(꧒꧖) ꧖. ꦄꦛ꧀ꦜꦩꦏꦱ꧀ꦱꦆꦤ꧀ꦢ꧀ꦫꦶꦪꦏꦡꦴ

꧓꧗꧑. ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦤꦠ꧀ꦡꦶ ꦱꦢ꧀ꦣꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦤꦠ꧀ꦡꦶ ꦱꦢ꧀ꦣꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ. ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦤꦠ꧀ꦡꦶ ꦮꦷꦫꦶꦪꦶꦤ꧀ꦢ꧀ꦫꦶꦪꦁ…ꦥꦺ… ꦤꦠ꧀ꦡꦶ ꦱꦠꦶꦤ꧀ꦢ꧀ꦫꦶꦪꦁ…ꦥꦺ… ꦤꦠ꧀ꦡꦶ ꦱꦩꦴꦣꦶꦤ꧀ꦢ꧀ꦫꦶꦪꦁ…ꦥꦺ… ꦤꦠ꧀ꦡꦶ ꦥꦚ꧀ꦚꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦤꦠ꧀ꦡꦶ ꦥꦚ꧀ꦚꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦱꦢ꧀ꦣꦴꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦱꦢ꧀ꦣꦶꦤ꧀ꦢ꧀ꦫꦶꦪꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦮꦷꦫꦶꦪꦁ…ꦥꦺ… ꦄꦠ꧀ꦡꦶ ꦱꦠꦶ… ꦄꦠ꧀ꦡꦶ ꦱꦩꦴꦣꦶ… ꦄꦠ꧀ꦡꦶ ꦥꦚ꧀ꦚꦴꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦥꦚ꧀ꦚꦶꦤ꧀ꦢ꧀ꦫꦶꦪꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦩꦤꦺꦴ, ꦄꦠ꧀ꦡꦶ ꦩꦤꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦱꦢ꧀ꦣꦴ, ꦄꦠ꧀ꦡꦶ ꦱꦢ꧀ꦣꦶꦤ꧀ꦢ꧀ꦫꦶꦪꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦩꦤꦺꦴ, ꦄꦠ꧀ꦡꦶ ꦩꦤꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦥꦚ꧀ꦚꦴ, ꦄꦠ꧀ꦡꦶ ꦥꦚ꧀ꦚꦶꦤ꧀ꦢ꧀ꦫꦶꦪꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦱꦺꦴꦩꦤꦱ꧀ꦱꦁ, ꦄꦠ꧀ꦡꦶ ꦱꦺꦴꦩꦤꦱ꧀ꦱꦶꦤ꧀ꦢ꧀ꦫꦶꦪꦁ, ꦄꦠ꧀ꦡꦶ ꦗꦷꦮꦶꦠꦁ, ꦄꦠ꧀ꦡꦶ ꦗꦷꦮꦶꦠꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦱꦢ꧀ꦣꦴ, ꦄꦠ꧀ꦡꦶ ꦱꦢ꧀ꦣꦶꦤ꧀ꦢ꧀ꦫꦶꦪꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦗꦷꦮꦶꦠꦁ, ꦄꦠ꧀ꦡꦶ ꦗꦷꦮꦶꦠꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ…ꦥꦺ… ꦄꦠ꧀ꦡꦶ ꦥꦚ꧀ꦚꦴ, ꦄꦠ꧀ꦡꦶ ꦥꦚ꧀ꦚꦶꦤ꧀ꦢ꧀ꦫꦶꦪꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦱꦢ꧀ꦣꦴ, ꦤꦠ꧀ꦡꦶ ꦱꦢ꧀ꦣꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦩꦤꦺꦴ, ꦤꦠ꧀ꦡꦶ ꦩꦤꦶꦤ꧀ꦢ꧀ꦫꦶꦪꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦱꦢ꧀ꦣꦴ, ꦤꦠ꧀ꦡꦶ ꦱꦢ꧀ꦣꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦱꦺꦴꦩꦤꦱ꧀ꦱꦁ, ꦤꦠ꧀ꦡꦶ ꦱꦺꦴꦩꦤꦱ꧀ꦱꦶꦤ꧀ꦢ꧀ꦫꦶꦪꦤ꧀ꦠꦶ…ꦥꦺ… ꦄꦠ꧀ꦡꦶ ꦗꦷꦮꦶꦠꦁ, ꦤꦠ꧀ꦡꦶ ꦗꦷꦮꦶꦠꦶꦤ꧀ꦢ꧀ꦫꦶꦪꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦥꦚ꧀ꦚꦴ, ꦤꦠ꧀ꦡꦶ ꦥꦚ꧀ꦚꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦩꦤꦺꦴ, ꦤꦠ꧀ꦡꦶ ꦩꦤꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦠ꧀ꦡꦶ ꦱꦺꦴꦩꦤꦱ꧀ꦱꦁ, ꦤꦠ꧀ꦡꦶ ꦱꦺꦴꦩꦤꦱ꧀ꦱꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦠ꧀ꦡꦶ ꦗꦷꦮꦶꦠꦁ, ꦤꦠ꧀ꦡꦶ ꦗꦷꦮꦶꦠꦶꦤ꧀ꦢ꧀ꦫꦶꦪꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦤꦠ꧀ꦡꦶ ꦱꦢ꧀ꦣꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦺꦴ ꦥꦸꦒ꧀ꦒꦭꦺꦴ ꦄꦱ꧀ꦱꦢ꧀ꦣꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦤꦠ꧀ꦡꦶ ꦮꦷꦫꦶꦪꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦺꦴ ꦥꦸꦒ꧀ꦒꦭꦺꦴ ꦏꦸꦱꦷꦠꦺꦴ ꦲꦷꦤꦮꦷꦫꦶꦪꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦤꦠ꧀ꦡꦶ ꦱꦠꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦺꦴ ꦥꦸꦒ꧀ꦒꦭꦺꦴ ꦩꦸꦛ꧀ꦜꦱ꧀ꦱꦠꦶ ꦄꦱꦩ꧀ꦥꦗꦴꦤꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦤꦠ꧀ꦡꦶ ꦱꦩꦴꦣꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦺꦴ ꦥꦸꦒ꧀ꦒꦭꦺꦴ ꦄꦱꦩꦴꦲꦶꦠꦺꦴ ꦮꦶꦧ꧀ꦨꦤ꧀ꦠꦕꦶꦠ꧀ꦠꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦤꦠ꧀ꦡꦶ ꦥꦚ꧀ꦚꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦺꦴ ꦥꦸꦒ꧀ꦒꦭꦺꦴ ꦢꦸꦥ꧀ꦥꦚ꧀ꦚꦺꦴ ꦌꦭꦩꦹꦒꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦱꦢ꧀ꦣꦴ, ꦱꦴ ꦕ ꦱꦢ꧀ꦣꦴ ꦤꦶꦪ꧀ꦪꦴꦤꦶꦏꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦱꦢ꧀ꦣꦴ, ꦱꦴ ꦕ ꦱꦢ꧀ꦣꦴ ꦤꦶꦪ꧀ꦪꦴꦤꦶꦏꦴ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦤꦠ꧀ꦡꦶ ꦱꦢ꧀ꦣꦶꦤ꧀ꦢ꧀ꦫꦶꦪ’’ꦤ꧀ꦠꦶ. ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦮꦷꦫꦶꦪꦁ, ꦠꦚ꧀ꦕ ꦮꦷꦫꦶꦪꦁ ꦤꦶꦪ꧀ꦪꦴꦤꦶꦏꦁ; ꦄꦠ꧀ꦡꦶ ꦱꦠꦶ, ꦱꦴ ꦕ ꦱꦠꦶ ꦤꦶꦪ꧀ꦪꦴꦤꦶꦏꦴ; ꦄꦠ꧀ꦡꦶ ꦱꦩꦴꦣꦶ, ꦱꦺꦴ ꦕ ꦱꦩꦴꦣꦶ ꦤꦶꦪ꧀ꦪꦴꦤꦶꦏꦺꦴ; ꦄꦠ꧀ꦡꦶ ꦥꦚ꧀ꦚꦴ, ꦱꦴ ꦕ ꦥꦚ꧀ꦚꦴ ꦤꦶꦪ꧀ꦪꦴꦤꦶꦏꦴꦠꦶ? ꦄꦴꦩꦤ꧀ꦠꦴ. ꦲꦚ꧀ꦕꦶ ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦥꦚ꧀ꦚꦴ, ꦱꦴ ꦕ ꦥꦚ꧀ꦚꦴ ꦤꦶꦪ꧀ꦪꦴꦤꦶꦏꦴ, ꦤꦺꦴ ꦕ ꦮꦠ ꦫꦺ ꦮꦠ꧀ꦠꦧ꧀ꦧꦺ – ‘‘ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦤꦠ꧀ꦡꦶ ꦥꦚ꧀ꦚꦶꦤ꧀ꦢ꧀ꦫꦶꦪ’’ꦤ꧀ꦠꦶ.

꧓꧗꧒. ꦱꦏꦢꦴꦒꦴꦩꦶꦦꦭꦱꦕ꧀ꦖꦶꦏꦶꦫꦶꦪꦴꦪ ꦥꦛꦶꦥꦤ꧀ꦤꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦱꦢ꧀ꦣꦴ, ꦄꦠ꧀ꦡꦶ ꦱꦢ꧀ꦣꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦱꦢ꧀ꦣꦴ, ꦄꦠ꧀ꦡꦶ ꦱꦢ꧀ꦣꦶꦤ꧀ꦢ꧀ꦫꦶꦪꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦱꦏꦢꦴꦒꦴꦩꦶꦦꦭꦱꦕ꧀ꦖꦶꦏꦶꦫꦶꦪꦴꦪ ꦥꦛꦶꦥꦤ꧀ꦤꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦥꦚ꧀ꦚꦴ, ꦄꦠ꧀ꦡꦶ ꦥꦚ꧀ꦚꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦥꦚ꧀ꦚꦴ, ꦄꦠ꧀ꦡꦶ ꦥꦚ꧀ꦚꦶꦤ꧀ꦢ꧀ꦫꦶꦪꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦤꦴꦒꦴꦩꦶꦦꦭꦱꦕ꧀ꦖꦶꦏꦶꦫꦶꦪꦴꦪ ꦥꦛꦶꦥꦤ꧀ꦤꦱ꧀ꦱ ꦥꦸꦒ꧀ꦒꦭꦱ꧀ꦱ… ꦄꦫꦲꦠ꧀ꦠꦱꦕ꧀ꦖꦶꦏꦶꦫꦶꦪꦴꦪ ꦥꦛꦶꦥꦤ꧀ꦤꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦱꦢ꧀ꦣꦴ, ꦄꦠ꧀ꦡꦶ ꦱꦢ꧀ꦣꦶꦤ꧀ꦢ꧀ꦫꦶꦪꦁ…ꦥꦺ… ꦄꦠ꧀ꦡꦶ ꦥꦚ꧀ꦚꦴ, ꦄꦠ꧀ꦡꦶ ꦥꦚ꧀ꦚꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦥꦚ꧀ꦚꦴ, ꦄꦠ꧀ꦡꦶ ꦥꦚ꧀ꦚꦶꦤ꧀ꦢ꧀ꦫꦶꦪꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦱꦢ꧀ꦣꦴ, ꦤꦠ꧀ꦡꦶ ꦱꦢ꧀ꦣꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦱꦏꦢꦴꦒꦴꦩꦶꦦꦭꦱꦕ꧀ꦖꦶꦏꦶꦫꦶꦪꦴꦪ ꦥꦛꦶꦥꦤ꧀ꦤꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦱꦢ꧀ꦣꦴ, ꦤꦠ꧀ꦡꦶ ꦱꦢ꧀ꦣꦶꦤ꧀ꦢ꧀ꦫꦶꦪꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦥꦚ꧀ꦚꦴ, ꦤꦠ꧀ꦡꦶ ꦥꦚ꧀ꦚꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦱꦏꦢꦴꦒꦴꦩꦶꦦꦭꦱꦕ꧀ꦖꦶꦏꦶꦫꦶꦪꦴꦪ ꦥꦛꦶꦥꦤ꧀ꦤꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦥꦚ꧀ꦚꦴ, ꦤꦠ꧀ꦡꦶ ꦥꦚ꧀ꦚꦶꦤ꧀ꦢ꧀ꦫꦶꦪꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦱꦢ꧀ꦣꦴ, ꦤꦠ꧀ꦡꦶ ꦱꦢ꧀ꦣꦶꦤ꧀ꦢ꧀ꦫꦶꦪꦤ꧀ꦠꦶ…ꦥꦺ… ꦄꦠ꧀ꦡꦶ ꦥꦚ꧀ꦚꦴ, ꦤꦠ꧀ꦡꦶ ꦥꦚ꧀ꦚꦶꦤ꧀ꦢ꧀ꦫꦶꦪꦤ꧀ꦠꦶ? ꦄꦴꦩꦤ꧀ꦠꦴ. ꦄꦤꦴꦒꦴꦩꦶꦦꦭꦱꦕ꧀ꦖꦶꦏꦶꦫꦶꦪꦴꦪ ꦥꦛꦶꦥꦤ꧀ꦤꦱ꧀ꦱ ꦥꦸꦒ꧀ꦒꦭꦱ꧀ꦱ… ꦄꦫꦲꦠ꧀ꦠꦱꦕ꧀ꦖꦶꦏꦶꦫꦶꦪꦴꦪ ꦥꦛꦶꦥꦤ꧀ꦤꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦥꦚ꧀ꦚꦴ, ꦤꦠ꧀ꦡꦶ ꦥꦚ꧀ꦚꦶꦤ꧀ꦢ꧀ꦫꦶꦪꦤ꧀ꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ….

ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦤꦠ꧀ꦡꦶ ꦥꦚ꧀ꦕꦶꦤ꧀ꦢ꧀ꦫꦶꦪꦴꦤꦷꦠꦶ? ꦄꦴꦩꦤ꧀ꦠꦴ. ꦤꦤꦸ ꦮꦸꦠ꧀ꦠꦁ ꦨꦒꦮꦠꦴ – ‘‘ꦥꦚ꧀ꦕꦶꦩꦴꦤꦶ, ꦨꦶꦏ꧀ꦑꦮꦺ, ꦆꦤ꧀ꦢ꧀ꦫꦶꦪꦴꦤꦶ! ꦏꦠꦩꦴꦤꦶ ꦥꦚ꧀ꦕ? ꦱꦢ꧀ꦣꦶꦤ꧀ꦢ꧀ꦫꦶꦪꦁ, ꦮꦷꦫꦶꦪꦶꦤ꧀ꦢ꧀ꦫꦶꦪꦁ, ꦱꦠꦶꦤ꧀ꦢ꧀ꦫꦶꦪꦁ, ꦱꦩꦴꦣꦶꦤ꧀ꦢ꧀ꦫꦶꦪꦁ, ꦥꦚ꧀ꦚꦶꦤ꧀ꦢ꧀ꦫꦶꦪꦁ – ꦆꦩꦴꦤꦶ ꦑꦺꦴ, ꦨꦶꦏ꧀ꦑꦮꦺ, ꦥꦚ꧀ꦕꦶꦤ꧀ꦢ꧀ꦫꦶꦪꦴꦤꦶ. ꦆꦩꦺꦱꦁ ꦑꦺꦴ, ꦨꦶꦏ꧀ꦑꦮꦺ, ꦥꦚ꧀ꦕꦤ꧀ꦤꦁ ꦆꦤ꧀ꦢ꧀ꦫꦶꦪꦴꦤꦁ ꦱꦩꦠ꧀ꦠꦴ ꦥꦫꦶꦥꦹꦫꦠ꧀ꦠꦴ ꦄꦫꦲꦴ ꦲꦺꦴꦠꦶ. ꦠꦠꦺꦴ ꦩꦸꦢꦸꦠꦫꦺꦲꦶ ꦄꦫꦲꦠ꧀ꦠꦱꦕ꧀ꦖꦶꦏꦶꦫꦶꦪꦴꦪ ꦥꦛꦶꦥꦤ꧀ꦤꦺꦴ ꦲꦺꦴꦠꦶ, ꦠꦠꦺꦴ ꦩꦸꦢꦸꦠꦫꦺꦲꦶ ꦄꦤꦴꦒꦴꦩꦷ ꦲꦺꦴꦠꦶ, ꦠꦠꦺꦴ ꦩꦸꦢꦸꦠꦫꦺꦲꦶ ꦄꦤꦴꦒꦴꦩꦶꦦꦭꦱꦕ꧀ꦖꦶꦏꦶꦫꦶꦪꦴꦪ ꦥꦛꦶꦥꦤ꧀ꦤꦺꦴ ꦲꦺꦴꦠꦶ, ꦠꦠꦺꦴ ꦩꦸꦢꦸꦠꦫꦺꦲꦶ ꦱꦏꦢꦴꦒꦴꦩꦷ ꦲꦺꦴꦠꦶ, ꦠꦠꦺꦴ ꦩꦸꦢꦸꦠꦫꦺꦲꦶ ꦱꦏꦢꦴꦒꦴꦩꦶꦦꦭꦱꦕ꧀ꦖꦶꦏꦶꦫꦶꦪꦴꦪ ꦥꦛꦶꦥꦤ꧀ꦤꦺꦴ ꦲꦺꦴꦠꦶ, ꦠꦠꦺꦴ ꦩꦸꦢꦸꦠꦫꦺꦲꦶ ꦱꦺꦴꦠꦴꦥꦤ꧀ꦤꦺꦴ ꦲꦺꦴꦠꦶ, ꦠꦠꦺꦴ ꦩꦸꦢꦸꦠꦫꦺꦲꦶ ꦱꦺꦴꦠꦴꦥꦠ꧀ꦠꦶꦦꦭꦱꦕ꧀ꦖꦶꦏꦶꦫꦶꦪꦴꦪ ꦥꦛꦶꦥꦤ꧀ꦤꦺꦴ ꦲꦺꦴꦠꦶ. ꦪꦱ꧀ꦱ ꦑꦺꦴ, ꦨꦶꦏ꧀ꦑꦮꦺ, ꦆꦩꦴꦤꦶ ꦥꦚ꧀ꦕꦶꦤ꧀ꦢ꧀ꦫꦶꦪꦴꦤꦶ ꦱꦧ꧀ꦧꦺꦤ ꦱꦧ꧀ꦧꦁ ꦱꦧ꧀ꦧꦡꦴ ꦱꦧ꧀ꦧꦁ ꦤꦠ꧀ꦡꦶ, ꦠꦩꦲꦁ ‘ꦧꦴꦲꦶꦫꦺꦴ ꦥꦸꦡꦸꦗ꧀ꦗꦤꦥꦏ꧀ꦑꦺ ꦜꦶꦠꦺꦴ’ꦠꦶ ꦮꦢꦴꦩꦷ’’ꦠꦶ [ꦱꦁ. ꦤꦶ. ꧕.꧔꧘꧘]. ꦄꦠ꧀ꦡꦺꦮ ꦱꦸꦠ꧀ꦠꦤ꧀ꦠꦺꦴꦠꦶ? ꦄꦴꦩꦤ꧀ꦠꦴ. ꦄꦛ꧀ꦜꦩꦏꦺꦴ ꦥꦸꦒ꧀ꦒꦭꦺꦴ ꦧꦴꦲꦶꦫꦺꦴ ꦥꦸꦡꦸꦗ꧀ꦗꦤꦥꦏ꧀ꦑꦺ ꦜꦶꦠꦺꦴꦠꦶ? ꦤ ꦲꦺꦮꦁ ꦮꦠ꧀ꦠꦧ꧀ꦧꦺ…ꦥꦺ… ꦠꦺꦤ ꦲꦶ ꦄꦛ꧀ꦜꦩꦏꦱ꧀ꦱ ꦥꦸꦒ꧀ꦒꦭꦱ꧀ꦱ ꦄꦠ꧀ꦡꦶ ꦥꦚ꧀ꦕꦶꦤ꧀ꦢ꧀ꦫꦶꦪꦴꦤꦷꦠꦶ.

ꦄꦛ꧀ꦜꦩꦏꦱ꧀ꦱ ꦆꦤ꧀ꦢ꧀ꦫꦶꦪꦏꦡꦴ ꦤꦶꦛ꧀ꦜꦶꦠꦴ.