꧑꧓. ꦠꦺꦫꦱꦩꦮꦒ꧀ꦒꦺꦴ

(꧑꧓꧔) ꧙. ꦣꦩ꧀ꦩꦠꦟ꧀ꦲꦴ ꦄꦧ꧀ꦪꦴꦏꦠꦴꦠꦶꦏꦡꦴ

꧖꧗꧖. ꦣꦩ꧀ꦩꦠꦟ꧀ꦲꦴ ꦄꦧ꧀ꦪꦴꦏꦠꦴꦠꦶ? ꦄꦴꦩꦤ꧀ꦠꦴ. ꦮꦶꦥꦴꦏꦴꦧ꧀ꦪꦴꦏꦠꦴ ꦏꦶꦫꦶꦪꦴꦧ꧀ꦪꦴꦏꦠꦴ ꦫꦹꦥꦁ ꦤꦶꦧ꧀ꦧꦴꦤꦁ ꦕꦏ꧀ꦑꦴꦪꦠꦤꦁ…ꦥꦺ… ꦦꦺꦴꦛ꧀ꦜꦧ꧀ꦧꦴꦪꦠꦤꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦣꦩ꧀ꦩꦠꦟ꧀ꦲꦴ ꦄꦧ꧀ꦪꦴꦏꦠꦴꦠꦶ? ꦄꦴꦩꦤ꧀ꦠꦴ. ꦫꦹꦥꦠꦟ꧀ꦲꦴ ꦄꦧ꧀ꦪꦴꦏꦠꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ …ꦥꦺ… ꦣꦩ꧀ꦩꦠꦟ꧀ꦲꦴ ꦄꦧ꧀ꦪꦴꦏꦠꦴꦠꦶ? ꦄꦴꦩꦤ꧀ꦠꦴ. ꦱꦢ꧀ꦢꦠꦟ꧀ꦲꦴ…ꦥꦺ… ꦒꦤ꧀ꦣꦠꦟ꧀ꦲꦴ…ꦥꦺ… ꦫꦱꦠꦟ꧀ꦲꦴ…ꦥꦺ… ꦦꦺꦴꦛ꧀ꦜꦧ꧀ꦧꦠꦟ꧀ꦲꦴ ꦄꦧ꧀ꦪꦴꦏꦠꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦫꦹꦥꦠꦟ꧀ꦲꦴ ꦄꦏꦸꦱꦭꦴꦠꦶ? ꦄꦴꦩꦤ꧀ꦠꦴ. ꦣꦩ꧀ꦩꦠꦟ꧀ꦲꦴ ꦄꦏꦸꦱꦭꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦱꦢ꧀ꦢꦠꦟ꧀ꦲꦴ…ꦥꦺ… ꦦꦺꦴꦛ꧀ꦜꦧ꧀ꦧꦠꦟ꧀ꦲꦴ ꦄꦏꦸꦱꦭꦴꦠꦶ? ꦄꦴꦩꦤ꧀ꦠꦴ. ꦣꦩ꧀ꦩꦠꦟ꧀ꦲꦴ ꦄꦏꦸꦱꦭꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧖꧗꧗. ꦣꦩ꧀ꦩꦠꦟ꧀ꦲꦴ ꦄꦧ꧀ꦪꦴꦏꦠꦴꦠꦶ? ꦄꦴꦩꦤ꧀ꦠꦴ. ꦤꦤꦸ ꦠꦟ꧀ꦲꦴ ꦄꦏꦸꦱꦭꦴ ꦮꦸꦠ꧀ꦠꦴ ꦨꦒꦮꦠꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦠꦟ꧀ꦲꦴ ꦄꦏꦸꦱꦭꦴ ꦮꦸꦠ꧀ꦠꦴ ꦨꦒꦮꦠꦴ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦣꦩ꧀ꦩꦠꦟ꧀ꦲꦴ ꦄꦧ꧀ꦪꦴꦏꦠꦴ’’ꦠꦶ.

ꦣꦩ꧀ꦩꦠꦟ꧀ꦲꦴ ꦄꦧ꧀ꦪꦴꦏꦠꦴꦠꦶ? ꦄꦴꦩꦤ꧀ꦠꦴ. ꦤꦤꦸ ꦭꦺꦴꦨꦺꦴ ꦄꦏꦸꦱꦭꦺꦴ ꦮꦸꦠ꧀ꦠꦺꦴ ꦨꦒꦮꦠꦴ, ꦣꦩ꧀ꦩꦠꦟ꧀ꦲꦴ ꦭꦺꦴꦨꦺꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦭꦺꦴꦨꦺꦴ ꦄꦏꦸꦱꦭꦺꦴ ꦮꦸꦠ꧀ꦠꦺꦴ ꦨꦒꦮꦠꦴ, ꦣꦩ꧀ꦩꦠꦟ꧀ꦲꦴ ꦭꦺꦴꦨꦺꦴ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦣꦩ꧀ꦩꦠꦟ꧀ꦲꦴ ꦄꦧ꧀ꦪꦴꦏꦠꦴ’’ꦠꦶ.

꧖꧗꧘. ꦣꦩ꧀ꦩꦠꦟ꧀ꦲꦴ ꦭꦺꦴꦨꦺꦴ ꦄꦧ꧀ꦪꦴꦏꦠꦺꦴꦠꦶ? ꦄꦴꦩꦤ꧀ꦠꦴ. ꦫꦹꦥꦠꦟ꧀ꦲꦴ ꦭꦺꦴꦨꦺꦴ ꦄꦧ꧀ꦪꦴꦏꦠꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦣꦩ꧀ꦩꦠꦟ꧀ꦲꦴ ꦭꦺꦴꦨꦺꦴ ꦄꦧ꧀ꦪꦴꦏꦠꦺꦴꦠꦶ? ꦄꦴꦩꦤ꧀ꦠꦴ. ꦱꦢ꧀ꦢꦠꦟ꧀ꦲꦴ…ꦥꦺ… ꦦꦺꦴꦛ꧀ꦜꦧ꧀ꦧꦠꦟ꧀ꦲꦴ ꦭꦺꦴꦨꦺꦴ ꦄꦧ꧀ꦪꦴꦏꦠꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦫꦹꦥꦠꦟ꧀ꦲꦴ ꦭꦺꦴꦨꦺꦴ ꦄꦏꦸꦱꦭꦺꦴꦠꦶ? ꦄꦴꦩꦤ꧀ꦠꦴ. ꦣꦩ꧀ꦩꦠꦟ꧀ꦲꦴ ꦭꦺꦴꦨꦺꦴ ꦄꦏꦸꦱꦭꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦱꦢ꧀ꦢꦠꦟ꧀ꦲꦴ…ꦥꦺ… ꦦꦺꦴꦛ꧀ꦜꦧ꧀ꦧꦠꦟ꧀ꦲꦴ ꦭꦺꦴꦨꦺꦴ ꦄꦏꦸꦱꦭꦺꦴꦠꦶ? ꦄꦴꦩꦤ꧀ꦠꦴ. ꦣꦩ꧀ꦩꦠꦟ꧀ꦲꦴ ꦭꦺꦴꦨꦺꦴ ꦄꦏꦸꦱꦭꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧖꧗꧙. ꦣꦩ꧀ꦩꦠꦟ꧀ꦲꦴ ꦄꦧ꧀ꦪꦴꦏꦠꦴꦠꦶ? ꦄꦴꦩꦤ꧀ꦠꦴ. ꦤꦤꦸ ꦮꦸꦠ꧀ꦠꦁ ꦨꦒꦮꦠꦴ – ‘‘ꦪꦴꦪꦁ ꦠꦟ꧀ꦲꦴ ꦥꦺꦴꦤꦺꦴꦧ꧀ꦨꦮꦶꦏꦴ ꦤꦤ꧀ꦢꦷꦫꦴꦒꦱꦲꦒꦠꦴ ꦠꦠ꧀ꦫꦠꦠ꧀ꦫꦴꦨꦶꦤꦤ꧀ꦢꦶꦤꦷ, ꦱꦺꦪ꧀ꦪꦡꦶꦢꦁ – ꦏꦴꦩꦠꦟ꧀ꦲꦴ, ꦨꦮꦠꦟ꧀ꦲꦴ, ꦮꦶꦨꦮꦠꦟ꧀ꦲꦴ’’ꦠꦶ [ꦩꦲꦴꦮ. ꧑꧔; ꦢꦷ. ꦤꦶ. ꧒.꧔꧐꧐]! ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ? ꦄꦴꦩꦤ꧀ꦠꦴ. ꦠꦺꦤ ꦲꦶ ꦤ ꦮꦠ꧀ꦠꦧ꧀ꦧꦁ – ‘‘ꦣꦩ꧀ꦩꦠꦟ꧀ꦲꦴ ꦄꦧ꧀ꦪꦴꦏꦠꦴ’’ꦠꦶ.

꧖꧘꧐. ꦤ ꦮꦠ꧀ꦠꦧ꧀ꦧꦁ – ‘‘ꦣꦩ꧀ꦩꦠꦟ꧀ꦲꦴ ꦄꦧ꧀ꦪꦴꦏꦠꦴ’’ꦠꦶ? ꦄꦴꦩꦤ꧀ꦠꦴ. ꦤꦤꦸ ꦱꦴ ꦣꦩ꧀ꦩꦠꦟ꧀ꦲꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦱꦴ ꦣꦩ꧀ꦩꦠꦟ꧀ꦲꦴ, ꦠꦺꦤ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦣꦩ꧀ꦩꦠꦟ꧀ꦲꦴ ꦄꦧ꧀ꦪꦴꦏꦠꦴ’’ꦠꦶ.

ꦣꦩ꧀ꦩꦠꦟ꧀ꦲꦴ ꦄꦧ꧀ꦪꦴꦏꦠꦴꦠꦶꦏꦡꦴ ꦤꦶꦛ꧀ꦜꦶꦠꦴ.