꧑. ꦟꦺꦴ ꦮꦴꦥꦕ꧀ꦕꦺ

ꦤꦤꦸ ꦕ ‘ꦟꦺꦴ ꦮꦴꦥꦕ꧀ꦕꦺ’ꦠꦶ ꦮꦕꦤꦠꦺꦴ ꦏꦡꦁ ꦥꦏꦠꦶꦮꦶꦱꦪꦴꦮꦒꦩꦺꦴ ꦱꦶꦪꦴ. ꦪꦡꦴꦏꦡꦚ꧀ꦕꦶ ꦥꦏꦠꦶꦮꦶꦱꦪꦴꦮꦒꦩꦺꦥꦶ ꦱꦴꦩꦚ꧀ꦚꦮꦕꦤꦠꦺꦴ ꦥꦤ ꦣꦩ꧀ꦩꦺꦤꦴꦥꦕ꧀ꦕꦤ꧀ꦠ꧀ꦪꦴꦢꦺꦴ ꦪꦠꦺꦴ ꦏꦸꦠꦺꦴꦕꦶ ꦣꦩ꧀ꦩꦺꦤꦶꦕ꧀ꦕꦴꦢꦶꦠꦺꦴꦥꦶ ꦱꦶꦪꦴ ꦟꦴ ꦢꦶꦥꦕ꧀ꦕꦪꦺꦴꦠ꧀ꦪꦴꦱꦔ꧀ꦏꦶꦪꦴꦲ ‘ꦄꦥꦕ꧀ꦕꦮꦠꦴ’ꦕ꧀ꦕꦴꦢꦶ. ꦄꦥꦕ꧀ꦕꦱ꧀ꦱꦴꦠꦶ ꦄꦥꦕ꧀ꦕꦠ꧀ꦡꦱ꧀ꦱ, ꦄꦥꦕ꧀ꦕꦮꦠꦴꦠꦶ ‘‘ꦟꦺꦴ ꦮꦴꦥꦕ꧀ꦕꦺ’’ꦠꦶ ꦮꦱꦶꦛ꧀ꦜꦴꦢ꧀ꦪꦠ꧀ꦡꦱ꧀ꦱꦺꦮ ꦥꦫꦶꦒ꧀ꦒꦲꦟꦴꦪ ꦱꦴꦩꦚ꧀ꦚꦮꦕꦤꦠꦺꦴ ꦪꦺꦴ ꦄꦥꦕ꧀ꦕꦮꦴ ꦠꦠꦺꦴ, ꦄꦠ꧀ꦡꦠꦺꦴ ꦥꦤ ꦄꦱꦩ꧀ꦨꦮꦴ ꦢꦧ꧀ꦧꦴꦕꦏꦱꦢ꧀ꦢꦴꦮ ꦱꦴꦩꦠ꧀ꦡꦶꦪꦺꦤ ꦖꦛ꧀ꦜꦶꦪꦤ꧀ꦠꦴ ꦱꦧ꧀ꦧꦭꦶꦔ꧀ꦒꦮꦕꦤꦴ ꦗꦴꦪꦠꦺꦠꦶ ꦮꦶꦚ꧀ꦚꦴꦠꦧ꧀ꦧꦁ. ꦣꦩ꧀ꦩꦱ꧀ꦩꦴꦥꦕ꧀ꦕꦁꦠ꧀ꦪꦴꦢꦷꦱꦸ ꦟꦴꦢꦶꦥ꧀ꦥꦕ꧀ꦕꦪꦺꦴ (ꦤ ꦗꦴꦪꦠꦺ) ꦠꦶ ꦱꦩ꧀ꦧꦤ꧀ꦣꦺꦴ.

ꦣꦩ꧀ꦩꦺꦤꦴꦠꦶ ꦣꦩ꧀ꦩꦺꦤ ꦏꦫꦟꦨꦹꦠꦺꦤ. ꦣꦩ꧀ꦩꦴꦪꦴꦠꦶ ꦣꦩ꧀ꦩꦠ꧀ꦡꦁ, ꦣꦩ꧀ꦩꦱ꧀ꦩꦴꦠꦶ ꦣꦩ꧀ꦩꦲꦺꦠꦸꦤꦴ, ꦠꦠꦺꦴ ꦄꦱꦩ꧀ꦨꦮꦺ ꦏꦴꦫꦟꦩꦴꦲ ‘ꦱꦴꦥꦺꦏ꧀ꦑꦠ꧀ꦠꦴ’ꦠꦶ. ꦱꦴꦥꦺꦏ꧀ꦑꦠ꧀ꦠꦩꦺꦮ ꦱꦩꦠ꧀ꦡꦺꦠꦶ ‘ꦄꦥꦕ꧀ꦕꦮꦴꦲꦶ’ꦕ꧀ꦕꦴꦢꦶꦤꦴ, ꦣꦩ꧀ꦩꦺꦤꦴꦥꦕ꧀ꦕꦁ ꦏꦱ꧀ꦱꦴꦠꦶ ꦥꦸꦕ꧀ꦖꦶꦠ꧀ꦮꦴ ꦢꦺꦮꦢꦠ꧀ꦠꦱ꧀ꦱꦴꦠꦶ ꦄꦥꦺꦏ꧀ꦑꦶꦪꦩꦴꦤꦁ ꦮꦢꦠꦶ. ꦢꦺꦮꦢꦠ꧀ꦠꦱ꧀ꦱꦴꦠꦶ ꦄꦥꦕ꧀ꦕꦮꦴ ꦢꦺꦮꦢꦠ꧀ꦠꦴꦢꦶ ꦄꦥꦺꦏ꧀ꦑꦷꦪꦠꦺꦠꦶ ꦱꦩ꧀ꦧꦤ꧀ꦣꦺꦴ, ꦲꦶꦱꦢ꧀ꦢꦺꦴ ꦲꦺꦠꦸꦩ꧀ꦲꦶ. ꦤ ꦲꦺꦠ꧀ꦡ ꦟꦴꦢꦶꦮꦸꦠ꧀ꦠꦶ ꦄꦚ꧀ꦚꦠ꧀ꦡ [ꦤꦲꦺꦠꦏꦴꦩꦤ꧀ꦠꦠ꧀ꦡ (ꦥꦺꦴꦠ꧀ꦡꦏꦺ)] ꦱꦴꦥꦺꦏ꧀ꦑꦠ꧀ꦠꦴ ꦏꦩ꧀ꦧꦭꦺꦴ ꦮꦱꦶꦛ꧀ꦜꦱ꧀ꦱꦴꦥꦕ꧀ꦕꦁ ꦢꦺꦮꦢꦠ꧀ꦠꦱ꧀ꦱꦴꦠꦶ ꦌꦠ꧀ꦡ ꦥꦤ ꦮꦱꦶꦛ꧀ꦜꦺꦴ-ꦥꦕ꧀ꦕꦮꦴꦠꦶ ꦠꦠꦺꦴ ꦖꦛ꧀ꦜꦶꦪꦤ꧀ꦠꦴ ꦲꦺꦴꦠꦶꦕ꧀ꦕꦴꦱꦔ꧀ꦏꦶꦪꦴꦲ- ‘ꦤ ꦕꦺ’ꦕ꧀ꦕꦴꦢꦶ. ꦤ ꦕ ꦲꦺꦴꦠꦷꦠꦶ ꦱꦩ꧀ꦧꦤ꧀ꦣꦺꦴ.

ꦏꦴꦫꦟꦩꦴꦲ- ‘ꦄꦱꦩ꧀ꦧꦤ꧀ꦣꦴ’ꦠꦶ. ꦤ ꦲꦺꦠ꧀ꦡ ꦱꦩ꧀ꦧꦤ꧀ꦣꦺꦴ ꦮꦱꦶꦛ꧀ꦜꦱ꧀ꦱ ꦏꦩ꧀ꦧꦭꦴꦥꦺꦏ꧀ꦑꦠ꧀ꦠꦺꦤ ꦄꦥꦕ꧀ꦕꦱ꧀ꦱ ꦕ ꦢꦺꦮꦢꦠ꧀ꦠꦴꦥꦺꦏ꧀ꦑꦠ꧀ꦠꦺꦤꦴꦠ꧀ꦡꦤ꧀ꦠꦫꦴꦥꦺꦏ꧀ꦑꦴꦪ ꦮꦱꦶꦛ꧀ꦜꦱ꧀ꦱꦴꦥꦕ꧀ꦕꦺꦤ ꦱꦩ꧀ꦧꦤ꧀ꦣꦴꦨꦴꦮꦴꦪꦺꦮ ꦮꦱꦶꦛ꧀ꦜꦱ꧀ꦱ ꦄꦥꦕ꧀ꦕꦁ ꦮꦴꦱꦶꦛ꧀ꦜꦺꦴꦠꦶ ꦟꦴꦢꦶꦮꦸꦠ꧀ꦠꦶꦪꦴ ꦨꦴꦮꦺ ꦱꦴꦩꦠ꧀ꦡꦶꦪꦁ ꦤꦠ꧀ꦡꦶ, ꦱꦩꦠ꧀ꦡꦚ꧀ꦲꦶ ꦮꦱꦶꦛ꧀ꦜꦁ ꦫꦴꦗꦥꦸꦫꦶꦱꦴꦢꦶ ꦱꦩꦴꦱꦮꦸꦠ꧀ꦠꦶꦪꦩꦺꦏꦠ꧀ꦡꦠ꧀ꦠꦩꦶꦮ ꦮꦴꦱꦶꦛ꧀ꦜꦴꦢꦶꦟꦴꦢꦶꦮꦸꦠ꧀ꦠꦶꦪꦁ ꦟꦴꦢꦶꦥ꧀ꦥꦕ꧀ꦕꦪꦩꦸꦥꦗꦤꦪꦠꦶ, ꦤꦴꦱꦩꦠ꧀ꦡꦁ, ꦠꦠꦺꦴ ꦱꦧ꧀ꦧꦩꦺꦮꦺꦠꦩ꧀ꦩꦤꦱꦶ ꦤꦶꦣꦴꦪ ꦮꦸꦠ꧀ꦠꦁ- ‘ꦄꦱꦩ꧀ꦧꦤ꧀ꦣꦴ’ꦠꦶ.

ꦪꦢꦶ ꦥꦤꦺꦠ꧀ꦡ ꦟꦴꦢꦶꦥ꧀ꦥꦕ꧀ꦕꦪꦺꦴ ꦱꦧ꧀ꦧꦡꦴ ꦱꦩ꧀ꦧꦤ꧀ꦣꦩꦥꦺꦏ꧀ꦑꦠꦺ, ꦠꦢꦴ ꦮꦶꦱꦺꦱꦠꦺꦴ ꦪꦱ꧀ꦱꦴꦥꦕ꧀ꦕꦺꦤ ꦱꦩ꧀ꦧꦤ꧀ꦣꦺꦴ ꦠꦠꦺꦴꦮ ꦗꦤꦏꦠꦺꦴ ꦱꦺꦴ ꦱꦶꦪꦴꦠꦶ ꦢꦱ꧀ꦱꦺꦠꦸꦩꦴꦲ- ‘ꦪꦗ꧀ꦗꦺꦮ’ꦩꦶꦕ꧀ꦕꦴꦢꦶ.

ꦪꦺꦴ ꦗꦤꦏꦺꦴꦠꦶ ꦪꦺꦴꦪꦺꦴ ꦪꦱ꧀ꦱ ꦪꦱ꧀ꦱ ꦄꦥꦕ꧀ꦕꦱ꧀ꦱ ꦗꦤꦏꦺꦴ. ꦠꦠꦺꦴꦪꦺꦮꦴꦠꦶ ꦠꦱ꧀ꦩꦴꦠꦱ꧀ꦩꦴ ꦗꦤꦏꦠꦺꦴꦪꦺꦮ. ꦱꦶꦪꦴꦠꦶ ꦠꦱ꧀ꦩꦶꦁ ꦠꦱ꧀ꦩꦶꦁ ꦄꦥꦕ꧀ꦕꦠ꧀ꦡꦺ ꦟꦴꦢꦶꦥ꧀ꦥꦕ꧀ꦕꦪꦺꦴ ꦱꦶꦪꦴ. ꦠꦠ꧀ꦡ ꦲꦺꦠꦸꦩꦴꦲ- ‘ꦠꦱ꧀ꦱꦺꦮꦴꦥꦕ꧀ꦕꦺꦤ ꦪꦺꦴꦒꦴ’ꦠꦶ. ꦪꦺꦴꦒꦴꦠꦶ ꦄꦥꦕ꧀ꦕꦱꦩ꧀ꦧꦤ꧀ꦣꦠꦺꦴ, ꦤ ꦩꦹꦭꦥ꧀ꦥꦏꦠꦶꦠꦺꦴꦠꦶ ꦥꦫꦩꦥ꧀ꦥꦏꦠꦶꦠꦺꦴ ꦤ ꦲꦺꦴꦠꦷꦠꦶ ꦮꦸꦠ꧀ꦠꦁ ꦲꦺꦴꦠꦶ. ꦲꦺꦠꦸꦩꦴꦲ- ‘ꦄꦪꦺꦴꦒꦴ,ꦠꦶ, ꦮꦕꦤꦴꦨꦴꦮꦩ꧀ꦥꦺꦠ꧀ꦡ ꦢꦱ꧀ꦱꦺꦠꦸꦁ ꦕꦺ’ꦠ꧀ꦪꦴꦢꦶ ꦮꦸꦠ꧀ꦠꦁ.

ꦮꦕꦤꦤ꧀ꦠꦶ ꦱꦸꦠ꧀ꦠꦁ, ꦱꦩ꧀ꦧꦤ꧀ꦣꦴꦨꦴꦮꦴ (ꦠꦴꦢꦶꦱꦮꦕꦤꦴꦨꦴꦮꦴ) ꦕ ꦩꦹꦭꦥ꧀ꦥꦏꦠꦶꦠꦺꦴ ꦟꦴꦢꦶꦥ꧀ꦥꦕ꧀ꦕꦪꦱ꧀ꦱꦴꦨꦴꦮꦁ ꦢꦱ꧀ꦱꦺꦠ꧀ꦮꦴ ꦆꦢꦴꦤꦶ ꦩꦹꦭꦥ꧀ꦥꦏꦠꦶꦠꦺꦴꦮꦴꦱ꧀ꦱꦴꦨꦶꦩꦠꦨꦴꦮꦁ ꦢꦱ꧀ꦱꦺꦠꦸꦁ ‘ꦩꦹꦭꦥ꧀ꦥꦏꦠꦶꦠꦺꦴ’ꦕ꧀ꦕꦴꦢꦶ ꦮꦸꦠ꧀ꦠꦁ.

ꦏꦡꦩ꧀ꦥꦤꦶꦢꦁ ꦮꦶꦚ꧀ꦚꦴꦪꦠꦶꦕ꧀ꦕꦴꦢꦶꦤꦴ ꦗꦤꦏꦱ꧀ꦱꦺꦮꦴꦧ꧀ꦪꦴꦲꦶꦠꦱ꧀ꦱꦴꦥꦕ꧀ꦕꦺꦤ ꦩꦸꦑ꧀ꦪ ꦱꦩ꧀ꦧꦤ꧀ꦣꦩꦴꦤꦷꦪ ꦆꦢꦩꦪꦸꦠ꧀ꦠꦤ꧀ꦠ꧀ꦪꦴꦢꦶꦤꦴ ꦧ꧀ꦪꦮꦲꦶꦠꦗꦤꦶꦠꦱ꧀ꦱꦴꦥ꧀ꦪꦥꦕ꧀ꦕꦪꦱ꧀ꦱ ꦥꦫꦩꦥ꧀ꦥꦏꦠꦶꦪꦴꦨꦶꦱꦩ꧀ꦧꦤ꧀ꦣꦱꦧ꧀ꦨꦴꦮꦁ ꦮꦠ꧀ꦮꦴ ꦠꦁ ꦱꦴꦣꦪꦶꦠꦸꦩꦴꦫꦨꦠꦺ ‘ꦏꦡ’ꦩꦶꦕ꧀ꦕꦴꦢꦶ, ꦌꦮꦁ ꦲꦶꦕ꧀ꦕꦴꦢꦶ ꦏꦡꦁꦥꦤꦶꦢꦩꦶꦕ꧀ꦕꦴꦢꦶꦤꦴ ꦪꦡꦴꦮꦸꦠ꧀ꦠꦱ꧀ꦱ ꦱꦩꦠ꧀ꦡ ꦤꦮꦴꦏ꧀ꦪꦁ, ꦲꦶꦪꦱ꧀ꦩꦴ ꦠꦁ ꦢꦶꦱ꧀ꦮꦴ ꦠꦡꦴ ꦥꦸꦕ꧀ꦖꦶꦠꦺꦴ ꦢꦺꦮꦢꦠ꧀ꦠꦱ꧀ꦱꦮꦴꦠꦶꦄꦴꦢꦶꦤꦴ ꦈꦥ꧀ꦥꦴꦢꦺꦠꦴꦫꦩꦺꦮ ꦤꦶꦢ꧀ꦢꦶꦱꦠꦶ, ꦤꦴꦠ꧀ꦠꦴꦤꦁ ꦥꦶꦠꦴꦩꦲꦺꦴ, ꦠꦱ꧀ꦩꦴ ꦈꦥ꧀ꦥꦴꦢꦺꦠꦴꦪꦺꦮꦴꦥꦕ꧀ꦕꦺꦤ ꦱꦩ꧀ꦧꦗ꧀ꦙꦠꦶ ꦤ ꦥꦶꦠꦴꦩꦲꦺꦴꦠꦶ ꦪꦺꦴꦗꦺꦠ꧀ꦮꦴ ꦄꦣꦶꦥ꧀ꦥꦴꦪꦺꦴ ꦮꦺꦢꦶꦠꦧ꧀ꦧꦺꦴ. ꦆꦢꦁ ꦪꦡꦴꦮꦸꦠ꧀ꦠꦩꦸꦥ꧀ꦥꦴꦢꦺꦠꦸꦤꦶꦢ꧀ꦢꦶꦱꦤꦁ, ꦠꦺꦤ ꦄꦥꦕ꧀ꦕꦺꦤ ꦱꦢ꧀ꦣꦶꦁ ꦈꦥ꧀ꦥꦴꦢꦺꦠꦸꦪꦺꦮ ꦗꦤꦏꦱ꧀ꦱꦺꦮ ꦪꦺꦴꦒꦺꦴ ꦱꦩ꧀ꦧꦤ꧀ꦣꦺꦴ ꦥꦛꦶꦥꦴꦢꦺꦠꦸꦁ ꦤ ꦱꦏ꧀ꦏꦴꦠꦶ ꦱꦩ꧀ꦧꦤ꧀ꦣꦺꦴ.

ꦠꦤ꧀ꦠꦶꦠꦁ [ꦠꦠ꧀ꦡ-ꦆꦠꦶ (ꦥꦚ꧀ꦕꦶꦏꦴꦪꦁ)] ꦥꦸꦕ꧀ꦖꦴꦤꦶꦩꦶꦠ꧀ꦠꦁ, ꦠꦺꦤꦴꦠꦶ ꦄꦥꦕ꧀ꦕꦺꦤ. ꦄꦥꦠꦤꦤ꧀ꦠꦶ ꦤꦫꦏꦺ ꦄꦥꦠꦤꦁ ꦨꦮꦠꦶ, ꦱꦺꦴꦠꦶ ꦪꦺꦴꦱꦺꦴ ꦪꦱ꧀ꦱꦴꦠ꧀ꦪꦤꦶꦪꦩꦤꦶꦢ꧀ꦢꦶꦛ꧀ꦜꦺꦴ ꦱꦺꦴ ꦚꦴꦠꦸꦁ ꦤ ꦆꦕ꧀ꦖꦶꦠꦺꦴꦠꦶ ꦱꦩ꧀ꦧꦤ꧀ꦣꦺꦴ. ꦆꦩꦶꦤꦴ ꦆꦢꦁ ꦢꦷꦥꦺꦠꦶ- ‘‘ꦤꦥꦠꦠ꧀ꦪꦤꦺꦤ ꦤꦫꦏꦺꦠ꧀ꦪꦥꦕ꧀ꦕꦤ꧀ꦠꦶ ꦮꦸꦕ꧀ꦕꦠꦶ ꦄꦥꦕ꧀ꦕꦺꦤꦴꦤꦺꦤ ꦪꦱ꧀ꦱꦏꦱ꧀ꦱꦕꦶ ꦄꦮꦶꦱꦺꦱꦺꦤꦴꦥꦠꦤꦩ꧀ꦨꦮꦠꦶ ꦤꦫꦏꦺ ꦱꦺꦴꦱꦺꦴ ꦠꦴꦪ ꦥꦸꦕ꧀ꦖꦴꦪ ꦚꦴꦠꦸꦁ ꦤ ꦆꦕ꧀ꦖꦶꦠꦺꦴ’’ꦠꦶ. ꦱꦺꦴ ꦮꦴꦠꦶ ꦏꦱ꧀ꦱꦴꦪꦁ ꦥꦸꦠ꧀ꦠꦺꦴꦠꦶ ꦥꦸꦕ꧀ꦖꦴꦪꦴꦤꦸꦫꦺꦴꦣꦤꦺ ꦱꦺꦴ ꦈꦥ꧀ꦥꦴꦢꦺꦠꦴꦪꦺꦮ ꦚꦴꦠꦸꦩꦶꦕ꧀ꦖꦶꦠꦺꦴꦠꦶ ꦱꦩ꧀ꦧꦤ꧀ꦣꦺꦴ. ꦠꦸꦱꦢ꧀ꦢꦺꦴ ꦕꦺꦠ꧀ꦡꦴꦥꦕ꧀ꦕꦺꦤ ꦤꦫꦏꦴꦥꦴꦠꦱꦧ꧀ꦧ ꦗꦤꦗꦴꦤꦤꦶꦕ꧀ꦖꦴꦮꦶꦱꦺꦱꦗꦺꦴꦠꦏꦺꦴ, ꦪꦢꦶ ꦱꦶꦪꦴꦠꦶ ꦱꦩ꧀ꦧꦤ꧀ꦣꦺꦴ, ꦄꦠ꧀ꦠꦴꦤꦩ꧀ꦥꦶ ꦤꦶꦢ꧀ꦢꦶꦱꦺꦪ꧀ꦪ ꦤ ꦏꦺꦮꦭꦩꦸꦥ꧀ꦥꦴꦢꦺꦠꦴꦫꦁ, ꦄꦠ꧀ꦡꦶꦕ꧀ꦕꦴꦢꦶ ꦥꦶꦠꦴꦩꦲꦱ꧀ꦱ ꦄꦠ꧀ꦠꦤꦺꦴꦥꦶ ꦤꦶꦢ꧀ꦢꦺꦱꦺ ꦏꦴꦫꦟꦮꦕꦤꦁ, ꦠꦁ ꦄꦥꦕ꧀ꦕꦁ ꦤꦶꦩꦶꦠ꧀ꦠꦁ ꦏꦴꦫꦟꦁ, ꦪꦱ꧀ꦱ ꦠꦁ ꦠꦁꦤꦶꦩꦶꦠ꧀ꦠꦁ ꦠꦱ꧀ꦩꦴ [ꦏꦠ꧀ꦮꦴ (ꦥꦺꦴꦠ꧀ꦡꦏꦺ)] ꦌꦮꦁ ꦢꦶꦛ꧀ꦜꦶꦏꦺꦴ ꦲꦶꦕ꧀ꦕꦴꦢꦶꦤꦴ ꦪꦡꦴꦮꦸꦠ꧀ꦠꦁ ꦱꦩꦠ꧀ꦡꦺꦠꦶ.

ꦧ꧀ꦪꦮꦲꦶꦠꦗꦤꦶꦠꦺꦤꦴꦥꦷꦠꦶ ꦧ꧀ꦪꦮꦲꦶꦠꦺꦤ ꦏꦠ꧀ꦠꦸꦤꦴ ꦗꦤꦶꦠꦺꦤꦴꦥꦶ, ꦏꦫꦟꦺ ꦕꦴꦪꦁ ꦠꦠꦶꦪꦴ, ꦲꦺꦠꦸꦩ꧀ꦲꦶ ꦮꦴ. ꦏꦱ꧀ꦩꦴ ꦌꦮꦁ ꦢꦶꦛ꧀ꦜꦶꦏꦺꦴꦠꦶ ꦄꦴꦲ ‘ꦪꦁ ꦤꦶꦩꦶꦠ꧀ꦠꦁ ꦲꦶ’ꦕ꧀ꦕꦴꦢꦶ. ꦲꦶꦱꦢ꧀ꦢꦺꦴ ꦪꦱ꧀ꦩꦴꦢꦠ꧀ꦡꦺ. ꦪꦱ꧀ꦱꦴꦠꦶ ꦥꦸꦧ꧀ꦧꦗꦱ꧀ꦱ, ꦠꦺꦤ ꦄꦥꦕ꧀ꦕꦺꦤ ꦄꦥꦠꦤꦁ ꦠꦢꦥꦠꦤꦁ ꦠꦠꦺꦴ, ꦆꦢꦁ ꦮꦸꦠ꧀ꦠꦁ ꦲꦺꦴꦠꦶ ‘‘ꦠꦺꦤ ꦧ꧀ꦪꦮꦲꦶꦠꦗꦤꦶꦠꦺꦤꦴꦥꦶ ꦥꦸꦩꦸꦤꦴ ꦥꦸꦧ꧀ꦧꦗꦺꦴꦥꦶ ꦤꦫꦏꦁ ꦤ ꦥꦠꦠꦶ ꦱꦺꦴ ꦥꦸꦧ꧀ꦧꦗꦱ꧀ꦱꦴꦥ꧀ꦪ ꦥꦕ꧀ꦕꦁ ꦨꦮꦠꦶ ꦪꦡꦴꦮꦸꦠ꧀ꦠꦺꦤ ꦤꦶꦧ꧀ꦧꦕꦤꦺꦤꦴ’’ꦠꦶ. ꦠꦱ꧀ꦩꦴꦕ꧀ꦕꦱ꧀ꦱ ꦥꦸꦧ꧀ꦧꦺ ꦮꦸꦠ꧀ꦠꦪꦱ꧀ꦩꦴꦠ꧀ꦪꦤꦺꦤꦴꦨꦶꦱꦩ꧀ꦧꦤ꧀ꦣꦺꦴ ꦮꦺꦢꦶꦠꦧ꧀ꦧꦺꦴ. ꦈꦥꦥꦠ꧀ꦪꦤ꧀ꦠꦫꦩꦴꦲ-‘ꦈꦥꦕꦴꦫꦠꦺꦴꦮꦺ’ꦕ꧀ꦕꦴꦢꦶ. ꦥꦸꦧ꧀ꦧ ꦥꦸꦧ꧀ꦧꦨꦴꦮꦺ ꦱꦠꦷꦠꦶ ꦥꦸꦧ꧀ꦧꦱ꧀ꦱ ꦥꦸꦧ꧀ꦧꦱ꧀ꦱ ꦮꦶꦗ꧀ꦗꦩꦴꦤꦠ꧀ꦠꦺ ꦱꦠꦶ. ꦧ꧀ꦪꦮꦲꦶꦠꦺꦤ ꦗꦤꦶꦠꦺ ꦄꦥꦕ꧀ꦕꦺꦥꦶ ꦤꦶꦩꦶꦠ꧀ꦠꦁ ꦄꦥꦴꦪꦴꦥꦠꦏꦴꦫꦟꦨꦴꦮꦺꦴ ꦄꦠ꧀ꦡꦶꦪꦺ ꦮꦴꦠꦶ ꦱꦩ꧀ꦧꦤ꧀ꦣꦺꦴ. ꦏꦺꦱꦤ꧀ꦠꦶ ꦄꦴꦲ-‘ꦥꦸꦧ꧀ꦧꦺꦱꦤ꧀ꦠꦶ ꦥꦸꦧ꧀ꦧꦗꦴꦤꦤ꧀ꦠꦶ ꦄꦠ꧀ꦡꦺꦴ, ꦏꦺ ꦤꦴꦠꦶ ꦄꦴꦲ- ‘ꦥꦴꦫꦩ꧀ꦥꦫꦶꦪꦺꦤꦴ’ꦠꦶ. ꦄꦨꦺꦢꦺꦴꦥꦕꦴꦫꦺꦤꦴꦠꦶ ꦥꦸꦧ꧀ꦧꦥꦸꦧ꧀ꦧꦨꦴꦮꦺ ꦱꦠꦶꦕ꧀ꦕꦴꦢꦶꦤꦴ ꦮꦸꦠ꧀ꦠꦤꦪꦺꦤ ꦗꦤꦏꦱ꧀ꦱ ꦮꦶꦪ ꦥꦴꦫꦩ꧀ꦥꦫꦶꦪꦺꦤꦥꦸꦧ꧀ꦧꦺꦱꦩ꧀ꦥꦶꦤꦶꦩꦶꦠ꧀ꦠꦠꦴ ꦮꦠꦺꦴ ꦗꦤꦏꦱꦢꦶꦱꦠ꧀ꦠꦴ ꦗꦤꦏꦴꦮ ꦤꦴꦩ ꦠꦺ ꦱꦶꦪꦸꦤ꧀ꦠꦶ ꦌꦮꦩꦨꦺꦢꦺꦤ ꦈꦥꦕꦫꦟꦠꦺꦴ ꦕꦶꦤ꧀ꦠꦤꦠꦺꦴꦠꦶ ꦄꦠ꧀ꦡꦺꦴ. ꦈꦨꦪꦡꦴꦠꦶ ꦚꦴꦪꦺꦤ ꦈꦥꦕꦴꦫꦺꦤꦕꦴꦠꦶ ꦈꦨꦪꦺꦤ ꦥꦏꦴꦫꦺꦤ, ꦌꦮꦩꦸꦨꦪꦡꦴꦥꦶ ꦩꦹꦭꦥ꧀ꦥꦏꦠꦶꦪꦴ ꦥꦕ꧀ꦕꦺꦤꦴꦨꦶꦱꦩ꧀ꦧꦤ꧀ꦣꦴ ꦏꦡꦩꦤꦤ꧀ꦠꦫ [ꦩꦤꦤ꧀ꦠꦫꦴꦢꦶ (ꦥꦺꦴꦠ꧀ꦡꦏꦺ) (ꦠꦠ꧀ꦡ) ꦥꦺꦴꦠ꧀ꦡꦏꦺ] ꦗꦤꦶꦠꦺꦤꦴꦥꦕ꧀ꦕꦺꦤꦴꦢꦶꦥꦸꦫꦶꦱꦱꦩ꧀ꦧꦤ꧀ꦣꦺꦴꦪꦺꦤ ꦠꦠꦺꦴ ꦟꦴꦢꦶꦥ꧀ꦥꦕ꧀ꦕꦪꦺꦴ ꦱꦶꦪꦴꦠꦶ ꦤꦴꦱꦔ꧀ꦏ꧀ꦤꦷꦪꦁ.

ꦠꦠꦺꦴ ꦕꦴꦠꦶ ꦩꦹꦭꦥ꧀ꦥꦏꦠꦶꦠꦺꦴ ꦕ, ꦄꦥꦕ꧀ꦕꦱꦴꦩꦚ꧀ꦚꦮꦕꦤꦶꦕ꧀ꦖꦴꦪꦤ꧀ꦠꦶ ꦆꦠ꧀ꦡꦶ ꦥꦸꦤ꧀ꦤꦥꦸꦁꦱꦏꦠ꧀ꦠꦮꦶꦱꦺꦱꦺꦴꦥꦒ꧀ꦒꦴꦲꦶ ꦄꦥꦕ꧀ꦕꦱꦴꦩꦚ꧀ꦚꦱ꧀ꦱ ꦮꦕꦤꦶꦕ꧀ꦖꦴꦪꦁ.

ꦌꦮꦩ꧀ꦩꦹꦭꦏꦠꦶꦠꦺꦴ- ꦥꦕ꧀ꦕꦱꦴꦩꦚ꧀ꦚꦺꦤ ꦟꦴꦢꦶꦥ꧀ꦥꦕ꧀ꦕꦪꦁ ꦮꦮꦠ꧀ꦡꦥꦺꦠ꧀ꦮꦴ ꦆꦢꦴꦤꦶ ꦄꦥꦕ꧀ꦕꦴꦢꦶꦠꦺꦴꦥꦶ ꦲꦺꦴꦠꦺꦮ ꦟꦴꦢꦶ ꦱꦴꦩꦚ꧀ꦚꦮꦶꦣꦴꦤꦴ. ꦱꦺꦴ ꦕ ꦧꦲꦸꦭꦴꦣꦶꦏꦴꦫꦠꦺꦴ ꦒꦸꦫꦸꦗꦤꦴꦪꦠ꧀ꦠꦠ꧀ꦠꦴ ꦠꦤ꧀ꦤꦶꦪꦺꦴꦒꦴꦕꦫꦟꦺꦤ ꦥꦱꦠ꧀ꦡꦺ ꦪꦺꦮꦴꦥꦕ꧀ꦕꦺ ꦧ꧀ꦪꦮꦲꦶꦠꦗꦤꦶꦠꦺꦥꦶ ꦆꦠ꧀ꦡꦶꦮꦗ꧀ꦗꦶꦠꦺ ꦱꦶꦪꦴꦠꦶ ꦢꦱ꧀ꦱꦺꦠꦸꦩꦴꦲ ‘ꦤꦠ꧀ꦠꦴꦢꦷꦲꦶ’ꦕ꧀ꦕꦴꦢꦶ. ꦱꦠꦶꦪꦺꦮ ꦒꦸꦫꦸꦗꦤꦺ ꦱꦥ꧀ꦥꦣꦴꦤꦨꦴꦮꦺꦤ ꦏꦸꦕ꧀ꦖꦶꦠꦺ-ꦥꦕ꧀ꦕꦺꦠꦸ ꦤꦠ꧀ꦠꦴꦢꦷꦮꦸꦠ꧀ꦠꦷꦲꦶ ꦮꦱꦶꦛ꧀ꦜꦴꦢꦷꦲꦶ ꦟꦴꦢꦶꦥ꧀ꦥꦕ꧀ꦕꦪꦺꦴ ꦲꦺꦴꦠꦶ ꦮꦴꦱꦶꦛ꧀ꦜꦺꦴꦠꦶꦄꦴꦢꦶ, ꦆꦠ꧀ꦡꦶꦪꦚ꧀ꦕ ꦤ ꦲꦺꦴꦠꦶ ꦮꦴꦱꦶꦛ꧀ꦜꦷꦠꦶꦄꦴꦢꦶ.

ꦄꦠ꧀ꦡꦠꦺꦴꦠꦶ ꦱꦴꦩꦠ꧀ꦡꦶꦪꦠꦺꦴ. ꦄꦥꦕ꧀ꦕꦺ ꦮꦶꦣꦷꦪꦩꦴꦤꦺꦴ ꦥꦕ꧀ꦕꦪꦺꦴ ꦄꦥꦕ꧀ꦕꦮꦠꦴ ꦗꦴꦪꦩꦴꦤꦺꦴ ꦠꦱ꧀ꦱꦴꦥꦕ꧀ꦕꦤ꧀ꦠꦶ ꦄꦠ꧀ꦡꦺ ꦗꦴꦪꦠꦶ. ꦱꦺꦴꦕꦴꦪ ꦩꦠ꧀ꦡꦮꦶꦱꦺꦱꦺꦴ ꦖ(ꦛ꧀ꦜꦶꦪꦤ꧀ꦠ) ꦠꦴꦨꦴꦮꦺ ꦏꦡꦁ ꦱꦶꦪꦴꦠꦶ ꦆꦢꦩꦺꦠ꧀ꦡ ꦱꦴꦩꦠ꧀ꦡꦶꦪꦁ. ꦄꦤꦤ꧀ꦠꦫꦺ ꦮꦴꦥꦕ꧀ꦕꦺ ꦥꦸꦠ꧀ꦠꦺ-ꦨꦶꦣꦺꦪ꧀ꦪ ꦤꦠ꧀ꦠꦴꦢꦺꦴ ꦮꦴꦥꦕ꧀ꦕꦺ-ꦨꦶꦣꦺꦪ꧀ꦪꦴꦠꦶ ꦱꦱꦩ꧀ꦧꦤ꧀ꦣꦺꦴ. ꦏꦸꦠꦺꦴꦕꦶ ꦄꦥꦕ꧀ꦕꦮꦠꦴ ꦤꦠ꧀ꦠꦴꦢꦺꦴ ꦌꦮ. ꦆꦢꦚ꧀ꦕ ꦱꦧ꧀ꦧꦩ꧀ꦧꦲꦸꦭꦮꦕꦤꦺꦮ ꦱꦩ꧀ꦥꦗ꧀ꦗꦠꦷꦠꦶ ꦄꦴꦲ- ‘ꦧꦲꦸꦭꦴꦣꦶꦏꦴꦫꦴ’ꦠꦶ. ꦄꦥꦕ꧀ꦕꦺꦠꦶ ꦌꦏꦮꦕꦤꦺꦤ ꦤꦶꦢ꧀ꦢꦺꦱꦺ ꦥꦸꦩꦸꦤꦴ ꦤꦥꦸꦁꦱꦏꦺꦤ ꦏꦫꦶꦪꦠꦶ, ꦠꦺꦤꦺ ꦏꦱ꧀ꦩꦶꦁ ꦪꦺꦮꦴꦥꦕ꧀ꦕꦺ ꦱꦶꦪꦴ, ꦤ ꦧꦲꦹꦱꦸ ꦮꦱꦶꦛ꧀ꦜꦱ꧀ꦱꦴꦥꦕ꧀ꦕꦴꦤꦶ ꦮꦴꦱꦶꦛ꧀ꦜꦴꦤꦶ, ꦤ ꦕꦶꦠ꧀ꦡꦶ ꦮꦴꦱꦶꦛ꧀ꦜꦴꦤꦶ, ꦤ ꦕꦶꦠ꧀ꦡꦶꦪꦁ ꦮꦴꦱꦶꦛ꧀ꦜꦷꦠ꧀ꦪꦴꦱꦔ꧀ꦏꦶꦪꦴꦲ-‘ꦆꦢꦚ꧀ꦕꦺ’ꦕ꧀ꦕꦴꦢꦶ. ꦆꦢꦚ꧀ꦕ ꦄꦥꦕ꧀ꦕꦮꦕꦤꦚ꧀ꦕ. ꦆꦩꦶꦤꦴ ꦕꦺꦠ꧀ꦡ ꦠꦡꦴ ꦤꦶꦱ꧀ꦱꦪꦏꦫꦟꦁ ꦢꦱ꧀ꦱꦺꦠꦶ. ꦠꦱ꧀ꦱ ꦮꦕꦤꦶꦕ꧀ꦖꦴꦨꦴꦮꦠꦺꦴꦠꦶ ꦠꦱ꧀ꦱ ꦭꦶꦔ꧀ꦒꦮꦕꦤꦱ꧀ꦱ ꦱꦸꦠ꧀ꦠꦺ ꦮꦠ꧀ꦠꦸꦩꦶꦕ꧀ꦖꦴꦪꦴꦨꦴꦮꦠꦺꦴꦠꦶ ꦄꦠ꧀ꦡꦺꦴ.

ꦏꦶꦁ ꦥꦤ ꦏꦴꦫꦟꦁ ꦱꦸꦠ꧀ꦠꦺ ꦭꦶꦔ꧀ꦒꦮꦕꦤꦴꦮꦕꦤꦶꦕ꧀ꦖꦴꦪꦁ ꦠꦱ꧀ꦱꦴꦥ꧀ꦥꦣꦴꦤꦠ꧀ꦠꦴ ꦪꦺꦤꦏꦺꦤꦕꦶ ꦭꦶꦔ꧀ꦒꦴꦢꦶꦤꦴ ꦤꦶꦢ꧀ꦢꦺꦱꦺꦴ-ꦮꦱ꧀ꦱꦁ ꦏꦠ꧀ꦠꦧ꧀ꦧꦺꦴꦠꦶ ꦤꦴꦤꦤ꧀ꦠꦫꦶꦪꦏꦠ꧀ꦠꦴ ꦠꦱ꧀ꦱꦺꦲꦺꦴꦥꦴꦢꦴꦤꦁ, ꦪꦡꦴꦣꦚ꧀ꦚꦠ꧀ꦡꦶꦤꦺꦴꦥꦭꦴꦭꦴꦢꦶꦤꦺꦴꦥ꧀ꦪꦥ꧀ꦥꦣꦴꦤꦱ꧀ꦱꦺꦴꦥꦴꦢꦴꦤꦤ꧀ꦠꦶ. ꦠꦠꦺꦴꦪꦺꦮꦴꦲ-‘ꦈꦥꦭꦏ꧀ꦑꦷꦪꦱ꧀ꦱꦺꦠ꧀ꦡ ꦥꦣꦴꦤꦠ꧀ꦠꦴ’ꦕ꧀ꦕꦴꦢꦶ. ꦆꦠ꧀ꦡꦶꦥꦸꦩꦠ꧀ꦠꦪꦸꦠ꧀ꦠꦗꦚ꧀ꦚꦮꦶꦱꦺꦱꦺꦴ ꦈꦥꦭꦏ꧀ꦑꦷꦪꦺꦴ, ꦄꦥꦕ꧀ꦕꦺꦠꦷꦢꦩꦸꦥꦭꦏ꧀ꦑꦟꦁ, ꦱꦪꦤ꧀ꦠꦶ ꦪꦡꦴꦮꦸꦠ꧀ꦠꦩꦸꦥꦭꦏ꧀ꦑꦟꦁ ꦱꦪꦁ. ꦏꦴꦫꦶꦪꦥ꧀ꦥꦛꦶꦥꦠ꧀ꦠꦶꦪꦴꦠꦶ ꦥꦸꦩꦺ ꦤꦥꦸꦁꦱꦏꦺꦥꦕ꧀ꦕꦺ-ꦨꦶꦣꦺꦪ꧀ꦪꦺ ꦮꦶꦣꦶ ꦲꦺꦴꦠꦶꦕ꧀ꦕꦺꦮꦁ ꦏꦴꦫꦶꦪꦥ꧀ꦥꦛꦶꦥꦠ꧀ꦠꦶꦪꦴ ꦮꦠ꧀ꦠꦸꦁ ꦤ ꦆꦛ꧀ꦜꦁ.

ꦮꦕꦤꦤ꧀ꦠꦫꦺꦥꦶ ꦄꦚ꧀ꦚꦱ꧀ꦩꦶꦁ ꦮꦕꦤꦺ. ꦄꦴꦟꦷꦠꦶ ꦟꦶꦥ꧀ꦥꦕ꧀ꦕꦪꦱꦸꦠ꧀ꦠꦁ ꦮꦢꦠꦶ. ꦄꦒꦺꦴꦠ꧀ꦠꦴꦢꦶꦠꦺꦴꦠꦶ ꦪꦺꦴꦒꦺꦴꦠ꧀ꦠꦱ꧀ꦱꦴꦢꦶꦨꦹꦠꦺꦴ ꦤ ꦲꦺꦴꦠꦶ, ꦠꦠꦺꦴ, ꦠꦺꦤꦺꦮ ‘‘ꦄꦴꦟꦷ’’ꦠꦶ ꦱꦸꦠ꧀ꦠꦺ (꧔-꧕) ꦮꦏ꧀ꦑꦠꦶ-‘ꦄꦏꦴꦫꦤ꧀ꦠꦩꦠ꧀ꦠꦠꦺꦴꦮꦴꦪꦁꦟꦶꦤ ꦒꦺꦴꦠ꧀ꦠꦴꦢꦶꦨꦹꦠꦠꦺꦴ’ꦠꦶ. ꦮꦴꦏ꧀ꦪꦱꦩꦴꦱꦴꦥꦷꦠꦶ ꦪꦡꦴꦱꦔ꧀ꦑ꧀ꦪꦺꦤꦴꦲ. ꦠꦱ꧀ꦩꦶꦁ ꦄꦠ꧀ꦡꦺꦠꦶ ꦠꦱ꧀ꦩꦶꦁ ꦮꦴꦏ꧀ꦪꦺꦴꦥꦢꦱ꧀ꦱꦶꦠꦺ ꦄꦠ꧀ꦡꦺ, ꦠꦤ꧀ꦠꦶ ꦮꦴꦏ꧀ꦪꦁ. ꦱꦩꦴꦱꦮꦸꦠ꧀ꦠꦶꦚ꧀ꦕ ꦤꦶꦮꦠ꧀ꦠꦺꦪ꧀ꦪꦸꦤ꧀ꦠꦶ ꦱꦩ꧀ꦧꦤ꧀ꦣꦺꦴ.

ꦱꦠꦶꦥꦤꦴꦠꦶ ꦮꦴꦏꦴꦫꦺ ꦱꦠꦶ ꦠꦸ ꦄꦤꦶꦕ꧀ꦕꦠ꧀ꦠꦴ ꦟꦥ꧀ꦥꦕ꧀ꦕꦪꦱ꧀ꦱ. ꦱꦺꦴꦥꦷꦠꦶ ꦱꦩꦴꦱꦺꦴꦥꦶ, ꦱꦩꦴꦱꦺꦴꦠꦶꦄꦴꦢꦶꦤꦴ ꦥꦏ꧀ꦑꦤ꧀ꦠꦫꦩꦴꦲ. ꦠꦺꦤ ꦮꦴꦏ꧀ꦪꦱꦶꦗ꧀ꦙꦤꦺꦤ. ꦥꦏ꧀ꦑꦺ ꦮꦴꦏ꧀ꦪꦱꦩꦴꦱꦴꦥꦶ ꦱꦶꦪꦸꦤ꧀ꦠꦶ ꦥꦏ꧀ꦑꦺ ꦱꦩꦴꦱꦮꦸꦠ꧀ꦠꦶꦪꦴ ꦌꦮ ꦧꦴꦣꦶꦠꦠ꧀ꦠꦴ ꦥꦏ꧀ꦑꦤ꧀ꦠꦫꦺ ꦟꦴꦢꦶꦮꦸꦠ꧀ꦠꦶ ꦤ ꦧꦴꦣꦷꦪꦠꦷꦠꦶ ꦮꦴꦏ꧀ꦪꦮꦸꦠ꧀ꦠꦶꦪꦺꦴꦥꦶ ꦱꦶꦪꦸꦤ꧀ꦠꦶ ꦄꦠ꧀ꦡꦺꦴ.