꧑. ꦮꦶꦨꦔ꧀ꦒꦮꦴꦫꦺꦴ
ꦲꦺꦠꦸꦥꦕ꧀ꦕꦪꦺꦴ
꧑꧖꧓. ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦲꦺꦠꦸꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦴ ꦲꦺꦠꦹ ꦱꦩ꧀ꦥꦪꦸꦠ꧀ꦠꦏꦴꦤꦁ ꦑꦤ꧀ꦣꦴꦤꦁ ꦲꦺꦠꦸꦥꦕ꧀ꦕꦪꦺꦤ ꦥꦕ꧀ꦕꦪꦺꦴ; ꦥꦛꦶꦱꦤ꧀ꦣꦶꦏ꧀ꦑꦟꦺ…ꦥꦺ…. (꧑)
ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦲꦺꦠꦸꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦴ ꦲꦺꦠꦹ ꦕꦶꦠ꧀ꦠꦱꦩꦸꦛ꧀ꦜꦴꦤꦴꦤꦁ ꦫꦹꦥꦴꦤꦁ ꦲꦺꦠꦸꦥꦕ꧀ꦕꦪꦺꦤ ꦥꦕ꧀ꦕꦪꦺꦴ; ꦥꦛꦶꦱꦤ꧀ꦣꦶꦏ꧀ꦑꦟꦺ…ꦥꦺ…. (꧒)
ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦕ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦱ꧀ꦱ ꦕ ꦣꦩ꧀ꦩꦱ꧀ꦱ ꦲꦺꦠꦸꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦴ ꦲꦺꦠꦹ ꦱꦩ꧀ꦥꦪꦸꦠ꧀ꦠꦏꦴꦤꦁ ꦑꦤ꧀ꦣꦴꦤꦁ ꦕꦶꦠ꧀ꦠꦱꦩꦸꦛ꧀ꦜꦴꦤꦴꦤꦚ꧀ꦕ ꦫꦹꦥꦴꦤꦁ ꦲꦺꦠꦸꦥꦕ꧀ꦕꦪꦺꦤ ꦥꦕ꧀ꦕꦪꦺꦴ; ꦥꦛꦶꦱꦤ꧀ꦣꦶꦏ꧀ꦑꦟꦺ…ꦥꦺ…. (꧓)
ꦄꦴꦫꦩ꧀ꦩꦟꦥꦕ꧀ꦕꦪꦺꦴ
꧑꧖꧔. ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦄꦴꦫꦩ꧀ꦩꦟꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦢꦴꦤꦁ…ꦥꦺ… ꦱꦷꦭꦁ…ꦥꦺ… ꦈꦥꦺꦴꦱꦡꦏꦩ꧀ꦩꦁ ꦏꦠ꧀ꦮꦴ ꦠꦁ ꦥꦕ꧀ꦕꦮꦺꦏ꧀ꦑꦠꦶ ꦄꦱ꧀ꦱꦴꦢꦺꦠꦶ ꦄꦨꦶꦤꦤ꧀ꦢꦠꦶ, ꦠꦁ ꦄꦴꦫꦧ꧀ꦨ ꦫꦴꦒꦺꦴ ꦈꦥ꧀ꦥꦗ꧀ꦗꦠꦶ…ꦥꦺ… ꦢꦺꦴꦩꦤꦱ꧀ꦱꦁ ꦈꦥ꧀ꦥꦗ꧀ꦗꦠꦶ; ꦥꦸꦧ꧀ꦧꦺ ꦱꦸꦕꦶꦟ꧀ꦟꦴꦤꦶ…ꦥꦺ… ꦙꦴꦤꦴ ꦮꦸꦛ꧀ꦜꦲꦶꦠ꧀ꦮꦴ ꦙꦴꦤꦁ…ꦥꦺ… ꦄꦫꦶꦪꦴ ꦩꦒ꧀ꦒꦴ ꦮꦸꦛ꧀ꦜꦲꦶꦠ꧀ꦮꦴ ꦩꦒ꧀ꦒꦁ ꦥꦕ꧀ꦕꦮꦺꦏ꧀ꦑꦤ꧀ꦠꦶ, ꦦꦭꦁ ꦥꦕ꧀ꦕꦮꦺꦏ꧀ꦑꦤ꧀ꦠꦶ. ꦥꦲꦷꦤꦺ ꦏꦶꦭꦺꦱꦺ…ꦥꦺ… ꦮꦶꦏ꧀ꦑꦩ꧀ꦨꦶꦠꦺ ꦏꦶꦭꦺꦱꦺ ꦥꦕ꧀ꦕꦮꦺꦏ꧀ꦑꦤ꧀ꦠꦶ. ꦥꦸꦧ꧀ꦧꦺ ꦱꦩꦸꦢꦴꦕꦶꦟ꧀ꦟꦺ ꦏꦶꦭꦺꦱꦺ ꦗꦴꦤꦤ꧀ꦠꦶ. ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺ ꦑꦤ꧀ꦣꦺ ꦄꦤꦶꦕ꧀ꦕꦠꦺꦴ…ꦥꦺ… ꦢꦺꦴꦩꦤꦱ꧀ꦱꦁ ꦈꦥ꧀ꦥꦗ꧀ꦗꦠꦶ. ꦕꦺꦠꦺꦴꦥꦫꦶꦪꦚꦴꦟꦺꦤ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱꦩꦔ꧀ꦒꦶꦱ꧀ꦱ ꦕꦶꦠ꧀ꦠꦁ ꦗꦴꦤꦤ꧀ꦠꦶ. ꦄꦴꦏꦴꦱꦴꦤꦚ꧀ꦕꦴꦪꦠꦤꦁ ꦮꦶꦚ꧀ꦚꦴꦟꦚ꧀ꦕꦴꦪꦠꦤꦱ꧀ꦱ…ꦥꦺ… ꦄꦴꦏꦶꦚ꧀ꦕꦚ꧀ꦚꦴꦪꦠꦤꦁ ꦤꦺꦮꦱꦚ꧀ꦚꦴꦤꦴꦱꦚ꧀ꦚꦴꦪꦠꦤꦱ꧀ꦱ…ꦥꦺ… ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦴ ꦑꦤ꧀ꦣꦴ ꦆꦢ꧀ꦣꦶꦮꦶꦣꦚꦴꦟꦱ꧀ꦱ, ꦕꦺꦠꦺꦴꦥꦫꦶꦪꦚꦴꦟꦱ꧀ꦱ, ꦥꦸꦧ꧀ꦧꦺꦤꦶꦮꦴꦱꦴꦤꦸꦱ꧀ꦱꦠꦶꦚꦴꦟꦱ꧀ꦱ, ꦪꦡꦴꦏꦩ꧀ꦩꦹꦥꦒꦚꦴꦟꦱ꧀ꦱ, ꦄꦤꦴꦒꦠꦁꦱꦚꦴꦟꦱ꧀ꦱ, ꦄꦴꦮꦗ꧀ꦗꦤꦴꦪ ꦄꦴꦫꦩ꧀ꦩꦟꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. (꧑)
꧑꧖꧕. ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦄꦴꦫꦩ꧀ꦩꦟꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦄꦫꦶꦪꦴ ꦤꦶꦧ꧀ꦧꦴꦤꦁ ꦥꦕ꧀ꦕꦮꦺꦏ꧀ꦑꦤ꧀ꦠꦶ. ꦤꦶꦧ꧀ꦧꦴꦤꦁ ꦒꦺꦴꦠ꧀ꦫꦨꦸꦱ꧀ꦱ, ꦮꦺꦴꦢꦴꦤꦱ꧀ꦱ, ꦩꦒ꧀ꦒꦱ꧀ꦱ, ꦦꦭꦱ꧀ꦱ, ꦄꦴꦮꦗ꧀ꦗꦤꦴꦪ ꦄꦴꦫꦩ꧀ꦩꦟꦥꦕ꧀ꦕꦪꦺꦤ ꦥꦕ꧀ꦕꦪꦺꦴ; ꦕꦏ꧀ꦑꦸꦁ…ꦥꦺ… ꦮꦠ꧀ꦡꦸꦁ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦺ ꦑꦤ꧀ꦣꦺ ꦄꦤꦶꦕ꧀ꦕꦠꦺꦴ…ꦥꦺ… ꦢꦺꦴꦩꦤꦱ꧀ꦱꦁ ꦈꦥ꧀ꦥꦗ꧀ꦗꦠꦶ; ꦢꦶꦧ꧀ꦧꦺꦤ ꦕꦏ꧀ꦑꦸꦤꦴ ꦫꦹꦥꦁ ꦥꦱ꧀ꦱꦠꦶ, ꦢꦶꦧ꧀ꦧꦴꦪ ꦱꦺꦴꦠꦣꦴꦠꦸꦪꦴ ꦱꦢ꧀ꦢꦁ ꦱꦸꦟꦴꦠꦶ. ꦫꦹꦥꦴꦪꦠꦤꦁ ꦕꦏ꧀ꦑꦸꦮꦶꦚ꧀ꦚꦴꦟꦱꦲꦒꦠꦴꦤꦁ ꦑꦤ꧀ꦣꦴꦤꦁ…ꦥꦺ… ꦦꦺꦴꦛ꧀ꦜꦧ꧀ꦧꦴꦪꦠꦤꦁ…ꦥꦺ… ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦴ ꦑꦤ꧀ꦣꦴ ꦆꦢ꧀ꦣꦶꦮꦶꦣꦚꦴꦟꦱ꧀ꦱ, ꦥꦸꦧ꧀ꦧꦺꦤꦶꦮꦴꦱꦴꦤꦸꦱ꧀ꦱꦠꦶꦚꦴꦟꦱ꧀ꦱ, ꦄꦤꦴꦒꦠꦁꦱꦚꦴꦟꦱ꧀ꦱ, ꦄꦴꦮꦗ꧀ꦗꦤꦴꦪ ꦄꦴꦫꦩ꧀ꦩꦟꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. (꧑)
ꦄꦣꦶꦥꦠꦶꦥꦕ꧀ꦕꦪꦺꦴ
꧑꧖꧖. ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦄꦣꦶꦥꦠꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦄꦴꦫꦩ꧀ꦩꦟꦴꦣꦶꦥꦠꦶ, ꦱꦲꦗꦴꦠꦴꦣꦶꦥꦠꦶ. ꦄꦴꦫꦩ꧀ꦩꦟꦴꦣꦶꦥꦠꦶ – ꦢꦴꦤꦁ…ꦥꦺ… ꦱꦷꦭꦁ…ꦥꦺ… ꦈꦥꦺꦴꦱꦡꦏꦩ꧀ꦩꦁ ꦏꦠ꧀ꦮꦴ ꦠꦁ ꦒꦫꦸꦁ ꦏꦠ꧀ꦮꦴ ꦥꦕ꧀ꦕꦮꦺꦏ꧀ꦑꦠꦶ ꦄꦱ꧀ꦱꦴꦢꦺꦠꦶ ꦄꦨꦶꦤꦤ꧀ꦢꦠꦶ, ꦠꦁ ꦒꦫꦸꦁ ꦏꦠ꧀ꦮꦴ ꦫꦴꦒꦺꦴ ꦈꦥ꧀ꦥꦗ꧀ꦗꦠꦶ, ꦢꦶꦛ꧀ꦜꦶ ꦈꦥ꧀ꦥꦗ꧀ꦗꦠꦶ. ꦥꦸꦧ꧀ꦧꦺ…ꦥꦺ… ꦙꦴꦤꦴ…ꦥꦺ… ꦄꦫꦶꦪꦴ ꦩꦒ꧀ꦒꦴ ꦮꦸꦛ꧀ꦜꦲꦶꦠ꧀ꦮꦴ ꦩꦒ꧀ꦒꦁ ꦒꦫꦸꦁ ꦏꦠ꧀ꦮꦴ ꦥꦕ꧀ꦕꦮꦺꦏ꧀ꦑꦤ꧀ꦠꦶ, ꦦꦭꦁ ꦒꦫꦸꦁ ꦏꦠ꧀ꦮꦴ ꦥꦕ꧀ꦕꦮꦺꦏ꧀ꦑꦤ꧀ꦠꦶ, ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺ ꦑꦤ꧀ꦣꦺ ꦒꦫꦸꦁ ꦏꦠ꧀ꦮꦴ ꦄꦱ꧀ꦱꦴꦢꦺꦠꦶ ꦄꦨꦶꦤꦤ꧀ꦢꦠꦶ, ꦠꦁ ꦒꦫꦸꦁ ꦏꦠ꧀ꦮꦴ ꦫꦴꦒꦺꦴ ꦈꦥ꧀ꦥꦗ꧀ꦗꦠꦶ, ꦢꦶꦛ꧀ꦜꦶ ꦈꦥ꧀ꦥꦗ꧀ꦗꦠꦶ. ꦱꦲꦗꦴꦠꦴꦣꦶꦥꦠꦶ – ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦴꦣꦶꦥꦠꦶ ꦱꦩ꧀ꦥꦪꦸꦠ꧀ꦠꦏꦴꦤꦁ ꦑꦤ꧀ꦣꦴꦤꦁ ꦄꦣꦶꦥꦠꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. (꧑)
ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦄꦣꦶꦥꦠꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. ꦱꦲꦗꦴꦠꦴꦣꦶꦥꦠꦶ – ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦴꦣꦶꦥꦠꦶ ꦕꦶꦠ꧀ꦠꦱꦩꦸꦛ꧀ꦜꦴꦤꦴꦤꦁ ꦫꦹꦥꦴꦤꦁ ꦄꦣꦶꦥꦠꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. (꧒)
ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦕ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦱ꧀ꦱ ꦕ ꦣꦩ꧀ꦩꦱ꧀ꦱ ꦄꦣꦶꦥꦠꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. ꦱꦲꦗꦴꦠꦴꦣꦶꦥꦠꦶ – ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦴꦣꦶꦥꦠꦶ ꦱꦩ꧀ꦥꦪꦸꦠ꧀ꦠꦏꦴꦤꦁ ꦑꦤ꧀ꦣꦴꦤꦁ ꦕꦶꦠ꧀ꦠꦱꦩꦸꦛ꧀ꦜꦴꦤꦴꦤꦚ꧀ꦕ ꦫꦹꦥꦴꦤꦁ ꦄꦣꦶꦥꦠꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. (꧓)
꧑꧖꧗. ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦄꦣꦶꦥꦠꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. ꦄꦴꦫꦩ꧀ꦩꦟꦴꦣꦶꦥꦠꦶ – ꦄꦫꦶꦪꦴ ꦤꦶꦧ꧀ꦧꦴꦤꦁ ꦒꦫꦸꦁ ꦏꦠ꧀ꦮꦴ ꦥꦕ꧀ꦕꦮꦺꦏ꧀ꦑꦤ꧀ꦠꦶ. ꦤꦶꦧ꧀ꦧꦴꦤꦁ ꦒꦺꦴꦠ꧀ꦫꦨꦸꦱ꧀ꦱ, ꦮꦺꦴꦢꦴꦤꦱ꧀ꦱ, ꦩꦒ꧀ꦒꦱ꧀ꦱ, ꦦꦭꦱ꧀ꦱ, ꦄꦣꦶꦥꦠꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ; ꦕꦏ꧀ꦑꦸꦁ…ꦥꦺ… ꦮꦠ꧀ꦡꦸꦁ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦺ ꦑꦤ꧀ꦣꦺ ꦒꦫꦸꦁ ꦏꦠ꧀ꦮꦴ ꦄꦱ꧀ꦱꦴꦢꦺꦠꦶ ꦄꦨꦶꦤꦤ꧀ꦢꦠꦶ, ꦠꦁ ꦒꦫꦸꦁ ꦏꦠ꧀ꦮꦴ ꦫꦴꦒꦺꦴ ꦈꦥ꧀ꦥꦗ꧀ꦗꦠꦶ, ꦢꦶꦛ꧀ꦜꦶ ꦈꦥ꧀ꦥꦗ꧀ꦗꦠꦶ. (꧑)
ꦄꦤꦤ꧀ꦠꦫꦥꦕ꧀ꦕꦪꦴꦢꦶ
꧑꧖꧘. ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦄꦤꦤ꧀ꦠꦫꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦥꦸꦫꦶꦩꦴ ꦥꦸꦫꦶꦩꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦴ ꦑꦤ꧀ꦣꦴ…ꦥꦺ… ꦦꦭꦱꦩꦴꦥꦠ꧀ꦠꦶꦪꦴ ꦄꦤꦤ꧀ꦠꦫꦥꦕ꧀ꦕꦪꦺꦤ ꦥꦕ꧀ꦕꦪꦺꦴ… ꦱꦩꦤꦤ꧀ꦠꦫꦥꦕ꧀ꦕꦪꦺꦤ ꦥꦕ꧀ꦕꦪꦺꦴ… ꦱꦲꦗꦴꦠꦥꦕ꧀ꦕꦪꦺꦤ ꦥꦕ꧀ꦕꦪꦺꦴ… ꦱꦠ꧀ꦠ (ꦥꦛꦶꦕ꧀ꦕꦱꦢꦶꦱꦴ, ꦥꦚ꧀ꦲꦴꦓꦛꦤꦴ ꦤꦠ꧀ꦡꦶ)… ꦄꦚ꧀ꦚꦩꦚ꧀ꦚꦥꦕ꧀ꦕꦪꦺꦤ ꦥꦕ꧀ꦕꦪꦺꦴ… ꦖ (ꦥꦛꦶꦕ꧀ꦕꦱꦢꦶꦱꦴ)… ꦤꦶꦱ꧀ꦱꦪꦥꦕ꧀ꦕꦪꦺꦤ ꦥꦕ꧀ꦕꦪꦺꦴ… ꦱꦠ꧀ꦠ (ꦥꦕ꧀ꦕꦪꦮꦴꦫꦱꦢꦶꦱꦴ, ꦥꦚ꧀ꦲꦴꦓꦛꦤꦴ ꦤꦠ꧀ꦡꦶ).
ꦈꦥꦤꦶꦱ꧀ꦱꦪꦥꦕ꧀ꦕꦪꦺꦴ
꧑꧖꧙. ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦈꦥꦤꦶꦱ꧀ꦱꦪꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦄꦴꦫꦩ꧀ꦩꦟꦹꦥꦤꦶꦱ꧀ꦱꦪꦺꦴ, ꦄꦤꦤ꧀ꦠꦫꦹꦥꦤꦶꦱ꧀ꦱꦪꦺꦴ, ꦥꦏꦠꦹꦥꦤꦶꦱ꧀ꦱꦪꦺꦴ …ꦥꦺ…. ꦥꦏꦠꦹꦥꦤꦶꦱ꧀ꦱꦪꦺꦴ – ꦱꦢ꧀ꦣꦁ ꦈꦥꦤꦶꦱ꧀ꦱꦴꦪ ꦢꦴꦤꦁ ꦢꦺꦠꦶ…ꦥꦺ… ꦩꦴꦤꦁ ꦗꦥ꧀ꦥꦺꦠꦶ, ꦢꦶꦛ꧀ꦜꦶꦁ ꦒꦟ꧀ꦲꦴꦠꦶ; ꦱꦷꦭꦁ…ꦥꦺ… ꦥꦠ꧀ꦡꦤꦁ ꦏꦴꦪꦶꦏꦁ ꦱꦸꦑꦁ… ꦏꦴꦪꦶꦏꦁ ꦢꦸꦏ꧀ꦑꦁ ꦈꦥꦤꦶꦱ꧀ꦱꦴꦪ ꦢꦴꦤꦁ ꦢꦺꦠꦶ…ꦥꦺ… ꦥꦴꦟꦁ ꦲꦤꦠꦶ…ꦥꦺ… ꦱꦔ꧀ꦓꦁ ꦨꦶꦤ꧀ꦢꦠꦶ; ꦱꦢ꧀ꦣꦴ…ꦥꦺ… ꦏꦴꦪꦶꦏꦁ ꦢꦸꦏ꧀ꦑꦁ ꦱꦢ꧀ꦣꦴꦪ…ꦥꦺ… ꦩꦒ꧀ꦒꦱ꧀ꦱ, ꦦꦭꦱꦩꦴꦥꦠ꧀ꦠꦶꦪꦴ ꦈꦥꦤꦶꦱ꧀ꦱꦪꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. (꧑)
ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦈꦥꦤꦶꦱ꧀ꦱꦪꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦄꦴꦫꦩ꧀ꦩꦟꦹꦥꦤꦶꦱ꧀ꦱꦪꦺꦴ, ꦥꦏꦠꦹꦥꦤꦶꦱ꧀ꦱꦪꦺꦴ…ꦥꦺ…. ꦥꦏꦠꦹꦥꦤꦶꦱ꧀ꦱꦪꦺꦴ – ꦈꦠꦸꦁ… ꦨꦺꦴꦗꦤꦁ… ꦱꦺꦤꦴꦱꦤꦁ ꦈꦥꦤꦶꦱ꧀ꦱꦴꦪ ꦢꦴꦤꦁ ꦢꦺꦠꦶ…ꦥꦺ… ꦱꦔ꧀ꦓꦁ ꦨꦶꦤ꧀ꦢꦠꦶ; ꦈꦠꦸ… ꦨꦺꦴꦗꦤꦁ… ꦱꦺꦤꦴꦱꦤꦁ ꦱꦢ꧀ꦣꦴꦪ…ꦥꦺ… ꦦꦭꦱꦩꦴꦥꦠ꧀ꦠꦶꦪꦴ ꦈꦥꦤꦶꦱ꧀ꦱꦪꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. (꧑)
ꦥꦸꦫꦺꦗꦴꦠꦥꦕ꧀ꦕꦪꦺꦴ
꧑꧗꧐. ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦥꦸꦫꦺꦗꦴꦠꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦄꦴꦫꦩ꧀ꦩꦟꦥꦸꦫꦺꦗꦴꦠꦁ, ꦮꦠ꧀ꦡꦸꦥꦸꦫꦺꦗꦴꦠꦁ. ꦄꦴꦫꦩ꧀ꦩꦟꦥꦸꦫꦺꦗꦴꦠꦁ – ꦕꦏ꧀ꦑꦸꦁ…ꦥꦺ… ꦮꦠ꧀ꦡꦸꦁ ꦄꦤꦶꦕ꧀ꦕꦠꦺꦴ…ꦥꦺ… ꦢꦺꦴꦩꦤꦱ꧀ꦱꦁ ꦈꦥ꧀ꦥꦗ꧀ꦗꦠꦶ; ꦢꦶꦧ꧀ꦧꦺꦤ ꦕꦏ꧀ꦑꦸꦤꦴ ꦫꦹꦥꦁ ꦥꦱ꧀ꦱꦠꦶ, ꦢꦶꦧ꧀ꦧꦴꦪ ꦱꦺꦴꦠꦣꦴꦠꦸꦪꦴ ꦱꦢ꧀ꦢꦁ ꦱꦸꦟꦴꦠꦶ. ꦫꦹꦥꦴꦪꦠꦤꦁ ꦕꦏ꧀ꦑꦸꦮꦶꦚ꧀ꦚꦴꦟꦱꦲꦒꦠꦴꦤꦁ ꦑꦤ꧀ꦣꦴꦤꦁ…ꦥꦺ… ꦦꦺꦴꦛ꧀ꦜꦧ꧀ꦧꦴꦪꦠꦤꦁ…ꦥꦺ…. ꦮꦠ꧀ꦡꦸꦥꦸꦫꦺꦗꦴꦠꦁ – ꦕꦏ꧀ꦑꦴꦪꦠꦤꦁ ꦕꦏ꧀ꦑꦸꦮꦶꦚ꧀ꦚꦴꦟꦱꦲꦒꦠꦴꦤꦁ ꦑꦤ꧀ꦣꦴꦤꦁ…ꦥꦺ… ꦏꦴꦪꦴꦪꦠꦤꦁ…ꦥꦺ… ꦮꦠ꧀ꦡꦸ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦏꦴꦤꦁ ꦑꦤ꧀ꦣꦴꦤꦁ ꦥꦸꦫꦺꦗꦴꦠꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. (꧑)
ꦥꦕ꧀ꦖꦴꦗꦴꦠꦴꦱꦺꦮꦤꦥꦕ꧀ꦕꦪꦴ
꧑꧗꧑. ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦥꦕ꧀ꦖꦴꦗꦴꦠꦥꦕ꧀ꦕꦪꦺꦤ ꦥꦕ꧀ꦕꦪꦺꦴ (ꦱꦁꦑꦶꦠ꧀ꦠꦁ) ꦌꦏꦁ, ꦄꦴꦱꦺꦮꦤꦥꦕ꧀ꦕꦪꦺꦤ ꦥꦕ꧀ꦕꦪꦺꦴ … ꦌꦏꦁ.
ꦏꦩ꧀ꦩꦥꦕ꧀ꦕꦪꦺꦴ
꧑꧗꧒. ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦏꦩ꧀ꦩꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦱꦲꦗꦴꦠꦴ, ꦤꦴꦤꦴꦏ꧀ꦑꦟꦶꦏꦴ. ꦱꦲꦗꦴꦠꦴ – ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦴ ꦕꦺꦠꦤꦴ ꦱꦩ꧀ꦥꦪꦸꦠ꧀ꦠꦏꦴꦤꦁ ꦑꦤ꧀ꦣꦴꦤꦁ ꦏꦩ꧀ꦩꦥꦕ꧀ꦕꦪꦺꦤ ꦥꦕ꧀ꦕꦪꦺꦴ; ꦥꦛꦶꦱꦤ꧀ꦣꦶꦏ꧀ꦑꦟꦺ…ꦥꦺ…. ꦤꦴꦤꦴꦏ꧀ꦑꦟꦶꦏꦴ – ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦴ ꦕꦺꦠꦤꦴ ꦮꦶꦥꦴꦏꦴꦤꦁ ꦑꦤ꧀ꦣꦴꦤꦁ ꦏꦩ꧀ꦩꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. (꧑)
ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦏꦩ꧀ꦩꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦱꦲꦗꦴꦠꦴ, ꦤꦴꦤꦴꦏ꧀ꦑꦟꦶꦏꦴ. ꦱꦲꦗꦴꦠꦴ – ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦴ ꦕꦺꦠꦤꦴ ꦕꦶꦠ꧀ꦠꦱꦩꦸꦛ꧀ꦜꦴꦤꦴꦤꦁ ꦫꦹꦥꦴꦤꦁ ꦏꦩ꧀ꦩꦥꦕ꧀ꦕꦪꦺꦤ ꦥꦕ꧀ꦕꦪꦺꦴ; ꦥꦛꦶꦱꦤ꧀ꦣꦶꦏ꧀ꦑꦟꦺ…ꦥꦺ…. ꦤꦴꦤꦴꦏ꧀ꦑꦟꦶꦏꦴ – ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦴ ꦕꦺꦠꦤꦴ ꦏꦛꦠ꧀ꦠꦴꦫꦹꦥꦴꦤꦁ ꦏꦩ꧀ꦩꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. (꧒)
ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦕ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦱ꧀ꦱ ꦕ ꦣꦩ꧀ꦩꦱ꧀ꦱ ꦏꦩ꧀ꦩꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦱꦲꦗꦴꦠꦴ, ꦤꦴꦤꦴꦏ꧀ꦑꦟꦶꦏꦴ. ꦱꦲꦗꦴꦠꦴ – ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦴ ꦕꦺꦠꦤꦴ ꦱꦩ꧀ꦥꦪꦸꦠ꧀ꦠꦏꦴꦤꦁ ꦑꦤ꧀ꦣꦴꦤꦁ ꦕꦶꦠ꧀ꦠꦱꦩꦸꦛ꧀ꦜꦴꦤꦴꦤꦚ꧀ꦕ ꦫꦹꦥꦴꦤꦁ ꦏꦩ꧀ꦩꦥꦕ꧀ꦕꦪꦺꦤ ꦥꦕ꧀ꦕꦪꦺꦴ; ꦥꦛꦶꦱꦤ꧀ꦣꦶꦏ꧀ꦑꦟꦺ…ꦥꦺ…. ꦤꦴꦤꦴꦏ꧀ꦑꦟꦶꦏꦴ – ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦴ ꦕꦺꦠꦤꦴ ꦮꦶꦥꦴꦏꦴꦤꦁ ꦑꦤ꧀ꦣꦴꦤꦁ ꦏꦛꦠ꧀ꦠꦴ ꦕ ꦫꦹꦥꦴꦤꦁ ꦏꦩ꧀ꦩꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. (꧓)
ꦮꦶꦥꦴꦏꦴꦲꦴꦫꦥꦕ꧀ꦕꦪꦴ
꧑꧗꧓. ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦮꦶꦥꦴꦏꦥꦕ꧀ꦕꦪꦺꦤ ꦥꦕ꧀ꦕꦪꦺꦴ… ꦠꦷꦟꦶ.
ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦄꦴꦲꦴꦫꦥꦕ꧀ꦕꦪꦺꦤ ꦥꦕ꧀ꦕꦪꦺꦴ… ꦠꦷꦟꦶ.
ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦄꦴꦲꦴꦫꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦏꦧꦭ꦳ꦷꦏꦴꦫꦺꦴ ꦄꦴꦲꦴꦫꦺꦴ ꦆꦩꦱ꧀ꦱ ꦏꦴꦪꦱ꧀ꦱ ꦄꦴꦲꦴꦫꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. (꧑)
ꦆꦤ꧀ꦢ꧀ꦫꦶꦪꦥꦕ꧀ꦕꦪꦴꦢꦶ
꧑꧗꧔. ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦆꦤ꧀ꦢ꧀ꦫꦶꦪꦥꦕ꧀ꦕꦪꦺꦤ ꦥꦕ꧀ꦕꦪꦺꦴ… ꦠꦷꦟꦶ.
ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦆꦤ꧀ꦢ꧀ꦫꦶꦪꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦫꦹꦥꦗꦷꦮꦶꦠꦶꦤ꧀ꦢ꧀ꦫꦶꦪꦁ ꦏꦛꦠ꧀ꦠꦴꦫꦹꦥꦴꦤꦁ ꦆꦤ꧀ꦢ꧀ꦫꦶꦪꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. (꧑)
ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦆꦤ꧀ꦢ꧀ꦫꦶꦪꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦕꦏ꧀ꦑꦸꦤ꧀ꦢ꧀ꦫꦶꦪꦁ ꦕꦏ꧀ꦑꦸꦮꦶꦚ꧀ꦚꦴꦟꦱꦲꦒꦠꦴꦤꦁ ꦑꦤ꧀ꦣꦴꦤꦁ ꦆꦤ꧀ꦢ꧀ꦫꦶꦪꦥꦕ꧀ꦕꦪꦺꦤ ꦥꦕ꧀ꦕꦪꦺꦴ…ꦥꦺ… ꦏꦴꦪꦶꦤ꧀ꦢ꧀ꦫꦶꦪꦁ…ꦥꦺ…. (꧒)
ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦕ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦺꦴ ꦕ ꦣꦩ꧀ꦩꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦆꦤ꧀ꦢ꧀ꦫꦶꦪꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦕꦏ꧀ꦑꦸꦤ꧀ꦢ꧀ꦫꦶꦪꦚ꧀ꦕ ꦈꦥꦺꦏ꧀ꦑꦶꦤ꧀ꦢ꧀ꦫꦶꦪꦚ꧀ꦕ ꦕꦏ꧀ꦑꦸꦮꦶꦚ꧀ꦚꦴꦟꦱꦲꦒꦠꦴꦤꦁ ꦑꦤ꧀ꦣꦴꦤꦁ ꦆꦤ꧀ꦢ꧀ꦫꦶꦪꦥꦕ꧀ꦕꦪꦺꦤ ꦥꦕ꧀ꦕꦪꦺꦴ …ꦥꦺ… ꦏꦴꦪꦶꦤ꧀ꦢ꧀ꦫꦶꦪꦚ꧀ꦕ ꦱꦸꦑꦶꦤ꧀ꦢ꧀ꦫꦶꦪꦚ꧀ꦕ…ꦥꦺ… ꦏꦴꦪꦶꦤ꧀ꦢ꧀ꦫꦶꦪꦚ꧀ꦕ ꦢꦸꦏ꧀ꦑꦶꦤ꧀ꦢ꧀ꦫꦶꦪꦚ꧀ꦕ ꦏꦴꦪꦮꦶꦚ꧀ꦚꦴꦟꦱꦲꦒꦠꦴꦤꦁ ꦑꦤ꧀ꦣꦴꦤꦁ ꦆꦤ꧀ꦢ꧀ꦫꦶꦪꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. (꧑)
ꦙꦴꦤꦥꦕ꧀ꦕꦪꦺꦤ ꦥꦕ꧀ꦕꦪꦺꦴ… ꦠꦷꦟꦶ… ꦩꦒ꧀ꦒꦥꦕ꧀ꦕꦪꦺꦤ ꦥꦕ꧀ꦕꦪꦺꦴ… ꦠꦷꦟꦶ… ꦱꦩ꧀ꦥꦪꦸꦠ꧀ꦠꦥꦕ꧀ꦕꦪꦺꦤ ꦥꦕ꧀ꦕꦪꦺꦴ… ꦌꦏꦁ.
ꦮꦶꦥ꧀ꦥꦪꦸꦠ꧀ꦠꦥꦕ꧀ꦕꦪꦺꦴ
꧑꧗꧕. ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦮꦶꦥ꧀ꦥꦪꦸꦠ꧀ꦠꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦱꦲꦗꦴꦠꦁ, ꦥꦕ꧀ꦖꦴꦗꦴꦠꦁ (ꦱꦁꦑꦶꦠ꧀ꦠꦁ). (꧑)
ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦮꦶꦥ꧀ꦥꦪꦸꦠ꧀ꦠꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦱꦲꦗꦴꦠꦁ, ꦥꦸꦫꦺꦗꦴꦠꦁ. ꦱꦲꦗꦴꦠꦁ – ꦥꦛꦶꦱꦤ꧀ꦣꦶꦏ꧀ꦑꦟꦺ ꦮꦠ꧀ꦡꦸ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦏꦴꦤꦁ ꦑꦤ꧀ꦣꦴꦤꦁ ꦮꦶꦥ꧀ꦥꦪꦸꦠ꧀ꦠꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. ꦥꦸꦫꦺꦗꦴꦠꦁ – ꦕꦏ꧀ꦑꦴꦪꦠꦤꦁ ꦕꦏ꧀ꦑꦸꦮꦶꦚ꧀ꦚꦴꦟꦱꦲꦒꦠꦴꦤꦁ ꦑꦤ꧀ꦣꦴꦤꦁ ꦮꦶꦥ꧀ꦥꦪꦸꦠ꧀ꦠꦥꦕ꧀ꦕꦪꦺꦤ ꦥꦕ꧀ꦕꦪꦺꦴ…ꦥꦺ… ꦏꦴꦪꦴꦪꦠꦤꦁ …ꦥꦺ… ꦮꦠ꧀ꦡꦸ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦏꦴꦤꦁ ꦑꦤ꧀ꦣꦴꦤꦁ ꦮꦶꦥ꧀ꦥꦪꦸꦠ꧀ꦠꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. (꧑)
ꦄꦠ꧀ꦡꦶꦥꦕ꧀ꦕꦪꦺꦴ
꧑꧗꧖. ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦄꦠ꧀ꦡꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ… ꦌꦏꦁ (ꦥꦛꦶꦕ꧀ꦕꦱꦢꦶꦱꦁ). (꧑)
ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦄꦠ꧀ꦡꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦱꦲꦗꦴꦠꦁ, ꦥꦕ꧀ꦖꦴꦗꦴꦠꦁ (ꦱꦁꦑꦶꦠ꧀ꦠꦁ). (꧒)
ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦕ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦱ꧀ꦱ ꦕ ꦣꦩ꧀ꦩꦱ꧀ꦱ ꦄꦠ꧀ꦡꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ (ꦥꦛꦶꦕ꧀ꦕꦱꦢꦶꦱꦁ). (꧓)
꧑꧗꧗. ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦄꦠ꧀ꦡꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦱꦲꦗꦴꦠꦁ, ꦄꦴꦲꦴꦫꦁ, ꦆꦤ꧀ꦢ꧀ꦫꦶꦪꦁ (ꦱꦁꦑꦶꦠ꧀ꦠꦁ). (꧑)
ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦺꦴ ꦣꦩ꧀ꦩꦺꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦄꦠ꧀ꦡꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦱꦲꦗꦴꦠꦁ, ꦥꦸꦫꦺꦗꦴꦠꦁ. ꦱꦲꦗꦴꦠꦁ – ꦥꦛꦶꦱꦤ꧀ꦣꦶꦏ꧀ꦑꦟꦺ ꦮꦠ꧀ꦡꦸ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦏꦴꦤꦁ ꦑꦤ꧀ꦣꦴꦤꦁ ꦄꦠ꧀ꦡꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. ꦥꦸꦫꦺꦗꦴꦠꦁ – ꦕꦏ꧀ꦑꦸꦁ…ꦥꦺ… ꦮꦠ꧀ꦡꦸꦁ ꦄꦤꦶꦕ꧀ꦕꦠꦺꦴ…ꦥꦺ… (ꦥꦸꦫꦺꦗꦴꦠꦱꦢꦶꦱꦁ). (꧒)
꧑꧗꧘. ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦕ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦺꦴ ꦕ ꦣꦩ꧀ꦩꦴ ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦄꦠ꧀ꦡꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦱꦲꦗꦴꦠꦁ, ꦥꦸꦫꦺꦗꦴꦠꦁ. ꦱꦲꦗꦴꦠꦺꦴ – ꦕꦏ꧀ꦑꦸꦮꦶꦚ꧀ꦚꦴꦟꦱꦲꦒꦠꦺꦴ ꦌꦏꦺꦴ ꦑꦤ꧀ꦣꦺꦴ ꦕ ꦕꦏ꧀ꦑꦴꦪꦠꦤꦚ꧀ꦕ ꦢ꧀ꦮꦶꦤ꧀ꦤꦁ ꦑꦤ꧀ꦣꦴꦤꦁ…ꦥꦺ… ꦏꦴꦪꦮꦶꦚ꧀ꦚꦴꦟꦱꦲꦒꦠꦺꦴ ꦌꦏꦺꦴ ꦑꦤ꧀ꦣꦺꦴ ꦕ ꦏꦴꦪꦴꦪꦠꦤꦚ꧀ꦕ ꦢ꧀ꦮꦶꦤ꧀ꦤꦁ ꦑꦤ꧀ꦣꦴꦤꦁ…ꦥꦺ… ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦌꦏꦺꦴ ꦑꦤ꧀ꦣꦺꦴ ꦕ ꦮꦠ꧀ꦡꦸ ꦕ ꦢ꧀ꦮꦶꦤ꧀ꦤꦁ ꦑꦤ꧀ꦣꦴꦤꦁ…ꦥꦺ… ꦢ꧀ꦮꦺ ꦑꦤ꧀ꦣꦴ ꦕ…ꦥꦺ… ꦥꦛꦶꦱꦤ꧀ꦣꦶꦏ꧀ꦑꦟꦺ…ꦥꦺ…. (꧑)
ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦺꦴ ꦕ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦺꦴ ꦕ ꦣꦩ꧀ꦩꦴ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦱ꧀ꦱ ꦣꦩ꧀ꦩꦱ꧀ꦱ ꦄꦠ꧀ꦡꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ – ꦱꦲꦗꦴꦠꦁ, ꦥꦕ꧀ꦖꦴꦗꦴꦠꦁ, ꦄꦴꦲꦴꦫꦁ, ꦆꦤ꧀ꦢ꧀ꦫꦶꦪꦁ. ꦱꦲꦗꦴꦠꦴ – ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦴ ꦑꦤ꧀ꦣꦴ ꦕ ꦩꦲꦴꦨꦹꦠꦴ ꦕ ꦕꦶꦠ꧀ꦠꦱꦩꦸꦛ꧀ꦜꦴꦤꦴꦤꦁ ꦫꦹꦥꦴꦤꦁ ꦄꦠ꧀ꦡꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ; ꦥꦛꦶꦱꦤ꧀ꦣꦶꦏ꧀ꦑꦟꦺ…ꦥꦺ…. ꦥꦕ꧀ꦖꦴꦗꦴꦠꦴ – ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦏꦴ ꦑꦤ꧀ꦣꦴ ꦕ ꦏꦧꦭ꦳ꦷꦏꦴꦫꦺꦴ ꦄꦴꦲꦴꦫꦺꦴ ꦕ ꦆꦩꦱ꧀ꦱ ꦏꦴꦪꦱ꧀ꦱ ꦄꦠ꧀ꦡꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. ꦥꦕ꧀ꦖꦴꦗꦴꦠꦴ – ꦕꦶꦠ꧀ꦠꦱꦩ꧀ꦥꦪꦸꦠ꧀ꦠꦏꦴ ꦑꦤ꧀ꦣꦴ ꦕ ꦫꦹꦥꦗꦷꦮꦶꦠꦶꦤ꧀ꦢ꧀ꦫꦶꦪꦚ꧀ꦕ ꦏꦛꦠ꧀ꦠꦴꦫꦹꦥꦴꦤꦁ ꦄꦠ꧀ꦡꦶꦥꦕ꧀ꦕꦪꦺꦤ ꦥꦕ꧀ꦕꦪꦺꦴ. (꧒)