꧙. ꦥꦚ꧀ꦲꦺ

ꦥꦕ꧀ꦖꦶꦩꦁ ꦥꦕ꧀ꦖꦶꦩꦁ ꦥꦢꦤ꧀ꦠꦶꦄꦴꦢꦷꦱꦸ ꦥꦚ꧀ꦲꦺꦴꦠꦶ ꦥꦸꦫꦶꦩꦁ ꦥꦢꦁ, ꦱꦩ꧀ꦥꦸꦕ꧀ꦖꦤꦴꦠꦶ ꦥꦕ꧀ꦖꦶꦩꦁ ꦥꦢꦤ꧀ꦠꦶꦄꦴꦢꦶꦤꦴ ꦢꦛ꧀ꦜꦧ꧀ꦧꦁ. ꦱꦩꦺꦕ꧀ꦕ ꦄꦚ꧀ꦚꦩꦚ꧀ꦚꦁ ꦥꦸꦕ꧀ꦖꦤꦴ ꦱꦩ꧀ꦥꦸꦕ꧀ꦖꦤꦴ, ꦪꦴꦕꦤꦁ ꦢꦺꦲꦷ ꦠ꧀ꦪꦴꦢꦶꦤꦴ ꦪꦴꦕꦤꦩꦠ꧀ꦡꦁ, ꦆꦛ꧀ꦜꦱ꧀ꦱꦴꦱꦩ꧀ꦥꦠ꧀ꦠꦱ꧀ꦱꦴꦠ꧀ꦡꦤꦩꦶꦛ꧀ꦜꦴꦱꦶꦁꦱꦤꦁ. ꦥꦠ꧀ꦠꦏꦴꦭꦮꦱꦺꦤ ꦕ ꦮꦶꦱꦪꦨꦺꦢꦺꦤ ꦨꦶꦤ꧀ꦤꦴꦪ ꦥꦷꦠꦶ ꦪꦺꦴꦗꦺꦠ꧀ꦮꦴ ꦄꦠ꧀ꦡꦺꦴ ꦢꦛ꧀ꦜꦧ꧀ꦧꦺꦴ. ꦥꦠ꧀ꦠꦏꦴꦭꦁ ꦢꦱ꧀ꦱꦺꦠꦶ ꦤꦶꦩꦶꦠ꧀ꦠꦨꦹꦠꦱ꧀ꦱꦴꦠꦶꦄꦴꦢꦶꦤꦴ. ꦤꦶꦩꦶꦠ꧀ꦠꦨꦹꦠꦱ꧀ꦱꦴꦠꦶ ꦠꦁꦠꦁꦏꦶꦕ꧀ꦕꦱꦩ꧀ꦥꦗ꧀ꦗꦤꦺ ꦏꦴꦫꦟꦨꦹꦠꦱ꧀ꦱ. ꦮꦶꦣꦶ ꦤꦴꦩ ꦢꦶꦛ꧀ꦜꦣꦩ꧀ꦩꦶꦏꦱꦩ꧀ꦥꦫꦴꦪꦶꦏ ꦤꦶꦩꦤ꧀ꦠꦟꦴꦩꦤ꧀ꦠꦟꦴꦗ꧀ꦙꦺꦱꦤꦥꦺꦱꦤꦴꦤꦶ. ꦌꦠ꧀ꦡ ꦕ ꦄꦤꦸꦚ꧀ꦚꦴꦥꦠ꧀ꦠꦏꦴꦭꦺꦱꦸ ꦕ ꦥꦚ꧀ꦕꦩꦷ ꦮꦶꦲꦶꦠꦴ ꦥꦫꦺꦲꦶ, ꦢꦶꦛ꧀ꦜꦣꦩ꧀ꦩꦶꦏꦴꦢꦷꦱꦸ ꦥꦚ꧀ꦕꦱꦸ ꦱꦠ꧀ꦠꦩꦷ. ꦆꦣ ꦥꦤ ꦠꦺ ꦢ꧀ꦮꦺꦥꦶ ꦮꦶꦣꦶꦮꦶꦱꦺꦱꦴꦪꦺꦮꦴꦠꦶ ꦮꦶꦣꦶꦩ꧀ꦲꦶ ꦄꦤ꧀ꦠꦺꦴꦏꦫꦶꦠ꧀ꦮꦴ ꦌꦪ꧀ꦪꦴꦢꦶꦁ ꦮꦶꦣꦴꦠꦸꦁ ꦪꦁ ꦮꦸꦠ꧀ꦠꦁ ꦮꦸꦠ꧀ꦠꦶꦏꦴꦫꦺꦤ, ꦠꦢꦶꦢꦴꦤꦶ ꦮꦠ꧀ꦠꦸꦏꦴꦩꦺꦴ ꦄꦴꦲ- ‘ꦄꦤꦸꦚ꧀ꦚꦴꦥꦠ꧀ꦠꦏꦴꦭꦺꦱꦸꦥꦶ’ꦕ꧀ꦕꦴꦢꦶ. ꦮꦶꦣꦶꦥ꧀ꦥꦠꦷꦠꦶꦩꦺꦮ ꦥꦏꦴꦱꦺꦠꦶ ‘ꦌꦮꦁ ꦏꦫꦺꦪ꧀ꦪꦴꦱꦷ’’ꦠꦶꦕ꧀ꦕꦴꦢꦶꦤꦴ. ꦄꦤꦸꦗꦴꦤꦤ꧀ꦠꦺꦴꦥꦶ ꦢꦷꦥꦺꦤ꧀ꦠꦺꦴꦥꦶ ꦏꦶꦫꦶꦪꦴꦱꦸ ꦧ꧀ꦪꦴꦥꦴꦫꦺꦠꦶꦪꦺꦮꦴꦠꦶ ꦧ꧀ꦪꦴꦥꦴꦫꦟꦩ꧀ꦥꦠꦷꦠꦶꦠꦺꦴꦠꦶ ꦪꦺꦴꦗꦺꦠ꧀ꦮꦴ ꦄꦠ꧀ꦡꦺꦴ ꦮꦺꦢꦶꦠꦧ꧀ꦧꦺꦴ.

ꦥꦺꦱꦤꦺꦥꦶ ꦏꦺꦱꦚ꧀ꦕꦶ ꦧ꧀ꦪꦴꦏꦫꦟꦚ꧀ꦚꦹꦤꦁ ꦱꦠ꧀ꦠꦩꦷꦮꦶꦣꦶꦕ꧀ꦖꦶꦠꦺꦴꦠꦶꦮꦸꦠ꧀ꦠꦶꦏꦴꦫꦺꦤ ꦪꦁ ꦮꦸꦠ꧀ꦠꦁ, ꦠꦁ ꦢꦴꦤꦶ ꦮꦠ꧀ꦠꦸꦩꦴꦲ- ‘ꦥꦺꦱꦤꦺ ꦥꦶ’ꦕ꧀ꦕꦴꦢꦶ. ꦱꦩꦹꦭꦠꦤ꧀ꦠꦶ ꦏꦺꦱꦚ꧀ꦕꦶ ꦱꦢ꧀ꦢꦶꦏꦴꦤꦁ ꦱꦠ꧀ꦠꦩꦷꦮꦶꦣꦶꦮꦶꦣꦴꦤꦩꦹꦭꦺꦤ ꦱꦩꦹꦭꦠꦁ. ‘‘ꦄꦤꦸꦩꦠꦶꦥꦫꦶꦏꦥ꧀ꦥꦠ꧀ꦡꦺꦱꦸ ꦱꦠ꧀ꦠꦩꦷ’’ꦠꦶ (꧓-꧑-꧑꧑) ꦏꦕ꧀ꦕꦴꦤꦱꦸꦠ꧀ꦠꦁ. ꦏꦠ꧀ꦠꦸꦩꦶꦕ꧀ꦖꦠꦺꦴ ꦥꦫꦱ꧀ꦱ ꦄꦤꦸꦗꦴꦤꦤꦁ ꦄꦤꦸꦩꦠꦶ, ꦥꦫꦶꦏꦥ꧀ꦥꦤꦁ ꦱꦭ꧀ꦭꦏ꧀ꦑꦟꦁ ꦤꦶꦫꦹꦥꦤꦁ ꦥꦫꦶꦏꦥ꧀ꦥꦺꦴ ꦲꦺꦠꦸꦦꦭꦏꦶꦫꦶꦪꦴ ꦱꦩ꧀ꦨꦮꦺꦴ ꦕ, ꦠꦱ꧀ꦩꦶꦁ ꦄꦤꦸꦩꦠ꧀ꦪꦠ꧀ꦡꦺ ꦕ ꦥꦫꦶꦏꦥ꧀ꦥꦠ꧀ꦡꦺ ꦕ ꦱꦠ꧀ꦠꦩꦷꦮꦶꦨꦠ꧀ꦠꦶ ꦲꦺꦴꦠꦷꦠꦶ ꦄꦠ꧀ꦡꦺꦴ. ꦄꦠ꧀ꦡꦒ꧀ꦒꦲꦟꦺꦤ ꦮꦶꦣꦶꦤꦶꦩꦤ꧀ꦠꦟꦴꦩꦤ꧀ꦠꦟꦴꦗ꧀ꦙꦺꦱꦤ ꦥꦠ꧀ꦡꦤꦴꦥꦠ꧀ꦠꦏꦴꦭꦺꦱꦸ ꦕ.