꧔꧐. ꦱꦩꦴ

ꦥꦫꦴꦣꦶꦏꦴꦫꦠꦺꦴ ꦥꦕ꧀ꦕꦪꦱ꧀ꦱ ꦥꦫꦮꦶꦣꦶꦤꦴꦮ ꦱꦴꦩꦷꦥ꧀ꦪꦱ꧀ꦱ ꦱꦶꦢ꧀ꦣꦠ꧀ꦠꦴ ꦱꦴꦣꦷꦥ꧀ꦪꦮꦕꦤꦱ꧀ꦱꦤ꧀ꦠꦱꦢ꧀ꦢꦱ꧀ꦱ ꦒꦲꦟꦩꦤꦠ꧀ꦡꦏꦁ ꦱꦶꦪꦴꦠꦶ ꦩꦤ꧀ꦠ꧀ꦮꦴꦮꦪꦮꦮꦕꦤꦺꦴ ꦪꦩꦤ꧀ꦠꦱꦢ꧀ꦢꦺꦴ ꦒꦪ꧀ꦲꦠꦷꦠꦶ ꦢꦱ꧀ꦱꦺꦤ꧀ꦠꦺꦴ ꦄꦴꦲ- ‘ꦠꦱ꧀ꦱ ꦄꦤ꧀ꦠꦺꦴ’ꦆꦕ꧀ꦕꦴꦢꦶ. ꦄꦮꦱꦴꦤꦮꦠꦶ+ꦄꦮꦪꦮꦺꦴꦠꦶ ꦥꦢꦕ꧀ꦖꦺꦢꦺꦴ, ꦱꦩꦴꦱꦒ꧀ꦒꦲꦟꦺꦤ ꦒꦲꦟꦺ ꦏꦴꦫꦟꦩꦴꦲ-‘ꦄꦮꦪꦮꦠ꧀ꦠꦴ’ꦠꦶ. ꦪꦡꦴꦮꦸꦠ꧀ꦠꦕꦺꦴꦢꦤꦴꦪ ꦤꦶꦢ꧀ꦢꦺꦴꦱꦠ꧀ꦠꦩꦸꦥꦩꦴꦮꦱꦺꦤ ꦢꦱ꧀ꦱꦺꦠꦸꦩꦴꦲ-‘ꦤꦴꦪꦁ ꦢꦺꦴꦱꦺꦴ’ꦕ꧀ꦕꦴꦢꦶ. ꦥꦭ꧀ꦭꦮꦶꦠꦱ꧀ꦱ ꦫꦸꦏ꧀ꦑꦱ꧀ꦱ ꦥꦭ꧀ꦭꦮꦴꦤꦩꦮꦪꦮꦠ꧀ꦠꦁ ꦮꦶꦪ ꦱꦩꦴꦱꦠꦺꦴ ꦈꦠ꧀ꦠꦫꦏꦴꦭꦁ ꦮꦶꦣꦷꦪ ꦩꦴꦤꦱ꧀ꦱ ꦄꦏꦴꦫꦱ꧀ꦱ ꦱꦩꦴꦱꦴꦮꦪꦮꦠ꧀ꦠꦁ ꦤ ꦮꦶꦫꦸꦗ꧀ꦙꦠꦷꦠꦶ ꦄꦠ꧀ꦡꦺꦴ.