(꧑꧔꧖) ꧒. ꦄꦚ꧀ꦚꦩꦚ꧀ꦚꦥꦕ꧀ꦕꦪꦏꦡꦴ

꧗꧑꧘. ꦄꦮꦶꦗ꧀ꦗꦴꦥꦕ꧀ꦕꦪꦴꦮ ꦱꦔ꧀ꦑꦴꦫꦴ, ꦤ ꦮꦠ꧀ꦠꦧ꧀ꦧꦁ – ‘‘ꦱꦔ꧀ꦑꦴꦫꦥꦕ꧀ꦕꦪꦴꦥꦶ ꦄꦮꦶꦗ꧀ꦗꦴ’’ꦠꦶ? ꦄꦴꦩꦤ꧀ꦠꦴ. ꦤꦤꦸ ꦄꦮꦶꦗ꧀ꦗꦴ ꦱꦔ꧀ꦑꦴꦫꦺꦤ ꦱꦲꦗꦴꦠꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦄꦮꦶꦗ꧀ꦗꦴ ꦱꦔ꧀ꦑꦴꦫꦺꦤ ꦱꦲꦗꦴꦠꦴ, ꦠꦺꦤ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦄꦮꦶꦗ꧀ꦗꦴꦥꦕ꧀ꦕꦪꦴꦥꦶ ꦱꦔ꧀ꦑꦴꦫꦴ, ꦱꦔ꧀ꦑꦴꦫꦥꦕ꧀ꦕꦪꦴꦥꦶ ꦄꦮꦶꦗ꧀ꦗꦴ’’ꦠꦶ.

ꦠꦟ꧀ꦲꦴꦥꦕ꧀ꦕꦪꦴꦮ ꦈꦥꦴꦢꦴꦤꦁ, ꦤ ꦮꦠ꧀ꦠꦧ꧀ꦧꦁ – ‘‘ꦈꦥꦴꦢꦴꦤꦥꦕ꧀ꦕꦪꦴꦥꦶ ꦠꦟ꧀ꦲꦴ’’ꦠꦶ? ꦄꦴꦩꦤ꧀ꦠꦴ. ꦤꦤꦸ ꦠꦟ꧀ꦲꦴ ꦈꦥꦴꦢꦴꦤꦺꦤ ꦱꦲꦗꦴꦠꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦠꦟ꧀ꦲꦴ ꦈꦥꦴꦢꦴꦤꦺꦤ ꦱꦲꦗꦴꦠꦴ, ꦠꦺꦤ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦠꦟ꧀ꦲꦴꦥꦕ꧀ꦕꦪꦴꦥꦶ ꦈꦥꦴꦢꦴꦤꦁ, ꦈꦥꦴꦢꦴꦤꦥꦕ꧀ꦕꦪꦴꦥꦶ ꦠꦟ꧀ꦲꦴ’’ꦠꦶ.

꧗꧑꧙. ‘‘ꦗꦫꦴꦩꦫꦟꦥꦕ꧀ꦕꦪꦴ, ꦨꦶꦏ꧀ꦑꦮꦺ, ꦗꦴꦠꦶ, ꦗꦴꦠꦶꦥꦕ꧀ꦕꦪꦴ ꦨꦮꦺꦴ’’ꦠꦶ – ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ? ꦤꦠ꧀ꦡꦶ. ꦠꦺꦤ ꦲꦶ ꦄꦮꦶꦗ꧀ꦗꦴꦥꦕ꧀ꦕꦪꦴꦮ ꦱꦔ꧀ꦑꦴꦫꦴ, ꦤ ꦮꦠ꧀ꦠꦧ꧀ꦧꦁ – ‘‘ꦱꦔ꧀ꦑꦴꦫꦥꦕ꧀ꦕꦪꦴꦥꦶ ꦄꦮꦶꦗ꧀ꦗꦴ’’ꦠꦶ. ꦠꦟ꧀ꦲꦴꦥꦕ꧀ꦕꦪꦴꦮ ꦈꦥꦴꦢꦴꦤꦁ, ꦤ ꦮꦠ꧀ꦠꦧ꧀ꦧꦁ – ‘‘ꦈꦥꦴꦢꦴꦤꦥꦕ꧀ꦕꦪꦴꦥꦶ ꦠꦟ꧀ꦲꦴ’’ꦠꦶ.

‘‘ꦮꦶꦚ꧀ꦚꦴꦟꦥꦕ꧀ꦕꦪꦴ, ꦨꦶꦏ꧀ꦑꦮꦺ, ꦤꦴꦩꦫꦹꦥꦁ, ꦤꦴꦩꦫꦹꦥꦥꦕ꧀ꦕꦪꦴꦥꦶ ꦮꦶꦚ꧀ꦚꦴꦟ’’ꦤ꧀ꦠꦶ [ꦢꦷ. ꦤꦶ. ꧒.꧕꧘, ꦡꦺꦴꦏꦁ ꦥꦤ ꦮꦶꦱꦢꦶꦱꦁ] – ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ? ꦄꦴꦩꦤ꧀ꦠꦴ. ꦠꦺꦤ ꦲꦶ ꦄꦮꦶꦗ꧀ꦗꦴꦥꦕ꧀ꦕꦪꦴꦥꦶ ꦱꦔ꧀ꦑꦴꦫꦴ, ꦱꦔ꧀ꦑꦴꦫꦥꦕ꧀ꦕꦪꦴꦥꦶ ꦄꦮꦶꦗ꧀ꦗꦴ; ꦠꦟ꧀ꦲꦴꦥꦕ꧀ꦕꦪꦴꦥꦶ ꦈꦥꦴꦢꦴꦤꦁ, ꦈꦥꦴꦢꦴꦤꦥꦕ꧀ꦕꦪꦴꦥꦶ ꦠꦟ꧀ꦲꦴꦠꦶ.

ꦄꦚ꧀ꦚꦩꦚ꧀ꦚꦥꦕ꧀ꦕꦪꦏꦡꦴ ꦤꦶꦛ꧀ꦜꦶꦠꦴ.