(꧕꧓) ꧑. ꦤꦶꦪꦴꦩꦏꦡꦴ

꧔꧔꧕. ꦤꦶꦪꦴꦩꦺꦴ ꦄꦱꦔ꧀ꦑꦠꦺꦴꦠꦶ? ꦄꦴꦩꦤ꧀ꦠꦴ. ꦤꦶꦧ꧀ꦧꦴꦤꦁ ꦠꦴꦟꦁ ꦭꦺꦟꦁ ꦱꦫꦟꦁ ꦥꦫꦴꦪꦤꦁ ꦄꦕ꧀ꦕꦸꦠꦁ ꦄꦩꦠꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦤꦶꦪꦴꦩꦺꦴ ꦄꦱꦔ꧀ꦑꦠꦺꦴ, ꦤꦶꦧ꧀ꦧꦴꦤꦁ ꦄꦱꦔ꧀ꦑꦠꦤ꧀ꦠꦶ? ꦄꦴꦩꦤ꧀ꦠꦴ. ꦢ꧀ꦮꦺ ꦄꦱꦔ꧀ꦑꦠꦴꦤꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦢ꧀ꦮꦺ ꦄꦱꦔ꧀ꦑꦠꦴꦤꦷꦠꦶ? ꦄꦴꦩꦤ꧀ꦠꦴ. ꦢ꧀ꦮꦺ ꦠꦴꦟꦴꦤꦶ ꦢ꧀ꦮꦺ ꦭꦺꦟꦴꦤꦶ ꦢ꧀ꦮꦺ ꦱꦫꦟꦴꦤꦶ ꦢ꧀ꦮꦺ ꦥꦫꦴꦪꦤꦴꦤꦶ ꦢ꧀ꦮꦺ ꦄꦕ꧀ꦕꦸꦠꦴꦤꦶ ꦢ꧀ꦮꦺ ꦄꦩꦠꦴꦤꦶ ꦢ꧀ꦮꦺ ꦤꦶꦧ꧀ꦧꦴꦤꦴꦤꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦢ꧀ꦮꦺ ꦤꦶꦧ꧀ꦧꦴꦤꦴꦤꦷꦠꦶ? ꦄꦴꦩꦤ꧀ꦠꦴ. ꦄꦠ꧀ꦡꦶ ꦢ꧀ꦮꦶꦤ꧀ꦤꦁ ꦤꦶꦧ꧀ꦧꦴꦤꦴꦤꦁ ꦈꦕ꧀ꦕꦤꦷꦕꦠꦴ ꦲꦷꦤꦥꦟꦷꦠꦠꦴ ꦈꦏ꧀ꦏꦁꦱꦴꦮꦏꦁꦱꦺꦴ ꦱꦷꦩꦴ ꦮꦴ ꦨꦺꦢꦺꦴ ꦮꦴ ꦫꦴꦗꦶ ꦮꦴ ꦄꦤ꧀ꦠꦫꦶꦏꦴ ꦮꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦤꦶꦪꦴꦩꦺꦴ ꦄꦱꦔ꧀ꦑꦠꦺꦴꦠꦶ? ꦄꦴꦩꦤ꧀ꦠꦴ. ꦄꦠ꧀ꦡꦶ ꦏꦺꦕꦶ ꦤꦶꦪꦴꦩꦁ ꦎꦏ꧀ꦏꦩꦤ꧀ꦠꦶ ꦥꦛꦶꦭꦨꦤ꧀ꦠꦶ ꦈꦥ꧀ꦥꦴꦢꦺꦤ꧀ꦠꦶ ꦱꦩꦸꦥ꧀ꦥꦴꦢꦺꦤ꧀ꦠꦶ ꦈꦛ꧀ꦜꦴꦥꦺꦤ꧀ꦠꦶ ꦱꦩꦸꦛ꧀ꦜꦴꦥꦺꦤ꧀ꦠꦶ ꦤꦶꦧ꧀ꦧꦠ꧀ꦠꦺꦤ꧀ꦠꦶ ꦄꦨꦶꦤꦶꦧ꧀ꦧꦠ꧀ꦠꦺꦤ꧀ꦠꦶ ꦗꦤꦺꦤ꧀ꦠꦶ ꦱꦚ꧀ꦗꦤꦺꦤ꧀ꦠꦷꦠꦶ? ꦄꦴꦩꦤ꧀ꦠꦴ. ꦄꦠ꧀ꦡꦶ ꦏꦺꦕꦶ ꦄꦱꦔ꧀ꦑꦠꦁ ꦎꦏ꧀ꦏꦩꦤ꧀ꦠꦶ ꦥꦛꦶꦭꦨꦤ꧀ꦠꦶ ꦈꦥ꧀ꦥꦴꦢꦺꦤ꧀ꦠꦶ ꦱꦩꦸꦥ꧀ꦥꦴꦢꦺꦤ꧀ꦠꦶ ꦈꦛ꧀ꦜꦴꦥꦺꦤ꧀ꦠꦶ ꦱꦩꦸꦛ꧀ꦜꦴꦥꦺꦤ꧀ꦠꦶ ꦤꦶꦧ꧀ꦧꦠ꧀ꦠꦺꦤ꧀ꦠꦶ ꦄꦨꦶꦤꦶꦧ꧀ꦧꦠ꧀ꦠꦺꦤ꧀ꦠꦶ ꦗꦤꦺꦤ꧀ꦠꦶ ꦱꦚ꧀ꦗꦤꦺꦤ꧀ꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧔꧔꧖. ꦤꦶꦪꦴꦩꦺꦴ ꦄꦱꦔ꧀ꦑꦠꦺꦴꦠꦶ? ꦄꦴꦩꦤ꧀ꦠꦴ. ꦩꦒ꧀ꦒꦺꦴ ꦄꦱꦔ꧀ꦑꦠꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦩꦒ꧀ꦒꦺꦴ ꦱꦔ꧀ꦑꦠꦺꦴꦠꦶ? ꦄꦴꦩꦤ꧀ꦠꦴ. ꦤꦶꦪꦴꦩꦺꦴ ꦱꦔ꧀ꦑꦠꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦱꦺꦴꦠꦴꦥꦠ꧀ꦠꦶꦤꦶꦪꦴꦩꦺꦴ ꦄꦱꦔ꧀ꦑꦠꦺꦴꦠꦶ? ꦄꦴꦩꦤ꧀ꦠꦴ. ꦱꦺꦴꦠꦴꦥꦠ꧀ꦠꦶꦩꦒ꧀ꦒꦺꦴ ꦄꦱꦔ꧀ꦑꦠꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦱꦺꦴꦠꦴꦥꦠ꧀ꦠꦶꦩꦒ꧀ꦒꦺꦴ ꦱꦔ꧀ꦑꦠꦺꦴꦠꦶ? ꦄꦴꦩꦤ꧀ꦠꦴ. ꦱꦺꦴꦠꦴꦥꦠ꧀ꦠꦶꦤꦶꦪꦴꦩꦺꦴ ꦱꦔ꧀ꦑꦠꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦱꦏꦢꦴꦒꦴꦩꦶꦤꦶꦪꦴꦩꦺꦴ…ꦥꦺ… ꦄꦤꦴꦒꦴꦩꦶꦤꦶꦪꦴꦩꦺꦴ…ꦥꦺ… ꦄꦫꦲꦠ꧀ꦠꦤꦶꦪꦴꦩꦺꦴ ꦄꦱꦔ꧀ꦑꦠꦺꦴꦠꦶ? ꦄꦴꦩꦤ꧀ꦠꦴ. ꦄꦫꦲꦠ꧀ꦠꦩꦒ꧀ꦒꦺꦴ ꦄꦱꦔ꧀ꦑꦠꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ …ꦥꦺ… ꦄꦫꦲꦠ꧀ꦠꦩꦒ꧀ꦒꦺꦴ ꦱꦔ꧀ꦑꦠꦺꦴꦠꦶ? ꦄꦴꦩꦤ꧀ꦠꦴ. ꦄꦫꦲꦠ꧀ꦠꦤꦶꦪꦴꦩꦺꦴ ꦱꦔ꧀ꦑꦠꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦱꦺꦴꦠꦴꦥꦠ꧀ꦠꦶꦤꦶꦪꦴꦩꦺꦴ ꦄꦱꦔ꧀ꦑꦠꦺꦴ…ꦥꦺ… ꦄꦫꦲꦠ꧀ꦠꦤꦶꦪꦴꦩꦺꦴ ꦄꦱꦔ꧀ꦑꦠꦺꦴ, ꦤꦶꦧ꧀ꦧꦴꦤꦁ ꦄꦱꦔ꧀ꦑꦠꦤ꧀ꦠꦶ? ꦄꦴꦩꦤ꧀ꦠꦴ. ꦥꦚ꧀ꦕ ꦄꦱꦔ꧀ꦑꦠꦴꦤꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦥꦚ꧀ꦕ ꦄꦱꦔ꧀ꦑꦠꦴꦤꦷꦠꦶ? ꦄꦴꦩꦤ꧀ꦠꦴ. ꦥꦚ꧀ꦕ ꦠꦴꦟꦴꦤꦶ…ꦥꦺ… ꦄꦤ꧀ꦠꦫꦶꦏꦴ ꦮꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦤꦶꦪꦴꦩꦺꦴ ꦄꦱꦔ꧀ꦑꦠꦺꦴꦠꦶ? ꦄꦴꦩꦤ꧀ꦠꦴ. ꦩꦶꦕ꧀ꦖꦠ꧀ꦠꦤꦶꦪꦴꦩꦺꦴ ꦄꦱꦔ꧀ꦑꦠꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦩꦶꦕ꧀ꦖꦠ꧀ꦠꦤꦶꦪꦴꦩꦺꦴ ꦱꦔ꧀ꦑꦠꦺꦴꦠꦶ? ꦄꦴꦩꦤ꧀ꦠꦴ. ꦱꦩ꧀ꦩꦠ꧀ꦠꦤꦶꦪꦴꦩꦺꦴ ꦱꦔ꧀ꦑꦠꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

꧔꧔꧗. ꦤ ꦮꦠ꧀ꦠꦧ꧀ꦧꦁ – ‘‘ꦤꦶꦪꦴꦩꦺꦴ ꦄꦱꦔ꧀ꦑꦠꦺꦴ’’ꦠꦶ? ꦄꦴꦩꦤ꧀ꦠꦴ. ꦤꦶꦪꦴꦩꦺ ꦈꦥ꧀ꦥꦗ꧀ꦗ ꦤꦶꦫꦸꦢ꧀ꦣꦺ ꦄꦤꦶꦪꦠꦺꦴ ꦲꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ…. ꦠꦺꦤ ꦲꦶ ꦤꦶꦪꦴꦩꦺꦴ ꦄꦱꦔ꧀ꦑꦠꦺꦴꦠꦶ. ꦩꦶꦕ꧀ꦖꦠ꧀ꦠꦤꦶꦪꦴꦩꦺ ꦈꦥ꧀ꦥꦗ꧀ꦗ ꦤꦶꦫꦸꦢ꧀ꦣꦺ ꦄꦤꦶꦪꦠꦺꦴ ꦲꦺꦴꦠꦷꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦠꦺꦤ ꦲꦶ ꦩꦶꦕ꧀ꦖꦠ꧀ꦠꦤꦶꦪꦴꦩꦺꦴ ꦄꦱꦔ꧀ꦑꦠꦺꦴꦠꦶ.

ꦤꦶꦪꦴꦩꦏꦡꦴ ꦤꦶꦛ꧀ꦜꦶꦠꦴ.