꧑꧔. ꦕꦸꦢ꧀ꦢꦱꦩꦮꦒ꧀ꦒꦺꦴ

(꧑꧓꧖) ꧑. ꦏꦸꦱꦭꦴꦏꦸꦱꦭꦥꦛꦶꦱꦤ꧀ꦢꦲꦤꦏꦡꦴ

꧖꧘꧖. ꦄꦏꦸꦱꦭꦩꦹꦭꦁ ꦥꦛꦶꦱꦤ꧀ꦢꦲꦠꦶ ꦏꦸꦱꦭꦩꦹꦭꦤ꧀ꦠꦶ? ꦄꦴꦩꦤ꧀ꦠꦴ. ꦪꦴ ꦄꦏꦸꦱꦭꦱ꧀ꦱ ꦈꦥ꧀ꦥꦴꦢꦴꦪ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦱꦴꦮ ꦏꦸꦱꦭꦱ꧀ꦱ ꦈꦥ꧀ꦥꦴꦢꦴꦪ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦏꦸꦱꦭꦩꦹꦭꦁ ꦥꦛꦶꦱꦤ꧀ꦢꦲꦠꦶ ꦏꦸꦱꦭꦩꦹꦭꦁ, ꦤ ꦮꦠ꧀ꦠꦧ꧀ꦧꦁ – ‘‘ꦪꦴ ꦄꦏꦸꦱꦭꦱ꧀ꦱ ꦈꦥ꧀ꦥꦴꦢꦴꦪ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦱꦴꦮ ꦏꦸꦱꦭꦱ꧀ꦱ ꦈꦥ꧀ꦥꦴꦢꦴꦪ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷ’’ꦠꦶ? ꦄꦴꦩꦤ꧀ꦠꦴ. ꦏꦸꦱꦭꦁ ꦄꦤꦴꦮꦛ꧀ꦛꦺꦤ꧀ꦠꦱ꧀ꦱ [ꦄꦤꦴꦮꦛ꧀ꦛꦤ꧀ꦠꦱ꧀ꦱ (ꦱꦷ. ꦥꦷ. ꦏ.), ꦄꦤꦴꦮꦗ꧀ꦗꦤ꧀ꦠꦱ꧀ꦱ (ꦱ꧀ꦪꦴ. ꦏꦁ.)] ꦈꦥ꧀ꦥꦗ꧀ꦗꦠꦶ …ꦥꦺ… ꦄꦥ꧀ꦥꦟꦶꦢꦲꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦤꦤꦸ ꦏꦸꦱꦭꦁ ꦄꦴꦮꦛ꧀ꦛꦺꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦶ…ꦥꦺ… ꦥꦟꦶꦢꦲꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦏꦸꦱꦭꦁ ꦄꦴꦮꦛ꧀ꦛꦺꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦶ…ꦥꦺ… ꦥꦟꦶꦢꦲꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦶ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦄꦏꦸꦱꦭꦩꦹꦭꦁ ꦥꦛꦶꦱꦤ꧀ꦢꦲꦠꦶ ꦏꦸꦱꦭꦩꦹꦭ’’ꦤ꧀ꦠꦶ.

꧖꧘꧗. ꦄꦏꦸꦱꦭꦩꦹꦭꦁ ꦥꦛꦶꦱꦤ꧀ꦢꦲꦠꦶ ꦏꦸꦱꦭꦩꦹꦭꦤ꧀ꦠꦶ? ꦄꦴꦩꦤ꧀ꦠꦴ. ꦄꦏꦸꦱꦭꦩꦹꦭꦁ ꦄꦪꦺꦴꦤꦶꦱꦺꦴ ꦩꦤꦱꦶꦏꦫꦺꦴꦠꦺꦴ ꦈꦥ꧀ꦥꦗ꧀ꦗꦠꦷꦠꦶ? ꦄꦴꦩꦤ꧀ꦠꦴ. ꦏꦸꦱꦭꦁ ꦄꦪꦺꦴꦤꦶꦱꦺꦴ ꦩꦤꦱꦶꦏꦫꦺꦴꦠꦺꦴ ꦈꦥ꧀ꦥꦗ꧀ꦗꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦤꦤꦸ ꦏꦸꦱꦭꦁ ꦪꦺꦴꦤꦶꦱꦺꦴ ꦩꦤꦱꦶꦏꦫꦺꦴꦠꦺꦴ ꦈꦥ꧀ꦥꦗ꧀ꦗꦠꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦏꦸꦱꦭꦁ ꦪꦺꦴꦤꦶꦱꦺꦴ ꦩꦤꦱꦶꦏꦫꦺꦴꦠꦺꦴ ꦈꦥ꧀ꦥꦗ꧀ꦗꦠꦶ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦄꦏꦸꦱꦭꦩꦹꦭꦁ ꦥꦛꦶꦱꦤ꧀ꦢꦲꦠꦶ ꦏꦸꦱꦭꦩꦹꦭ’’ꦤ꧀ꦠꦶ.

ꦄꦏꦸꦱꦭꦩꦹꦭꦁ ꦥꦛꦶꦱꦤ꧀ꦢꦲꦠꦶ ꦏꦸꦱꦭꦩꦹꦭꦤ꧀ꦠꦶ? ꦄꦴꦩꦤ꧀ꦠꦴ. ꦏꦴꦩꦱꦚ꧀ꦚꦴꦪ ꦄꦤꦤ꧀ꦠꦫꦴ ꦤꦺꦏ꧀ꦑꦩ꧀ꦩꦱꦚ꧀ꦚꦴ ꦈꦥ꧀ꦥꦗ꧀ꦗꦠꦶ, ꦧ꧀ꦪꦴꦥꦴꦢꦱꦚ꧀ꦚꦴꦪ ꦄꦤꦤ꧀ꦠꦫꦴ ꦄꦧ꧀ꦪꦴꦥꦴꦢꦱꦚ꧀ꦚꦴ ꦈꦥ꧀ꦥꦗ꧀ꦗꦠꦶ, ꦮꦶꦲꦶꦁꦱꦴꦱꦚ꧀ꦚꦴꦪ ꦄꦤꦤ꧀ꦠꦫꦴ ꦄꦮꦶꦲꦶꦁꦱꦴꦱꦚ꧀ꦚꦴ ꦈꦥ꧀ꦥꦗ꧀ꦗꦠꦶ, ꦧ꧀ꦪꦴꦥꦴꦢꦱ꧀ꦱ ꦄꦤꦤ꧀ꦠꦫꦴ ꦩꦺꦠ꧀ꦠꦴ ꦈꦥ꧀ꦥꦗ꧀ꦗꦠꦶ, ꦮꦶꦲꦶꦁꦱꦴꦪ ꦄꦤꦤ꧀ꦠꦫꦴ ꦏꦫꦸꦟꦴ ꦈꦥ꧀ꦥꦗ꧀ꦗꦠꦶ, ꦄꦫꦠꦶꦪꦴ ꦄꦤꦤ꧀ꦠꦫꦴ ꦩꦸꦢꦶꦠꦴ ꦈꦥ꧀ꦥꦗ꧀ꦗꦠꦶ, ꦥꦛꦶꦓꦱ꧀ꦱ ꦄꦤꦤ꧀ꦠꦫꦴ ꦈꦥꦺꦏ꧀ꦑꦴ ꦈꦥ꧀ꦥꦗ꧀ꦗꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧖꧘꧘. ꦏꦸꦱꦭꦩꦹꦭꦁ ꦥꦛꦶꦱꦤ꧀ꦢꦲꦠꦶ ꦄꦏꦸꦱꦭꦩꦹꦭꦤ꧀ꦠꦶ? ꦄꦴꦩꦤ꧀ꦠꦴ. ꦪꦴ ꦏꦸꦱꦭꦱ꧀ꦱ ꦈꦥ꧀ꦥꦴꦢꦴꦪ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦱꦴꦮ ꦄꦏꦸꦱꦭꦱ꧀ꦱ ꦈꦥ꧀ꦥꦴꦢꦴꦪ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦏꦸꦱꦭꦩꦹꦭꦁ ꦥꦛꦶꦱꦤ꧀ꦢꦲꦠꦶ ꦄꦏꦸꦱꦭꦩꦹꦭꦁ, ꦤ ꦮꦠ꧀ꦠꦧ꧀ꦧꦁ – ‘‘ꦪꦴ ꦏꦸꦱꦭꦱ꧀ꦱ ꦈꦥ꧀ꦥꦴꦢꦴꦪ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦱꦴꦮ ꦄꦏꦸꦱꦭꦱ꧀ꦱ ꦈꦥ꧀ꦥꦴꦢꦴꦪ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷ’’ꦠꦶ? ꦄꦴꦩꦤ꧀ꦠꦴ. ꦄꦏꦸꦱꦭꦁ ꦄꦤꦴꦮꦛ꧀ꦛꦺꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦶ…ꦥꦺ… ꦄꦥ꧀ꦥꦟꦶꦢꦲꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦤꦤꦸ ꦄꦏꦸꦱꦭꦁ ꦄꦴꦮꦛ꧀ꦛꦺꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦶ…ꦥꦺ… ꦥꦟꦶꦢꦲꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦄꦏꦸꦱꦭꦁ ꦄꦴꦮꦛ꧀ꦛꦺꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦶ…ꦥꦺ… ꦥꦟꦶꦢꦲꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦶ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦏꦸꦱꦭꦩꦹꦭꦁ ꦥꦛꦶꦱꦤ꧀ꦢꦲꦠꦶ ꦄꦏꦸꦱꦭꦩꦹꦭ’’ꦤ꧀ꦠꦶ.

꧖꧘꧙. ꦏꦸꦱꦭꦩꦹꦭꦁ ꦥꦛꦶꦱꦤ꧀ꦢꦲꦠꦶ ꦄꦏꦸꦱꦭꦩꦹꦭꦤ꧀ꦠꦶ? ꦄꦴꦩꦤ꧀ꦠꦴ. ꦏꦸꦱꦭꦁ ꦪꦺꦴꦤꦶꦱꦺꦴ ꦩꦤꦱꦶꦏꦫꦺꦴꦠꦺꦴ ꦈꦥ꧀ꦥꦗ꧀ꦗꦠꦷꦠꦶ? ꦄꦴꦩꦤ꧀ꦠꦴ. ꦄꦏꦸꦱꦭꦁ ꦪꦺꦴꦤꦶꦱꦺꦴ ꦩꦤꦱꦶꦏꦫꦺꦴꦠꦺꦴ ꦈꦥ꧀ꦥꦗ꧀ꦗꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦤꦤꦸ ꦄꦏꦸꦱꦭꦁ ꦄꦪꦺꦴꦤꦶꦱꦺꦴ ꦩꦤꦱꦶꦏꦫꦺꦴꦠꦺꦴ ꦈꦥ꧀ꦥꦗ꧀ꦗꦠꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦄꦏꦸꦱꦭꦁ ꦄꦪꦺꦴꦤꦶꦱꦺꦴ ꦩꦤꦱꦶꦏꦫꦺꦴꦠꦺꦴ ꦈꦥ꧀ꦥꦗ꧀ꦗꦠꦶ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦏꦸꦱꦭꦩꦹꦭꦁ ꦥꦛꦶꦱꦤ꧀ꦢꦲꦠꦶ ꦄꦏꦸꦱꦭꦩꦹꦭ’’ꦤ꧀ꦠꦶ.

ꦏꦸꦱꦭꦩꦹꦭꦁ ꦥꦛꦶꦱꦤ꧀ꦢꦲꦠꦶ ꦄꦏꦸꦱꦭꦩꦹꦭꦤ꧀ꦠꦶ? ꦄꦴꦩꦤ꧀ꦠꦴ. ꦤꦺꦏ꧀ꦑꦩ꧀ꦩꦱꦚ꧀ꦚꦴꦪ ꦄꦤꦤ꧀ꦠꦫꦴ ꦏꦴꦩꦱꦚ꧀ꦚꦴ ꦈꦥ꧀ꦥꦗ꧀ꦗꦠꦶ, ꦄꦧ꧀ꦪꦴꦥꦴꦢꦱꦚ꧀ꦚꦴꦪ ꦄꦤꦤ꧀ꦠꦫꦴ ꦧ꧀ꦪꦴꦥꦴꦢꦱꦚ꧀ꦚꦴ ꦈꦥ꧀ꦥꦗ꧀ꦗꦠꦶ, ꦄꦮꦶꦲꦶꦁꦱꦴꦱꦚ꧀ꦚꦴꦪ ꦄꦤꦤ꧀ꦠꦫꦴ ꦮꦶꦲꦶꦁꦱꦴꦱꦚ꧀ꦚꦴ ꦈꦥ꧀ꦥꦗ꧀ꦗꦠꦶ, ꦩꦺꦠ꧀ꦠꦴꦪ ꦄꦤꦤ꧀ꦠꦫꦴ ꦧ꧀ꦪꦴꦥꦴꦢꦺꦴ ꦈꦥ꧀ꦥꦗ꧀ꦗꦠꦶ, ꦏꦫꦸꦟꦴꦪ ꦄꦤꦤ꧀ꦠꦫꦴ ꦮꦶꦲꦶꦁꦱꦴ ꦈꦥ꧀ꦥꦗ꧀ꦗꦠꦶ, ꦩꦸꦢꦶꦠꦴꦪ ꦄꦤꦤ꧀ꦠꦫꦴ ꦄꦫꦠꦶ ꦈꦥ꧀ꦥꦗ꧀ꦗꦠꦶ, ꦈꦥꦺꦏ꧀ꦑꦴꦪ ꦄꦤꦤ꧀ꦠꦫꦴ ꦥꦛꦶꦓꦁ ꦈꦥ꧀ꦥꦗ꧀ꦗꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧖꧙꧐. ꦤ ꦮꦠ꧀ꦠꦧ꧀ꦧꦁ – ‘‘ꦄꦏꦸꦱꦭꦩꦹꦭꦁ ꦥꦛꦶꦱꦤ꧀ꦢꦲꦠꦶ ꦏꦸꦱꦭꦩꦹꦭꦁ, ꦏꦸꦱꦭꦩꦹꦭꦁ ꦥꦛꦶꦱꦤ꧀ꦢꦲꦠꦶ ꦄꦏꦸꦱꦭꦩꦹꦭ’’ꦤ꧀ꦠꦶ? ꦄꦴꦩꦤ꧀ꦠꦴ. ꦤꦤꦸ ꦪꦱ꧀ꦩꦶꦁꦪꦺꦮ ꦮꦠ꧀ꦡꦸꦱ꧀ꦩꦶꦁ ꦫꦗ꧀ꦗꦠꦶ ꦠꦱ꧀ꦩꦶꦚ꧀ꦚꦺꦮ ꦮꦠ꧀ꦡꦸꦱ꧀ꦩꦶꦁ ꦮꦶꦫꦗ꧀ꦗꦠꦶ, ꦪꦱ꧀ꦩꦶꦁꦪꦺꦮ ꦮꦠ꧀ꦡꦸꦱ꧀ꦩꦶꦁ ꦮꦶꦫꦗ꧀ꦗꦠꦶ ꦠꦱ꧀ꦩꦶꦚ꧀ꦚꦺꦮ ꦮꦠ꧀ꦡꦸꦱ꧀ꦩꦶꦁ ꦫꦗ꧀ꦗꦠꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦪꦱ꧀ꦩꦶꦚ꧀ꦚꦺꦮ ꦮꦠ꧀ꦡꦸꦱ꧀ꦩꦶꦁ ꦫꦗ꧀ꦗꦠꦶ ꦠꦱ꧀ꦩꦶꦚ꧀ꦚꦺꦮ ꦮꦠ꧀ꦡꦸꦱ꧀ꦩꦶꦁ ꦮꦶꦫꦗ꧀ꦗꦠꦶ, ꦪꦱ꧀ꦩꦶꦚ꧀ꦚꦺꦮ ꦮꦠ꧀ꦡꦸꦱ꧀ꦩꦶꦁ ꦮꦶꦫꦗ꧀ꦗꦠꦶ ꦠꦱ꧀ꦩꦶꦚ꧀ꦚꦺꦮ ꦮꦠ꧀ꦡꦸꦱ꧀ꦩꦶꦁ ꦫꦗ꧀ꦗꦠꦶ, ꦠꦺꦤ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦄꦏꦸꦱꦭꦩꦹꦭꦁ ꦥꦛꦶꦱꦤ꧀ꦢꦲꦠꦶ ꦏꦸꦱꦭꦩꦹꦭꦁ, ꦏꦸꦱꦭꦩꦹꦭꦁ ꦥꦛꦶꦱꦤ꧀ꦢꦲꦠꦶ ꦄꦏꦸꦱꦭꦩꦹꦭ’’ꦤ꧀ꦠꦶ.

ꦏꦸꦱꦭꦴꦏꦸꦱꦭꦥꦛꦶꦱꦤ꧀ꦢꦲꦤꦏꦡꦴ ꦤꦶꦛ꧀ꦜꦶꦠꦴ.

꧑꧔. ꦕꦸꦢ꧀ꦢꦱꦩꦮꦒ꧀ꦒꦺꦴ

(꧑꧓꧗) ꧒. ꦱꦭ꦳ꦴꦪꦠꦤꦸꦥ꧀ꦥꦠ꧀ꦠꦶꦏꦡꦴ

꧖꧙꧑. ꦱꦭ꦳ꦴꦪꦠꦤꦁ ꦄꦥꦸꦧ꧀ꦧꦁ ꦄꦕꦫꦶꦩꦁ ꦩꦴꦠꦸꦏꦸꦕ꧀ꦖꦶꦱ꧀ꦩꦶꦁ ꦱꦟ꧀ꦜꦴꦠꦷꦠꦶ? ꦄꦴꦩꦤ꧀ꦠꦴ. ꦱꦧ꧀ꦧꦔ꧀ꦒꦥꦕ꧀ꦕꦔ꧀ꦒꦷ ꦄꦲꦷꦤꦶꦤ꧀ꦢ꧀ꦫꦶꦪꦺꦴ ꦩꦴꦠꦸꦏꦸꦕ꧀ꦖꦶꦱ꧀ꦩꦶꦁ ꦎꦏ꧀ꦏꦩꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦈꦥꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦕꦏ꧀ꦑꦴꦪꦠꦤꦁ ꦱꦟ꧀ꦜꦴꦠꦷꦠꦶ? ꦄꦴꦩꦤ꧀ꦠꦴ. ꦈꦥꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦲꦠ꧀ꦡꦴ ꦱꦟ꧀ꦜꦤ꧀ꦠꦶ, ꦥꦴꦢꦴ ꦱꦟ꧀ꦜꦤ꧀ꦠꦶ, ꦱꦷꦱꦁ ꦱꦟ꧀ꦜꦴꦠꦶ, ꦏꦟ꧀ꦟꦺꦴ ꦱꦟ꧀ꦜꦴꦠꦶ, ꦤꦴꦱꦶꦏꦴ ꦱꦟ꧀ꦜꦴꦠꦶ, ꦩꦸꦑꦁ ꦱꦟ꧀ꦜꦴꦠꦶ, ꦢꦤ꧀ꦠꦴ ꦱꦟ꧀ꦜꦤ꧀ꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦈꦥꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦱꦺꦴꦠꦴꦪꦠꦤꦁ…ꦥꦺ… ꦓꦴꦤꦴꦪꦠꦤꦁ…ꦥꦺ… ꦗꦶꦮ꧀ꦲꦴꦪꦠꦤꦁ ꦱꦟ꧀ꦜꦴꦠꦷꦠꦶ? ꦄꦴꦩꦤ꧀ꦠꦴ. ꦈꦥꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦲꦠ꧀ꦡꦴ ꦱꦟ꧀ꦜꦤ꧀ꦠꦶ, ꦥꦴꦢꦴ ꦱꦟ꧀ꦜꦤ꧀ꦠꦶ, ꦱꦷꦱꦁ ꦱꦟ꧀ꦜꦴꦠꦶ, ꦏꦟ꧀ꦟꦺꦴ ꦱꦟ꧀ꦜꦴꦠꦶ, ꦤꦴꦱꦶꦏꦴ ꦱꦟ꧀ꦜꦴꦠꦶ, ꦩꦸꦑꦁ ꦱꦟ꧀ꦜꦴꦠꦶ, ꦢꦤ꧀ꦠꦴ ꦱꦟ꧀ꦜꦤ꧀ꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧖꧙꧒. ꦩꦴꦠꦸꦏꦸꦕ꧀ꦖꦶꦒꦠꦱ꧀ꦱ ꦥꦕ꧀ꦖꦴ ꦕꦏ꧀ꦑꦴꦪꦠꦤꦁ ꦈꦥ꧀ꦥꦗ꧀ꦗꦠꦷꦠꦶ? ꦄꦴꦩꦤ꧀ꦠꦴ. ꦩꦴꦠꦸꦏꦸꦕ꧀ꦖꦶꦱ꧀ꦩꦶꦁ ꦕꦏ꧀ꦑꦸꦥꦛꦶꦭꦴꦨꦴꦪ ꦏꦩ꧀ꦩꦁ ꦏꦫꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦩꦴꦠꦸꦏꦸꦕ꧀ꦖꦶꦒꦠꦱ꧀ꦱ ꦥꦕ꧀ꦖꦴ ꦱꦺꦴꦠꦴꦪꦠꦤꦁ…ꦥꦺ… ꦓꦴꦤꦴꦪꦠꦤꦁ…ꦥꦺ… ꦗꦶꦮ꧀ꦲꦴꦪꦠꦤꦁ ꦈꦥ꧀ꦥꦗ꧀ꦗꦠꦷꦠꦶ? ꦄꦴꦩꦤ꧀ꦠꦴ. ꦩꦴꦠꦸꦏꦸꦕ꧀ꦖꦶꦱ꧀ꦩꦶꦁ ꦗꦶꦮ꧀ꦲꦴꦥꦛꦶꦭꦴꦨꦴꦪ ꦏꦩ꧀ꦩꦁ ꦏꦫꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦩꦴꦠꦸꦏꦸꦕ꧀ꦖꦶꦒꦠꦱ꧀ꦱ ꦥꦕ꧀ꦖꦴ ꦏꦺꦱꦴ ꦭꦺꦴꦩꦴ ꦤꦑꦴ ꦢꦤ꧀ꦠꦴ ꦄꦛ꧀ꦜꦷ ꦈꦥ꧀ꦥꦗ꧀ꦗꦤ꧀ꦠꦷꦠꦶ? ꦄꦴꦩꦤ꧀ꦠꦴ. ꦩꦴꦠꦸꦏꦸꦕ꧀ꦖꦶꦱ꧀ꦩꦶꦁ ꦄꦛ꧀ꦜꦶꦥꦛꦶꦭꦴꦨꦴꦪ ꦏꦩ꧀ꦩꦁ ꦏꦫꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦤ ꦮꦠ꧀ꦠꦧ꧀ꦧꦁ – ‘‘ꦩꦴꦠꦸꦏꦸꦕ꧀ꦖꦶꦒꦠꦱ꧀ꦱ ꦥꦕ꧀ꦖꦴ ꦏꦺꦱꦴ ꦭꦺꦴꦩꦴ ꦤꦑꦴ ꦢꦤ꧀ꦠꦴ ꦄꦛ꧀ꦜꦷ ꦈꦥ꧀ꦥꦗ꧀ꦗꦤ꧀ꦠꦷ’’ꦠꦶ? ꦄꦴꦩꦤ꧀ꦠꦴ. ꦤꦤꦸ ꦮꦸꦠ꧀ꦠꦁ ꦨꦒꦮꦠꦴ –

‘‘ꦥꦜꦩꦁ ꦏꦭꦭꦁ ꦲꦺꦴꦠꦶ, ꦏꦭꦭꦴ ꦲꦺꦴꦠꦶ ꦄꦧ꧀ꦧꦸꦢꦁ;

ꦄꦧ꧀ꦧꦸꦢꦴ ꦗꦴꦪꦠꦺ ꦥꦺꦱꦶ [ꦥꦺꦱꦷ (ꦱ꧀ꦪꦴ. ꦏꦁ. ꦥꦷ.)], ꦥꦺꦱꦶ ꦤꦶꦧ꧀ꦧꦠ꧀ꦠꦠꦺ [ꦤꦶꦧ꧀ꦧꦠ꧀ꦠꦠꦷ (ꦱꦷ. ꦱ꧀ꦪꦴ., ꦱꦁ. ꦤꦶ. ꧑.꧒꧓꧕), ꦤꦶꦧ꧀ꦧꦠ꧀ꦠꦠꦶ (ꦥꦷ. ꦏ.)] ꦓꦤꦺꦴ;

ꦓꦤꦴ ꦥꦱꦴꦑꦴ ꦗꦴꦪꦤ꧀ꦠꦶ, ꦏꦺꦱꦴ ꦭꦺꦴꦩꦴ ꦤꦑꦴꦥꦶ ꦕ.

‘‘ꦪꦚ꧀ꦕꦱ꧀ꦱ ꦨꦸꦚ꧀ꦗꦠꦶ ꦩꦴꦠꦴ, ꦄꦤ꧀ꦤꦁ ꦥꦴꦤꦚ꧀ꦕ ꦨꦺꦴꦗꦤꦁ;

ꦠꦺꦤ ꦱꦺꦴ ꦠꦠ꧀ꦡ ꦪꦴꦥꦺꦠꦶ, ꦩꦴꦠꦸꦏꦸꦕ꧀ꦖꦶꦒꦠꦺꦴ ꦤꦫꦺꦴ’’ꦠꦶ [ꦱꦁ. ꦤꦶ. ꧑.꧒꧓꧕].

ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ? ꦄꦴꦩꦤ꧀ꦠꦴ. ꦠꦺꦤ ꦲꦶ ꦩꦴꦠꦸꦏꦸꦕ꧀ꦖꦶꦒꦠꦱ꧀ꦱ ꦥꦕ꧀ꦖꦴ ꦏꦺꦱꦴ ꦭꦺꦴꦩꦴ ꦤꦑꦴ ꦢꦤ꧀ꦠꦴ ꦄꦛ꧀ꦜꦷ ꦈꦥ꧀ꦥꦗ꧀ꦗꦤ꧀ꦠꦷꦠꦶ.

ꦱꦭ꦳ꦴꦪꦠꦤꦸꦥ꧀ꦥꦠ꧀ꦠꦶꦏꦡꦴ ꦤꦶꦛ꧀ꦜꦶꦠꦴ.

꧑꧔. ꦕꦸꦢ꧀ꦢꦱꦩꦮꦒ꧀ꦒꦺꦴ

(꧑꧓꧘) ꧓. ꦄꦤꦤ꧀ꦠꦫꦥꦕ꧀ꦕꦪꦏꦡꦴ

꧖꧙꧓. ꦕꦏ꧀ꦑꦸꦮꦶꦚ꧀ꦚꦴꦟꦱ꧀ꦱ ꦄꦤꦤ꧀ꦠꦫꦴ ꦱꦺꦴꦠꦮꦶꦚ꧀ꦚꦴꦟꦁ ꦈꦥ꧀ꦥꦗ꧀ꦗꦠꦷꦠꦶ? ꦄꦴꦩꦤ꧀ꦠꦴ. ꦪꦴ ꦕꦏ꧀ꦑꦸꦮꦶꦚ꧀ꦚꦴꦟꦱ꧀ꦱ ꦈꦥ꧀ꦥꦴꦢꦴꦪ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦱꦴꦮ ꦱꦺꦴꦠꦮꦶꦚ꧀ꦚꦴꦟꦱ꧀ꦱ ꦈꦥ꧀ꦥꦴꦢꦴꦪ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦕꦏ꧀ꦑꦸꦮꦶꦚ꧀ꦚꦴꦟꦱ꧀ꦱ ꦄꦤꦤ꧀ꦠꦫꦴ ꦱꦺꦴꦠꦮꦶꦚ꧀ꦚꦴꦟꦁ ꦈꦥ꧀ꦥꦗ꧀ꦗꦠꦶ, ꦤ ꦮꦠ꧀ꦠꦧ꧀ꦧꦁ – ‘‘ꦪꦴ ꦕꦏ꧀ꦑꦸꦮꦶꦚ꧀ꦚꦴꦟꦱ꧀ꦱ ꦈꦥ꧀ꦥꦴꦢꦴꦪ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦱꦴꦮ ꦱꦺꦴꦠꦮꦶꦚ꧀ꦚꦴꦟꦱ꧀ꦱ ꦈꦥ꧀ꦥꦴꦢꦴꦪ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦱꦺꦴꦠꦮꦶꦚ꧀ꦚꦴꦟꦁ ꦄꦤꦴꦮꦛ꧀ꦛꦺꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦶ…ꦥꦺ… ꦄꦥ꧀ꦥꦟꦶꦢꦲꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ…. ꦤꦤꦸ ꦱꦺꦴꦠꦮꦶꦚ꧀ꦚꦴꦟꦁ ꦄꦴꦮꦛ꧀ꦛꦺꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦶ…ꦥꦺ… ꦥꦟꦶꦢꦲꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦷꦠꦶ, ꦄꦴꦩꦤ꧀ꦠꦴ. ꦲꦚ꧀ꦕꦶ ꦱꦺꦴꦠꦮꦶꦚ꧀ꦚꦴꦟꦁ ꦄꦴꦮꦛ꧀ꦛꦺꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦶ…ꦥꦺ… ꦥꦟꦶꦢꦲꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦶ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦕꦏ꧀ꦑꦸꦮꦶꦚ꧀ꦚꦴꦟꦱ꧀ꦱ ꦄꦤꦤ꧀ꦠꦫꦴ ꦱꦺꦴꦠꦮꦶꦚ꧀ꦚꦴꦟꦁ ꦈꦥ꧀ꦥꦗ꧀ꦗꦠꦷ’’ꦠꦶ.

꧖꧙꧔. ꦕꦏ꧀ꦑꦸꦮꦶꦚ꧀ꦚꦴꦟꦱ꧀ꦱ ꦄꦤꦤ꧀ꦠꦫꦴ ꦱꦺꦴꦠꦮꦶꦚ꧀ꦚꦴꦟꦁ ꦈꦥ꧀ꦥꦗ꧀ꦗꦠꦷꦠꦶ? ꦄꦴꦩꦤ꧀ꦠꦴ. ꦕꦏ꧀ꦑꦸꦮꦶꦚ꧀ꦚꦴꦟꦁ ꦫꦹꦥꦤꦶꦩꦶꦠ꧀ꦠꦁ ꦩꦤꦱꦶꦏꦫꦺꦴꦠꦺꦴ ꦈꦥ꧀ꦥꦗ꧀ꦗꦠꦷꦠꦶ? ꦄꦴꦩꦤ꧀ꦠꦴ. ꦱꦺꦴꦠꦮꦶꦚ꧀ꦚꦴꦟꦁ ꦫꦹꦥꦤꦶꦩꦶꦠ꧀ꦠꦁ ꦩꦤꦱꦶꦏꦫꦺꦴꦠꦺꦴ ꦈꦥ꧀ꦥꦗ꧀ꦗꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦕꦏ꧀ꦑꦸꦮꦶꦚ꧀ꦚꦴꦟꦁ ꦫꦹꦥꦴꦫꦩ꧀ꦩꦟꦚ꧀ꦚꦺꦮ ꦤ ꦄꦚ꧀ꦚꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦱꦺꦴꦠꦮꦶꦚ꧀ꦚꦴꦟꦁ ꦫꦹꦥꦴꦫꦩ꧀ꦩꦟꦚ꧀ꦚꦺꦮ ꦤ ꦄꦚ꧀ꦚꦴꦫꦩ꧀ꦩꦟꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦕꦏ꧀ꦑꦸꦚ꧀ꦕ ꦥꦛꦶꦕ꧀ꦕ ꦫꦹꦥꦺ ꦕ ꦈꦥ꧀ꦥꦗ꧀ꦗꦠꦶ ꦕꦏ꧀ꦑꦸꦮꦶꦚ꧀ꦚꦴꦟꦤ꧀ꦠꦶ? ꦄꦴꦩꦤ꧀ꦠꦴ. ꦕꦏ꧀ꦑꦸꦚ꧀ꦕ ꦥꦛꦶꦕ꧀ꦕ ꦫꦹꦥꦺ ꦕ ꦈꦥ꧀ꦥꦗ꧀ꦗꦠꦶ ꦱꦺꦴꦠꦮꦶꦚ꧀ꦚꦴꦟꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦕꦏ꧀ꦑꦸꦚ꧀ꦕ ꦥꦛꦶꦕ꧀ꦕ ꦫꦹꦥꦺ ꦕ ꦈꦥ꧀ꦥꦗ꧀ꦗꦠꦶ ꦱꦺꦴꦠꦮꦶꦚ꧀ꦚꦴꦟꦤ꧀ꦠꦶ? ꦄꦴꦩꦤ꧀ꦠꦴ. ‘‘ꦕꦏ꧀ꦑꦸꦚ꧀ꦕ ꦥꦛꦶꦕ꧀ꦕ ꦫꦹꦥꦺ ꦕ ꦈꦥ꧀ꦥꦗ꧀ꦗꦠꦶ ꦱꦺꦴꦠꦮꦶꦚ꧀ꦚꦴꦟ’’ꦤ꧀ꦠꦶ – ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ? ꦤꦠ꧀ꦡꦶ. ‘‘ꦕꦏ꧀ꦑꦸꦚ꧀ꦕ ꦥꦛꦶꦕ꧀ꦕ ꦫꦹꦥꦺ ꦕ ꦈꦥ꧀ꦥꦗ꧀ꦗꦠꦶ ꦕꦏ꧀ꦑꦸꦮꦶꦚ꧀ꦚꦴꦟ’’ꦤ꧀ꦠꦶ – ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ‘‘ꦕꦏ꧀ꦑꦸꦚ꧀ꦕ ꦥꦛꦶꦕ꧀ꦕ ꦫꦹꦥꦺ ꦕ ꦈꦥ꧀ꦥꦗ꧀ꦗꦠꦶ ꦕꦏ꧀ꦑꦸꦮꦶꦚ꧀ꦚꦴꦟ’’ꦤ꧀ꦠꦶ – ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦕꦏ꧀ꦑꦸꦚ꧀ꦕ ꦥꦛꦶꦕ꧀ꦕ ꦫꦹꦥꦺ ꦕ ꦈꦥ꧀ꦥꦗ꧀ꦗꦠꦶ ꦱꦺꦴꦠꦮꦶꦚ꧀ꦚꦴꦟ’’ꦤ꧀ꦠꦶ.

ꦕꦏ꧀ꦑꦸꦮꦶꦚ꧀ꦚꦴꦟꦱ꧀ꦱ ꦄꦤꦤ꧀ꦠꦫꦴ ꦱꦺꦴꦠꦮꦶꦚ꧀ꦚꦴꦟꦁ ꦈꦥ꧀ꦥꦗ꧀ꦗꦠꦷꦠꦶ? ꦄꦴꦩꦤ꧀ꦠꦴ. ꦠꦚ꧀ꦚꦺꦮ ꦕꦏ꧀ꦑꦸꦮꦶꦚ꧀ꦚꦴꦟꦁ ꦠꦁ ꦱꦺꦴꦠꦮꦶꦚ꧀ꦚꦴꦟꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧖꧙꧕. ꦱꦺꦴꦠꦮꦶꦚ꧀ꦚꦴꦟꦱ꧀ꦱ ꦄꦤꦤ꧀ꦠꦫꦴ ꦓꦴꦤꦮꦶꦚ꧀ꦚꦴꦟꦁ ꦈꦥ꧀ꦥꦗ꧀ꦗꦠꦶ…ꦥꦺ… ꦓꦴꦤꦮꦶꦚ꧀ꦚꦴꦟꦱ꧀ꦱ ꦄꦤꦤ꧀ꦠꦫꦴ ꦗꦶꦮ꧀ꦲꦴꦮꦶꦚ꧀ꦚꦴꦟꦁ ꦈꦥ꧀ꦥꦗ꧀ꦗꦠꦶ…ꦥꦺ… ꦗꦶꦮ꧀ꦲꦴꦮꦶꦚ꧀ꦚꦴꦟꦱ꧀ꦱ ꦄꦤꦤ꧀ꦠꦫꦴ ꦏꦴꦪꦮꦶꦚ꧀ꦚꦴꦟꦁ ꦈꦥ꧀ꦥꦗ꧀ꦗꦠꦷꦠꦶ? ꦄꦴꦩꦤ꧀ꦠꦴ. ꦪꦴ ꦗꦶꦮ꧀ꦲꦴꦮꦶꦚ꧀ꦚꦴꦟꦱ꧀ꦱ ꦈꦥ꧀ꦥꦴꦢꦴꦪ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦱꦴꦮ ꦏꦴꦪꦮꦶꦚ꧀ꦚꦴꦟꦱ꧀ꦱ ꦈꦥ꧀ꦥꦴꦢꦴꦪ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦗꦶꦮ꧀ꦲꦴꦮꦶꦚ꧀ꦚꦴꦟꦱ꧀ꦱ ꦄꦤꦤ꧀ꦠꦫꦴ ꦏꦴꦪꦮꦶꦚ꧀ꦚꦴꦟꦁ ꦈꦥ꧀ꦥꦗ꧀ꦗꦠꦶ, ꦤ ꦮꦠ꧀ꦠꦧ꧀ꦧꦁ – ‘‘ꦪꦴ ꦗꦶꦮ꧀ꦲꦴꦮꦶꦚ꧀ꦚꦴꦟꦱ꧀ꦱ ꦈꦥ꧀ꦥꦴꦢꦴꦪ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦱꦴꦮ ꦏꦴꦪꦮꦶꦚ꧀ꦚꦴꦟꦱ꧀ꦱ ꦈꦥ꧀ꦥꦴꦢꦴꦪ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷ’’ꦠꦶ? ꦄꦴꦩꦤ꧀ꦠꦴ. ꦏꦴꦪꦮꦶꦚ꧀ꦚꦴꦟꦁ ꦄꦤꦴꦮꦛ꧀ꦛꦺꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦶ…ꦥꦺ… ꦄꦥ꧀ꦥꦟꦶꦢꦲꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦤꦤꦸ ꦏꦴꦪꦮꦶꦚ꧀ꦚꦴꦟꦁ ꦄꦴꦮꦛ꧀ꦛꦺꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦶ…ꦥꦺ… ꦥꦟꦶꦢꦲꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦏꦴꦪꦮꦶꦚ꧀ꦚꦴꦟꦁ ꦄꦴꦮꦛ꧀ꦛꦺꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦶ…ꦥꦺ… ꦥꦟꦶꦢꦲꦤ꧀ꦠꦱ꧀ꦱ ꦈꦥ꧀ꦥꦗ꧀ꦗꦠꦶ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦗꦶꦮ꧀ꦲꦴꦮꦶꦚ꧀ꦚꦴꦟꦱ꧀ꦱ ꦄꦤꦤ꧀ꦠꦫꦴ ꦏꦴꦪꦮꦶꦚ꧀ꦚꦴꦟꦁ ꦈꦥ꧀ꦥꦗ꧀ꦗꦠꦷ’’ꦠꦶ.

꧖꧙꧖. ꦗꦶꦮ꧀ꦲꦴꦮꦶꦚ꧀ꦚꦴꦟꦱ꧀ꦱ ꦄꦤꦤ꧀ꦠꦫꦴ ꦏꦴꦪꦮꦶꦚ꧀ꦚꦴꦟꦁ ꦈꦥ꧀ꦥꦗ꧀ꦗꦠꦷꦠꦶ? ꦄꦴꦩꦤ꧀ꦠꦴ. ꦗꦶꦮ꧀ꦲꦴꦮꦶꦚ꧀ꦚꦴꦟꦁ ꦫꦱꦤꦶꦩꦶꦠ꧀ꦠꦁ ꦩꦤꦱꦶꦏꦫꦺꦴꦠꦺꦴ ꦈꦥ꧀ꦥꦗ꧀ꦗꦠꦷꦠꦶ? ꦄꦴꦩꦤ꧀ꦠꦴ. ꦏꦴꦪꦮꦶꦚ꧀ꦚꦴꦟꦁ ꦫꦱꦤꦶꦩꦶꦠ꧀ꦠꦁ ꦩꦤꦱꦶꦏꦫꦺꦴꦠꦺꦴ ꦈꦥ꧀ꦥꦗ꧀ꦗꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦗꦶꦮ꧀ꦲꦴꦮꦶꦚ꧀ꦚꦴꦟꦁ ꦫꦱꦴꦫꦩ꧀ꦩꦟꦚ꧀ꦚꦺꦮ ꦤ ꦄꦚ꧀ꦚꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦏꦴꦪꦮꦶꦚ꧀ꦚꦴꦟꦁ ꦫꦱꦴꦫꦩ꧀ꦩꦟꦚ꧀ꦚꦺꦮ ꦤ ꦄꦚ꧀ꦚꦴꦫꦩ꧀ꦩꦟꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦗꦶꦮ꧀ꦲꦚ꧀ꦕ ꦥꦛꦶꦕ꧀ꦕ ꦫꦱꦺ ꦕ ꦈꦥ꧀ꦥꦗ꧀ꦗꦠꦶ ꦗꦶꦮ꧀ꦲꦴꦮꦶꦚ꧀ꦚꦴꦟꦤ꧀ꦠꦶ? ꦄꦴꦩꦤ꧀ꦠꦴ. ꦗꦶꦮ꧀ꦲꦚ꧀ꦕ ꦥꦛꦶꦕ꧀ꦕ ꦫꦱꦺ ꦕ ꦈꦥ꧀ꦥꦗ꧀ꦗꦠꦶ ꦏꦴꦪꦮꦶꦚ꧀ꦚꦴꦟꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦗꦶꦮ꧀ꦲꦚ꧀ꦕ ꦥꦛꦶꦕ꧀ꦕ ꦫꦱꦺ ꦕ ꦈꦥ꧀ꦥꦗ꧀ꦗꦠꦶ ꦏꦴꦪꦮꦶꦚ꧀ꦚꦴꦟꦤ꧀ꦠꦶ? ꦄꦴꦩꦤ꧀ꦠꦴ. ‘‘ꦗꦶꦮ꧀ꦲꦚ꧀ꦕ ꦥꦛꦶꦕ꧀ꦕ ꦫꦱꦺ ꦕ ꦈꦥ꧀ꦥꦗ꧀ꦗꦠꦶ ꦏꦴꦪꦮꦶꦚ꧀ꦚꦴꦟ’’ꦤ꧀ꦠꦶ – ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ? ꦤꦠ꧀ꦡꦶ. ‘‘ꦗꦶꦮ꧀ꦲꦚ꧀ꦕ ꦥꦛꦶꦕ꧀ꦕ ꦫꦱꦺ ꦕ ꦈꦥ꧀ꦥꦗ꧀ꦗꦠꦶ ꦗꦶꦮ꧀ꦲꦴꦮꦶꦚ꧀ꦚꦴꦟ’’ꦤ꧀ꦠꦶ – ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ‘‘ꦗꦶꦮ꧀ꦲꦚ꧀ꦕ ꦥꦛꦶꦕ꧀ꦕ ꦫꦱꦺ ꦕ ꦈꦥ꧀ꦥꦗ꧀ꦗꦠꦶ ꦗꦶꦮ꧀ꦲꦴꦮꦶꦚ꧀ꦚꦴꦟ’’ꦤ꧀ꦠꦶ – ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦗꦶꦮ꧀ꦲꦚ꧀ꦕ ꦥꦛꦶꦕ꧀ꦕ ꦫꦱꦺ ꦕ ꦈꦥ꧀ꦥꦗ꧀ꦗꦠꦶ ꦏꦴꦪꦮꦶꦚ꧀ꦚꦴꦟ’’ꦤ꧀ꦠꦶ.

ꦗꦶꦮ꧀ꦲꦴꦮꦶꦚ꧀ꦚꦴꦟꦱ꧀ꦱ ꦄꦤꦤ꧀ꦠꦫꦴ ꦏꦴꦪꦮꦶꦚ꧀ꦚꦴꦟꦁ ꦈꦥ꧀ꦥꦗ꧀ꦗꦠꦷꦠꦶ? ꦄꦴꦩꦤ꧀ꦠꦴ. ꦠꦚ꧀ꦚꦺꦮ ꦗꦶꦮ꧀ꦲꦴꦮꦶꦚ꧀ꦚꦴꦟꦁ ꦠꦁ ꦏꦴꦪꦮꦶꦚ꧀ꦚꦴꦟꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧖꧙꧗. ꦤ ꦮꦠ꧀ꦠꦧ꧀ꦧꦁ – ‘‘ꦥꦚ꧀ꦕꦮꦶꦚ꧀ꦚꦴꦟꦴ ꦄꦚ꧀ꦚꦩꦚ꧀ꦚꦱ꧀ꦱ ꦱꦩꦤꦤ꧀ꦠꦫꦴ ꦈꦥ꧀ꦥꦗ꧀ꦗꦤ꧀ꦠꦷ’’ꦠꦶ? ꦄꦴꦩꦤ꧀ꦠꦴ. ꦤꦤꦸ ꦄꦠ꧀ꦡꦶ ꦏꦺꦴꦕꦶ ꦤꦕ꧀ꦕꦠꦶ ꦒꦴꦪꦠꦶ ꦮꦴꦢꦺꦠꦶ, ꦫꦹꦥꦚ꧀ꦕ ꦥꦱ꧀ꦱꦠꦶ, ꦱꦢ꧀ꦢꦚ꧀ꦕ ꦱꦸꦟꦴꦠꦶ, ꦒꦤ꧀ꦣꦚ꧀ꦕ ꦓꦴꦪꦠꦶ, ꦫꦱꦚ꧀ꦕ ꦱꦴꦪꦠꦶ, ꦦꦺꦴꦛ꧀ꦜꦧ꧀ꦧꦚ꧀ꦕ ꦦꦸꦱꦠꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦄꦠ꧀ꦡꦶ ꦏꦺꦴꦕꦶ ꦤꦕ꧀ꦕꦠꦶ ꦒꦴꦪꦠꦶ ꦮꦴꦢꦺꦠꦶ, ꦫꦹꦥꦚ꧀ꦕ ꦥꦱ꧀ꦱꦠꦶ, ꦱꦢ꧀ꦢꦚ꧀ꦕ ꦱꦸꦟꦴꦠꦶ, ꦒꦤ꧀ꦣꦚ꧀ꦕ ꦓꦴꦪꦠꦶ, ꦫꦱꦚ꧀ꦕ ꦱꦴꦪꦠꦶ, ꦦꦺꦴꦛ꧀ꦜꦧ꧀ꦧꦚ꧀ꦕ ꦦꦸꦱꦠꦶ, ꦠꦺꦤ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦥꦚ꧀ꦕꦮꦶꦚ꧀ꦚꦴꦟꦴ ꦄꦚ꧀ꦚꦩꦚ꧀ꦚꦱ꧀ꦱ ꦱꦩꦤꦤ꧀ꦠꦫꦴ ꦈꦥ꧀ꦥꦗ꧀ꦗꦤ꧀ꦠꦷ’’ꦠꦶ.

ꦄꦤꦤ꧀ꦠꦫꦥꦕ꧀ꦕꦪꦏꦡꦴ ꦤꦶꦛ꧀ꦜꦶꦠꦴ.

꧑꧔. ꦕꦸꦢ꧀ꦢꦱꦩꦮꦒ꧀ꦒꦺꦴ

(꧑꧓꧙) ꧔. ꦄꦫꦶꦪꦫꦹꦥꦏꦡꦴ

꧖꧙꧘. ꦄꦫꦶꦪꦫꦹꦥꦁ ꦩꦲꦴꦨꦹꦠꦴꦤꦁ ꦈꦥꦴꦢꦴꦪꦴꦠꦶ? ꦄꦴꦩꦤ꧀ꦠꦴ. ꦄꦫꦶꦪꦫꦹꦥꦁ ꦏꦸꦱꦭꦤ꧀ꦠꦶ? ꦄꦴꦩꦤ꧀ꦠꦴ. ꦩꦲꦴꦨꦹꦠꦴ ꦏꦸꦱꦭꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ …ꦥꦺ… ꦩꦲꦴꦨꦹꦠꦴ ꦄꦧ꧀ꦪꦴꦏꦠꦴꦠꦶ? ꦄꦴꦩꦤ꧀ꦠꦴ. ꦄꦫꦶꦪꦫꦹꦥꦁ ꦄꦧ꧀ꦪꦴꦏꦠꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦫꦶꦪꦫꦹꦥꦁ ꦩꦲꦴꦨꦹꦠꦴꦤꦁ ꦈꦥꦴꦢꦴꦪꦴꦠꦶ? ꦄꦴꦩꦤ꧀ꦠꦴ. ꦄꦫꦶꦪꦫꦹꦥꦁ ꦄꦤꦴꦱꦮꦁ ꦄꦱꦁꦪꦺꦴꦗꦤꦶꦪꦁ ꦄꦒꦤ꧀ꦡꦤꦶꦪꦁ ꦄꦤꦺꦴꦓꦤꦶꦪꦁ ꦄꦪꦺꦴꦒꦤꦶꦪꦁ ꦄꦤꦷꦮꦫꦟꦶꦪꦁ ꦄꦥꦫꦴꦩꦛ꧀ꦜꦁ ꦄꦤꦸꦥꦴꦢꦴꦤꦶꦪꦁ ꦄꦱꦁꦏꦶꦭꦺꦱꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦩꦲꦴꦨꦹꦠꦴ ꦄꦤꦴꦱꦮꦴ…ꦥꦺ… ꦄꦱꦁꦏꦶꦭꦺꦱꦶꦪꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦩꦲꦴꦨꦹꦠꦴ ꦱꦴꦱꦮꦴ ꦱꦁꦪꦺꦴꦗꦤꦶꦪꦴ…ꦥꦺ… ꦱꦁꦏꦶꦭꦺꦱꦶꦪꦴꦠꦶ? ꦄꦴꦩꦤ꧀ꦠꦴ. ꦄꦫꦶꦪꦫꦹꦥꦁ ꦱꦴꦱꦮꦁ ꦱꦁꦪꦺꦴꦗꦤꦶꦪꦁ…ꦥꦺ… ꦱꦁꦏꦶꦭꦺꦱꦶꦪꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧖꧙꧙. ꦤ ꦮꦠ꧀ꦠꦧ꧀ꦧꦁ – ‘‘ꦄꦫꦶꦪꦫꦹꦥꦁ ꦩꦲꦴꦨꦹꦠꦴꦤꦁ ꦈꦥꦴꦢꦴꦪꦴ’’ꦠꦶ? ꦄꦴꦩꦤ꧀ꦠꦴ. ꦤꦤꦸ ꦮꦸꦠ꧀ꦠꦁ ꦨꦒꦮꦠꦴ – ‘‘ꦪꦁ ꦏꦶꦚ꧀ꦕꦶ, ꦨꦶꦏ꧀ꦑꦮꦺ, ꦫꦹꦥꦁ ꦕꦠ꧀ꦠꦴꦫꦶ ꦩꦲꦴꦨꦹꦠꦴꦤꦶ ꦕꦠꦸꦤ꧀ꦤꦚ꧀ꦕ ꦩꦲꦴꦨꦹꦠꦴꦤꦁ ꦈꦥꦴꦢꦴꦪꦫꦹꦥ’’ꦤ꧀ꦠꦶ [ꦩ. ꦤꦶ. ꧑.꧓꧔꧗; ꦄ. ꦤꦶ. ꧑꧑.꧑꧕]! ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ? ꦄꦴꦩꦤ꧀ꦠꦴ. ꦠꦺꦤ ꦲꦶ ꦄꦫꦶꦪꦫꦹꦥꦁ ꦩꦲꦴꦨꦹꦠꦴꦤꦁ ꦈꦥꦴꦢꦴꦪꦴꦠꦶ.

ꦄꦫꦶꦪꦫꦹꦥꦏꦡꦴ ꦤꦶꦛ꧀ꦜꦶꦠꦴ.

꧑꧔. ꦕꦸꦢ꧀ꦢꦱꦩꦮꦒ꧀ꦒꦺꦴ

(꧑꧔꧐) ꧕. ꦄꦚ꧀ꦚꦺꦴ ꦄꦤꦸꦱꦪꦺꦴꦠꦶꦏꦡꦴ

꧗꧐꧐. ꦄꦚ꧀ꦚꦺꦴ ꦏꦴꦩꦫꦴꦒꦴꦤꦸꦱꦪꦺꦴ ꦄꦚ꧀ꦚꦁ ꦏꦴꦩꦫꦴꦒꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦄꦴꦩꦤ꧀ꦠꦴ. ꦄꦚ꧀ꦚꦺꦴ ꦏꦴꦩꦫꦴꦒꦺꦴ ꦄꦚ꧀ꦚꦁ ꦏꦴꦩꦫꦴꦒꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦱ꧀ꦮꦺꦮ ꦏꦴꦩꦫꦴꦒꦺꦴ ꦠꦁ ꦏꦴꦩꦫꦴꦒꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦄꦴꦩꦤ꧀ꦠꦴ. ꦱ꧀ꦮꦺꦮ ꦏꦴꦩꦫꦴꦒꦴꦤꦸꦱꦪꦺꦴ ꦠꦁ ꦏꦴꦩꦫꦴꦒꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦚ꧀ꦚꦺꦴ ꦥꦛꦶꦓꦴꦤꦸꦱꦪꦺꦴ ꦄꦚ꧀ꦚꦁ ꦥꦛꦶꦓꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦄꦴꦩꦤ꧀ꦠꦴ. ꦄꦚ꧀ꦚꦁ ꦥꦛꦶꦓꦁ ꦄꦚ꧀ꦚꦁ ꦥꦛꦶꦓꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦠꦚ꧀ꦚꦺꦮ ꦥꦛꦶꦓꦁ ꦠꦁ ꦥꦛꦶꦓꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦄꦴꦩꦤ꧀ꦠꦴ. ꦱ꧀ꦮꦺꦮ ꦥꦛꦶꦓꦴꦤꦸꦱꦪꦺꦴ ꦠꦁ ꦥꦛꦶꦓꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦚ꧀ꦚꦺꦴ ꦩꦴꦤꦴꦤꦸꦱꦪꦺꦴ ꦄꦚ꧀ꦚꦁ ꦩꦴꦤꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦄꦴꦩꦤ꧀ꦠꦴ. ꦄꦚ꧀ꦚꦺꦴ ꦩꦴꦤꦺꦴ ꦄꦚ꧀ꦚꦁ ꦩꦴꦤꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦱ꧀ꦮꦺꦮ ꦩꦴꦤꦺꦴ ꦠꦁ ꦩꦴꦤꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦄꦴꦩꦤ꧀ꦠꦴ. ꦱ꧀ꦮꦺꦮ ꦩꦴꦤꦴꦤꦸꦱꦪꦺꦴ ꦠꦁ ꦩꦴꦤꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦚ꧀ꦚꦺꦴ ꦢꦶꦛ꧀ꦜꦴꦤꦸꦱꦪꦺꦴ ꦄꦚ꧀ꦚꦁ ꦢꦶꦛ꧀ꦜꦶꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦄꦴꦩꦤ꧀ꦠꦴ. ꦄꦚ꧀ꦚꦴ ꦢꦶꦛ꧀ꦜꦶ ꦄꦚ꧀ꦚꦁ ꦢꦶꦛ꧀ꦜꦶꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦱꦴꦮ ꦢꦶꦛ꧀ꦜꦶ ꦠꦁ ꦢꦶꦛ꧀ꦜꦶꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦄꦴꦩꦤ꧀ꦠꦴ. ꦱ꧀ꦮꦺꦮ ꦢꦶꦛ꧀ꦜꦴꦤꦸꦱꦪꦺꦴ ꦠꦁ ꦢꦶꦛ꧀ꦜꦶꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦚ꧀ꦚꦺꦴ ꦮꦶꦕꦶꦏꦶꦕ꧀ꦖꦴꦤꦸꦱꦪꦺꦴ ꦄꦚ꧀ꦚꦁ ꦮꦶꦕꦶꦏꦶꦕ꧀ꦖꦴꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦄꦴꦩꦤ꧀ꦠꦴ. ꦄꦚ꧀ꦚꦴ ꦮꦶꦕꦶꦏꦶꦕ꧀ꦖꦴ ꦄꦚ꧀ꦚꦁ ꦮꦶꦕꦶꦏꦶꦕ꧀ꦖꦴꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦱꦴꦮ ꦮꦶꦕꦶꦏꦶꦕ꧀ꦖꦴ ꦠꦁ ꦮꦶꦕꦶꦏꦶꦕ꧀ꦖꦴꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦄꦴꦩꦤ꧀ꦠꦴ. ꦱ꧀ꦮꦺꦮ ꦮꦶꦕꦶꦏꦶꦕ꧀ꦖꦴꦤꦸꦱꦪꦺꦴ ꦠꦁ ꦮꦶꦕꦶꦏꦶꦕ꧀ꦖꦴꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦚ꧀ꦚꦺꦴ ꦨꦮꦫꦴꦒꦴꦤꦸꦱꦪꦺꦴ ꦄꦚ꧀ꦚꦁ ꦨꦮꦫꦴꦒꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦄꦴꦩꦤ꧀ꦠꦴ. ꦄꦚ꧀ꦚꦺꦴ ꦨꦮꦫꦴꦒꦺꦴ ꦄꦚ꧀ꦚꦁ ꦨꦮꦫꦴꦒꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦱ꧀ꦮꦺꦮ ꦨꦮꦫꦴꦒꦺꦴ ꦠꦁ ꦨꦮꦫꦴꦒꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦄꦴꦩꦤ꧀ꦠꦴ. ꦱ꧀ꦮꦺꦮ ꦨꦮꦫꦴꦒꦴꦤꦸꦱꦪꦺꦴ ꦠꦁ ꦨꦮꦫꦴꦒꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦚ꧀ꦚꦺꦴ ꦄꦮꦶꦗ꧀ꦗꦴꦤꦸꦱꦪꦺꦴ ꦄꦚ꧀ꦚꦁ ꦄꦮꦶꦗ꧀ꦗꦴꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦄꦴꦩꦤ꧀ꦠꦴ. ꦄꦚ꧀ꦚꦴ ꦄꦮꦶꦗ꧀ꦗꦴ ꦄꦚ꧀ꦚꦁ ꦄꦮꦶꦗ꧀ꦗꦴꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦱꦴꦮ ꦄꦮꦶꦗ꧀ꦗꦴ ꦠꦁ ꦄꦮꦶꦗ꧀ꦗꦴꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦄꦴꦩꦤ꧀ꦠꦴ. ꦱ꧀ꦮꦺꦮ ꦄꦮꦶꦗ꧀ꦗꦴꦤꦸꦱꦪꦺꦴ ꦠꦁ ꦄꦮꦶꦗ꧀ꦗꦴꦥꦫꦶꦪꦸꦛ꧀ꦜꦴꦤꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧗꧐꧑. ꦤ ꦮꦠ꧀ꦠꦧ꧀ꦧꦁ – ‘‘ꦄꦚ꧀ꦚꦺꦴ ꦄꦤꦸꦱꦪꦺꦴ ꦄꦚ꧀ꦚꦁ ꦥꦫꦶꦪꦸꦛ꧀ꦜꦴꦤ’’ꦤ꧀ꦠꦶ? ꦄꦴꦩꦤ꧀ꦠꦴ. ꦥꦸꦡꦸꦗ꧀ꦗꦤꦺꦴ ꦏꦸꦱꦭꦴꦧ꧀ꦪꦴꦏꦠꦺ ꦕꦶꦠ꧀ꦠꦺ ꦮꦠ꧀ꦠꦩꦴꦤꦺ ‘‘ꦱꦴꦤꦸꦱꦪꦺꦴ’’ꦠꦶ ꦮꦠ꧀ꦠꦧ꧀ꦧꦺꦴꦠꦶ? ꦄꦴꦩꦤ꧀ꦠꦴ. ‘‘ꦥꦫꦶꦪꦸꦛ꧀ꦜꦶꦠꦺꦴ’’ꦠꦶ ꦮꦠ꧀ꦠꦧ꧀ꦧꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ. ꦠꦺꦤ ꦲꦶ ꦄꦚ꧀ꦚꦺꦴ ꦄꦤꦸꦱꦪꦺꦴ ꦄꦚ꧀ꦚꦁ ꦥꦫꦶꦪꦸꦛ꧀ꦜꦴꦤꦤ꧀ꦠꦶ. ꦥꦸꦡꦸꦗ꧀ꦗꦤꦺꦴ ꦏꦸꦱꦭꦴꦧ꧀ꦪꦴꦏꦠꦺ ꦕꦶꦠ꧀ꦠꦺ ꦮꦠ꧀ꦠꦩꦴꦤꦺ ‘‘ꦱꦫꦴꦒꦺꦴ’’ꦠꦶ ꦮꦠ꧀ꦠꦧ꧀ꦧꦺꦴꦠꦶ? ꦄꦴꦩꦤ꧀ꦠꦴ. ‘‘ꦥꦫꦶꦪꦸꦛ꧀ꦜꦶꦠꦺꦴ’’ꦠꦶ ꦮꦠ꧀ꦠꦧ꧀ꦧꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ. ꦠꦺꦤ ꦲꦶ ꦄꦚ꧀ꦚꦺꦴ ꦫꦴꦒꦺꦴ ꦄꦚ꧀ꦚꦁ ꦥꦫꦶꦪꦸꦛ꧀ꦜꦴꦤꦤ꧀ꦠꦶ.

ꦄꦚ꧀ꦚꦺꦴ ꦄꦤꦸꦱꦪꦺꦴꦠꦶꦏꦡꦴ ꦤꦶꦛ꧀ꦜꦶꦠꦴ.

꧑꧔. ꦕꦸꦢ꧀ꦢꦱꦩꦮꦒ꧀ꦒꦺꦴ

(꧑꧔꧑) ꧖. ꦥꦫꦶꦪꦸꦛ꧀ꦜꦴꦤꦁ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦤ꧀ꦠꦶꦏꦡꦴ

꧗꧐꧒. ꦥꦫꦶꦪꦸꦛ꧀ꦜꦴꦤꦁ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦤ꧀ꦠꦶ? ꦄꦴꦩꦤ꧀ꦠꦴ. ꦫꦹꦥꦁ ꦤꦶꦧ꧀ꦧꦴꦤꦁ ꦕꦏ꧀ꦑꦴꦪꦠꦤꦁ…ꦥꦺ… ꦦꦺꦴꦛ꧀ꦜꦧ꧀ꦧꦴꦪꦠꦤꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦥꦫꦶꦪꦸꦛ꧀ꦜꦴꦤꦁ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦤ꧀ꦠꦶ? ꦄꦴꦩꦤ꧀ꦠꦴ. ꦤꦠ꧀ꦡꦶ ꦱꦫꦴꦒꦁ ꦕꦶꦠ꧀ꦠꦁ ꦱꦢꦺꦴꦱꦁ ꦕꦶꦠ꧀ꦠꦁ ꦱꦩꦺꦴꦲꦁ ꦕꦶꦠ꧀ꦠꦁ…ꦥꦺ… ꦄꦏꦸꦱꦭꦁ ꦕꦶꦠ꧀ꦠꦁ ꦱꦁꦏꦶꦭꦶꦛ꧀ꦜꦁ ꦕꦶꦠ꧀ꦠꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦤꦤꦸ ꦄꦠ꧀ꦡꦶ ꦱꦫꦴꦒꦁ ꦕꦶꦠ꧀ꦠꦁ ꦱꦢꦺꦴꦱꦁ ꦕꦶꦠ꧀ꦠꦁ ꦱꦩꦺꦴꦲꦁ ꦕꦶꦠ꧀ꦠꦁ…ꦥꦺ… ꦄꦏꦸꦱꦭꦁ ꦕꦶꦠ꧀ꦠꦁ ꦱꦁꦏꦶꦭꦶꦛ꧀ꦜꦁ ꦕꦶꦠ꧀ꦠꦤ꧀ꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦄꦠ꧀ꦡꦶ ꦱꦫꦴꦒꦁ ꦕꦶꦠ꧀ꦠꦁ ꦱꦢꦺꦴꦱꦁ ꦕꦶꦠ꧀ꦠꦁ ꦱꦩꦺꦴꦲꦁ ꦕꦶꦠ꧀ꦠꦁ…ꦥꦺ… ꦄꦏꦸꦱꦭꦁ ꦕꦶꦠ꧀ꦠꦁ ꦱꦁꦏꦶꦭꦶꦛ꧀ꦜꦁ ꦕꦶꦠ꧀ꦠꦁ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦥꦫꦶꦪꦸꦛ꧀ꦜꦴꦤꦁ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠ’’ꦤ꧀ꦠꦶ.

ꦥꦫꦶꦪꦸꦛ꧀ꦜꦴꦤꦁ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦤ꧀ꦠꦶꦏꦡꦴ ꦤꦶꦛ꧀ꦜꦶꦠꦴ.

꧑꧔. ꦕꦸꦢ꧀ꦢꦱꦩꦮꦒ꧀ꦒꦺꦴ

(꧑꧔꧒) ꧗. ꦥꦫꦶꦪꦴꦥꦤ꧀ꦤꦏꦡꦴ

꧗꧐꧓. ꦫꦹꦥꦫꦴꦒꦺꦴ ꦫꦹꦥꦣꦴꦠꦸꦁ ꦄꦤꦸꦱꦺꦠꦶ, ꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦄꦴꦩꦤ꧀ꦠꦴ. ꦱꦩꦴꦥꦠ꧀ꦠꦺꦱꦶꦪꦺꦴ ꦈꦥꦥꦠ꧀ꦠꦺꦱꦶꦪꦺꦴ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦴ, ꦱꦩꦴꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦈꦥꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦤ ꦕꦶꦠ꧀ꦠꦺꦤ ꦱꦲꦒꦠꦺꦴ ꦱꦲꦗꦴꦠꦺꦴ ꦱꦁꦱꦛ꧀ꦜꦺꦴ ꦱꦩ꧀ꦥꦪꦸꦠ꧀ꦠꦺꦴ ꦌꦏꦸꦥ꧀ꦥꦴꦢꦺꦴ ꦌꦏꦤꦶꦫꦺꦴꦣꦺꦴ ꦌꦏꦮꦠ꧀ꦡꦸꦏꦺꦴ ꦌꦏꦴꦫꦩ꧀ꦩꦟꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦤꦤꦸ ꦤ ꦱꦩꦴꦥꦠ꧀ꦠꦺꦱꦶꦪꦺꦴ ꦤ ꦈꦥꦥꦠ꧀ꦠꦺꦱꦶꦪꦺꦴ ꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦴ, ꦤ ꦱꦩꦴꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦤ ꦈꦥꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦤ ꦕꦶꦠ꧀ꦠꦺꦤ ꦱꦲꦒꦠꦺꦴ ꦱꦲꦗꦴꦠꦺꦴ ꦱꦁꦱꦛ꧀ꦜꦺꦴ ꦱꦩ꧀ꦥꦪꦸꦠ꧀ꦠꦺꦴ ꦌꦏꦸꦥ꧀ꦥꦴꦢꦺꦴ ꦌꦏꦤꦶꦫꦺꦴꦣꦺꦴ ꦌꦏꦮꦠ꧀ꦡꦸꦏꦺꦴ ꦌꦏꦴꦫꦩ꧀ꦩꦟꦺꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦤ ꦱꦩꦴꦥꦠ꧀ꦠꦺꦱꦶꦪꦺꦴ ꦤ ꦈꦥꦥꦠ꧀ꦠꦺꦱꦶꦪꦺꦴ ꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦴ…ꦥꦺ… ꦌꦏꦴꦫꦩ꧀ꦩꦟꦺꦴ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦫꦹꦥꦫꦴꦒꦺꦴ ꦫꦹꦥꦣꦴꦠꦸꦁ ꦄꦤꦸꦱꦺꦠꦶ, ꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ…ꦥꦺ….

ꦫꦹꦥꦫꦴꦒꦺꦴ ꦫꦹꦥꦣꦴꦠꦸꦁ ꦄꦤꦸꦱꦺꦠꦶ, ꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦄꦴꦩꦤ꧀ꦠꦴ. ꦱꦢ꧀ꦢꦫꦴꦒꦺꦴ ꦱꦢ꧀ꦢꦣꦴꦠꦸꦁ ꦄꦤꦸꦱꦺꦠꦶ, ꦱꦢ꧀ꦢꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦫꦹꦥꦫꦴꦒꦺꦴ ꦫꦹꦥꦣꦴꦠꦸꦁ ꦄꦤꦸꦱꦺꦠꦶ, ꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦄꦴꦩꦤ꧀ꦠꦴ. ꦒꦤ꧀ꦣꦫꦴꦒꦺꦴ…ꦥꦺ… ꦫꦱꦫꦴꦒꦺꦴ…ꦥꦺ… ꦦꦺꦴꦛ꧀ꦜꦧ꧀ꦧꦫꦴꦒꦺꦴ ꦦꦺꦴꦛ꧀ꦜꦧ꧀ꦧꦣꦴꦠꦸꦁ ꦄꦤꦸꦱꦺꦠꦶ, ꦦꦺꦴꦛ꧀ꦜꦧ꧀ꦧꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦱꦢ꧀ꦢꦫꦴꦒꦺꦴ ꦱꦢ꧀ꦢꦣꦴꦠꦸꦁ ꦄꦤꦸꦱꦺꦠꦶ, ꦤ ꦮꦠ꧀ꦠꦧ꧀ꦧꦁ – ‘‘ꦱꦢ꧀ꦢꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ? ꦄꦴꦩꦤ꧀ꦠꦴ. ꦫꦹꦥꦫꦴꦒꦺꦴ ꦫꦹꦥꦣꦴꦠꦸꦁ ꦄꦤꦸꦱꦺꦠꦶ, ꦤ ꦮꦠ꧀ꦠꦧ꧀ꦧꦁ – ‘‘ꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦒꦤ꧀ꦣꦫꦴꦒꦺꦴ…ꦥꦺ… ꦫꦱꦫꦴꦒꦺꦴ…ꦥꦺ… ꦦꦺꦴꦛ꧀ꦜꦧ꧀ꦧꦫꦴꦒꦺꦴ ꦦꦺꦴꦛ꧀ꦜꦧ꧀ꦧꦣꦴꦠꦸꦁ ꦄꦤꦸꦱꦺꦠꦶ, ꦤ ꦮꦠ꧀ꦠꦧ꧀ꦧꦁ – ‘‘ꦦꦺꦴꦛ꧀ꦜꦧ꧀ꦧꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ? ꦄꦴꦩꦤ꧀ꦠꦴ. ꦫꦹꦥꦫꦴꦒꦺꦴ ꦫꦹꦥꦣꦴꦠꦸꦁ ꦄꦤꦸꦱꦺꦠꦶ, ꦤ ꦮꦠ꧀ꦠꦧ꧀ꦧꦁ – ‘‘ꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧗꧐꧔. ꦄꦫꦹꦥꦫꦴꦒꦺꦴ ꦄꦫꦹꦥꦣꦴꦠꦸꦁ ꦄꦤꦸꦱꦺꦠꦶ, ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦄꦴꦩꦤ꧀ꦠꦴ. ꦱꦩꦴꦥꦠ꧀ꦠꦺꦱꦶꦪꦺꦴ ꦈꦥꦥꦠ꧀ꦠꦺꦱꦶꦪꦺꦴ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦴ, ꦱꦩꦴꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦈꦥꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦤ ꦕꦶꦠ꧀ꦠꦺꦤ ꦱꦲꦒꦠꦺꦴ ꦱꦲꦗꦴꦠꦺꦴ ꦱꦁꦱꦛ꧀ꦜꦺꦴ ꦱꦩ꧀ꦥꦪꦸꦠ꧀ꦠꦺꦴ ꦌꦏꦸꦥ꧀ꦥꦴꦢꦺꦴ ꦌꦏꦤꦶꦫꦺꦴꦣꦺꦴ ꦌꦏꦮꦠ꧀ꦡꦸꦏꦺꦴ ꦌꦏꦴꦫꦩ꧀ꦩꦟꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ…. ꦤꦤꦸ ꦤ ꦱꦩꦴꦥꦠ꧀ꦠꦺꦱꦶꦪꦺꦴ ꦤ ꦈꦥꦥꦠ꧀ꦠꦺꦱꦶꦪꦺꦴ ꦤ ꦢꦶꦛ꧀ꦜꦣꦩ꧀ꦩꦱꦸꦑꦮꦶꦲꦴꦫꦺꦴ, ꦤ ꦱꦩꦴꦥꦠ꧀ꦠꦺꦱꦶꦪꦺꦤ ꦕꦶꦠ꧀ꦠꦺꦤ…ꦥꦺ… ꦌꦏꦴꦫꦩ꧀ꦩꦟꦺꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦤ ꦱꦩꦴꦥꦠ꧀ꦠꦺꦱꦶꦪꦺꦴ ꦤ ꦈꦥꦥꦠ꧀ꦠꦺꦱꦶꦪꦺꦴ…ꦥꦺ… ꦌꦏꦴꦫꦩ꧀ꦩꦟꦺꦴ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦄꦫꦹꦥꦫꦴꦒꦺꦴ ꦄꦫꦹꦥꦣꦴꦠꦸꦁ ꦄꦤꦸꦱꦺꦠꦶ, ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ.

ꦄꦫꦹꦥꦫꦴꦒꦺꦴ ꦄꦫꦹꦥꦣꦴꦠꦸꦁ ꦄꦤꦸꦱꦺꦠꦶ, ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦄꦴꦩꦤ꧀ꦠꦴ. ꦱꦢ꧀ꦢꦫꦴꦒꦺꦴ ꦱꦢ꧀ꦢꦣꦴꦠꦸꦁ ꦄꦤꦸꦱꦺꦠꦶ, ꦱꦢ꧀ꦢꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦫꦹꦥꦫꦴꦒꦺꦴ ꦄꦫꦹꦥꦣꦴꦠꦸꦁ ꦄꦤꦸꦱꦺꦠꦶ, ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦄꦴꦩꦤ꧀ꦠꦴ. ꦒꦤ꧀ꦣꦫꦴꦒꦺꦴ…ꦥꦺ… ꦫꦱꦫꦴꦒꦺꦴ…ꦥꦺ… ꦦꦺꦴꦛ꧀ꦜꦧ꧀ꦧꦫꦴꦒꦺꦴ ꦦꦺꦴꦛ꧀ꦜꦧ꧀ꦧꦣꦴꦠꦸꦁ ꦄꦤꦸꦱꦺꦠꦶ, ꦦꦺꦴꦛ꧀ꦜꦧ꧀ꦧꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦱꦢ꧀ꦢꦫꦴꦒꦺꦴ ꦱꦢ꧀ꦢꦣꦴꦠꦸꦁ ꦄꦤꦸꦱꦺꦠꦶ, ꦤ ꦮꦠ꧀ꦠꦧ꧀ꦧꦁ – ‘‘ꦱꦢ꧀ꦢꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ? ꦄꦴꦩꦤ꧀ꦠꦴ. ꦄꦫꦹꦥꦫꦴꦒꦺꦴ ꦄꦫꦹꦥꦣꦴꦠꦸꦁ ꦄꦤꦸꦱꦺꦠꦶ, ꦤ ꦮꦠ꧀ꦠꦧ꧀ꦧꦁ – ‘‘ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ, ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦒꦤ꧀ꦣꦫꦴꦒꦺꦴ…ꦥꦺ… ꦫꦱꦫꦴꦒꦺꦴ…ꦥꦺ… ꦦꦺꦴꦛ꧀ꦜꦧ꧀ꦧꦫꦴꦒꦺꦴ ꦦꦺꦴꦛ꧀ꦜꦧ꧀ꦧꦣꦴꦠꦸꦁ ꦄꦤꦸꦱꦺꦠꦶ, ꦤ ꦮꦠ꧀ꦠꦧ꧀ꦧꦁ – ‘‘ꦦꦺꦴꦛ꧀ꦜꦧ꧀ꦧꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ? ꦄꦴꦩꦤ꧀ꦠꦴ. ꦄꦫꦹꦥꦫꦴꦒꦺꦴ ꦄꦫꦹꦥꦣꦴꦠꦸꦁ ꦄꦤꦸꦱꦺꦠꦶ, ꦤ ꦮꦠ꧀ꦠꦧ꧀ꦧꦁ – ‘‘ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧗꧐꧕. ꦤ ꦮꦠ꧀ꦠꦧ꧀ꦧꦁ – ‘‘ꦫꦹꦥꦫꦴꦒꦺꦴ ꦫꦹꦥꦣꦴꦠꦸꦁ ꦄꦤꦸꦱꦺꦠꦶ ꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ, ꦄꦫꦹꦥꦫꦴꦒꦺꦴ ꦄꦫꦹꦥꦣꦴꦠꦸꦁ ꦄꦤꦸꦱꦺꦠꦶ ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ? ꦄꦴꦩꦤ꧀ꦠꦴ. ꦤꦤꦸ ꦏꦴꦩꦫꦴꦒꦺꦴ ꦏꦴꦩꦣꦴꦠꦸꦁ ꦄꦤꦸꦱꦺꦠꦶ, ꦏꦴꦩꦣꦴꦠꦸꦥꦫꦶꦪꦴꦥꦤ꧀ꦤꦺꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦏꦴꦩꦫꦴꦒꦺꦴ ꦏꦴꦩꦣꦴꦠꦸꦁ ꦄꦤꦸꦱꦺꦠꦶ ꦏꦴꦩꦣꦴꦠꦸꦥꦫꦶꦪꦴꦥꦤ꧀ꦤꦺꦴ, ꦠꦺꦤ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦫꦹꦥꦫꦴꦒꦺꦴ ꦫꦹꦥꦣꦴꦠꦸꦁ ꦄꦤꦸꦱꦺꦠꦶ ꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ, ꦄꦫꦹꦥꦫꦴꦒꦺꦴ ꦄꦫꦹꦥꦣꦴꦠꦸꦁ ꦄꦤꦸꦱꦺꦠꦶ ꦄꦫꦹꦥꦣꦴꦠꦸꦥꦫꦶꦪꦴꦥꦤ꧀ꦤꦺꦴ’’ꦠꦶ.

ꦥꦫꦶꦪꦴꦥꦤ꧀ꦤꦏꦡꦴ ꦤꦶꦛ꧀ꦜꦶꦠꦴ.

꧑꧔. ꦕꦸꦢ꧀ꦢꦱꦩꦮꦒ꧀ꦒꦺꦴ

(꧑꧔꧓) ꧘. ꦄꦧ꧀ꦪꦴꦏꦠꦏꦡꦴ

꧗꧐꧖. ꦢꦶꦛ꧀ꦜꦶꦒꦠꦁ ꦄꦧ꧀ꦪꦴꦏꦠꦤ꧀ꦠꦶ? ꦄꦴꦩꦤ꧀ꦠꦴ. ꦮꦶꦥꦴꦏꦴꦧ꧀ꦪꦴꦏꦠꦁ ꦏꦶꦫꦶꦪꦴꦧ꧀ꦪꦴꦏꦠꦁ ꦫꦹꦥꦁ ꦤꦶꦧ꧀ꦧꦴꦤꦁ ꦕꦏ꧀ꦑꦴꦪꦠꦤꦁ…ꦥꦺ… ꦦꦺꦴꦛ꧀ꦜꦧ꧀ꦧꦴꦪꦠꦤꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦢꦶꦛ꧀ꦜꦶꦒꦠꦁ ꦄꦧ꧀ꦪꦴꦏꦠꦤ꧀ꦠꦶ? ꦄꦴꦩꦤ꧀ꦠꦴ. ꦢꦶꦛ꧀ꦜꦶꦒꦠꦱꦩ꧀ꦥꦪꦸꦠ꧀ꦠꦺꦴ ꦦꦱ꧀ꦱꦺꦴ ꦄꦧ꧀ꦪꦴꦏꦠꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦢꦶꦛ꧀ꦜꦶꦒꦠꦁ ꦄꦧ꧀ꦪꦴꦏꦠꦤ꧀ꦠꦶ? ꦄꦴꦩꦤ꧀ꦠꦴ. ꦢꦶꦛ꧀ꦜꦶꦒꦠꦱꦩ꧀ꦥꦪꦸꦠ꧀ꦠꦴ ꦮꦺꦢꦤꦴ…ꦥꦺ… ꦱꦚ꧀ꦚꦴ…ꦥꦺ… ꦕꦺꦠꦤꦴ…ꦥꦺ… ꦕꦶꦠ꧀ꦠꦁ ꦄꦧ꧀ꦪꦴꦏꦠꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦢꦶꦛ꧀ꦜꦶꦒꦠꦱꦩ꧀ꦥꦪꦸꦠ꧀ꦠꦺꦴ ꦦꦱ꧀ꦱꦺꦴ ꦄꦏꦸꦱꦭꦺꦴꦠꦶ? ꦄꦴꦩꦤ꧀ꦠꦴ. ꦢꦶꦛ꧀ꦜꦶꦒꦠꦁ ꦄꦏꦸꦱꦭꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦢꦶꦛ꧀ꦜꦶꦒꦠꦱꦩ꧀ꦥꦪꦸꦠ꧀ꦠꦴ ꦮꦺꦢꦤꦴ ꦱꦚ꧀ꦚꦴ ꦕꦺꦠꦤꦴ ꦕꦶꦠ꧀ꦠꦁ ꦄꦏꦸꦱꦭꦤ꧀ꦠꦶ? ꦄꦴꦩꦤ꧀ꦠꦴ. ꦢꦶꦛ꧀ꦜꦶꦒꦠꦁ ꦄꦏꦸꦱꦭꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧗꧐꧗. ꦢꦶꦛ꧀ꦜꦶꦒꦠꦁ ꦄꦧ꧀ꦪꦴꦏꦠꦤ꧀ꦠꦶ? ꦄꦴꦩꦤ꧀ꦠꦴ. ꦄꦦꦭꦁ ꦄꦮꦶꦥꦴꦏꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦤꦤꦸ ꦱꦦꦭꦁ ꦱꦮꦶꦥꦴꦏꦤ꧀ꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦱꦦꦭꦁ ꦱꦮꦶꦥꦴꦏꦁ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦢꦶꦛ꧀ꦜꦶꦒꦠꦁ ꦄꦧ꧀ꦪꦴꦏꦠ’’ꦤ꧀ꦠꦶ.

ꦢꦶꦛ꧀ꦜꦶꦒꦠꦁ ꦄꦧ꧀ꦪꦴꦏꦠꦤ꧀ꦠꦶ? ꦄꦴꦩꦤ꧀ꦠꦴ. ꦤꦤꦸ ꦩꦶꦕ꧀ꦖꦴꦢꦶꦛ꧀ꦜꦶꦥꦫꦩꦴꦤꦶ ꦮꦗ꧀ꦗꦴꦤꦶ [ꦄꦔ꧀ꦒꦸꦠ꧀ꦠꦫꦤꦶꦏꦴꦪꦺ] ꦮꦸꦠ꧀ꦠꦴꦤꦶ ꦨꦒꦮꦠꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦩꦶꦕ꧀ꦖꦴꦢꦶꦛ꧀ꦜꦶꦥꦫꦩꦴꦤꦶ ꦮꦗ꧀ꦗꦴꦤꦶ ꦮꦸꦠ꧀ꦠꦴꦤꦶ ꦨꦒꦮꦠꦴ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦢꦶꦛ꧀ꦜꦶꦒꦠꦁ ꦄꦧ꧀ꦪꦴꦏꦠ’’ꦤ꧀ꦠꦶ.

ꦢꦶꦛ꧀ꦜꦶꦒꦠꦁ ꦄꦧ꧀ꦪꦴꦏꦠꦤ꧀ꦠꦶ? ꦄꦴꦩꦤ꧀ꦠꦴ. ꦤꦤꦸ ꦮꦸꦠ꧀ꦠꦁ ꦨꦒꦮꦠꦴ – ‘‘ꦩꦶꦕ꧀ꦖꦴꦢꦶꦛ꧀ꦜꦶ ꦑꦺꦴ, ꦮꦕ꧀ꦖ, ꦄꦏꦸꦱꦭꦴ [ꦄꦏꦸꦱꦭꦁ (ꦩ. ꦤꦶ. ꧒.꧑꧙꧔)], ꦱꦩ꧀ꦩꦴꦢꦶꦛ꧀ꦜꦶ ꦏꦸꦱꦭꦴ’’ [ꦏꦸꦱꦭꦁ (ꦩ. ꦤꦶ. ꧒.꧑꧐꧔)] ꦠꦶ [ꦩ. ꦤꦶ. ꧒.꧑꧙꧔]! ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ? ꦄꦴꦩꦤ꧀ꦠꦴ. ꦠꦺꦤ ꦲꦶ ꦤ ꦮꦠ꧀ꦠꦧ꧀ꦧꦁ – ‘‘ꦢꦶꦛ꧀ꦜꦶꦒꦠꦁ ꦄꦧ꧀ꦪꦴꦏꦠ’’ꦤ꧀ꦠꦶ.

ꦢꦶꦛ꧀ꦜꦶꦒꦠꦁ ꦄꦧ꧀ꦪꦴꦏꦠꦤ꧀ꦠꦶ? ꦄꦴꦩꦤ꧀ꦠꦴ. ꦤꦤꦸ ꦮꦸꦠ꧀ꦠꦁ ꦨꦒꦮꦠꦴ – ‘‘ꦩꦶꦕ꧀ꦖꦴꦢꦶꦛ꧀ꦜꦶꦱ꧀ꦱ ꦑꦺꦴ ꦄꦲꦁ, ꦥꦸꦟ꧀ꦟ, ꦢ꧀ꦮꦶꦤ꧀ꦤꦁ ꦒꦠꦷꦤꦁ ꦄꦚ꧀ꦚꦠꦫꦁ ꦒꦠꦶꦁ ꦮꦢꦴꦩꦶ – ꦤꦶꦫꦪꦁ ꦮꦴ ꦠꦶꦫꦕ꧀ꦖꦴꦤꦪꦺꦴꦤꦶꦁ ꦮꦴ’’ꦠꦶ [ꦩ. ꦤꦶ. ꧒.꧗꧙]! ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ? ꦄꦴꦩꦤ꧀ꦠꦴ. ꦠꦺꦤ ꦲꦶ ꦤ ꦮꦠ꧀ꦠꦧ꧀ꦧꦁ – ‘‘ꦢꦶꦛ꧀ꦜꦶꦒꦠꦁ ꦄꦧ꧀ꦪꦴꦏꦠ’’ꦤ꧀ꦠꦶ.

꧗꧐꧘. ꦤ ꦮꦠ꧀ꦠꦧ꧀ꦧꦁ – ‘‘ꦢꦶꦛ꧀ꦜꦶꦒꦠꦁ ꦄꦧ꧀ꦪꦴꦏꦠ’’ꦤ꧀ꦠꦶ? ꦄꦴꦩꦤ꧀ꦠꦴ. ꦤꦤꦸ ꦮꦸꦠ꧀ꦠꦁ ꦨꦒꦮꦠꦴ – ‘‘‘ꦱꦱ꧀ꦱꦠꦺꦴ ꦭꦺꦴꦏꦺꦴ’ꦠꦶ ꦑꦺꦴ, ꦮꦕ꧀ꦖ, ꦄꦧ꧀ꦪꦴꦏꦠꦩꦺꦠꦁ, ‘ꦄꦱꦱ꧀ꦱꦠꦺꦴ ꦭꦺꦴꦏꦺꦴ’ꦠꦶ ꦑꦺꦴ, ꦮꦕ꧀ꦖ, ꦄꦧ꧀ꦪꦴꦏꦠꦩꦺꦠꦁ, ‘ꦄꦤ꧀ꦠꦮꦴ ꦭꦺꦴꦏꦺꦴ’ꦠꦶ ꦑꦺꦴ, ꦮꦕ꧀ꦖ, ꦄꦧ꧀ꦪꦴꦏꦠꦩꦺꦠꦁ, ‘ꦄꦤꦤ꧀ꦠꦮꦴ ꦭꦺꦴꦏꦺꦴ’ꦠꦶ ꦑꦺꦴ, ꦮꦕ꧀ꦖ…ꦥꦺ… ‘ꦠꦁ ꦗꦷꦮꦁ ꦠꦁ ꦱꦫꦷꦫ’ꦤ꧀ꦠꦶ ꦑꦺꦴ, ꦮꦕ꧀ꦖ…ꦥꦺ… ‘ꦄꦚ꧀ꦚꦁ ꦗꦷꦮꦁ ꦄꦚ꧀ꦚꦁ ꦱꦫꦷꦫ’ꦤ꧀ꦠꦶ ꦑꦺꦴ, ꦮꦕ꧀ꦖ…ꦥꦺ… ‘ꦲꦺꦴꦠꦶ ꦠꦡꦴꦒꦠꦺꦴ ꦥꦫꦁ ꦩꦫꦟꦴ’ꦠꦶ ꦑꦺꦴ, ꦮꦕ꧀ꦖ…ꦥꦺ… ‘ꦤ ꦲꦺꦴꦠꦶ ꦠꦡꦴꦒꦠꦺꦴ ꦥꦫꦁ ꦩꦫꦟꦴ’ꦠꦶ ꦑꦺꦴ, ꦮꦕ꧀ꦖ…ꦥꦺ… ‘ꦲꦺꦴꦠꦶ ꦕ ꦤ ꦕ ꦲꦺꦴꦠꦶ ꦠꦡꦴꦒꦠꦺꦴ ꦥꦫꦁ ꦩꦫꦟꦴ’ꦠꦶ ꦑꦺꦴ, ꦮꦕ꧀ꦖ…ꦥꦺ… ‘ꦤꦺꦮ ꦲꦺꦴꦠꦶ ꦤ ꦤ ꦲꦺꦴꦠꦶ ꦠꦡꦴꦒꦠꦺꦴ ꦥꦫꦁ ꦩꦫꦟꦴ’ꦠꦶ ꦑꦺꦴ, ꦮꦕ꧀ꦖ, ꦄꦧ꧀ꦪꦴꦏꦠꦩꦺꦠ’’ꦤ꧀ꦠꦶ [ꦱꦁ. ꦤꦶ. ꧔.꧔꧑꧖, ꦡꦺꦴꦏꦁ ꦥꦤ ꦮꦶꦱꦢꦶꦱꦁ]! ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ? ꦄꦴꦩꦤ꧀ꦠꦴ. ꦠꦺꦤ ꦲꦶ ꦢꦶꦛ꧀ꦜꦶꦒꦠꦁ ꦄꦧ꧀ꦪꦴꦏꦠꦤ꧀ꦠꦶ.

ꦢꦶꦛ꧀ꦜꦶꦒꦠꦁ ꦄꦧ꧀ꦪꦴꦏꦠꦤ꧀ꦠꦶ? ꦄꦴꦩꦤ꧀ꦠꦴ. ꦤꦤꦸ ꦮꦸꦠ꧀ꦠꦁ ꦨꦒꦮꦠꦴ – ‘‘ꦩꦶꦕ꧀ꦖꦴꦢꦶꦛ꧀ꦜꦶꦏꦱ꧀ꦱ, ꦨꦶꦏ꧀ꦑꦮꦺ, ꦥꦸꦫꦶꦱꦥꦸꦒ꧀ꦒꦭꦱ꧀ꦱ ꦪꦚ꧀ꦕꦺꦮ ꦏꦴꦪꦏꦩ꧀ꦩꦁ ꦪꦡꦴꦢꦶꦛ꧀ꦜꦶꦱꦩꦠ꧀ꦠꦁ ꦱꦩꦴꦢꦶꦤ꧀ꦤꦁ, ꦪꦚ꧀ꦕ ꦮꦕꦷꦏꦩ꧀ꦩꦁ…ꦥꦺ… ꦪꦚ꧀ꦕ ꦩꦤꦺꦴꦏꦩ꧀ꦩꦁ, ꦪꦴ ꦕ ꦕꦺꦠꦤꦴ, ꦪꦴ ꦕ ꦥꦠ꧀ꦡꦤꦴ, ꦪꦺꦴ ꦕ ꦥꦟꦶꦣꦶ, ꦪꦺ ꦕ ꦱꦔ꧀ꦑꦴꦫꦴ, ꦱꦧ꧀ꦧꦺ ꦠꦺ ꦣꦩ꧀ꦩꦴ ꦄꦤꦶꦛ꧀ꦜꦴꦪ ꦄꦏꦤ꧀ꦠꦴꦪ ꦄꦩꦤꦴꦥꦴꦪ ꦄꦲꦶꦠꦴꦪ ꦢꦸꦏ꧀ꦑꦴꦪ ꦱꦁꦮꦠ꧀ꦠꦤ꧀ꦠꦷ’’ꦠꦶ [ꦄ. ꦤꦶ. ꧑.꧓꧐꧖]! ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ? ꦄꦴꦩꦤ꧀ꦠꦴ. ꦠꦺꦤ ꦲꦶ ꦤ ꦮꦠ꧀ꦠꦧ꧀ꦧꦁ – ‘‘ꦢꦶꦛ꧀ꦜꦶꦒꦠꦁ ꦄꦧ꧀ꦪꦴꦏꦠ’’ꦤ꧀ꦠꦶ.

ꦄꦧ꧀ꦪꦴꦏꦠꦏꦡꦴ ꦤꦶꦛ꧀ꦜꦶꦠꦴ.

꧑꧔. ꦕꦸꦢ꧀ꦢꦱꦩꦮꦒ꧀ꦒꦺꦴ

(꧑꧔꧔) ꧙. ꦄꦥꦫꦶꦪꦴꦥꦤ꧀ꦤꦏꦡꦴ

꧗꧐꧙. ꦢꦶꦛ꧀ꦜꦶꦒꦠꦁ ꦄꦥꦫꦶꦪꦴꦥꦤ꧀ꦤꦤ꧀ꦠꦶ? ꦄꦴꦩꦤ꧀ꦠꦴ. ꦩꦒ꧀ꦒꦺꦴ ꦦꦭꦁ ꦤꦶꦧ꧀ꦧꦴꦤꦁ, ꦱꦺꦴꦠꦴꦥꦠ꧀ꦠꦶꦩꦒ꧀ꦒꦺꦴ ꦱꦺꦴꦠꦴꦥꦠ꧀ꦠꦶꦦꦭꦁ, ꦱꦏꦢꦴꦒꦴꦩꦶꦩꦒ꧀ꦒꦺꦴ ꦱꦏꦢꦴꦒꦴꦩꦶꦦꦭꦁ, ꦄꦤꦴꦒꦴꦩꦶꦩꦒ꧀ꦒꦺꦴ ꦄꦤꦴꦒꦴꦩꦶꦦꦭꦁ, ꦄꦫꦲꦠ꧀ꦠꦩꦒ꧀ꦒꦺꦴ ꦄꦫꦲꦠ꧀ꦠꦦꦭꦁ, ꦱꦠꦶꦥꦛ꧀ꦜꦴꦤꦁ ꦱꦩ꧀ꦩꦥ꧀ꦥꦣꦴꦤꦁ ꦆꦢ꧀ꦣꦶꦥꦴꦢꦺꦴ ꦆꦤ꧀ꦢ꧀ꦫꦶꦪꦁ ꦧꦭꦁ ꦧꦺꦴꦗ꧀ꦙꦔ꧀ꦒꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧗꧑꧐. ꦤ ꦮꦠ꧀ꦠꦧ꧀ꦧꦁ – ‘‘ꦢꦶꦛ꧀ꦜꦶꦒꦠꦁ ꦄꦥꦫꦶꦪꦴꦥꦤ꧀ꦤ’’ꦤ꧀ꦠꦶ? ꦄꦴꦩꦤ꧀ꦠꦴ. ꦥꦸꦡꦸꦗ꧀ꦗꦤꦺꦴ ‘‘ꦏꦴꦩꦺꦱꦸ ꦮꦷꦠꦫꦴꦒꦺꦴ’’ꦠꦶ ꦮꦠ꧀ꦠꦧ꧀ꦧꦺꦴꦠꦶ? ꦄꦴꦩꦤ꧀ꦠꦴ. ‘‘ꦮꦶꦒꦠꦢꦶꦛ꧀ꦜꦶꦪꦺꦴ’’ꦠꦶ ꦮꦠ꧀ꦠꦧ꧀ꦧꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ. ꦠꦺꦤ ꦲꦶ ꦢꦶꦛ꧀ꦜꦶꦒꦠꦁ ꦄꦥꦫꦶꦪꦴꦥꦤ꧀ꦤꦤ꧀ꦠꦶ.

ꦄꦥꦫꦶꦪꦴꦥꦤ꧀ꦤꦏꦡꦴ ꦤꦶꦛ꧀ꦜꦶꦠꦴ.

ꦕꦸꦢ꧀ꦢꦱꦩꦮꦒ꧀ꦒꦺꦴ.

ꦠꦱ꧀ꦱꦸꦢ꧀ꦢꦴꦤꦁ –

ꦄꦏꦸꦱꦭꦩꦹꦭꦁ ꦥꦛꦶꦱꦤ꧀ꦢꦲꦠꦶ ꦏꦸꦱꦭꦩꦹꦭꦁ, ꦏꦸꦱꦭꦩꦹꦭꦁ ꦥꦛꦶꦱꦤ꧀ꦢꦲꦠꦶ ꦄꦏꦸꦱꦭꦩꦹꦭꦁ, ꦱꦭ꦳ꦴꦪꦠꦤꦁ ꦖꦮꦶꦚ꧀ꦚꦴꦟꦏꦴꦪꦴ, ꦄꦫꦶꦪꦫꦹꦥꦁ ꦩꦲꦴꦨꦹꦠꦴꦤꦁ ꦈꦥꦴꦢꦴꦪ, ꦱ꧀ꦮꦺꦮ ꦄꦤꦸꦱꦪꦺꦴ ꦠꦁ ꦥꦫꦶꦪꦸꦛ꧀ꦜꦴꦤꦁ, ꦥꦫꦶꦪꦸꦛ꧀ꦜꦴꦤꦁ ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦁ, ꦪꦡꦴꦣꦴꦠꦸ ꦠꦚ꧀ꦚꦺꦮ ꦄꦤꦸꦱꦺꦠꦶ, ꦢꦶꦛ꧀ꦜꦶꦒꦠꦁ ꦄꦧ꧀ꦪꦴꦏꦠꦁ, ꦢꦶꦛ꧀ꦜꦶꦒꦠꦁ ꦄꦥꦫꦶꦪꦴꦥꦤ꧀ꦤꦤ꧀ꦠꦶ.