ꦒꦴꦩꦟꦶꦱꦁꦪꦸꦠ꧀ꦠ

ꦕꦟ꧀ꦝꦱꦸꦠ꧀ꦠ

ꦥꦸꦕ꧀ꦖꦴ – ꦠꦺꦤꦴꦮꦸꦱꦺꦴ ꦨꦒꦮꦠꦴ…ꦥꦺ… ꦱꦩ꧀ꦩꦴꦱꦩ꧀ꦧꦸꦢ꧀ꦣꦺꦤ ꦒꦴꦩꦟꦶꦱꦁꦪꦸꦠ꧀ꦠꦺ ꦥꦜꦩꦁ ꦕꦟ꧀ꦝꦱꦸꦠ꧀ꦠꦁ ꦏꦠ꧀ꦡ ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦏꦡꦚ꧀ꦕ ꦨꦴꦱꦶꦠꦁ.

ꦮꦶꦱ꧀ꦱꦗ꧀ꦗꦤꦴ – ꦱꦴꦮꦠ꧀ꦡꦶꦪꦁ ꦨꦤ꧀ꦠꦺ ꦕꦟ꧀ꦝꦁ ꦒꦴꦩꦟꦶꦁ ꦄꦴꦫꦧ꧀ꦨ ꦨꦴꦱꦶꦠꦁ. ꦕꦟ꧀ꦝꦺꦴ ꦨꦤ꧀ꦠꦺ ꦒꦴꦩꦟꦶ ꦨꦒꦮꦤ꧀ꦠꦁ ꦌꦠꦢꦮꦺꦴꦕ ‘‘ꦏꦺꦴ ꦤꦸ ꦑꦺꦴ ꦨꦤ꧀ꦠꦺ ꦲꦺꦠꦸ ꦏꦺꦴ ꦥꦕ꧀ꦕꦪꦺꦴ, ꦪꦺꦤ ꦩꦶꦣꦺꦏꦕ꧀ꦕꦺꦴ ꦕꦟ꧀ꦝꦺꦴ ꦕꦟ꧀ꦝꦺꦴꦠ꧀ꦮꦺꦮ ꦱꦔ꧀ꦑꦁ ꦒꦕ꧀ꦖꦠꦶ. ꦏꦺꦴ ꦥꦤ ꦨꦤ꧀ꦠꦺ ꦲꦺꦠꦸ ꦏꦺꦴ ꦥꦕ꧀ꦕꦪꦺꦴ, ꦪꦺꦤ ꦩꦶꦣꦺꦏꦕ꧀ꦕꦺꦴ ꦱꦺꦴꦫꦠꦺꦴ ꦱꦺꦴꦫꦠꦺꦴꦠ꧀ꦮꦺꦮ ꦱꦔ꧀ꦑꦁ ꦒꦕ꧀ꦖꦠꦷ’’ꦠꦶ. ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ‘‘ꦆꦣ ꦒꦴꦩꦟꦶ ꦌꦏꦕ꧀ꦕꦱ꧀ꦱ ꦫꦴꦒꦺꦴ ꦄꦥ꧀ꦥꦲꦷꦤꦺꦴ ꦲꦺꦴꦠꦶ, ꦫꦴꦒꦱ꧀ꦱ ꦄꦥ꧀ꦥꦲꦷꦤꦠ꧀ꦠꦴ ꦥꦫꦺ ꦏꦺꦴꦥꦺꦤ꧀ꦠꦶ, ꦥꦫꦺꦲꦶ ꦏꦺꦴꦥꦶꦪꦩꦴꦤꦺꦴ ꦏꦺꦴꦥꦁ ꦥꦴꦠꦸꦏꦫꦺꦴꦠꦶ, ꦱꦺꦴ ꦕꦟ꧀ꦝꦺꦴꦠ꧀ꦮꦺꦮ ꦱꦔ꧀ꦑꦁ ꦒꦕ꧀ꦖꦠꦷ’’ꦠꦶ ꦌꦮꦩꦴꦢꦶꦤꦴ ꦨꦒꦮꦠꦴ ꦨꦴꦱꦶꦠꦁ.

ꦑꦺꦠ꧀ꦠꦹꦥꦩꦱꦸꦠ꧀ꦠ

ꦥꦸꦕ꧀ꦖꦴ – ꦠꦠ꧀ꦡꦺꦮ ꦄꦴꦮꦸꦱꦺꦴ ꦥꦺꦴꦫꦴꦟꦏꦺꦲꦶ ꦣꦩ꧀ꦩꦱꦁꦒꦴꦲꦏꦩꦲꦴꦡꦺꦫꦺꦲꦶ ꦱꦠ꧀ꦠꦩꦁ ꦱꦁꦒꦷꦠꦁ ꦑꦺꦠ꧀ꦠꦹꦥꦩꦱꦸꦠ꧀ꦠꦁ ꦏꦠ꧀ꦡ ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦏꦡꦚ꧀ꦕ ꦨꦴꦱꦶꦠꦁ.

ꦮꦶꦱ꧀ꦱꦗ꧀ꦗꦤꦴ – ꦤꦴꦭ꦳ꦤ꧀ꦢꦴꦪꦁ ꦨꦤ꧀ꦠꦺ ꦥꦴꦮꦴꦫꦶꦏꦩ꧀ꦧꦮꦤꦺ ꦄꦱꦶꦧꦤ꧀ꦣꦏꦥꦸꦠ꧀ꦠꦁ ꦒꦴꦩꦟꦶꦁ ꦄꦴꦫꦧ꧀ꦨ ꦨꦴꦱꦶꦠꦁ. ꦄꦱꦶꦧꦤ꧀ꦣꦏꦥꦸꦠ꧀ꦠꦺꦴ ꦨꦤ꧀ꦠꦺ ꦒꦴꦩꦟꦶ ꦨꦒꦮꦤ꧀ꦠꦁ ꦌꦠꦢꦮꦺꦴꦕ ‘‘ꦤꦤꦸ ꦨꦤ꧀ꦠꦺ ꦨꦒꦮꦴ ꦱꦧ꧀ꦧꦥꦴꦟꦨꦹꦠꦲꦶꦠꦴꦤꦸꦏꦩ꧀ꦥꦷ ꦮꦶꦲꦫꦠꦷꦠꦶ. ꦌꦮꦁ ꦒꦴꦩꦟꦶ ꦠꦡꦴꦒꦠꦺꦴ ꦱꦧ꧀ꦧꦥꦴꦟꦨꦹꦠꦲꦶꦠꦴꦤꦸꦏꦩ꧀ꦥꦷ ꦮꦶꦲꦫꦠꦷꦠꦶ. ꦄꦡ ꦏꦶꦚ꧀ꦕꦫꦲꦶ ꦨꦤ꧀ꦠꦺ ꦨꦒꦮꦴ ꦌꦏꦕ꧀ꦕꦴꦤꦁ ꦱꦏ꧀ꦏꦕ꧀ꦕꦁ ꦣꦩ꧀ꦩꦁ ꦢꦺꦱꦺꦠꦶ, ꦌꦏꦕ꧀ꦕꦴꦤꦁ ꦤꦺꦴ ꦠꦡꦴ ꦱꦏ꧀ꦏꦕ꧀ꦕꦁ ꦣꦩ꧀ꦩꦁ ꦢꦺꦱꦺꦠꦷ’’ꦠꦶ. ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ‘‘ꦠꦺꦤ ꦲꦶ ꦒꦴꦩꦟꦶ ꦠꦚ꧀ꦚꦺꦮꦺꦠ꧀ꦡ ꦥꦛꦶꦥꦸꦕ꧀ꦖꦶꦱ꧀ꦱꦴꦩꦶ, ꦪꦡꦴ ꦠꦺ ꦑꦩꦺꦪ꧀ꦪ, ꦠꦡꦴ ꦤꦁ ꦧ꧀ꦪꦴꦏꦫꦺꦪ꧀ꦪꦴꦱꦷ’’ꦠꦶ ꦌꦮꦩꦴꦢꦶꦤꦴ ꦨꦒꦮꦠꦴ ꦨꦴꦱꦶꦠꦁ.

ꦱꦔ꧀ꦑꦣꦩꦱꦸꦠ꧀ꦠ

ꦥꦸꦕ꧀ꦖꦴ – ꦠꦠ꧀ꦡꦺꦮ ꦄꦴꦮꦸꦱꦺꦴ ꦥꦺꦴꦫꦴꦟꦏꦺꦲꦶ ꦣꦩ꧀ꦩꦱꦁꦒꦴꦲꦏ ꦩꦲꦴꦡꦺꦫꦺꦲꦶ ꦄꦛ꧀ꦜꦩꦁ ꦱꦁꦒꦷꦠꦁ ꦱꦔ꧀ꦑꦣꦩꦱꦸꦠ꧀ꦠꦁ ꦨꦒꦮꦠꦴ ꦏꦠ꧀ꦡ ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦏꦡꦚ꧀ꦕ ꦨꦴꦱꦶꦠꦁ.

ꦮꦶꦱ꧀ꦱꦗ꧀ꦗꦤꦴ – ꦤꦴꦭ꦳ꦤ꧀ꦢꦴꦪꦁꦪꦺꦮ ꦨꦤ꧀ꦠꦺ ꦥꦴꦮꦴꦫꦶꦏꦩ꧀ꦧꦮꦤꦺ ꦄꦱꦶꦧꦤ꧀ꦣꦏꦥꦸꦠ꧀ꦠꦁ ꦒꦴꦩꦟꦶꦁ ꦤꦶꦒꦟ꧀ꦜꦱꦴꦮꦏꦁ ꦄꦴꦫꦧ꧀ꦨ ꦨꦴꦱꦶꦠꦁ. ꦨꦒꦮꦴ ꦨꦤ꧀ꦠꦺ ꦄꦱꦶꦧꦤ꧀ꦣꦏꦥꦸꦠ꧀ꦠꦁ ꦒꦴꦩꦟꦶꦁ ꦤꦶꦒꦟ꧀ꦜꦱꦴꦮꦏꦁ ꦌꦠꦢꦮꦺꦴꦕ ‘‘ꦏꦡꦁ ꦤꦸ ꦑꦺꦴ ꦒꦴꦩꦟꦶ ꦤꦶꦒꦟ꧀ꦜꦺꦴ ꦤꦴꦛꦥꦸꦠ꧀ꦠꦺꦴ ꦱꦴꦮꦏꦴꦤꦁ ꦣꦩ꧀ꦩꦁ ꦢꦺꦱꦺꦠꦷ’’ꦠꦶ. ꦌꦮꦁ ꦑꦺꦴ ꦨꦤ꧀ꦠꦺ ꦤꦶꦒꦟ꧀ꦜꦺꦴ ꦤꦴꦛꦥꦸꦠ꧀ꦠꦺꦴ ꦱꦴꦮꦏꦴꦤꦁ ꦣꦩ꧀ꦩꦁ ꦢꦺꦱꦺꦠꦶ ‘‘ꦪꦺꦴ ꦏꦺꦴꦕꦶ ꦥꦴꦟꦁ ꦄꦠꦶꦥꦴꦠꦺꦠꦶ, ꦱꦧ꧀ꦧꦺꦴ ꦱꦺꦴ ꦄꦴꦥꦴꦪꦶꦏꦺꦴ ꦤꦺꦫꦪꦶꦏꦺꦴ. (ꦥꦺꦪ꧀ꦪꦴꦭ) ꦪꦁꦧꦲꦸꦭꦁ ꦪꦁꦧꦲꦸꦭꦁ ꦮꦶꦲꦫꦠꦶ, ꦠꦺꦤ ꦠꦺꦤ ꦤꦷꦪꦠꦷ’’ꦠꦶ. ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ‘‘ꦪꦁꦧꦲꦸꦭꦁ ꦪꦁꦧꦲꦸꦭꦚ꧀ꦕ ꦒꦴꦩꦟꦶ ꦮꦶꦲꦫꦠꦶ, ꦠꦺꦤ ꦠꦺꦤ ꦤꦷꦪꦠꦶ, ꦌꦮꦁ ꦱꦤ꧀ꦠꦺ ꦤ ꦏꦺꦴꦕꦶ ꦄꦴꦥꦴꦪꦶꦏꦺꦴ ꦤꦺꦫꦪꦶꦏꦺꦴ ꦨꦮꦶꦱ꧀ꦱꦠꦶ, ꦪꦡꦴ ꦤꦶꦒꦟ꧀ꦜꦱ꧀ꦱ ꦤꦴꦛꦥꦸꦠ꧀ꦠꦱ꧀ꦱ ꦮꦕꦤ’’ꦤ꧀ꦠꦶ ꦌꦮꦁ ꦑꦺꦴ ꦨꦒꦮꦠꦴ ꦱꦁꦑꦶꦠ꧀ꦠꦺꦤ ꦨꦴꦱꦶꦠꦁ.

ꦪꦁ ꦧꦲꦸꦭꦮꦴꦢ

ꦥꦸꦕ꧀ꦖꦴ – ꦏꦡꦚ꧀ꦕꦴꦮꦸꦱꦺꦴ ꦠꦠ꧀ꦡ ꦨꦒꦮꦠꦴ ꦪꦁꦧꦲꦸꦭꦮꦴꦢꦺ ꦢꦺꦴꦱꦺꦴ ꦥꦏꦴꦱꦶꦠꦺꦴ.

ꦮꦶꦱ꧀ꦱꦗ꧀ꦗꦤꦴ – ꦠꦁ ꦏꦶꦁ ꦩꦚ꧀ꦚꦱꦶ ꦒꦴꦩꦟꦶ, ꦪꦺꦴ ꦱꦺꦴ ꦥꦸꦫꦶꦱꦺꦴ ꦥꦴꦟꦴꦠꦶꦥꦴꦠꦷ ꦫꦠ꧀ꦠꦶꦪꦴ ꦮꦴ ꦢꦶꦮꦱꦱ꧀ꦱ ꦮꦴ ꦱꦩꦪꦴꦱꦩꦪꦁ ꦈꦥꦴꦢꦴꦪ ꦏꦠꦩꦺꦴ ꦧꦲꦸꦠꦫꦺꦴ ꦱꦩꦪꦺꦴ ꦪꦁ ꦮꦴꦱꦺꦴ ꦥꦴꦟꦩꦠꦶꦥꦴꦠꦺꦠꦶ. ꦪꦁ ꦮꦴ ꦱꦺꦴ ꦥꦴꦟꦁ ꦤꦴꦠꦶꦥꦴꦠꦺꦠꦷꦠꦶ ꦌꦮꦩꦴꦢꦶꦤꦴ ꦨꦤ꧀ꦠꦺ ꦠꦠ꧀ꦡ ꦨꦒꦮꦠꦴ ꦄꦱꦶꦧꦤ꧀ꦣꦏꦁ ꦤꦶꦒꦟ꧀ꦜꦤꦴꦛꦥꦸꦠ꧀ꦠꦱ꧀ꦱ ꦱꦴꦮꦏꦁ ꦒꦴꦩꦟꦶꦁ ꦥꦸꦕ꧀ꦖꦶꦠ꧀ꦮꦴ ꦥꦸꦕ꧀ꦖꦶꦠ꧀ꦮꦴ ꦪꦁꦧꦲꦸꦭꦮꦴꦢꦺ ꦢꦺꦴꦱꦺꦴ ꦥꦏꦴꦱꦶꦠꦺꦴ.

ꦥꦸꦕ꧀ꦖꦴ – ꦏꦡꦚ꧀ꦕꦴꦮꦸꦱꦺꦴ ꦠꦠ꧀ꦡ ꦨꦒꦮꦠꦴ ꦄꦤꦺꦏꦁꦱ ꦮꦶꦥꦴꦏꦏꦩ꧀ꦩꦱ꧀ꦱ ꦌꦏꦁ ꦱꦮꦶꦥꦴꦏꦮꦴꦢꦺ ꦢꦺꦴꦱꦺꦴ ꦥꦏꦴꦱꦶꦠꦺꦴ.

ꦮꦶꦱ꧀ꦱꦗ꧀ꦗꦤꦴ – ꦆꦣ ꦒꦴꦩꦟꦶ ꦌꦏꦕ꧀ꦕꦺꦴ ꦱꦠ꧀ꦡꦴ ꦌꦮꦁꦮꦴꦢꦷ ꦲꦺꦴꦠꦶ ꦌꦮꦁꦢꦶꦛ꧀ꦜꦶ ꦪꦺꦴ ꦏꦺꦴꦕꦶ ꦥꦴꦟꦩꦠꦶꦥꦴꦠꦺꦠꦶ, ꦱꦧ꧀ꦧꦺꦴ ꦱꦺꦴ ꦄꦴꦥꦴꦪꦶꦏꦺꦴ ꦤꦺꦫꦪꦶꦏꦺꦴꦠꦶ ꦌꦮꦩꦴꦢꦶꦤꦴ ꦨꦤ꧀ꦠꦺ ꦠꦠ꧀ꦡ ꦨꦒꦮꦠꦴ ꦄꦤꦺꦏꦁꦱ ꦏꦩ꧀ꦩꦮꦶꦥꦴꦏꦱ꧀ꦱ ꦌꦏꦁꦱꦮꦶꦥꦴꦏꦮꦴꦢꦺ ꦢꦺꦴꦱꦺꦴ ꦮꦶꦠ꧀ꦡꦴꦫꦺꦠ꧀ꦮꦴ ꦥꦏꦴꦱꦶꦠꦺꦴ.

ꦥꦸꦕ꧀ꦖꦴ – ꦏꦡꦚ꧀ꦕꦴꦮꦸꦱꦺꦴ ꦠꦠ꧀ꦡ ꦨꦒꦮꦠꦴ ꦪꦡꦴꦣꦩ꧀ꦩꦱꦴꦱꦤꦺ ꦒꦸꦟꦺꦴꦮꦶꦨꦗꦶꦠ꧀ꦮꦴ ꦥꦏꦴꦱꦶꦠꦺꦴ.

ꦮꦶꦱ꧀ꦱꦗ꧀ꦗꦤꦴ – ꦆꦣ ꦥꦤ ꦒꦴꦩꦟꦶ ꦠꦡꦴꦒꦠꦺꦴ ꦭꦺꦴꦏꦺ ꦈꦥ꧀ꦥꦗ꧀ꦗꦠꦶ ꦄꦫꦲꦁ ꦱꦩ꧀ꦩꦴꦱꦩ꧀ꦧꦸꦢ꧀ꦣꦺꦴ ꦮꦶꦗ꧀ꦗꦴꦕꦫꦟꦱꦩ꧀ꦥꦤ꧀ꦤꦺꦴ ꦱꦸꦒꦠꦺꦴ ꦭꦺꦴꦏꦮꦶꦢꦹ ꦄꦤꦸꦠ꧀ꦠꦫꦺꦴꦥꦸꦫꦶꦱ ꦢꦩ꧀ꦩꦱꦴꦫꦡꦶ ꦱꦠ꧀ꦡꦴꦢꦺꦮꦩꦤꦸꦱ꧀ꦱꦴꦤꦁ ꦧꦸꦢ꧀ꦣꦺꦴ ꦨꦒꦮꦴ, ꦱꦺꦴ ꦄꦤꦺꦏꦥꦫꦶꦪꦴꦪꦺꦤ ꦥꦴꦟꦴꦠꦶꦥꦴꦠꦁ ꦒꦫꦲꦠꦶ ꦮꦶꦒꦫꦲꦠꦶ. ‘‘ꦥꦴꦟꦴꦠꦶꦥꦴꦠꦴ ꦮꦶꦫꦩꦡꦴ’’ꦠꦶ ꦕꦴꦲꦴꦠꦶ ꦌꦮꦩꦴꦢꦶꦤꦴ ꦨꦤ꧀ꦠꦺ ꦨꦒꦮꦠꦴ ꦠꦠ꧀ꦡ ꦪꦡꦴꦣꦩ꧀ꦩꦱꦴꦱꦤꦺ ꦒꦸꦟꦺꦴ ꦮꦶꦠ꧀ꦡꦴꦫꦺꦠ꧀ꦮꦴ ꦥꦏꦴꦱꦶꦠꦺꦴ.

ꦨꦢ꧀ꦫꦏꦱꦸꦠ꧀ꦠ

ꦥꦸꦕ꧀ꦖꦴ – ꦠꦠ꧀ꦡꦺꦮ ꦄꦴꦮꦸꦱꦺꦴ ꦥꦺꦴꦫꦴꦟꦏꦺꦲꦶ ꦣꦩ꧀ꦩꦱꦁꦒꦴꦲꦏꦩꦲꦴꦡꦺꦫꦺꦲꦶ ꦌꦏꦴꦢꦱꦩꦁ ꦱꦁꦒꦷꦠꦁ ꦨꦢ꧀ꦫꦏꦱꦸꦠ꧀ꦠꦁ ꦨꦒꦮꦠꦴ ꦏꦠ꧀ꦡ ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦏꦡꦚ꧀ꦕ ꦨꦴꦱꦶꦠꦁ.

ꦮꦶꦱ꧀ꦱꦗ꧀ꦗꦤꦴ – ꦩꦭ꧀ꦭꦺꦱꦸ ꦨꦤ꧀ꦠꦺ ꦈꦫꦸꦮꦺꦭꦏꦥ꧀ꦥꦺꦤꦴꦩ ꦩꦭ꧀ꦭꦴꦤꦁ ꦤꦶꦒꦩꦺ ꦨꦢ꧀ꦫꦏꦁ ꦒꦴꦩꦟꦶꦁ ꦄꦴꦫꦧ꧀ꦨ ꦨꦴꦱꦶꦠꦁ. ꦨꦢ꧀ꦫꦏꦺꦴ ꦨꦤ꧀ꦠꦺ ꦒꦴꦩꦟꦶ ꦨꦒꦮꦤ꧀ꦠꦁ ꦌꦠꦢꦮꦺꦴꦕ ‘‘ꦱꦴꦣꦸ ꦩꦺ ꦨꦤ꧀ꦠꦺ ꦨꦒꦮꦴ ꦢꦸꦏ꧀ꦑꦱ꧀ꦱ ꦱꦩꦸꦢꦪꦚ꧀ꦕ ꦄꦠ꧀ꦡꦔ꧀ꦒꦩꦚ꧀ꦕ ꦢꦺꦱꦺꦠꦹ’’ꦠꦶ. ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ‘‘ꦄꦲꦚ꧀ꦕꦺ ꦠꦺ ꦒꦴꦩꦟꦶ ꦄꦠꦷꦠꦩꦢ꧀ꦣꦴꦤꦁ ꦄꦴꦫꦧ꧀ꦨ ꦢꦸꦏ꧀ꦑꦱ꧀ꦱ ꦱꦩꦸꦢꦪꦚ꧀ꦕ ꦄꦠ꧀ꦡꦔ꧀ꦒꦩꦚ꧀ꦕ ꦢꦺꦱꦺꦪ꧀ꦪꦁ ‘ꦌꦮꦁ ꦄꦲꦺꦴꦱꦶ ꦄꦠꦷꦠꦩꦢ꧀ꦣꦴꦤ’ꦤ꧀ꦠꦶ. ꦠꦠ꧀ꦫ ꦠꦺ ꦱꦶꦪꦴ ꦏꦔ꧀ꦑꦴ ꦱꦶꦪꦴ ꦮꦶꦩꦠꦷ’’ꦠꦶ ꦌꦮꦩꦴꦢꦶꦤꦴ ꦨꦒꦮꦠꦴ ꦨꦴꦱꦶꦠꦁ.

ꦱꦴꦣꦸ ꦩꦺ ꦨꦤ꧀ꦠꦺ ꦨꦒꦮꦴ ꦢꦸꦏ꧀ꦑꦱ꧀ꦱ

ꦱꦩꦸꦢꦪꦚ꧀ꦕ ꦄꦠ꧀ꦡꦔ꧀ꦒꦩꦚ꧀ꦕ ꦢꦺꦱꦺꦠꦸ–

‘‘ꦠꦁ ꦏꦶꦁ ꦩꦚ꧀ꦚꦱꦶ ꦒꦴꦩꦟꦶ, ꦄꦠ꧀ꦡꦶ ꦈꦫꦸꦮꦺꦭꦏꦥ꧀ꦥꦺ ꦩꦤꦸꦱ꧀ꦱꦴ’’ –

ꦫꦴꦱꦶꦪꦱꦸꦠ꧀ꦠ

ꦥꦸꦕ꧀ꦖꦴ – ꦠꦺꦤꦴꦮꦸꦱꦺꦴ ꦨꦒꦮꦠꦴ…ꦥꦺ… ꦱꦩ꧀ꦩꦴꦱꦩ꧀ꦧꦸꦢ꧀ꦣꦺꦤ ꦒꦴꦩꦟꦶꦱꦁꦪꦸꦠ꧀ꦠꦺ ꦢ꧀ꦮꦴꦢꦱꦩꦁ ꦱꦁꦒꦷꦠꦁ ꦫꦴꦱꦶꦪꦱꦸꦠ꧀ꦠꦁ ꦏꦠ꧀ꦡ ꦏꦁ ꦄꦴꦫꦧ꧀ꦨ ꦏꦶꦱ꧀ꦩꦶꦁ ꦮꦠ꧀ꦡꦸꦱ꧀ꦩꦶꦁ ꦏꦡꦚ꧀ꦕ ꦨꦴꦱꦶꦠꦁ.

ꦮꦶꦱ꧀ꦱꦗ꧀ꦗꦤꦴ – ꦩꦭ꧀ꦭꦺꦱꦸ ꦨꦤ꧀ꦠꦺ ꦈꦫꦸꦮꦺꦭꦏꦥ꧀ꦥꦺꦤꦴꦩ ꦩꦭ꧀ꦭꦴꦤꦁ ꦤꦶꦒꦩꦺ ꦫꦴꦱꦶꦪꦁ ꦒꦴꦩꦟꦶꦁ ꦄꦴꦫꦧ꧀ꦨ ꦨꦴꦱꦶꦠꦁ. ꦫꦴꦱꦶꦪꦺꦴ ꦨꦤ꧀ꦠꦺ ꦒꦴꦩꦟꦶ ꦨꦒꦮꦤ꧀ꦠꦁ ꦈꦥꦱꦔ꧀ꦏꦩꦶꦠ꧀ꦮꦴ ꦌꦠꦢꦢꦺꦴꦕ ‘‘ꦱꦸꦠꦁ ꦩꦺ ꦨꦤ꧀ꦠꦺ ‘ꦱꦩꦟꦺꦴ ꦒꦺꦴꦠꦩꦺꦴ ꦱꦧ꧀ꦧꦁ ꦠꦥꦁ ꦒꦫꦲꦠꦶ, ꦱꦧ꧀ꦧꦁ ꦠꦩꦱ꧀ꦱꦶꦁ ꦭꦹꦑꦗꦷꦮꦶꦁ ꦌꦏꦁꦱꦺꦤ ꦈꦥꦮꦢꦠꦶ ꦈꦥꦏ꧀ꦏꦺꦴꦱꦠꦷ’’ꦠꦶ. ꦪꦺ ꦠꦺ ꦨꦤ꧀ꦠꦺ ꦌꦮꦩꦴꦲꦁꦱꦸ ‘ꦱꦩꦟꦺꦴ ꦒꦺꦴꦠꦩꦺꦴ ꦱꦧ꧀ꦧꦁ ꦠꦥꦁ ꦒꦫꦲꦠꦶ, ꦱꦧ꧀ꦧꦁ ꦠꦥꦱ꧀ꦱꦶꦁ ꦭꦹꦑꦗꦷꦮꦶꦁ ꦌꦏꦁꦱꦺꦤ ꦈꦥꦮꦢꦠꦶ ꦈꦥꦏ꧀ꦏꦺꦴꦱꦠꦷ’’ꦠꦶ. ꦏꦕ꧀ꦕꦶ ꦠꦺ ꦨꦤ꧀ꦠꦺ ꦨꦒꦮꦠꦺꦴ ꦮꦸꦠ꧀ꦠꦮꦴꦢꦶꦤꦺꦴ, ꦤ ꦕ ꦨꦒꦮꦤ꧀ꦠꦁ ꦄꦨꦹꦠꦺꦤ ꦄꦧ꧀ꦨꦴꦕꦶꦏ꧀ꦑꦤ꧀ꦠꦶ, ꦣꦩ꧀ꦩꦱ꧀ꦱ ꦕꦴꦤꦸꦣꦩ꧀ꦩꦁ ꦧ꧀ꦪꦴꦏꦫꦺꦴꦤ꧀ꦠꦷ’’ꦠꦶ. ꦠꦱ꧀ꦩꦶꦁ ꦨꦤ꧀ꦠꦺ ꦮꦠ꧀ꦡꦸꦱ꧀ꦩꦶꦁ ꦪꦺ ꦠꦺ ꦒꦴꦩꦟꦶ ꦌꦮꦩꦴꦲꦁꦱꦸ ‘‘ꦱꦩꦟꦺꦴ ꦒꦺꦴꦠꦩꦺꦴ ꦱꦧ꧀ꦧꦁ ꦠꦥꦁ ꦒꦫꦲꦠꦶ, ꦱꦧ꧀ꦧꦁ ꦠꦥꦱ꧀ꦱꦶꦁ ꦭꦹꦑꦗꦷꦮꦶꦁ ꦌꦏꦁꦱꦺꦤ ꦈꦥꦮꦢꦠꦶ ꦈꦥꦏ꧀ꦏꦺꦴꦱꦠꦷ’’ꦠꦶ ꦌꦮꦩꦴꦢꦶꦤꦴ ꦨꦒꦮꦠꦴ ꦨꦴꦱꦶꦠꦁ.

ꦥꦸꦕ꧀ꦖꦴ – ꦏꦡꦚ꧀ꦕꦴꦮꦸꦱꦺꦴ ꦠꦠ꧀ꦡ ꦨꦒꦮꦠꦴ ꦒꦫꦲꦶꦠꦧ꧀ꦧꦴꦒꦫꦲꦶꦠꦧ꧀ꦧꦴ ꦏꦴꦩꦨꦺꦴꦒꦶꦤꦺꦴ ꦮꦶꦠ꧀ꦡꦴꦫꦺꦤ ꦮꦶꦨꦗꦶꦠ꧀ꦮꦴ ꦥꦏꦴꦱꦶꦠꦴ.

ꦮꦶꦱ꧀ꦱꦗ꧀ꦗꦤꦴ – ꦠꦪꦺꦴ ꦑꦺꦴ ꦩꦺ ꦒꦴꦩꦟꦶ ꦏꦴꦩꦨꦺꦴꦒꦶꦤꦺꦴ ꦱꦤ꧀ꦠꦺꦴ ꦱꦁꦮꦶꦗ꧀ꦗꦩꦴꦤꦴ ꦭꦺꦴꦏꦱ꧀ꦩꦶꦁ. ꦏꦠꦩꦺ ꦠꦪꦺꦴ. ꦆꦣ ꦒꦴꦩꦟꦶ ꦌꦏꦕ꧀ꦕꦺꦴ ꦏꦴꦩꦨꦺꦴꦒꦷ ꦄꦣꦩ꧀ꦩꦺꦤ ꦨꦺꦴꦒꦺ ꦥꦫꦶꦪꦺꦱꦠꦶ ꦱꦴꦲꦱꦺꦤ, ꦄꦣꦩ꧀ꦩꦺꦤ ꦨꦺꦴꦒꦺ ꦥꦫꦶꦪꦺꦱꦶꦠ꧀ꦮꦴ ꦱꦴꦲꦱꦺꦤ ꦤ ꦄꦠ꧀ꦠꦴꦤꦁ ꦱꦸꦑꦺꦠꦶ ꦤ ꦥꦷꦟꦺꦠꦶ, ꦤ ꦱꦁꦮꦶꦨꦗꦠꦶ ꦤ ꦥꦸꦚ꧀ꦚꦴꦤꦶ ꦏꦫꦺꦴꦠꦷꦠꦶ ꦌꦮꦩꦴꦢꦶꦤꦴ ꦨꦤ꧀ꦠꦺ ꦠꦠ꧀ꦡ ꦨꦒꦮꦠꦴ ꦒꦫꦲꦶꦠꦧ꧀ꦧꦴꦒꦫꦲꦶꦠꦧ꧀ꦧꦴ ꦏꦴꦩꦨꦺꦴꦒꦶꦤꦺꦴ ꦮꦶꦠ꧀ꦡꦴꦫꦺꦤ ꦮꦶꦨꦗꦶꦠ꧀ꦮꦴ ꦥꦏꦴꦱꦶꦠꦴ.

ꦥꦸꦕ꧀ꦖꦴ – ꦏꦡꦚ꧀ꦕꦴꦮꦸꦱꦺꦴ ꦠꦠ꧀ꦡ ꦨꦒꦮꦠꦴ ꦒꦫꦲꦶꦠꦧ꧀ꦧꦴꦒꦫꦲꦶꦠꦧ꧀ꦧꦴ ꦠꦥꦱ꧀ꦱꦶꦤꦺꦴ ꦭꦹꦑꦗꦷꦮꦶꦤꦺꦴ ꦮꦶꦠ꧀ꦡꦴꦫꦺꦤ ꦮꦶꦨꦗꦶꦠ꧀ꦮꦴ ꦥꦏꦴꦱꦶꦠꦴ.

ꦮꦶꦱ꧀ꦱꦗ꧀ꦗꦤꦴ – ꦠꦪꦺꦴ ꦩꦺ ꦒꦴꦩꦟꦶ ꦠꦥꦱ꧀ꦱꦶꦤꦺꦴ ꦭꦹꦑꦗꦷꦮꦶꦤꦺꦴ ꦱꦤ꧀ꦠꦺꦴ ꦱꦁꦮꦶꦗ꧀ꦗꦩꦴꦤꦴ ꦭꦺꦴꦏꦱ꧀ꦩꦶꦁ. ꦏꦠꦩꦺ ꦠꦪꦺꦴ. ꦆꦣ ꦒꦴꦩꦟꦷ ꦌꦏꦕ꧀ꦕꦺꦴ ꦠꦥꦱ꧀ꦱꦷ ꦭꦹꦑꦗꦷꦮꦷ ꦱꦢ꧀ꦣꦴ ꦄꦒꦴꦫꦱ꧀ꦩꦴ ꦄꦤꦒꦴꦫꦶꦪꦁ ꦥꦧ꧀ꦧꦗꦶꦠꦺꦴ ꦲꦺꦴꦠꦶ ‘‘ꦄꦥ꧀ꦥꦺꦮ ꦤꦴꦩ ꦏꦸꦱꦭꦁ ꦣꦩ꧀ꦩꦁ ꦄꦣꦶꦒꦕ꧀ꦖꦺꦪ꧀ꦪꦁ, ꦄꦥ꧀ꦥꦺꦮ ꦤꦴꦩ ꦈꦠ꧀ꦠꦫꦶꦩꦤꦸꦱ꧀ꦱꦣꦩ꧀ꦩꦴ ꦄꦭꦩꦫꦶꦪꦚꦴꦟꦢꦱ꧀ꦱꦤꦮꦶꦱꦺꦱꦁ ꦱꦕ꧀ꦖꦶꦏꦫꦺꦪ꧀ꦪ’’ꦤ꧀ꦠꦶ, ꦱꦺꦴ ꦄꦠ꧀ꦠꦴꦤꦁ ꦄꦴꦠꦴꦥꦺꦠꦶ ꦥꦫꦶꦠꦴꦥꦺꦠꦶ, ꦏꦸꦱꦭꦚ꧀ꦕ ꦣꦩ꧀ꦩꦁ ꦤꦴꦣꦶꦒꦕ꧀ꦖꦠꦶ, ꦈꦠ꧀ꦠꦫꦶ ꦕ ꦩꦤꦸꦱ꧀ꦱꦣꦩ꧀ꦩꦴ ꦄꦭꦩꦫꦶꦪꦚꦴꦟꦢꦱ꧀ꦱꦤꦮꦶꦱꦺꦱꦁ ꦤ ꦱꦕ꧀ꦖꦶꦏꦫꦺꦴꦠꦷꦠꦶ ꦌꦮꦩꦴꦢꦶꦤꦴ ꦨꦤ꧀ꦠꦺ ꦠꦠ꧀ꦡ ꦨꦒꦮꦠꦴ ꦒꦫꦲꦶꦠꦧ꧀ꦧꦴꦒꦫꦲꦶꦠꦧ꧀ꦧꦴ ꦠꦥꦱ꧀ꦱꦶꦤꦺꦴ ꦭꦹꦑꦗꦷꦮꦶꦤꦺꦴ ꦮꦶꦠ꧀ꦡꦴꦫꦺꦤ ꦮꦶꦨꦗꦶꦠ꧀ꦮꦴ ꦥꦏꦴꦱꦶꦠꦴ.