ꦱꦹꦫꦱ꧀ꦱꦠꦷꦤꦷꦠꦶ

ꦢꦸꦠꦶꦪꦺꦴ ꦨꦴꦒꦺꦴ

꧑. ꦣꦤꦱ꧀ꦱ ꦢꦸꦧ꧀ꦧꦶꦣꦁ ꦏꦶꦕ꧀ꦕꦁ,

ꦥꦴꦥꦺꦠꦶ ꦈꦟ꧀ꦟꦠꦁ ꦣꦤꦶꦁ;

ꦄꦣꦤꦶꦁ ꦎꦟꦠꦁ ꦭꦺꦴꦏꦺ,

ꦱꦚ꧀ꦕꦶꦤꦺ ꦠꦺꦤ ꦠꦁ ꦣꦤꦁ.

꧒. ꦮꦛ꧀ꦛꦠꦺ ꦱꦠꦠꦁ ꦱꦷꦓꦁ,

ꦏꦴꦭꦕꦏ꧀ꦏꦁ ꦄꦮꦴꦫꦶꦠꦁ;

ꦠꦺꦤ ꦓꦛꦷ ꦢꦶꦤꦁ ꦩꦴꦱꦺꦴ,

ꦮꦱ꧀ꦱꦺꦴ ꦨꦮꦠ꧀ꦪ ꦕꦷꦫꦠꦺꦴ.

꧓. ꦱꦠ꧀ꦠꦸꦤꦴ ꦤ ꦲꦶ ꦱꦤ꧀ꦣꦺꦪ꧀ꦪ,

ꦌꦏꦢꦴ ꦱꦺꦴ ꦨꦪꦁ ꦏꦫꦺꦴ;

ꦱꦸꦠꦠ꧀ꦠꦩꦥꦶ ꦥꦴꦤꦷꦪꦁ,

ꦱꦩꦪꦠꦺ ꦤꦸ ꦥꦴꦮꦏꦁ.

꧔. ꦮꦶꦗꦲꦁ ꦥꦏꦠꦶꦁ ꦪꦺꦴ ꦲꦶ,

ꦮꦶꦏꦠꦶꦁ ꦥꦸꦤ ꦒꦕ꧀ꦖꦠꦶ;

ꦱꦨꦴꦮꦺꦤ ꦄꦴꦏꦴꦫꦺꦤ,

ꦮꦶꦥ꧀ꦥꦭ꧀ꦭꦴꦱꦁ ꦱ ꦒꦕ꧀ꦖꦠꦶ;

ꦱꦁꦱꦸꦩꦴꦫ ꦒꦠꦴ ꦒꦺꦴꦣꦴ,

ꦪꦡꦴ ꦡꦷ ꦥꦸꦩꦮꦺꦱꦶꦏꦴ.

꧕. ꦥꦏ꧀ꦑꦁ ꦭꦢ꧀ꦣꦴꦤ ꦈꦝ꧀ꦝꦺꦤ꧀ꦠꦶ,

ꦈꦥꦕꦶꦏꦴ ꦲꦶ ꦮꦩ꧀ꦩꦶꦏꦴ;

ꦤꦶꦏ꧀ꦑꦤ꧀ꦠꦴ ꦩꦫꦟꦁ ꦪꦤ꧀ꦠꦶ,

ꦈꦥ꧀ꦥꦠꦴ ꦤꦶꦥ꧀ꦥꦠꦁ ꦒꦠꦴ.

꧖. ꦱꦧ꧀ꦧꦁꦥꦶꦪꦱ꧀ꦱ ꦢꦗ꧀ꦗꦺꦪ꧀ꦪ,

ꦤꦶꦱ꧀ꦱꦺꦱꦁ ꦥꦶꦪꦩꦴꦤꦱꦁ;

ꦱꦢ꧀ꦣꦴꦕꦶꦠ꧀ꦠꦁ ꦠꦸ ꦤꦺꦴ ꦮꦶꦚ꧀ꦚꦹ,

ꦱꦢ꧀ꦣꦴꦪꦶꦏꦺꦴ ꦥꦏ꧀ꦑꦭꦶꦠꦺꦴ.

꧗. ꦱꦏ꧀ꦏꦺꦴꦠꦶ ꦭꦔ꧀ꦓꦶꦠꦸꦁ ꦧ꧀ꦪꦴꦩꦁ,

ꦩꦲꦸꦱ꧀ꦱꦴꦲꦺꦤ ꦪꦺꦴ ꦲꦶ ꦱꦺꦴ;

ꦠꦢꦝ꧀ꦞꦁ ꦄꦤꦸꦱ꧀ꦱꦴꦲꦺꦤ,

ꦤꦺꦴꦱ꧀ꦱꦴꦲꦺꦴ ꦠꦺꦱꦸ ꦡꦺꦴꦩꦶꦠꦺꦴ;

ꦩꦲꦸꦱ꧀ꦱꦴꦲꦺꦴ ꦢꦸꦏ꧀ꦑꦺꦴ ꦭꦺꦴꦏꦺ,

ꦄꦤꦸꦱ꧀ꦱꦴꦲꦺꦴ ꦱꦢꦴ ꦱꦸꦑꦺꦴ.

꧘. ꦢꦸꦏ꧀ꦑꦩꦁ ꦄꦏ꧀ꦑꦩꦤ꧀ꦠꦺꦴ ꦪꦺꦴ,

ꦥꦶꦛ꧀ꦜꦶꦏꦴꦫꦷꦕ ꦢꦸꦏ꧀ꦏꦫꦁ,

ꦏꦢꦴ ꦭꦨꦺꦪ꧀ꦪ ꦱꦺꦴ ꦭꦺꦴꦏꦺ,

ꦱꦸꦑꦩꦁ ꦱꦸꦏꦫꦁ ꦩꦸꦣꦴ;

ꦥꦕ꧀ꦕꦏ꧀ꦑꦚ꧀ꦲꦶ ꦱꦺꦴ ꦏꦫꦺꦪ꧀ꦪ,

ꦢꦸꦏ꧀ꦑꦩꦚ꧀ꦕꦴꦥꦶ ꦢꦸꦏ꧀ꦏꦫꦁ.

꧙. ꦄꦤꦒ꧀ꦓꦺꦴ ꦩꦤꦸꦱ꧀ꦱꦺꦴ ꦭꦺꦴꦏꦺ,

ꦠꦺꦴꦱꦤꦴꦥꦺꦴꦱꦤꦴꦢꦶꦤꦴ;

ꦠꦺꦤ ꦱꦺꦴ ꦩꦲꦒ꧀ꦓꦁ ꦏꦩ꧀ꦩꦁ,

ꦏꦫꦺ ꦭꦺꦴꦏꦲꦶꦠꦴꦪꦸꦠꦁ.

꧑꧐. ꦮꦴꦠꦺꦤ ꦤꦥ꧀ꦥꦨꦶꦗ꧀ꦗꦤ꧀ꦠꦶ,

ꦤꦶꦤ꧀ꦤꦴ ꦮꦺꦭ꦳ꦹ ꦏꦱꦴ ꦤꦭ꦳ꦴ;

ꦪꦡꦴꦮꦴꦠꦁ ꦤꦒꦕ꧀ꦖꦤ꧀ꦠꦶ,

ꦠꦡꦴ ꦕꦫꦺ ꦗꦤꦺ ꦏꦢꦴ.

꧑꧑. ꦥꦸꦫꦠꦺꦴ ꦕ ꦥꦕ꧀ꦖꦠꦺꦴ ꦕꦺ,

ꦤꦶꦱ꧀ꦱꦪꦺꦴ ꦤꦠ꧀ꦡꦶ ꦥꦱ꧀ꦱꦠꦺꦴ;

ꦄꦣꦶꦏꦁ ꦮꦷꦫꦶꦪꦁ ꦲꦺꦴꦠꦶ,

ꦄꦠ꧀ꦠꦤꦴꦡꦺꦴ ꦠꦢꦴ ꦨꦮꦺ.

꧑꧒. ꦑꦟꦁ ꦄꦴꦑꦸꦧꦶꦭꦁ ꦱꦷꦲꦺꦴ,

ꦥꦴꦱꦴꦟꦱꦏꦭꦴꦏꦸꦭꦁ;

ꦥꦥ꧀ꦥꦺꦴꦠꦶ ꦤꦑꦨꦔ꧀ꦒꦁꦮꦴ,

ꦦꦭꦁꦮꦴ ꦩꦹꦱꦶꦏꦺꦴ ꦨꦮꦺ.

꧑꧓. ꦩꦒ꧀ꦒꦩꦸꦭ꦳꧀ꦲꦴ ꦗꦤꦴ ꦄꦤ꧀ꦣꦴ,

ꦄꦩꦒ꧀ꦒꦴ ꦩꦒ꧀ꦒꦱꦚ꧀ꦚꦶꦤꦺꦴ;

ꦠꦡꦺꦮ ꦢꦸꦥ꧀ꦥꦚ꧀ꦚꦴ ꦩꦸꦭ꦳꧀ꦲꦴ,

ꦠꦡꦠ꧀ꦡꦁ ꦤꦴꦮ ꦧꦸꦗ꧀ꦙꦫꦺ.

꧑꧔. ꦥꦶꦪꦫꦹꦥꦁ ꦮꦷꦫꦫꦹꦥꦁ,

ꦢꦸꦮꦶꦣꦴ ꦫꦹꦥꦱꦩ꧀ꦥꦢꦴ,

ꦤꦴꦫꦶꦁ ꦆꦕ꧀ꦖꦺ ꦥꦶꦪꦫꦹꦥꦶꦁ,

ꦥꦸꦫꦶꦱꦁ ꦮꦷꦫꦫꦹꦥꦏꦁ.

꧑꧕. ꦥꦗ꧀ꦗꦭꦤ꧀ꦠꦶ ꦲꦶ ꦑꦗ꧀ꦗꦺꦴꦠꦴ,

ꦥꦏ꧀ꦑꦕꦴꦭꦤꦏꦩ꧀ꦩꦸꦤꦴ;

ꦏꦸꦱꦶꦠꦴ ꦱꦸꦥꦶꦠꦴ ꦤꦺꦠꦺ,

ꦠꦡꦴ ꦗꦤꦴꦥꦶ ꦏꦩ꧀ꦩꦶꦏꦴ.

꧑꧖. ꦏꦸꦩ꧀ꦩꦱꦔ꧀ꦏꦺꦴꦕꦩꦺꦴꦥꦩ꧀ꦪ,

ꦤꦶꦒ꧀ꦒꦲꦩꦥꦶ ꦱꦁꦑꦩꦺ;

ꦥꦠ꧀ꦠꦏꦴꦭꦺ ꦠꦸ ꦤꦷꦠꦶꦚ꧀ꦚꦺꦴ,

ꦏꦟ꧀ꦲꦱꦥ꧀ꦥꦺꦴꦮ ꦈꦛ꧀ꦜꦲꦺ.

꧑꧗. ꦨꦏ꧀ꦑꦱꦺꦱꦁ ꦤꦑꦴꦢꦤ꧀ꦠꦶ,

ꦱꦷꦲꦴ ꦈꦤ꧀ꦤꦠꦕꦺꦠꦱꦴ;

ꦥꦫꦁꦥꦶ ꦤꦥꦟꦴꦩꦺꦤ꧀ꦠꦶ,

ꦮꦸꦢ꧀ꦣꦶꦏꦴꦩꦴ ꦠꦡꦴ ꦕꦫꦺ.

꧑꧘. ꦤ ꦮ ꦮꦱ꧀ꦱꦺꦴ ꦱꦩꦸꦥ꧀ꦥꦤ꧀ꦤꦺꦴ,

ꦑꦷꦟꦺꦴ ꦥꦸꦫꦴꦟꦲꦴꦪꦤꦺꦴ;

ꦤꦮꦮꦱ꧀ꦱꦺ ꦤꦮꦴ ꦩꦺꦠ꧀ꦠꦴ,

ꦨꦴꦮꦶꦠꦧ꧀ꦧꦴ ꦲꦶꦠꦺꦱꦶꦤꦴ.

꧑꧙. ꦱꦤ꧀ꦠꦴꦥꦪꦤ꧀ꦠꦶ ꦏꦩꦪꦴꦥ꧀ꦪꦨꦸꦗꦁ ꦤ ꦫꦺꦴꦒꦴ,

ꦢꦸꦩ꧀ꦩꦤ꧀ꦠꦶꦤꦁ ꦏꦩꦸꦥꦪꦤ꧀ꦠꦶ ꦤ ꦤꦷꦠꦶꦢꦺꦴꦱꦴ;

ꦏꦁ ꦱ꧀ꦫꦷ ꦤ ꦩꦴꦤꦪꦠꦶ ꦏꦁ ꦤ ꦕ ꦲꦤ꧀ꦠꦶ ꦩꦕ꧀ꦕꦸ,

ꦏꦁ ꦡꦷꦏꦠꦴ ꦤ ꦮꦶꦱꦪꦴ ꦥꦫꦶꦥꦷꦭ꦳ꦪꦤ꧀ꦠꦶ.

(ꦮꦱꦤ꧀ꦠꦠꦶꦭꦏꦴꦒꦴꦡꦴ.)

꧒꧐. (ꦏ) ꦧ꧀ꦪꦴꦩꦩꦠ꧀ꦠꦺꦤ ꦢꦟ꧀ꦝꦺꦤ,

ꦪꦺꦴꦭꦸꦩ꧀ꦧ꧀ꦪ ꦈꦢꦏꦁ ꦩꦶꦤꦺ;

ꦄꦒꦩ꧀ꦨꦷꦫꦁ ꦒꦩ꧀ꦨꦷꦫꦁꦮꦴ,

ꦄꦒꦴꦣꦺ ꦩꦚ꧀ꦚꦶ ꦒꦩ꧀ꦨꦷꦫꦁ.

(ꦑ)

ꦠꦡꦴ ꦩꦤ꧀ꦢꦺꦴ ꦱꦚ꧀ꦚꦴꦟꦺꦤ,

ꦄꦒꦴꦣꦺ ꦩꦚ꧀ꦚꦶ ꦥꦟ꧀ꦝꦶꦠꦁ;

ꦱꦩꦴꦱꦩꦁ ꦤ ꦗꦴꦤꦴꦠꦶ,

ꦧꦲ꧀ꦮꦥ꧀ꦥꦁ ꦠꦶꦏ꧀ꦑꦩꦤ꧀ꦢꦠꦁ.

꧒꧑. ꦢꦸꦛ꧀ꦜꦏꦩ꧀ꦩꦺ ꦱꦔ꧀ꦒꦩꦤ꧀ꦠꦶ,

ꦖꦺꦏꦏꦩ꧀ꦩꦺ ꦕ ꦤꦺꦴ ꦆꦣ;

ꦩꦕ꧀ꦕꦸꦁ ꦮꦲꦤ꧀ꦠꦶ ꦱꦷꦱꦺꦤ,

ꦠꦺ ꦩꦸꦭ꦳꧀ꦲꦴ ꦩꦸꦭ꦳꧀ꦲꦱꦔ꧀ꦒꦩꦴ.

꧒꧒. ꦢꦸꦮꦶꦣꦺꦴ ꦱꦔ꧀ꦒꦩꦺꦴ ꦭꦺꦴꦏꦺ,

ꦈꦗꦸꦏꦺꦴ ꦏꦸꦛꦶꦭꦺꦴ ꦨꦮꦺ;

ꦈꦗꦸꦏꦺꦴꦮ ꦥꦱꦁꦱꦺꦪ꧀ꦪꦺꦴ,

ꦤꦺꦴꦲ꧀ꦪꦚ꧀ꦚꦺꦴ ꦱꦴꦗꦱꦔ꧀ꦒꦩꦺꦴ.

ꦠꦺ ꦆꦩꦶꦤꦴ ꦈꦥꦴꦪꦺꦤ ꦱꦩꦒ꧀ꦒꦴ ꦱꦩ꧀ꦩꦺꦴꦢꦩꦴꦤꦴ ꦩꦲꦴ ꦨꦶꦠ꧀ꦠꦶꦥꦶꦛ꧀ꦜꦶꦏꦴꦪ ꦮꦱꦤ꧀ꦠꦶ. (ꦩꦲꦺꦴꦱꦣꦗꦴꦠꦏ ꦄꦛ꧀ꦜꦏꦡꦴ)

꧒꧓. ꦪꦹꦡꦶꦏꦴ ꦥꦸꦥ꧀ꦦꦠꦺ ꦤꦺꦴꦲꦶ,

ꦱꦶꦚ꧀ꦕꦶꦠꦴꦥꦶ ꦥꦸꦤꦥ꧀ꦥꦸꦤꦁ;

ꦥꦸꦥ꧀ꦦꦠꦺ ꦱꦩ꧀ꦥꦠ꧀ꦠꦺ ꦏꦴꦭꦺ,

ꦌꦮꦁ ꦣꦴꦫꦺꦡ ꦮꦷꦫꦶꦪꦁ.

꧒꧔. ꦣꦤꦸꦕ꧀ꦕꦪꦺꦴ ꦣꦤꦏ꧀ꦑꦺꦥꦺꦴ,

ꦢꦸꦮꦶꦣꦴ ꦲꦶ ꦣꦤꦴꦏꦠꦶ;

ꦣꦤꦸꦕ꧀ꦕꦪꦺ ꦤꦪꦺꦴ ꦄꦠ꧀ꦡꦶ,

ꦣꦤꦏ꧀ꦑꦺꦥꦩ꧀ꦲꦶ ꦤꦺꦴ ꦆꦣ.

꧒꧕. ꦄꦩꦴꦠꦴ ꦥꦶꦠꦫꦱꦁ ꦮꦝ꧀ꦞꦁ,

ꦗꦹꦠꦏꦴꦫꦚ꧀ꦕ ꦕꦚ꧀ꦕꦭꦁ;

ꦤꦴꦭꦥꦺꦪ꧀ꦪ ꦮꦶꦱꦺꦱꦚ꧀ꦚꦹ,

ꦪꦢꦶꦕ꧀ꦖꦺ ꦱꦶꦢ꧀ꦣꦶ ꦩꦠ꧀ꦠꦤꦺꦴ.

ꦲꦭꦶꦢ꧀ꦢꦶꦫꦴꦒꦁ ꦏꦥꦶꦕꦶꦠ꧀ꦠꦁ,

ꦥꦸꦫꦶꦱꦁ ꦫꦴꦒꦮꦶꦫꦴꦒꦶꦤꦁ;

ꦌꦢꦶꦱꦁ ꦠꦴꦠ ꦩꦴꦱꦺꦮꦶ,

ꦤꦶꦩ꧀ꦩꦤꦸꦱ꧀ꦱꦁꦥꦶ ꦕꦺ ꦱꦶꦪꦴ.

꧒꧖. ꦒꦸꦟꦴ ꦒꦸꦟꦚ꧀ꦚꦹꦱꦸ ꦒꦸꦟꦴ ꦨꦮꦤ꧀ꦠꦶ,

ꦠꦺ ꦤꦶꦒ꧀ꦒꦸꦟꦁ ꦥꦠ꧀ꦮꦴ ꦨꦮꦤ꧀ꦠꦶ ꦢꦺꦴꦱꦴ;

ꦄꦴꦱꦴꦢ꧀ꦪꦠꦺꦴꦪꦴ ꦥꦨꦮꦤ꧀ꦠꦶ ꦤꦗ꧀ꦗꦺꦴ,

ꦱꦩꦸꦢ꧀ꦫꦩꦴꦱꦗ꧀ꦗ ꦨꦮꦤ꧀ꦠ꧀ꦪꦥꦺꦪ꧀ꦪꦴ.

(ꦈꦥꦗꦴꦠꦶꦒꦴꦡꦴ)

꧒꧗. ꦱꦶꦭꦴꦫꦹꦥꦁ ꦤꦶꦩ꧀ꦩꦶꦤꦤ꧀ꦠꦶ,

ꦏꦺꦴꦛ꧀ꦛꦺꦠ꧀ꦮꦴꦤ ꦥꦸꦤꦥ꧀ꦥꦸꦤꦁ;

ꦏꦺꦴꦛ꧀ꦛꦏꦺꦴꦮ ꦠꦡꦴ ꦧꦴꦭꦴ,

ꦱꦴꦣꦸꦁ ꦎꦮꦗ꧀ꦗ ꦤꦶꦩ꧀ꦩꦶꦠꦴ.