꧒. ꦮꦺꦢꦤꦴꦏ꧀ꦑꦤ꧀ꦣꦺꦴ

꧘. ꦠꦠ꧀ꦡ ꦏꦠꦩꦺꦴ ꦮꦺꦢꦤꦴꦏ꧀ꦑꦤ꧀ꦣꦺꦴ? ꦪꦴ ꦏꦴꦕꦶ ꦮꦺꦢꦤꦴ ꦄꦠꦷꦠꦴꦤꦴꦒꦠꦥꦕ꧀ꦕꦸꦥ꧀ꦥꦤ꧀ꦤꦴ ꦄꦗ꧀ꦙꦠ꧀ꦠꦴ ꦮꦴ ꦧꦲꦶꦢ꧀ꦣꦴ ꦮꦴ ꦎꦭ꦳ꦴꦫꦶꦏꦴ ꦮꦴ ꦱꦸꦑꦸꦩꦴ ꦮꦴ ꦲꦷꦤꦴ ꦮꦴ ꦥꦟꦷꦠꦴ ꦮꦴ ꦪꦴ ꦢꦹꦫꦺ ꦱꦤ꧀ꦠꦶꦏꦺ ꦮꦴ, ꦠꦢꦺꦏꦗ꧀ꦙꦁ ꦄꦨꦶꦱꦚ꧀ꦚꦹꦲꦶꦠ꧀ꦮꦴ ꦄꦨꦶꦱꦔ꧀ꦑꦶꦥꦶꦠ꧀ꦮꦴ – ꦄꦪꦁ ꦮꦸꦕ꧀ꦕꦠꦶ ꦮꦺꦢꦤꦴꦏ꧀ꦑꦤ꧀ꦣꦺꦴ.

꧙. ꦠꦠ꧀ꦡ ꦏꦠꦩꦴ ꦮꦺꦢꦤꦴ ꦄꦠꦷꦠꦴ? ꦪꦴ ꦮꦺꦢꦤꦴ ꦄꦠꦷꦠꦴ ꦤꦶꦫꦸꦢ꧀ꦣꦴ ꦮꦶꦒꦠꦴ ꦮꦶꦥꦫꦶꦟꦠꦴ ꦄꦠ꧀ꦡꦔ꧀ꦒꦠꦴ ꦄꦧ꧀ꦨꦠ꧀ꦡꦔ꧀ꦒꦠꦴ ꦈꦥ꧀ꦥꦗ꧀ꦗꦶꦠ꧀ꦮꦴ ꦮꦶꦒꦠꦴ ꦄꦠꦷꦠꦴ ꦄꦠꦷꦠꦁꦱꦺꦤ ꦱꦔ꧀ꦒꦲꦶꦠꦴ, ꦱꦸꦑꦴ ꦮꦺꦢꦤꦴ ꦢꦸꦏ꧀ꦑꦴ ꦮꦺꦢꦤꦴ ꦄꦢꦸꦏ꧀ꦑꦩꦱꦸꦑꦴ ꦮꦺꦢꦤꦴ – ꦄꦪꦁ ꦮꦸꦕ꧀ꦕꦠꦶ ꦮꦺꦢꦤꦴ ꦄꦠꦷꦠꦴ.

ꦠꦠ꧀ꦡ ꦏꦠꦩꦴ ꦮꦺꦢꦤꦴ ꦄꦤꦴꦒꦠꦴ? ꦪꦴ ꦮꦺꦢꦤꦴ ꦄꦗꦴꦠꦴ ꦄꦨꦹꦠꦴ ꦄꦱꦚ꧀ꦗꦴꦠꦴ ꦄꦤꦶꦧ꧀ꦧꦠ꧀ꦠꦴ ꦄꦤꦨꦶꦤꦶꦧ꧀ꦧꦠ꧀ꦠꦴ ꦄꦥꦴꦠꦸꦨꦹꦠꦴ ꦄꦤꦸꦥ꧀ꦥꦤ꧀ꦤꦴ ꦄꦱꦩꦸꦥ꧀ꦥꦤ꧀ꦤꦴ ꦄꦤꦸꦛ꧀ꦜꦶꦠꦴ ꦄꦱꦩꦸꦛ꧀ꦜꦶꦠꦴ ꦄꦤꦴꦒꦠꦴ ꦄꦤꦴꦒꦠꦁꦱꦺꦤ ꦱꦔ꧀ꦒꦲꦶꦠꦴ, ꦱꦸꦑꦴ ꦮꦺꦢꦤꦴ ꦢꦸꦏ꧀ꦑꦴ ꦮꦺꦢꦤꦴ ꦄꦢꦸꦏ꧀ꦑꦩꦱꦸꦑꦴ ꦮꦺꦢꦤꦴ – ꦄꦪꦁ ꦮꦸꦕ꧀ꦕꦠꦶ ꦮꦺꦢꦤꦴ ꦄꦤꦴꦒꦠꦴ.

ꦠꦠ꧀ꦡ ꦏꦠꦩꦴ ꦮꦺꦢꦤꦴ ꦥꦕ꧀ꦕꦸꦥ꧀ꦥꦤ꧀ꦤꦴ? ꦪꦴ ꦮꦺꦢꦤꦴ ꦗꦴꦠꦴ ꦨꦹꦠꦴ ꦱꦚ꧀ꦗꦴꦠꦴ ꦤꦶꦧ꧀ꦧꦠ꧀ꦠꦴ ꦄꦨꦶꦤꦶꦧ꧀ꦧꦠ꧀ꦠꦴ ꦥꦴꦠꦸꦨꦹꦠꦴ ꦈꦥ꧀ꦥꦤ꧀ꦤꦴ ꦱꦩꦸꦥ꧀ꦥꦤ꧀ꦤꦴ ꦈꦛ꧀ꦜꦶꦠꦴ ꦱꦩꦸꦛ꧀ꦜꦶꦠꦴ ꦥꦕ꧀ꦕꦸꦥ꧀ꦥꦤ꧀ꦤꦴ ꦥꦕ꧀ꦕꦸꦥ꧀ꦥꦤ꧀ꦤꦁꦱꦺꦤ ꦱꦔ꧀ꦒꦲꦶꦠꦴ, ꦱꦸꦑꦴ ꦮꦺꦢꦤꦴ ꦢꦸꦏ꧀ꦑꦴ ꦮꦺꦢꦤꦴ ꦄꦢꦸꦏ꧀ꦑꦩꦱꦸꦑꦴ ꦮꦺꦢꦤꦴ – ꦄꦪꦁ ꦮꦸꦕ꧀ꦕꦠꦶ ꦮꦺꦢꦤꦴ ꦥꦕ꧀ꦕꦸꦥ꧀ꦥꦤ꧀ꦤꦴ.

꧑꧐. ꦠꦠ꧀ꦡ ꦏꦠꦩꦴ ꦮꦺꦢꦤꦴ ꦄꦗ꧀ꦙꦠ꧀ꦠꦴ? ꦪꦴ ꦮꦺꦢꦤꦴ ꦠꦺꦱꦁ ꦠꦺꦱꦁ ꦱꦠ꧀ꦠꦴꦤꦁ ꦄꦗ꧀ꦙꦠ꧀ꦠꦁ ꦥꦕ꧀ꦕꦠ꧀ꦠꦁ ꦤꦶꦪꦏꦴ ꦥꦴꦛꦶꦥꦸꦒ꧀ꦒꦭꦶꦏꦴ ꦈꦥꦴꦢꦶꦤ꧀ꦤꦴ, ꦱꦸꦑꦴ ꦮꦺꦢꦤꦴ ꦢꦸꦏ꧀ꦑꦴ ꦮꦺꦢꦤꦴ ꦄꦢꦸꦏ꧀ꦑꦩꦱꦸꦑꦴ ꦮꦺꦢꦤꦴ – ꦄꦪꦁ ꦮꦸꦕ꧀ꦕꦠꦶ ꦮꦺꦢꦤꦴ ꦄꦗ꧀ꦙꦠ꧀ꦠꦴ.

ꦠꦠ꧀ꦡ ꦏꦠꦩꦴ ꦮꦺꦢꦤꦴ ꦧꦲꦶꦢ꧀ꦣꦴ? ꦪꦴ ꦮꦺꦢꦤꦴ ꦠꦺꦱꦁ ꦠꦺꦱꦁ ꦥꦫꦱꦠ꧀ꦠꦴꦤꦁ ꦥꦫꦥꦸꦒ꧀ꦒꦭꦴꦤꦁ ꦄꦗ꧀ꦙꦠ꧀ꦠꦁ ꦥꦕ꧀ꦕꦠ꧀ꦠꦁ ꦤꦶꦪꦏꦴ ꦥꦴꦛꦶꦥꦸꦒ꧀ꦒꦭꦶꦏꦴ ꦈꦥꦴꦢꦶꦤ꧀ꦤꦴ, ꦱꦸꦑꦴ ꦮꦺꦢꦤꦴ ꦢꦸꦏ꧀ꦑꦴ ꦮꦺꦢꦤꦴ ꦄꦢꦸꦏ꧀ꦑꦩꦱꦸꦑꦴ ꦮꦺꦢꦤꦴ – ꦄꦪꦁ ꦮꦸꦕ꧀ꦕꦠꦶ ꦮꦺꦢꦤꦴ ꦧꦲꦶꦢ꧀ꦣꦴ.

꧑꧑. ꦠꦠ꧀ꦡ ꦏꦠꦩꦴ ꦮꦺꦢꦤꦴ ꦎꦭ꦳ꦴꦫꦶꦏꦴ ꦱꦸꦑꦸꦩꦴ? ꦄꦏꦸꦱꦭꦴ ꦮꦺꦢꦤꦴ ꦎꦭ꦳ꦴꦫꦶꦏꦴ, ꦏꦸꦱꦭꦴꦧ꧀ꦪꦴꦏꦠꦴ ꦮꦺꦢꦤꦴ ꦱꦸꦑꦸꦩꦴ. ꦏꦸꦱꦭꦴꦏꦸꦱꦭꦴ ꦮꦺꦢꦤꦴ ꦎꦭ꦳ꦴꦫꦶꦏꦴ, ꦄꦧ꧀ꦪꦴꦏꦠꦴ ꦮꦺꦢꦤꦴ ꦱꦸꦑꦸꦩꦴ. ꦢꦸꦏ꧀ꦑꦴ ꦮꦺꦢꦤꦴ ꦎꦭ꦳ꦴꦫꦶꦏꦴ, ꦱꦸꦑꦴ ꦕ ꦄꦢꦸꦏ꧀ꦑꦩꦱꦸꦑꦴ ꦕ ꦮꦺꦢꦤꦴ ꦱꦸꦑꦸꦩꦴ. ꦱꦸꦑꦢꦸꦏ꧀ꦑꦴ ꦮꦺꦢꦤꦴ ꦎꦭ꦳ꦴꦫꦶꦏꦴ, ꦄꦢꦸꦏ꧀ꦑꦩꦱꦸꦑꦴ ꦮꦺꦢꦤꦴ ꦱꦸꦑꦸꦩꦴ. ꦄꦱꦩꦴꦥꦤ꧀ꦤꦱ꧀ꦱ ꦮꦺꦢꦤꦴ ꦎꦭ꦳ꦴꦫꦶꦏꦴ, ꦱꦩꦴꦥꦤ꧀ꦤꦱ꧀ꦱ ꦮꦺꦢꦤꦴ ꦱꦸꦑꦸꦩꦴ. ꦱꦴꦱꦮꦴ ꦮꦺꦢꦤꦴ ꦎꦭ꦳ꦴꦫꦶꦏꦴ, ꦄꦤꦴꦱꦮꦴ ꦮꦺꦢꦤꦴ ꦱꦸꦑꦸꦩꦴ. ꦠꦁ ꦠꦁ ꦮꦴ ꦥꦤ ꦮꦺꦢꦤꦁ ꦈꦥꦴꦢꦴꦪꦸꦥꦴꦢꦴꦪ ꦮꦺꦢꦤꦴ ꦎꦭ꦳ꦴꦫꦶꦏꦴ ꦱꦸꦑꦸꦩꦴ ꦢꦛ꧀ꦜꦧ꧀ꦧꦴ.

꧑꧒. ꦠꦠ꧀ꦡ ꦏꦠꦩꦴ ꦮꦺꦢꦤꦴ ꦲꦷꦤꦴ ꦥꦟꦷꦠꦴ? ꦄꦏꦸꦱꦭꦴ ꦮꦺꦢꦤꦴ ꦲꦷꦤꦴ, ꦏꦸꦱꦭꦴꦧ꧀ꦪꦴꦏꦠꦴ ꦮꦺꦢꦤꦴ ꦥꦟꦷꦠꦴ. ꦏꦸꦱꦭꦴꦏꦸꦱꦭꦴ ꦮꦺꦢꦤꦴ ꦲꦷꦤꦴ, ꦄꦧ꧀ꦪꦴꦏꦠꦴ ꦮꦺꦢꦤꦴ ꦥꦟꦷꦠꦴ. ꦢꦸꦏ꧀ꦑꦴ ꦮꦺꦢꦤꦴ ꦲꦷꦤꦴ, ꦱꦸꦑꦴ ꦕ ꦄꦢꦸꦏ꧀ꦑꦩꦱꦸꦑꦴ ꦕ ꦮꦺꦢꦤꦴ ꦥꦟꦷꦠꦴ. ꦱꦸꦑꦢꦸꦏ꧀ꦑꦴ ꦮꦺꦢꦤꦴ ꦲꦷꦤꦴ, ꦄꦢꦸꦏ꧀ꦑꦩꦱꦸꦑꦴ ꦮꦺꦢꦤꦴ ꦥꦟꦷꦠꦴ. ꦄꦱꦩꦴꦥꦤ꧀ꦤꦱ꧀ꦱ ꦮꦺꦢꦤꦴ ꦲꦷꦤꦴ, ꦱꦩꦴꦥꦤ꧀ꦤꦱ꧀ꦱ ꦮꦺꦢꦤꦴ ꦥꦟꦷꦠꦴ. ꦱꦴꦱꦮꦴ ꦮꦺꦢꦤꦴ ꦲꦷꦤꦴ, ꦄꦤꦴꦱꦮꦴ ꦮꦺꦢꦤꦴ ꦥꦟꦷꦠꦴ. ꦠꦁ ꦠꦁ ꦮꦴ ꦥꦤ ꦮꦺꦢꦤꦁ ꦈꦥꦴꦢꦴꦪꦸꦥꦴꦢꦴꦪ ꦮꦺꦢꦤꦴ ꦲꦷꦤꦴ ꦥꦟꦷꦠꦴ ꦢꦛ꧀ꦜꦧ꧀ꦧꦴ.

꧑꧓. ꦠꦠ꧀ꦡ ꦏꦠꦩꦴ ꦮꦺꦢꦤꦴ ꦢꦹꦫꦺ? ꦄꦏꦸꦱꦭꦴ ꦮꦺꦢꦤꦴ ꦏꦸꦱꦭꦴꦧ꧀ꦪꦴꦏꦠꦴꦲꦶ ꦮꦺꦢꦤꦴꦲꦶ ꦢꦹꦫꦺ; ꦏꦸꦱꦭꦴꦧ꧀ꦪꦴꦏꦠꦴ ꦮꦺꦢꦤꦴ ꦄꦏꦸꦱꦭꦴꦪ ꦮꦺꦢꦤꦴꦪ ꦢꦹꦫꦺ; ꦏꦸꦱꦭꦴ ꦮꦺꦢꦤꦴ ꦄꦏꦸꦱꦭꦴꦧ꧀ꦪꦴꦏꦠꦴꦲꦶ ꦮꦺꦢꦤꦴꦲꦶ ꦢꦹꦫꦺ; ꦄꦏꦸꦱꦭꦴꦧ꧀ꦪꦴꦏꦠꦴ ꦮꦺꦢꦤꦴ ꦏꦸꦱꦭꦴꦪ ꦮꦺꦢꦤꦴꦪ ꦢꦹꦫꦺ; ꦄꦧ꧀ꦪꦴꦏꦠꦴ ꦮꦺꦢꦤꦴ ꦏꦸꦱꦭꦴꦏꦸꦱꦭꦴꦲꦶ ꦮꦺꦢꦤꦴꦲꦶ ꦢꦹꦫꦺ; ꦏꦸꦱꦭꦴꦏꦸꦱꦭꦴ ꦮꦺꦢꦤꦴ ꦄꦧ꧀ꦪꦴꦏꦠꦴꦪ ꦮꦺꦢꦤꦴꦪ ꦢꦹꦫꦺ. ꦢꦸꦏ꧀ꦑꦴ ꦮꦺꦢꦤꦴ ꦱꦸꦑꦴꦪ ꦕ ꦄꦢꦸꦏ꧀ꦑꦩꦱꦸꦑꦴꦪ ꦕ ꦮꦺꦢꦤꦴꦲꦶ ꦢꦹꦫꦺ; ꦱꦸꦑꦴ ꦕ ꦄꦢꦸꦏ꧀ꦑꦩꦱꦸꦑꦴ ꦕ ꦮꦺꦢꦤꦴ ꦢꦸꦏ꧀ꦑꦴꦪ ꦮꦺꦢꦤꦴꦪ ꦢꦹꦫꦺ; ꦱꦸꦑꦴ ꦮꦺꦢꦤꦴ ꦢꦸꦏ꧀ꦑꦴꦪ ꦕ ꦄꦢꦸꦏ꧀ꦑꦩꦱꦸꦑꦴꦪ ꦕ ꦮꦺꦢꦤꦴꦲꦶ ꦢꦹꦫꦺ; ꦢꦸꦏ꧀ꦑꦴ ꦕ ꦄꦢꦸꦏ꧀ꦑꦩꦱꦸꦑꦴ ꦕ ꦮꦺꦢꦤꦴ ꦱꦸꦑꦴꦪ ꦮꦺꦢꦤꦴꦪ ꦢꦹꦫꦺ; ꦄꦢꦸꦏ꧀ꦑꦩꦱꦸꦑꦴ ꦮꦺꦢꦤꦴ ꦱꦸꦑꦢꦸꦏ꧀ꦑꦴꦲꦶ ꦮꦺꦢꦤꦴꦲꦶ ꦢꦹꦫꦺ; ꦱꦸꦑꦢꦸꦏ꧀ꦑꦴ ꦮꦺꦢꦤꦴ ꦄꦢꦸꦏ꧀ꦑꦩꦱꦸꦑꦴꦪ ꦮꦺꦢꦤꦴꦪ ꦢꦹꦫꦺ. ꦄꦱꦩꦴꦥꦤ꧀ꦤꦱ꧀ꦱ ꦮꦺꦢꦤꦴ ꦱꦩꦴꦥꦤ꧀ꦤꦱ꧀ꦱ ꦮꦺꦢꦤꦴꦪ ꦢꦹꦫꦺ; ꦱꦩꦴꦥꦤ꧀ꦤꦱ꧀ꦱ ꦮꦺꦢꦤꦴ ꦄꦱꦩꦴꦥꦤ꧀ꦤꦱ꧀ꦱ ꦮꦺꦢꦤꦴꦪ ꦢꦹꦫꦺ. ꦱꦴꦱꦮꦴ ꦮꦺꦢꦤꦴ ꦄꦤꦴꦱꦮꦴꦪ ꦮꦺꦢꦤꦴꦪ ꦢꦹꦫꦺ; ꦄꦤꦴꦱꦮꦴ ꦮꦺꦢꦤꦴ ꦱꦴꦱꦮꦴꦪ ꦮꦺꦢꦤꦴꦪ ꦢꦹꦫꦺ – ꦄꦪꦁ ꦮꦸꦕ꧀ꦕꦠꦶ ꦮꦺꦢꦤꦴ ꦢꦹꦫꦺ.

ꦠꦠ꧀ꦡ ꦏꦠꦩꦴ ꦮꦺꦢꦤꦴ ꦱꦤ꧀ꦠꦶꦏꦺ? ꦄꦏꦸꦱꦭꦴ ꦮꦺꦢꦤꦴ ꦄꦏꦸꦱꦭꦴꦪ ꦮꦺꦢꦤꦴꦪ ꦱꦤ꧀ꦠꦶꦏꦺ; ꦏꦸꦱꦭꦴ ꦮꦺꦢꦤꦴ ꦏꦸꦱꦭꦴꦪ ꦮꦺꦢꦤꦴꦪ ꦱꦤ꧀ꦠꦶꦏꦺ; ꦄꦧ꧀ꦪꦴꦏꦠꦴ ꦮꦺꦢꦤꦴ ꦄꦧ꧀ꦪꦴꦏꦠꦴꦪ ꦮꦺꦢꦤꦴꦪ ꦱꦤ꧀ꦠꦶꦏꦺ. ꦢꦸꦏ꧀ꦑꦴ ꦮꦺꦢꦤꦴ ꦢꦸꦏ꧀ꦑꦴꦪ ꦮꦺꦢꦤꦴꦪ ꦱꦤ꧀ꦠꦶꦏꦺ; ꦱꦸꦑꦴ ꦮꦺꦢꦤꦴ ꦱꦸꦑꦴꦪ ꦮꦺꦢꦤꦴꦪ ꦱꦤ꧀ꦠꦶꦏꦺ; ꦄꦢꦸꦏ꧀ꦑꦩꦱꦸꦑꦴ ꦮꦺꦢꦤꦴ ꦄꦢꦸꦏ꧀ꦑꦩꦱꦸꦑꦴꦪ ꦮꦺꦢꦤꦴꦪ ꦱꦤ꧀ꦠꦶꦏꦺ. ꦄꦱꦩꦴꦥꦤ꧀ꦤꦱ꧀ꦱ ꦮꦺꦢꦤꦴ ꦄꦱꦩꦴꦥꦤ꧀ꦤꦱ꧀ꦱ ꦮꦺꦢꦤꦴꦪ ꦱꦤ꧀ꦠꦶꦏꦺ; ꦱꦩꦴꦥꦤ꧀ꦤꦱ꧀ꦱ ꦮꦺꦢꦤꦴ ꦱꦩꦴꦥꦤ꧀ꦤꦱ꧀ꦱ ꦮꦺꦢꦤꦴꦪ ꦱꦤ꧀ꦠꦶꦏꦺ. ꦱꦴꦱꦮꦴ ꦮꦺꦢꦤꦴ ꦱꦴꦱꦮꦴꦪ ꦮꦺꦢꦤꦴꦪ ꦱꦤ꧀ꦠꦶꦏꦺ; ꦄꦤꦴꦱꦮꦴ ꦮꦺꦢꦤꦴ ꦄꦤꦴꦱꦮꦴꦪ ꦮꦺꦢꦤꦴꦪ ꦱꦤ꧀ꦠꦶꦏꦺ. ꦄꦪꦁ ꦮꦸꦕ꧀ꦕꦠꦶ ꦮꦺꦢꦤꦴ ꦱꦤ꧀ꦠꦶꦏꦺ. ꦠꦁ ꦠꦁ ꦮꦴ ꦥꦤ ꦮꦺꦢꦤꦁ ꦈꦥꦴꦢꦴꦪꦸꦥꦴꦢꦴꦪ ꦮꦺꦢꦤꦴ ꦢꦹꦫꦺ ꦱꦤ꧀ꦠꦶꦏꦺ ꦢꦛ꧀ꦜꦧ꧀ꦧꦴ.