ꦤꦩꦺꦴ ꦠꦱ꧀ꦱ ꦨꦒꦮꦠꦺꦴ ꦄꦫꦲꦠꦺꦴ ꦱꦩ꧀ꦩꦴꦱꦩ꧀ꦧꦸꦢ꧀ꦣꦱ꧀ꦱ

ꦱꦸꦠ꧀ꦠꦤ꧀ꦠꦤꦷꦠꦶ

꧑. ꦥꦫꦴ ꦨꦮꦤ꧀ꦠꦁ ꦥꦸꦫꦶꦱꦁ,

ꦩꦪꦁ ꦥꦸꦕ꧀ꦖꦴꦩ ꦒꦺꦴꦠꦩꦁ;

ꦨꦮꦤ꧀ꦠꦁ ꦥꦸꦛ꧀ꦜꦸ ꦩꦴꦒꦩ꧀ꦩ,

ꦏꦶꦁ ꦥꦫꦴꦨꦮꦠꦺꦴ ꦩꦸꦑꦁ.

꧒. ꦱꦸꦮꦶꦗꦴꦤꦺꦴ ꦨꦮꦁꦲꦺꦴꦠꦶ,

ꦢꦸꦮꦶꦗꦴꦤꦺꦴ ꦥꦫꦴꦨꦮꦺꦴ;

ꦣꦩ꧀ꦩꦏꦴꦩꦺꦴ ꦨꦮꦁ ꦲꦺꦴꦠꦶ,

ꦣꦩ꧀ꦩꦢꦺꦱ꧀ꦱꦷ ꦥꦫꦴꦨꦮꦺꦴ.

꧓. ꦆꦠꦶꦲꦺ ꦠꦁ ꦮꦶꦗꦴꦤꦴꦩ,

ꦥꦡꦩꦺꦴ ꦱꦺꦴ ꦥꦫꦴꦨꦮꦺꦴ;

ꦢꦸꦠꦷꦪꦁ ꦨꦒꦮꦴ ꦧ꧀ꦫꦹꦲꦶ,

ꦏꦶꦁ ꦥꦫꦴꦨꦮꦠꦺꦴ ꦩꦸꦑꦁ.

꧔. ꦄꦱꦤ꧀ꦠꦱ꧀ꦱ ꦥꦶꦪꦺꦴ ꦲꦺꦴꦠꦶ,

ꦱꦤ꧀ꦠꦺ ꦤ ꦏꦸꦫꦸꦠꦺ ꦥꦶꦪꦁ;

ꦄꦱꦠꦁ ꦣꦩ꧀ꦩꦁ ꦫꦺꦴꦕꦺꦠꦶ,

ꦠꦁ ꦥꦫꦴꦨꦮꦠꦺꦴ ꦩꦸꦑꦁ.

ꦏꦩ꧀ꦩꦴꦥꦫꦴꦣꦱꦠ꧀ꦠꦴꦤꦁ,

ꦮꦶꦤꦴꦱꦺ ꦥꦕ꧀ꦕꦸꦥꦛ꧀ꦜꦶꦠꦺ;

ꦄꦤꦪꦺꦴ ꦤꦪꦫꦹꦥꦺꦤ,

ꦧꦸꦢ꧀ꦣꦶꦩꦴꦏꦩ꧀ꦪ ꦠꦶꦛ꧀ꦜꦠꦶ.

꧕. ꦤꦶꦢ꧀ꦢꦴꦱꦷꦭꦷ ꦱꦨꦴꦱꦷꦭꦷ,

ꦄꦤꦸꦛ꧀ꦜꦴꦠꦴ ꦕ ꦪꦺꦴ ꦤꦫꦺꦴ;

ꦄꦭꦱꦺꦴ ꦏꦺꦴꦣꦥꦚ꧀ꦚꦴꦟꦺꦴ,

ꦠꦁ ꦥꦫꦴꦨꦮꦠꦺꦴ ꦩꦸꦑꦁ.

꧖. ꦪꦺꦴ ꦩꦴꦠꦫꦁ ꦥꦶꦠꦫꦁ ꦮꦴ,

ꦗꦶꦟ꧀ꦟꦏꦁ ꦒꦠꦪꦺꦴꦧ꧀ꦧꦤꦁ;

ꦥꦲꦸꦱꦤ꧀ꦠꦺꦴ ꦤ ꦨꦫꦠꦶ,

ꦠꦁ ꦥꦫꦴꦨꦮꦠꦺꦴ ꦩꦸꦑꦁ.

꧗. ꦪꦺꦴ ꦧ꧀ꦫꦴꦲ꧀ꦩꦟꦁ ꦱꦩꦟꦁ ꦮꦴ,

ꦄꦚ꧀ꦚꦁ ꦮꦴꦥꦶ ꦮꦟꦶꦧ꧀ꦧꦏꦁ;

ꦩꦸꦱꦴꦮꦴꦢꦺꦤ ꦮꦚ꧀ꦕꦺꦠꦶ,

ꦠꦁ ꦥꦫꦴꦨꦮꦠꦺꦴ ꦩꦸꦑꦁ.

꧘. ꦥꦲꦸꦠꦮꦶꦠ꧀ꦠꦺꦴ ꦥꦸꦫꦶꦱꦺꦴ,

ꦱꦲꦶꦫꦚ꧀ꦚꦺꦴ ꦱꦨꦺꦴꦗꦤꦺꦴ;

ꦌꦏꦺꦴ ꦨꦸꦚ꧀ꦗꦠꦶ ꦱꦴꦢꦹꦤꦶ,

ꦠꦁ ꦥꦫꦴꦨꦮꦠꦺꦴ ꦩꦸꦑꦁ.

꧙. ꦗꦴꦠꦶꦡꦢ꧀ꦣꦺꦴ ꦣꦤꦡꦢ꧀ꦣꦺꦴ,

ꦒꦺꦴꦠ꧀ꦠꦡꦢ꧀ꦣꦺꦴ ꦕ ꦪꦺꦴ ꦤꦫꦺꦴ;

ꦱꦚꦴꦠꦶꦁ ꦄꦠꦶꦩꦚ꧀ꦚꦺꦠꦶ,

ꦠꦁ ꦥꦫꦴꦨꦮꦠꦺꦴ ꦩꦸꦑꦁ.

꧑꧐. ꦆꦠ꧀ꦡꦶꦣꦸꦠ꧀ꦠꦺꦴ ꦱꦸꦫꦴꦣꦸꦠ꧀ꦠꦺꦴ,

ꦄꦏ꧀ꦑꦣꦸꦠ꧀ꦠꦺꦴ ꦕ ꦪꦺꦴ ꦤꦫꦺꦴ;

ꦭꦢ꧀ꦣꦁꦭꦢ꧀ꦣꦁ ꦮꦶꦤꦴꦱꦺꦠꦶ,

ꦠꦁ ꦥꦫꦴꦨꦮꦠꦺꦴ ꦩꦸꦑꦁ.

ꦤ ꦧꦴꦭ꦳꧀ꦲꦁ ꦆꦠ꧀ꦡꦶꦁ ꦒꦕ꧀ꦖꦺꦪ꧀ꦪ,

ꦱꦩ꧀ꦥꦱ꧀ꦱꦁ ꦠꦺꦗꦱꦔ꧀ꦑꦪꦁ;

ꦏꦴꦱꦁ ꦱꦴꦱꦁ ꦢꦫꦁ ꦧꦴꦭ꧀ꦪꦁ,

ꦑꦷꦟꦩꦺꦢꦺꦴ ꦤꦶꦒꦕ꧀ꦖꦠꦶ.

(ꦏ)

ꦩꦴꦪꦴꦕꦺꦠꦴ ꦩꦫꦷꦕꦷ ꦕ,

ꦱꦺꦴꦏꦺꦴ ꦫꦺꦴꦒꦺꦴ ꦈꦥꦢ꧀ꦢꦮꦺꦴ;

ꦑꦫꦴ ꦕ ꦧꦤ꧀ꦣꦤꦴꦕꦺꦠꦴ,

ꦩꦕ꧀ꦕꦸꦥꦴꦱꦺꦴ ꦒꦸꦲꦴꦱꦪꦺꦴ.

(ꦑ)

ꦧꦭꦮꦤ꧀ꦠꦺꦴ ꦢꦸꦧ꧀ꦧꦭꦴ ꦲꦺꦴꦤ꧀ꦠꦶ,

ꦡꦴꦩꦮꦤ꧀ꦠꦺꦴꦥꦶ ꦲꦴꦪꦫꦺ;

ꦕꦏ꧀ꦑꦸꦩꦴ ꦄꦤ꧀ꦣꦏꦴ ꦲꦺꦴꦤ꧀ꦠꦶ,

ꦩꦴꦠꦸꦒꦴꦩꦮꦱꦁꦒꦠꦴ.

(ꦒ)

ꦒꦸꦟꦮꦤ꧀ꦠꦺꦴ ꦤꦶꦒ꧀ꦒꦸꦟꦴ ꦲꦺꦴꦤ꧀ꦠꦶ,

ꦥꦚ꧀ꦚꦮꦤ꧀ꦠꦺꦴꦥꦶ ꦲꦴꦪꦫꦺ;

ꦥꦩꦸꦠ꧀ꦠꦴ ꦧꦤ꧀ꦣꦤꦴ ꦱꦺꦤ꧀ꦠꦶ,

ꦩꦴꦠꦸꦒꦴꦩꦮꦱꦁꦒꦠꦴ.

(ꦓ)

ꦪꦱꦁ ꦏꦶꦠ꧀ꦠꦶꦁ ꦣꦶꦠꦶꦁ ꦱꦹꦫꦁ;

ꦧꦴꦲꦸꦱ꧀ꦱꦕ꧀ꦕꦁ ꦥꦗꦴꦤꦤꦁ;

ꦲꦴꦥꦪꦤ꧀ꦠꦶ ꦥꦩꦠ꧀ꦠꦱ꧀ꦱ;

ꦏꦛ꧀ꦜꦥꦸꦚ꧀ꦕꦁꦮ ꦥꦴꦮꦏꦺꦴ.

꧑꧑. ꦱꦺꦲꦶ ꦢꦴꦫꦺꦲꦶ ꦱꦤ꧀ꦠꦸꦛ꧀ꦜꦺꦴ,

ꦮꦺꦱꦶꦪꦴꦱꦸ ꦥꦢꦸꦱ꧀ꦱꦠꦶ;

ꦢꦸꦱ꧀ꦱꦠꦶ ꦥꦫꦢꦴꦫꦺꦱꦸ,

ꦠꦁ ꦥꦫꦴꦨꦮꦠꦺꦴ ꦩꦸꦑꦁ.

(ꦏ)

ꦩꦪꦚ꧀ꦕ ꦨꦫꦶꦪꦁ ꦤꦴꦠꦶꦏ꧀ꦏꦩꦴꦩ,

ꦄꦩ꧀ꦲꦺꦕ ꦨꦫꦶꦪꦴ ꦤꦴꦠꦶꦏ꧀ꦏꦩꦤ꧀ꦠꦶ;

ꦄꦚ꧀ꦚꦠ꧀ꦫ ꦠꦴꦲꦶ ꦧ꧀ꦫꦲ꧀ꦩꦕꦫꦶꦪꦁ ꦕꦫꦴꦩ,

ꦠꦱ꧀ꦩꦴ ꦲꦶ ꦄꦩ꧀ꦲꦁ ꦢꦲꦫꦴ ꦤ ꦩꦶꦪ꧀ꦪꦫꦺ.

(ꦑ)

ꦌꦠꦴꦱꦸ ꦗꦴꦪꦫꦺ ꦱꦸꦠ꧀ꦠꦩꦴꦱꦸ,

ꦩꦺꦣꦴꦮꦶꦤꦺꦴ ꦲꦺꦴꦤ꧀ꦠꦶ ꦥꦲꦸꦠꦥꦚ꧀ꦚꦴ;

ꦧꦲꦸꦱ꧀ꦱꦸꦠꦴ ꦡꦺꦫꦒꦸꦟꦴ ꦕ ꦲꦺꦴꦤ꧀ꦠꦶ,

ꦠꦱ꧀ꦩꦴ ꦲꦶ ꦄꦩ꧀ꦲꦁ ꦢꦲꦫꦴ ꦤ ꦩꦶꦪ꧀ꦪꦫꦺ.

꧑꧒. ꦄꦠꦷꦠꦪꦺꦴꦧ꧀ꦧꦤꦺꦴ ꦥꦺꦴꦱꦺꦴ,

ꦄꦴꦤꦺꦠꦶ ꦠꦶꦩ꧀ꦧꦫꦸꦠ꧀ꦡꦤꦶꦁ;

ꦠꦱ꧀ꦱ ꦆꦱ꧀ꦱꦴ ꦤ ꦱꦸꦥꦠꦶ,

ꦠꦁ ꦥꦫꦴꦨꦮꦠꦺꦴ ꦩꦸꦑꦁ.

(ꦏ)

ꦤ ꦢꦸꦏ꧀ꦑꦁ ꦄꦲꦶꦤꦴ ꦢꦛ꧀ꦜꦁ,

ꦤ ꦢꦸꦏ꧀ꦑꦁ ꦱꦠ꧀ꦠꦶꦪꦴ ꦲꦠꦁ;

ꦠꦚ꧀ꦕ ꦢꦸꦏ꧀ꦑꦚ꧀ꦕ ꦠꦶꦧ꧀ꦧꦚ꧀ꦕ,

ꦪꦁ ꦥꦱ꧀ꦱꦺ ꦗꦶꦟ꧀ꦟꦏꦁ ꦥꦠꦶꦁ.

(ꦑ)

ꦤꦠ꧀ꦡꦶ ꦑꦶꦛ꧀ꦛꦴ ꦤꦠ꧀ꦡꦶ ꦫꦠꦶ,

ꦗꦶꦟ꧀ꦟꦺꦤ ꦥꦠꦶꦤꦴ ꦱꦲ;

ꦤꦠ꧀ꦡꦶ ꦄꦭ꧀ꦭꦴꦥꦱꦭ꧀ꦭꦴꦥꦺꦴ,

ꦗꦒ꧀ꦓꦶꦠꦸꦁꦥꦶ ꦤ ꦱꦺꦴꦨꦠꦶ.

(ꦒ)

ꦪꦢꦴ ꦕ ꦢꦲꦫꦺꦴ ꦢꦲꦫꦷ,

ꦩꦤ꧀ꦠꦪꦶꦁꦱꦸ ꦫꦲꦺꦴꦒꦠꦴ;

ꦱꦧ꧀ꦧꦺ ꦱꦺꦴꦏꦴ ꦮꦶꦤꦱ꧀ꦱꦤ꧀ꦠꦶ,

ꦪꦺꦏꦺꦕꦶ ꦲꦢꦪꦱ꧀ꦱꦶꦠꦴ.

꧑꧓. ꦆꦠ꧀ꦡꦶꦁ ꦱꦺꦴꦟ꧀ꦝꦶꦁ ꦮꦶꦏꦶꦫꦟꦶꦁ,

ꦥꦸꦫꦶꦱꦁ ꦮꦴꦥꦶ ꦠꦴꦢꦶꦱꦁ;

ꦆꦱ꧀ꦱꦫꦶꦪꦱ꧀ꦩꦶꦁ ꦡꦥꦺꦠꦶ,

ꦠꦁ ꦥꦫꦴꦨꦮꦠꦺꦴ ꦩꦸꦑꦁ.

꧑꧔. ꦄꦥ꧀ꦥꦨꦺꦴꦒꦺꦴ ꦩꦲꦴꦠꦟ꧀ꦲꦺꦴ,

ꦑꦠ꧀ꦠꦶꦪꦺ ꦗꦴꦪꦠꦺ ꦏꦸꦭꦺ;

ꦱꦺꦴ ꦕ ꦫꦗ꧀ꦗꦁ ꦥꦠ꧀ꦡꦪꦠꦶ,

ꦠꦁ ꦥꦫꦴꦨꦮꦠꦺꦴ ꦩꦸꦑꦁ.

‘‘ꦱꦸꦮꦶꦗꦴꦤꦺꦴ ꦨꦮꦁꦲꦺꦴꦠꦶ,

ꦢꦸꦮꦶꦗꦴꦤꦺꦴ ꦥꦫꦴꦨꦮꦺꦴ’’;

ꦄꦥ꧀ꦥꦨꦺꦴꦒꦺꦴ ꦩꦲꦴꦠꦟ꧀ꦲꦺꦴ.

꧑꧕. ꦌꦠꦺ ꦥꦫꦴꦨꦮꦺ ꦭꦺꦴꦏꦺ,

ꦥꦟ꧀ꦝꦶꦠꦺꦴ ꦱꦩꦮꦺꦏ꧀ꦑꦶꦪ;

ꦄꦫꦶꦪꦺꦴ ꦢꦱ꧀ꦱꦤꦱꦩ꧀ꦥꦤ꧀ꦤꦺꦴ,

ꦱ ꦭꦺꦴꦏꦁ ꦨꦗꦠꦺ ꦱꦶꦮꦁ.

ꦮꦱꦭꦱꦸꦠ꧀ꦠ

꧑. ꦏꦺꦴꦣꦤꦺꦴ ꦈꦥꦤꦴꦲꦷꦕ,

ꦥꦴꦥꦩꦏ꧀ꦑꦷ ꦕ ꦪꦺꦴ ꦤꦫꦺꦴ;

ꦮꦶꦥꦤ꧀ꦤꦢꦶꦛ꧀ꦜꦷ ꦩꦴꦪꦴꦮꦷ,

ꦠꦁ ꦗꦚ꧀ꦚꦴ ꦮꦱꦭꦺꦴ ꦆꦠꦶ.

꧒. ꦌꦏꦗꦁ ꦮꦴ ꦢ꧀ꦮꦶꦗꦁ ꦮꦴꦥꦶ,

ꦪꦺꦴꦣ ꦥꦴꦟꦁ ꦮꦶꦲꦶꦁꦱꦠꦶ;

ꦪꦱ꧀ꦱ ꦥꦴꦟꦺ ꦢꦪꦴ ꦤꦠ꧀ꦡꦶ,

ꦠꦁ ꦗꦚ꧀ꦚꦴ ꦮꦱꦭꦺꦴ ꦆꦠꦶ.

꧓. ꦪꦺꦴ ꦲꦤ꧀ꦠꦶ ꦈꦥꦫꦸꦤ꧀ꦣꦠꦶ,

ꦒꦴꦩꦴꦤꦶ ꦤꦶꦒꦩꦴꦤꦶ ꦕ;

ꦤꦶꦒ꧀ꦒꦴꦲꦏꦺꦴ ꦱꦩꦚ꧀ꦚꦴꦠꦺꦴ,

ꦠꦁ ꦗꦚ꧀ꦚꦴ ꦮꦱꦭꦺꦴ ꦆꦠꦶ.

꧔. ꦒꦴꦩꦺ ꦮꦴ ꦪꦢꦶ ꦮꦴ ꦫꦚ꧀ꦚꦺ,

ꦪꦁ ꦥꦫꦺꦱꦁ ꦩꦩꦴꦪꦶꦠꦁ;

ꦡꦺꦪ꧀ꦪꦴ ꦄꦢꦶꦤ꧀ꦤꦁ ꦄꦴꦢꦺꦠꦶ,

ꦠꦁ ꦗꦚ꧀ꦚꦴ ꦮꦱꦭꦺꦴ ꦆꦠꦶ.

꧕. ꦪꦺꦴ ꦲꦮꦺ ꦆꦟꦩꦴꦢꦴꦪ,

ꦮꦸꦕ꧀ꦕꦩꦴꦤꦺꦴ ꦥꦭꦴꦪꦠꦶ;

ꦤ ꦲꦶ ꦠꦺ ꦆꦟꦩꦠ꧀ꦡꦷꦠꦶ,

ꦠꦁ ꦗꦚ꧀ꦚꦴ ꦮꦱꦭꦺꦴ ꦆꦠꦶ.

꧖. ꦪꦺꦴꦣ ꦏꦶꦚ꧀ꦕꦶꦏ꧀ꦑꦏꦩ꧀ꦪꦠꦴ,

ꦥꦡꦱ꧀ꦩꦶꦁ ꦮꦗꦠꦁ ꦗꦤꦁ;

ꦲꦤ꧀ꦠ꧀ꦮꦴ ꦏꦶꦚ꧀ꦕꦶꦏ꧀ꦑ ꦩꦴꦢꦺꦠꦶ;

ꦠꦁ ꦗꦚ꧀ꦚꦴ ꦮꦱꦭꦺꦴ ꦆꦠꦶ.

꧗. ꦪꦺꦴ ꦄꦠ꧀ꦠꦲꦺꦠꦸ ꦥꦫꦲꦺꦠꦸ,

ꦣꦤꦲꦺꦠꦸ ꦕ ꦪꦺꦴ ꦤꦫꦺꦴ;

ꦱꦏ꧀ꦑꦶꦥꦸꦛ꧀ꦜꦺꦴ ꦩꦸꦱꦴꦧ꧀ꦫꦹꦠꦶ,

ꦠꦁ ꦗꦚ꧀ꦚꦴ ꦮꦱꦭꦺꦴ ꦆꦠꦶ.

꧘. ꦪꦺꦴ ꦚꦴꦠꦷꦤꦁ ꦱꦑꦷꦤꦁ ꦮꦴ,

ꦢꦴꦫꦺꦱꦸ ꦥꦛꦶꦢꦶꦱ꧀ꦱꦠꦶ;

ꦱꦲꦱꦴ ꦱꦩ꧀ꦥꦶꦪꦺꦤ ꦮꦴ,