꧑꧖. ꦱꦺꦴꦭ꦳ꦱꦩꦮꦒ꧀ꦒꦺꦴ

(꧑꧕꧖) ꧑. ꦤꦶꦒ꧀ꦒꦲꦏꦡꦴ

꧗꧔꧓. ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦤꦶꦒ꧀ꦒꦟ꧀ꦲꦴꦠꦷꦠꦶ? ꦄꦴꦩꦤ꧀ꦠꦴ. ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ‘‘ꦩꦴ ꦫꦗ꧀ꦗꦶ’’, ‘‘ꦩꦴ ꦢꦸꦱ꧀ꦱꦶ’’, ‘‘ꦩꦴ ꦩꦸꦪ꧀ꦲꦶ’’, ‘‘ꦩꦴ ꦏꦶꦭꦶꦱ꧀ꦱꦷ’’ꦠꦶ ꦤꦶꦒ꧀ꦒꦟ꧀ꦲꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦤꦶꦒ꧀ꦒꦟ꧀ꦲꦴꦠꦷꦠꦶ? ꦄꦴꦩꦤ꧀ꦠꦴ. ꦥꦫꦺꦴ ꦥꦫꦱ꧀ꦱ ꦈꦥ꧀ꦥꦤ꧀ꦤꦺꦴ ꦦꦱ꧀ꦱꦺꦴ ‘‘ꦩꦴ ꦤꦶꦫꦸꦗ꧀ꦙꦷ’’ꦠꦶ ꦤꦶꦒ꧀ꦒꦟ꧀ꦲꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦥꦫꦺꦴ ꦥꦫꦱ꧀ꦱ ꦈꦥ꧀ꦥꦤ꧀ꦤꦴ ꦮꦺꦢꦤꦴ…ꦥꦺ… ꦈꦥ꧀ꦥꦤ꧀ꦤꦴ ꦱꦚ꧀ꦚꦴ… ꦈꦥ꧀ꦥꦤ꧀ꦤꦴ ꦕꦺꦠꦤꦴ… ꦈꦥ꧀ꦥꦤ꧀ꦤꦁ ꦕꦶꦠ꧀ꦠꦁ… ꦈꦥ꧀ꦥꦤ꧀ꦤꦴ ꦱꦢ꧀ꦣꦴ… ꦈꦥ꧀ꦥꦤ꧀ꦤꦁ ꦮꦷꦫꦶꦪꦁ … ꦈꦥ꧀ꦥꦤ꧀ꦤꦴ ꦱꦠꦶ… ꦈꦥ꧀ꦥꦤ꧀ꦤꦺꦴ ꦱꦩꦴꦣꦶ…ꦥꦺ… ꦈꦥ꧀ꦥꦤ꧀ꦤꦴ ꦥꦚ꧀ꦚꦴ ‘‘ꦩꦴ ꦤꦶꦫꦸꦗ꧀ꦙꦷ’’ꦠꦶ ꦤꦶꦒ꧀ꦒꦟ꧀ꦲꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦤꦶꦒ꧀ꦒꦟ꧀ꦲꦴꦠꦷꦠꦶ? ꦄꦴꦩꦤ꧀ꦠꦴ. ꦥꦫꦺꦴ ꦥꦫꦱ꧀ꦱ ꦄꦠ꧀ꦡꦴꦪ ꦫꦴꦒꦁ ꦥꦗꦲꦠꦶ… ꦢꦺꦴꦱꦁ ꦥꦗꦲꦠꦶ…ꦥꦺ… ꦄꦤꦺꦴꦠ꧀ꦠꦥ꧀ꦥꦁ ꦥꦗꦲꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦤꦶꦒ꧀ꦒꦟ꧀ꦲꦴꦠꦷꦠꦶ? ꦄꦴꦩꦤ꧀ꦠꦴ. ꦥꦫꦺꦴ ꦥꦫꦱ꧀ꦱ ꦄꦠ꧀ꦡꦴꦪ ꦩꦒ꧀ꦒꦁ ꦨꦴꦮꦺꦠꦶ… ꦱꦠꦶꦥꦛ꧀ꦜꦴꦤꦁ ꦨꦴꦮꦺꦠꦶ…ꦥꦺ… ꦧꦺꦴꦗ꧀ꦙꦔ꧀ꦒꦁ ꦨꦴꦮꦺꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦤꦶꦒ꧀ꦒꦟ꧀ꦲꦴꦠꦷꦠꦶ? ꦄꦴꦩꦤ꧀ꦠꦴ. ꦥꦫꦺꦴ ꦥꦫꦱ꧀ꦱ ꦄꦠ꧀ꦡꦴꦪ ꦢꦸꦏ꧀ꦑꦁ ꦥꦫꦶꦗꦴꦤꦴꦠꦶ, ꦱꦩꦸꦢꦪꦁ ꦥꦗꦲꦠꦶ, ꦤꦶꦫꦺꦴꦣꦁ ꦱꦕ꧀ꦖꦶꦏꦫꦺꦴꦠꦶ, ꦩꦒ꧀ꦒꦁ ꦨꦴꦮꦺꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦤꦶꦒ꧀ꦒꦟ꧀ꦲꦴꦠꦷꦠꦶ? ꦄꦴꦩꦤ꧀ꦠꦴ. ꦄꦚ꧀ꦚꦺꦴ ꦄꦚ꧀ꦚꦱ꧀ꦱ ꦏꦴꦫꦏꦺꦴ, ꦥꦫꦔ꧀ꦏꦠꦁ ꦱꦸꦑꦁ ꦢꦸꦏ꧀ꦑꦁ ꦄꦚ꧀ꦚꦺꦴ ꦏꦫꦺꦴꦠꦶ ꦄꦚ꧀ꦚꦺꦴ ꦥꦛꦶꦱꦁꦮꦺꦢꦺꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦤꦶꦒ꧀ꦒꦟ꧀ꦲꦴꦠꦷꦠꦶ? ꦄꦴꦩꦤ꧀ꦠꦴ. ꦤꦤꦸ ꦮꦸꦠ꧀ꦠꦁ ꦨꦒꦮꦠꦴ –

‘‘ꦄꦠ꧀ꦠꦤꦴꦮ ꦏꦠꦁ ꦥꦴꦥꦁ, ꦄꦠ꧀ꦠꦤꦴ ꦱꦁꦏꦶꦭꦶꦱ꧀ꦱꦠꦶ;

ꦄꦠ꧀ꦠꦤꦴ ꦄꦏꦠꦁ ꦥꦴꦥꦁ, ꦄꦠ꧀ꦠꦤꦴꦮ ꦮꦶꦱꦸꦗ꧀ꦙꦠꦶ;

ꦱꦸꦢ꧀ꦣꦶ ꦄꦱꦸꦢ꧀ꦣꦶ ꦥꦕ꧀ꦕꦠ꧀ꦠꦁ, ꦤꦴꦚ꧀ꦚꦺꦴ ꦄꦚ꧀ꦚꦁ ꦮꦶꦱꦺꦴꦣꦪꦺ’’ꦠꦶ [ꦣ. ꦥ. ꧑꧖꧕].

ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ? ꦄꦴꦩꦤ꧀ꦠꦴ. ꦠꦺꦤ ꦲꦶ ꦤ ꦮꦠ꧀ꦠꦧ꧀ꦧꦁ – ‘‘ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦤꦶꦒ꧀ꦒꦟ꧀ꦲꦴꦠꦷ’’ꦠꦶ.

꧗꧔꧔. ꦤ ꦮꦠ꧀ꦠꦧ꧀ꦧꦁ – ‘‘ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦤꦶꦒ꧀ꦒꦟ꧀ꦲꦴꦠꦷ’’ꦠꦶ? ꦄꦴꦩꦤ꧀ꦠꦴ. ꦤꦤꦸ ꦄꦠ꧀ꦡꦶ ꦧꦭꦥ꧀ꦥꦠ꧀ꦠꦴ, ꦄꦠ꧀ꦡꦶ ꦮꦱꦷꦨꦹꦠꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦄꦠ꧀ꦡꦶ ꦧꦭꦥ꧀ꦥꦠ꧀ꦠꦴ, ꦄꦠ꧀ꦡꦶ ꦮꦱꦷꦨꦹꦠꦴ, ꦠꦺꦤ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦤꦶꦒ꧀ꦒꦟ꧀ꦲꦴꦠꦷ’’ꦠꦶ.

ꦤꦶꦒ꧀ꦒꦲꦏꦡꦴ ꦤꦶꦛ꧀ꦜꦶꦠꦴ.

꧑꧖. ꦱꦺꦴꦭ꦳ꦱꦩꦮꦒ꧀ꦒꦺꦴ

(꧑꧕꧗) ꧒. ꦥꦒ꧀ꦒꦲꦏꦡꦴ

꧗꧔꧕. ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦥꦒ꧀ꦒꦟ꧀ꦲꦴꦠꦷꦠꦶ? ꦄꦴꦩꦤ꧀ꦠꦴ. ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ‘‘ꦩꦴ ꦫꦗ꧀ꦗꦶ,’’‘‘ꦩꦴ ꦢꦸꦱ꧀ꦱꦶ,’’‘‘ꦩꦴ ꦩꦸꦪ꧀ꦲꦶ,’’‘‘ꦩꦴ ꦏꦶꦭꦶꦱ꧀ꦱꦷ’’ꦠꦶ ꦥꦒ꧀ꦒꦟ꧀ꦲꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦥꦒ꧀ꦒꦟ꧀ꦲꦴꦠꦷꦠꦶ? ꦄꦴꦩꦤ꧀ꦠꦴ. ꦥꦫꦺꦴ ꦥꦫꦱ꧀ꦱ ꦄꦭꦺꦴꦨꦁ ꦏꦸꦱꦭꦩꦹꦭꦁ ꦗꦤꦺꦠꦶ… ꦄꦢꦺꦴꦱꦁ ꦏꦸꦱꦭꦩꦹꦭꦁ ꦗꦤꦺꦠꦶ… ꦄꦩꦺꦴꦲꦁ ꦏꦸꦱꦭꦩꦹꦭꦁ ꦗꦤꦺꦠꦶ… ꦱꦢ꧀ꦣꦁ ꦗꦤꦺꦠꦶ… ꦮꦷꦫꦶꦪꦁ ꦗꦤꦺꦠꦶ… ꦱꦠꦶꦁ ꦗꦤꦺꦠꦶ… ꦱꦩꦴꦣꦶꦁ ꦗꦤꦺꦠꦶ… ꦥꦚ꧀ꦚꦁ ꦗꦤꦺꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦥꦒ꧀ꦒꦟ꧀ꦲꦴꦠꦷꦠꦶ? ꦄꦴꦩꦤ꧀ꦠꦴ. ꦥꦫꦺꦴ ꦥꦫꦱ꧀ꦱ ꦈꦥ꧀ꦥꦤ꧀ꦤꦺꦴ ꦦꦱ꧀ꦱꦺꦴ ‘‘ꦩꦴ ꦤꦶꦫꦸꦗ꧀ꦙꦷ’’ꦠꦶ ꦥꦒ꧀ꦒꦟ꧀ꦲꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦥꦫꦺꦴ ꦥꦫꦱ꧀ꦱ ꦈꦥ꧀ꦥꦤ꧀ꦤꦴ ꦮꦺꦢꦤꦴ…ꦥꦺ… ꦈꦥ꧀ꦥꦤ꧀ꦤꦴ ꦥꦚ꧀ꦚꦴ ‘‘ꦩꦴ ꦤꦶꦫꦸꦗ꧀ꦙꦷ’’ꦠꦶ ꦥꦒ꧀ꦒꦟ꧀ꦲꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦥꦒ꧀ꦒꦟ꧀ꦲꦴꦠꦷꦠꦶ? ꦄꦴꦩꦤ꧀ꦠꦴ. ꦥꦫꦺꦴ ꦥꦫꦱ꧀ꦱ ꦄꦠ꧀ꦡꦴꦪ ꦫꦴꦒꦁ ꦥꦗꦲꦠꦶ… ꦢꦺꦴꦱꦁ ꦥꦗꦲꦠꦶ… ꦩꦺꦴꦲꦁ ꦥꦗꦲꦠꦶ…ꦥꦺ… ꦄꦤꦺꦴꦠ꧀ꦠꦥ꧀ꦥꦁ ꦥꦗꦲꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦥꦒ꧀ꦒꦟ꧀ꦲꦴꦠꦷꦠꦶ? ꦄꦴꦩꦤ꧀ꦠꦴ. ꦥꦫꦺꦴ ꦥꦫꦱ꧀ꦱ ꦄꦠ꧀ꦡꦴꦪ ꦩꦒ꧀ꦒꦁ ꦨꦴꦮꦺꦠꦶ… ꦱꦠꦶꦥꦛ꧀ꦜꦴꦤꦁ ꦨꦴꦮꦺꦠꦶ…ꦥꦺ… ꦧꦺꦴꦗ꧀ꦙꦔ꧀ꦒꦁ ꦨꦴꦮꦺꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦥꦒ꧀ꦒꦟ꧀ꦲꦴꦠꦷꦠꦶ? ꦄꦴꦩꦤ꧀ꦠꦴ. ꦥꦫꦺꦴ ꦥꦫꦱ꧀ꦱ ꦄꦠ꧀ꦡꦴꦪ ꦢꦸꦏ꧀ꦑꦁ ꦥꦫꦶꦗꦴꦤꦴꦠꦶ…ꦥꦺ… ꦩꦒ꧀ꦒꦁ ꦨꦴꦮꦺꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦥꦒ꧀ꦒꦟ꧀ꦲꦴꦠꦷꦠꦶ? ꦄꦴꦩꦤ꧀ꦠꦴ. ꦄꦚ꧀ꦚꦺꦴ ꦄꦚ꧀ꦚꦱ꧀ꦱ ꦏꦴꦫꦏꦺꦴ, ꦥꦫꦔ꧀ꦏꦠꦁ ꦱꦸꦑꦁ ꦢꦸꦏ꧀ꦑꦁ ꦄꦚ꧀ꦚꦺꦴ ꦏꦫꦺꦴꦠꦶ ꦄꦚ꧀ꦚꦺꦴ ꦥꦛꦶꦱꦁꦮꦺꦢꦺꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦥꦒ꧀ꦒꦟ꧀ꦲꦴꦠꦷꦠꦶ? ꦄꦴꦩꦤ꧀ꦠꦴ. ꦤꦤꦸ ꦮꦸꦠ꧀ꦠꦁ ꦨꦒꦮꦠꦴ – ‘‘ꦄꦠ꧀ꦠꦤꦴꦮ ꦏꦠꦁ ꦥꦴꦥꦁ…ꦥꦺ… ꦤꦴꦚ꧀ꦚꦺꦴ ꦄꦚ꧀ꦚꦁ ꦮꦶꦱꦺꦴꦣꦪꦺ’’ꦠꦶ. ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ? ꦄꦴꦩꦤ꧀ꦠꦴ. ꦠꦺꦤ ꦲꦶ ꦤ ꦮꦠ꧀ꦠꦧ꧀ꦧꦁ – ‘‘ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦥꦒ꧀ꦒꦟ꧀ꦲꦴꦠꦷ’’ꦠꦶ.

꧗꧔꧖. ꦤ ꦮꦠ꧀ꦠꦧ꧀ꦧꦁ – ‘‘ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦥꦒ꧀ꦒꦟ꧀ꦲꦴꦠꦷ’’ꦠꦶ? ꦄꦴꦩꦤ꧀ꦠꦴ. ꦤꦤꦸ ꦄꦠ꧀ꦡꦶ ꦧꦭꦥ꧀ꦥꦠ꧀ꦠꦴ, ꦄꦠ꧀ꦡꦶ ꦮꦱꦷꦨꦹꦠꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦄꦠ꧀ꦡꦶ ꦧꦭꦥ꧀ꦥꦠ꧀ꦠꦴ, ꦄꦠ꧀ꦡꦶ ꦮꦱꦷꦨꦹꦠꦴ, ꦠꦺꦤ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦥꦫꦺꦴ ꦥꦫꦱ꧀ꦱ ꦕꦶꦠ꧀ꦠꦁ ꦥꦒ꧀ꦒꦟ꧀ꦲꦴꦠꦷ’’ꦠꦶ.

ꦥꦒ꧀ꦒꦲꦏꦡꦴ ꦤꦶꦛ꧀ꦜꦶꦠꦴ.

꧑꧖. ꦱꦺꦴꦭ꦳ꦱꦩꦮꦒ꧀ꦒꦺꦴ

(꧑꧕꧘) ꧓. ꦱꦸꦑꦴꦤꦸꦥ꧀ꦥꦢꦴꦤꦏꦡꦴ

꧗꧔꧗. ꦥꦫꦺꦴ ꦥꦫꦱ꧀ꦱ ꦱꦸꦑꦁ ꦄꦤꦸꦥ꧀ꦥꦢꦺꦠꦷꦠꦶ? ꦄꦴꦩꦤ꧀ꦠꦴ. ꦥꦫꦺꦴ ꦥꦫꦱ꧀ꦱ ꦢꦸꦏ꧀ꦑꦁ ꦄꦤꦸꦥ꧀ꦥꦢꦺꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦥꦫꦺꦴ ꦥꦫꦱ꧀ꦱ ꦢꦸꦏ꧀ꦑꦁ ꦤ ꦄꦤꦸꦥ꧀ꦥꦢꦺꦠꦷꦠꦶ? ꦄꦴꦩꦤ꧀ꦠꦴ. ꦥꦫꦺꦴ ꦥꦫꦱ꧀ꦱ ꦱꦸꦑꦁ ꦤ ꦄꦤꦸꦥ꧀ꦥꦢꦺꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦥꦫꦺꦴ ꦥꦫꦱ꧀ꦱ ꦱꦸꦑꦁ ꦄꦤꦸꦥ꧀ꦥꦢꦺꦠꦷꦠꦶ? ꦄꦴꦩꦤ꧀ꦠꦴ. ꦥꦫꦺꦴ ꦥꦫꦱ꧀ꦱ ꦄꦠ꧀ꦠꦤꦺꦴ ꦱꦸꦑꦁ ꦄꦤꦸꦥ꧀ꦥꦢꦺꦠꦶ, ꦄꦚ꧀ꦚꦺꦱꦁ ꦱꦸꦑꦁ ꦄꦤꦸꦥ꧀ꦥꦢꦺꦠꦶ, ꦠꦱ꧀ꦱ ꦱꦸꦑꦁ ꦄꦤꦸꦥ꧀ꦥꦢꦺꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦥꦫꦺꦴ ꦥꦫꦱ꧀ꦱ ꦤꦺꦮꦠ꧀ꦠꦤꦺꦴ, ꦤ ꦄꦚ꧀ꦚꦺꦱꦁ, ꦤ ꦠꦱ꧀ꦱ ꦱꦸꦑꦁ ꦄꦤꦸꦥ꧀ꦥꦢꦺꦠꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦥꦫꦺꦴ ꦥꦫꦱ꧀ꦱ ꦤꦺꦮꦠ꧀ꦠꦤꦺꦴ, ꦤ ꦄꦚ꧀ꦚꦺꦱꦁ, ꦤ ꦠꦱ꧀ꦱ ꦱꦸꦑꦁ ꦄꦤꦸꦥ꧀ꦥꦢꦺꦠꦶ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦥꦫꦺꦴ ꦥꦫꦱ꧀ꦱ ꦱꦸꦑꦁ ꦄꦤꦸꦥ꧀ꦥꦢꦺꦠꦷ’’ꦠꦶ.

ꦥꦫꦺꦴ ꦥꦫꦱ꧀ꦱ ꦱꦸꦑꦁ ꦄꦤꦸꦥ꧀ꦥꦢꦺꦠꦷꦠꦶ? ꦄꦴꦩꦤ꧀ꦠꦴ. ꦄꦚ꧀ꦚꦺꦴ ꦄꦚ꧀ꦚꦱ꧀ꦱ ꦏꦴꦫꦏꦺꦴ, ꦥꦫꦔ꧀ꦏꦠꦁ ꦱꦸꦑꦁ ꦢꦸꦏ꧀ꦑꦁ ꦄꦚ꧀ꦚꦺꦴ ꦏꦫꦺꦴꦠꦶ ꦄꦚ꧀ꦚꦺꦴ ꦥꦛꦶꦱꦁꦮꦺꦢꦺꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧗꧔꧘. ꦤ ꦮꦠ꧀ꦠꦧ꧀ꦧꦁ – ‘‘ꦥꦫꦺꦴ ꦥꦫꦱ꧀ꦱ ꦱꦸꦑꦁ ꦄꦤꦸꦥ꧀ꦥꦢꦺꦠꦷ’’ꦠꦶ? ꦄꦴꦩꦤ꧀ꦠꦴ. ꦤꦤꦸ ꦄꦴꦪꦱ꧀ꦩꦴ ꦈꦢꦴꦪꦷ ꦌꦠꦢꦮꦺꦴꦕ – ‘‘ꦧꦲꦹꦤꦁ ꦮꦠ ꦤꦺꦴ ꦨꦒꦮꦴ ꦢꦸꦏ꧀ꦑꦣꦩ꧀ꦩꦴꦤꦁ ꦄꦥꦲꦠ꧀ꦠꦴ, ꦧꦲꦹꦤꦁ ꦮꦠ ꦤꦺꦴ ꦨꦒꦮꦴ ꦱꦸꦑꦣꦩ꧀ꦩꦴꦤꦁ ꦈꦥꦲꦠ꧀ꦠꦴ, ꦧꦲꦹꦤꦁ ꦮꦠ ꦤꦺꦴ ꦨꦒꦮꦴ ꦄꦏꦸꦱꦭꦴꦤꦁ ꦣꦩ꧀ꦩꦴꦤꦁ ꦄꦥꦲꦠ꧀ꦠꦴ, ꦧꦲꦹꦤꦁ ꦮꦠ ꦤꦺꦴ ꦨꦒꦮꦴ ꦏꦸꦱꦭꦴꦤꦁ ꦣꦩ꧀ꦩꦴꦤꦁ ꦈꦥꦲꦠ꧀ꦠꦴ’’ꦠꦶ [ꦩ. ꦤꦶ. ꧒.꧑꧔꧘ ꦭꦛꦸꦏꦶꦏꦺꦴꦥꦩꦺ]! ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ? ꦄꦴꦩꦤ꧀ꦠꦴ. ꦠꦺꦤ ꦲꦶ ꦥꦫꦺꦴ ꦥꦫꦱ꧀ꦱ ꦱꦸꦑꦁ ꦄꦤꦸꦥ꧀ꦥꦢꦺꦠꦷꦠꦶ.

ꦱꦸꦑꦴꦤꦸꦥ꧀ꦥꦢꦴꦤꦏꦡꦴ ꦤꦶꦛ꧀ꦜꦶꦠꦴ.

꧑꧖. ꦱꦺꦴꦭ꦳ꦱꦩꦮꦒ꧀ꦒꦺꦴ

(꧑꧕꧙) ꧔. ꦄꦣꦶꦒꦪ꧀ꦲꦩꦤꦱꦶꦏꦴꦫꦏꦡꦴ

꧗꧔꧙. ꦄꦣꦶꦒꦪ꧀ꦲ ꦩꦤꦱꦶ ꦏꦫꦺꦴꦠꦷꦠꦶ? ꦄꦴꦩꦤ꧀ꦠꦴ. ꦠꦺꦤ ꦕꦶꦠ꧀ꦠꦺꦤ ꦠꦁ ꦕꦶꦠ꧀ꦠꦁ ꦥꦗꦴꦤꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦠꦺꦤ ꦕꦶꦠ꧀ꦠꦺꦤ ꦠꦁ ꦕꦶꦠ꧀ꦠꦁ ꦥꦗꦴꦤꦴꦠꦷꦠꦶ? ꦄꦴꦩꦤ꧀ꦠꦴ. ꦠꦺꦤ ꦕꦶꦠ꧀ꦠꦺꦤ ꦠꦁ ꦕꦶꦠ꧀ꦠꦁ ‘‘ꦕꦶꦠ꧀ꦠ’’ꦤ꧀ꦠꦶ ꦥꦗꦴꦤꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦠꦺꦤ ꦕꦶꦠ꧀ꦠꦺꦤ ꦠꦁ ꦕꦶꦠ꧀ꦠꦁ ‘‘ꦕꦶꦠ꧀ꦠ’’ꦤ꧀ꦠꦶ ꦥꦗꦴꦤꦴꦠꦷꦠꦶ? ꦄꦴꦩꦤ꧀ꦠꦴ. ꦠꦁ ꦕꦶꦠ꧀ꦠꦁ ꦠꦱ꧀ꦱ ꦕꦶꦠ꧀ꦠꦱ꧀ꦱ ꦄꦴꦫꦩ꧀ꦩꦟꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦠꦁ ꦕꦶꦠ꧀ꦠꦁ ꦠꦱ꧀ꦱ ꦕꦶꦠ꧀ꦠꦱ꧀ꦱ ꦄꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦠꦺꦤ ꦦꦱ꧀ꦱꦺꦤ ꦠꦁ ꦦꦱ꧀ꦱꦁ ꦦꦸꦱꦠꦶ, ꦠꦴꦪ ꦮꦺꦢꦤꦴꦪ…ꦥꦺ… ꦠꦴꦪ ꦱꦚ꧀ꦚꦴꦪ… ꦠꦴꦪ ꦕꦺꦠꦤꦴꦪ… ꦠꦺꦤ ꦕꦶꦠ꧀ꦠꦺꦤ… ꦠꦺꦤ ꦮꦶꦠꦏ꧀ꦏꦺꦤ… ꦠꦺꦤ ꦮꦶꦕꦴꦫꦺꦤ… ꦠꦴꦪ ꦥꦷꦠꦶꦪꦴ… ꦠꦴꦪ ꦱꦠꦶꦪꦴ… ꦠꦴꦪ ꦥꦚ꧀ꦚꦴꦪ ꦠꦁ ꦥꦚ꧀ꦚꦁ ꦥꦗꦴꦤꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧗꧕꧐. ꦄꦠꦷꦠꦁ ‘‘ꦄꦠꦷꦠ’’ꦤ꧀ꦠꦶ ꦩꦤꦱꦶꦏꦫꦺꦴꦤ꧀ꦠꦺꦴ, ꦄꦤꦴꦒꦠꦁ ‘‘ꦄꦤꦴꦒꦠ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦠꦷꦠꦁ ‘‘ꦄꦠꦷꦠ’’ꦤ꧀ꦠꦶ ꦩꦤꦱꦶꦏꦫꦺꦴꦤ꧀ꦠꦺꦴ, ꦄꦤꦴꦒꦠꦁ ‘‘ꦄꦤꦴꦒꦠ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦷꦠꦶ? ꦄꦴꦩꦤ꧀ꦠꦴ. ꦢ꧀ꦮꦶꦤ꧀ꦤꦁ ꦦꦱ꧀ꦱꦴꦤꦁ…ꦥꦺ… ꦢ꧀ꦮꦶꦤ꧀ꦤꦁ ꦕꦶꦠ꧀ꦠꦴꦤꦁ ꦱꦩꦺꦴꦣꦴꦤꦁ ꦲꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦠꦷꦠꦁ ‘‘ꦄꦠꦷꦠ’’ꦤ꧀ꦠꦶ ꦩꦤꦱꦶꦏꦫꦺꦴꦤ꧀ꦠꦺꦴ, ꦥꦕ꧀ꦕꦸꦥ꧀ꦥꦤ꧀ꦤꦁ ‘‘ꦥꦕ꧀ꦕꦸꦥ꧀ꦥꦤ꧀ꦤ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦠꦷꦠꦁ ‘‘ꦄꦠꦷꦠ’’ꦤ꧀ꦠꦶ ꦩꦤꦱꦶꦏꦫꦺꦴꦤ꧀ꦠꦺꦴ, ꦥꦕ꧀ꦕꦸꦥ꧀ꦥꦤ꧀ꦤꦁ ‘‘ꦥꦕ꧀ꦕꦸꦥ꧀ꦥꦤ꧀ꦤ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦷꦠꦶ? ꦄꦴꦩꦤ꧀ꦠꦴ. ꦢ꧀ꦮꦶꦤ꧀ꦤꦁ ꦦꦱ꧀ꦱꦴꦤꦁ…ꦥꦺ… ꦢ꧀ꦮꦶꦤ꧀ꦤꦁ ꦕꦶꦠ꧀ꦠꦴꦤꦁ ꦱꦩꦺꦴꦣꦴꦤꦁ ꦲꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦠꦷꦠꦁ ‘‘ꦄꦠꦷꦠ’’ꦤ꧀ꦠꦶ ꦩꦤꦱꦶꦏꦫꦺꦴꦤ꧀ꦠꦺꦴ, ꦄꦤꦴꦒꦠꦁ ‘‘ꦄꦤꦴꦒꦠ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦶ, ꦥꦕ꧀ꦕꦸꦥ꧀ꦥꦤ꧀ꦤꦁ ‘‘ꦥꦕ꧀ꦕꦸꦥ꧀ꦥꦤ꧀ꦤ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦠꦷꦠꦁ ‘‘ꦄꦠꦷꦠ’’ꦤ꧀ꦠꦶ ꦩꦤꦱꦶꦏꦫꦺꦴꦤ꧀ꦠꦺꦴ, ꦄꦤꦴꦒꦠꦁ ‘‘ꦄꦤꦴꦒꦠ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦶ, ꦥꦕ꧀ꦕꦸꦥ꧀ꦥꦤ꧀ꦤꦁ ‘‘ꦥꦕ꧀ꦕꦸꦥ꧀ꦥꦤ꧀ꦤ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦷꦠꦶ? ꦄꦴꦩꦤ꧀ꦠꦴ. ꦠꦶꦟ꧀ꦟꦁ ꦦꦱ꧀ꦱꦴꦤꦁ…ꦥꦺ… ꦠꦶꦟ꧀ꦟꦁ ꦕꦶꦠ꧀ꦠꦴꦤꦁ ꦱꦩꦺꦴꦣꦴꦤꦁ ꦲꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧗꧕꧑. ꦄꦤꦴꦒꦠꦁ ‘‘ꦄꦤꦴꦒꦠ’’ꦤ꧀ꦠꦶ ꦩꦤꦱꦶꦏꦫꦺꦴꦤ꧀ꦠꦺꦴ, ꦄꦠꦷꦠꦁ ‘‘ꦄꦠꦷꦠ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦤꦴꦒꦠꦁ ‘‘ꦄꦤꦴꦒꦠ’’ꦤ꧀ꦠꦶ ꦩꦤꦱꦶꦏꦫꦺꦴꦤ꧀ꦠꦺꦴ, ꦄꦠꦷꦠꦁ ‘‘ꦄꦠꦷꦠ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦷꦠꦶ? ꦄꦴꦩꦤ꧀ꦠꦴ. ꦢ꧀ꦮꦶꦤ꧀ꦤꦁ ꦦꦱ꧀ꦱꦴꦤꦁ…ꦥꦺ… ꦢ꧀ꦮꦶꦤ꧀ꦤꦁ ꦕꦶꦠ꧀ꦠꦴꦤꦁ ꦱꦩꦺꦴꦣꦴꦤꦁ ꦲꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦤꦴꦒꦠꦁ ‘‘ꦄꦤꦴꦒꦠ’’ꦤ꧀ꦠꦶ ꦩꦤꦱꦶꦏꦫꦺꦴꦤ꧀ꦠꦺꦴ, ꦥꦕ꧀ꦕꦸꦥ꧀ꦥꦤ꧀ꦤꦁ ‘‘ꦥꦕ꧀ꦕꦸꦥ꧀ꦥꦤ꧀ꦤ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦤꦴꦒꦠꦁ ‘‘ꦄꦤꦴꦒꦠ’’ꦤ꧀ꦠꦶ ꦩꦤꦱꦶꦏꦫꦺꦴꦤ꧀ꦠꦺꦴ, ꦥꦕ꧀ꦕꦸꦥ꧀ꦥꦤ꧀ꦤꦁ ‘‘ꦥꦕ꧀ꦕꦸꦥ꧀ꦥꦤ꧀ꦤ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦷꦠꦶ? ꦄꦴꦩꦤ꧀ꦠꦴ. ꦢ꧀ꦮꦶꦤ꧀ꦤꦁ ꦦꦱ꧀ꦱꦴꦤꦁ…ꦥꦺ… ꦢ꧀ꦮꦶꦤ꧀ꦤꦁ ꦕꦶꦠ꧀ꦠꦴꦤꦁ ꦱꦩꦺꦴꦣꦴꦤꦁ ꦲꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦤꦴꦒꦠꦁ ‘‘ꦄꦤꦴꦒꦠ’’ꦤ꧀ꦠꦶ ꦩꦤꦱꦶꦏꦫꦺꦴꦤ꧀ꦠꦺꦴ, ꦄꦠꦷꦠꦁ ‘‘ꦄꦠꦷꦠ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦶ, ꦥꦕ꧀ꦕꦸꦥ꧀ꦥꦤ꧀ꦤꦁ ‘‘ꦥꦕ꧀ꦕꦸꦥ꧀ꦥꦤ꧀ꦤ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦤꦴꦒꦠꦁ ‘‘ꦄꦤꦴꦒꦠ’’ꦤ꧀ꦠꦶ ꦩꦤꦱꦶꦏꦫꦺꦴꦤ꧀ꦠꦺꦴ, ꦄꦠꦷꦠꦁ ‘‘ꦄꦠꦷꦠ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦶ, ꦥꦕ꧀ꦕꦸꦥ꧀ꦥꦤ꧀ꦤꦁ ‘‘ꦥꦕ꧀ꦕꦸꦥ꧀ꦥꦤ꧀ꦤ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦷꦠꦶ? ꦄꦴꦩꦤ꧀ꦠꦴ. ꦠꦶꦟ꧀ꦟꦁ ꦦꦱ꧀ꦱꦴꦤꦁ…ꦥꦺ… ꦠꦶꦟ꧀ꦟꦁ ꦕꦶꦠ꧀ꦠꦴꦤꦁ ꦱꦩꦺꦴꦣꦴꦤꦁ ꦲꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧗꧕꧒. ꦥꦕ꧀ꦕꦸꦥ꧀ꦥꦤ꧀ꦤꦁ ‘‘ꦥꦕ꧀ꦕꦸꦥ꧀ꦥꦤ꧀ꦤ’’ꦤ꧀ꦠꦶ ꦩꦤꦱꦶꦏꦫꦺꦴꦤ꧀ꦠꦺꦴ, ꦄꦠꦷꦠꦁ ‘‘ꦄꦠꦷꦠ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦥꦕ꧀ꦕꦸꦥ꧀ꦥꦤ꧀ꦤꦁ ‘‘ꦥꦕ꧀ꦕꦸꦥ꧀ꦥꦤ꧀ꦤ’’ꦤ꧀ꦠꦶ ꦩꦤꦱꦶꦏꦫꦺꦴꦤ꧀ꦠꦺꦴ, ꦄꦠꦷꦠꦁ ‘‘ꦄꦠꦷꦠ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦷꦠꦶ? ꦄꦴꦩꦤ꧀ꦠꦴ. ꦢ꧀ꦮꦶꦤ꧀ꦤꦁ ꦦꦱ꧀ꦱꦴꦤꦁ…ꦥꦺ… ꦢ꧀ꦮꦶꦤ꧀ꦤꦁ ꦕꦶꦠ꧀ꦠꦴꦤꦁ ꦱꦩꦺꦴꦣꦴꦤꦁ ꦲꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦥꦕ꧀ꦕꦸꦥ꧀ꦥꦤ꧀ꦤꦁ ‘‘ꦥꦕ꧀ꦕꦸꦥ꧀ꦥꦤ꧀ꦤ’’ꦤ꧀ꦠꦶ ꦩꦤꦱꦶꦏꦫꦺꦴꦤ꧀ꦠꦺꦴ, ꦄꦤꦴꦒꦠꦁ ‘‘ꦄꦤꦴꦒꦠ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦥꦕ꧀ꦕꦸꦥ꧀ꦥꦤ꧀ꦤꦁ ‘‘ꦥꦕ꧀ꦕꦸꦥ꧀ꦥꦤ꧀ꦤ’’ꦤ꧀ꦠꦶ ꦩꦤꦱꦶꦏꦫꦺꦴꦤ꧀ꦠꦺꦴ, ꦄꦤꦴꦒꦠꦁ ‘‘ꦄꦤꦴꦒꦠ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦷꦠꦶ? ꦄꦴꦩꦤ꧀ꦠꦴ. ꦢ꧀ꦮꦶꦤ꧀ꦤꦁ ꦦꦱ꧀ꦱꦴꦤꦁ…ꦥꦺ… ꦢ꧀ꦮꦶꦤ꧀ꦤꦁ ꦕꦶꦠ꧀ꦠꦴꦤꦁ ꦱꦩꦺꦴꦣꦴꦤꦁ ꦲꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦥꦕ꧀ꦕꦸꦥ꧀ꦥꦤ꧀ꦤꦁ ‘‘ꦥꦕ꧀ꦕꦸꦥ꧀ꦥꦤ꧀ꦤ’’ꦤ꧀ꦠꦶ ꦩꦤꦱꦶꦏꦫꦺꦴꦤ꧀ꦠꦺꦴ, ꦄꦠꦷꦠꦁ ‘‘ꦄꦠꦷꦠ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦶ, ꦄꦤꦴꦒꦠꦁ ‘‘ꦄꦤꦴꦒꦠ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦥꦕ꧀ꦕꦸꦥ꧀ꦥꦤ꧀ꦤꦁ ‘‘ꦥꦕ꧀ꦕꦸꦥ꧀ꦥꦤ꧀ꦤ’’ꦤ꧀ꦠꦶ ꦩꦤꦱꦶꦏꦫꦺꦴꦤ꧀ꦠꦺꦴ, ꦄꦠꦷꦠꦁ ‘‘ꦄꦠꦷꦠ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦶ, ꦄꦤꦴꦒꦠꦁ ‘‘ꦄꦤꦴꦒꦠ’’ꦤ꧀ꦠꦶ ꦩꦤꦱꦶ ꦏꦫꦺꦴꦠꦷꦠꦶ? ꦄꦴꦩꦤ꧀ꦠꦴ. ꦠꦶꦟ꧀ꦟꦁ ꦦꦱ꧀ꦱꦴꦤꦁ…ꦥꦺ… ꦠꦶꦟ꧀ꦟꦁ ꦕꦶꦠ꧀ꦠꦴꦤꦁ ꦱꦩꦺꦴꦣꦴꦤꦁ ꦲꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧗꧕꧓. ꦤ ꦮꦠ꧀ꦠꦧ꧀ꦧꦁ – ‘‘ꦄꦣꦶꦒꦪ꧀ꦲ ꦩꦤꦱꦶ ꦏꦫꦺꦴꦠꦷ’’ꦠꦶ? ꦄꦴꦩꦤ꧀ꦠꦴ. ꦤꦤꦸ ꦮꦸꦠ꧀ꦠꦁ ꦨꦒꦮꦠꦴ –

‘‘ꦱꦧ꧀ꦧꦺ ꦱꦔ꧀ꦑꦴꦫꦴ ꦄꦤꦶꦕ꧀ꦕꦴꦠꦶ, ꦪꦢꦴ ꦥꦚ꧀ꦚꦴꦪ ꦥꦱ꧀ꦱꦠꦶ;

ꦄꦡ ꦤꦶꦧ꧀ꦧꦶꦤ꧀ꦢꦠꦶ ꦢꦸꦏ꧀ꦑꦺ, ꦌꦱ ꦩꦒ꧀ꦒꦺꦴ ꦮꦶꦱꦸꦢ꧀ꦣꦶꦪꦴ.

‘‘ꦱꦧ꧀ꦧꦺ ꦱꦔ꧀ꦑꦴꦫꦴ ꦢꦸꦏ꧀ꦑꦴꦠꦶ, ꦪꦢꦴ ꦥꦚ꧀ꦚꦴꦪ ꦥꦱ꧀ꦱꦠꦶ;

ꦄꦡ ꦤꦶꦧ꧀ꦧꦶꦤ꧀ꦢꦠꦶ ꦢꦸꦏ꧀ꦑꦺ, ꦌꦱ ꦩꦒ꧀ꦒꦺꦴ ꦮꦶꦱꦸꦢ꧀ꦣꦶꦪꦴ.

‘‘ꦱꦧ꧀ꦧꦺ ꦣꦩ꧀ꦩꦴ ꦄꦤꦠ꧀ꦠꦴꦠꦶ, ꦪꦢꦴ ꦥꦚ꧀ꦚꦴꦪ ꦥꦱ꧀ꦱꦠꦶ;

ꦄꦡ ꦤꦶꦧ꧀ꦧꦶꦤ꧀ꦢꦠꦶ ꦢꦸꦏ꧀ꦑꦺ, ꦌꦱ ꦩꦒ꧀ꦒꦺꦴ ꦮꦶꦱꦸꦢ꧀ꦣꦶꦪꦴ’’ꦠꦶ [ꦣ. ꦥ. ꧒꧗꧗-꧒꧗꧙].

ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ? ꦄꦴꦩꦤ꧀ꦠꦴ. ꦠꦺꦤ ꦲꦶ ꦄꦣꦶꦒꦪ꧀ꦲ ꦩꦤꦱꦶ ꦏꦫꦺꦴꦠꦷꦠꦶ.

ꦄꦣꦶꦒꦪ꧀ꦲꦩꦤꦱꦶꦏꦴꦫꦏꦡꦴ ꦤꦶꦛ꧀ꦜꦶꦠꦴ.

꧑꧖. ꦱꦺꦴꦭ꦳ꦱꦩꦮꦒ꧀ꦒꦺꦴ

(꧑꧖꧐) ꧕. ꦫꦹꦥꦁ ꦲꦺꦠꦹꦠꦶꦏꦡꦴ

꧗꧕꧔. ꦫꦹꦥꦁ ꦲꦺꦠꦹꦠꦶ? ꦄꦴꦩꦤ꧀ꦠꦴ. ꦄꦭꦺꦴꦨꦺꦴ ꦲꦺꦠꦹꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦢꦺꦴꦱꦺꦴ ꦲꦺꦠꦸ…ꦥꦺ… ꦄꦩꦺꦴꦲꦺꦴ ꦲꦺꦠꦸ… ꦭꦺꦴꦨꦺꦴ ꦲꦺꦠꦸ… ꦢꦺꦴꦱꦺꦴ ꦲꦺꦠꦸ… ꦩꦺꦴꦲꦺꦴ ꦲꦺꦠꦹꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦫꦹꦥꦁ ꦲꦺꦠꦹꦠꦶ? ꦄꦴꦩꦤ꧀ꦠꦴ. ꦱꦴꦫꦩ꧀ꦩꦟꦁ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦤꦤꦸ ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦫꦹꦥꦁ ꦲꦺꦠꦹ’’ꦠꦶ.

꧗꧕꧕. ꦄꦭꦺꦴꦨꦺꦴ ꦲꦺꦠꦸ ꦱꦴꦫꦩ꧀ꦩꦟꦺꦴ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦫꦹꦥꦁ ꦲꦺꦠꦸ ꦱꦴꦫꦩ꧀ꦩꦟꦁ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦢꦺꦴꦱꦺꦴ ꦲꦺꦠꦸ… ꦄꦩꦺꦴꦲꦺꦴ ꦲꦺꦠꦸ… ꦭꦺꦴꦨꦺꦴ ꦲꦺꦠꦸ… ꦢꦺꦴꦱꦺꦴ ꦲꦺꦠꦸ… ꦩꦺꦴꦲꦺꦴ ꦲꦺꦠꦸ ꦱꦴꦫꦩ꧀ꦩꦟꦺꦴ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦫꦹꦥꦁ ꦲꦺꦠꦸ ꦱꦴꦫꦩ꧀ꦩꦟꦁ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦫꦹꦥꦁ ꦲꦺꦠꦸ ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦄꦭꦺꦴꦨꦺꦴ ꦲꦺꦠꦸ ꦄꦤꦴꦫꦩ꧀ꦩꦟꦺꦴ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦫꦹꦥꦁ ꦲꦺꦠꦸ ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦄꦢꦺꦴꦱꦺꦴ ꦲꦺꦠꦸ… ꦄꦩꦺꦴꦲꦺꦴ ꦲꦺꦠꦸ… ꦭꦺꦴꦨꦺꦴ ꦲꦺꦠꦸ… ꦢꦺꦴꦱꦺꦴ ꦲꦺꦠꦸ… ꦩꦺꦴꦲꦺꦴ ꦲꦺꦠꦸ ꦄꦤꦴꦫꦩ꧀ꦩꦟꦺꦴ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧗꧕꧖. ꦤ ꦮꦠ꧀ꦠꦧ꧀ꦧꦁ – ‘‘ꦫꦹꦥꦁ ꦲꦺꦠꦹ’’ꦠꦶ? ꦄꦴꦩꦤ꧀ꦠꦴ. ꦤꦤꦸ ꦩꦲꦴꦨꦹꦠꦴ ꦈꦥꦴꦢꦴꦪꦫꦹꦥꦴꦤꦁ [ꦈꦥꦴꦢꦴꦫꦹꦥꦴꦤꦁ (ꦱꦷ. ꦥꦷ. ꦏ.)] ꦈꦥꦴꦢꦴꦪꦲꦺꦠꦹꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦩꦲꦴꦨꦹꦠꦴ ꦈꦥꦴꦢꦴꦪꦫꦹꦥꦴꦤꦁ ꦈꦥꦴꦢꦴꦪꦲꦺꦠꦸ, ꦠꦺꦤ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦫꦹꦥꦁ ꦲꦺꦠꦹ’’ꦠꦶ.

ꦫꦹꦥꦁ ꦲꦺꦠꦹꦠꦶꦏꦡꦴ ꦤꦶꦛ꧀ꦜꦶꦠꦴ.

꧑꧖. ꦱꦺꦴꦭ꦳ꦱꦩꦮꦒ꧀ꦒꦺꦴ

(꧑꧖꧑) ꧖. ꦫꦹꦥꦁ ꦱꦲꦺꦠꦸꦏꦤ꧀ꦠꦶꦏꦡꦴ

꧗꧕꧗. ꦫꦹꦥꦁ ꦱꦲꦺꦠꦸꦏꦤ꧀ꦠꦶ? ꦄꦴꦩꦤ꧀ꦠꦴ. ꦄꦭꦺꦴꦨꦲꦺꦠꦸꦤꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦢꦺꦴꦱꦲꦺꦠꦸꦤꦴꦠꦶ …ꦥꦺ… ꦄꦩꦺꦴꦲꦲꦺꦠꦸꦤꦴꦠꦶ…ꦥꦺ… ꦭꦺꦴꦨꦲꦺꦠꦸꦤꦴ…ꦥꦺ… ꦢꦺꦴꦱꦲꦺꦠꦸꦤꦴ…ꦥꦺ… ꦩꦺꦴꦲꦲꦺꦠꦸꦤꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦫꦹꦥꦁ ꦱꦲꦺꦠꦸꦏꦤ꧀ꦠꦶ? ꦄꦴꦩꦤ꧀ꦠꦴ. ꦱꦴꦫꦩ꧀ꦩꦟꦁ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦤꦤꦸ ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦫꦹꦥꦁ ꦱꦲꦺꦠꦸꦏ’’ꦤ꧀ꦠꦶ.

꧗꧕꧘. ꦄꦭꦺꦴꦨꦺꦴ ꦱꦲꦺꦠꦸꦏꦺꦴ ꦱꦴꦫꦩ꧀ꦩꦟꦺꦴ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦫꦹꦥꦁ ꦱꦲꦺꦠꦸꦏꦁ ꦱꦴꦫꦩ꧀ꦩꦟꦁ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦢꦺꦴꦱꦺꦴ ꦱꦲꦺꦠꦸꦏꦺꦴ…ꦥꦺ… ꦄꦩꦺꦴꦲꦺꦴ… ꦱꦢ꧀ꦣꦴ… ꦮꦷꦫꦶꦪꦁ… ꦱꦠꦶ… ꦱꦩꦴꦣꦶ… ꦥꦚ꧀ꦚꦴ… ꦭꦺꦴꦨꦺꦴ… ꦢꦺꦴꦱꦺꦴ… ꦩꦺꦴꦲꦺꦴ… ꦩꦴꦤꦺꦴ… ꦢꦶꦛ꧀ꦜꦶ… ꦮꦶꦕꦶꦏꦶꦕ꧀ꦖꦴ… ꦡꦶꦤꦁ… ꦈꦢ꧀ꦣꦕ꧀ꦕꦁ… ꦄꦲꦶꦫꦶꦏꦁ… ꦄꦤꦺꦴꦠ꧀ꦠꦥ꧀ꦥꦁ ꦱꦲꦺꦠꦸꦏꦁ ꦱꦴꦫꦩ꧀ꦩꦟꦁ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦫꦹꦥꦁ ꦱꦲꦺꦠꦸꦏꦁ ꦱꦴꦫꦩ꧀ꦩꦟꦁ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦫꦹꦥꦁ ꦱꦲꦺꦠꦸꦏꦁ ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦄꦭꦺꦴꦨꦺꦴ ꦱꦲꦺꦠꦸꦏꦺꦴ ꦄꦤꦴꦫꦩ꧀ꦩꦟꦺꦴ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦫꦹꦥꦁ ꦱꦲꦺꦠꦸꦏꦁ ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦄꦢꦺꦴꦱꦺꦴ ꦱꦲꦺꦠꦸꦏꦺꦴ…ꦥꦺ… ꦄꦤꦺꦴꦠ꧀ꦠꦥ꧀ꦥꦁ ꦱꦲꦺꦠꦸꦏꦁ ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧗꧕꧙. ꦤ ꦮꦠ꧀ꦠꦧ꧀ꦧꦁ – ‘‘ꦫꦹꦥꦁ ꦱꦲꦺꦠꦸꦏ’’ꦤ꧀ꦠꦶ? ꦄꦴꦩꦤ꧀ꦠꦴ. ꦤꦤꦸ ꦫꦹꦥꦁ ꦱꦥ꧀ꦥꦕ꧀ꦕꦪꦤ꧀ꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦫꦹꦥꦁ ꦱꦥ꧀ꦥꦕ꧀ꦕꦪꦁ, ꦠꦺꦤ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦫꦹꦥꦁ ꦱꦲꦺꦠꦸꦏ’’ꦤ꧀ꦠꦶ.

ꦫꦹꦥꦁ ꦱꦲꦺꦠꦸꦏꦤ꧀ꦠꦶꦏꦡꦴ ꦤꦶꦛ꧀ꦜꦶꦠꦴ.

꧑꧖. ꦱꦺꦴꦭ꦳ꦱꦩꦮꦒ꧀ꦒꦺꦴ

(꧑꧖꧒) ꧗. ꦫꦹꦥꦁ ꦏꦸꦱꦭꦴꦏꦸꦱꦭꦤ꧀ꦠꦶꦏꦡꦴ

꧗꧖꧐. ꦫꦹꦥꦁ ꦏꦸꦱꦭꦤ꧀ꦠꦶ? ꦄꦴꦩꦤ꧀ꦠꦴ. ꦱꦴꦫꦩ꧀ꦩꦟꦁ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦤꦤꦸ ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦫꦹꦥꦁ ꦏꦸꦱꦭ’’ꦤ꧀ꦠꦶ.

꧗꧖꧑. ꦄꦭꦺꦴꦨꦺꦴ ꦏꦸꦱꦭꦺꦴ ꦱꦴꦫꦩ꧀ꦩꦟꦺꦴ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦫꦹꦥꦁ ꦏꦸꦱꦭꦁ ꦱꦴꦫꦩ꧀ꦩꦟꦁ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦢꦺꦴꦱꦺꦴ ꦏꦸꦱꦭꦺꦴ…ꦥꦺ… ꦄꦩꦺꦴꦲꦺꦴ ꦏꦸꦱꦭꦺꦴ…ꦥꦺ… ꦱꦢ꧀ꦣꦴ… ꦮꦷꦫꦶꦪꦁ… ꦱꦠꦶ… ꦱꦩꦴꦣꦶ…ꦥꦺ… ꦥꦚ꧀ꦚꦴ ꦏꦸꦱꦭꦴ ꦱꦴꦫꦩ꧀ꦩꦟꦴ, ꦄꦠ꧀ꦡꦶ ꦠꦴꦪ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦫꦹꦥꦁ ꦏꦸꦱꦭꦁ ꦱꦴꦫꦩ꧀ꦩꦟꦁ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦫꦹꦥꦁ ꦏꦸꦱꦭꦁ ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦄꦭꦺꦴꦨꦺꦴ ꦏꦸꦱꦭꦺꦴ ꦄꦤꦴꦫꦩ꧀ꦩꦟꦺꦴ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ …ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦫꦹꦥꦁ ꦏꦸꦱꦭꦁ ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦄꦢꦺꦴꦱꦺꦴ ꦏꦸꦱꦭꦺꦴ…ꦥꦺ… ꦥꦚ꧀ꦚꦴ ꦏꦸꦱꦭꦴ ꦄꦤꦴꦫꦩ꧀ꦩꦟꦴ, ꦤꦠ꧀ꦡꦶ ꦠꦴꦪ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧗꧖꧒. ꦫꦹꦥꦁ ꦄꦏꦸꦱꦭꦤ꧀ꦠꦶ? ꦄꦴꦩꦤ꧀ꦠꦴ. ꦱꦴꦫꦩ꧀ꦩꦟꦁ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦤꦤꦸ ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦫꦹꦥꦁ ꦄꦏꦸꦱꦭ’’ꦤ꧀ꦠꦶ…ꦥꦺ….

꧗꧖꧓. ꦭꦺꦴꦨꦺꦴ ꦄꦏꦸꦱꦭꦺꦴ ꦱꦴꦫꦩ꧀ꦩꦟꦺꦴ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦫꦹꦥꦁ ꦄꦏꦸꦱꦭꦁ ꦱꦴꦫꦩ꧀ꦩꦟꦁ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦢꦺꦴꦱꦺꦴ… ꦩꦺꦴꦲꦺꦴ… ꦩꦴꦤꦺꦴ…ꦥꦺ… ꦄꦤꦺꦴꦠ꧀ꦠꦥ꧀ꦥꦁ ꦄꦏꦸꦱꦭꦁ ꦱꦴꦫꦩ꧀ꦩꦟꦁ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦫꦹꦥꦁ ꦄꦏꦸꦱꦭꦁ ꦱꦴꦫꦩ꧀ꦩꦟꦁ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦫꦹꦥꦁ ꦄꦏꦸꦱꦭꦁ ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦭꦺꦴꦨꦺꦴ ꦄꦏꦸꦱꦭꦺꦴ ꦄꦤꦴꦫꦩ꧀ꦩꦟꦺꦴ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦫꦹꦥꦁ ꦄꦏꦸꦱꦭꦁ ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦢꦺꦴꦱꦺꦴ… ꦩꦺꦴꦲꦺꦴ…ꦥꦺ… ꦄꦤꦺꦴꦠ꧀ꦠꦥ꧀ꦥꦁ ꦄꦏꦸꦱꦭꦁ ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧗꧖꧔. ꦤ ꦮꦠ꧀ꦠꦧ꧀ꦧꦁ – ‘‘ꦫꦹꦥꦁ ꦏꦸꦱꦭꦩ꧀ꦥꦶ ꦄꦏꦸꦱꦭꦩ꧀ꦥꦷ’’ꦠꦶ? ꦄꦴꦩꦤ꧀ꦠꦴ. ꦤꦤꦸ ꦏꦴꦪꦏꦩ꧀ꦩꦁ ꦮꦕꦷꦏꦩ꧀ꦩꦁ ꦏꦸꦱꦭꦩ꧀ꦥꦶ ꦄꦏꦸꦱꦭꦩ꧀ꦥꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦏꦴꦪꦏꦩ꧀ꦩꦁ ꦮꦕꦷꦏꦩ꧀ꦩꦁ ꦏꦸꦱꦭꦩ꧀ꦥꦶ ꦄꦏꦸꦱꦭꦩ꧀ꦥꦶ, ꦠꦺꦤ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦫꦹꦥꦁ ꦏꦸꦱꦭꦩ꧀ꦥꦶ ꦄꦏꦸꦱꦭꦩ꧀ꦥꦷ’’ꦠꦶ.

ꦫꦹꦥꦁ ꦏꦸꦱꦭꦴꦏꦸꦱꦭꦤ꧀ꦠꦶꦏꦡꦴ ꦤꦶꦛ꧀ꦜꦶꦠꦴ.

꧑꧖. ꦱꦺꦴꦭ꦳ꦱꦩꦮꦒ꧀ꦒꦺꦴ

(꧑꧖꧓) ꧘. ꦫꦹꦥꦁ ꦮꦶꦥꦴꦏꦺꦴꦠꦶꦏꦡꦴ

꧗꧖꧕. ꦫꦹꦥꦁ ꦮꦶꦥꦴꦏꦺꦴꦠꦶ? ꦄꦴꦩꦤ꧀ꦠꦴ. ꦫꦹꦥꦁ ꦱꦸꦑꦮꦺꦢꦤꦶꦪꦁ ꦢꦸꦏ꧀ꦑꦮꦺꦢꦤꦶꦪꦁ ꦄꦢꦸꦏ꧀ꦑꦩꦱꦸꦑꦮꦺꦢꦤꦶꦪꦁ, ꦱꦸꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦁ, ꦢꦸꦏ꧀ꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦁ, ꦄꦢꦸꦏ꧀ꦑꦩꦱꦸꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦁ, ꦦꦱ꧀ꦱꦺꦤ ꦱꦩ꧀ꦥꦪꦸꦠ꧀ꦠꦁ…ꦥꦺ… ꦕꦶꦠ꧀ꦠꦺꦤ ꦱꦩ꧀ꦥꦪꦸꦠ꧀ꦠꦁ, ꦱꦴꦫꦩ꧀ꦩꦟꦁ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦤꦤꦸ ꦤ ꦱꦸꦑꦮꦺꦢꦤꦶꦪꦁ ꦤ ꦢꦸꦏ꧀ꦑꦮꦺꦢꦤꦶꦪꦁ…ꦥꦺ… ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦤ ꦱꦸꦑꦮꦺꦢꦤꦶꦪꦁ ꦤ ꦢꦸꦏ꧀ꦑꦮꦺꦢꦤꦶꦪꦁ…ꦥꦺ… ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦫꦹꦥꦁ ꦮꦶꦥꦴꦏꦺꦴ’’ꦠꦶ.

꧗꧖꧖. ꦦꦱ꧀ꦱꦺꦴ ꦮꦶꦥꦴꦏꦺꦴ, ꦦꦱ꧀ꦱꦺꦴ ꦱꦸꦑꦮꦺꦢꦤꦶꦪꦺꦴ ꦢꦸꦏ꧀ꦑꦮꦺꦢꦤꦶꦪꦺꦴ…ꦥꦺ… ꦱꦴꦫꦩ꧀ꦩꦟꦺꦴ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦫꦹꦥꦁ ꦮꦶꦥꦴꦏꦺꦴ, ꦫꦹꦥꦁ ꦱꦸꦑꦮꦺꦢꦤꦶꦪꦁ ꦢꦸꦏ꧀ꦑꦮꦺꦢꦤꦶꦪꦁ…ꦥꦺ… ꦱꦴꦫꦩ꧀ꦩꦟꦁ, ꦄꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦫꦹꦥꦁ ꦮꦶꦥꦴꦏꦺꦴ, ꦫꦹꦥꦁ ꦤ ꦱꦸꦑꦮꦺꦢꦤꦶꦪꦁ ꦤ ꦢꦸꦏ꧀ꦑꦮꦺꦢꦤꦶꦪꦁ…ꦥꦺ… ꦄꦤꦴꦫꦩ꧀ꦩꦟꦁ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦦꦱ꧀ꦱꦺꦴ ꦮꦶꦥꦴꦏꦺꦴ, ꦦꦱ꧀ꦱꦺꦴ ꦤ ꦱꦸꦑꦮꦺꦢꦤꦶꦪꦺꦴ ꦤ ꦢꦸꦏ꧀ꦑꦮꦺꦢꦤꦶꦪꦺꦴ…ꦥꦺ… ꦄꦤꦴꦫꦩ꧀ꦩꦟꦺꦴ, ꦤꦠ꧀ꦡꦶ ꦠꦱ꧀ꦱ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧗꧖꧗. ꦤ ꦮꦠ꧀ꦠꦧ꧀ꦧꦁ – ‘‘ꦫꦹꦥꦁ ꦮꦶꦥꦴꦏꦺꦴ’’ꦠꦶ? ꦄꦴꦩꦤ꧀ꦠꦴ. ꦤꦤꦸ ꦏꦩ꧀ꦩꦱ꧀ꦱ ꦏꦠꦠ꧀ꦠꦴ ꦈꦥ꧀ꦥꦤ꧀ꦤꦴ ꦕꦶꦠ꧀ꦠꦕꦺꦠꦱꦶꦏꦴ ꦣꦩ꧀ꦩꦴ ꦮꦶꦥꦴꦏꦺꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦏꦩ꧀ꦩꦱ꧀ꦱ ꦏꦠꦠ꧀ꦠꦴ ꦈꦥ꧀ꦥꦤ꧀ꦤꦴ ꦕꦶꦠ꧀ꦠꦕꦺꦠꦱꦶꦏꦴ ꦣꦩ꧀ꦩꦴ ꦮꦶꦥꦴꦏꦺꦴ, ꦠꦺꦤ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦏꦩ꧀ꦩꦱ꧀ꦱ ꦏꦠꦠ꧀ꦠꦴ ꦈꦥ꧀ꦥꦤ꧀ꦤꦁ ꦫꦹꦥꦁ ꦮꦶꦥꦴꦏꦺꦴ’’ꦠꦶ.

ꦫꦹꦥꦁ ꦮꦶꦥꦴꦏꦺꦴꦠꦶꦏꦡꦴ ꦤꦶꦛ꧀ꦜꦶꦠꦴ.

꧑꧖. ꦱꦺꦴꦭ꦳ꦱꦩꦮꦒ꧀ꦒꦺꦴ

(꧑꧖꧔) ꧙. ꦫꦹꦥꦁ ꦫꦹꦥꦴꦮꦕꦫꦴꦫꦹꦥꦴꦮꦕꦫꦤ꧀ꦠꦶꦏꦡꦴ

꧗꧖꧘. ꦄꦠ꧀ꦡꦶ ꦫꦹꦥꦁ ꦫꦹꦥꦴꦮꦕꦫꦤ꧀ꦠꦶ? ꦄꦴꦩꦤ꧀ꦠꦴ. ꦱꦩꦴꦥꦠ꧀ꦠꦺꦱꦶꦪꦁ ꦈꦥꦥꦠ꧀ꦠꦺꦱꦶꦪꦁ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦁ, ꦱꦩꦴꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦈꦥꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦤ ꦕꦶꦠ꧀ꦠꦺꦤ ꦱꦲꦒꦠꦁ ꦱꦲꦗꦴꦠꦁ ꦱꦁꦱꦛ꧀ꦜꦁ ꦱꦩ꧀ꦥꦪꦸꦠ꧀ꦠꦁ ꦌꦏꦸꦥ꧀ꦥꦴꦢꦁ ꦌꦏꦤꦶꦫꦺꦴꦣꦁ ꦌꦏꦮꦠ꧀ꦡꦸꦏꦁ ꦌꦏꦴꦫꦩ꧀ꦩꦟꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦤꦤꦸ ꦤ ꦱꦩꦴꦥꦠ꧀ꦠꦺꦱꦶꦪꦁ ꦤ ꦈꦥꦥꦠ꧀ꦠꦺꦱꦶꦪꦁ ꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦁ, ꦤ ꦱꦩꦴꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦤ ꦈꦥꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦤ ꦕꦶꦠ꧀ꦠꦺꦤ ꦱꦲꦒꦠꦁ ꦱꦲꦗꦴꦠꦁ ꦱꦁꦱꦛ꧀ꦜꦁ ꦱꦩ꧀ꦥꦪꦸꦠ꧀ꦠꦁ ꦌꦏꦸꦥ꧀ꦥꦴꦢꦁ ꦌꦏꦤꦶꦫꦺꦴꦣꦁ ꦌꦏꦮꦠ꧀ꦡꦸꦏꦁ ꦌꦏꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦤ ꦱꦩꦴꦥꦠ꧀ꦠꦺꦱꦶꦪꦁ ꦤ ꦈꦥꦥꦠ꧀ꦠꦺꦱꦶꦪꦁ ꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦁ, ꦤ ꦱꦩꦴꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ…ꦥꦺ… ꦌꦏꦴꦫꦩ꧀ꦩꦟꦁ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦄꦠ꧀ꦡꦶ ꦫꦹꦥꦁ ꦫꦹꦥꦴꦮꦕꦫ’’ꦤ꧀ꦠꦶ.

꧗꧖꧙. ꦄꦠ꧀ꦡꦶ ꦫꦹꦥꦁ ꦄꦫꦹꦥꦴꦮꦕꦫꦤ꧀ꦠꦶ? ꦄꦴꦩꦤ꧀ꦠꦴ. ꦱꦩꦴꦥꦠ꧀ꦠꦺꦱꦶꦪꦁ ꦈꦥꦥꦠ꧀ꦠꦺꦱꦶꦪꦁ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦁ, ꦱꦩꦴꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦈꦥꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦤ ꦕꦶꦠ꧀ꦠꦺꦤ ꦱꦲꦒꦠꦁ ꦱꦲꦗꦴꦠꦁ ꦱꦁꦱꦛ꧀ꦜꦁ ꦱꦩ꧀ꦥꦪꦸꦠ꧀ꦠꦁ ꦌꦏꦸꦥ꧀ꦥꦴꦢꦁ ꦌꦏꦤꦶꦫꦺꦴꦣꦁ ꦌꦏꦮꦠ꧀ꦡꦸꦏꦁ ꦌꦏꦴꦫꦩ꧀ꦩꦟꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦤꦤꦸ ꦤ ꦱꦩꦴꦥꦠ꧀ꦠꦺꦱꦶꦪꦁ ꦤ ꦈꦥꦥꦠ꧀ꦠꦺꦱꦶꦪꦁ ꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦁ, ꦤ ꦱꦩꦴꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ …ꦥꦺ… ꦌꦏꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦤ ꦱꦩꦴꦥꦠ꧀ꦠꦺꦱꦶꦪꦁ ꦤ ꦈꦥꦥꦠ꧀ꦠꦺꦱꦶꦪꦁ…ꦥꦺ… ꦌꦏꦮꦠ꧀ꦡꦸꦏꦁ ꦌꦏꦴꦫꦩ꧀ꦩꦟꦁ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦄꦠ꧀ꦡꦶ ꦫꦹꦥꦁ ꦄꦫꦹꦥꦴꦮꦕꦫ’’ꦤ꧀ꦠꦶ.

꧗꧗꧐. ꦤ ꦮꦠ꧀ꦠꦧ꧀ꦧꦁ – ‘‘ꦄꦠ꧀ꦡꦶ ꦫꦹꦥꦁ ꦫꦹꦥꦴꦮꦕꦫꦁ, ꦄꦠ꧀ꦡꦶ ꦫꦹꦥꦁ ꦄꦫꦹꦥꦴꦮꦕꦫ’’ꦤ꧀ꦠꦶ? ꦄꦴꦩꦤ꧀ꦠꦴ. ꦤꦤꦸ ꦏꦴꦩꦴꦮꦕꦫꦏꦩ꧀ꦩꦱ꧀ꦱ ꦏꦠꦠ꧀ꦠꦴ ꦫꦹꦥꦁ ꦏꦴꦩꦴꦮꦕꦫꦤ꧀ꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦏꦴꦩꦴꦮꦕꦫꦏꦩ꧀ꦩꦱ꧀ꦱ ꦏꦠꦠ꧀ꦠꦴ ꦫꦹꦥꦁ ꦏꦴꦩꦴꦮꦕꦫꦁ, ꦠꦺꦤ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦫꦹꦥꦴꦮꦕꦫꦏꦩ꧀ꦩꦱ꧀ꦱ ꦏꦠꦠ꧀ꦠꦴ ꦫꦹꦥꦁ ꦫꦹꦥꦴꦮꦕꦫꦁ, ꦄꦫꦹꦥꦴꦮꦕꦫꦏꦩ꧀ꦩꦱ꧀ꦱ ꦏꦠꦠ꧀ꦠꦴ ꦫꦹꦥꦁ ꦄꦫꦹꦥꦴꦮꦕꦫ’’ꦤ꧀ꦠꦶ.

ꦫꦹꦥꦁ ꦫꦹꦥꦴꦮꦕꦫꦴꦫꦹꦥꦴꦮꦕꦫꦤ꧀ꦠꦶꦏꦡꦴ ꦤꦶꦛ꧀ꦜꦶꦠꦴ.

꧑꧖. ꦱꦺꦴꦭ꦳ꦱꦩꦮꦒ꧀ꦒꦺꦴ

(꧑꧖꧕) ꧑꧐. ꦫꦹꦥꦴꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦏꦡꦴ

꧗꧗꧑. ꦫꦹꦥꦫꦴꦒꦺꦴ ꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦄꦴꦩꦤ꧀ꦠꦴ. ꦱꦩꦴꦥꦠ꧀ꦠꦺꦱꦶꦪꦺꦴ ꦈꦥꦥꦠ꧀ꦠꦺꦱꦶꦪꦺꦴ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦴ, ꦱꦩꦴꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦈꦥꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦤ ꦕꦶꦠ꧀ꦠꦺꦤ ꦱꦲꦒꦠꦺꦴ ꦱꦲꦗꦴꦠꦺꦴ ꦱꦁꦱꦛ꧀ꦜꦺꦴ ꦱꦩ꧀ꦥꦪꦸꦠ꧀ꦠꦺꦴ ꦌꦏꦸꦥ꧀ꦥꦴꦢꦺꦴ ꦌꦏꦤꦶꦫꦺꦴꦣꦺꦴ ꦌꦏꦮꦠ꧀ꦡꦸꦏꦺꦴ ꦌꦏꦴꦫꦩ꧀ꦩꦟꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦤꦤꦸ ꦤ ꦱꦩꦴꦥꦠ꧀ꦠꦺꦱꦶꦪꦺꦴ ꦤ ꦈꦥꦥꦠ꧀ꦠꦺꦱꦶꦪꦺꦴ ꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦴ, ꦤ ꦱꦩꦴꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ…ꦥꦺ… ꦌꦏꦮꦠ꧀ꦡꦸꦏꦺꦴ ꦌꦏꦴꦫꦩ꧀ꦩꦟꦺꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦤ ꦱꦩꦴꦥꦠ꧀ꦠꦺꦱꦶꦪꦺꦴ ꦤ ꦈꦥꦥꦠ꧀ꦠꦺꦱꦶꦪꦺꦴ ꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦴ, ꦤ ꦱꦩꦴꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ…ꦥꦺ… ꦌꦏꦮꦠ꧀ꦡꦸꦏꦺꦴ ꦌꦏꦴꦫꦩ꧀ꦩꦟꦺꦴ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦫꦹꦥꦫꦴꦒꦺꦴ ꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ.

꧗꧗꧒. ꦫꦹꦥꦫꦴꦒꦺꦴ ꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦄꦴꦩꦤ꧀ꦠꦴ. ꦱꦢ꧀ꦢꦫꦴꦒꦺꦴ ꦱꦢ꧀ꦢꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ …ꦥꦺ… ꦫꦹꦥꦫꦴꦒꦺꦴ ꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦄꦴꦩꦤ꧀ꦠꦴ. ꦒꦤ꧀ꦣꦫꦴꦒꦺꦴ…ꦥꦺ… ꦫꦱꦫꦴꦒꦺꦴ…ꦥꦺ… ꦦꦺꦴꦛ꧀ꦜꦧ꧀ꦧꦫꦴꦒꦺꦴ ꦦꦺꦴꦛ꧀ꦜꦧ꧀ꦧꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦱꦢ꧀ꦢꦫꦴꦒꦺꦴ ꦤ ꦮꦠ꧀ꦠꦧ꧀ꦧꦁ – ‘‘ꦱꦢ꧀ꦢꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ? ꦄꦴꦩꦤ꧀ꦠꦴ. ꦫꦹꦥꦫꦴꦒꦺꦴ ꦤ ꦮꦠ꧀ꦠꦧ꧀ꦧꦁ – ‘‘ꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦒꦤ꧀ꦣꦫꦴꦒꦺꦴ…ꦥꦺ… ꦫꦱꦫꦴꦒꦺꦴ…ꦥꦺ… ꦦꦺꦴꦛ꧀ꦜꦧ꧀ꦧꦫꦴꦒꦺꦴ ꦤ ꦮꦠ꧀ꦠꦧ꧀ꦧꦁ – ‘‘ꦦꦺꦴꦛ꧀ꦜꦧ꧀ꦧꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ? ꦄꦴꦩꦤ꧀ꦠꦴ. ꦫꦹꦥꦫꦴꦒꦺꦴ ꦤ ꦮꦠ꧀ꦠꦧ꧀ꦧꦁ – ‘‘ꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧗꧗꧓. ꦄꦫꦹꦥꦫꦴꦒꦺꦴ ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦄꦴꦩꦤ꧀ꦠꦴ. ꦄꦫꦹꦥꦫꦴꦒꦺꦴ ꦤ ꦮꦠ꧀ꦠꦧ꧀ꦧꦁ – ‘‘ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦫꦹꦥꦫꦴꦒꦺꦴ ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦄꦴꦩꦤ꧀ꦠꦴ. ꦱꦩꦴꦥꦠ꧀ꦠꦺꦱꦶꦪꦺꦴ ꦈꦥꦥꦠ꧀ꦠꦺꦱꦶꦪꦺꦴ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦴ, ꦱꦩꦴꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦈꦥꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦤ ꦕꦶꦠ꧀ꦠꦺꦤ ꦱꦲꦒꦠꦺꦴ ꦱꦲꦗꦴꦠꦺꦴ ꦱꦁꦱꦛ꧀ꦜꦺꦴ ꦱꦩ꧀ꦥꦪꦸꦠ꧀ꦠꦺꦴ ꦌꦏꦸꦥ꧀ꦥꦴꦢꦺꦴ ꦌꦏꦤꦶꦫꦺꦴꦣꦺꦴ ꦌꦏꦮꦠ꧀ꦡꦸꦏꦺꦴ ꦌꦏꦴꦫꦩ꧀ꦩꦟꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦤꦤꦸ ꦤ ꦱꦩꦴꦥꦠ꧀ꦠꦺꦱꦶꦪꦺꦴ ꦤ ꦈꦥꦥꦠ꧀ꦠꦺꦱꦶꦪꦺꦴ ꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦴ, ꦤ ꦱꦩꦴꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ…ꦥꦺ… ꦌꦏꦮꦠ꧀ꦡꦸꦏꦺꦴ ꦌꦏꦴꦫꦩ꧀ꦩꦟꦺꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦤ ꦱꦩꦴꦥꦠ꧀ꦠꦺꦱꦶꦪꦺꦴ ꦤ ꦈꦥꦥꦠ꧀ꦠꦺꦱꦶꦪꦺꦴ ꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦴ, ꦤ ꦱꦩꦴꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦤ ꦈꦥꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦤ ꦕꦶꦠ꧀ꦠꦺꦤ ꦱꦲꦒꦠꦺꦴ ꦱꦲꦗꦴꦠꦺꦴ ꦱꦁꦱꦛ꧀ꦜꦺꦴ ꦱꦩ꧀ꦥꦪꦸꦠ꧀ꦠꦺꦴ ꦌꦏꦸꦥ꧀ꦥꦴꦢꦺꦴ ꦌꦏꦤꦶꦫꦺꦴꦣꦺꦴ ꦌꦏꦮꦠ꧀ꦡꦸꦏꦺꦴ ꦌꦏꦴꦫꦩ꧀ꦩꦟꦺꦴ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦄꦫꦹꦥꦫꦴꦒꦺꦴ ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ.

꧗꧗꧔. ꦄꦫꦹꦥꦫꦴꦒꦺꦴ ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦄꦴꦩꦤ꧀ꦠꦴ. ꦱꦢ꧀ꦢꦫꦴꦒꦺꦴ ꦱꦢ꧀ꦢꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦫꦹꦥꦫꦴꦒꦺꦴ ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦄꦴꦩꦤ꧀ꦠꦴ. ꦒꦤ꧀ꦣꦫꦴꦒꦺꦴ…ꦥꦺ… ꦫꦱꦫꦴꦒꦺꦴ…ꦥꦺ… ꦦꦺꦴꦛ꧀ꦜꦧ꧀ꦧꦫꦴꦒꦺꦴ ꦦꦺꦴꦛ꧀ꦜꦧ꧀ꦧꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦱꦢ꧀ꦢꦫꦴꦒꦺꦴ ꦤ ꦮꦠ꧀ꦠꦧ꧀ꦧꦁ – ‘‘ꦱꦢ꧀ꦢꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ? ꦄꦴꦩꦤ꧀ꦠꦴ. ꦄꦫꦹꦥꦫꦴꦒꦺꦴ ꦤ ꦮꦠ꧀ꦠꦧ꧀ꦧꦁ – ‘‘ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦒꦤ꧀ꦣꦫꦴꦒꦺꦴ…ꦥꦺ… ꦫꦱꦫꦴꦒꦺꦴ…ꦥꦺ… ꦦꦺꦴꦛ꧀ꦜꦧ꧀ꦧꦫꦴꦒꦺꦴ ꦤ ꦮꦠ꧀ꦠꦧ꧀ꦧꦁ – ‘‘ꦦꦺꦴꦛ꧀ꦜꦧ꧀ꦧꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ? ꦄꦴꦩꦤ꧀ꦠꦴ. ꦄꦫꦹꦥꦫꦴꦒꦺꦴ ꦤ ꦮꦠ꧀ꦠꦧ꧀ꦧꦁ – ‘‘ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧗꧗꧕. ꦤ ꦮꦠ꧀ꦠꦧ꧀ꦧꦁ – ‘‘ꦫꦹꦥꦫꦴꦒꦺꦴ ꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ, ꦄꦫꦹꦥꦫꦴꦒꦺꦴ ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ? ꦄꦴꦩꦤ꧀ꦠꦴ. ꦤꦤꦸ ꦏꦴꦩꦫꦴꦒꦺꦴ ꦏꦴꦩꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦏꦴꦩꦫꦴꦒꦺꦴ ꦏꦴꦩꦣꦴꦠꦸꦥꦫꦶꦪꦴꦥꦤ꧀ꦤꦺꦴ, ꦠꦺꦤ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦫꦹꦥꦫꦴꦒꦺꦴ ꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ, ꦄꦫꦹꦥꦫꦴꦒꦺꦴ ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ.

ꦫꦹꦥꦫꦴꦒꦺꦴ ꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ ꦄꦫꦹꦥꦫꦴꦒꦺꦴ ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶꦏꦡꦴ ꦤꦶꦛ꧀ꦜꦶꦠꦴ.

ꦫꦹꦥꦴꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦏꦡꦴ ꦤꦶꦛ꧀ꦜꦶꦠꦴ.

ꦱꦺꦴꦭ꦳ꦱꦩꦮꦒ꧀ꦒꦺꦴ.

ꦠꦱ꧀ꦱꦸꦢ꧀ꦢꦴꦤꦁ –

ꦕꦶꦠ꧀ꦠꦤꦶꦒ꧀ꦒꦲꦺꦴ, ꦕꦶꦠ꧀ꦠꦥꦒ꧀ꦒꦲꦺꦴ, ꦱꦸꦑꦴꦤꦸꦥ꧀ꦥꦢꦴꦤꦁ, ꦄꦣꦶꦒꦪ꧀ꦲ ꦩꦤꦱꦶꦏꦴꦫꦺꦴ, ꦫꦹꦥꦁ ꦲꦺꦠꦸ, ꦫꦹꦥꦁ ꦱꦲꦺꦠꦸꦏꦁ, ꦫꦹꦥꦁ ꦏꦸꦱꦭꦩ꧀ꦥꦶ ꦄꦏꦸꦱꦭꦩ꧀ꦥꦶ, ꦫꦹꦥꦁ ꦮꦶꦥꦴꦏꦺꦴ, ꦄꦠ꧀ꦡꦶ ꦫꦹꦥꦁ ꦫꦹꦥꦴꦮꦕꦫꦁ ꦄꦠ꧀ꦡꦶ ꦫꦹꦥꦁ ꦄꦫꦹꦥꦴꦮꦕꦫꦁ, ꦱꦧ꧀ꦧꦺ ꦏꦶꦭꦺꦱꦴ ꦏꦴꦩꦣꦴꦠꦸꦥꦫꦶꦪꦴꦥꦤ꧀ꦤꦴꦠꦶ.