꧒. ꦢꦸꦏꦤꦶꦢ꧀ꦢꦺꦱꦺꦴ
꧗꧖꧗. (꧑) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦭꦺꦴꦏꦶꦪꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦭꦺꦴꦏꦸꦠ꧀ꦠꦫꦴ ꦥꦚ꧀ꦚꦴ.
(꧒) ꦱꦧ꧀ꦧꦴꦮ ꦥꦚ꧀ꦚꦴ ꦏꦺꦤꦕꦶ ꦮꦶꦚ꧀ꦚꦺꦪ꧀ꦪꦴ, ꦏꦺꦤꦕꦶ ꦤ ꦮꦶꦚ꧀ꦚꦺꦪ꧀ꦪꦴ.
(꧓) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦱꦴꦱꦮꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦄꦤꦴꦱꦮꦴ ꦥꦚ꧀ꦚꦴ.
(꧔) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦄꦴꦱꦮꦮꦶꦥ꧀ꦥꦪꦸꦠ꧀ꦠꦴ ꦱꦴꦱꦮꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦄꦴꦱꦮꦮꦶꦥ꧀ꦥꦪꦸꦠ꧀ꦠꦴ ꦄꦤꦴꦱꦮꦴ ꦥꦚ꧀ꦚꦴ.
(꧕) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦱꦁꦪꦺꦴꦗꦤꦶꦪꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦄꦱꦁꦪꦺꦴꦗꦤꦶꦪꦴ ꦥꦚ꧀ꦚꦴ.
(꧖) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦱꦁꦪꦺꦴꦗꦤꦮꦶꦥ꧀ꦥꦪꦸꦠ꧀ꦠꦴ ꦱꦁꦪꦺꦴꦗꦤꦶꦪꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦱꦁꦪꦺꦴꦗꦤꦮꦶꦥ꧀ꦥꦪꦸꦠ꧀ꦠꦴ ꦄꦱꦁꦪꦺꦴꦗꦤꦶꦪꦴ ꦥꦚ꧀ꦚꦴ.
(꧗) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦒꦤ꧀ꦡꦤꦶꦪꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦄꦒꦤ꧀ꦡꦤꦶꦪꦴ ꦥꦚ꧀ꦚꦴ.
(꧘) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦒꦤ꧀ꦡꦮꦶꦥ꧀ꦥꦪꦸꦠ꧀ꦠꦴ ꦒꦤ꧀ꦡꦤꦶꦪꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦒꦤ꧀ꦡꦮꦶꦥ꧀ꦥꦪꦸꦠ꧀ꦠꦴ ꦄꦒꦤ꧀ꦡꦤꦶꦪꦴ ꦥꦚ꧀ꦚꦴ.
(꧙) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦎꦓꦤꦶꦪꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦄꦤꦺꦴꦓꦤꦶꦪꦴ ꦥꦚ꧀ꦚꦴ.
(꧑꧐) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦎꦓꦮꦶꦥ꧀ꦥꦪꦸꦠ꧀ꦠꦴ ꦎꦓꦤꦶꦪꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦎꦓꦮꦶꦥ꧀ꦥꦪꦸꦠ꧀ꦠꦴ ꦄꦤꦺꦴꦓꦤꦶꦪꦴ ꦥꦚ꧀ꦚꦴ.
(꧑꧑) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦪꦺꦴꦒꦤꦶꦪꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦄꦪꦺꦴꦒꦤꦶꦪꦴ ꦥꦚ꧀ꦚꦴ.
(꧑꧒) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦪꦺꦴꦒꦮꦶꦥ꧀ꦥꦪꦸꦠ꧀ꦠꦴ ꦪꦺꦴꦒꦤꦶꦪꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦪꦺꦴꦒꦮꦶꦥ꧀ꦥꦪꦸꦠ꧀ꦠꦴ ꦄꦪꦺꦴꦒꦤꦶꦪꦴ ꦥꦚ꧀ꦚꦴ.
(꧑꧓) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦤꦷꦮꦫꦟꦶꦪꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦄꦤꦷꦮꦫꦟꦶꦪꦴ ꦥꦚ꧀ꦚꦴ.
(꧑꧔) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦤꦷꦮꦫꦟꦮꦶꦥ꧀ꦥꦪꦸꦠ꧀ꦠꦴ ꦤꦷꦮꦫꦟꦶꦪꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦤꦷꦮꦫꦟꦮꦶꦥ꧀ꦥꦪꦸꦠ꧀ꦠꦴ ꦄꦤꦷꦮꦫꦟꦶꦪꦴ ꦥꦚ꧀ꦚꦴ.
(꧑꧕) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦥꦫꦴꦩꦛ꧀ꦜꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦄꦥꦫꦴꦩꦛ꧀ꦜꦴ ꦥꦚ꧀ꦚꦴ.
(꧑꧖) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦥꦫꦴꦩꦴꦱꦮꦶꦥ꧀ꦥꦪꦸꦠ꧀ꦠꦴ ꦥꦫꦴꦩꦛ꧀ꦜꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦥꦫꦴꦩꦴꦱꦮꦶꦥ꧀ꦥꦪꦸꦠ꧀ꦠꦴ ꦄꦥꦫꦴꦩꦛ꧀ꦜꦴ ꦥꦚ꧀ꦚꦴ.
(꧑꧗) ꦠꦷꦱꦸ ꦨꦹꦩꦷꦱꦸ ꦮꦶꦥꦴꦏꦺ ꦥꦚ꧀ꦚꦴ ꦈꦥꦴꦢꦶꦤ꧀ꦤꦴ ꦥꦚ꧀ꦚꦴ, ꦠꦷꦱꦸ ꦨꦹꦩꦷꦱꦸ ꦏꦸꦱꦭꦺ ꦠꦷꦱꦸ ꦨꦹꦩꦷꦱꦸ ꦏꦶꦫꦶꦪꦴꦧ꧀ꦪꦴꦏꦠꦺ ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦄꦤꦸꦥꦴꦢꦶꦤ꧀ꦤꦴ ꦥꦚ꧀ꦚꦴ.
(꧑꧘) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦈꦥꦴꦢꦴꦤꦶꦪꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦄꦤꦸꦥꦴꦢꦴꦤꦶꦪꦴ ꦥꦚ꧀ꦚꦴ.
(꧑꧙) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦈꦥꦴꦢꦴꦤꦮꦶꦥ꧀ꦥꦪꦸꦠ꧀ꦠꦴ ꦈꦥꦴꦢꦴꦤꦶꦪꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦈꦥꦴꦢꦴꦤꦮꦶꦥ꧀ꦥꦪꦸꦠ꧀ꦠꦴ ꦄꦤꦸꦥꦴꦢꦴꦤꦶꦪꦴ ꦥꦚ꧀ꦚꦴ.
(꧒꧐) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦱꦁꦏꦶꦭꦺꦱꦶꦏꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦄꦱꦁꦏꦶꦭꦺꦱꦶꦏꦴ ꦥꦚ꧀ꦚꦴ.
(꧒꧑) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦏꦶꦭꦺꦱꦮꦶꦥ꧀ꦥꦪꦸꦠ꧀ꦠꦴ ꦱꦁꦏꦶꦭꦺꦱꦶꦏꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦏꦶꦭꦺꦱꦮꦶꦥ꧀ꦥꦪꦸꦠ꧀ꦠꦴ ꦄꦱꦁꦏꦶꦭꦺꦱꦶꦏꦴ ꦥꦚ꧀ꦚꦴ.
(꧒꧒) ꦮꦶꦠꦏ꧀ꦏꦱꦩ꧀ꦥꦪꦸꦠ꧀ꦠꦴ ꦥꦚ꧀ꦚꦴ ꦱꦮꦶꦠꦏ꧀ꦏꦴ ꦥꦚ꧀ꦚꦴ, ꦮꦶꦠꦏ꧀ꦏꦮꦶꦥ꧀ꦥꦪꦸꦠ꧀ꦠꦴ ꦥꦚ꧀ꦚꦴ ꦄꦮꦶꦠꦏ꧀ꦏꦴ ꦥꦚ꧀ꦚꦴ.
(꧒꧓) ꦮꦶꦕꦴꦫꦱꦩ꧀ꦥꦪꦸꦠ꧀ꦠꦴ ꦥꦚ꧀ꦚꦴ ꦱꦮꦶꦕꦴꦫꦴ ꦥꦚ꧀ꦚꦴ, ꦮꦶꦕꦴꦫꦮꦶꦥ꧀ꦥꦪꦸꦠ꧀ꦠꦴ ꦥꦚ꧀ꦚꦴ ꦄꦮꦶꦕꦴꦫꦴ ꦥꦚ꧀ꦚꦴ.
(꧒꧔) ꦥꦷꦠꦶꦱꦩ꧀ꦥꦪꦸꦠ꧀ꦠꦴ ꦥꦚ꧀ꦚꦴ ꦱꦥ꧀ꦥꦷꦠꦶꦏꦴ ꦥꦚ꧀ꦚꦴ, ꦥꦷꦠꦶꦮꦶꦥ꧀ꦥꦪꦸꦠ꧀ꦠꦴ ꦥꦚ꧀ꦚꦴ ꦄꦥ꧀ꦥꦷꦠꦶꦏꦴ ꦥꦚ꧀ꦚꦴ.
(꧒꧕) ꦥꦷꦠꦶꦱꦩ꧀ꦥꦪꦸꦠ꧀ꦠꦴ ꦥꦚ꧀ꦚꦴ ꦥꦷꦠꦶꦱꦲꦒꦠꦴ ꦥꦚ꧀ꦚꦴ, ꦥꦷꦠꦶꦮꦶꦥ꧀ꦥꦪꦸꦠ꧀ꦠꦴ ꦥꦚ꧀ꦚꦴ ꦤ ꦥꦷꦠꦶꦱꦲꦒꦠꦴ ꦥꦚ꧀ꦚꦴ.
(꧒꧖) ꦱꦸꦑꦱꦩ꧀ꦥꦪꦸꦠ꧀ꦠꦴ ꦥꦚ꧀ꦚꦴ ꦱꦸꦑꦱꦲꦒꦠꦴ ꦥꦚ꧀ꦚꦴ, ꦱꦸꦑꦮꦶꦥ꧀ꦥꦪꦸꦠ꧀ꦠꦴ ꦥꦚ꧀ꦚꦴ ꦤ ꦱꦸꦑꦱꦲꦒꦠꦴ ꦥꦚ꧀ꦚꦴ.
(꧒꧗) ꦈꦥꦺꦏ꧀ꦑꦴꦱꦩ꧀ꦥꦪꦸꦠ꧀ꦠꦴ ꦥꦚ꧀ꦚꦴ ꦈꦥꦺꦏ꧀ꦑꦴꦱꦲꦒꦠꦴ ꦥꦚ꧀ꦚꦴ, ꦈꦥꦺꦏ꧀ꦑꦴꦮꦶꦥ꧀ꦥꦪꦸꦠ꧀ꦠꦴ ꦥꦚ꧀ꦚꦴ ꦤ ꦈꦥꦺꦏ꧀ꦑꦴꦱꦲꦒꦠꦴ ꦥꦚ꧀ꦚꦴ.
(꧒꧘) ꦏꦴꦩꦴꦮꦕꦫꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦏꦴꦩꦴꦮꦕꦫꦴ ꦥꦚ꧀ꦚꦴ, ꦫꦹꦥꦴꦮꦕꦫꦴ ꦥꦚ꧀ꦚꦴ ꦄꦫꦹꦥꦴꦮꦕꦫꦴ ꦥꦚ꧀ꦚꦴ, ꦄꦥꦫꦶꦪꦴꦥꦤ꧀ꦤꦴ ꦥꦚ꧀ꦚꦴ ꦤ ꦏꦴꦩꦴꦮꦕꦫꦴ ꦥꦚ꧀ꦚꦴ.
(꧒꧙) ꦫꦹꦥꦴꦮꦕꦫꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦫꦹꦥꦴꦮꦕꦫꦴ ꦥꦚ꧀ꦚꦴ, ꦏꦴꦩꦴꦮꦕꦫꦴ ꦥꦚ꧀ꦚꦴ ꦄꦫꦹꦥꦴꦮꦕꦫꦴ ꦥꦚ꧀ꦚꦴ ꦄꦥꦫꦶꦪꦴꦥꦤ꧀ꦤꦴ ꦥꦚ꧀ꦚꦴ ꦤ ꦫꦹꦥꦴꦮꦕꦫꦴ ꦥꦚ꧀ꦚꦴ.
(꧓꧐) ꦄꦫꦹꦥꦴꦮꦕꦫꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦄꦫꦹꦥꦴꦮꦕꦫꦴ ꦥꦚ꧀ꦚꦴ, ꦏꦴꦩꦴꦮꦕꦫꦴ ꦥꦚ꧀ꦚꦴ ꦫꦹꦥꦴꦮꦕꦫꦴ ꦥꦚ꧀ꦚꦴ ꦄꦥꦫꦶꦪꦴꦥꦤ꧀ꦤꦴ ꦥꦚ꧀ꦚꦴ ꦤ ꦄꦫꦹꦥꦴꦮꦕꦫꦴ ꦥꦚ꧀ꦚꦴ.
(꧓꧑) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦥꦫꦶꦪꦴꦥꦤ꧀ꦤꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦄꦥꦫꦶꦪꦴꦥꦤ꧀ꦤꦴ ꦥꦚ꧀ꦚꦴ.
(꧓꧒) ꦕꦠꦹꦱꦸ ꦩꦒ꧀ꦒꦺꦱꦸ ꦥꦚ꧀ꦚꦴ ꦤꦶꦪ꧀ꦪꦴꦤꦶꦏꦴ ꦥꦚ꧀ꦚꦴ, ꦠꦷꦱꦸ ꦨꦹꦩꦷꦱꦸ ꦏꦸꦱꦭꦺ ꦕꦠꦹꦱꦸ ꦨꦹꦩꦷꦱꦸ ꦮꦶꦥꦴꦏꦺ ꦠꦷꦱꦸ ꦨꦹꦩꦷꦱꦸ ꦏꦶꦫꦶꦪꦴꦧ꧀ꦪꦴꦏꦠꦺ ꦥꦚ꧀ꦚꦴ ꦄꦤꦶꦪ꧀ꦪꦴꦤꦶꦏꦴ ꦥꦚ꧀ꦚꦴ.
(꧓꧓) ꦕꦠꦹꦱꦸ ꦩꦒ꧀ꦒꦺꦱꦸ ꦥꦚ꧀ꦚꦴ ꦤꦶꦪꦠꦴ ꦥꦚ꧀ꦚꦴ, ꦠꦷꦱꦸ ꦨꦹꦩꦷꦱꦸ ꦏꦸꦱꦭꦺ ꦕꦠꦹꦱꦸ ꦨꦹꦩꦷꦱꦸ ꦮꦶꦥꦴꦏꦺ ꦠꦷꦱꦸ ꦨꦹꦩꦷꦱꦸ ꦏꦶꦫꦶꦪꦴꦧ꧀ꦪꦴꦏꦠꦺ ꦥꦚ꧀ꦚꦴ ꦄꦤꦶꦪꦠꦴ ꦥꦚ꧀ꦚꦴ.
(꧓꧔) ꦠꦷꦱꦸ ꦨꦹꦩꦷꦱꦸ ꦏꦸꦱꦭꦴꦧ꧀ꦪꦴꦏꦠꦺ ꦥꦚ꧀ꦚꦴ ꦱꦈꦠ꧀ꦠꦫꦴ ꦥꦚ꧀ꦚꦴ, ꦕꦠꦹꦱꦸ ꦩꦒ꧀ꦒꦺꦱꦸ ꦕꦠꦹꦱꦸ ꦦꦭꦺꦱꦸ ꦥꦚ꧀ꦚꦴ ꦄꦤꦸꦠ꧀ꦠꦫꦴ ꦥꦚ꧀ꦚꦴ.
(꧓꧕) ꦠꦠ꧀ꦡ ꦏꦠꦩꦴ ꦄꦠ꧀ꦡꦗꦴꦥꦶꦏꦴ ꦥꦚ꧀ꦚꦴ?
ꦕꦠꦹꦱꦸ ꦨꦹꦩꦷꦱꦸ ꦏꦸꦱꦭꦺ ꦄꦫꦲꦠꦺꦴ ꦄꦨꦶꦚ꧀ꦚꦁ ꦈꦥ꧀ꦥꦴꦢꦺꦤ꧀ꦠꦱ꧀ꦱ ꦱꦩꦴꦥꦠ꧀ꦠꦶꦁ ꦈꦥ꧀ꦥꦴꦢꦺꦤ꧀ꦠꦱ꧀ꦱ ꦏꦶꦫꦶꦪꦴꦧ꧀ꦪꦴꦏꦠꦺ ꦥꦚ꧀ꦚꦴ ꦄꦠ꧀ꦡꦗꦴꦥꦶꦏꦴ ꦥꦚ꧀ꦚꦴ, ꦕꦠꦹꦱꦸ ꦨꦹꦩꦷꦱꦸ ꦮꦶꦥꦴꦏꦺ ꦄꦫꦲꦠꦺꦴ ꦈꦥ꧀ꦥꦤ꧀ꦤꦴꦪ ꦄꦨꦶꦚ꧀ꦚꦴꦪ ꦈꦥ꧀ꦥꦤ꧀ꦤꦴꦪ ꦱꦩꦴꦥꦠ꧀ꦠꦶꦪꦴ ꦏꦶꦫꦶꦪꦴꦧ꧀ꦪꦴꦏꦠꦺ ꦥꦚ꧀ꦚꦴ ꦗꦴꦥꦶꦠꦠ꧀ꦡꦴ ꦥꦚ꧀ꦚꦴ.
ꦌꦮꦁ ꦢꦸꦮꦶꦣꦺꦤ ꦚꦴꦟꦮꦠ꧀ꦡꦸ.
ꦢꦸꦏꦁ.