꧑꧓. ꦄꦱꦔ꧀ꦒꦲꦶꦠꦺꦤꦱꦩ꧀ꦥꦪꦸꦠ꧀ꦠꦮꦶꦥ꧀ꦥꦪꦸꦠ꧀ꦠꦥꦢꦤꦶꦢ꧀ꦢꦺꦱꦺꦴ

꧔꧔꧘. ꦫꦹꦥꦏ꧀ꦑꦤ꧀ꦣꦺꦤ ꦪꦺ ꦣꦩ꧀ꦩꦴ ꦑꦤ꧀ꦣꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ ꦄꦴꦪꦠꦤꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ ꦣꦴꦠꦸꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ, ꦠꦺ ꦣꦩ꧀ꦩꦴ ꦏꦠꦶꦲꦶ ꦑꦤ꧀ꦣꦺꦲꦶ ꦏꦠꦶꦲꦴꦪꦠꦤꦺꦲꦶ ꦏꦠꦶꦲꦶ ꦣꦴꦠꦹꦲꦶ ꦱꦩ꧀ꦥꦪꦸꦠ꧀ꦠꦴ? ꦠꦺ ꦣꦩ꧀ꦩꦴ ꦠꦷꦲꦶ ꦑꦤ꧀ꦣꦺꦲꦶ ꦱꦩ꧀ꦥꦪꦸꦠ꧀ꦠꦴ; ꦌꦏꦺꦤꦴꦪꦠꦤꦺꦤ ꦌꦏꦴꦪ ꦣꦴꦠꦸꦪꦴ ꦏꦺꦲꦶꦕꦶ ꦱꦩ꧀ꦥꦪꦸꦠ꧀ꦠꦴ. ꦏꦠꦶꦲꦶ ꦮꦶꦥ꧀ꦥꦪꦸꦠ꧀ꦠꦴ? ꦌꦏꦺꦤ ꦑꦤ꧀ꦣꦺꦤ ꦢꦱꦲꦴꦪꦠꦤꦺꦲꦶ ꦢꦱꦲꦶ ꦣꦴꦠꦹꦲꦶ ꦮꦶꦥ꧀ꦥꦪꦸꦠ꧀ꦠꦴ; ꦌꦏꦺꦤꦴꦪꦠꦤꦺꦤ ꦌꦏꦴꦪ ꦣꦴꦠꦸꦪꦴ ꦏꦺꦲꦶꦕꦶ ꦮꦶꦥ꧀ꦥꦪꦸꦠ꧀ꦠꦴ.

꧔꧔꧙. ꦣꦩ꧀ꦩꦴꦪꦠꦤꦺꦤ ꦪꦺ ꦣꦩ꧀ꦩꦴ… ꦣꦩ꧀ꦩꦣꦴꦠꦸꦪꦴ ꦪꦺ ꦣꦩ꧀ꦩꦴ… ꦆꦠ꧀ꦡꦶꦤ꧀ꦢ꧀ꦫꦶꦪꦺꦤ ꦪꦺ ꦣꦩ꧀ꦩꦴ… ꦥꦸꦫꦶꦱꦶꦤ꧀ꦢ꧀ꦫꦶꦪꦺꦤ ꦪꦺ ꦣꦩ꧀ꦩꦴ… ꦗꦷꦮꦶꦠꦶꦤ꧀ꦢ꧀ꦫꦶꦪꦺꦤ ꦪꦺ ꦣꦩ꧀ꦩꦴ… ꦮꦶꦚ꧀ꦚꦴꦟꦥꦕ꧀ꦕꦪꦴ ꦤꦴꦩꦫꦹꦥꦺꦤ ꦪꦺ ꦣꦩ꧀ꦩꦴ… ꦄꦱꦚ꧀ꦚꦴꦨꦮꦺꦤ ꦪꦺ ꦣꦩ꧀ꦩꦴ… ꦌꦏꦮꦺꦴꦏꦴꦫꦨꦮꦺꦤ ꦪꦺ ꦣꦩ꧀ꦩꦴ… ꦗꦴꦠꦶꦪꦴ ꦪꦺ ꦣꦩ꧀ꦩꦴ… ꦗꦫꦴꦪ ꦪꦺ ꦣꦩ꧀ꦩꦴ… ꦩꦫꦟꦺꦤ ꦪꦺ ꦣꦩ꧀ꦩꦴ ꦑꦤ꧀ꦣꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ ꦄꦴꦪꦠꦤꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ ꦣꦴꦠꦸꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ…ꦥꦺ… ꦠꦺ ꦣꦩ꧀ꦩꦴ ꦠꦷꦲꦶ ꦑꦤ꧀ꦣꦺꦲꦶ ꦱꦩ꧀ꦥꦪꦸꦠ꧀ꦠꦴ; ꦌꦏꦺꦤꦴꦪꦠꦤꦺꦤ ꦌꦏꦴꦪ ꦣꦴꦠꦸꦪꦴ ꦏꦺꦲꦶꦕꦶ ꦱꦩ꧀ꦥꦪꦸꦠ꧀ꦠꦴ. ꦏꦠꦶꦲꦶ ꦮꦶꦥ꧀ꦥꦪꦸꦠ꧀ꦠꦴ? ꦌꦏꦺꦤ ꦑꦤ꧀ꦣꦺꦤ ꦢꦱꦲꦴꦪꦠꦤꦺꦲꦶ ꦢꦱꦲꦶ ꦣꦴꦠꦹꦲꦶ ꦮꦶꦥ꧀ꦥꦪꦸꦠ꧀ꦠꦴ; ꦌꦏꦺꦤꦴꦪꦠꦤꦺꦤ ꦌꦏꦴꦪ ꦣꦴꦠꦸꦪꦴ ꦏꦺꦲꦶꦕꦶ ꦮꦶꦥ꧀ꦥꦪꦸꦠ꧀ꦠꦴ.

꧔꧕꧐. ꦄꦫꦹꦥꦨꦮꦺꦤ ꦪꦺ ꦣꦩ꧀ꦩꦴ… ꦤꦺꦮꦱꦚ꧀ꦚꦴꦤꦴꦱꦚ꧀ꦚꦴꦨꦮꦺꦤ ꦪꦺ ꦣꦩ꧀ꦩꦴ… ꦕꦠꦸꦮꦺꦴꦏꦴꦫꦨꦮꦺꦤ ꦪꦺ ꦣꦩ꧀ꦩꦴ… ꦆꦢ꧀ꦣꦶꦥꦴꦢꦺꦤ ꦪꦺ ꦣꦩ꧀ꦩꦴ ꦑꦤ꧀ꦣꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ ꦄꦴꦪꦠꦤꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ ꦣꦴꦠꦸꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ, ꦠꦺ ꦣꦩ꧀ꦩꦴ ꦏꦠꦶꦲꦶ ꦑꦤ꧀ꦣꦺꦲꦶ ꦏꦠꦶꦲꦴꦪꦠꦤꦺꦲꦶ ꦏꦠꦶꦲꦶ ꦣꦴꦠꦹꦲꦶ ꦱꦩ꧀ꦥꦪꦸꦠ꧀ꦠꦴꦠꦶ? ꦤꦠ꧀ꦡꦶ? ꦏꦠꦶꦲꦶ ꦮꦶꦥ꧀ꦥꦪꦸꦠ꧀ꦠꦴ? ꦕꦠꦹꦲꦶ ꦑꦤ꧀ꦣꦺꦲꦶ ꦌꦏꦺꦤꦴꦪꦠꦤꦺꦤ ꦱꦠ꧀ꦠꦲꦶ ꦣꦴꦠꦹꦲꦶ ꦮꦶꦥ꧀ꦥꦪꦸꦠ꧀ꦠꦴ; ꦌꦏꦺꦤꦴꦪꦠꦤꦺꦤ ꦌꦏꦴꦪ ꦣꦴꦠꦸꦪꦴ ꦏꦺꦲꦶꦕꦶ ꦮꦶꦥ꧀ꦥꦪꦸꦠ꧀ꦠꦴ.

꧔꧕꧑. ꦏꦸꦱꦭꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦏꦸꦱꦭꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦱꦸꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦢꦸꦏ꧀ꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦢꦸꦏ꧀ꦑꦩꦱꦸꦑꦴꦪ ꦮꦺꦢꦤꦴꦪ ꦱꦩ꧀ꦥꦪꦸꦠ꧀ꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦮꦶꦥꦴꦏꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦮꦶꦥꦴꦏꦣꦩ꧀ꦩꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦤꦸꦥꦴꦢꦶꦤ꧀ꦤꦄꦤꦸꦥꦴꦢꦴꦤꦶꦪꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦱꦁꦏꦶꦭꦶꦛ꧀ꦜꦱꦁꦏꦶꦭꦺꦱꦶꦏꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦱꦁꦏꦶꦭꦶꦛ꧀ꦜꦄꦱꦁꦏꦶꦭꦺꦱꦶꦏꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦱꦮꦶꦠꦏ꧀ꦏꦱꦮꦶꦕꦴꦫꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦮꦶꦠꦏ꧀ꦏꦮꦶꦕꦴꦫꦩꦠ꧀ꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦥꦷꦠꦶꦱꦲꦒꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦱꦸꦑꦱꦲꦒꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦈꦥꦺꦏ꧀ꦑꦴꦱꦲꦒꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦢꦱ꧀ꦱꦤꦺꦤ ꦥꦲꦴꦠꦧ꧀ꦧꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦨꦴꦮꦤꦴꦪ ꦥꦲꦴꦠꦧ꧀ꦧꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦢꦱ꧀ꦱꦤꦺꦤ ꦥꦲꦴꦠꦧ꧀ꦧꦲꦺꦠꦸꦏꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦨꦴꦮꦤꦴꦪ ꦥꦲꦴꦠꦧ꧀ꦧꦲꦺꦠꦸꦏꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦴꦕꦪꦒꦴꦩꦷꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦥꦕꦪꦒꦴꦩꦷꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦱꦺꦏ꧀ꦑꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦱꦺꦏ꧀ꦑꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦩꦲꦒ꧀ꦒꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦥ꧀ꦥꦩꦴꦟꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦥꦫꦶꦠ꧀ꦠꦴꦫꦩ꧀ꦩꦟꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦩꦲꦒ꧀ꦒꦠꦴꦫꦩ꧀ꦩꦟꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦥ꧀ꦥꦩꦴꦟꦴꦫꦩ꧀ꦩꦟꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦲꦷꦤꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦥꦟꦷꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦩꦶꦕ꧀ꦖꦠ꧀ꦠꦤꦶꦪꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦱꦩ꧀ꦩꦠ꧀ꦠꦤꦶꦪꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦩꦒ꧀ꦒꦴꦫꦩ꧀ꦩꦟꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦩꦒ꧀ꦒꦲꦺꦠꦸꦏꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦩꦒ꧀ꦒꦴꦣꦶꦥꦠꦷꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦠꦷꦠꦴꦫꦩ꧀ꦩꦟꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦤꦴꦒꦠꦴꦫꦩ꧀ꦩꦟꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦥꦕ꧀ꦕꦸꦥ꧀ꦥꦤ꧀ꦤꦴꦫꦩ꧀ꦩꦟꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦗ꧀ꦙꦠ꧀ꦠꦴꦫꦩ꧀ꦩꦟꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦧꦲꦶꦢ꧀ꦣꦴꦫꦩ꧀ꦩꦟꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦗ꧀ꦙꦠ꧀ꦠꦧꦲꦶꦢ꧀ꦣꦴꦫꦩ꧀ꦩꦟꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦱꦲꦺꦠꦸꦏꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦲꦺꦠꦸꦱꦩ꧀ꦥꦪꦸꦠ꧀ꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦱꦲꦺꦠꦸꦏꦺꦲꦶ ꦕꦺꦮ ꦤ ꦕ ꦲꦺꦠꦹꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦲꦺꦠꦸꦱꦩ꧀ꦥꦪꦸꦠ꧀ꦠꦺꦲꦶ ꦕꦺꦮ ꦤ ꦕ ꦲꦺꦠꦹꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦤ ꦲꦺꦠꦸꦱꦲꦺꦠꦸꦏꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ ꦑꦤ꧀ꦣꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ ꦄꦴꦪꦠꦤꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ ꦣꦴꦠꦸꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ, ꦠꦺ ꦣꦩ꧀ꦩꦴ ꦏꦠꦶꦲꦶ ꦑꦤ꧀ꦣꦺꦲꦶ ꦏꦠꦶꦲꦴꦪꦠꦤꦺꦲꦶ ꦏꦠꦶꦲꦶ ꦣꦴꦠꦹꦲꦶ ꦱꦩ꧀ꦥꦪꦸꦠ꧀ꦠꦴꦠꦶ? ꦤꦠ꧀ꦡꦶ. ꦏꦠꦶꦲꦶ ꦮꦶꦥ꧀ꦥꦪꦸꦠ꧀ꦠꦴ? ꦕꦠꦹꦲꦶ ꦑꦤ꧀ꦣꦺꦲꦶ ꦌꦏꦺꦤꦴꦪꦠꦤꦺꦤ ꦱꦠ꧀ꦠꦲꦶ ꦣꦴꦠꦹꦲꦶ ꦮꦶꦥ꧀ꦥꦪꦸꦠ꧀ꦠꦴ; ꦌꦏꦺꦤꦴꦪꦠꦤꦺꦤ ꦌꦏꦴꦪ ꦣꦴꦠꦸꦪꦴ ꦏꦺꦲꦶꦕꦶ ꦮꦶꦥ꧀ꦥꦪꦸꦠ꧀ꦠꦴ.

꧔꧕꧒. ꦫꦹꦥꦷꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ ꦑꦤ꧀ꦣꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ ꦄꦴꦪꦠꦤꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ ꦣꦴꦠꦸꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ… ꦠꦺ ꦣꦩ꧀ꦩꦴ ꦠꦷꦲꦶ ꦑꦤ꧀ꦣꦺꦲꦶ ꦱꦩ꧀ꦥꦪꦸꦠ꧀ꦠꦴ; ꦌꦏꦺꦤꦴꦪꦠꦤꦺꦤ ꦌꦏꦴꦪ ꦣꦴꦠꦸꦪꦴ ꦏꦺꦲꦶꦕꦶ ꦱꦩ꧀ꦥꦪꦸꦠ꧀ꦠꦴ. ꦏꦠꦶꦲꦶ ꦮꦶꦥ꧀ꦥꦪꦸꦠ꧀ꦠꦴ? ꦌꦏꦺꦤ ꦑꦤ꧀ꦣꦺꦤ ꦢꦱꦲꦴꦪꦠꦤꦺꦲꦶ ꦢꦱꦲꦶ ꦣꦴꦠꦹꦲꦶ ꦮꦶꦥ꧀ꦥꦪꦸꦠ꧀ꦠꦴ; ꦌꦏꦺꦤꦴꦪꦠꦤꦺꦤ ꦌꦏꦴꦪ ꦣꦴꦠꦸꦪꦴ ꦏꦺꦲꦶꦕꦶ ꦮꦶꦥ꧀ꦥꦪꦸꦠ꧀ꦠꦴ.

꧔꧕꧓. ꦄꦫꦹꦥꦷꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦭꦺꦴꦏꦸꦠ꧀ꦠꦫꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦤꦴꦱꦮꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦴꦱꦮꦱꦩ꧀ꦥꦪꦸꦠ꧀ꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦴꦱꦮꦮꦶꦥ꧀ꦥꦪꦸꦠ꧀ꦠꦺꦲꦶ ꦕꦺꦮ ꦤꦺꦴ ꦕ ꦄꦴꦱꦮꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦴꦱꦮꦮꦶꦥ꧀ꦥꦪꦸꦠ꧀ꦠꦺꦲꦶ ꦄꦤꦴꦱꦮꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦱꦁꦪꦺꦴꦗꦤꦶꦪꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦒꦤ꧀ꦡꦤꦶꦪꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦤꦺꦴꦓꦤꦶꦪꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦪꦺꦴꦒꦤꦶꦪꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦤꦷꦮꦫꦟꦶꦪꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦥꦫꦴꦩꦛ꧀ꦜꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦥꦫꦴꦩꦴꦱꦱꦩ꧀ꦥꦪꦸꦠ꧀ꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦥꦫꦴꦩꦴꦱꦮꦶꦥ꧀ꦥꦪꦸꦠ꧀ꦠꦺꦲꦶ ꦄꦥꦫꦴꦩꦛ꧀ꦜꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦱꦴꦫꦩ꧀ꦩꦟꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ ꦑꦤ꧀ꦣꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ ꦄꦴꦪꦠꦤꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ ꦣꦴꦠꦸꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ, ꦠꦺ ꦣꦩ꧀ꦩꦴ ꦏꦠꦶꦲꦶ ꦑꦤ꧀ꦣꦺꦲꦶ ꦏꦠꦶꦲꦴꦪꦠꦤꦺꦲꦶ ꦏꦠꦶꦲꦶ ꦣꦴꦠꦹꦲꦶ ꦱꦩ꧀ꦥꦪꦸꦠ꧀ꦠꦴꦠꦶ? ꦤꦠ꧀ꦡꦶ. ꦏꦠꦶꦲꦶ ꦮꦶꦥ꧀ꦥꦪꦸꦠ꧀ꦠꦴ? ꦕꦠꦹꦲꦶ ꦑꦤ꧀ꦣꦺꦲꦶ ꦌꦏꦺꦤꦴꦪꦠꦤꦺꦤ ꦱꦠ꧀ꦠꦲꦶ ꦣꦴꦠꦹꦲꦶ ꦮꦶꦥ꧀ꦥꦪꦸꦠ꧀ꦠꦴ; ꦌꦏꦺꦤꦴꦪꦠꦤꦺꦤ ꦌꦏꦴꦪ ꦣꦴꦠꦸꦪꦴ ꦏꦺꦲꦶꦕꦶ ꦮꦶꦥ꧀ꦥꦪꦸꦠ꧀ꦠꦴ.

꧔꧕꧔. ꦄꦤꦴꦫꦩ꧀ꦩꦟꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦤꦺꦴ ꦕꦶꦠ꧀ꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦕꦶꦠ꧀ꦠꦮꦶꦥ꧀ꦥꦪꦸꦠ꧀ꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ … ꦕꦶꦠ꧀ꦠꦮꦶꦱꦁꦱꦛ꧀ꦜꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦕꦶꦠ꧀ꦠꦱꦩꦸꦛ꧀ꦜꦴꦤꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦕꦶꦠ꧀ꦠꦱꦲꦨꦹꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦕꦶꦠ꧀ꦠꦴꦤꦸꦥꦫꦶꦮꦠ꧀ꦠꦷꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦧꦴꦲꦶꦫꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦈꦥꦴꦢꦴꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ ꦑꦤ꧀ꦣꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ ꦄꦴꦪꦠꦤꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ ꦣꦴꦠꦸꦱꦔ꧀ꦒꦺꦤ ꦄꦱꦔ꧀ꦒꦲꦶꦠꦴ, ꦠꦺ ꦣꦩ꧀ꦩꦴ ꦏꦠꦶꦲꦶ ꦑꦤ꧀ꦣꦺꦲꦶ ꦏꦠꦶꦲꦴꦪꦠꦤꦺꦲꦶ ꦏꦠꦶꦲꦶ ꦣꦴꦠꦹꦲꦶ ꦱꦩ꧀ꦥꦪꦸꦠ꧀ꦠꦴ? ꦠꦺ ꦣꦩ꧀ꦩꦴ ꦠꦷꦲꦶ ꦑꦤ꧀ꦣꦺꦲꦶ ꦱꦩ꧀ꦥꦪꦸꦠ꧀ꦠꦴ; ꦌꦏꦺꦤꦴꦪꦠꦤꦺꦤ ꦌꦏꦴꦪ ꦣꦴꦠꦸꦪꦴ ꦏꦺꦲꦶꦕꦶ ꦱꦩ꧀ꦥꦪꦸꦠ꧀ꦠꦴ. ꦏꦠꦶꦲꦶ ꦮꦶꦥ꧀ꦥꦪꦸꦠ꧀ꦠꦴ? ꦌꦏꦺꦤ ꦑꦤ꧀ꦣꦺꦤ ꦢꦱꦲꦴꦪꦠꦤꦺꦲꦶ ꦢꦱꦲꦶ ꦣꦴꦠꦹꦲꦶ ꦮꦶꦥ꧀ꦥꦪꦸꦠ꧀ꦠꦴ; ꦌꦏꦺꦤꦴꦪꦠꦤꦺꦤ ꦌꦏꦴꦪ ꦣꦴꦠꦸꦪꦴ ꦏꦺꦲꦶꦕꦶ ꦮꦶꦥ꧀ꦥꦪꦸꦠ꧀ꦠꦴ.

꧔꧕꧕. ꦄꦤꦸꦥꦴꦢꦴꦤꦶꦪꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦈꦥꦴꦢꦴꦤꦱꦩ꧀ꦥꦪꦸꦠ꧀ꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦈꦥꦴꦢꦴꦤꦱꦩ꧀ꦥꦪꦸꦠ꧀ꦠꦺꦲꦶ ꦕꦺꦮ ꦤꦺꦴ ꦕ ꦈꦥꦴꦢꦴꦤꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦈꦥꦴꦢꦴꦤꦮꦶꦥ꧀ꦥꦪꦸꦠ꧀ꦠꦺꦲꦶ ꦄꦤꦸꦥꦴꦢꦴꦤꦶꦪꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦱꦁꦏꦶꦭꦺꦱꦶꦏꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦱꦁꦏꦶꦭꦶꦛ꧀ꦜꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦏꦶꦭꦺꦱꦱꦩ꧀ꦥꦪꦸꦠ꧀ꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦱꦁꦏꦶꦭꦶꦛ꧀ꦜꦺꦲꦶ ꦕꦺꦮ ꦤꦺꦴ ꦕ ꦏꦶꦭꦺꦱꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦏꦶꦭꦺꦱꦱꦩ꧀ꦥꦪꦸꦠ꧀ꦠꦺꦲꦶ ꦕꦺꦮ ꦤꦺꦴ ꦕ ꦏꦶꦭꦺꦱꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦏꦶꦭꦺꦱꦮꦶꦥ꧀ꦥꦪꦸꦠ꧀ꦠꦺꦲꦶ ꦄꦱꦁꦏꦶꦭꦺꦱꦶꦏꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦢꦱ꧀ꦱꦤꦺꦤ ꦥꦲꦴꦠꦧ꧀ꦧꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦨꦴꦮꦤꦴꦪ ꦥꦲꦴꦠꦧ꧀ꦧꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦢꦱ꧀ꦱꦤꦺꦤ ꦥꦲꦴꦠꦧ꧀ꦧꦲꦺꦠꦸꦏꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦨꦴꦮꦤꦴꦪ ꦥꦲꦴꦠꦧ꧀ꦧꦲꦺꦠꦸꦏꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦱꦮꦶꦠꦏ꧀ꦏꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦱꦮꦶꦕꦴꦫꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦱꦥ꧀ꦥꦷꦠꦶꦏꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦥꦷꦠꦶꦱꦲꦒꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦱꦸꦑꦱꦲꦒꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦈꦥꦺꦏ꧀ꦑꦴꦱꦲꦒꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦤ ꦏꦴꦩꦴꦮꦕꦫꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦫꦹꦥꦴꦮꦕꦫꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦫꦹꦥꦴꦮꦕꦫꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦥꦫꦶꦪꦴꦥꦤ꧀ꦤꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦤꦶꦪ꧀ꦪꦴꦤꦶꦏꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ … ꦤꦶꦪꦠꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦄꦤꦸꦠ꧀ꦠꦫꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ… ꦱꦫꦟꦺꦲꦶ ꦣꦩ꧀ꦩꦺꦲꦶ ꦪꦺ ꦣꦩ꧀ꦩꦴ ꦑꦤ꧀ꦣꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ ꦄꦴꦪꦠꦤꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ ꦣꦴꦠꦸꦱꦔ꧀ꦒꦲꦺꦤ ꦄꦱꦔ꧀ꦒꦲꦶꦠꦴ, ꦠꦺ ꦣꦩ꧀ꦩꦴ ꦏꦠꦶꦲꦶ ꦑꦤ꧀ꦣꦺꦲꦶ ꦏꦠꦶꦲꦴꦪꦠꦤꦺꦲꦶ ꦏꦠꦶꦲꦶ ꦣꦴꦠꦹꦲꦶ ꦱꦩ꧀ꦥꦪꦸꦠ꧀ꦠꦴꦠꦶ? ꦤꦠ꧀ꦡꦶ. ꦏꦠꦶꦲꦶ ꦮꦶꦥ꧀ꦥꦪꦸꦠ꧀ꦠꦴ? ꦕꦠꦹꦲꦶ ꦑꦤ꧀ꦣꦺꦲꦶ ꦌꦏꦺꦤꦴꦪꦠꦤꦺꦤ ꦱꦠ꧀ꦠꦲꦶ ꦣꦴꦠꦹꦲꦶ ꦮꦶꦥ꧀ꦥꦪꦸꦠ꧀ꦠꦴ; ꦌꦏꦺꦤꦴꦪꦠꦤꦺꦤ ꦌꦏꦴꦪ ꦣꦴꦠꦸꦪꦴ ꦏꦺꦲꦶꦕꦶ ꦮꦶꦥ꧀ꦥꦪꦸꦠ꧀ꦠꦴ.

ꦫꦹꦥꦚ꧀ꦕ ꦣꦩ꧀ꦩꦴꦪꦠꦤꦁ ꦣꦩ꧀ꦩꦣꦴꦠꦸ, ꦆꦠ꧀ꦡꦶꦥꦸꦩꦁ ꦗꦷꦮꦶꦠꦁ ꦤꦴꦩꦫꦹꦥꦁ;

ꦢ꧀ꦮꦺ ꦨꦮꦴ ꦗꦴꦠꦶꦗꦫꦴ ꦩꦕ꧀ꦕꦸꦫꦹꦥꦁ, ꦄꦤꦴꦫꦩ꧀ꦩꦟꦁ ꦤꦺꦴ ꦕꦶꦠ꧀ꦠꦁ ꦕꦶꦠ꧀ꦠꦺꦤ ꦮꦶꦥ꧀ꦥꦪꦸꦠ꧀ꦠꦁ.

ꦮꦶꦱꦁꦱꦛ꧀ꦜꦁ ꦱꦩꦸꦛ꧀ꦜꦴꦤꦱꦲꦨꦸ, ꦄꦤꦸꦥꦫꦶꦮꦠ꧀ꦠꦶ ꦧꦴꦲꦶꦫꦁ ꦈꦥꦴꦢꦴ;

ꦢ꧀ꦮꦺ ꦮꦶꦱꦪꦺꦴ ꦌꦱꦤꦪꦺꦴ ꦱꦸꦧꦸꦢ꧀ꦣꦺꦴꦠꦶ.

ꦄꦱꦔ꧀ꦒꦲꦶꦠꦺꦤꦱꦩ꧀ꦥꦪꦸꦠ꧀ꦠꦮꦶꦥ꧀ꦥꦪꦸꦠ꧀ꦠꦥꦢꦤꦶꦢ꧀ꦢꦺꦱꦺꦴ ꦠꦺꦫꦱꦩꦺꦴ.