(꧘꧘) ꧕. ꦚꦴꦟꦁ ꦄꦤꦴꦫꦩ꧀ꦩꦟꦤ꧀ꦠꦶꦏꦡꦴ

꧕꧕꧗. ꦚꦴꦟꦁ ꦄꦤꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦫꦹꦥꦁ ꦤꦶꦧ꧀ꦧꦴꦤꦁ ꦕꦏ꧀ꦑꦴꦪꦠꦤꦁ…ꦥꦺ… ꦦꦺꦴꦛ꧀ꦜꦧ꧀ꦧꦴꦪꦠꦤꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦚꦴꦟꦁ ꦄꦤꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦥꦚ꧀ꦚꦴ ꦥꦚ꧀ꦚꦶꦤ꧀ꦢ꧀ꦫꦶꦪꦁ ꦥꦚ꧀ꦚꦴꦧꦭꦁ ꦱꦩ꧀ꦩꦴꦢꦶꦛ꧀ꦜꦶ ꦣꦩ꧀ꦩꦮꦶꦕꦪꦱꦩ꧀ꦧꦺꦴꦗ꧀ꦙꦔ꧀ꦒꦺꦴ ꦄꦤꦴꦫꦩ꧀ꦩꦟꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦥꦚ꧀ꦚꦴ ꦥꦚ꧀ꦚꦶꦤ꧀ꦢ꧀ꦫꦶꦪꦁ ꦥꦚ꧀ꦚꦴꦧꦭꦁ ꦱꦩ꧀ꦩꦴꦢꦶꦛ꧀ꦜꦶ ꦣꦩ꧀ꦩꦮꦶꦕꦪꦱꦩ꧀ꦧꦺꦴꦗ꧀ꦙꦔ꧀ꦒꦺꦴ ꦱꦴꦫꦩ꧀ꦩꦟꦺꦴꦠꦶ? ꦄꦴꦩꦤ꧀ꦠꦴ. ꦚꦴꦟꦁ ꦱꦴꦫꦩ꧀ꦩꦟꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦚꦴꦟꦁ ꦄꦤꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦏꦠꦩꦏ꧀ꦑꦤ꧀ꦣꦥꦫꦶꦪꦴꦥꦤ꧀ꦤꦤ꧀ꦠꦶ? ꦱꦔ꧀ꦑꦴꦫꦏ꧀ꦑꦤ꧀ꦣꦥꦫꦶꦪꦴꦥꦤ꧀ꦤꦤ꧀ꦠꦶ. ꦱꦔ꧀ꦑꦴꦫꦏ꧀ꦑꦤ꧀ꦣꦺꦴ ꦄꦤꦴꦫꦩ꧀ꦩꦟꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦱꦔ꧀ꦑꦴꦫꦏ꧀ꦑꦤ꧀ꦣꦺꦴ ꦄꦤꦴꦫꦩ꧀ꦩꦟꦺꦴꦠꦶ? ꦄꦴꦩꦤ꧀ꦠꦴ. ꦮꦺꦢꦤꦴꦏ꧀ꦑꦤ꧀ꦣꦺꦴ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦮꦶꦚ꧀ꦚꦴꦟꦏ꧀ꦑꦤ꧀ꦣꦺꦴ ꦄꦤꦴꦫꦩ꧀ꦩꦟꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦚꦴꦟꦁ ꦱꦔ꧀ꦑꦴꦫꦏ꧀ꦑꦤ꧀ꦣꦥꦫꦶꦪꦴꦥꦤ꧀ꦤꦁ ꦄꦤꦴꦫꦩ꧀ꦩꦟꦤ꧀ꦠꦶ? ꦄꦴꦩꦤ꧀ꦠꦴ. ꦥꦚ꧀ꦚꦴ ꦱꦔ꧀ꦑꦴꦫꦏ꧀ꦑꦤ꧀ꦣꦥꦫꦶꦪꦴꦥꦤ꧀ꦤꦴ ꦄꦤꦴꦫꦩ꧀ꦩꦟꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦥꦚ꧀ꦚꦴ ꦱꦔ꧀ꦑꦴꦫꦏ꧀ꦑꦤ꧀ꦣꦥꦫꦶꦪꦴꦥꦤ꧀ꦤꦴ ꦱꦴꦫꦩ꧀ꦩꦟꦴꦠꦶ? ꦄꦴꦩꦤ꧀ꦠꦴ. ꦚꦴꦟꦁ ꦱꦔ꧀ꦑꦴꦫꦏ꧀ꦑꦤ꧀ꦣꦥꦫꦶꦪꦴꦥꦤ꧀ꦤꦁ ꦱꦴꦫꦩ꧀ꦩꦟꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦚꦴꦟꦁ ꦱꦔ꧀ꦑꦴꦫꦏ꧀ꦑꦤ꧀ꦣꦥꦫꦶꦪꦴꦥꦤ꧀ꦤꦁ ꦄꦤꦴꦫꦩ꧀ꦩꦟꦁ, ꦥꦚ꧀ꦚꦴ ꦱꦔ꧀ꦑꦴꦫꦏ꧀ꦑꦤ꧀ꦣꦥꦫꦶꦪꦴꦥꦤ꧀ꦤꦴ ꦱꦴꦫꦩ꧀ꦩꦟꦴꦠꦶ? ꦄꦴꦩꦤ꧀ꦠꦴ. ꦱꦔ꧀ꦑꦴꦫꦏ꧀ꦑꦤ꧀ꦣꦺꦴ ꦌꦏꦢꦺꦱꦺꦴ ꦱꦴꦫꦩ꧀ꦩꦟꦺꦴ ꦌꦏꦢꦺꦱꦺꦴ ꦄꦤꦴꦫꦩ꧀ꦩꦟꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦱꦔ꧀ꦑꦴꦫꦏ꧀ꦑꦤ꧀ꦣꦺꦴ ꦌꦏꦢꦺꦱꦺꦴ ꦱꦴꦫꦩ꧀ꦩꦟꦺꦴ ꦌꦏꦢꦺꦱꦺꦴ ꦄꦤꦴꦫꦩ꧀ꦩꦟꦺꦴꦠꦶ? ꦄꦴꦩꦤ꧀ꦠꦴ. ꦮꦺꦢꦤꦴꦏ꧀ꦑꦤ꧀ꦣꦺꦴ ꦱꦚ꧀ꦚꦴꦏ꧀ꦑꦤ꧀ꦣꦺꦴ ꦮꦶꦚ꧀ꦚꦴꦟꦏ꧀ꦑꦤ꧀ꦣꦺꦴ ꦌꦏꦢꦺꦱꦺꦴ ꦱꦴꦫꦩ꧀ꦩꦟꦺꦴ ꦌꦏꦢꦺꦱꦺꦴ ꦄꦤꦴꦫꦩ꧀ꦩꦟꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧕꧕꧘. ꦤ ꦮꦠ꧀ꦠꦧ꧀ꦧꦁ – ‘‘ꦚꦴꦟꦁ ꦄꦤꦴꦫꦩ꧀ꦩꦟ’’ꦤ꧀ꦠꦶ? ꦄꦴꦩꦤ꧀ꦠꦴ. ꦄꦫꦲꦴ ꦕꦏ꧀ꦑꦸꦮꦶꦚ꧀ꦚꦴꦟꦱꦩꦔ꧀ꦒꦷ ꦚꦴꦟꦷꦠꦶ ꦮꦠ꧀ꦠꦧ꧀ꦧꦺꦴꦠꦶ? ꦄꦴꦩꦤ꧀ꦠꦴ. ꦄꦠ꧀ꦡꦶ ꦠꦱ꧀ꦱ ꦚꦴꦟꦱ꧀ꦱ ꦄꦴꦫꦩ꧀ꦩꦟꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦠꦺꦤ ꦲꦶ ꦚꦴꦟꦁ ꦄꦤꦴꦫꦩ꧀ꦩꦟꦤ꧀ꦠꦶ. ꦄꦫꦲꦴ ꦕꦏ꧀ꦑꦸꦮꦶꦚ꧀ꦚꦴꦟꦱꦩꦔ꧀ꦒꦷ ꦥꦚ꧀ꦚꦮꦴꦠꦶ ꦮꦠ꧀ꦠꦧ꧀ꦧꦺꦴꦠꦶ? ꦄꦴꦩꦤ꧀ꦠꦴ. ꦄꦠ꧀ꦡꦶ ꦠꦴꦪ ꦥꦚ꧀ꦚꦴꦪ ꦄꦴꦫꦩ꧀ꦩꦟꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ…. ꦠꦺꦤ ꦲꦶ ꦥꦚ꧀ꦚꦴ ꦄꦤꦴꦫꦩ꧀ꦩꦟꦴꦠꦶ.

ꦚꦴꦟꦁ ꦄꦤꦴꦫꦩ꧀ꦩꦟꦤ꧀ꦠꦶꦏꦡꦴ ꦤꦶꦛ꧀ꦜꦶꦠꦴ.