(꧘꧙) ꧖. ꦄꦠꦷꦠꦴꦤꦴꦒꦠꦴꦫꦩ꧀ꦩꦟꦏꦡꦴ

꧕꧕꧙. ꦄꦠꦷꦠꦴꦫꦩ꧀ꦩꦟꦁ ꦕꦶꦠ꧀ꦠꦁ ꦄꦤꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦤꦤꦸ ꦄꦠꦷꦠꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦄꦠꦷꦠꦴꦫꦩ꧀ꦩꦟꦁ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦄꦠꦷꦠꦴꦫꦩ꧀ꦩꦟꦁ ꦕꦶꦠ꧀ꦠꦁ ꦄꦤꦴꦫꦩ꧀ꦩꦟ’’ꦤ꧀ꦠꦶ. ꦄꦠꦷꦠꦴꦫꦩ꧀ꦩꦟꦁ ꦕꦶꦠ꧀ꦠꦁ ꦄꦤꦴꦫꦩ꧀ꦩꦟꦤ꧀ꦠꦶ ꦩꦶꦕ꧀ꦖꦴ. ꦲꦚ꧀ꦕꦶ ꦮꦴ ꦥꦤ ꦄꦤꦴꦫꦩ꧀ꦩꦟꦁ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦄꦠꦷꦠꦴꦫꦩ꧀ꦩꦟ’’ꦤ꧀ꦠꦶ. ꦄꦤꦴꦫꦩ꧀ꦩꦟꦁ ꦄꦠꦷꦠꦴꦫꦩ꧀ꦩꦟꦤ꧀ꦠꦶ ꦩꦶꦕ꧀ꦖꦴ.

ꦄꦠꦷꦠꦴꦫꦩ꧀ꦩꦟꦁ ꦕꦶꦠ꧀ꦠꦁ ꦄꦤꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦤꦤꦸ ꦄꦠꦷꦠꦁ ꦄꦴꦫꦧ꧀ꦨ ꦄꦠ꧀ꦡꦶ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦄꦠꦷꦠꦁ ꦄꦴꦫꦧ꧀ꦨ ꦄꦠ꧀ꦡꦶ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦄꦠꦷꦠꦴꦫꦩ꧀ꦩꦟꦁ ꦕꦶꦠ꧀ꦠꦁ ꦄꦤꦴꦫꦩ꧀ꦩꦟ’’ꦤ꧀ꦠꦶ.

꧕꧖꧐. ꦄꦤꦴꦒꦠꦴꦫꦩ꧀ꦩꦟꦁ ꦕꦶꦠ꧀ꦠꦁ ꦄꦤꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦤꦤꦸ ꦄꦤꦴꦒꦠꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦄꦤꦴꦒꦠꦴꦫꦩ꧀ꦩꦟꦁ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦄꦤꦴꦒꦠꦴꦫꦩ꧀ꦩꦟꦁ ꦕꦶꦠ꧀ꦠꦁ ꦄꦤꦴꦫꦩ꧀ꦩꦟ’’ꦤ꧀ꦠꦶ. ꦄꦤꦴꦒꦠꦴꦫꦩ꧀ꦩꦟꦁ ꦕꦶꦠ꧀ꦠꦁ ꦄꦤꦴꦫꦩ꧀ꦩꦟꦤ꧀ꦠꦶ ꦩꦶꦕ꧀ꦖꦴ. ꦲꦚ꧀ꦕꦶ ꦮꦴ ꦥꦤ ꦄꦤꦴꦫꦩ꧀ꦩꦟꦁ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦄꦤꦴꦒꦠꦴꦫꦩ꧀ꦩꦟ’’ꦤ꧀ꦠꦶ. ꦄꦤꦴꦫꦩ꧀ꦩꦟꦁ ꦄꦤꦴꦒꦠꦴꦫꦩ꧀ꦩꦟꦤ꧀ꦠꦶ ꦩꦶꦕ꧀ꦖꦴ.

ꦄꦤꦴꦒꦠꦴꦫꦩ꧀ꦩꦟꦁ ꦕꦶꦠ꧀ꦠꦁ ꦄꦤꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦤꦤꦸ ꦄꦤꦴꦒꦠꦁ ꦄꦴꦫꦧ꧀ꦨ ꦄꦠ꧀ꦡꦶ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦄꦤꦴꦒꦠꦁ ꦄꦴꦫꦧ꧀ꦨ ꦄꦠ꧀ꦡꦶ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦄꦤꦴꦒꦠꦴꦫꦩ꧀ꦩꦟꦁ ꦕꦶꦠ꧀ꦠꦁ ꦄꦤꦴꦫꦩ꧀ꦩꦟ’’ꦤ꧀ꦠꦶ.

ꦥꦕ꧀ꦕꦸꦥ꧀ꦥꦤ꧀ꦤꦁ ꦄꦴꦫꦧ꧀ꦨ ꦄꦠ꧀ꦡꦶ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦥꦕ꧀ꦕꦸꦥ꧀ꦥꦤ꧀ꦤꦴꦫꦩ꧀ꦩꦟꦁ ꦕꦶꦠ꧀ꦠꦁ ꦱꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦄꦠꦷꦠꦁ ꦄꦴꦫꦧ꧀ꦨ ꦄꦠ꧀ꦡꦶ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦄꦠꦷꦠꦴꦫꦩ꧀ꦩꦟꦁ ꦕꦶꦠ꧀ꦠꦁ ꦱꦴꦫꦩ꧀ꦩꦟꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦥꦕ꧀ꦕꦸꦥ꧀ꦥꦤ꧀ꦤꦁ ꦄꦴꦫꦧ꧀ꦨ ꦄꦠ꧀ꦡꦶ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦥꦕ꧀ꦕꦸꦥ꧀ꦥꦤ꧀ꦤꦴꦫꦩ꧀ꦩꦟꦁ ꦕꦶꦠ꧀ꦠꦁ ꦱꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦄꦤꦴꦒꦠꦁ ꦄꦴꦫꦧ꧀ꦨ ꦄꦠ꧀ꦡꦶ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦄꦤꦴꦒꦠꦴꦫꦩ꧀ꦩꦟꦁ ꦕꦶꦠ꧀ꦠꦁ ꦱꦴꦫꦩ꧀ꦩꦟꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦠꦷꦠꦁ ꦄꦴꦫꦧ꧀ꦨ ꦄꦠ꧀ꦡꦶ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦄꦠꦷꦠꦴꦫꦩ꧀ꦩꦟꦁ ꦕꦶꦠ꧀ꦠꦁ ꦄꦤꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦥꦕ꧀ꦕꦸꦥ꧀ꦥꦤ꧀ꦤꦁ ꦄꦴꦫꦧ꧀ꦨ ꦄꦠ꧀ꦡꦶ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦥꦕ꧀ꦕꦸꦥ꧀ꦥꦤ꧀ꦤꦴꦫꦩ꧀ꦩꦟꦁ ꦕꦶꦠ꧀ꦠꦁ ꦄꦤꦴꦫꦩ꧀ꦩꦟꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦤꦴꦒꦠꦁ ꦄꦴꦫꦧ꧀ꦨ ꦄꦠ꧀ꦡꦶ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦄꦤꦴꦒꦠꦴꦫꦩ꧀ꦩꦟꦁ ꦕꦶꦠ꧀ꦠꦁ ꦄꦤꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦥꦕ꧀ꦕꦸꦥ꧀ꦥꦤ꧀ꦤꦁ ꦄꦴꦫꦧ꧀ꦨ ꦄꦠ꧀ꦡꦶ ꦄꦴꦮꦛ꧀ꦛꦤꦴ…ꦥꦺ… ꦥꦟꦶꦣꦶ, ꦥꦕ꧀ꦕꦸꦥ꧀ꦥꦤ꧀ꦤꦴꦫꦩ꧀ꦩꦟꦁ ꦕꦶꦠ꧀ꦠꦁ ꦄꦤꦴꦫꦩ꧀ꦩꦟꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧕꧖꧑. ꦤ ꦮꦠ꧀ꦠꦧ꧀ꦧꦁ – ‘‘ꦄꦠꦷꦠꦴꦤꦴꦒꦠꦴꦫꦩ꧀ꦩꦟꦁ ꦕꦶꦠ꧀ꦠꦁ ꦄꦤꦴꦫꦩ꧀ꦩꦟ’’ꦤ꧀ꦠꦶ? ꦄꦴꦩꦤ꧀ꦠꦴ. ꦤꦤꦸ ꦄꦠꦷꦠꦴꦤꦴꦒꦠꦁ ꦤꦠ꧀ꦡꦷꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦄꦠꦷꦠꦴꦤꦴꦒꦠꦁ ꦤꦠ꧀ꦡꦶ, ꦠꦺꦤ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦄꦠꦷꦠꦴꦤꦴꦒꦠꦴꦫꦩ꧀ꦩꦟꦁ ꦕꦶꦠ꧀ꦠꦁ ꦄꦤꦴꦫꦩ꧀ꦩꦟ’’ꦤ꧀ꦠꦶ…ꦥꦺ….

ꦄꦠꦷꦠꦴꦤꦴꦒꦠꦴꦫꦩ꧀ꦩꦟꦏꦡꦴ ꦤꦶꦛ꧀ꦜꦶꦠꦴ.