ꦱꦧ꧀ꦧꦮꦒ꧀ꦒ
ꦄꦴꦢꦶꦠ꧀ꦠꦱꦸꦠ꧀ꦠ
ꦥꦸꦕ꧀ꦖꦴ – ꦠꦠ꧀ꦡꦴꦮꦸꦱꦺꦴ ꦱꦧ꧀ꦧꦮꦒ꧀ꦒꦺ ꦖꦛ꧀ꦜꦁ ꦄꦴꦢꦶꦠ꧀ꦠꦱꦸꦠ꧀ꦠꦁ ꦨꦒꦮꦠꦴ ꦏꦠ꧀ꦡ ꦏꦁ ꦄꦴꦫꦧ꧀ꦨ ꦏꦡꦚ꧀ꦕ ꦨꦴꦱꦶꦠꦁ.
ꦮꦶꦱ꧀ꦱꦗ꧀ꦗꦤꦴ – ꦒꦪꦴꦪꦁ ꦨꦤ꧀ꦠꦺ ꦒꦪꦴꦱꦷꦱꦺ ꦥꦸꦫꦴꦟꦗꦛꦶꦭꦁ ꦨꦶꦏ꧀ꦑꦸꦱꦲꦱ꧀ꦱꦁ ꦄꦴꦫꦧ꧀ꦨ ‘‘ꦱꦧ꧀ꦧꦁ ꦨꦶꦏ꧀ꦑꦮꦺ ꦄꦴꦢꦶꦠ꧀ꦠꦁ, ꦏꦶꦚ꧀ꦕ ꦨꦶꦏ꧀ꦑꦮꦺ ꦱꦧ꧀ꦧꦁ ꦄꦴꦢꦶꦠ꧀ꦠꦁ. ꦕꦏ꧀ꦑꦸ ꦨꦶꦏ꧀ꦑꦮꦺ ꦄꦴꦢꦶꦠ꧀ꦠꦁ, ꦫꦹꦥꦴ ꦄꦴꦢꦶꦠ꧀ꦠꦴ, ꦕꦏ꧀ꦑꦸꦮꦶꦚ꧀ꦚꦴꦟꦁ ꦄꦴꦢꦶꦠ꧀ꦠꦁ, ꦕꦏ꧀ꦑꦸꦱꦩ꧀ꦦꦱ꧀ꦱꦺꦴ ꦄꦴꦢꦶꦠ꧀ꦠꦺꦴ, ꦪꦩ꧀ꦥꦶꦢꦁ ꦕꦏ꧀ꦑꦸꦱꦩ꧀ꦦꦱ꧀ꦱꦥꦕ꧀ꦕꦪꦴ ꦈꦥ꧀ꦥꦗ꧀ꦗꦠꦶ, ꦮꦺꦢꦪꦶꦠꦁ ꦱꦸꦑꦁ ꦮꦴ ꦢꦸꦏ꧀ꦑꦁ ꦮꦴ ꦄꦢꦸꦏ꧀ꦑꦩꦱꦸꦑꦁꦮꦴ, ꦠꦩ꧀ꦥꦶ ꦄꦴꦢꦶꦠ꧀ꦠꦁ. ꦏꦺꦤ ꦄꦴꦢꦶꦠ꧀ꦠꦁ. ꦫꦴꦒꦒ꧀ꦒꦶꦤꦴ ꦢꦺꦴꦱꦒ꧀ꦒꦶꦤꦴ ꦩꦺꦴꦲꦒ꧀ꦒꦶꦤꦴ ꦄꦴꦢꦶꦠ꧀ꦠꦁ, ꦗꦴꦠꦶꦪꦴ ꦗꦫꦴꦪ ꦩꦫꦟꦺꦤ ꦱꦺꦴꦏꦺꦲꦶ ꦥꦫꦶꦢꦺꦮꦺꦲꦶ ꦢꦸꦏ꧀ꦑꦺꦲꦶ ꦢꦺꦴꦩꦤꦱ꧀ꦱꦺꦲꦶ ꦈꦥꦴꦪꦴꦱꦺꦲꦶ ꦄꦴꦢꦶꦠ꧀ꦠꦤ꧀ꦠꦶ ꦮꦢꦴꦩꦷ’’ꦠꦶ ꦌꦮꦩꦴꦢꦶꦤꦴ ꦨꦒꦮꦠꦴ ꦨꦴꦱꦶꦠꦁ.