꧖. ꦖꦥ꧀ꦥꦕ꧀ꦕꦪꦮꦶꦨꦴꦒ-ꦖꦛ꧀ꦜꦥꦫꦶꦕ꧀ꦖꦺꦢ

꧑꧒꧙. ꦥꦠ꧀ꦡꦴꦫꦺ ꦱꦧ꧀ꦧꦒꦺ ꦥꦴꦢꦺ, ꦥꦸꦧ꧀ꦧꦒꦴ’ꦣꦺꦴ ꦭ꧀ꦥ’ꦫꦺ ꦱꦩꦴ;

ꦥꦸꦧ꧀ꦧꦺ ꦒꦫꦸ ꦠꦺ ꦕ ꦩꦶꦩꦺ, ꦏꦠ꧀ꦠꦧ꧀ꦧꦴ ꦪꦴꦮ ꦱꦧ꧀ꦧꦭꦴ.

꧑꧓꧐. ꦤꦛ꧀ꦜꦱ꧀ꦱ ꦪꦺꦴ ꦨꦮꦺꦪ꧀ꦪ’ꦔ꧀ꦏꦺꦴ, ꦠꦱ꧀ꦩꦶꦁ ꦭꦺꦴ’ꦢ꧀ꦣꦶꦏꦠꦺ ꦱꦩꦺ;

ꦮꦶꦱꦩꦺ ꦠ꧀ꦮꦺ’ꦏꦱꦲꦶꦠꦺ, ꦨꦮꦺꦪ꧀ꦪ’ꦢ꧀ꦣꦶꦏꦠꦺ ꦒꦫꦸ.

꧑꧓꧑. ꦌꦏꦴ’ꦢꦶꦤꦸꦏ꧀ꦏꦩꦺꦤ’ꦔ꧀ꦏꦺ, ꦥꦸꦧ꧀ꦧꦴꦣꦺꦴ ꦢ꧀ꦮꦶꦒꦸꦟꦺ ꦭꦶꦑꦺ;

ꦩꦶꦱ꧀ꦱꦏꦺꦲꦶ ꦭꦲꦸꦛ꧀ꦜꦺꦲꦶ, ꦱꦺ’ꦏꦺꦲꦸ’ꦢ꧀ꦢꦶꦛ꧀ꦜꦏꦁ ꦨꦮꦺ.

꧑꧓꧒. ꦮꦸꦠ꧀ꦠ’ꦏ꧀ꦑꦫ ꦱꦩꦴ ꦱꦔ꧀ꦑ꧀ꦪꦴ, ꦭꦶꦏ꧀ꦑ꧀ꦪ ꦱꦺꦏꦺꦴ’ꦥꦫꦹ’ꦥꦫꦶ;

ꦌꦏꦺꦏꦲꦷꦤ ꦩꦺꦏꦴꦢꦶ, ꦤꦸ’ꦛ꧀ꦜꦴꦤꦺ ꦱꦧ꧀ꦧꦒꦴꦢꦶꦏꦁ.

꧑꧓꧓. ꦒꦫꦸꦏ꧀ꦫꦶꦪꦴ’ꦔ꧀ꦏ ꦱꦤ꧀ꦢꦺꦴꦲꦺ, ꦨꦮꦺ ꦱꦔ꧀ꦑ꧀ꦪꦴ ꦮꦶꦩꦶꦱ꧀ꦱꦶꦠꦺ;

ꦈꦢ꧀ꦢꦶꦛ꧀ꦜ’ꦔ꧀ꦏ ꦱꦩꦴꦲꦴꦫꦺꦴ, ꦱꦺ’ꦏꦺꦴ ꦮꦺ’ꦩꦁ ꦱꦩꦴ’ꦤꦪꦺ.

꧑꧓꧔. ꦱꦔ꧀ꦑ꧀ꦪꦺꦮ ꦢ꧀ꦮꦶꦒꦸꦟꦺ’ꦏꦹꦤꦴ, ꦮꦶꦠ꧀ꦡꦴꦫꦴ’ꦪꦴꦩꦱꦩ꧀ꦨꦮꦴ;

ꦮꦸꦠ꧀ꦠꦱ꧀ꦱ’ꦢ꧀ꦣ’ꦤ꧀ꦠꦫꦴꦤꦚ꧀ꦕ, ꦒꦫꦸꦭꦴꦤꦚ꧀ꦕ ꦄꦔ꧀ꦒꦸꦭꦁ.

ꦆꦠꦶ ꦮꦸꦠ꧀ꦠꦺꦴꦢꦪꦺ ꦖꦤ꧀ꦢꦱꦶ ꦖꦥ꧀ꦥꦕ꧀ꦕꦪꦮꦶꦨꦴꦒꦺꦴ ꦤꦴꦩ

ꦖꦛ꧀ꦜꦺꦴ ꦥꦫꦶꦕ꧀ꦖꦺꦢꦺꦴ.

꧑꧓꧕. ꦱꦺꦭ’ꦤ꧀ꦠꦫꦴ’ꦪꦠꦤ ꦮꦴꦱꦶꦏ ꦱꦷꦭ’ꦠ꧀ꦡꦺꦫ,

ꦥꦴꦢꦺꦴ ꦒꦫꦸ ꦒ꧀ꦒꦸꦟꦒꦫꦸ ꦗ꧀ꦗꦪꦠꦁ ꦩꦩꦺ’ꦱꦺꦴ;

ꦪꦱ꧀ꦱ ꦥ꧀ꦥꦨꦴꦮ’ꦩꦮꦭꦩ꧀ꦧ ꦩꦪꦺ’ꦢꦶꦱꦺꦴꦥꦶ,

ꦱꦩ꧀ꦥꦴꦢꦶꦠꦺꦴ’ꦨꦶꦩꦠ ꦱꦶꦢ꧀ꦣꦶꦏꦫꦺꦴ ꦥꦫꦠ꧀ꦡꦺꦴ.

꧑꧓꧖. ꦥꦫꦠ꧀ꦡ ꦱꦩ꧀ꦥꦴꦢꦤꦠꦺꦴ, ꦥꦸꦚ꧀ꦚꦺꦤꦴ’ꦣꦶꦒꦠꦺꦤ’ꦲꦁ;

ꦥꦫꦠ꧀ꦡ ꦱꦩ꧀ꦥꦴꦢꦤꦏꦺꦴ, ꦨꦮꦺꦪ꧀ꦪꦁ ꦗꦴꦠꦶ ꦗꦴꦠꦶꦪꦁ.

꧑꧓꧗. ꦄꦮꦭꦺꦴꦏꦶꦠ ꦩꦠ꧀ꦠꦺꦤ, ꦪꦡꦴ ꦖꦥ꧀ꦥꦕ꧀ꦕꦪꦴ ꦩꦪꦴ;

ꦱꦴꦣꦶꦠꦴ ꦱꦴꦣꦪꦤ꧀ꦠꦺ’ꦮ, ꦩꦶꦕ꧀ꦖꦶꦠꦠ꧀ꦡꦩ꧀ꦥꦶ ꦥꦴꦟꦶꦤꦺꦴꦠꦶ.

ꦆꦠꦶ ꦱꦔ꧀ꦓꦫꦏ꧀ꦑꦶꦠꦩꦲꦴꦱꦴꦩꦶꦠ꧀ꦡꦺꦫꦺꦤ ꦮꦶꦫꦕꦶꦠꦁ

ꦮꦸꦠ꧀ꦠꦺꦴꦢꦪꦥ꧀ꦥꦏꦫꦟꦁ ꦥꦫꦶꦤꦶꦛ꧀ꦜꦶꦠꦁ.