꧘. ꦱꦴꦫꦩ꧀ꦩꦟꦴꦤꦴꦫꦩ꧀ꦩꦟꦮꦴꦫꦺꦴ

꧑꧐꧓꧒. ꦥꦚ꧀ꦕꦤ꧀ꦤꦁ ꦑꦤ꧀ꦣꦴꦤꦁ ꦏꦠꦶ ꦱꦴꦫꦩ꧀ꦩꦟꦴ, ꦏꦠꦶ ꦄꦤꦴꦫꦩ꧀ꦩꦟꦴ…ꦥꦺ… ꦱꦠ꧀ꦠꦤ꧀ꦤꦁ ꦕꦶꦠ꧀ꦠꦴꦤꦁ ꦏꦠꦶ ꦱꦴꦫꦩ꧀ꦩꦟꦴ, ꦏꦠꦶ ꦄꦤꦴꦫꦩ꧀ꦩꦟꦴ?

꧑꧐꧓꧓. ꦫꦹꦥꦏ꧀ꦑꦤ꧀ꦣꦺꦴ ꦄꦤꦴꦫꦩ꧀ꦩꦟꦺꦴ. ꦕꦠ꧀ꦠꦴꦫꦺꦴ ꦑꦤ꧀ꦣꦴ ꦱꦴꦫꦩ꧀ꦩꦟꦴ.

ꦢꦱꦴꦪꦠꦤꦴ ꦄꦤꦴꦫꦩ꧀ꦩꦟꦴ. ꦩꦤꦴꦪꦠꦤꦁ ꦱꦴꦫꦩ꧀ꦩꦟꦁ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦱꦴꦫꦩ꧀ꦩꦟꦁ, ꦱꦶꦪꦴ ꦄꦤꦴꦫꦩ꧀ꦩꦟꦁ.

ꦢꦱ ꦣꦴꦠꦸꦪꦺꦴ ꦄꦤꦴꦫꦩ꧀ꦩꦟꦴ. ꦱꦠ꧀ꦠ ꦣꦴꦠꦸꦪꦺꦴ ꦱꦴꦫꦩ꧀ꦩꦟꦴ. ꦣꦩ꧀ꦩꦣꦴꦠꦸ ꦱꦶꦪꦴ ꦱꦴꦫꦩ꧀ꦩꦟꦴ, ꦱꦶꦪꦴ ꦄꦤꦴꦫꦩ꧀ꦩꦟꦴ.

ꦢ꧀ꦮꦺ ꦱꦕ꧀ꦕꦴ ꦱꦴꦫꦩ꧀ꦩꦟꦴ. ꦤꦶꦫꦺꦴꦣꦱꦕ꧀ꦕꦁ ꦄꦤꦴꦫꦩ꧀ꦩꦟꦁ. ꦢꦸꦏ꧀ꦑꦱꦕ꧀ꦕꦁ ꦱꦶꦪꦴ ꦱꦴꦫꦩ꧀ꦩꦟꦁ, ꦱꦶꦪꦴ ꦄꦤꦴꦫꦩ꧀ꦩꦟꦁ.

ꦱꦠ꧀ꦠꦶꦤ꧀ꦢ꧀ꦫꦶꦪꦴ ꦄꦤꦴꦫꦩ꧀ꦩꦟꦴ. ꦕꦸꦢ꧀ꦢꦱꦶꦤ꧀ꦢ꧀ꦫꦶꦪꦴ ꦱꦴꦫꦩ꧀ꦩꦟꦴ. ꦗꦷꦮꦶꦠꦶꦤ꧀ꦢ꧀ꦫꦶꦪꦁ ꦱꦶꦪꦴ ꦱꦴꦫꦩ꧀ꦩꦟꦁ, ꦱꦶꦪꦴ ꦄꦤꦴꦫꦩ꧀ꦩꦟꦁ. ꦤꦮ ꦲꦺꦠꦹ ꦱꦴꦫꦩ꧀ꦩꦟꦴ. ꦏꦧꦭ꦳ꦷꦏꦴꦫꦺꦴ ꦄꦴꦲꦴꦫꦺꦴ ꦄꦤꦴꦫꦩ꧀ꦩꦟꦺꦴ. ꦠꦪꦺꦴ ꦄꦴꦲꦴꦫꦴ ꦱꦴꦫꦩ꧀ꦩꦟꦴ. ꦱꦠ꧀ꦠ ꦦꦱ꧀ꦱꦴ… ꦱꦠ꧀ꦠ ꦮꦺꦢꦤꦴ… ꦱꦠ꧀ꦠ ꦱꦚ꧀ꦚꦴ… ꦱꦠ꧀ꦠ ꦕꦺꦠꦤꦴ… ꦱꦠ꧀ꦠ ꦕꦶꦠ꧀ꦠꦴ ꦱꦴꦫꦩ꧀ꦩꦟꦴ.

꧑꧐꧓꧔. ꦥꦚ꧀ꦕꦤ꧀ꦤꦁ ꦑꦤ꧀ꦣꦴꦤꦁ ꦏꦠꦶ ꦱꦴꦫꦩ꧀ꦩꦟꦴꦫꦩ꧀ꦩꦟꦴ, ꦏꦠꦶ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦴ…ꦥꦺ… ꦱꦠ꧀ꦠꦤ꧀ꦤꦁ ꦕꦶꦠ꧀ꦠꦴꦤꦁ ꦏꦠꦶ ꦱꦴꦫꦩ꧀ꦩꦟꦴꦫꦩ꧀ꦩꦟꦴ, ꦏꦠꦶ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦴ?

꧑꧐꧓꧕. ꦫꦹꦥꦏ꧀ꦑꦤ꧀ꦣꦺꦴ ꦄꦤꦴꦫꦩ꧀ꦩꦟꦺꦴ. ꦕꦠ꧀ꦠꦴꦫꦺꦴ ꦑꦤ꧀ꦣꦴ ꦱꦶꦪꦴ ꦱꦴꦫꦩ꧀ꦩꦟꦴꦫꦩ꧀ꦩꦟꦴ, ꦱꦶꦪꦴ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦴ.

ꦢꦱꦴꦪꦠꦤꦴ ꦄꦤꦴꦫꦩ꧀ꦩꦟꦴ. ꦩꦤꦴꦪꦠꦤꦁ ꦱꦶꦪꦴ ꦱꦴꦫꦩ꧀ꦩꦟꦴꦫꦩ꧀ꦩꦟꦁ, ꦱꦶꦪꦴ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦁ. ꦣꦩ꧀ꦩꦴꦪꦠꦤꦁ ꦱꦶꦪꦴ ꦱꦴꦫꦩ꧀ꦩꦟꦴꦫꦩ꧀ꦩꦟꦁ, ꦱꦶꦪꦴ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦁ, ꦱꦶꦪꦴ ꦄꦤꦴꦫꦩ꧀ꦩꦟꦁ.

ꦢꦱ ꦣꦴꦠꦸꦪꦺꦴ ꦄꦤꦴꦫꦩ꧀ꦩꦟꦴ. ꦖ ꦣꦴꦠꦸꦪꦺꦴ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦴ. ꦩꦤꦺꦴꦮꦶꦚ꧀ꦚꦴꦟꦣꦴꦠꦸ ꦱꦶꦪꦴ ꦱꦴꦫꦩ꧀ꦩꦟꦴꦫꦩ꧀ꦩꦟꦴ, ꦱꦶꦪꦴ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦴ. ꦣꦩ꧀ꦩꦣꦴꦠꦸ ꦱꦶꦪꦴ ꦱꦴꦫꦩ꧀ꦩꦟꦴꦫꦩ꧀ꦩꦟꦴ, ꦱꦶꦪꦴ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦴ, ꦱꦶꦪꦴ ꦄꦤꦴꦫꦩ꧀ꦩꦟꦴ.

ꦤꦶꦫꦺꦴꦣꦱꦕ꧀ꦕꦁ ꦄꦤꦴꦫꦩ꧀ꦩꦟꦁ. ꦩꦒ꧀ꦒꦱꦕ꧀ꦕꦁ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦁ. ꦱꦩꦸꦢꦪꦱꦕ꧀ꦕꦁ ꦱꦶꦪꦴ ꦱꦴꦫꦩ꧀ꦩꦟꦴꦫꦩ꧀ꦩꦟꦁ, ꦱꦶꦪꦴ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦁ. ꦢꦸꦏ꧀ꦑꦱꦕ꧀ꦕꦁ ꦱꦶꦪꦴ ꦱꦴꦫꦩ꧀ꦩꦟꦴꦫꦩ꧀ꦩꦟꦁ, ꦱꦶꦪꦴ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦁ, ꦱꦶꦪꦴ ꦄꦤꦴꦫꦩ꧀ꦩꦟꦁ.

ꦱꦠ꧀ꦠꦶꦤ꧀ꦢ꧀ꦫꦶꦪꦴ ꦄꦤꦴꦫꦩ꧀ꦩꦟꦴ. ꦥꦚ꧀ꦕꦶꦤ꧀ꦢ꧀ꦫꦶꦪꦴ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦴ. ꦤꦮꦶꦤ꧀ꦢ꧀ꦫꦶꦪꦴ ꦱꦶꦪꦴ ꦱꦴꦫꦩ꧀ꦩꦟꦴꦫꦩ꧀ꦩꦟꦴ, ꦱꦶꦪꦴ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦴ. ꦗꦷꦮꦶꦠꦶꦤ꧀ꦢ꧀ꦫꦶꦪꦁ ꦱꦶꦪꦴ ꦱꦴꦫꦩ꧀ꦩꦟꦴꦫꦩ꧀ꦩꦟꦁ, ꦱꦶꦪꦴ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦁ, ꦱꦶꦪꦴ ꦄꦤꦴꦫꦩ꧀ꦩꦟꦁ.

ꦤꦮ ꦲꦺꦠꦹ ꦱꦶꦪꦴ ꦱꦴꦫꦩ꧀ꦩꦟꦴꦫꦩ꧀ꦩꦟꦴ, ꦱꦶꦪꦴ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦴ. ꦏꦧꦭ꦳ꦷꦏꦴꦫꦺꦴ ꦄꦴꦲꦴꦫꦺꦴ ꦄꦤꦴꦫꦩ꧀ꦩꦟꦺꦴ. ꦠꦪꦺꦴ ꦄꦴꦲꦴꦫꦴ ꦱꦶꦪꦴ ꦱꦴꦫꦩ꧀ꦩꦟꦴꦫꦩ꧀ꦩꦟꦴ, ꦱꦶꦪꦴ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦴ. ꦖ ꦦꦱ꧀ꦱꦴ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦴ. ꦩꦤꦺꦴꦮꦶꦚ꧀ꦚꦴꦟꦣꦴꦠꦸꦱꦩ꧀ꦦꦱ꧀ꦱꦺꦴ ꦱꦶꦪꦴ ꦱꦴꦫꦩ꧀ꦩꦟꦴꦫꦩ꧀ꦩꦟꦺꦴ ꦱꦶꦪꦴ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦺꦴ. ꦖ ꦮꦺꦢꦤꦴ… ꦖ ꦱꦚ꧀ꦚꦴ… ꦖ ꦕꦺꦠꦤꦴ… ꦖ ꦕꦶꦠ꧀ꦠꦴ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦴ. ꦩꦤꦺꦴꦮꦶꦚ꧀ꦚꦴꦟꦣꦴꦠꦸ ꦱꦶꦪꦴ ꦱꦴꦫꦩ꧀ꦩꦟꦴꦫꦩ꧀ꦩꦟꦴ, ꦱꦶꦪꦴ ꦄꦤꦴꦫꦩ꧀ꦩꦟꦴꦫꦩ꧀ꦩꦟꦴ.