꧕꧗. ꦏꦠ꧀ꦠ

ꦤꦤꦸꦕꦴꦫꦩ꧀ꦨꦺꦠꦶ ꦮꦸꦠ꧀ꦠꦁ- ‘ꦏꦶꦫꦶꦪꦴꦫꦩ꧀ꦨꦺ’ꦠꦶ ꦏꦡꦤ꧀ꦠꦶ ꦄꦴꦲ- ‘ꦱꦺꦴꦕꦺ’ꦕ꧀ꦕꦴꦢꦶ. ꦱꦺꦴ ꦕ ꦄꦴꦫꦩ꧀ꦨꦺꦴ. ꦏꦶꦫꦶꦪꦴꦪꦺꦮ ꦄꦴꦫꦩ꧀ꦨꦺꦴꦏꦶꦫꦶꦪꦴꦫꦩ꧀ꦨꦺꦴ ꦠꦱ꧀ꦩꦶꦁ. ꦏꦶꦫꦶꦪꦴꦫꦩ꧀ꦨꦺꦠꦶ ꦱꦴꦩꦚ꧀ꦚꦺꦤ ꦮꦸꦠ꧀ꦠꦠ꧀ꦠꦴ ꦏꦶꦫꦶꦪꦠ꧀ꦡꦮꦶꦱꦺꦱꦤꦁ ꦮꦴ ꦌꦠꦁꦱꦶꦪꦴ ꦥꦕ꧀ꦕꦪꦠ꧀ꦡꦮꦶꦱꦺꦱꦤꦁ ꦮꦴ ꦈꦨꦪꦡꦴꦥꦶ ꦤ ꦢꦺꦴꦱꦺꦴꦠꦶ ꦢꦱ꧀ꦱꦺꦠꦸꦩꦴꦲ- ‘ꦏꦶꦫꦶꦪꦠ꧀ꦡꦮꦶꦱꦺꦱꦤꦁ ꦕꦺꦠ’ꦤ꧀ꦠꦶꦄꦴꦢꦶ. ꦥꦕ꧀ꦕꦪꦠ꧀ꦡꦮꦶꦱꦺꦱꦤꦥꦏ꧀ꦑꦺꦥꦶ ꦱꦴꦩꦠ꧀ꦡꦶꦪꦴ ꦄꦴꦫꦩ꧀ꦨꦺ ꦏꦶꦫꦶꦪꦠ꧀ꦡꦱ꧀ꦱꦴꦥꦶ ꦥꦮꦠ꧀ꦠꦷ ꦲꦺꦴꦠꦷꦠꦶ ꦢꦱ꧀ꦱꦺꦠꦸꦩꦴꦲ- ‘ꦏꦶꦫꦶꦪꦠ꧀ꦡꦱ꧀ꦱꦴꦥꦶ’ꦕ꧀ꦕꦴꦢꦶ. ꦱꦴꦩꦠ꧀ꦡꦶꦪꦁ ꦢꦱ꧀ꦱꦺꦠꦶ ‘ꦱꦴꦩꦠ꧀ꦡꦶꦪꦩ꧀ꦥꦤꦴ’ꦠꦶꦄꦴꦢꦶꦤꦴ. ꦄꦤꦤ꧀ꦠꦫꦱꦸꦠ꧀ꦠꦺꦤ ꦪꦺꦴ ꦮꦶꦲꦶꦠꦺꦴ ꦏ꧀ꦠꦺꦴ, ꦱꦺꦴꦥꦶ ꦱꦴꦩꦚ꧀ꦚꦺꦤ ꦮꦕꦤꦠꦺꦴ ꦨꦴꦮꦏꦩ꧀ꦩꦺꦱꦸ ꦄꦴꦫꦩ꧀ꦨꦺꦥꦶ ꦲꦺꦴꦠꦷꦠꦶ ꦪꦺꦴꦗꦤꦴ. ꦱꦴꦩꦚ꧀ꦚꦺꦤ ꦮꦕꦤꦠꦺꦴꦠꦶ ‘‘ꦏ꧀ꦠꦺꦴ ꦨꦴꦮꦏꦩ꧀ꦩꦺꦱꦹ’’ꦠꦶ (꧕-꧕꧖) ꦱꦴꦩꦚ꧀ꦚꦺꦤ ꦮꦕꦤꦠꦺꦴ. ꦨꦴꦮꦏꦩ꧀ꦩꦺꦱꦸꦕꦺꦠꦶ ꦌꦮꦁ ꦤ ꦮꦸꦠ꧀ꦠꦤ꧀ꦠꦶ ‘ꦪꦡꦴꦥꦠ꧀ꦠꦚ꧀ꦕꦺ’ꦠꦶ ꦮꦢꦠꦴ ꦮꦸꦠ꧀ꦠꦶꦏꦴꦫꦺꦤꦺꦮꦁ ꦤ ꦮꦸꦠ꧀ꦠꦤ꧀ꦠꦶ ꦄꦠ꧀ꦡꦺꦴ.

ꦏꦱ꧀ꦩꦴ ꦌꦮꦁ ꦤ ꦮꦸꦠ꧀ꦠꦤ꧀ꦠꦶ ꦄꦴꦲ- ‘ꦥꦸꦧ꧀ꦧꦱ꧀ꦩꦶꦁ ꦮꦶꦪꦴ’ꦠꦶ ꦄꦴꦢꦶ. ꦄꦤꦶꦪꦩꦸꦥ꧀ꦥꦠ꧀ꦠꦶ ꦱꦚ꧀ꦚꦴꦪ ꦱꦠꦶ ꦚꦴꦥꦤꦤ꧀ꦠꦶ ꦠꦤ꧀ꦤꦶꦱꦺꦣꦺꦠꦸꦩꦴꦲ- ‘ꦥꦸꦤꦧ꧀ꦧꦕꦤꦠꦺꦴ’ꦠꦶꦄꦴꦢꦶ. ꦩꦴꦱꦔ꧀ꦏꦷꦠꦶ ꦏꦩ꧀ꦩꦤꦶ, ꦠꦺꦤꦺꦮꦸꦥ꧀ꦥꦠ꧀ꦠꦷꦠꦶ ꦥꦜꦩꦴ. ꦌꦮꦁ ꦩꦚ꧀ꦚꦠꦺ ‘‘ꦨꦴꦮꦏꦩ꧀ꦩ ꦒꦲꦟꦁ ꦕꦴꦏꦴꦫꦺꦤꦴꦤꦸꦏꦝ꧀ꦞꦶꦪ ‘ꦨꦴꦮꦏꦩ꧀ꦩꦺꦱꦸ ꦕꦴ’ꦠ꧀ꦪꦤꦺꦤ ꦏ꧀ꦠꦺꦮꦶꦣꦷꦪ ꦩꦴꦤꦺ ꦆꦢꦩꦴꦱꦔ꧀ꦏꦷꦪꦠꦺ ‘ꦥꦸꦧ꧀ꦧꦺꦤꦺꦮ ꦱꦴꦩꦚ꧀ꦚꦺꦤ ꦱꦶꦢ꧀ꦣꦺ ꦥꦸꦤꦧ꧀ꦧꦕꦤꦴ [ꦥꦸꦤꦧ꧀ꦧꦕꦤꦁ] ꦏꦶꦫꦶꦪꦠ꧀ꦡꦴꦤꦶꦪꦩꦺꦤ ꦠ꧀ꦠꦱ꧀ꦱꦸꦥ꧀ꦥꦠ꧀ꦠꦷ’ꦠꦶ, ꦪꦡꦴꦥꦠ꧀ꦠꦚ꧀ꦕꦺꦠꦶ ꦲ꧀ꦪꦸꦕ꧀ꦕꦩꦴꦤꦺ ꦕꦏꦴꦫꦺꦤ ꦪꦡꦴꦥꦠ꧀ꦠꦩ꧀ꦥꦶ ꦏꦴꦫꦶꦪꦩꦤꦸꦚ꧀ꦚꦴꦪꦠꦺꦠꦶ ꦥꦸꦧ꧀ꦧꦺꦤꦺꦮ ꦮꦕꦤꦺꦤ ꦨꦴꦮꦏꦩ꧀ꦩꦺꦱ꧀ꦮꦴꦫꦩ꧀ꦨꦺꦥꦶ ꦪꦡꦴꦥꦠ꧀ꦠꦺꦴ ꦏ꧀ꦠꦺꦴ ꦨꦮꦠꦷꦠꦶ ꦮꦶꦚ꧀ꦚꦴꦪꦠꦺ’’ꦠꦶ. ꦌꦮꦚ꧀ꦕꦫꦲꦶ ꦨꦴꦮꦏꦩ꧀ꦩꦺꦱ꧀ꦮꦴꦫꦩ꧀ꦨꦺꦥꦶ ꦥꦸꦧ꧀ꦧꦺꦤꦺꦮ ꦱꦶꦢ꧀ꦣꦠ꧀ꦠꦴ ‘‘ꦏꦠ꧀ꦠꦫꦶꦄꦴꦫꦩ꧀ꦨꦺ’’ꦆꦕ꧀ꦕꦺꦮ ꦮꦸꦕ꧀ꦕꦺꦪ꧀ꦪ ꦏꦶꦁ ꦕꦏꦴꦫꦺꦤꦺ ꦕ꧀ꦕꦴꦱꦔ꧀ꦏꦶꦪꦴꦲ- ‘ꦥꦢꦴꦤꦩꦮꦣꦴꦫꦟ ꦦꦭꦠ꧀ꦠꦴ’ꦕ꧀ꦕꦴꦢꦶ.

ꦤꦤꦸꦕꦴꦢꦶꦨꦹꦠꦺꦴ ꦏꦶꦫꦶꦪꦴꦏ꧀ꦑꦟꦺꦴ ꦄꦴꦫꦩ꧀ꦨꦺꦴ ꦤꦴꦩ, ꦧꦲꦹꦲꦶ ꦏꦶꦫꦶꦪꦴꦏ꧀ꦑꦟꦺꦲꦶ ꦏꦛꦺ ꦥꦫꦶꦱꦩꦠ꧀ꦠꦺꦪꦺꦮ ꦨꦹꦠꦺꦴ ꦏꦴꦭꦺꦴ ꦕ ꦨꦮꦠꦷꦠꦶ ꦏꦶꦫꦶꦪꦴꦦꦭꦱ꧀ꦱꦴꦥꦫꦶꦤꦶꦥ꧀ꦦꦤ꧀ꦤꦠ꧀ꦠꦴ ꦮꦠ꧀ꦠꦩꦴꦤꦺꦴꦮ ꦏꦴꦭꦺꦴꦠꦶ ꦠꦠ꧀ꦫꦏ꧀ꦠꦺꦴ ꦤ ꦥꦥ꧀ꦥꦺꦴꦠꦶꦕ꧀ꦕꦴꦱꦔ꧀ꦏꦶꦪꦴꦲ- ‘ꦏꦶꦫꦶꦪꦴꦦꦭꦱ꧀ꦱꦶ’ꦕ꧀ꦕꦴꦢꦶ. ꦏꦛꦺꦏꦢꦺꦱꦱ꧀ꦱꦴꦥꦶ ꦏꦛꦠ꧀ꦠꦴ ꦠꦱ꧀ꦱ ꦕ ꦤꦶꦧ꧀ꦧꦠ꧀ꦠꦠ꧀ꦠꦴ ꦨꦹꦠꦮꦕꦤꦶꦕ꧀ꦖꦴꦠꦶ ꦨꦴꦮꦺꦴ. ꦤꦤꦸꦕꦴꦢꦶꦱꦹꦠꦺ ꦏꦶꦫꦶꦪꦴꦏ꧀ꦑꦟꦏꦴꦭꦺ ꦏꦛꦺꦴ ꦤꦴꦨꦶꦤꦶꦧ꧀ꦧꦠ꧀ꦠꦺꦴ, ꦏꦛꦏꦴꦫꦟꦨꦹꦠꦴ ꦧꦷꦫꦟꦴꦮ ꦲꦶ ꦠꦢꦴ ꦱꦤ꧀ꦠꦶ, ꦤ ꦕ ꦠꦢꦮꦠ꧀ꦡꦴ ꦠꦺ ꦌꦮ ꦏꦛꦺꦴꦠꦶ ꦏꦡꦁ ‘ꦥꦏꦠꦺꦴ ꦏꦛꦺꦴ’ꦠꦶ ꦨꦹꦠꦏꦴꦭꦺꦤ ꦥꦏꦠꦱꦢ꧀ꦢꦺꦤ ꦏꦛꦱꦢ꧀ꦢꦱꦩꦴꦤꦴꦣꦶꦏꦫꦟꦠ꧀ꦠꦩꦶꦕ꧀ꦕꦴꦲ- ‘ꦄꦴꦢꦶꦨꦹꦠꦺꦤꦺ’ꦕ꧀ꦕꦴꦢꦶ. ꦠꦠ꧀ꦡ ꦠꦱ꧀ꦩꦶꦁ ꦮꦶꦱꦺꦱꦺ. ꦥꦏꦠ꧀ꦠꦸꦁ ꦄꦴꦫꦨꦶ, ꦥꦏꦠ꧀ꦠꦸꦁ ꦄꦴꦫꦨꦷꦪꦶꦠ꧀ꦡ, ꦥꦱꦺꦴꦠ꧀ꦠꦸꦁ ꦄꦴꦫꦨꦶ, ꦥꦱꦺꦴꦠ꧀ꦠꦸꦁ ꦄꦴꦫꦨꦤꦤ꧀ꦠꦶ ꦄꦠ꧀ꦡꦺ ꦠ꧀ꦠꦺꦴ.