦪꦺꦴꦗꦤꦮꦶꦥ꧀ꦥꦪꦸꦠ꧀ꦠꦄꦱꦁꦪꦺꦴꦗꦤꦶꦪꦴ’’ꦠꦶꦥꦶ.

ꦌꦏꦴꦢꦱꦴꦪꦠꦤꦴ ꦤꦺꦴ ꦒꦤ꧀ꦡꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦒꦤ꧀ꦡꦺꦴ, ꦱꦶꦪꦴ ꦤꦺꦴ ꦒꦤ꧀ꦡꦺꦴ. ꦢꦱꦴꦪꦠꦤꦴ ꦒꦤ꧀ꦡꦤꦶꦪꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦒꦤ꧀ꦡꦤꦶꦪꦴ, ꦱꦶꦪꦴ ꦄꦒꦤ꧀ꦡꦤꦶꦪꦴ. ꦢꦱꦴꦪꦠꦤꦴ ꦒꦤ꧀ꦡꦮꦶꦥ꧀ꦥꦪꦸꦠ꧀ꦠꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦒꦤ꧀ꦡꦱꦩ꧀ꦥꦪꦸꦠ꧀ꦠꦴ, ꦱꦶꦪꦴ ꦒꦤ꧀ꦡꦮꦶꦥ꧀ꦥꦪꦸꦠ꧀ꦠꦴ. ꦢꦱꦴꦪꦠꦤꦴ ꦤ ꦮꦠ꧀ꦠꦧ꧀ꦧꦴ – ‘‘ꦒꦤ꧀ꦡꦴ ꦕꦺꦮ ꦒꦤ꧀ꦡꦤꦶꦪꦴ ꦕꦴ’’ꦠꦶ, ꦒꦤ꧀ꦡꦤꦶꦪꦴ ꦕꦺꦮ ꦤꦺꦴ ꦕ ꦒꦤ꧀ꦡꦴ. ꦩꦤꦴꦪꦠꦤꦁ ꦤ ꦮꦠ꧀ꦠꦧ꧀ꦧꦁ – ‘‘ꦒꦤ꧀ꦡꦺꦴ ꦕꦺꦮ ꦒꦤ꧀ꦡꦤꦶꦪꦚ꧀ꦕꦴ’’ꦠꦶ, ꦱꦶꦪꦴ ꦒꦤ꧀ꦡꦤꦶꦪꦚ꧀ꦕꦺꦮ ꦤꦺꦴ ꦕ ꦒꦤ꧀ꦡꦺꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦒꦤ꧀ꦡꦤꦶꦪꦚ꧀ꦕꦺꦮ ꦤꦺꦴ ꦕ ꦒꦤ꧀ꦡꦺꦴ’’ꦠꦶ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦒꦤ꧀ꦡꦺꦴ ꦕꦺꦮ ꦒꦤ꧀ꦡꦤꦶꦪꦚ꧀ꦕ, ꦱꦶꦪꦴ ꦒꦤ꧀ꦡꦤꦶꦪꦚ꧀ꦕꦺꦮ ꦤꦺꦴ ꦕ ꦒꦤ꧀ꦡꦺꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦒꦤ꧀ꦡꦺꦴ ꦕꦺꦮ ꦒꦤ꧀ꦡꦤꦶꦪꦚ꧀ꦕꦴ’’ꦠꦶꦥꦶ, ‘‘ꦒꦤ꧀ꦡꦤꦶꦪꦚ꧀ꦕꦺꦮ ꦤꦺꦴ ꦕ ꦒꦤ꧀ꦡꦺꦴ’’ꦠꦶꦥꦶ. ꦢꦱꦴꦪꦠꦤꦴ ꦤ ꦮꦠ꧀ꦠꦧ꧀ꦧꦴ – ‘‘ꦒꦤ꧀ꦡꦴ ꦕꦺꦮ ꦒꦤ꧀ꦡꦱꦩ꧀ꦥꦪꦸꦠ꧀ꦠꦴ ꦕꦴ’’ꦠꦶꦥꦶ, ‘‘ꦒꦤ꧀ꦡꦱꦩ꧀ꦥꦪꦸꦠ꧀ꦠꦴ ꦕꦺꦮ ꦤꦺꦴ ꦕ ꦒꦤ꧀ꦡꦴ’’ꦠꦶꦥꦶ. ꦩꦤꦴꦪꦠꦤꦁ ꦤ ꦮꦠ꧀ꦠꦧ꧀ꦧꦁ – ‘‘ꦒꦤ꧀ꦡꦺꦴ ꦕꦺꦮ ꦒꦤ꧀ꦡꦱꦩ꧀ꦥꦪꦸꦠ꧀ꦠꦚ꧀ꦕꦴ’’ꦠꦶ, ꦱꦶꦪꦴ ꦒꦤ꧀ꦡꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦒꦤ꧀ꦡꦺꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦒꦤ꧀ꦡꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦒꦤ꧀ꦡꦺꦴ’’ꦠꦶ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦒꦤ꧀ꦡꦺꦴ ꦕꦺꦮ ꦒꦤ꧀ꦡꦱꦩ꧀ꦥꦪꦸꦠ꧀ꦠꦚ꧀ꦕ, ꦱꦶꦪꦴ ꦒꦤ꧀ꦡꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦒꦤ꧀ꦡꦺꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦒꦤ꧀ꦡꦺꦴ ꦕꦺꦮ ꦒꦤ꧀ꦡꦱꦩ꧀ꦥꦪꦸꦠ꧀ꦠꦚ꧀ꦕꦴ’’ꦠꦶꦥꦶ, ‘‘ꦒꦤ꧀ꦡꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦒꦤ꧀ꦡꦺꦴ’’ꦠꦶꦥꦶ. ꦢꦱꦴꦪꦠꦤꦴ ꦒꦤ꧀ꦡꦮꦶꦥ꧀ꦥꦪꦸꦠ꧀ꦠꦒꦤ꧀ꦡꦤꦶꦪꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦒꦤ꧀ꦡꦮꦶꦥ꧀ꦥꦪꦸꦠ꧀ꦠꦒꦤ꧀ꦡꦤꦶꦪꦴ, ꦱꦶꦪꦴ ꦒꦤ꧀ꦡꦮꦶꦥ꧀ꦥꦪꦸꦠ꧀ꦠꦄꦒꦤ꧀ꦡꦤꦶꦪꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦴ – ‘‘ꦒꦤ꧀ꦡꦮꦶꦥ꧀ꦥꦪꦸꦠ꧀ꦠꦒꦤ꧀ꦡꦤꦶꦪꦴ’’ꦠꦶꦥꦶ, ‘‘ꦒꦤ꧀ꦡꦮꦶꦥ꧀ꦥꦪꦸꦠ꧀ꦠꦄꦒꦤ꧀ꦡꦤꦶꦪꦴ’’ꦠꦶꦥꦶ.

ꦌꦏꦴꦢꦱꦴꦪꦠꦤꦴ ꦤꦺꦴ ꦎꦓꦴ…ꦥꦺ… ꦤꦺꦴ ꦪꦺꦴꦒꦴ…ꦥꦺ… ꦤꦺꦴ ꦤꦷꦮꦫꦟꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦤꦷꦮꦫꦟꦁ, ꦱꦶꦪꦴ ꦤꦺꦴ ꦤꦷꦮꦫꦟꦁ. ꦢꦱꦴꦪꦠꦤꦴ ꦤꦷꦮꦫꦟꦶꦪꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦤꦷꦮꦫꦟꦶꦪꦴ, ꦱꦶꦪꦴ ꦄꦤꦷꦮꦫꦟꦶꦪꦴ. ꦢꦱꦴꦪꦠꦤꦴ ꦤꦷꦮꦫꦟꦮꦶꦥ꧀ꦥꦪꦸꦠ꧀ꦠꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦤꦷꦮꦫꦟꦱꦩ꧀ꦥꦪꦸꦠ꧀ꦠꦴ, ꦱꦶꦪꦴ ꦤꦷꦮꦫꦟꦮꦶꦥ꧀ꦥꦪꦸꦠ꧀ꦠꦴ. ꦢꦱꦴꦪꦠꦤꦴ ꦤ ꦮꦠ꧀ꦠꦧ꧀ꦧꦴ – ‘‘ꦤꦷꦮꦫꦟꦴ ꦕꦺꦮ ꦤꦷꦮꦫꦟꦶꦪꦴ ꦕꦴ’’ꦠꦶ, ꦤꦷꦮꦫꦟꦶꦪꦴ ꦕꦺꦮ ꦤꦺꦴ ꦕ ꦤꦷꦮꦫꦟꦴ. ꦩꦤꦴꦪꦠꦤꦁ ꦤ ꦮꦠ꧀ꦠꦧ꧀ꦧꦁ – ‘‘ꦤꦷꦮꦫꦟꦚ꧀ꦕꦺꦮ ꦤꦷꦮꦫꦟꦶꦪꦚ꧀ꦕꦴ’’ꦠꦶ, ꦱꦶꦪꦴ ꦤꦷꦮꦫꦟꦶꦪꦚ꧀ꦕꦺꦮ ꦤꦺꦴ ꦕ ꦤꦷꦮꦫꦟꦁ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦤꦷꦮꦫꦟꦶꦪꦚ꧀ꦕꦺꦮ ꦤꦺꦴ ꦕ ꦤꦷꦮꦫꦟ’’ꦤ꧀ꦠꦶ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦤꦷꦮꦫꦟꦚ꧀ꦕꦺꦮ ꦤꦷꦮꦫꦟꦶꦪꦚ꧀ꦕ, ꦱꦶꦪꦴ ꦤꦷꦮꦫꦟꦶꦪꦚ꧀ꦕꦺꦮ ꦤꦺꦴ ꦕ ꦤꦷꦮꦫꦟꦁ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦤꦷꦮꦫꦟꦚ꧀ꦕꦺꦮ ꦤꦷꦮꦫꦟꦶꦪꦚ꧀ꦕꦴ’’ꦠꦶꦥꦶ, ‘‘ꦤꦷꦮꦫꦟꦶꦪꦚ꧀ꦕꦺꦮ ꦤꦺꦴ ꦕ ꦤꦷꦮꦫꦟ’’ꦤ꧀ꦠꦶꦥꦶ. ꦢꦱꦴꦪꦠꦤꦴ ꦤ ꦮꦠ꧀ꦠꦧ꧀ꦧꦴ – ‘‘ꦤꦷꦮꦫꦟꦴ ꦕꦺꦮ ꦤꦷꦮꦫꦟꦱꦩ꧀ꦥꦪꦸꦠ꧀ꦠꦴ ꦕꦴ’’ꦠꦶꦥꦶ, ‘‘ꦤꦷꦮꦫꦟꦱꦩ꧀ꦥꦪꦸꦠ꧀ꦠꦴ ꦕꦺꦮ ꦤꦺꦴ ꦕ ꦤꦷꦮꦫꦟꦴ’’ꦠꦶꦥꦶ. ꦩꦤꦴꦪꦠꦤꦁ ꦤ ꦮꦠ꧀ꦠꦧ꧀ꦧꦁ – ‘‘ꦤꦷꦮꦫꦟꦚ꧀ꦕꦺꦮ ꦤꦷꦮꦫꦟꦱꦩ꧀ꦥꦪꦸꦠ꧀ꦠꦚ꧀ꦕꦴ’’ꦠꦶ, ꦱꦶꦪꦴ ꦤꦷꦮꦫꦟꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦤꦷꦮꦫꦟꦁ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦤꦷꦮꦫꦟꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦤꦷꦮꦫꦟ’’ꦤ꧀ꦠꦶ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦤꦷꦮꦫꦟꦚ꧀ꦕꦺꦮ ꦤꦷꦮꦫꦟꦱꦩ꧀ꦥꦪꦸꦠ꧀ꦠꦚ꧀ꦕ, ꦱꦶꦪꦴ ꦤꦷꦮꦫꦟꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦤꦷꦮꦫꦟꦁ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦤꦷꦮꦫꦟꦚ꧀ꦕꦺꦮ ꦤꦷꦮꦫꦟꦱꦩ꧀ꦥꦪꦸꦠ꧀ꦠꦚ꧀ꦕꦴ’’ꦠꦶꦥꦶ, ‘‘ꦤꦷꦮꦫꦟꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦤꦷꦮꦫꦟ’’ꦤ꧀ꦠꦶꦥꦶ. ꦢꦱꦴꦪꦠꦤꦴ ꦤꦷꦮꦫꦟꦮꦶꦥ꧀ꦥꦪꦸꦠ꧀ꦠꦤꦷꦮꦫꦟꦶꦪꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦤꦷꦮꦫꦟꦮꦶꦥ꧀ꦥꦪꦸꦠ꧀ꦠꦤꦷꦮꦫꦟꦶꦪꦴ, ꦱꦶꦪꦴ ꦤꦷꦮꦫꦟꦮꦶꦥ꧀ꦥꦪꦸꦠ꧀ꦠꦄꦤꦷꦮꦫꦟꦶꦪꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦴ – ‘‘ꦤꦷꦮꦫꦟꦮꦶꦥ꧀ꦥꦪꦸꦠ꧀ꦠꦤꦷꦮꦫꦟꦶꦪꦴ’’ꦠꦶꦥꦶ, ‘‘ꦤꦷꦮꦫꦟꦮꦶꦥ꧀ꦥꦪꦸꦠ꧀ꦠꦄꦤꦷꦮꦫꦟꦶꦪꦴ’’ꦠꦶꦥꦶ.

ꦌꦏꦴꦢꦱꦴꦪꦠꦤꦴ ꦤꦺꦴ ꦥꦫꦴꦩꦴꦱꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦥꦫꦴꦩꦴꦱꦺꦴ, ꦱꦶꦪꦴ ꦤꦺꦴ ꦥꦫꦴꦩꦴꦱꦺꦴ. ꦢꦱꦴꦪꦠꦤꦴ ꦥꦫꦴꦩꦛ꧀ꦜꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦥꦫꦴꦩꦛ꧀ꦜꦴ, ꦱꦶꦪꦴ ꦄꦥꦫꦴꦩꦛ꧀ꦜꦴ. ꦢꦱꦴꦪꦠꦤꦴ ꦥꦫꦴꦩꦴꦱꦮꦶꦥ꧀ꦥꦪꦸꦠ꧀ꦠꦴ. ꦩꦤꦴꦪꦠꦤꦁ ꦱꦶꦪꦴ ꦥꦫꦴꦩꦴꦱꦱꦩ꧀ꦥꦪꦸꦠ꧀ꦠꦁ, ꦱꦶꦪꦴ ꦥꦫꦴꦩꦴꦱꦮꦶꦥ꧀ꦥꦪꦸꦠ꧀ꦠꦁ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦥꦫꦴꦩꦴꦱꦱꦩ꧀ꦥꦪꦸꦠ꧀ꦠꦁ, ꦱꦶꦪꦴ ꦥꦫꦴꦩꦴꦱꦮꦶꦥ꧀ꦥꦪꦸꦠ꧀ꦠꦁ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦥꦫꦴꦩꦴꦱꦱꦩ꧀ꦥꦪꦸꦠ꧀ꦠ’’ꦤ꧀ꦠꦶꦥꦶ, ‘‘ꦥꦫꦴꦩꦴꦱꦮꦶꦥ꧀ꦥꦪꦸꦠ꧀ꦠ’’ꦤ꧀ꦠꦶꦥꦶ. ꦢꦱꦴꦪꦠꦤꦴ ꦤ ꦮꦠ꧀ꦠꦧ꧀ꦧꦴ – ‘‘ꦥꦫꦴꦩꦴꦱꦴ ꦕꦺꦮ ꦥꦫꦴꦩꦛ꧀ꦜꦴ ꦕꦴ’’ꦠꦶ, ‘‘ꦥꦫꦴꦩꦛ꧀ꦜꦴ ꦕꦺꦮ ꦤꦺꦴ ꦕ ꦥꦫꦴꦩꦴꦱꦴ’’. ꦩꦤꦴꦪꦠꦤꦁ ꦤ ꦮꦠ꧀ꦠꦧ꧀ꦧꦁ – ‘‘ꦥꦫꦴꦩꦴꦱꦺꦴ ꦕꦺꦮ ꦥꦫꦴꦩꦛ꧀ꦜꦚ꧀ꦕꦴ’’ꦠꦶ, ꦱꦶꦪꦴ ꦥꦫꦴꦩꦛ꧀ꦜꦚ꧀ꦕꦺꦮ ꦤꦺꦴ ꦕ ꦥꦫꦴꦩꦴꦱꦺꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦥꦫꦴꦩꦛ꧀ꦜꦚ꧀ꦕꦺꦮ ꦤꦺꦴ ꦕ ꦥꦫꦴꦩꦴꦱꦺꦴ’’ꦠꦶ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦥꦫꦴꦩꦴꦱꦺꦴ ꦕꦺꦮ ꦥꦫꦴꦩꦛ꧀ꦜꦚ꧀ꦕ, ꦱꦶꦪꦴ ꦥꦫꦴꦩꦛ꧀ꦜꦚ꧀ꦕꦺꦮ ꦤꦺꦴ ꦕ ꦥꦫꦴꦩꦴꦱꦺꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦥꦫꦴꦩꦴꦱꦺꦴ ꦕꦺꦮ ꦥꦫꦴꦩꦛ꧀ꦜꦚ꧀ꦕꦴ’’ꦠꦶꦥꦶ, ‘‘ꦥꦫꦴꦩꦛ꧀ꦜꦚ꧀ꦕꦺꦮ ꦤꦺꦴ ꦕ ꦥꦫꦴꦩꦴꦱꦺꦴ’’ꦠꦶꦥꦶ. ꦢꦱꦴꦪꦠꦤꦴ ꦥꦫꦴꦩꦴꦱꦮꦶꦥ꧀ꦥꦪꦸꦠ꧀ꦠꦥꦫꦴꦩꦛ꧀ꦜꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦥꦫꦴꦩꦴꦱꦮꦶꦥ꧀ꦥꦪꦸꦠ꧀ꦠꦥꦫꦴꦩꦛ꧀ꦜꦴ, ꦱꦶꦪꦴ ꦥꦫꦴꦩꦴꦱꦮꦶꦥ꧀ꦥꦪꦸꦠ꧀ꦠꦄꦥꦫꦴꦩꦛ꧀ꦜꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦴ – ‘‘ꦥꦫꦴꦩꦴꦱꦮꦶꦥ꧀ꦥꦪꦸꦠ꧀ꦠꦥꦫꦴꦩꦛ꧀ꦜꦴ’’ꦠꦶꦥꦶ, ‘‘ꦥꦫꦴꦩꦴꦱꦮꦶꦥ꧀ꦥꦪꦸꦠ꧀ꦠꦄꦥꦫꦴꦩꦛ꧀ꦜꦴ’’ꦠꦶꦥꦶ.

ꦢꦱꦴꦪꦠꦤꦴ ꦄꦤꦴꦫꦩ꧀ꦩꦟꦴ. ꦩꦤꦴꦪꦠꦤꦁ ꦱꦴꦫꦩ꧀ꦩꦟꦁ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦱꦴꦫꦩ꧀ꦩꦟꦁ, ꦱꦶꦪꦴ ꦄꦤꦴꦫꦩ꧀ꦩꦟꦁ. ꦩꦤꦴꦪꦠꦤꦁ ꦕꦶꦠ꧀ꦠꦁ. ꦌꦏꦴꦢꦱꦴꦪꦠꦤꦴ ꦤꦺꦴ ꦕꦶꦠ꧀ꦠꦴ. ꦌꦏꦴꦢꦱꦴꦪꦠꦤꦴ ꦄꦕꦺꦠꦱꦶꦏꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦕꦺꦠꦱꦶꦏꦁ, ꦱꦶꦪꦴ ꦄꦕꦺꦠꦱꦶꦏꦁ. ꦢꦱꦴꦪꦠꦤꦴ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦁ, ꦱꦶꦪꦴ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦁ. ꦩꦤꦴꦪꦠꦤꦁ ꦤ ꦮꦠ꧀ꦠꦧ꧀ꦧꦁ – ‘‘ꦕꦶꦠ꧀ꦠꦺꦤ ꦱꦩ꧀ꦥꦪꦸꦠ꧀ꦠ’’ꦤ꧀ꦠꦶꦥꦶ, ‘‘ꦕꦶꦠ꧀ꦠꦺꦤ ꦮꦶꦥ꧀ꦥꦪꦸꦠ꧀ꦠ’’ꦤ꧀ꦠꦶꦥꦶ. ꦢꦱꦴꦪꦠꦤꦴ ꦕꦶꦠ꧀ꦠꦮꦶꦱꦁꦱꦛ꧀ꦜꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦕꦶꦠ꧀ꦠꦱꦁꦱꦛ꧀ꦜꦁ, ꦱꦶꦪꦴ ꦕꦶꦠ꧀ꦠꦮꦶꦱꦁꦱꦛ꧀ꦜꦁ. ꦩꦤꦴꦪꦠꦤꦁ ꦤ ꦮꦠ꧀ꦠꦧ꧀ꦧꦁ – ‘‘ꦕꦶꦠ꧀ꦠꦺꦤ ꦱꦁꦱꦛ꧀ꦜ’’ꦤ꧀ꦠꦶꦥꦶ, ‘‘ꦕꦶꦠ꧀ꦠꦺꦤ ꦮꦶꦱꦁꦱꦛ꧀ꦜ’’ꦤ꧀ꦠꦶꦥꦶ. ꦖꦴꦪꦠꦤꦴ ꦤꦺꦴ ꦕꦶꦠ꧀ꦠꦱꦩꦸꦛ꧀ꦜꦴꦤꦴ. ꦖꦴꦪꦠꦤꦴ ꦱꦶꦪꦴ ꦕꦶꦠ꧀ꦠꦱꦩꦸꦛ꧀ꦜꦴꦤꦴ, ꦱꦶꦪꦴ ꦤꦺꦴ ꦕꦶꦠ꧀ꦠꦱꦩꦸꦛ꧀ꦜꦴꦤꦴ. ꦌꦏꦴꦢꦱꦴꦪꦠꦤꦴ ꦤꦺꦴ ꦕꦶꦠ꧀ꦠꦱꦲꦨꦸꦤꦺꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦕꦶꦠ꧀ꦠꦱꦲꦨꦹ, ꦱꦶꦪꦴ ꦤꦺꦴ ꦕꦶꦠ꧀ꦠꦱꦲꦨꦹ. ꦌꦏꦴꦢꦱꦴꦪꦠꦤꦴ ꦤꦺꦴ ꦕꦶꦠ꧀ꦠꦴꦤꦸꦥꦫꦶꦮꦠ꧀ꦠꦶꦤꦺꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦕꦶꦠ꧀ꦠꦴꦤꦸꦥꦫꦶꦮꦠ꧀ꦠꦶ, ꦱꦶꦪꦴ ꦤꦺꦴ ꦕꦶꦠ꧀ꦠꦴꦤꦸꦥꦫꦶꦮꦠ꧀ꦠꦶ. ꦌꦏꦴꦢꦱꦴꦪꦠꦤꦴ ꦤꦺꦴ ꦕꦶꦠ꧀ꦠꦱꦁꦱꦛ꧀ꦜꦱꦩꦸꦛ꧀ꦜꦴꦤꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦕꦶꦠ꧀ꦠꦱꦁꦱꦛ꧀ꦜꦱꦩꦸꦛ꧀ꦜꦴꦤꦁ, ꦱꦶꦪꦴ ꦤꦺꦴ ꦕꦶꦠ꧀ꦠꦱꦁꦱꦛ꧀ꦜꦱꦩꦸꦛ꧀ꦜꦴꦤꦁ. ꦌꦏꦴꦢꦱꦴꦪꦠꦤꦴ ꦤꦺꦴ ꦕꦶꦠ꧀ꦠꦱꦁꦱꦛ꧀ꦜꦱꦩꦸꦛ꧀ꦜꦴꦤꦱꦲꦨꦸꦤꦺꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦕꦶꦠ꧀ꦠꦱꦁꦱꦛ꧀ꦜꦱꦩꦸꦛ꧀ꦜꦴꦤꦱꦲꦨꦹ, ꦱꦶꦪꦴ ꦤꦺꦴ ꦕꦶꦠ꧀ꦠꦱꦁꦱꦛ꧀ꦜꦱꦩꦸꦛ꧀ꦜꦴꦤꦱꦲꦨꦹ. ꦌꦏꦴꦢꦱꦴꦪꦠꦤꦴ ꦤꦺꦴ ꦕꦶꦠ꧀ꦠꦱꦁꦱꦛ꧀ꦜꦱꦩꦸꦛ꧀ꦜꦴꦤꦴꦤꦸꦥꦫꦶꦮꦠ꧀ꦠꦶꦤꦺꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦕꦶꦠ꧀ꦠꦱꦁꦱꦛ꧀ꦜꦱꦩꦸꦛ꧀ꦜꦴꦤꦴꦤꦸꦥꦫꦶꦮꦠ꧀ꦠꦶ, ꦱꦶꦪꦴ ꦤꦺꦴ ꦕꦶꦠ꧀ꦠꦱꦁꦱꦛ꧀ꦜꦱꦩꦸꦛ꧀ꦜꦴꦤꦴꦤꦸꦥꦫꦶꦮꦠ꧀ꦠꦶ.

ꦖꦴꦪꦠꦤꦴ ꦄꦗ꧀ꦙꦠ꧀ꦠꦶꦏꦴ. ꦖꦴꦪꦠꦤꦴ ꦧꦴꦲꦶꦫꦴ. ꦤꦮꦴꦪꦠꦤꦴ ꦈꦥꦴꦢꦴ. ꦢ꧀ꦮꦴꦪꦠꦤꦴ ꦤꦺꦴ ꦈꦥꦴꦢꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦈꦥꦴꦢꦴ, ꦱꦶꦪꦴ ꦤꦺꦴ ꦈꦥꦴꦢꦴ. ꦥꦚ꧀ꦕꦴꦪꦠꦤꦴ ꦈꦥꦴꦢꦶꦤ꧀ꦤꦴ. ꦱꦢ꧀ꦢꦴꦪꦠꦤꦁ ꦄꦤꦸꦥꦴꦢꦶꦤ꧀ꦤꦁ. ꦖꦴꦪꦠꦤꦴ ꦱꦶꦪꦴ ꦈꦥꦴꦢꦶꦤ꧀ꦤꦴ, ꦱꦶꦪꦴ ꦄꦤꦸꦥꦴꦢꦶꦤ꧀ꦤꦴ. ꦌꦏꦴꦢꦱꦴꦪꦠꦤꦴ ꦤꦺꦴ ꦈꦥꦴꦢꦴꦤꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦈꦥꦴꦢꦴꦤꦁ, ꦱꦶꦪꦴ ꦤꦺꦴ ꦈꦥꦴꦢꦴꦤꦁ. ꦢꦱꦴꦪꦠꦤꦴ ꦈꦥꦴꦢꦴꦤꦶꦪꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦈꦥꦴꦢꦴꦤꦶꦪꦴ, ꦱꦶꦪꦴ ꦄꦤꦸꦥꦴꦢꦴꦤꦶꦪꦴ. ꦢꦱꦴꦪꦠꦤꦴ ꦈꦥꦴꦢꦴꦤꦮꦶꦥ꧀ꦥꦪꦸꦠ꧀ꦠꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦈꦥꦴꦢꦴꦤꦱꦩ꧀ꦥꦪꦸꦠ꧀ꦠꦴ, ꦱꦶꦪꦴ ꦈꦥꦴꦢꦴꦤꦮꦶꦥ꧀ꦥꦪꦸꦠ꧀ꦠꦴ. ꦢꦱꦴꦪꦠꦤꦴ ꦤ ꦮꦠ꧀ꦠꦧ꧀ꦧꦴ – ‘‘ꦈꦥꦴꦢꦴꦤꦴ ꦕꦺꦮ ꦈꦥꦴꦢꦴꦤꦶꦪꦴ ꦕꦴ’’ꦠꦶ, ꦈꦥꦴꦢꦴꦤꦶꦪꦴ ꦕꦺꦮ ꦤꦺꦴ ꦕ ꦈꦥꦴꦢꦴꦤꦴ. ꦩꦤꦴꦪꦠꦤꦁ ꦤ ꦮꦠ꧀ꦠꦧ꧀ꦧꦁ – ‘‘ꦈꦥꦴꦢꦴꦤꦚ꧀ꦕꦺꦮ ꦈꦥꦴꦢꦴꦤꦶꦪꦚ꧀ꦕꦴ’’ꦠꦶ, ꦱꦶꦪꦴ ꦈꦥꦴꦢꦴꦤꦶꦪꦚ꧀ꦕꦺꦮ ꦤꦺꦴ ꦕ ꦈꦥꦴꦢꦴꦤꦁ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦈꦥꦴꦢꦴꦤꦶꦪꦚ꧀ꦕꦺꦮ ꦤꦺꦴ ꦕ ꦈꦥꦴꦢꦴꦤ’’ꦤ꧀ꦠꦶ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦈꦥꦴꦢꦴꦤꦚ꧀ꦕꦺꦮ ꦈꦥꦴꦢꦴꦤꦶꦪꦚ꧀ꦕ, ꦱꦶꦪꦴ ꦈꦥꦴꦢꦴꦤꦶꦪꦚ꧀ꦕꦺꦮ ꦤꦺꦴ ꦕ ꦈꦥꦴꦢꦴꦤꦁ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦈꦥꦴꦢꦴꦤꦚ꧀ꦕꦺꦮ ꦈꦥꦴꦢꦴꦤꦶꦪꦚ꧀ꦕꦴ’’ꦠꦶꦥꦶ, ‘‘ꦈꦥꦴꦢꦴꦤꦶꦪꦚ꧀ꦕꦺꦮ ꦤꦺꦴ ꦕ ꦈꦥꦴꦢꦴꦤ’’ꦤ꧀ꦠꦶꦥꦶ. ꦢꦱꦴꦪꦠꦤꦴ ꦤ ꦮꦠ꧀ꦠꦧ꧀ꦧꦴ – ‘‘ꦈꦥꦴꦢꦴꦤꦴ ꦕꦺꦮ ꦈꦥꦴꦢꦴꦤꦱꦩ꧀ꦥꦪꦸꦠ꧀ꦠꦴ ꦕꦴ’’ꦠꦶꦥꦶ, ‘‘ꦈꦥꦴꦢꦴꦤꦱꦩ꧀ꦥꦪꦸꦠ꧀ꦠꦴ ꦕꦺꦮ ꦤꦺꦴ ꦕ ꦈꦥꦴꦢꦴꦤꦴ’’ꦠꦶꦥꦶ. ꦩꦤꦴꦪꦠꦤꦁ ꦤ ꦮꦠ꧀ꦠꦧ꧀ꦧꦁ – ‘‘ꦈꦥꦴꦢꦴꦤꦶꦪꦚ꧀ꦕꦺꦮ ꦈꦥꦴꦢꦴꦤꦱꦩ꧀ꦥꦪꦸꦠ꧀ꦠꦚ꧀ꦕꦴ’’ꦠꦶ, ꦱꦶꦪꦴ ꦈꦥꦴꦢꦴꦤꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦈꦥꦴꦢꦴꦤꦁ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦈꦥꦴꦢꦴꦤꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦈꦥꦴꦢꦴꦤ’’ꦤ꧀ꦠꦶ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦈꦥꦴꦢꦴꦤꦚ꧀ꦕꦺꦮ ꦈꦥꦴꦢꦴꦤꦱꦩ꧀ꦥꦪꦸꦠ꧀ꦠꦚ꧀ꦕ, ꦱꦶꦪꦴ ꦈꦥꦴꦢꦴꦤꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦈꦥꦴꦢꦴꦤꦁ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦈꦥꦴꦢꦴꦤꦚ꧀ꦕꦺꦮ ꦈꦥꦴꦢꦴꦤꦱꦩ꧀ꦥꦪꦸꦠ꧀ꦠꦚ꧀ꦕꦴ’’ꦠꦶꦥꦶ, ‘‘ꦈꦥꦴꦢꦴꦤꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦈꦥꦴꦢꦴꦤ’’ꦤ꧀ꦠꦶꦥꦶ. ꦢꦱꦴꦪꦠꦤꦴ ꦈꦥꦴꦢꦴꦤꦮꦶꦥ꧀ꦥꦪꦸꦠ꧀ꦠꦈꦥꦴꦢꦴꦤꦶꦪꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦈꦥꦴꦢꦴꦤꦱꦩ꧀ꦥꦪꦸꦠ꧀ꦠꦈꦥꦴꦢꦴꦤꦶꦪꦴ, ꦱꦶꦪꦴ ꦈꦥꦴꦢꦴꦤꦮꦶꦥ꧀ꦥꦪꦸꦠ꧀ꦠꦄꦤꦸꦥꦴꦢꦴꦤꦶꦪꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦴ – ‘‘ꦈꦥꦴꦢꦴꦤꦮꦶꦥ꧀ꦥꦪꦸꦠ꧀ꦠꦈꦥꦴꦢꦴꦤꦶꦪꦴ’’ꦠꦶꦥꦶ, ‘‘ꦈꦥꦴꦢꦴꦤꦮꦶꦥ꧀ꦥꦪꦸꦠ꧀ꦠꦄꦤꦸꦥꦴꦢꦴꦤꦶꦪꦴ’’ꦠꦶꦥꦶ.

ꦌꦏꦴꦢꦱꦴꦪꦠꦤꦴ ꦤꦺꦴ ꦏꦶꦭꦺꦱꦴ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦏꦶꦭꦺꦱꦺꦴ, ꦱꦶꦪꦴ ꦤꦺꦴ ꦏꦶꦭꦺꦱꦺꦴ. ꦢꦱꦴꦪꦠꦤꦴ ꦱꦁꦏꦶꦭꦺꦱꦶꦏꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦱꦁꦏꦶꦭꦺꦱꦶꦏꦴ, ꦱꦶꦪꦴ ꦄꦱꦁꦏꦶꦭꦺꦱꦶꦏꦴ. ꦢꦱꦴꦪꦠꦤꦴ ꦄꦱꦁꦏꦶꦭꦶꦛ꧀ꦜꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦱꦁꦏꦶꦭꦶꦛ꧀ꦜꦴ, ꦱꦶꦪꦴ ꦄꦱꦁꦏꦶꦭꦶꦛ꧀ꦜꦴ. ꦢꦱꦴꦪꦠꦤꦴ ꦏꦶꦭꦺꦱꦮꦶꦥ꧀ꦥꦪꦸꦠ꧀ꦠꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦏꦶꦭꦺꦱꦱꦩ꧀ꦥꦪꦸꦠ꧀ꦠꦴ, ꦱꦶꦪꦴ ꦏꦶꦭꦺꦱꦮꦶꦥ꧀ꦥꦪꦸꦠ꧀ꦠꦴ. ꦢꦱꦴꦪꦠꦤꦴ ꦤ ꦮꦠ꧀ꦠꦧ꧀ꦧꦴ – ‘‘ꦏꦶꦭꦺꦱꦴ ꦕꦺꦮ ꦱꦁꦏꦶꦭꦺꦱꦶꦏꦴ ꦕꦴ’’ꦠꦶ, ‘‘ꦱꦁꦏꦶꦭꦺꦱꦶꦏꦴ ꦕꦺꦮ ꦤꦺꦴ ꦕ ꦏꦶꦭꦺꦱꦴ’’. ꦩꦤꦴꦪꦠꦤꦁ ꦤ ꦮꦠ꧀ꦠꦧ꧀ꦧꦁ – ‘‘ꦏꦶꦭꦺꦱꦺꦴ ꦕꦺꦮ ꦱꦁꦏꦶꦭꦺꦱꦶꦏꦚ꧀ꦕꦴ’’ꦠꦶ, ꦱꦶꦪꦴ ꦱꦁꦏꦶꦭꦺꦱꦶꦏꦚ꧀ꦕꦺꦮ ꦤꦺꦴ ꦕ ꦏꦶꦭꦺꦱꦺꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦱꦁꦏꦶꦭꦺꦱꦶꦏꦚ꧀ꦕꦺꦮ ꦤꦺꦴ ꦕ ꦏꦶꦭꦺꦱꦺꦴ’’ꦠꦶ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦏꦶꦭꦺꦱꦺꦴ ꦕꦺꦮ ꦱꦁꦏꦶꦭꦺꦱꦶꦏꦚ꧀ꦕ, ꦱꦶꦪꦴ ꦱꦁꦏꦶꦭꦺꦱꦶꦏꦚ꧀ꦕꦺꦮ ꦤꦺꦴ ꦕ ꦏꦶꦭꦺꦱꦺꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦏꦶꦭꦺꦱꦺꦴ ꦕꦺꦮ ꦱꦁꦏꦶꦭꦺꦱꦶꦏꦚ꧀ꦕꦴ’’ꦠꦶꦥꦶ, ‘‘ꦱꦁꦏꦶꦭꦺꦱꦶꦏꦚ꧀ꦕꦺꦮ ꦤꦺꦴ ꦕ ꦏꦶꦭꦺꦱꦺꦴ’’ꦠꦶꦥꦶ. ꦢꦱꦴꦪꦠꦤꦴ ꦤ ꦮꦠ꧀ꦠꦧ꧀ꦧꦴ – ‘‘ꦏꦶꦭꦺꦱꦴ ꦕꦺꦮ ꦱꦁꦏꦶꦭꦶꦛ꧀ꦜꦴ ꦕꦴ’’ꦠꦶꦥꦶ, ‘‘ꦱꦁꦏꦶꦭꦶꦛ꧀ꦜꦴ ꦕꦺꦮ ꦤꦺꦴ ꦕ ꦏꦶꦭꦺꦱꦴ’’ꦠꦶꦥꦶ. ꦩꦤꦴꦪꦠꦤꦁ ꦤ ꦮꦠ꧀ꦠꦧ꧀ꦧꦁ – ‘‘ꦏꦶꦭꦺꦱꦺꦴ ꦕꦺꦮ ꦱꦁꦏꦶꦭꦶꦛ꧀ꦜꦚ꧀ꦕꦴ’’ꦠꦶ, ꦱꦶꦪꦴ ꦱꦁꦏꦶꦭꦶꦛ꧀ꦜꦚ꧀ꦕꦺꦮ ꦤꦺꦴ ꦕ ꦏꦶꦭꦺꦱꦺꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦱꦁꦏꦶꦭꦶꦛ꧀ꦜꦚ꧀ꦕꦺꦮ ꦤꦺꦴ ꦕ ꦏꦶꦭꦺꦱꦺꦴ’’ꦠꦶ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦏꦶꦭꦺꦱꦺꦴ ꦕꦺꦮ ꦱꦁꦏꦶꦭꦶꦛ꧀ꦜꦚ꧀ꦕ, ꦱꦶꦪꦴ ꦱꦁꦏꦶꦭꦶꦛ꧀ꦜꦚ꧀ꦕꦺꦮ ꦤꦺꦴ ꦕ ꦏꦶꦭꦺꦱꦺꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦏꦶꦭꦺꦱꦺꦴ ꦕꦺꦮ ꦱꦁꦏꦶꦭꦶꦛ꧀ꦜꦚ꧀ꦕꦴ’’ꦠꦶꦥꦶ, ‘‘ꦱꦁꦏꦶꦭꦶꦛ꧀ꦜꦚ꧀ꦕꦺꦮ ꦤꦺꦴ ꦕ ꦏꦶꦭꦺꦱꦺꦴ’’ꦠꦶꦥꦶ.

ꦢꦱꦴꦪꦠꦤꦴ ꦤ ꦮꦠ꧀ꦠꦧ꧀ꦧꦴ – ‘‘ꦏꦶꦭꦺꦱꦴ ꦕꦺꦮ ꦏꦶꦭꦺꦱꦱꦩ꧀ꦥꦪꦸꦠ꧀ꦠꦴ ꦕꦴ’’ꦠꦶꦥꦶ, ‘‘ꦏꦶꦭꦺꦱꦱꦩ꧀ꦥꦪꦸꦠ꧀ꦠꦴ ꦕꦺꦮ ꦤꦺꦴ ꦕ ꦤ ꦏꦶꦭꦺꦱꦴ’’ꦠꦶꦥꦶ. ꦩꦤꦴꦪꦠꦤꦁ ꦤ ꦮꦠ꧀ꦠꦧ꧀ꦧꦁ – ‘‘ꦏꦶꦭꦺꦱꦺꦴ ꦕꦺꦮ ꦏꦶꦭꦺꦱꦱꦩ꧀ꦥꦪꦸꦠ꧀ꦠꦚ꧀ꦕꦴ’’ꦠꦶ, ꦱꦶꦪꦴ ꦏꦶꦭꦺꦱꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦏꦶꦭꦺꦱꦺꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦏꦶꦭꦺꦱꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦏꦶꦭꦺꦱꦺꦴ’’ꦠꦶ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦏꦶꦭꦺꦱꦺꦴ ꦕꦺꦮ ꦏꦶꦭꦺꦱꦱꦩ꧀ꦥꦪꦸꦠ꧀ꦠꦚ꧀ꦕ, ꦱꦶꦪꦴ ꦏꦶꦭꦺꦱꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦏꦶꦭꦺꦱꦺꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦁ – ‘‘ꦏꦶꦭꦺꦱꦺꦴ ꦕꦺꦮ ꦏꦶꦭꦺꦱꦱꦩ꧀ꦥꦪꦸꦠ꧀ꦠꦚ꧀ꦕꦴ’’ꦠꦶꦥꦶ, ‘‘ꦏꦶꦭꦺꦱꦱꦩ꧀ꦥꦪꦸꦠ꧀ꦠꦚ꧀ꦕꦺꦮ ꦤꦺꦴ ꦕ ꦏꦶꦭꦺꦱꦺꦴ’’ꦠꦶꦥꦶ. ꦢꦱꦴꦪꦠꦤꦴ ꦏꦶꦭꦺꦱꦮꦶꦥ꧀ꦥꦪꦸꦠ꧀ꦠꦱꦁꦏꦶꦭꦺꦱꦶꦏꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦏꦶꦭꦺꦱꦮꦶꦥ꧀ꦥꦪꦸꦠ꧀ꦠꦱꦁꦏꦶꦭꦺꦱꦶꦏꦴ, ꦱꦶꦪꦴ ꦏꦶꦭꦺꦱꦮꦶꦥ꧀ꦥꦪꦸꦠ꧀ꦠꦄꦱꦁꦏꦶꦭꦺꦱꦶꦏꦴ, ꦱꦶꦪꦴ ꦤ ꦮꦠ꧀ꦠꦧ꧀ꦧꦴ – ‘‘ꦏꦶꦭꦺꦱꦮꦶꦥ꧀ꦥꦪꦸꦠ꧀ꦠꦱꦁꦏꦶꦭꦺꦱꦶꦏꦴ’’ꦠꦶꦥꦶ, ‘‘ꦏꦶꦭꦺꦱꦮꦶꦥ꧀ꦥꦪꦸꦠ꧀ꦠꦄꦱꦁꦏꦶꦭꦺꦱꦶꦏꦴ’’ꦠꦶꦥꦶ.

ꦢꦱꦴꦪꦠꦤꦴ ꦤ ꦢꦱ꧀ꦱꦤꦺꦤ ꦥꦲꦴꦠꦧ꧀ꦧꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦢꦱ꧀ꦱꦤꦺꦤ ꦥꦲꦴꦠꦧ꧀ꦧꦴ, ꦱꦶꦪꦴ ꦤ ꦢꦱ꧀ꦱꦤꦺꦤ ꦥꦲꦴꦠꦧ꧀ꦧꦴ. ꦢꦱꦴꦪꦠꦤꦴ ꦤ ꦨꦴꦮꦤꦴꦪ ꦥꦲꦴꦠꦧ꧀ꦧꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦨꦴꦮꦤꦴꦪ ꦥꦲꦴꦠꦧ꧀ꦧꦴ, ꦱꦶꦪꦴ ꦤ ꦨꦴꦮꦤꦴꦪ ꦥꦲꦴꦠꦧ꧀ꦧꦴ. ꦢꦱꦴꦪꦠꦤꦴ ꦤ ꦢꦱ꧀ꦱꦤꦺꦤ ꦥꦲꦴꦠꦧ꧀ꦧꦲꦺꦠꦸꦏꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦢꦱ꧀ꦱꦤꦺꦤ ꦥꦲꦴꦠꦧ꧀ꦧꦲꦺꦠꦸꦏꦴ, ꦱꦶꦪꦴ ꦤ ꦢꦱ꧀ꦱꦤꦺꦤ ꦥꦲꦴꦠꦧ꧀ꦧꦲꦺꦠꦸꦏꦴ. ꦢꦱꦴꦪꦠꦤꦴ ꦤ ꦨꦴꦮꦤꦴꦪ ꦥꦲꦴꦠꦧ꧀ꦧꦲꦺꦠꦸꦏꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦨꦴꦮꦤꦴꦪ ꦥꦲꦴꦠꦧ꧀ꦧꦲꦺꦠꦸꦏꦴ, ꦱꦶꦪꦴ ꦤ ꦨꦴꦮꦤꦴꦪ ꦥꦲꦴꦠꦧ꧀ꦧꦲꦺꦠꦸꦏꦴ. ꦢꦱꦴꦪꦠꦤꦴ ꦄꦮꦶꦠꦏ꧀ꦏꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦱꦮꦶꦠꦏ꧀ꦏꦴ, ꦱꦶꦪꦴ ꦄꦮꦶꦠꦏ꧀ꦏꦴ. ꦢꦱꦴꦪꦠꦤꦴ ꦄꦮꦶꦕꦴꦫꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦱꦮꦶꦕꦴꦫꦴ, ꦱꦶꦪꦴ ꦄꦮꦶꦕꦴꦫꦴ. ꦢꦱꦴꦪꦠꦤꦴ ꦄꦥ꧀ꦥꦷꦠꦶꦏꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦱꦥ꧀ꦥꦷꦠꦶꦏꦴ, ꦱꦶꦪꦴ ꦄꦥ꧀ꦥꦷꦠꦶꦏꦴ. ꦢꦱꦴꦪꦠꦤꦴ ꦤ ꦥꦷꦠꦶꦱꦲꦒꦠꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦥꦷꦠꦶꦱꦲꦒꦠꦴ, ꦱꦶꦪꦴ ꦤ ꦥꦷꦠꦶꦱꦲꦒꦠꦴ. ꦢꦱꦴꦪꦠꦤꦴ ꦤ ꦱꦸꦑꦱꦲꦒꦠꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦱꦸꦑꦱꦲꦒꦠꦴ, ꦱꦶꦪꦴ ꦤ ꦱꦸꦑꦱꦲꦒꦠꦴ. ꦢꦱꦴꦪꦠꦤꦴ ꦤ ꦈꦥꦺꦏ꧀ꦑꦴꦱꦲꦒꦠꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦈꦥꦺꦏ꧀ꦑꦴꦱꦲꦒꦠꦴ, ꦱꦶꦪꦴ ꦤ ꦈꦥꦺꦏ꧀ꦑꦴꦱꦲꦒꦠꦴ.

ꦢꦱꦴꦪꦠꦤꦴ ꦏꦴꦩꦴꦮꦕꦫꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦏꦴꦩꦴꦮꦕꦫꦴ, ꦱꦶꦪꦴ ꦤ ꦏꦴꦩꦴꦮꦕꦫꦴ. ꦢꦱꦴꦪꦠꦤꦴ ꦤ ꦫꦹꦥꦴꦮꦕꦫꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦫꦹꦥꦴꦮꦕꦫꦴ, ꦱꦶꦪꦴ ꦤ ꦫꦹꦥꦴꦮꦕꦫꦴ. ꦢꦱꦴꦪꦠꦤꦴ ꦤ ꦄꦫꦹꦥꦴꦮꦕꦫꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦄꦫꦹꦥꦴꦮꦕꦫꦴ, ꦱꦶꦪꦴ ꦤ ꦄꦫꦹꦥꦴꦮꦕꦫꦴ. ꦢꦱꦴꦪꦠꦤꦴ ꦥꦫꦶꦪꦴꦥꦤ꧀ꦤꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦥꦫꦶꦪꦴꦥꦤ꧀ꦤꦴ, ꦱꦶꦪꦴ ꦄꦥꦫꦶꦪꦴꦥꦤ꧀ꦤꦴ. ꦢꦱꦴꦪꦠꦤꦴ ꦄꦤꦶꦪ꧀ꦪꦴꦤꦶꦏꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦤꦶꦪ꧀ꦪꦴꦤꦶꦏꦴ, ꦱꦶꦪꦴ ꦄꦤꦶꦪ꧀ꦪꦴꦤꦶꦏꦴ. ꦢꦱꦴꦪꦠꦤꦴ ꦄꦤꦶꦪꦠꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦤꦶꦪꦠꦴ, ꦱꦶꦪꦴ ꦄꦤꦶꦪꦠꦴ. ꦢꦱꦴꦪꦠꦤꦴ ꦱꦈꦠ꧀ꦠꦫꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦱꦈꦠ꧀ꦠꦫꦴ, ꦱꦶꦪꦴ ꦄꦤꦸꦠ꧀ꦠꦫꦴ. ꦢꦱꦴꦪꦠꦤꦴ ꦄꦫꦟꦴ. ꦢ꧀ꦮꦴꦪꦠꦤꦴ ꦱꦶꦪꦴ ꦱꦫꦟꦴ, ꦱꦶꦪꦴ ꦄꦫꦟꦴꦠꦶ.

ꦥꦚ꧀ꦲꦴꦥꦸꦕ꧀ꦖꦏꦁ.

ꦄꦴꦪꦠꦤꦮꦶꦨꦔ꧀ꦒꦺꦴ ꦤꦶꦛ꧀ꦜꦶꦠꦺꦴ.