ꦕꦹꦭ꦳ꦮꦒ꧀ꦒꦥꦴꦭ꦳ꦶ

꧑. ꦏꦩ꧀ꦧꦏ꧀ꦑꦤ꧀ꦣꦏ

ꦥꦸꦕ꧀ꦖꦴ – ꦨꦟ꧀ꦝꦤꦴꦢꦶꦏꦴꦫꦏꦱ꧀ꦱ ꦄꦴꦮꦸꦱꦺꦴ ꦨꦶꦏ꧀ꦑꦸꦤꦺꦴ ꦠꦗ꧀ꦗꦤꦷꦪꦏꦩ꧀ꦩꦁ ꦏꦴꦠꦸꦁ ꦨꦒꦮꦠꦴ ꦏꦠ꧀ꦡ ꦄꦤꦸꦚ꧀ꦚꦴꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦮꦶꦱ꧀ꦱꦗ꧀ꦗꦤꦴ – ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦥꦟ꧀ꦝꦸꦏꦭꦺꦴꦲꦶꦠꦏꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦄꦤꦸꦚ꧀ꦚꦴꦠꦁ, ꦥꦟ꧀ꦝꦸꦏꦭꦺꦴꦲꦶꦠꦏꦴ ꦨꦤ꧀ꦠꦺ ꦨꦶꦏ꧀ꦑꦹ ꦄꦠ꧀ꦠꦤꦴ ꦨꦟ꧀ꦝꦤꦏꦴꦫꦏꦴ ꦏꦭꦲꦏꦴꦫꦏꦴ ꦮꦶꦮꦴꦢꦏꦴꦫꦏꦴ ꦨꦱ꧀ꦱꦏꦴꦫꦏꦴ ꦱꦔ꧀ꦓꦺ ꦄꦣꦶꦏꦫꦟꦏꦴꦫꦏꦴ, ꦪꦺꦥꦶ ꦕꦚ꧀ꦚꦺ ꦨꦶꦏ꧀ꦑꦹ ꦨꦟ꧀ꦝꦤꦏꦴꦫꦏꦴ ꦏꦭꦲꦏꦴꦫꦏꦴ ꦮꦶꦮꦴꦢꦏꦴꦫꦏꦴ ꦨꦱ꧀ꦱꦏꦴꦫꦏꦴ ꦱꦔ꧀ꦓꦺ ꦄꦣꦶꦏꦫꦟꦏꦴꦫꦏꦴ ꦠꦺ ꦈꦥꦱꦔ꧀ꦏꦩꦶꦠ꧀ꦮꦴ ꦌꦮꦩꦴꦲꦁꦱꦸ ‘‘ꦩꦴ ꦑꦺꦴ ꦠꦸꦩ꧀ꦲꦺ ꦄꦴꦪꦱ꧀ꦩꦤ꧀ꦠꦺꦴ ꦌꦱꦺꦴ ꦄꦗꦺꦱꦶ, ꦧꦭꦮꦴꦧꦭꦮꦁ ꦥꦛꦶꦩꦤ꧀ꦠꦺꦡ, ꦠꦸꦩ꧀ꦲꦺ ꦠꦺꦤ ꦥꦟ꧀ꦝꦶꦠꦠꦫꦴ ꦕ ꦧ꧀ꦪꦠ꧀ꦠꦠꦫꦴ ꦕ ꦧꦲꦸꦱ꧀ꦱꦸꦠꦠꦫꦴ ꦕ ꦄꦭꦩꦠ꧀ꦠꦠꦫꦴ ꦕ, ꦩꦴ ꦕꦱ꧀ꦱ ꦨꦴꦪꦶꦠ꧀ꦡ, ꦩꦪꦩ꧀ꦥꦶ ꦠꦸꦩ꧀ꦲꦴꦏꦁ ꦥꦏ꧀ꦑꦴ ꦨꦮꦶꦱ꧀ꦱꦴꦩꦴ’’ꦠꦶ, ꦠꦺꦤ ꦄꦤꦸꦥ꧀ꦥꦤ꧀ꦤꦴꦤꦶ ꦕꦺꦮ ꦨꦟ꧀ꦝꦤꦴꦤꦶ ꦈꦥ꧀ꦥꦗ꧀ꦗꦤ꧀ꦠꦶ, ꦈꦥ꧀ꦥꦤ꧀ꦤꦴꦤꦶ ꦕ ꦨꦟ꧀ꦝꦤꦴꦤꦶ ꦨꦶꦪ꧀ꦪꦺꦴꦨꦴꦮꦴꦪ ꦮꦺꦥꦸꦭ꧀ꦭꦴꦪ ꦱꦁꦮꦠ꧀ꦠꦤ꧀ꦠꦶ. ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦥꦸꦕ꧀ꦖꦴ – ꦠꦗ꧀ꦗꦤꦷꦪꦏꦩ꧀ꦩꦏꦠꦱ꧀ꦱ ꦄꦴꦮꦸꦱꦺꦴ ꦨꦶꦏ꧀ꦑꦸꦤꦺꦴ ꦏꦠꦶꦱꦸ ꦮꦠ꧀ꦠꦺꦱꦸ ꦱꦩ꧀ꦩꦴ ꦮꦠ꧀ꦠꦤ꧀ꦠꦱ꧀ꦱ ꦠꦁ ꦏꦩ꧀ꦩꦁ ꦥꦛꦶꦥ꧀ꦥꦱ꧀ꦱꦩ꧀ꦨꦺꦠꦸꦁ ꦨꦒꦮꦠꦴ ꦏꦠ꧀ꦡ ꦄꦤꦸꦚ꧀ꦚꦴꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦮꦶꦱ꧀ꦱꦗ꧀ꦗꦤꦴ – ꦄꦛ꧀ꦜꦴꦫꦱꦱꦸ ꦨꦤ꧀ꦠꦺ ꦮꦠ꧀ꦠꦺꦱꦸ ꦱꦩ꧀ꦩꦴ ꦮꦠ꧀ꦠꦤ꧀ꦠꦱ꧀ꦱ ꦠꦗ꧀ꦗꦤꦷꦪꦏꦩ꧀ꦩꦏꦠꦱ꧀ꦱ ꦨꦶꦏ꧀ꦑꦸꦤꦺꦴ ꦠꦁ ꦏꦩ꧀ꦩꦁ ꦥꦛꦶꦥ꧀ꦥꦱ꧀ꦱꦩ꧀ꦨꦺꦠꦸꦁ ꦨꦒꦮꦠꦴ ꦱꦴꦮꦠ꧀ꦡꦶꦪꦁ ꦄꦤꦸꦚ꧀ꦚꦴꦠꦁ, ꦠꦺꦪꦺꦮ ꦥꦟ꧀ꦝꦸꦏꦭꦺꦴꦲꦶꦠꦏꦴ ꦨꦶꦏ꧀ꦑꦹ ꦱꦔ꧀ꦓꦺꦤ ꦠꦗ꧀ꦗꦤꦷꦪꦏꦩ꧀ꦩꦏꦠꦴ ꦱꦩ꧀ꦩꦴ ꦮꦠ꧀ꦠꦶꦠ꧀ꦮꦴ ꦱꦔ꧀ꦓꦁ ꦈꦥꦱꦔ꧀ꦏꦩꦶꦠ꧀ꦮꦴ ꦪꦴꦕꦶꦁꦱꦸ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦥꦸꦕ꧀ꦖꦴ – ꦧꦴꦭꦱ꧀ꦱ ꦄꦴꦮꦸꦱꦺꦴ ꦄꦧ꧀ꦪꦠ꧀ꦠꦱ꧀ꦱ ꦄꦴꦥꦠ꧀ꦠꦶꦧꦲꦸꦭꦱ꧀ꦱ ꦄꦤꦥꦢꦴꦤꦱ꧀ꦱ ꦒꦶꦲꦶꦱꦁꦱꦛ꧀ꦜꦱ꧀ꦱ ꦄꦤꦤꦸꦭꦺꦴꦩꦶꦏꦺꦲꦶ ꦒꦶꦲꦶꦱꦁꦱꦒ꧀ꦒꦺꦲꦶ ꦤꦶꦪꦱ꧀ꦱꦏꦩ꧀ꦩꦁ ꦏꦴꦠꦸꦁ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦄꦴꦪꦱ꧀ꦩꦤ꧀ꦠꦁ ꦱꦺꦪ꧀ꦪꦱꦏꦁ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦄꦴꦪꦱ꧀ꦩꦴ ꦨꦤ꧀ꦠꦺ ꦱꦺꦪ꧀ꦪꦱꦏꦺꦴ ꦧꦴꦭꦺꦴ ꦄꦲꦺꦴꦱꦶ ꦄꦧ꧀ꦪꦠ꧀ꦠꦺꦴ ꦄꦴꦥꦠ꧀ꦠꦶꦧꦲꦸꦭꦺꦴ ꦄꦤꦥꦢꦴꦤꦺꦴ ꦒꦶꦲꦶꦱꦁꦱꦛ꧀ꦜꦺꦴ ꦮꦶꦲꦴꦱꦶ ꦄꦤꦤꦸꦭꦺꦴꦩꦶꦏꦺꦲꦶ ꦒꦶꦲꦶꦱꦁꦱꦒ꧀ꦒꦺꦲꦶ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦤꦶꦪꦱ꧀ꦱꦏꦩ꧀ꦩꦏꦠꦱ꧀ꦱ ꦄꦴꦮꦸꦱꦺꦴ ꦨꦶꦏ꧀ꦑꦸꦤꦺꦴ ꦏꦠꦶꦱꦸ ꦮꦠ꧀ꦠꦺꦱꦸ ꦱꦩ꧀ꦩꦴ ꦮꦠ꧀ꦠꦤ꧀ꦠꦱ꧀ꦱ ꦠꦁ ꦏꦩ꧀ꦩꦁ ꦥꦛꦶꦥ꧀ꦥꦱ꧀ꦱꦩ꧀ꦨꦺꦠꦸꦁ ꦨꦒꦮꦠꦴ ꦄꦤꦸꦚ꧀ꦚꦴꦠꦁ.

ꦮꦶꦱ꧀ꦱꦗ꧀ꦗꦤꦴ – ꦄꦛ꧀ꦜꦴꦫꦱꦱꦸ ꦨꦤ꧀ꦠꦺ ꦮꦠ꧀ꦠꦺꦱꦸ ꦱꦩ꧀ꦩꦴ ꦮꦠ꧀ꦠꦤ꧀ꦠꦱ꧀ꦱ ꦤꦶꦪꦱ꧀ꦱ ꦏꦩ꧀ꦩꦏꦠꦱ꧀ꦱ ꦨꦶꦏ꧀ꦑꦸꦤꦺꦴ ꦠꦁ ꦏꦩ꧀ꦩꦁ ꦥꦛꦶꦥ꧀ꦥꦱ꧀ꦱꦩ꧀ꦨꦺꦠꦸꦁ ꦨꦒꦮꦠꦴ ꦄꦤꦸꦚ꧀ꦚꦴꦠꦁ, ꦤ ꦈꦥꦱꦩ꧀ꦥꦴꦢꦺꦠꦧ꧀ꦧꦁ, ꦤ ꦤꦶꦱ꧀ꦱꦪꦺꦴ ꦢꦴꦠꦧ꧀ꦧꦺꦴ, ꦤ ꦱꦴꦩꦟꦺꦫꦺꦴ ꦈꦥꦛ꧀ꦜꦴꦥꦺꦠꦧ꧀ꦧꦺꦴ, ꦤ ꦨꦶꦏ꧀ꦑꦸꦤꦺꦴꦮꦴꦢꦏꦱꦩ꧀ꦩꦸꦠꦶ ꦱꦴꦢꦶꦠꦧ꧀ꦧꦴ, ꦱꦩ꧀ꦩꦠꦺꦤꦥꦶ ꦨꦶꦏ꧀ꦑꦸꦤꦶꦪꦺꦴ ꦤ ꦎꦮꦢꦶꦠꦧ꧀ꦧꦴ, ꦌꦮꦩꦴꦢꦷꦱꦸ ꦨꦤ꧀ꦠꦺ ꦄꦛ꧀ꦜꦴꦫꦱꦱꦸ ꦮꦠ꧀ꦠꦺꦱꦸ ꦱꦩ꧀ꦩꦴ ꦮꦠ꧀ꦠꦤ꧀ꦠꦱ꧀ꦱ ꦤꦶꦪꦱ꧀ꦱꦏꦩ꧀ꦩꦏꦠꦱ꧀ꦱ ꦨꦶꦏ꧀ꦑꦸꦤꦺꦴ ꦠꦁ ꦏꦩ꧀ꦩꦁ ꦥꦛꦶꦥ꧀ꦥꦱ꧀ꦱꦩ꧀ꦨꦺꦠꦸꦁ ꦨꦒꦮꦠꦴ ꦄꦤꦸꦚ꧀ꦚꦴꦠꦁ.

ꦥꦸꦕ꧀ꦖꦴ – ꦏꦸꦭꦢꦹꦱꦏꦱ꧀ꦱ ꦄꦴꦮꦸꦱꦺꦴ ꦥꦴꦥꦱꦩꦴꦕꦴꦫꦱ꧀ꦱ ꦨꦶꦏ꧀ꦑꦸꦤꦺꦴ ꦥꦧ꧀ꦧꦴꦗꦤꦷꦪꦏꦩ꧀ꦩꦁ ꦏꦴꦠꦸꦁ ꦨꦒꦮꦠꦴ ꦏꦠ꧀ꦡ ꦄꦤꦸꦚ꧀ꦚꦴꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦮꦶꦱ꧀ꦱꦗ꧀ꦗꦤꦴ – ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦄꦱ꧀ꦱꦗꦶꦥꦸꦤꦧ꧀ꦧꦱꦸꦏꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦄꦤꦸꦚ꧀ꦚꦴꦠꦁ, ꦄꦱ꧀ꦱꦗꦶꦥꦸꦤꦧ꧀ꦧꦱꦸꦏꦴ ꦨꦤ꧀ꦠꦺ ꦨꦶꦏ꧀ꦑꦹ ꦏꦷꦛꦴꦒꦶꦫꦶꦱ꧀ꦩꦶꦁ ꦏꦸꦭꦢꦹꦱꦏꦴ ꦄꦲꦺꦱꦸꦁ ꦥꦴꦥꦱꦩꦴꦕꦴꦫꦴ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦥꦸꦕ꧀ꦖꦴ – ꦥꦛꦶꦱꦴꦫꦟꦷꦪꦏꦩ꧀ꦩꦁ ꦄꦴꦮꦸꦱꦺꦴ ꦥꦸꦕ꧀ꦖꦴꦩꦶ, ꦱꦢ꧀ꦣꦁ ꦄꦴꦮꦸꦱꦺꦴ ꦥꦱꦤ꧀ꦤꦁ ꦒꦲꦥꦠꦶꦁ ꦢꦴꦪꦏꦁ ꦏꦴꦫꦏꦁ ꦱꦔ꧀ꦓꦸꦥꦛ꧀ꦜꦴꦏꦁ ꦲꦷꦤꦺꦤ ꦑꦸꦁꦱꦺꦤ꧀ꦠꦱ꧀ꦱ ꦨꦶꦏ꧀ꦑꦸꦤꦺꦴ ꦥꦛꦶꦱꦴꦫꦟꦷꦪꦏꦩ꧀ꦩꦁ ꦏꦴꦠꦸꦁ ꦨꦒꦮꦠꦴ ꦏꦠ꧀ꦡ ꦄꦤꦸꦚ꧀ꦚꦴꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦮꦶꦱ꧀ꦱꦗ꧀ꦗꦤꦴ – ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦄꦴꦪꦱ꧀ꦩꦤ꧀ꦠꦁ ꦱꦸꦣꦩ꧀ꦩꦁ ꦄꦴꦫꦧ꧀ꦨ ꦄꦤꦸꦚ꧀ꦚꦴꦠꦁ, ꦨꦒꦮꦠꦶ ꦨꦤ꧀ꦠꦺ ꦱꦴꦮꦠ꧀ꦡꦶꦪꦁ ꦮꦶꦲꦫꦠꦶ ꦄꦴꦪꦱ꧀ꦩꦴ ꦱꦸꦣꦩ꧀ꦩꦺꦴ ꦩꦕ꧀ꦖꦶꦏꦴꦱꦟ꧀ꦝꦺ ꦕꦶꦠ꧀ꦠꦁ ꦒꦲꦥꦠꦶꦁ ꦱꦢ꧀ꦣꦁ ꦥꦱꦤ꧀ꦤꦁ ꦢꦴꦪꦏꦁ ꦏꦴꦫꦏꦁ ꦱꦔ꧀ꦓꦸꦥꦛ꧀ꦜꦴꦏꦁ ꦲꦷꦤꦺꦤ ꦑꦸꦁꦱꦺꦱꦶ ꦲꦷꦤꦺꦤ ꦮꦩ꧀ꦨꦺꦱꦶ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦠꦺꦤꦲꦶ ꦨꦶꦏ꧀ꦑꦮꦺ ꦱꦔ꧀ꦓꦺꦴ ꦱꦸꦣꦩ꧀ꦩꦱ꧀ꦱ ꦨꦶꦏ꧀ꦑꦸꦤꦺꦴ ꦥꦛꦶꦱꦴꦫꦟꦷꦪꦏꦩ꧀ꦩꦁ ꦏꦫꦺꦴꦠꦸ ‘‘ꦕꦶꦠ꧀ꦠꦺꦴ ꦠꦺ ꦒꦲꦥꦠꦶ ꦑꦩꦴꦥꦺꦠꦧ꧀ꦧꦺꦴ’’ꦠꦶ –

ꦥꦸꦕ꧀ꦖꦴ – ꦥꦛꦶꦱꦴꦫꦟꦷꦪꦏꦩ꧀ꦩꦏꦠꦱ꧀ꦱ ꦄꦴꦮꦸꦱꦺꦴ ꦨꦶꦏ꧀ꦑꦸꦤꦺꦴ ꦄꦤꦸꦢꦹꦠꦁ ꦢꦴꦠꦸꦚ꧀ꦕ ꦠꦺꦤ ꦄꦤꦸꦢꦹꦠꦺꦤ ꦱꦢ꧀ꦣꦶꦁ ꦒꦤ꧀ꦠ꧀ꦮꦴ ꦪꦡꦴꦑꦸꦁꦱꦶꦠꦁ ꦒꦲꦥꦠꦶꦁ ꦑꦩꦴꦥꦺꦠꦸꦁ ꦕ ꦨꦒꦮꦠꦴ ꦏꦠ꧀ꦡ ꦄꦤꦸꦚ꧀ꦚꦴꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦮꦶꦱ꧀ꦱꦗ꧀ꦗꦤꦴ – ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦄꦴꦪꦱ꧀ꦩꦤ꧀ꦠꦁꦪꦺꦮ ꦱꦸꦣꦩ꧀ꦩꦁ ꦄꦴꦫꦧ꧀ꦨ ꦄꦤꦸꦚ꧀ꦚꦴꦠꦁ, ꦄꦴꦪꦱ꧀ꦩꦴ ꦨꦤ꧀ꦠꦺ ꦱꦸꦣꦩ꧀ꦩꦺꦴ ꦩꦕ꧀ꦖꦶꦏꦴꦱꦟ꧀ꦝꦁ ꦒꦤ꧀ꦠ꧀ꦮꦴ ꦩꦔ꧀ꦏꦸꦨꦹꦠꦺꦴ ꦤꦴꦱꦏ꧀ꦑꦶ ꦕꦶꦠ꧀ꦠꦁ ꦒꦲꦥꦠꦶꦁ ꦑꦩꦴꦥꦺꦠꦸꦁ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦥꦸꦕ꧀ꦖꦴ – ꦥꦛꦶꦱꦴꦫꦟꦷꦪꦏꦩ꧀ꦩꦏꦠꦱ꧀ꦱ ꦄꦴꦮꦸꦱꦺꦴ ꦨꦶꦏ꧀ꦑꦸꦤꦺꦴ ꦏꦠꦶꦱꦸ ꦮꦠ꧀ꦠꦺꦱꦸ ꦱꦩ꧀ꦩꦴ ꦮꦠ꧀ꦠꦤ꧀ꦠꦱ꧀ꦱ ꦠꦁ ꦏꦩ꧀ꦩꦁ ꦥꦛꦶꦥ꧀ꦥꦱ꧀ꦱꦩ꧀ꦨꦺꦠꦸꦁ ꦨꦒꦮꦠꦴ ꦄꦤꦸꦚ꧀ꦚꦴꦠꦁ.

ꦮꦶꦱ꧀ꦱꦗ꧀ꦗꦤꦴ – ꦄꦛ꧀ꦜꦴꦫꦱꦱꦸ ꦨꦤ꧀ꦠꦺ ꦮꦠ꧀ꦠꦺꦱꦸ ꦱꦩ꧀ꦩꦴ ꦮꦠ꧀ꦠꦤ꧀ꦠꦱ꧀ꦱ ꦥꦛꦶꦱꦴꦫꦟꦷꦪ ꦏꦩ꧀ꦩꦏꦠꦱ꧀ꦱ ꦨꦶꦏ꧀ꦑꦸꦤꦺꦴ ꦠꦁ ꦏꦩ꧀ꦩꦁ ꦥꦛꦶꦥ꧀ꦥꦱ꧀ꦱꦩ꧀ꦨꦺꦠꦸꦁ ꦨꦒꦮꦠꦴ ꦄꦤꦸꦚ꧀ꦚꦴꦠꦁ.

ꦥꦸꦕ꧀ꦖꦴ – ꦄꦴꦥꦠ꧀ꦠꦶꦁ ꦄꦴꦮꦸꦱꦺꦴ ꦄꦴꦥꦗ꧀ꦗꦶꦠ꧀ꦮꦴ ꦠꦁ ꦄꦴꦥꦠ꧀ꦠꦶꦁ ꦥꦱ꧀ꦱꦶꦠꦸꦁ ꦮꦴ ꦥꦛꦶꦏꦴꦠꦸꦁ ꦮꦴ ꦤ ꦆꦕ꧀ꦖꦤ꧀ꦠꦱ꧀ꦱ ꦨꦶꦏ꧀ꦑꦸꦤꦺꦴ ꦄꦴꦥꦠ꧀ꦠꦶꦪꦴ ꦄꦢꦱ꧀ꦱꦤꦺ ꦮꦴ ꦄꦥ꧀ꦥꦛꦶꦏꦩ꧀ꦩꦺ ꦮꦴ ꦈꦏ꧀ꦑꦺꦥꦤꦷꦪꦏꦩ꧀ꦩꦁ ꦏꦴꦠꦸꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦏꦺꦴꦱꦩ꧀ꦧꦶꦪꦁ ꦨꦤ꧀ꦠꦺ ꦄꦴꦪꦱ꧀ꦩꦤ꧀ꦠꦁ ꦖꦤ꧀ꦤꦠ꧀ꦡꦺꦫꦁ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦄꦴꦪꦱ꧀ꦩꦴ ꦨꦤ꧀ꦠꦺ ꦖꦤ꧀ꦤꦺꦴ ꦄꦴꦥꦠ꧀ꦠꦶꦁ ꦄꦴꦥꦗ꧀ꦗꦶꦠ꧀ꦮꦴ ꦤ ꦆꦕ꧀ꦖꦶ ꦠꦁ ꦄꦴꦥꦠ꧀ꦠꦶꦁ ꦥꦱ꧀ꦱꦶꦠꦸꦁ ꦮꦴ ꦥꦛꦶꦏꦴꦠꦸꦁ ꦮꦴ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦄꦴꦥꦠ꧀ꦠꦶꦪꦴ ꦄꦴꦮꦸꦱꦺꦴ ꦄꦢꦱ꧀ꦱꦤꦺꦤ ꦮꦴ ꦄꦥ꧀ꦥꦛꦶꦏꦩ꧀ꦩꦺ ꦮꦴ ꦈꦏ꧀ꦑꦺꦥꦤꦷꦪ ꦏꦩ꧀ꦩꦏꦠꦺꦤ ꦨꦶꦏ꧀ꦑꦸꦤꦴ ꦏꦠꦶꦱꦸ ꦮꦠ꧀ꦠꦺꦱꦸ ꦱꦩ꧀ꦩꦴ ꦮꦠ꧀ꦠꦶꦠꦧ꧀ꦧꦁ.

ꦮꦶꦱ꧀ꦱꦗ꧀ꦗꦤꦴ – ꦠꦺꦕꦠ꧀ꦠꦴꦭꦷꦱꦴꦪ ꦨꦤ꧀ꦠꦺ ꦮꦠ꧀ꦠꦺꦱꦸ ꦱꦩ꧀ꦩꦴ ꦮꦠ꧀ꦠꦶꦠꦧ꧀ꦧꦁ.

ꦥꦸꦕ꧀ꦖꦴ – ꦈꦏ꧀ꦑꦺꦥꦤꦷꦪꦏꦩ꧀ꦩꦏꦠꦱ꧀ꦱ ꦄꦴꦮꦸꦱꦺꦴ ꦨꦶꦏ꧀ꦑꦸꦤꦺꦴ ꦱꦩ꧀ꦩꦴ ꦮꦠ꧀ꦠꦤ꧀ꦠꦱ꧀ꦱ ꦠꦁ ꦏꦩ꧀ꦩꦁ ꦥꦛꦶꦥ꧀ꦥꦱ꧀ꦱꦩ꧀ꦨꦺꦠꦸꦁ ꦨꦒꦮꦠꦴ ꦏꦠ꧀ꦡ ꦄꦤꦸꦚ꧀ꦚꦴꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦮꦶꦱ꧀ꦱꦗ꧀ꦗꦤꦴ – ꦏꦺꦴꦱꦩ꧀ꦧꦶꦪꦁ ꦨꦤ꧀ꦠꦺ ꦄꦴꦪꦱ꧀ꦩꦤ꧀ꦠꦁꦪꦺꦮ ꦖꦤ꧀ꦤꦁ ꦄꦴꦫꦧ꧀ꦨ ꦄꦤꦸꦚ꧀ꦚꦴꦠꦁ, ꦄꦴꦪꦱ꧀ꦩꦴ ꦨꦤ꧀ꦠꦺ ꦖꦤ꧀ꦤꦺꦴ ꦱꦔ꧀ꦓꦺꦤ ꦄꦴꦥꦠ꧀ꦠꦶꦪꦴ ꦄꦢꦱ꧀ꦱꦤꦺ ꦮꦴ ꦄꦥ꧀ꦥꦛꦶꦏꦩ꧀ꦩꦺ ꦮꦴ ꦈꦏ꧀ꦑꦺꦥꦤꦷꦪꦏꦩ꧀ꦩꦏꦠꦺꦴ ꦱꦩ꧀ꦩꦴ ꦮꦠ꧀ꦠꦺꦱꦶ ꦭꦺꦴꦩꦁꦥꦴꦠꦺꦱꦶ ꦤꦺꦠ꧀ꦡꦴꦫꦁ ꦮꦠ꧀ꦠꦺꦱꦶ ꦱꦔ꧀ꦓꦁ ꦈꦥꦱꦔ꧀ꦏꦩꦶꦠ꧀ꦮꦴ ꦠꦱ꧀ꦱ ꦏꦩ꧀ꦩꦱ꧀ꦱ ꦥꦛꦶꦥ꧀ꦥꦱ꧀ꦱꦢ꧀ꦣꦶꦪꦴ ꦪꦴꦕꦶ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦥꦸꦕ꧀ꦖꦴ – ꦥꦴꦥꦶꦏꦁ ꦄꦴꦮꦸꦱꦺꦴ ꦢꦶꦛ꧀ꦜꦶꦁ ꦒꦲꦺꦠ꧀ꦮꦴ ꦠꦁ ꦢꦶꦛ꧀ꦜꦶꦁ ꦤ ꦥꦛꦶꦤꦶꦱ꧀ꦱꦗ꧀ꦗꦤ꧀ꦠꦱ꧀ꦱ ꦥꦴꦥꦶꦏꦴꦪ ꦢꦶꦛ꧀ꦜꦶꦪꦴ ꦄꦥ꧀ꦥꦛꦶꦤꦶꦱ꧀ꦱꦒ꧀ꦒꦺ ꦈꦏ꧀ꦑꦺꦥꦤꦷꦪꦏꦩ꧀ꦩꦁ ꦏꦴꦠꦸꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦄꦫꦶꦛ꧀ꦜꦁ ꦨꦶꦏ꧀ꦑꦸꦁ ꦒꦢ꧀ꦣꦧꦴꦣꦶꦥꦸꦧ꧀ꦧꦁ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦨꦒꦮꦠꦶ ꦨꦤ꧀ꦠꦺ ꦱꦴꦮꦠ꧀ꦡꦶꦪꦁ ꦮꦶꦲꦫꦠꦶ ꦄꦫꦶꦛ꧀ꦜꦱ꧀ꦱ ꦤꦴꦩ ꦨꦶꦏ꧀ꦑꦸꦤꦺꦴ ꦒꦢ꧀ꦣꦧꦴꦣꦶꦥꦸꦧ꧀ꦧꦱ꧀ꦱ ꦌꦮꦫꦹꦥꦁ ꦥꦴꦥꦏꦁ ꦢꦶꦛ꧀ꦜꦶꦒꦠꦁ ꦈꦥ꧀ꦥꦤ꧀ꦤꦁ ꦄꦲꦺꦴꦱꦶ ‘‘ꦠꦡꦴꦲꦁ ꦨꦒꦮꦠꦴ ꦣꦩ꧀ꦩꦁ ꦢꦺꦱꦶꦠꦁ ꦄꦴꦗꦴꦤꦴꦩꦶ, ꦪꦡꦴꦪꦺꦩꦺ ꦄꦤ꧀ꦠꦫꦴꦪꦶꦏꦴ ꦣꦩ꧀ꦩꦴ ꦮꦸꦠ꧀ꦠꦴ ꦨꦒꦮꦠꦴ, ꦠꦺ ꦥꦛꦶꦱꦺꦮꦠꦺꦴ ꦤꦴꦭꦁ ꦄꦤ꧀ꦠꦫꦴꦪꦴꦪꦴ’’ꦠꦶ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦥꦴꦥꦶꦏꦴꦪ ꦄꦴꦮꦸꦱꦺꦴ ꦢꦶꦛ꧀ꦜꦶꦪꦴ ꦄꦥ꧀ꦥꦛꦶꦤꦶꦱ꧀ꦱꦒ꧀ꦒꦺ ꦈꦏ꧀ꦑꦺꦥꦤꦷꦪꦏꦩ꧀ꦩꦏꦠꦺꦤ ꦨꦶꦏ꧀ꦑꦸꦤꦴ ꦏꦠꦶꦱꦸ ꦮꦠ꧀ꦠꦺꦱꦸ ꦱꦩ꧀ꦩꦴ ꦮꦠ꧀ꦠꦶꦠꦧ꧀ꦧꦁ.

ꦮꦶꦱ꧀ꦱꦗ꧀ꦗꦤꦴ – ꦠꦺꦕꦠ꧀ꦠꦴꦭꦷꦱꦴꦪ ꦨꦤ꧀ꦠꦺ ꦮꦠ꧀ꦠꦺꦱꦸ ꦱꦩ꧀ꦩꦴ ꦮꦠ꧀ꦠꦶꦠꦧ꧀ꦧꦁ.

ꦥꦸꦕ꧀ꦖꦴ – ꦏꦩ꧀ꦩꦏ꧀ꦑꦤ꧀ꦣꦏꦁ ꦥꦸꦕ꧀ꦖꦶꦱ꧀ꦱꦁ, ꦱꦤꦶꦢꦴꦤꦶ ꦱꦤꦶꦢ꧀ꦢꦺꦱꦁ. ꦱꦩꦸꦏ꧀ꦏꦛ꧀ꦜꦥꦢꦴꦤꦁ ꦄꦴꦮꦸꦱꦺꦴ ꦏꦠꦶ ꦄꦴꦥꦠ꧀ꦠꦶꦪꦺꦴ.

ꦮꦶꦱ꧀ꦱꦗ꧀ꦗꦤꦴ – ꦏꦩ꧀ꦩꦏ꧀ꦑꦤ꧀ꦣꦏꦁ ꦮꦶꦱ꧀ꦱꦗ꧀ꦗꦶꦱ꧀ꦱꦁ, ꦱꦤꦶꦢꦴꦤꦁ ꦱꦤꦶꦢ꧀ꦢꦺꦱꦁ. ꦱꦩꦸꦏ꧀ꦏꦛ꧀ꦜꦥꦢꦴꦤꦁ ꦨꦤ꧀ꦠꦺ ꦌꦏꦴ ꦄꦴꦥꦠ꧀ꦠꦶ.

꧒. ꦥꦴꦫꦶꦮꦴꦱꦶꦏꦏ꧀ꦑꦤ꧀ꦣꦏ

ꦥꦸꦕ꧀ꦖꦴ – ꦥꦴꦫꦶꦮꦴꦱꦶꦏꦱ꧀ꦱ ꦄꦴꦮꦸꦱꦺꦴ ꦥꦏꦠꦠ꧀ꦠꦴꦤꦁ ꦨꦶꦏ꧀ꦑꦹꦤꦁ ꦄꦨꦶꦮꦴꦢꦤꦴꦢꦷꦤꦶ ꦱꦴꦢꦶꦪꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦥꦴꦫꦶꦮꦴꦱꦶꦏꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦥꦴꦫꦶꦮꦴꦱꦶꦏꦴ ꦨꦤ꧀ꦠꦺ ꦨꦶꦏ꧀ꦑꦹ ꦱꦴꦢꦶꦪꦶꦁꦱꦸ ꦥꦏꦠꦠ꧀ꦠꦴꦤꦁ ꦨꦶꦏ꧀ꦑꦹꦤꦁ ꦄꦨꦶꦮꦴꦢꦤꦴꦢꦷꦤꦶ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦥꦴꦫꦶꦮꦴꦱꦶꦏꦺꦤ ꦄꦴꦮꦸꦱꦺꦴ ꦨꦶꦏ꧀ꦑꦸꦤꦴ ꦏꦠꦶꦱꦸ ꦮꦠ꧀ꦠꦺꦱꦸ ꦱꦩ꧀ꦩꦴ ꦮꦠ꧀ꦠꦶꦠꦧ꧀ꦧꦁ.

ꦮꦶꦱ꧀ꦱꦗ꧀ꦗꦤꦴ – ꦥꦴꦫꦶꦮꦴꦱꦶꦏꦺꦤ ꦨꦤ꧀ꦠꦺ ꦨꦶꦏ꧀ꦑꦸꦤꦴ ꦕꦠꦸꦤꦮꦸꦠꦶꦪꦴ ꦮꦠ꧀ꦠꦺꦱꦸ ꦱꦩ꧀ꦩꦴ ꦮꦠ꧀ꦠꦶꦠꦧ꧀ꦧꦁ.

ꦥꦸꦕ꧀ꦖꦴ – ꦥꦴꦫꦶꦮꦴꦱꦶꦏꦁ ꦥꦸꦕ꧀ꦖꦶꦱ꧀ꦱꦁ, ꦱꦤꦶꦢꦴꦤꦁ ꦱꦤꦶꦢ꧀ꦢꦺꦱꦁ. ꦱꦩꦸꦏ꧀ꦏꦛ꧀ꦜꦥꦢꦴꦤꦁ ꦄꦴꦮꦸꦱꦺꦴ ꦏꦠꦶ ꦄꦴꦥꦠ꧀ꦠꦶꦪꦺꦴ.

ꦮꦶꦱ꧀ꦱꦗ꧀ꦗꦤꦴ – ꦥꦴꦫꦶꦮꦴꦱꦶꦏꦁ ꦮꦶꦱ꧀ꦱꦗ꧀ꦗꦶꦱ꧀ꦱꦁ, ꦱꦤꦶꦢꦴꦤꦁ ꦱꦤꦶꦢ꧀ꦢꦺꦱꦁ. ꦱꦩꦸꦏ꧀ꦏꦛ꧀ꦜꦥꦢꦴꦤꦁ ꦨꦤ꧀ꦠꦺ ꦌꦏꦴ ꦄꦴꦥꦠ꧀ꦠꦶ.

꧓. ꦱꦩꦸꦕ꧀ꦕꦪꦏ꧀ꦑꦤ꧀ꦣꦏ

ꦥꦸꦕ꧀ꦖꦴ – ꦱꦩꦸꦕ꧀ꦕꦪꦁ ꦥꦸꦕ꧀ꦖꦶꦱ꧀ꦱꦁ, ꦱꦤꦶꦢꦴꦤꦁ ꦱꦤꦶꦢ꧀ꦢꦺꦱꦁ. ꦱꦩꦸꦏ꧀ꦏꦛ꧀ꦜꦥꦢꦴꦤꦁ ꦄꦴꦮꦸꦱꦺꦴ ꦏꦠꦶ ꦄꦴꦥꦠ꧀ꦠꦶꦪꦺꦴ.

ꦮꦶꦱ꧀ꦱꦗ꧀ꦗꦤꦴ – ꦱꦩꦸꦕ꧀ꦕꦪꦁ ꦮꦶꦱ꧀ꦱꦗ꧀ꦗꦶꦱ꧀ꦱꦁ, ꦱꦤꦶꦢꦴꦤꦁ ꦱꦤꦶꦢ꧀ꦢꦺꦱꦁ. ꦱꦩꦸꦏ꧀ꦏꦛ꧀ꦜꦥꦢꦴꦤꦁ ꦨꦤ꧀ꦠꦺ ꦌꦏꦴ ꦄꦴꦥꦠ꧀ꦠꦶ.

꧔. ꦱꦩꦡꦏ꧀ꦑꦤ꧀ꦣꦏ

ꦥꦸꦕ꧀ꦖꦴ – ꦄꦱꦩ꧀ꦩꦸꦑꦷꦨꦹꦠꦴꦤꦁ ꦄꦴꦮꦸꦱꦺꦴ ꦨꦶꦏ꧀ꦑꦹꦤꦁ ꦠꦗ꧀ꦗꦤꦷꦪꦁ ꦮꦴ ꦤꦶꦪꦱ꧀ꦱꦁ ꦮꦴ ꦥꦧ꧀ꦧꦴꦗꦤꦷꦪꦁ ꦮꦴ ꦥꦛꦶꦱꦴꦫꦟꦷꦪꦁ ꦮꦴ ꦈꦏ꧀ꦑꦺꦥꦤꦷꦪꦁ ꦮꦴ ꦏꦩ꧀ꦩꦁ ꦏꦫꦺꦴꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦨꦶꦏ꧀ꦑꦹ ꦄꦱꦩ꧀ꦩꦸꦑꦷꦨꦹꦠꦴꦤꦁ ꦨꦶꦏ꧀ꦑꦹꦤꦁ ꦏꦩ꧀ꦩꦁ ꦄꦏꦁꦱꦸ ꦠꦗ꧀ꦗꦤꦷꦪꦩ꧀ꦥꦶ ꦤꦶꦪꦱ꧀ꦱꦩ꧀ꦥꦶ ꦥꦧ꧀ꦧꦴꦗꦤꦷꦪꦩ꧀ꦥꦶ ꦥꦛꦶꦱꦴꦫꦟꦷꦪꦩ꧀ꦥꦶ ꦈꦏ꧀ꦑꦺꦥꦤꦷꦪꦩ꧀ꦥꦶ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦱꦠꦶꦮꦺꦥꦸꦭ꧀ꦭꦥꦠ꧀ꦠꦱ꧀ꦱ ꦄꦴꦮꦸꦱꦺꦴ ꦨꦶꦏ꧀ꦑꦸꦤꦺꦴ ꦱꦠꦶꦮꦶꦤꦪꦁ ꦢꦴꦤꦁ ꦨꦒꦮꦠꦴ ꦏꦠ꧀ꦡ ꦄꦤꦸꦚ꧀ꦚꦴꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦩꦺꦠ꧀ꦠꦶꦪꦨꦹꦩꦗꦏꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦄꦤꦸꦚ꧀ꦚꦴꦠꦁ ꦩꦺꦠ꧀ꦠꦶꦪꦨꦹꦩꦗꦏꦴ ꦨꦤ꧀ꦠꦺ ꦨꦶꦏ꧀ꦑꦹ ꦄꦴꦪꦱ꧀ꦩꦤ꧀ꦠꦁ ꦢꦧ꧀ꦧꦁ ꦩꦭ꧀ꦭꦥꦸꦠ꧀ꦠꦁ ꦄꦩꦹꦭꦶꦏꦴꦪ ꦱꦷꦭꦮꦶꦥꦠ꧀ꦠꦶꦪꦴ ꦄꦤꦸꦢ꧀ꦣꦁꦱꦺꦱꦸꦁ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦥꦸꦕ꧀ꦖꦴ – ꦏꦠꦶꦥꦤꦴꦮꦸꦱꦺꦴ ꦌꦠ꧀ꦡ ꦣꦩ꧀ꦩꦶꦏꦴꦤꦶ ꦱꦠꦶꦮꦶꦤꦪꦢꦴꦤꦴꦤꦶ.

ꦮꦶꦱ꧀ꦱꦗ꧀ꦗꦤꦴ – ꦥꦚ꧀ꦕꦶꦩꦴꦤꦶ ꦨꦤ꧀ꦠꦺ ꦣꦩ꧀ꦩꦶꦏꦴꦤꦶ ꦱꦠꦶꦮꦶꦤꦪꦱ꧀ꦱ ꦢꦴꦤꦴꦤꦶ, ꦱꦸꦢ꧀ꦣꦺꦴ ꦲꦺꦴꦠꦶ ꦨꦶꦏ꧀ꦑꦸ ꦄꦤꦴꦥꦠ꧀ꦠꦶꦏꦺꦴ, ꦄꦤꦸꦮꦢꦤ꧀ꦠꦶ ꦕ ꦤꦁ, ꦪꦴꦕꦠꦶ ꦕ, ꦠꦱ꧀ꦱ ꦱꦔ꧀ꦓꦺꦴ ꦱꦠꦶꦮꦶꦤꦪꦁ ꦢꦺꦠꦶ ꦣꦩ꧀ꦩꦺꦤ ꦱꦩꦒ꧀ꦒꦺꦤ, ꦆꦩꦴꦤꦶ ꦑꦺꦴ ꦨꦤ꧀ꦠꦺ ꦥꦚ꧀ꦕ ꦣꦩ꧀ꦩꦶꦏꦴꦤꦶ ꦱꦠꦶ ꦮꦶꦤꦪꦱ꧀ꦱ ꦢꦴꦤꦴꦤꦶ.

ꦥꦸꦕ꧀ꦖꦴ – ꦄꦩꦹꦭ꦳꧀ꦲꦱ꧀ꦱ ꦄꦴꦮꦸꦱꦺꦴ ꦨꦶꦏ꧀ꦑꦸꦤꦺꦴ ꦄꦩꦹꦭ꦳꧀ꦲꦮꦶꦤꦪꦁ ꦢꦴꦠꦸꦁ ꦨꦒꦮꦠꦴ ꦏꦠ꧀ꦡ ꦄꦤꦸꦚ꧀ꦚꦴꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦱꦩ꧀ꦧꦲꦸꦭꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦄꦤꦸꦚ꧀ꦚꦴꦠꦁ, ꦱꦩ꧀ꦧꦲꦸꦭꦴ ꦨꦤ꧀ꦠꦺ ꦨꦶꦏ꧀ꦑꦹ ꦒꦒ꧀ꦒꦁ ꦨꦶꦏ꧀ꦑꦸꦁ ꦈꦩ꧀ꦩꦠ꧀ꦠꦏꦺꦤ ꦕꦶꦠ꧀ꦠꦮꦶꦥꦫꦶꦪꦴꦱꦏꦠꦺꦤ ꦄꦗ꧀ꦙꦴꦕꦶꦟ꧀ꦟꦺꦤ ꦄꦴꦥꦠ꧀ꦠꦶꦪꦴ ꦕꦺꦴꦢꦺꦱꦸꦁ ‘‘ꦱꦫꦠꦴ ꦪꦱ꧀ꦩꦴ ꦌꦮꦫꦹꦥꦶꦁ ꦄꦴꦥꦠ꧀ꦠꦶꦁ ꦄꦴꦥꦗ꧀ꦗꦶꦠꦴ’’ꦠꦶ, ꦱꦺꦴ ꦌꦮꦁ ꦮꦢꦺꦠꦶ ‘‘ꦄꦲꦁ ꦑꦺꦴ ꦄꦴꦮꦸꦱꦺꦴ ꦈꦩ꧀ꦩꦠ꧀ꦠꦏꦺꦴ ꦄꦲꦺꦴꦱꦶ ꦕꦶꦠ꧀ꦠꦮꦶꦥꦫꦶꦪꦴꦱꦏꦠꦺꦴ, ꦠꦺꦤ ꦩꦺ ꦈꦩ꧀ꦩꦠ꧀ꦠꦏꦺꦤ ꦕꦶꦠ꧀ꦠꦮꦶꦥꦫꦶꦪꦴꦱꦏꦠꦺꦤ ꦧꦲꦸꦁ ꦄꦱ꧀ꦱꦴꦩꦟꦏꦁ ꦄꦗ꧀ꦙꦴꦕꦶꦟ꧀ꦟꦁ ꦨꦴꦱꦶꦠꦥꦫꦶꦏ꧀ꦏꦤ꧀ꦠꦁ, ꦤꦴꦲꦁ ꦠꦁ ꦱꦫꦴꦩꦶ, ꦩꦹꦭ꦳꧀ꦲꦺꦤ ꦩꦺ ꦌꦠꦁ ꦏꦠ’’ꦤ꧀ꦠꦶ. ꦌꦮꦩ꧀ꦥꦶ ꦤꦁ ꦮꦸꦕ꧀ꦕꦩꦴꦤꦴ ꦕꦺꦴꦢꦺꦤ꧀ꦠꦺꦮ ‘‘ꦱꦫꦠꦴ ꦪꦱ꧀ꦩꦴ ꦌꦮꦫꦹꦥꦶꦁ ꦄꦴꦥꦠ꧀ꦠꦶꦁ ꦄꦴꦥꦗ꧀ꦗꦶꦠꦴ’’ꦠꦶ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦥꦸꦕ꧀ꦖꦴ – ꦏꦠꦶ ꦄꦴꦮꦸꦱꦺꦴ ꦄꦣꦩ꧀ꦩꦶꦏꦴꦤꦶ ꦄꦩꦹꦭ꦳꧀ꦲꦮꦶꦤꦪꦱ꧀ꦱ ꦢꦴꦤꦴꦤꦶ, ꦮꦶꦨꦗꦶꦠ꧀ꦮꦴ ꦏꦡꦺꦲꦶ.

ꦮꦶꦱ꧀ꦱꦗ꧀ꦗꦤꦴ – ꦠꦷꦟꦶ ꦨꦤ꧀ꦠꦺ ꦄꦣꦩ꧀ꦩꦶꦏꦴꦤꦶ ꦄꦩꦹꦭ꦳꧀ꦲꦮꦶꦤꦪꦱ꧀ꦱ ꦢꦴꦤꦴꦤꦶ, ꦆꦣ ꦨꦤ꧀ꦠꦺ ꦨꦶꦏ꧀ꦑꦸ ꦄꦴꦥꦠ꧀ꦠꦶꦁ ꦄꦴꦥꦤ꧀ꦤꦺꦴ ꦲꦺꦴꦠꦶ, ꦠꦩꦺꦤꦁ ꦕꦺꦴꦢꦺꦠꦶ ꦱꦔ꧀ꦓꦺꦴ ꦮꦴ ꦱꦩ꧀ꦧꦲꦸꦭꦴ ꦮꦴ ꦌꦏꦥꦸꦒ꧀ꦒꦭꦺꦴ ꦮꦴ ‘‘ꦱꦫꦠꦴꦪꦱ꧀ꦩꦴ ꦌꦮꦫꦹꦥꦶꦁ ꦄꦴꦥꦠ꧀ꦠꦶꦁ ꦄꦴꦥꦗ꧀ꦗꦶꦠꦴ’’ꦠꦶ, ꦱꦺꦴ ꦱꦫꦩꦴꦤꦺꦴꦮ ꦌꦮꦁ ꦮꦢꦺꦠꦶ ‘‘ꦤ ꦑꦺꦴ ꦄꦲꦁ ꦄꦴꦮꦸꦱꦺꦴ ꦱꦫꦴꦩꦶ ꦌꦮꦫꦹꦥꦶꦁ ꦄꦴꦥꦠ꧀ꦠꦶꦁ ꦄꦴꦥꦗ꧀ꦗꦶꦠꦴ’’ꦠꦶ. ꦄꦚ꧀ꦚꦺꦴ ꦱꦫꦩꦴꦤꦺꦴꦮ ꦌꦮꦁ ꦮꦢꦺꦠꦶ ‘‘ꦱꦫꦴꦩꦶ ꦑꦺꦴ ꦄꦲꦁ ꦄꦴꦮꦸꦱꦺꦴ ꦪꦡꦴ ꦱꦸꦥꦶꦤꦤ꧀ꦠꦺꦤꦴ’’ꦠꦶ. ꦄꦚ꧀ꦚꦺꦴ ꦄꦤꦸꦩ꧀ꦩꦠ꧀ꦠꦏꦺꦴꦮ ꦈꦩ꧀ꦩꦠ꧀ꦠꦏꦴꦭꦪꦁ ꦏꦫꦺꦴꦠꦶ ‘‘ꦄꦲꦩ꧀ꦥꦶ ꦑꦺꦴ ꦌꦮꦁ ꦏꦫꦺꦴꦩꦶ, ꦠꦸꦩ꧀ꦲꦺꦥꦶ ꦌꦮꦁ ꦏꦫꦺꦴꦡ, ꦩꦪ꧀ꦲꦩ꧀ꦥꦶ ꦌꦠꦁ ꦏꦥ꧀ꦥꦠꦶ, ꦠꦸꦩ꧀ꦲꦴꦏꦩ꧀ꦥꦺꦠꦁ ꦏꦥ꧀ꦥꦠꦷ’’ꦠꦶ. ꦌꦱꦁ ꦱꦔ꧀ꦓꦺꦴ ꦄꦩꦹꦭ꦳꧀ꦲꦮꦶꦤꦪꦁ ꦢꦺꦠꦶ, ꦄꦣꦩ꧀ꦩꦶꦏꦁ ꦨꦤ꧀ꦠꦺ ꦄꦩꦹꦭ꦳꧀ꦲꦮꦶꦤꦪꦱ꧀ꦱ ꦢꦴꦤꦁ. ꦆꦩꦴꦤꦶ ꦑꦺꦴ ꦨꦤ꧀ꦠꦺ ꦠꦷꦟꦶ ꦄꦣꦩ꧀ꦩꦶꦏꦴꦤꦶ ꦄꦩꦹꦭ꦳꧀ꦲꦮꦶꦤꦪꦱ꧀ꦱ ꦢꦴꦤꦴꦤꦶ.

ꦥꦸꦕ꧀ꦖꦴ – ꦏꦠꦶ ꦄꦴꦮꦸꦱꦺꦴ ꦣꦩ꧀ꦩꦶꦏꦴꦤꦶ ꦄꦩꦹꦭ꦳꧀ꦲꦮꦶꦤꦪꦱ꧀ꦱ ꦢꦴꦤꦴꦤꦶ, ꦮꦶꦨꦗꦶꦠ꧀ꦮꦴ ꦏꦡꦺꦲꦶ.

ꦮꦶꦱ꧀ꦱꦗ꧀ꦗꦤꦴ – ꦠꦷꦟꦶ ꦨꦤ꧀ꦠꦺ ꦣꦩ꧀ꦩꦶꦏꦴꦤꦶ ꦄꦩꦹꦭ꦳꧀ꦲꦮꦶꦤꦪꦱ꧀ꦱ ꦢꦴꦤꦴꦤꦶ, ꦆꦣ ꦨꦤ꧀ꦠꦺ ꦨꦶꦏ꧀ꦑꦸ ꦈꦩ꧀ꦩꦠ꧀ꦠꦏꦺꦴ ꦲꦺꦴꦠꦶ ꦕꦶꦠ꧀ꦠꦮꦶꦥꦫꦶꦪꦴꦱꦏꦠꦺꦴ ꦠꦺꦤ ꦈꦩ꧀ꦩꦠ꧀ꦠꦏꦺꦤ ꦕꦶꦠ꧀ꦠꦮꦶꦥꦫꦶꦪꦴꦱꦏꦠꦺꦤ ꦧꦲꦸꦁ ꦄꦱ꧀ꦱꦴꦩꦟꦏꦁ ꦄꦗ꧀ꦙꦴꦕꦶꦟ꧀ꦟꦁ ꦲꦺꦴꦠꦶ ꦨꦴꦱꦶꦠꦥꦫꦶꦏ꧀ꦏꦤ꧀ꦠꦁ, ꦠꦩꦺꦤꦁ ꦕꦺꦴꦢꦺꦠꦶ ꦱꦔ꧀ꦓꦺꦴ ꦮꦴ ꦱꦩ꧀ꦧꦲꦸꦭꦴ ꦮꦴ ꦌꦏꦥꦸꦒ꧀ꦒꦭꦺꦴ ꦮꦴ ‘‘ꦱꦫꦠꦴꦪꦱ꧀ꦩꦴ ꦌꦮꦫꦹꦥꦶꦁ ꦄꦴꦥꦠ꧀ꦠꦶꦁ ꦄꦴꦥꦗ꧀ꦗꦶꦠꦴ’’ꦠꦶ, ꦱꦺꦴ ꦄꦱ꧀ꦱꦫꦩꦴꦤꦺꦴꦮ ꦌꦮꦁ ꦮꦢꦺꦠꦶ ‘‘ꦤ ꦑꦺꦴ ꦄꦲꦁ ꦄꦴꦮꦸꦱꦺꦴ ꦱꦫꦴꦩꦶ ꦌꦮꦫꦹꦥꦶꦁ ꦄꦴꦥꦠ꧀ꦠꦶꦁ ꦄꦴꦥꦗ꧀ꦗꦶꦠꦴ’’ꦠꦶ. ꦄꦚ꧀ꦚꦺꦴꦥꦶ ꦄꦱ꧀ꦱꦫꦩꦴꦤꦺꦴꦮ ꦌꦮꦁ ꦮꦢꦺꦠꦶ ‘‘ꦱꦫꦴꦩꦶ ꦑꦺꦴ ꦄꦲꦁ ꦄꦴꦮꦸꦱꦺꦴ ꦪꦡꦴ ꦱꦸꦥꦶꦤꦤ꧀ꦠꦺꦤꦴ’’ꦠꦶ. ꦄꦚ꧀ꦚꦺꦴꦥꦶ ꦈꦩ꧀ꦩꦠ꧀ꦠꦏꦺꦴꦮ ꦈꦩ꧀ꦩꦠ꧀ꦠꦏꦴꦭꦪꦁ ꦏꦫꦺꦴꦠꦶ ‘‘ꦄꦲꦩ꧀ꦥꦶ ꦌꦮꦁ ꦏꦫꦺꦴꦩꦶ, ꦠꦸꦩ꧀ꦲꦺꦥꦶ ꦌꦮꦁ ꦏꦫꦺꦴꦡ, ꦩꦪ꧀ꦲꦩ꧀ꦥꦶ ꦌꦠꦁ ꦏꦥ꧀ꦥꦠꦶ, ꦠꦸꦩ꧀ꦲꦴꦏꦩ꧀ꦥꦺꦠꦁ ꦏꦥ꧀ꦥꦠꦷ’’ꦠꦶ. ꦌꦱꦁ ꦨꦤ꧀ꦠꦺ ꦠꦶꦟ꧀ꦟꦁ ꦨꦶꦏ꧀ꦑꦹꦤꦁ ꦱꦔ꧀ꦓꦺꦴ ꦄꦩꦹꦭ꦳꧀ꦲꦮꦶꦤꦪꦁ ꦢꦺꦠꦶ, ꦣꦩ꧀ꦩꦶꦏꦁ ꦨꦤ꧀ꦠꦺ ꦄꦩꦹꦭ꦳꧀ꦲꦮꦶꦤꦪꦱ꧀ꦱ ꦢꦴꦤꦁ. ꦆꦩꦴꦤꦶ ꦑꦺꦴ ꦨꦤ꧀ꦠꦺ ꦠꦷꦟꦶ ꦣꦩ꧀ꦩꦶꦏꦴꦤꦶ ꦄꦩꦹꦭ꦳꧀ꦲꦮꦶꦤꦪꦱ꧀ꦱ ꦢꦴꦤꦴꦤꦶ.

ꦥꦸꦕ꧀ꦖꦴ – ꦄꦥ꧀ꦥꦛꦶꦚ꧀ꦚꦴꦪ ꦄꦴꦮꦸꦱꦺꦴ ꦨꦶꦏ꧀ꦑꦹꦤꦁ ꦠꦗ꧀ꦗꦤꦷꦪꦴꦢꦷꦤꦶ ꦏꦩ꧀ꦩꦴꦤꦶ ꦏꦫꦺꦴꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦨꦶꦏ꧀ꦑꦹ ꦄꦥ꧀ꦥꦛꦶꦚ꧀ꦚꦴꦪ ꦨꦶꦏ꧀ꦑꦹꦤꦁ ꦏꦩ꧀ꦩꦴꦤꦶ ꦄꦏꦁꦱꦸ ꦠꦗ꧀ꦗꦤꦷꦪꦴꦢꦷꦤꦶ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦏꦡꦁ ꦄꦴꦮꦸꦱꦺꦴ ꦄꦣꦩ꧀ꦩꦶꦏꦁ ꦲꦺꦴꦠꦶ ꦥꦛꦶꦚ꧀ꦚꦴꦠꦏꦫꦟꦁ.

ꦮꦶꦱ꧀ꦱꦗ꧀ꦗꦤꦴ – ꦄꦚ꧀ꦚꦡꦴ ꦨꦤ꧀ꦠꦺ ꦄꦴꦥꦠ꧀ꦠꦶꦁ ꦄꦴꦥꦗ꧀ꦗꦤ꧀ꦠꦱ꧀ꦱ ꦄꦚ꧀ꦚꦡꦴ ꦥꦛꦶꦗꦴꦤꦤ꧀ꦠꦱ꧀ꦱ ꦪꦡꦴ ꦱꦺꦴ ꦥꦛꦶꦗꦴꦤꦴꦠꦶ, ꦠꦡꦴ ꦱꦔ꧀ꦓꦺꦴ ꦏꦴꦫꦺꦠꦶ, ꦌꦮꦁ ꦑꦺꦴ ꦨꦤ꧀ꦠꦺ ꦄꦣꦩ꧀ꦩꦶꦏꦁ ꦲꦺꦴꦠꦶ ꦥꦛꦶꦚ꧀ꦚꦴꦠꦏꦫꦟꦁ.

ꦥꦸꦕ꧀ꦖꦴ – ꦏꦡꦁ ꦄꦴꦮꦸꦱꦺꦴ ꦣꦩ꧀ꦩꦶꦏꦁ ꦲꦺꦴꦠꦶ ꦥꦛꦶꦚ꧀ꦚꦴꦠꦏꦫꦟꦁ.

ꦮꦶꦱ꧀ꦱꦗ꧀ꦗꦤꦴ – ꦪꦁ ꦨꦤ꧀ꦠꦺ ꦄꦴꦥꦠ꧀ꦠꦶꦁ ꦄꦴꦥꦗ꧀ꦗꦤ꧀ꦠꦱ꧀ꦱ ꦠꦩꦺꦮ ꦥꦛꦶꦗꦴꦤꦤ꧀ꦠꦱ꧀ꦱ ꦠꦺꦤꦺꦮ ꦱꦔ꧀ꦓꦺꦴ ꦏꦴꦫꦺꦠꦶ, ꦌꦮꦁ ꦑꦺꦴ ꦨꦤ꧀ꦠꦺ ꦣꦩ꧀ꦩꦶꦏꦁ ꦥꦛꦶꦚ꧀ꦚꦴꦠꦏꦫꦟꦁ.

ꦥꦸꦕ꧀ꦖꦴ – ꦪꦺꦨꦸꦪ꧀ꦪꦱꦶꦏꦴꦪ ꦄꦴꦮꦸꦱꦺꦴ ꦄꦣꦶꦏꦫꦟꦁ ꦮꦹꦥꦱꦩꦺꦠꦸꦁ ꦨꦒꦮꦠꦴ ꦏꦠ꧀ꦡ ꦄꦤꦸꦚ꧀ꦚꦴꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦱꦩ꧀ꦧꦲꦸꦭꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦄꦤꦸꦚ꧀ꦚꦴꦠꦁ, ꦱꦩ꧀ꦧꦲꦸꦭꦴ ꦨꦤ꧀ꦠꦺ ꦨꦶꦏ꧀ꦑꦹ ꦨꦟ꧀ꦝꦤꦗꦴꦠꦴ ꦏꦭꦲꦗꦴꦠꦴ ꦮꦶꦮꦴꦢꦴꦥꦤ꧀ꦤꦴ ꦄꦚ꧀ꦚꦩꦚ꧀ꦚꦁ ꦩꦸꦑꦱꦠ꧀ꦠꦷꦲꦶ ꦮꦶꦠꦸꦢꦤ꧀ꦠꦴ ꦮꦶꦲꦫꦶꦁꦱꦸ, ꦤ ꦱꦏ꧀ꦏꦺꦴꦤ꧀ꦠꦶ ꦠꦁ ꦄꦣꦶꦏꦫꦟꦁ ꦮꦹꦥꦱꦩꦺꦠꦸꦁ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦥꦸꦕ꧀ꦖꦴ – ꦏꦡꦁ ꦄꦴꦮꦸꦱꦺꦴ ꦄꦣꦶꦏꦫꦟꦁ ꦪꦺꦨꦸꦪ꧀ꦪꦱꦶꦏꦴꦪ ꦮꦹꦥꦱꦩꦺꦠꦧ꧀ꦧꦁ.

ꦮꦶꦱ꧀ꦱꦗ꧀ꦗꦤꦴ – ꦥꦚ꧀ꦕꦲꦶ ꦨꦤ꧀ꦠꦺ ꦄꦔ꧀ꦒꦺꦲꦶ ꦱꦩꦤ꧀ꦤꦴꦒꦠꦺꦴ ꦨꦶꦏ꧀ꦑꦸ ꦱꦭꦴꦏꦒ꧀ꦒꦴꦲꦴꦥꦏꦺꦴ ꦱꦩ꧀ꦩꦤ꧀ꦤꦶꦠꦧ꧀ꦧꦺꦴ, ꦠꦺꦤ ꦨꦤ꧀ꦠꦺ ꦱꦭꦴꦏꦒ꧀ꦒꦴꦲꦴꦥꦏꦺꦤ ꦱꦭꦴꦏꦴ ꦒꦴꦲꦴꦠꦧ꧀ꦧꦴ ꦪꦡꦴ ꦧꦲꦸꦠꦫꦴ ꦨꦶꦏ꧀ꦑꦹ ꦣꦩ꧀ꦩꦮꦴꦢꦶꦤꦺꦴ ꦮꦢꦤ꧀ꦠꦶ ꦠꦡꦴ ꦠꦁ ꦄꦣꦶꦏꦫꦟꦁ ꦮꦹꦥꦱꦩꦺꦠꦧ꧀ꦧꦁ, ꦌꦮꦁ ꦑꦺꦴ ꦨꦤ꧀ꦠꦺ ꦪꦺꦨꦸꦪ꧀ꦪꦱꦶꦏꦴꦪ ꦄꦣꦶꦏꦫꦟꦁ ꦮꦹꦥꦱꦩꦺꦠꦧ꧀ꦧꦁ.

ꦥꦸꦕ꧀ꦖꦴ – ꦏꦠꦶ ꦄꦴꦮꦸꦱꦺꦴ ꦄꦣꦩ꧀ꦩꦶꦏꦴ ꦱꦭꦴꦏꦒ꧀ꦒꦴꦲꦴ.

ꦮꦶꦱ꧀ꦱꦗ꧀ꦗꦤꦴ – ꦢꦱ ꦨꦤ꧀ꦠꦺ ꦄꦣꦩ꧀ꦩꦶꦏꦴ ꦱꦭꦴꦏꦒ꧀ꦒꦴꦲꦴ, ꦎꦫꦩꦠ꧀ꦠꦏꦚ꧀ꦕ ꦄꦣꦶꦏꦫꦟꦁ ꦲꦺꦴꦠꦶ, ꦤ ꦕ ꦒꦠꦶꦒꦠꦁ ꦲꦺꦴꦠꦶ, ꦤ ꦕ ꦱꦫꦶꦠꦱꦴꦫꦶꦠꦁ ꦲꦺꦴꦠꦶ, ꦗꦴꦤꦴꦠꦶ ‘ꦄꦣꦩ꧀ꦩꦮꦴꦢꦷ ꦧꦲꦸꦠꦫꦴ’ꦠꦶ, ꦄꦥ꧀ꦥꦺꦮ ꦤꦴꦩ ꦄꦣꦩ꧀ꦩꦮꦴꦢꦷ ꦧꦲꦸꦠꦫꦴ ꦄꦱ꧀ꦱꦹꦠꦶ, ꦗꦴꦤꦴꦠꦶ ‘ꦱꦔ꧀ꦓꦺꦴ ꦨꦶꦗ꧀ꦗꦶꦱ꧀ꦱꦠꦷ’ꦠꦶ, ꦄꦥ꧀ꦥꦺꦮ ꦤꦴꦩ ꦱꦔ꧀ꦓꦺꦴ ꦨꦶꦗ꧀ꦗꦺꦪ꧀ꦪꦴꦠꦶ, ꦄꦣꦩ꧀ꦩꦺꦤ ꦒꦟ꧀ꦲꦤ꧀ꦠꦶ, ꦮꦒ꧀ꦒꦴ ꦒꦟ꧀ꦲꦤ꧀ꦠꦶ, ꦤ ꦕ ꦪꦡꦴꦢꦶꦛ꧀ꦜꦶꦪꦴ ꦒꦟ꧀ꦲꦤ꧀ꦠꦶ, ꦆꦩꦺ ꦑꦺꦴ ꦨꦤ꧀ꦠꦺ ꦢꦱ ꦄꦣꦩ꧀ꦩꦶꦏꦴ ꦏꦭꦴꦏꦒ꧀ꦒꦴꦲꦴ.

ꦥꦸꦕ꧀ꦖꦴ – ꦏꦠꦶ ꦄꦴꦮꦸꦱꦺꦴ ꦣꦩ꧀ꦩꦶꦏꦴ ꦱꦭꦴꦏꦒ꧀ꦒꦴꦲꦴ.

ꦮꦶꦱ꧀ꦱꦗ꧀ꦗꦤꦴ – ꦢꦱ ꦨꦤ꧀ꦠꦺ ꦣꦩ꧀ꦩꦶꦏꦴ ꦱꦭꦴꦏꦒ꧀ꦒꦴꦲꦴ ꦮꦸꦠ꧀ꦠꦮꦶꦥꦫꦶꦪꦴꦪꦺꦤ.

ꦥꦸꦕ꧀ꦖꦴ – ꦥꦴꦥꦸꦱ꧀ꦱꦤ꧀ꦤꦱ꧀ꦱ ꦄꦴꦮꦸꦱꦺꦴ ꦨꦶꦏ꧀ꦑꦸꦱ꧀ꦱ ꦠꦱ꧀ꦱ ꦥꦴꦥꦶꦪꦱꦶꦏꦴ ꦏꦩ꧀ꦩꦁ ꦏꦴꦠꦸꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦈꦥꦮꦴꦭ꦳ꦁ ꦨꦶꦏ꧀ꦑꦸꦁ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦈꦥꦮꦴꦭ꦳ꦺꦴ ꦨꦤ꧀ꦠꦺ ꦨꦶꦏ꧀ꦑꦸ ꦱꦔ꧀ꦓꦩꦗ꧀ꦙꦺ ꦄꦴꦥꦠ꧀ꦠꦶꦪꦴ ꦄꦤꦸꦪꦸꦚ꧀ꦗꦶꦪꦩꦴꦤꦺꦴ ꦄꦮꦗꦴꦤꦶꦠ꧀ꦮꦴ ꦥꦛꦶꦗꦴꦤꦴꦠꦶ, ꦥꦛꦶꦗꦴꦤꦶꦠ꧀ꦮꦴ ꦄꦮꦗꦴꦤꦴꦠꦶ, ꦄꦚ꧀ꦚꦺꦤꦚ꧀ꦚꦁ ꦥꦛꦶꦕꦫꦠꦶ, ꦱꦩ꧀ꦥꦗꦴꦤꦩꦸꦱꦴ ꦨꦴꦱꦠꦶ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦏꦠꦶ ꦄꦴꦮꦸꦱꦺꦴ ꦣꦩ꧀ꦩꦶꦏꦴꦤꦶ ꦠꦱ꧀ꦱꦥꦴꦥꦶꦪꦱꦶꦏꦴ ꦏꦩ꧀ꦩꦱ꧀ꦱ ꦏꦫꦟꦴꦤꦶ.

ꦮꦶꦱ꧀ꦱꦗ꧀ꦗꦤꦴ – ꦥꦚ꧀ꦕꦶꦩꦴꦤꦶ ꦨꦤ꧀ꦠꦺ ꦣꦩ꧀ꦩꦶꦏꦴꦤꦶ ꦠꦱ꧀ꦱꦥꦴꦥꦶꦪꦱꦶꦏꦴ ꦏꦩ꧀ꦩꦱ꧀ꦱ ꦏꦫꦟꦴꦤꦶ. ꦄꦱꦸꦕꦶ ꦕ ꦲꦺꦴꦠꦶ, ꦄꦭꦗ꧀ꦗꦷ ꦕ, ꦱꦴꦤꦸꦮꦴꦢꦺꦴ ꦕ, ꦠꦱ꧀ꦱ ꦱꦔ꧀ꦓꦺꦴ ꦠꦱ꧀ꦱꦥꦴꦥꦶꦪꦱꦶꦏꦴ ꦏꦩ꧀ꦩꦁ ꦏꦫꦺꦴꦠꦶ ꦣꦩ꧀ꦩꦺꦤ ꦱꦩꦒ꧀ꦒꦺꦤ, ꦆꦩꦴꦤꦶ ꦑꦺꦴ ꦨꦤ꧀ꦠꦺ ꦥꦚ꧀ꦕ ꦣꦩ꧀ꦩꦶꦏꦴꦤꦶ ꦠꦱ꧀ꦱ ꦥꦴꦥꦶꦪꦱꦶꦏꦴ ꦏꦩ꧀ꦩꦱ꧀ꦱ ꦏꦫꦟꦴꦤꦶ.

ꦥꦸꦕ꧀ꦖꦴ – ꦠꦱ꧀ꦱ ꦥꦴꦥꦶꦪꦱꦶꦏꦴꦏꦩ꧀ꦩꦏꦠꦺꦤ ꦄꦴꦮꦸꦱꦺꦴ ꦨꦶꦏ꧀ꦑꦸꦤꦴ ꦏꦠꦶꦱꦸ ꦮꦠ꧀ꦠꦺꦱꦸ ꦱꦩ꧀ꦩꦴ ꦮꦠ꧀ꦠꦶꦠꦧ꧀ꦧꦁ.

ꦮꦶꦱ꧀ꦱꦗ꧀ꦗꦤꦴ – ꦠꦱ꧀ꦱ ꦥꦴꦥꦶꦪꦱꦶꦏꦴꦏꦩ꧀ꦩꦏꦠꦺꦤ ꦨꦤ꧀ꦠꦺ ꦨꦶꦏ꧀ꦑꦸꦤꦴ ꦄꦛ꧀ꦜꦴꦫꦱꦱꦸ ꦮꦠ꧀ꦠꦺꦱꦸ ꦱꦩ꧀ꦩꦴ ꦮꦠ꧀ꦠꦶꦠꦧ꧀ꦧꦁ. ꦤ ꦈꦥꦱꦩ꧀ꦥꦴꦢꦺꦠꦧ꧀ꦧꦁ, ꦤ ꦤꦶꦱ꧀ꦱꦪꦺꦴ ꦢꦴꦠꦧ꧀ꦧꦺꦴ, ꦤ ꦱꦴꦩꦟꦺꦫꦺꦴ ꦈꦥꦛ꧀ꦜꦴꦥꦺꦠꦧ꧀ꦧꦺꦴ, ꦌꦮꦩꦴꦢꦷꦱꦸ ꦨꦤ꧀ꦠꦺ ꦄꦛ꧀ꦜꦴꦫꦱꦱꦸ ꦮꦠ꧀ꦠꦺꦱꦸ ꦱꦩ꧀ꦩꦴ ꦮꦠ꧀ꦠꦶꦠꦧ꧀ꦧꦁ.

ꦥꦸꦕ꧀ꦖꦴ – ꦏꦠꦶ ꦄꦴꦮꦸꦱꦺꦴ ꦄꦣꦶꦏꦫꦟꦴꦤꦶ ꦱꦩꦡꦺꦲꦶ ꦮꦹꦥꦱꦩꦺꦠꦧ꧀ꦧꦴꦤꦶ.

ꦮꦶꦱ꧀ꦱꦗ꧀ꦗꦤꦴ – ꦕꦠ꧀ꦠꦴꦫꦶꦩꦴꦤꦶ ꦨꦤ꧀ꦠꦺ ꦄꦣꦶꦏꦫꦟꦴꦤꦶ ꦱꦩꦡꦺꦲꦶ ꦮꦹꦥꦱꦩꦺꦠꦧ꧀ꦧꦴꦤꦶ, ꦮꦶꦮꦴꦢꦴꦣꦶꦏꦫꦟꦁ ꦄꦤꦸꦮꦴꦢꦴꦣꦶꦏꦫꦟꦁ ꦄꦴꦥꦠ꧀ꦠꦴꦣꦶꦏꦫꦟꦁ ꦏꦶꦕ꧀ꦕꦴꦣꦶꦏꦫꦟꦁ, ꦆꦩꦴꦤꦶ ꦨꦤ꧀ꦠꦺ ꦕꦠ꧀ꦠꦴꦫꦶ ꦄꦣꦶꦏꦫꦟꦴꦤꦶ ꦱꦩꦡꦺꦲꦶ ꦮꦹꦥꦱꦩꦺꦠꦧ꧀ꦧꦴꦤꦶ.

ꦥꦸꦕ꧀ꦖꦴ – ꦏꦶꦁ ꦄꦴꦮꦸꦱꦺꦴ ꦮꦶꦮꦴꦢꦴꦣꦶꦏꦫꦟꦱ꧀ꦱ ꦩꦹꦭꦁ.

ꦮꦶꦱ꧀ꦱꦗ꧀ꦗꦤꦴ – ꦖ ꦨꦤ꧀ꦠꦺ ꦮꦶꦮꦴꦢꦩꦹꦭꦴꦤꦶ ꦮꦶꦮꦴꦢꦴꦣꦶꦏꦫꦟꦱ꧀ꦱ ꦩꦹꦭꦁ, ꦠꦷꦟꦶꦥꦶ ꦄꦏꦸꦱꦭꦩꦹꦭꦴꦤꦶ ꦮꦶꦮꦴꦢꦴꦣꦶꦏꦫꦟꦱ꧀ꦱ ꦩꦹꦭꦁ, ꦠꦷꦟꦶꦥꦶ ꦏꦸꦱꦭꦩꦹꦭꦴꦤꦶ ꦮꦶꦮꦴꦢꦴꦣꦶꦏꦫꦟꦱ꧀ꦱ ꦩꦹꦭꦁ, ꦆꦢꦁ ꦨꦤ꧀ꦠꦺ ꦮꦶꦮꦴꦢꦴꦣꦶꦏꦫꦟꦱ꧀ꦱ ꦩꦹꦭꦁ.

ꦥꦸꦕ꧀ꦖꦴ – ꦏꦶꦁ ꦥꦤꦴꦮꦸꦱꦺꦴ ꦄꦤꦸꦮꦴꦢꦴꦣꦶꦏꦫꦟꦱ꧀ꦱ ꦩꦹꦭꦁ.

ꦮꦶꦱ꧀ꦱꦗ꧀ꦗꦤꦴ – ꦖ ꦨꦤ꧀ꦠꦺ ꦄꦤꦸꦮꦴꦢꦩꦹꦭꦴꦤꦶ ꦄꦤꦸꦮꦴꦢꦴꦣꦶꦏꦫꦟꦱ꧀ꦱ ꦩꦹꦭꦁ, ꦠꦷꦟꦶꦥꦶ ꦄꦏꦸꦱꦭꦩꦹꦭꦴꦤꦶ ꦄꦤꦸꦮꦴꦢꦴꦣꦶꦏꦫꦟꦱ꧀ꦱ ꦩꦹꦭꦁ, ꦠꦷꦟꦶꦥꦶ ꦏꦸꦱꦭꦩꦹꦭꦴꦤꦶ ꦄꦤꦸꦮꦴꦢꦴꦣꦶꦏꦫꦟꦱ꧀ꦱ ꦩꦹꦭꦁ, ꦏꦴꦪꦺꦴꦥꦶ ꦄꦤꦸꦮꦴꦢꦴꦣꦶꦏꦫꦟꦱ꧀ꦱ ꦩꦹꦭꦁ, ꦮꦴꦕꦴꦥꦶ ꦄꦤꦸꦮꦴꦢꦴꦣꦶꦏꦫꦟꦱ꧀ꦱ ꦩꦹꦭꦁ, ꦆꦢꦁ ꦑꦺꦴ ꦨꦤ꧀ꦠꦺ ꦄꦤꦸꦮꦴꦢꦴꦣꦶꦏꦫꦟꦱ꧀ꦱ ꦩꦹꦭꦁ.

ꦥꦸꦕ꧀ꦖꦴ – ꦏꦶꦁ ꦥꦤꦴꦮꦸꦱꦺꦴ ꦄꦴꦥꦠ꧀ꦠꦴꦣꦶꦏꦫꦟꦱ꧀ꦱ ꦩꦹꦭꦁ.

ꦮꦶꦱ꧀ꦱꦗ꧀ꦗꦤꦴ – ꦖ ꦨꦤ꧀ꦠꦺ ꦄꦴꦥꦠ꧀ꦠꦶꦱꦩꦸꦛ꧀ꦜꦴꦤꦴ ꦄꦴꦥꦠ꧀ꦠꦴꦣꦶꦏꦫꦟꦱ꧀ꦱ ꦩꦹꦭꦁ, ꦄꦠ꧀ꦠꦶ ꦨꦤ꧀ꦠꦺ ꦄꦴꦥꦠ꧀ꦠꦶ ꦏꦴꦪꦠꦺꦴ ꦱꦩꦸꦛ꧀ꦜꦴꦠꦶ ꦤ ꦮꦴꦕꦠꦺꦴ ꦤ ꦕꦶꦠ꧀ꦠꦠꦺꦴ, ꦄꦠ꧀ꦡꦶ ꦨꦤ꧀ꦠꦺ ꦄꦴꦥꦠ꧀ꦠꦶ ꦮꦴꦕꦠꦺꦴ ꦱꦩꦸꦛ꧀ꦜꦴꦠꦶ ꦤ ꦏꦴꦪꦠꦺꦴ ꦤ ꦕꦶꦠ꧀ꦠꦠꦺꦴ, ꦄꦠ꧀ꦡꦶ ꦨꦤ꧀ꦠꦺ ꦄꦴꦥꦠ꧀ꦠꦶ ꦏꦴꦪꦠꦺꦴ ꦕ ꦮꦴꦕꦠꦺꦴ ꦕ ꦱꦩꦸꦛ꧀ꦜꦴꦠꦶ ꦤ ꦕꦶꦠ꧀ꦠꦠꦺꦴ, ꦄꦠ꧀ꦡꦶ ꦨꦤ꧀ꦠꦺ ꦄꦴꦥꦠ꧀ꦠꦶ ꦏꦴꦪꦠꦺꦴ ꦕ ꦕꦶꦠ꧀ꦠꦠꦺꦴ ꦕ ꦱꦩꦸꦛ꧀ꦜꦴꦠꦶ ꦤ ꦮꦴꦕꦠꦺꦴ, ꦄꦠ꧀ꦡꦶ ꦨꦤ꧀ꦠꦺ ꦄꦴꦥꦠ꧀ꦠꦶ ꦮꦴꦕꦠꦺꦴ ꦕ ꦕꦶꦠ꧀ꦠꦠꦺꦴ ꦕ ꦱꦩꦸꦛ꧀ꦜꦴꦠꦶ ꦤ ꦏꦴꦪꦠꦺꦴ, ꦄꦠ꧀ꦡꦶ ꦨꦤ꧀ꦠꦺ ꦄꦴꦥꦠ꧀ꦠꦶ ꦏꦴꦪꦠꦺꦴ ꦕ ꦮꦴꦕꦠꦺꦴ ꦕ ꦕꦶꦠ꧀ꦠꦠꦺꦴ ꦕ ꦱꦩꦸꦛ꧀ꦜꦴꦠꦶ, ꦆꦩꦴꦤꦶ ꦨꦤ꧀ꦠꦺ ꦖ ꦄꦴꦥꦠ꧀ꦠꦶ ꦱꦩꦸꦛ꧀ꦜꦴꦤꦴꦤꦶ ꦄꦴꦥꦠ꧀ꦠꦴꦣꦶꦏꦫꦟꦱ꧀ꦱ ꦩꦹꦭꦁ.

ꦥꦸꦕ꧀ꦖꦴ – ꦏꦶꦁ ꦥꦤꦴꦮꦸꦱꦺꦴ ꦏꦶꦕ꧀ꦕꦴꦣꦶꦏꦫꦟꦱ꧀ꦱ ꦩꦹꦭꦁ.

ꦮꦶꦱ꧀ꦱꦗ꧀ꦗꦤꦴ – ꦏꦶꦕ꧀ꦕꦴꦣꦶꦏꦫꦟꦱ꧀ꦱ ꦨꦤ꧀ꦠꦺ ꦌꦏꦁ ꦩꦹꦭꦁ ꦱꦔ꧀ꦓꦺꦴ.

ꦥꦸꦕ꧀ꦖꦴ – ꦱꦩꦡꦁ ꦄꦴꦮꦸꦱꦺꦴ ꦥꦸꦕ꧀ꦖꦶꦱ꧀ꦱꦁ, ꦱꦤꦶꦢꦴꦤꦁ ꦱꦤꦶꦢ꧀ꦢꦺꦱꦁ. ꦱꦩꦸꦏ꧀ꦏꦛ꧀ꦜꦥꦢꦴꦤꦁ ꦄꦴꦮꦸꦱꦺꦴ ꦏꦠꦶ ꦄꦴꦥꦠ꧀ꦠꦶꦪꦺꦴ.

ꦮꦶꦱ꧀ꦱꦗ꧀ꦗꦤꦴ – ꦱꦩꦡꦁ ꦨꦤ꧀ꦠꦺ ꦮꦶꦱ꧀ꦱꦗ꧀ꦗꦶꦱ꧀ꦱꦁ, ꦱꦤꦶꦢꦴꦤꦁ ꦱꦤꦶꦢ꧀ꦢꦺꦱꦁ. ꦱꦩꦸꦏ꧀ꦏꦛ꧀ꦜꦥꦢꦴꦤꦁ ꦨꦤ꧀ꦠꦺ ꦢ꧀ꦮꦺ ꦄꦴꦥꦠ꧀ꦠꦶꦪꦺꦴ.

꧕. ꦑꦸꦢ꧀ꦢꦏꦮꦠ꧀ꦡꦸꦏ꧀ꦑꦤ꧀ꦣꦏ

ꦥꦸꦕ꧀ꦖꦴ – ꦤꦲꦴꦪꦤ꧀ꦠꦺꦤ ꦄꦴꦮꦸꦱꦺꦴ ꦨꦶꦏ꧀ꦑꦸꦤꦴ ꦫꦸꦏ꧀ꦑꦺ ꦮꦴ ꦡꦩ꧀ꦨꦺ ꦮꦴ ꦏꦸꦛ꧀ꦛꦺ ꦮꦴ ꦏꦴꦪꦁ ꦈꦒ꧀ꦓꦁꦱꦺꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦨꦶꦏ꧀ꦑꦹ ꦤꦲꦴꦪꦩꦴꦤꦴ ꦫꦸꦏ꧀ꦑꦺꦥꦶ ꦡꦩ꧀ꦨꦺꦥꦶ ꦏꦸꦛ꧀ꦛꦺꦥꦶ ꦏꦴꦪꦁ ꦈꦒ꧀ꦓꦁꦱꦺꦱꦸꦁ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦒꦤ꧀ꦣꦧ꧀ꦧꦲꦠ꧀ꦡꦏꦺꦤ ꦮꦴ ꦄꦴꦮꦸꦱꦺꦴ ꦏꦸꦫꦸꦮꦶꦤ꧀ꦢꦏꦱꦸꦠ꧀ꦠꦶꦪꦴ ꦮꦴ ꦩꦭ꧀ꦭꦏꦺꦤ ꦮꦴ ꦤꦲꦴꦪꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺꦮ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦨꦶꦏ꧀ꦑꦹ ꦒꦤ꧀ꦣꦧ꧀ꦧꦲꦠ꧀ꦡꦏꦺꦤꦥꦶ ꦏꦸꦫꦸꦮꦶꦤ꧀ꦢꦏꦱꦸꦠ꧀ꦠꦶꦪꦴꦥꦶ ꦩꦭ꧀ꦭꦏꦺꦤꦥꦶ ꦤꦲꦴꦪꦶꦁꦱꦸ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦥꦴꦟꦶꦤꦴ ꦄꦴꦮꦸꦱꦺꦴ ꦥꦫꦶꦏꦩ꧀ꦩꦁ ꦏꦴꦠꦸꦁ ꦨꦒꦮꦠꦴ ꦏꦠ꧀ꦡ ꦄꦤꦸꦚ꧀ꦚꦴꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦱꦩ꧀ꦧꦲꦸꦭꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦄꦤꦸꦚ꧀ꦚꦴꦠꦁ, ꦱꦩ꧀ꦧꦲꦸꦭꦴ ꦨꦤ꧀ꦠꦺ ꦨꦶꦏ꧀ꦑꦹ ꦥꦶꦛ꧀ꦜꦶꦥꦫꦶꦏꦩ꧀ꦩꦁ ꦏꦴꦠꦸꦁ ꦏꦸꦏ꧀ꦏꦸꦕ꧀ꦕꦴꦪꦶꦁꦱꦸ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦥꦸꦕ꧀ꦖꦴ – ꦮꦭ꧀ꦭꦶꦏꦁ ꦮꦴ ꦄꦴꦮꦸꦱꦺꦴ ꦥꦴꦩꦔ꧀ꦒꦁ ꦮꦴ ꦏꦟ꧀ꦜꦱꦸꦠ꧀ꦠꦏꦁ ꦮꦴ ꦏꦛꦶꦱꦸꦠ꧀ꦠꦏꦁ ꦮꦴ ꦎꦮꦛ꧀ꦛꦶꦏꦁ ꦮꦴ ꦏꦴꦪꦸꦫꦁ ꦮꦴ ꦲꦠ꧀ꦡꦴꦨꦫꦟꦁ ꦮꦴ ꦄꦔ꧀ꦒꦸꦭꦶꦩꦸꦢ꧀ꦢꦶꦏꦁ ꦮꦴ ꦣꦴꦫꦺꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦨꦶꦏ꧀ꦑꦹ ꦮꦭ꧀ꦭꦶꦏꦴꦢꦷꦤꦶ ꦣꦴꦫꦺꦱꦸꦁ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦢꦷꦓꦺ ꦄꦴꦮꦸꦱꦺꦴ ꦏꦺꦱꦺ ꦣꦴꦫꦺꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦨꦶꦏ꧀ꦑꦹ ꦢꦷꦓꦺ ꦏꦺꦱꦺ ꦣꦴꦫꦺꦱꦸꦁ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦏꦺꦴꦕ꧀ꦖꦺꦤꦮꦴ ꦄꦴꦮꦸꦱꦺꦴ ꦦꦟꦏꦺꦤꦮꦴ ꦲꦠ꧀ꦡꦦꦟꦏꦺꦤꦮꦴ ꦏꦺꦱꦺ ꦎꦱꦟ꧀ꦜꦺꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺꦮ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦨꦶꦏ꧀ꦑꦹ ꦏꦺꦴꦕ꧀ꦖꦴꦢꦷꦲꦶ ꦏꦺꦱꦺ ꦎꦱꦟ꧀ꦜꦺꦱꦸꦁ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦄꦴꦢꦴꦱꦺ ꦮꦴ ꦄꦴꦮꦸꦱꦺꦴ ꦈꦢꦏꦥꦠ꧀ꦠꦺ ꦮꦴ ꦩꦸꦑꦤꦶꦩꦶꦠ꧀ꦠꦁ ꦎꦭꦺꦴꦏꦺꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺꦮ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦨꦶꦏ꧀ꦑꦹ ꦄꦴꦢꦴꦱꦺꦥꦶ ꦈꦢꦏꦥꦠ꧀ꦠꦺꦥꦶ ꦩꦸꦑꦤꦶꦩꦶꦠ꧀ꦠꦁ ꦎꦭꦺꦴꦏꦺꦱꦸꦁ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦄꦴꦧꦴꦣꦥꦕ꧀ꦕꦪꦴ ꦥꦤꦴꦮꦸꦱꦺꦴ ꦄꦴꦢꦴꦱꦺ ꦮꦴ ꦈꦢꦏꦥꦠ꧀ꦠꦺ ꦮꦴ ꦩꦸꦑꦤꦶꦩꦶꦠ꧀ꦠꦁ ꦎꦭꦺꦴꦏꦺꦠꦸꦁ ꦨꦒꦮꦠꦴ ꦏꦠ꧀ꦡ ꦄꦤꦸꦚ꧀ꦚꦴꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦄꦚ꧀ꦚꦠꦫꦁ ꦨꦶꦏ꧀ꦑꦸꦁ ꦄꦴꦫꦧ꧀ꦨ ꦄꦤꦸꦚ꧀ꦚꦴꦠꦁ, ꦨꦒꦮꦠꦶ ꦨꦤ꧀ꦠꦺ ꦫꦴꦗꦒꦲꦺ ꦮꦶꦲꦫꦠꦶ ꦄꦚ꧀ꦚꦠꦫꦱ꧀ꦱ ꦨꦶꦏ꧀ꦑꦸꦤꦺꦴ ꦩꦸꦑꦺ ꦮꦟꦺꦴ ꦄꦲꦺꦴꦱꦶ, ꦱꦺꦴ ꦨꦶꦏ꧀ꦑꦹ ꦌꦠꦢꦮꦺꦴꦕ ‘‘ꦏꦷꦢꦶꦱꦺꦴ ꦩꦺ ꦄꦴꦮꦸꦱꦺꦴ ꦮꦟꦺꦴ’’ꦠꦶ, ꦨꦶꦏ꧀ꦑꦹ ꦌꦮꦩꦴꦲꦁꦱꦸ ‘‘ꦌꦢꦶꦱꦺꦴ ꦠꦺ ꦄꦴꦮꦸꦱꦺꦴ ꦮꦟꦺꦴ’’ꦠꦶ, ꦱꦺꦴ ꦤ ꦱꦢ꧀ꦢꦲꦠꦶ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦁ.

ꦥꦸꦕ꧀ꦖꦴ – ꦩꦸꦑꦴꦭꦺꦥꦤꦴꦢꦷꦤꦶ ꦄꦴꦮꦸꦱꦺꦴ ꦏꦫꦺꦴꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦨꦶꦏ꧀ꦑꦹ ꦩꦸꦑꦴꦭꦺꦥꦤꦴꦢꦷꦤꦶ ꦄꦏꦁꦱꦸ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦤꦕ꧀ꦕꦁ ꦮꦴ ꦄꦴꦮꦸꦱꦺꦴ ꦒꦷꦠꦁ ꦮꦴ ꦮꦴꦢꦶꦠꦁ ꦮꦴ ꦢꦱ꧀ꦱꦤꦴꦪ ꦒꦕ꧀ꦖꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦤꦕ꧀ꦕꦩ꧀ꦥꦶ ꦒꦷꦠꦩ꧀ꦥꦶ ꦮꦴꦢꦶꦠꦩ꧀ꦥꦶ ꦢꦱ꧀ꦱꦤꦴꦪ ꦒꦕ꧀ꦖꦶꦁꦱꦸ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦏꦡꦁ ꦄꦴꦮꦸꦱꦺꦴ ꦤꦕ꧀ꦕꦴꦢꦷꦤꦶ ꦥꦱ꧀ꦱꦤ꧀ꦠꦱ꧀ꦱ ꦄꦴꦥꦠ꧀ꦠꦶ ꦲꦺꦴꦠꦶ, ꦏꦡꦁ ꦥꦤ ꦄꦤꦴꦥꦠ꧀ꦠꦶ.

ꦮꦶꦱ꧀ꦱꦗ꧀ꦗꦤꦴ – ꦤꦕ꧀ꦕꦁ ꦮꦴ ꦨꦤ꧀ꦠꦺ ꦒꦷꦠꦁ ꦮꦴ ꦮꦴꦢꦶꦠꦁ ꦮꦴ ꦢꦱ꧀ꦱꦤꦴꦪ ꦒꦕ꧀ꦖꦠꦶ ꦄꦴꦥꦠ꧀ꦠꦶ ꦢꦸꦏ꧀ꦏꦛꦱ꧀ꦱ, ꦪꦠ꧀ꦡ ꦜꦶꦠꦺꦴ ꦥꦱ꧀ꦱꦠꦶ ꦮꦴ ꦱꦸꦟꦴꦠꦶ ꦮꦴ ꦄꦴꦥꦠ꧀ꦠꦶ ꦢꦸꦏ꧀ꦏꦛꦱ꧀ꦱ, ꦢꦱ꧀ꦱꦤꦹꦥꦕꦴꦫꦁ ꦮꦶꦗꦲꦶꦠ꧀ꦮꦴ ꦥꦸꦤꦥ꧀ꦥꦸꦤꦁ ꦥꦱ꧀ꦱꦠꦶ ꦄꦴꦥꦠ꧀ꦠꦶ ꦢꦸꦏ꧀ꦏꦛꦱ꧀ꦱ, ꦄꦴꦫꦴꦩꦺ ꦜꦶꦠꦱ꧀ꦱ ꦥꦱ꧀ꦱꦠꦺꦴ ꦄꦤꦴꦥꦠ꧀ꦠꦶ, ꦮꦶꦲꦴꦫꦠꦺꦴ ꦥꦤ ꦮꦶꦲꦴꦫꦁ ꦥꦱ꧀ꦱꦶꦱ꧀ꦱꦴꦩꦷꦠꦶ ꦒꦕ꧀ꦖꦠꦺꦴ ꦄꦴꦥꦠ꧀ꦠꦶꦪꦺꦮ, ꦪꦠ꧀ꦡ ꦜꦶꦠꦺꦴ ꦥꦱ꧀ꦱꦠꦶ ꦮꦴ ꦱꦸꦟꦴꦠꦶ ꦮꦴ ꦄꦴꦥꦠ꧀ꦠꦶ ꦢꦸꦏ꧀ꦏꦛꦱ꧀ꦱ, ꦄꦴꦱꦤꦱꦴꦭꦴꦪ ꦤꦶꦱꦶꦤ꧀ꦤꦺꦴ ꦥꦱ꧀ꦱꦠꦶ ꦄꦤꦴꦥꦠ꧀ꦠꦶ, ꦥꦱ꧀ꦱꦶꦱ꧀ꦱꦴꦩꦷꦠꦶ ꦮꦸꦛ꧀ꦜꦲꦶꦠ꧀ꦮꦴ ꦒꦕ꧀ꦖꦠꦶ ꦄꦴꦥꦠ꧀ꦠꦶ ꦢꦸꦏ꧀ꦏꦛꦱ꧀ꦱ, ꦪꦠ꧀ꦡ ꦜꦶꦠꦺꦴ ꦥꦱ꧀ꦱꦠꦶ ꦮꦴ ꦱꦸꦟꦴꦠꦶ ꦮꦴ ꦄꦴꦥꦠ꧀ꦠꦶ ꦢꦸꦏ꧀ꦏꦛꦱ꧀ꦱ, ꦥꦠꦶꦥꦡꦁ ꦒꦕ꧀ꦖꦤ꧀ꦠꦺꦴ ꦥꦱ꧀ꦱꦠꦶ ꦄꦤꦴꦥꦠ꧀ꦠꦶ, ꦒꦷꦮꦁ ꦥꦫꦶꦮꦠ꧀ꦠꦺꦠ꧀ꦮꦴ ꦥꦱ꧀ꦱꦠꦺꦴ ꦥꦤ ꦄꦴꦥꦠ꧀ꦠꦶ ꦨꦤ꧀ꦠꦺ.

ꦥꦸꦕ꧀ꦖꦴ – ꦄꦴꦪꦠꦏꦺꦤ ꦄꦴꦮꦸꦱꦺꦴ ꦒꦷꦠꦱ꧀ꦱꦫꦺꦤ ꦣꦩ꧀ꦩꦁ ꦒꦴꦪꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦨꦶꦏ꧀ꦑꦹ ꦄꦴꦪꦠꦏꦺꦤ ꦒꦷꦠꦱ꧀ꦱꦫꦺꦤ ꦣꦩ꧀ꦩꦁ ꦒꦴꦪꦶꦁꦱꦸ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦢꦴꦫꦸꦥꦠ꧀ꦠꦁ ꦄꦴꦮꦸꦱꦺꦴ ꦣꦴꦫꦺꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦄꦴꦪꦱ꧀ꦩꦤ꧀ꦠꦁ ꦥꦶꦟ꧀ꦝꦺꦴꦭꦨꦴꦫꦢ꧀ꦮꦴꦗꦁ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦄꦴꦪꦱ꧀ꦩꦴ ꦨꦤ꧀ꦠꦺ ꦥꦶꦟ꧀ꦝꦺꦴꦭꦨꦴꦫꦢ꧀ꦮꦴꦗꦺꦴ ꦖꦮꦱ꧀ꦱ ꦢꦴꦫꦸꦥꦠ꧀ꦠꦱ꧀ꦱ ꦏꦴꦫꦟꦴ ꦒꦶꦲꦷꦤꦁ ꦈꦠ꧀ꦠꦫꦶꦩꦤꦸꦱ꧀ꦱꦣꦩ꧀ꦩꦁ ꦆꦢ꧀ꦣꦶꦥꦴꦛꦶꦲꦴꦫꦶꦪꦁ ꦢꦱ꧀ꦱꦺꦠꦶ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦤ ꦕ ꦨꦶꦏ꧀ꦑꦮꦺ ꦢꦴꦫꦸꦥꦠ꧀ꦠꦺꦴ ꦣꦴꦫꦺꦠꦧ꧀ꦧꦺꦴ, ꦪꦺꦴ ꦣꦴꦫꦺꦪ꧀ꦪ ꦄꦴꦥꦠ꧀ꦠꦶ ꦢꦸꦏ꧀ꦏꦛꦱ꧀ꦱ –

ꦥꦸꦕ꧀ꦖꦴ – ꦨꦒꦮꦠꦴ ꦄꦴꦮꦸꦱꦺꦴ ꦈꦕ꧀ꦕꦴꦮꦕꦺ ꦥꦠ꧀ꦠꦺ ꦥꦛꦶꦏ꧀ꦑꦶꦥꦶꦠ꧀ꦮꦴ ꦄꦪꦺꦴ ꦥꦠ꧀ꦠꦺꦴ ꦨꦹꦩꦶꦥꦠ꧀ꦠꦺꦴꦠꦶ ꦆꦩꦺꦪꦺꦮ ꦢ꧀ꦮꦺ ꦥꦠ꧀ꦠꦴ ꦏꦠ꧀ꦡ ꦄꦤꦸꦚ꧀ꦚꦴꦠꦴ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦴ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦄꦤꦸꦚ꧀ꦚꦴꦠꦴ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦨꦶꦏ꧀ꦑꦹ ꦈꦕ꧀ꦕꦴꦮꦕꦺ ꦥꦠ꧀ꦠꦺ ꦣꦴꦫꦺꦱꦸꦁ ꦱꦺꦴꦮꦟ꧀ꦟꦩꦪꦴ ꦫꦹꦥꦶꦪꦩꦪꦴ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦴ.

ꦥꦸꦕ꧀ꦖꦴ – ꦱꦺꦴꦢꦏꦁ ꦄꦴꦮꦸꦱꦺꦴ ꦥꦠ꧀ꦠꦁ ꦥꦛꦶꦱꦴꦩꦺꦤ꧀ꦠꦱ꧀ꦱ ꦕ ꦎꦠꦴꦥꦺꦤ꧀ꦠꦱ꧀ꦱꦕ ꦈꦟ꧀ꦲꦺ ꦥꦠ꧀ꦠꦁ ꦤꦶꦢꦲꦤ꧀ꦠꦱ꧀ꦱ ꦕ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦱꦩ꧀ꦧꦲꦸꦭꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦱꦩ꧀ꦧꦲꦸꦭꦴ ꦨꦤ꧀ꦠꦺ ꦨꦶꦏ꧀ꦑꦹ ꦱꦺꦴꦢꦏꦁ ꦥꦠ꧀ꦠꦁ ꦥꦛꦶꦱꦴꦩꦺꦱꦸꦁ, ꦎꦠꦴꦥꦺꦱꦸꦁ, ꦈꦟ꧀ꦲꦺ ꦥꦠ꧀ꦠꦁ ꦤꦶꦢꦲꦶꦁꦱꦸ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦖꦮꦱꦷꦱꦥꦠ꧀ꦠꦁ ꦄꦴꦮꦸꦱꦺꦴ ꦣꦴꦫꦺꦤ꧀ꦠꦱ꧀ꦱ ꦕ ꦱꦧ꧀ꦧꦥꦁꦱꦸꦏꦹꦭꦶꦏꦱ꧀ꦱ ꦕ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦄꦚ꧀ꦚꦠꦫꦁ ꦨꦶꦏ꧀ꦑꦸꦁ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦄꦚ꧀ꦚꦠꦫꦺꦴ ꦨꦤ꧀ꦠꦺ ꦨꦶꦏ꧀ꦑꦸ ꦱꦧ꧀ꦧꦥꦁꦱꦸꦏꦹꦭꦶꦏꦺꦴ ꦄꦲꦺꦴꦱꦶ, ꦱꦺꦴ ꦖꦮꦱꦷꦱꦱ꧀ꦱ ꦥꦠ꧀ꦠꦁ ꦣꦴꦫꦺꦱꦶ, ꦄꦚ꧀ꦚꦠꦫꦴ ꦆꦠ꧀ꦡꦷ ꦥꦱ꧀ꦱꦶꦠ꧀ꦮꦴ ꦨꦷꦠꦴ ꦮꦶꦱ꧀ꦱꦫꦩꦏꦴꦱꦶ ‘‘ꦄꦨꦸꦁ ꦩꦺ ꦥꦶꦱꦴꦕꦺꦴ ꦮꦠꦴꦪ’’ꦤ꧀ꦠꦶ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦕꦭꦏꦴꦤꦶ ꦮꦴ ꦄꦴꦮꦸꦱꦺꦴ ꦄꦛ꧀ꦜꦶꦏꦴꦤꦶ ꦮꦴ ꦈꦕ꧀ꦖꦶꦛ꧀ꦜꦺꦴꦢꦏꦁ ꦮꦴ ꦥꦠ꧀ꦠꦺꦤ ꦤꦷꦲꦫꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦫꦴꦗꦒꦲꦺ ꦨꦤ꧀ꦠꦺ ꦱꦩ꧀ꦧꦲꦸꦭꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦱꦩ꧀ꦧꦲꦸꦭꦴ ꦨꦤ꧀ꦠꦺ ꦨꦶꦏ꧀ꦑꦹ ꦕꦭꦏꦴꦤꦶꦥꦶ ꦄꦛ꧀ꦜꦶꦏꦴꦤꦶꦥꦶ ꦈꦕ꧀ꦖꦶꦛ꧀ꦜꦺꦴ ꦢꦏꦩ꧀ꦥꦶ ꦥꦠ꧀ꦠꦺꦤ ꦤꦷꦲꦫꦶꦁꦱꦸ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦈꦥꦴꦲꦤꦠ꧀ꦡꦮꦶꦏꦴ ꦄꦴꦮꦸꦱꦺꦴ ꦨꦒꦮꦠꦴ ꦏꦠ꧀ꦡ ꦄꦤꦸꦚ꧀ꦚꦴꦠꦴ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦴ.

ꦮꦶꦱ꧀ꦱꦗ꧀ꦗꦤꦴ – ꦄꦤ꧀ꦠꦫꦴ ꦕ ꦨꦤ꧀ꦠꦺ ꦫꦴꦗꦒꦲꦁ ꦄꦤ꧀ꦠꦫꦴ ꦕ ꦮꦺꦱꦴꦭꦶꦁ ꦄꦚ꧀ꦚꦠꦫꦁ ꦨꦶꦏ꧀ꦑꦸꦁ ꦄꦴꦫꦧ꧀ꦨ ꦄꦤꦸꦚ꧀ꦚꦴꦠꦴ, ꦄꦚ꧀ꦚꦠꦫꦺꦴ ꦨꦤ꧀ꦠꦺ ꦨꦶꦏ꧀ꦑꦸ ꦈꦥꦴꦲꦤꦴꦪꦺꦴ ꦏꦴꦪꦧꦤ꧀ꦣꦤꦺꦤ ꦧꦤ꧀ꦣꦶꦠ꧀ꦮꦴ ꦒꦴꦩꦁ ꦥꦶꦟ꧀ꦝꦴꦪ ꦥꦴꦮꦶꦱꦶ, ꦄꦚ꧀ꦚꦠꦫꦺꦴ ꦈꦥꦴꦱꦏꦺꦴ ꦠꦁ ꦨꦶꦏ꧀ꦑꦸꦁ ꦄꦨꦶꦮꦴꦢꦺꦤ꧀ꦠꦺꦴ ꦈꦥꦴꦲꦤꦴꦪꦺꦴ ꦱꦷꦱꦺꦤ ꦓꦛ꧀ꦛꦺꦠꦶ, ꦱꦺꦴ ꦨꦶꦏ꧀ꦑꦸ ꦩꦔ꧀ꦏꦸ ꦄꦲꦺꦴꦱꦶ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦴ.

ꦥꦸꦕ꧀ꦖꦴ – ꦄꦢ꧀ꦣꦴꦤꦩꦒ꧀ꦒꦥ꧀ꦥꦛꦶꦥꦤ꧀ꦤꦺꦤ ꦄꦴꦮꦸꦱꦺꦴ ꦥꦫꦶꦱ꧀ꦱꦴꦮꦤꦁ ꦪꦴꦕꦶꦪꦩꦴꦤꦺꦤ ꦤ ꦢꦢꦤ꧀ꦠꦱ꧀ꦱ ꦕ ꦄꦥ꧀ꦥꦛꦶꦱ꧀ꦱꦴꦮꦤꦏꦺꦤ ꦄꦢ꧀ꦣꦴꦤꦁ ꦥꦛꦶꦥꦗ꧀ꦗꦤ꧀ꦠꦱ꧀ꦱ ꦕ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦄꦤ꧀ꦠꦫꦴ ꦕ ꦨꦤ꧀ꦠꦺ ꦫꦴꦗꦒꦲꦁ ꦄꦤ꧀ꦠꦫꦴ ꦕ ꦮꦺꦱꦴꦭꦶꦁ ꦄꦚ꧀ꦚꦠꦫꦁ ꦨꦶꦏ꧀ꦑꦸꦁ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦄꦚ꧀ꦚꦠꦫꦺꦴ ꦨꦤ꧀ꦠꦺ ꦨꦶꦏ꧀ꦑꦸ ꦥꦫꦶꦱ꧀ꦱꦴꦮꦤꦁ ꦪꦴꦕꦶꦪꦩꦴꦤꦺꦴ ꦤ ꦄꦢꦴꦱꦶ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦥꦸꦥ꧀ꦦꦴꦨꦶꦏꦶꦟ꧀ꦟꦺ ꦄꦴꦮꦸꦱꦺꦴ ꦱꦪꦤꦺ ꦱꦪꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦮꦺꦱꦴꦭꦶꦪꦁ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦨꦶꦏ꧀ꦑꦹ ꦥꦸꦥ꧀ꦦꦴꦨꦶꦏꦶꦟ꧀ꦟꦺꦱꦸ ꦱꦪꦤꦺꦱꦸ ꦱꦪꦶꦁꦱꦸ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦌꦏꦨꦴꦗꦤꦺ ꦮꦴ ꦄꦴꦮꦸꦱꦺꦴ ꦨꦸꦚ꧀ꦗꦤ꧀ꦠꦴꦤꦁ ꦌꦏꦡꦴꦭꦏꦺ ꦮꦴ ꦥꦶꦮꦤ꧀ꦠꦴꦤꦁ ꦌꦏꦠ꧀ꦡꦫꦟꦥꦴꦮꦸꦫꦟꦴꦤꦁ ꦮꦴ ꦠꦸꦮꦛ꧀ꦛꦴꦤꦁ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦮꦺꦱꦴꦭꦶꦪꦁ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺꦮ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦨꦶꦏ꧀ꦑꦹ ꦌꦏꦨꦴꦗꦤꦺꦥꦶ ꦨꦸꦚ꧀ꦗꦶꦁꦱꦸ, ꦌꦏꦡꦴꦭꦏꦺꦥꦶ ꦥꦶꦮꦶꦁꦱꦸ, ꦌꦏꦩꦚ꧀ꦕꦏꦺꦥꦶ ꦠꦸꦮꦛ꧀ꦛꦺꦱꦸꦁ, ꦌꦏꦠ꧀ꦡꦫꦟꦴꦥꦶ ꦠꦸꦮꦛ꧀ꦛꦺꦱꦸꦁ, ꦌꦏꦥꦴꦮꦸꦫꦟꦴꦥꦶ ꦠꦸꦮꦛ꧀ꦛꦺꦱꦸꦁ, ꦌꦏꦠ꧀ꦡꦫꦟꦥꦴꦮꦸꦫꦟꦴꦥꦶ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦕꦴꦩꦫꦶꦧꦷꦗꦤꦶꦁ ꦄꦴꦮꦸꦱꦺꦴ ꦥꦛꦶꦏ꧀ꦑꦶꦥꦶꦠ꧀ꦮꦴ ꦠꦶꦱ꧀ꦱꦺꦴ ꦧꦷꦗꦤꦶꦪꦺꦴ ꦨꦒꦮꦠꦴ ꦏꦠ꧀ꦡ ꦄꦤꦸꦚ꧀ꦚꦴꦠꦴ, ꦏꦶꦱ꧀ꦩꦶꦚ꧀ꦕ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦴ.

ꦮꦶꦱ꧀ꦱꦗ꧀ꦗꦤꦴ – ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦄꦤꦸꦚ꧀ꦚꦴꦠꦴ, ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦨꦒꦮꦠꦶ ꦮꦶꦲꦫꦠꦶ ꦱꦔ꧀ꦓꦱ꧀ꦱ ꦕꦴꦩꦫꦶꦧꦷꦗꦤꦷ ꦈꦥ꧀ꦥꦤ꧀ꦤꦴ ꦄꦲꦺꦴꦱꦶ, ꦨꦒꦮꦠꦺꦴ ꦌꦠꦩꦠ꧀ꦡꦁ ꦄꦴꦫꦺꦴꦕꦺꦱꦸꦁ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦴ.

ꦤ ꦨꦶꦏ꧀ꦑꦮꦺ ꦕꦴꦩꦫꦶꦧꦷꦗꦤꦷ ꦣꦴꦫꦺꦠꦧ꧀ꦧꦴ, ꦪꦺꦴ ꦣꦴꦫꦺꦪ꧀ꦪ, ꦄꦴꦥꦠ꧀ꦠꦶ ꦢꦸꦏ꧀ꦏꦛꦱ꧀ꦱ. ꦄꦤꦸꦗꦴꦤꦴꦩꦶ ꦨꦶꦏ꧀ꦑꦮꦺ ꦠꦶꦱ꧀ꦱꦺꦴ ꦧꦷꦗꦤꦶꦪꦺꦴ ꦮꦴꦏꦩꦪꦁ ꦈꦱꦷꦫꦩꦪꦁ ꦩꦺꦴꦫꦥꦶꦚ꧀ꦖꦴ ꦩꦪꦁ.

ꦥꦸꦕ꧀ꦖꦴ – ꦢꦷꦓꦺ ꦄꦴꦮꦸꦱꦺꦴ ꦤꦑꦺ ꦣꦴꦫꦺꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦄꦚ꧀ꦚꦠꦫꦁ ꦨꦶꦏ꧀ꦑꦸꦁ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦄꦚ꧀ꦚꦠꦫꦺꦴ ꦨꦤ꧀ꦠꦺ ꦨꦶꦏ꧀ꦑꦸ ꦢꦷꦓꦺ ꦤꦑꦺ ꦣꦴꦫꦺꦱꦶ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦏꦠ꧀ꦠꦫꦶꦏꦴꦪ ꦄꦴꦮꦸꦱꦺꦴ ꦏꦺꦱꦺ ꦖꦺꦢꦴꦥꦺꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦨꦶꦏ꧀ꦑꦹ ꦏꦠ꧀ꦠꦫꦶꦏꦴꦪ ꦏꦺꦱꦺ ꦖꦶꦤ꧀ꦢꦶꦁꦱꦸ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦢꦷꦓꦺ ꦄꦴꦮꦸꦱꦺꦴ ꦤꦴꦱꦶꦏꦴꦭꦺꦴꦩꦺ ꦣꦴꦫꦺꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦱꦩ꧀ꦧꦲꦸꦭꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦱꦩ꧀ꦧꦲꦸꦭꦴ ꦨꦤ꧀ꦠꦺ ꦨꦶꦏ꧀ꦑꦹ ꦢꦷꦓꦴꦤꦶ ꦤꦴꦱꦶꦏꦴꦭꦺꦴꦩꦴꦤꦶ ꦣꦴꦫꦺꦱꦸꦁ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦈꦕ꧀ꦕꦴꦮꦕꦴ ꦄꦴꦮꦸꦱꦺꦴ ꦏꦟ꧀ꦟꦩꦭꦲꦫꦟꦶꦪꦺꦴ ꦥꦛꦶꦏ꧀ꦑꦶꦥꦶꦠ꧀ꦮꦴ ꦢꦱ ꦏꦟ꧀ꦟꦩꦭꦲꦫꦟꦶꦪꦺꦴ ꦨꦒꦮꦠꦴ ꦏꦠ꧀ꦡ ꦄꦤꦸꦚ꧀ꦚꦴꦠꦴ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦴ.

ꦮꦶꦱ꧀ꦱꦗ꧀ꦗꦤꦴ – ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦄꦤꦸꦚ꧀ꦚꦴꦠꦴ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦨꦶꦏ꧀ꦑꦹ ꦈꦕ꧀ꦕꦴꦮꦕꦴ ꦏꦟ꧀ꦟꦩꦭꦲꦫꦟꦶꦪꦺꦴ ꦣꦴꦫꦺꦱꦸꦁ ꦱꦺꦴꦮꦟ꧀ꦟꦩꦪꦁ ꦫꦹꦥꦶꦪꦩꦪꦁ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦄꦤꦸꦚ꧀ꦚꦴꦠꦴ.

ꦥꦸꦕ꧀ꦖꦴ – ꦱꦔ꧀ꦓꦴꦛꦶꦥꦭ꧀ꦭꦠ꧀ꦡꦶꦏꦴꦪ ꦤꦶꦱꦷꦢꦤ꧀ꦠꦱ꧀ꦱ ꦄꦴꦮꦸꦱꦺꦴ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦨꦶꦏ꧀ꦑꦹ ꦱꦔ꧀ꦓꦴꦛꦶꦥꦭ꧀ꦭꦠ꧀ꦡꦶꦏꦴꦪ ꦤꦶꦱꦷꦢꦶꦁꦱꦸ, ꦱꦔ꧀ꦓꦴꦛꦶꦪꦴ ꦥꦠ꧀ꦠꦴ ꦭꦸꦗ꧀ꦗꦶꦁꦱꦸ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦄꦏꦴꦪꦧꦤ꧀ꦣꦤꦺꦤ ꦄꦴꦮꦸꦱꦺꦴ ꦒꦴꦩꦁ ꦥꦮꦶꦱꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦄꦚ꧀ꦚꦠꦫꦁ ꦨꦶꦏ꧀ꦑꦸꦁ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦄꦚ꧀ꦚꦠꦫꦺꦴ ꦨꦤ꧀ꦠꦺ ꦨꦶꦏ꧀ꦑꦸ ꦄꦏꦴꦪꦧꦤ꧀ꦣꦤꦺꦴ ꦒꦴꦩꦁ ꦥꦶꦟ꧀ꦝꦴꦪ ꦥꦴꦮꦶꦱꦶ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦒꦶꦲꦶꦤꦶꦮꦠ꧀ꦡꦁ ꦄꦴꦮꦸꦱꦺꦴ ꦤꦶꦮꦴꦱꦺꦤ꧀ꦠꦱ꧀ꦱ ꦕ, ꦒꦶꦲꦶꦥꦴꦫꦸꦠꦁ ꦥꦴꦫꦸꦥꦤ꧀ꦠꦱ꧀ꦱ ꦕ, ꦱꦁꦮꦺꦭ꧀ꦭꦶꦪꦁ ꦤꦶꦮꦴꦱꦺꦤ꧀ꦠꦱ꧀ꦱ ꦕ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦨꦶꦏ꧀ꦑꦹ ꦒꦶꦲꦶꦤꦶꦮꦠ꧀ꦡꦁ ꦤꦶꦮꦴꦱꦶꦁꦱꦸ, ꦒꦶꦲꦶꦥꦴꦫꦸꦠꦩ꧀ꦥꦶ ꦥꦴꦫꦸꦥꦶꦁꦱꦸ, ꦱꦁꦮꦺꦭ꧀ꦭꦶꦪꦩ꧀ꦥꦶ ꦤꦶꦮꦴꦱꦶꦁꦱꦸ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦈꦨꦠꦺꦴ ꦏꦴꦗꦁ ꦄꦴꦮꦸꦱꦺꦴ ꦣꦴꦫꦺꦤ꧀ꦠꦱ꧀ꦱ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦮꦶꦱ꧀ꦱꦗ꧀ꦗꦤꦴ – ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦖꦧ꧀ꦧꦒ꧀ꦒꦶꦪꦺ ꦨꦶꦏ꧀ꦑꦹ ꦄꦴꦫꦧ꧀ꦨ ꦥꦚ꧀ꦚꦠ꧀ꦠꦁ, ꦖꦧ꧀ꦧꦒ꧀ꦒꦶꦪꦴ ꦨꦤ꧀ꦠꦺ ꦨꦶꦏ꧀ꦑꦹ ꦈꦨꦠꦺꦴ ꦏꦴꦗꦁ ꦣꦴꦫꦺꦱꦸꦁ, ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.

ꦥꦸꦕ꧀ꦖꦴ – ꦭꦺꦴꦏꦴꦪꦠꦁ ꦄꦴꦮꦸꦱꦺꦴ ꦥꦫꦶꦪꦴꦥꦸꦟꦤ꧀ꦠꦱ꧀ꦱ ꦕ ꦮꦴꦕꦺꦤ꧀ꦠꦱ꧀ꦱ ꦕ ꦢꦸꦏ꧀ꦏꦛꦁ ꦨꦒꦮꦠꦴ ꦏꦠ꧀ꦡ ꦥꦚ꧀ꦚꦠ꧀ꦠꦁ, ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦥꦚ꧀ꦚꦠ꧀ꦠꦁ.