꧑꧑꧘. ꦄꦱꦁ

ꦭꦶꦔ꧀ꦒꦮꦕꦤꦨꦺꦢꦺꦥꦶ ꦧ꧀ꦪꦪꦫꦲꦶꦠꦠ꧀ꦠꦴ ꦄꦧ꧀ꦪꦪꦮꦤ꧀ꦠꦈꦥꦱꦔ꧀ꦒꦤꦶꦥꦴꦠꦴꦤꦁ ꦥꦸꦧ꧀ꦧꦴꦕꦫꦶꦪꦱꦚ꧀ꦚꦴ, ꦄꦱꦠꦷ ꦱꦔ꧀ꦑ꧀ꦪꦴ ꦪꦺꦱꦤ꧀ꦠ꧀ꦪꦴꦤ꧀ꦪꦱꦔ꧀ꦑ꧀ꦪꦴꦤꦷꦠ꧀ꦪꦴꦲ- ‘ꦌꦏꦠ꧀ꦠꦺ’ꦕ꧀ꦕꦴꦢꦶ, ꦌꦏꦴꦤꦺꦏꦺꦱꦹꦠꦶ ꦮꦸꦠ꧀ꦠꦠ꧀ꦠꦴ ꦱꦔ꧀ꦑ꧀ꦪꦴꦮꦶꦱꦺꦱꦺ ꦮꦶꦣꦷꦪꦩꦴꦤꦴꦱ꧀ꦪꦴꦢꦪꦺꦴ ꦏꦡꦩꦱꦔ꧀ꦑ꧀ꦪꦺꦲꦶ ꦈꦥ꧀ꦥꦗ꧀ꦗꦶꦠꦸꦩꦸꦱ꧀ꦱꦲꦤ꧀ꦠꦺ ꦆꦕ꧀ꦕꦴꦱꦪꦺꦤꦴꦲ- ‘ꦏꦡꦩꦱꦔ꧀ꦑ꧀ꦪꦺꦲꦶ ꦱ꧀ꦪꦴꦢꦷꦤꦁ ꦱꦩ꧀ꦨꦮꦺꦴ’ꦠꦶ. ꦄꦡ ꦤꦶꦱ꧀ꦱꦔ꧀ꦑ꧀ꦪꦺꦲꦶ ꦲꦺꦴꦠꦸꦱ꧀ꦪꦴꦢꦷꦤꦩꦱꦩ꧀ꦨꦮꦺꦴ ꦈꦕ꧀ꦕꦁ ꦫꦸꦏ꧀ꦑꦱ꧀ꦱꦶꦕ꧀ꦕꦴꦢꦺꦴꦠꦸ ꦱꦔ꧀ꦑ꧀ꦪꦴꦱꦩ꧀ꦨꦮꦺ ꦨꦮꦶꦠꦧ꧀ꦧꦩꦺꦮ ꦱ꧀ꦪꦴꦢꦷꦲꦶꦕ꧀ꦕꦴꦲ-‘ꦱꦔ꧀ꦑ꧀ꦪꦴꦱꦩ꧀ꦨꦮꦺꦮꦺ’ꦕ꧀ꦕꦴꦢꦶ. ꦮꦸꦠ꧀ꦠꦶꦒꦤ꧀ꦡꦱ꧀ꦱꦴꦣꦶꦥ꧀ꦥꦴꦪꦁ ꦮꦶꦮꦫꦠꦶ ‘ꦄꦚ꧀ꦚꦡꦺ’ ꦠ꧀ꦪꦴꦢꦶꦤꦴ, ꦏꦶꦩꦺꦱꦩꦸꦥ꧀ꦥꦠ꧀ꦠꦶꦪꦩ꧀ꦥꦪꦺꦴꦗꦤꦁ ꦪꦺꦤꦴꦱꦔ꧀ꦑ꧀ꦪꦺꦲꦶ ꦠꦢꦸꦥ꧀ꦥꦠ꧀ꦠꦶ ꦤꦺꦴ-ꦤꦸꦩꦷꦪꦠꦺ ꦕ꧀ꦕꦴꦱꦔ꧀ꦏꦶꦪꦴꦲ-‘ꦠꦱ꧀ꦱꦚ꧀ꦕ ꦱꦠꦶꦪ’ꦤ꧀ꦠ꧀ꦪꦴꦢꦶ, ꦄꦱꦠꦶ ꦲꦶ ꦱ꧀ꦪꦴꦢꦷꦤꦩꦸꦥ꧀ꦥꦠ꧀ꦠꦶꦪꦩꦸꦕ꧀ꦕꦩꦴꦢꦷꦤꦩꦱꦔ꧀ꦑ꧀ꦪꦴꦤꦩ꧀ꦥꦢꦠ꧀ꦠꦁ ꦤꦠ꧀ꦡꦷꦠꦶ ꦪꦺꦴ ꦄꦴꦢꦷꦱꦸ ꦥꦢꦱ꧀ꦩꦴ ꦥꦫꦺꦱꦁ ꦠꦸꦩ꧀ꦲꦴꦩ꧀ꦲꦱꦢ꧀ꦢꦴꦤꦁ ꦱꦮꦶꦨꦠ꧀ꦠꦷꦤꦁ ꦮꦺꦴꦤꦺꦴꦄꦴꦢꦶꦏꦁ ꦥꦢꦤꦶꦩꦶꦠ꧀ꦠꦁ ꦏꦴꦫꦶꦪꦁ ꦤ ꦱꦶꦪꦴꦠꦶ ‘ꦈꦕ꧀ꦕꦁ ꦮꦺꦴ, ꦈꦕ꧀ꦕꦁ ꦤꦺꦴ’ꦠꦶꦄꦴꦢꦪꦺꦴ ꦥꦪꦺꦴꦒꦴ ꦤ ꦱꦶꦗ꧀ꦙꦤ꧀ꦠꦶ, ꦱꦠꦶ ꦠꦸ ꦱ꧀ꦪꦴꦢꦸꦥ꧀ꦥꦠ꧀ꦠꦶꦪꦁ ꦭꦸꦠ꧀ꦠꦺꦱꦸꦥꦶ ꦠꦺꦱꦸ ꦥꦢꦠ꧀ꦠꦤꦶꦥ꧀ꦦꦠ꧀ꦠꦶꦪꦴꦪꦺꦮ ꦠꦢꦸꦥ꧀ꦥꦠ꧀ꦠꦶꦠꦺꦴ ꦥꦢꦠ꧀ꦠꦺ ꦱꦶꦢ꧀ꦣꦺ ꦥꦢꦭꦏ꧀ꦑꦟꦁ ꦏꦴꦫꦶꦪꦁ ꦱꦶꦗ꧀ꦙꦠꦺꦮꦴꦠꦶ ꦨꦴꦮꦺꦴ. ꦥꦫꦺꦲꦶ ꦌꦠ꧀ꦡ ‘ꦠꦱ꧀ꦱꦁ ꦱꦴꦭꦴꦪ’ꦤ꧀ꦠꦶ ꦮꦕꦤꦶꦕ꧀ꦖꦴꦪꦁ ‘ꦠꦠ꧀ꦫ ꦱꦴꦭꦴꦪ’ꦤ꧀ꦠꦶ ꦪꦡꦴ ꦱꦶꦪꦴꦠꦶ ‘‘ꦄꦧ꧀ꦪꦪꦠ꧀ꦮꦴ ꦱ꧀ꦪꦴꦢꦶꦤꦺꦴ’’ꦠꦶ (ꦥꦴ, ꧒-꧔-꧘꧒) ꦄꦧ꧀ꦪꦪꦠꦺꦴ ꦥꦫꦱ꧀ꦱꦶꦠ꧀ꦡꦶꦪꦩꦴꦥ꧀ꦥꦕ꧀ꦕꦪꦱ꧀ꦱꦴꦥꦶ ꦭꦺꦴꦥꦺꦴ ꦮꦶꦲꦶꦠꦺꦴ, ꦠꦺꦤꦴꦲ- ‘ꦄꦱꦔ꧀ꦑ꧀ꦪꦺꦲꦶ’ꦕ꧀ꦕꦴꦢꦶ, ꦠꦢꦪꦸꦠ꧀ꦠꦤ꧀ꦠꦶ ꦄꦴꦥ꧀ꦥꦕ꧀ꦕꦪꦱ꧀ꦱ ꦭꦺꦴꦥꦮꦶꦣꦴꦤ ꦩꦪꦸꦠ꧀ꦠꦁꦠ꧀ꦪꦠ꧀ꦡꦺꦴ. ꦄꦡ ꦏꦺꦤꦴꦠ꧀ꦫ ꦄꦴꦥ꧀ꦥꦕ꧀ꦕꦪꦺꦴ ꦮꦶꦣꦷꦪꦠꦺ ꦪꦺꦤꦴꦱ꧀ꦱꦴꦥꦶ ꦭꦺꦴꦥꦺꦴ-ꦤꦸꦱꦴꦱꦷꦪꦠꦺ ‘‘ꦆꦠ꧀ꦡꦶꦪꦩꦠ꧀ꦮꦴ’’ꦠꦶ (꧓-꧒꧖) ꦕꦺ ꦤꦺꦠꦢꦠ꧀ꦡꦶ, ꦆꦠ꧀ꦡꦶꦪꦩꦴꦥ꧀ꦥꦕ꧀ꦕꦪꦱ꧀ꦱ ꦮꦶꦣꦴꦤꦠꦺꦴ-ꦱꦔ꧀ꦑ꧀ꦪꦴꦤꦚ꧀ꦕꦴꦭꦶꦔ꧀ꦒꦠ꧀ꦠꦴ, ꦠꦱ꧀ꦩꦴ ꦄꦱꦔ꧀ꦑ꧀ꦪꦺꦲꦶ ꦄꦴꦥ꧀ꦥꦕ꧀ꦕꦪꦱ꧀ꦱ ꦱꦩ꧀ꦨꦮꦺꦴꦪꦺꦮ ꦤꦠ꧀ꦡꦷꦠ꧀ꦪꦤꦠ꧀ꦡꦏꦩꦴꦥ꧀ꦥꦕ꧀ꦕꦪꦱ꧀ꦱ ꦭꦺꦴꦥꦮꦕꦤꦤ꧀ꦠꦶ ꦤꦴꦤꦠ꧀ꦡꦏꦁ ꦆꦠ꧀ꦡꦶꦪꦤ꧀ꦠꦶ (꧓-꧒꧖) ꦲꦶ ꦒꦸꦟꦶꦥ꧀ꦥꦣꦴꦤꦺꦴ ꦤꦶꦢ꧀ꦢꦺꦱꦺꦴ ꦆꦠ꧀ꦡꦠ꧀ꦠꦮꦠꦶ ꦄꦴꦥ꧀ꦥꦕ꧀ꦕꦪꦴꦢꦪꦺꦴ ꦮꦶꦣꦷꦪꦤ꧀ꦠꦺ ‘ꦠꦱ꧀ꦱꦁ ꦱꦴꦭꦴꦪ (ꦩꦶꦕ꧀ꦕꦺ ꦠꦱ꧀ꦩꦶꦁ ꦥꦢꦠ꧀ꦡꦺ) ꦠꦠ꧀ꦫꦺ’ꦠꦶ ꦄꦱꦔ꧀ꦑ꧀ꦪꦩꦶꦢꦩꦶꦠ꧀ꦡꦠ꧀ꦠꦮꦠꦶ ꦮꦠ꧀ꦠꦠꦺ, ꦠꦱ꧀ꦩꦴ ꦱꦶꦪꦴꦪꦺ ꦮꦺꦠꦱ꧀ꦩꦴ ꦄꦴꦥ꧀ꦥꦕ꧀ꦕꦪꦺꦴꦠ꧀ꦪꦮꦱ꧀ꦱꦩꦴꦥ꧀ꦥꦕ꧀ꦕꦪꦱ꧀ꦱ ꦭꦺꦴꦥꦺꦴ ꦮꦶꦣꦺꦪ꧀ꦪꦺꦴꦠꦶ ꦪꦺꦴ ꦩꦚ꧀ꦚꦠꦺ, ꦠꦩ꧀ꦥꦠꦶ ꦄꦴꦲ-‘ꦪꦢꦷꦥꦶ’ꦕ꧀ꦕꦴꦢꦶ, ꦮꦶꦱꦺꦱꦴꦨꦶꦣꦴꦤꦴꦠ꧀ꦪꦸꦥꦒꦩꦺ ꦮꦠ꧀ꦠ ꦩꦴꦤꦺꦴꦪꦩꦱꦔ꧀ꦑ꧀ꦪꦱꦩꦸꦢꦴꦪꦺꦴ‘ꦤꦶꦢ꧀ꦢꦺꦱꦺꦴ ꦮꦠ꧀ꦠꦠꦺ’ꦠꦶ ꦕꦺꦴꦨꦪꦩꦶꦏ꧀ꦑꦠꦺ, ꦆꦠ꧀ꦡꦶꦪꦤ꧀ꦠꦶ ꦤꦶꦢ꧀ꦢꦺꦱꦱ꧀ꦱ ꦒꦸꦟꦶꦥ꧀ꦥꦣꦴꦤꦠ꧀ꦠꦁ ꦱꦴꦣꦺꦠꦸꦁ ‘ꦆꦠ꧀ꦡꦠ꧀ꦠꦮꦠꦶ ꦲꦶ ꦄꦴꦥ꧀ꦥꦕ꧀ꦕꦪꦴꦢꦪꦺꦴ’ꦠꦶꦄꦴꦲ, ꦠꦠ꧀ꦫꦺꦠꦷꦩꦱ꧀ꦱꦴꦱꦔ꧀ꦑ꧀ꦪꦱ꧀ꦱ ꦱꦴꦭꦴꦪꦁ ꦮꦠ꧀ꦠꦤꦠꦺꦴ ꦄꦴꦲ- ‘ꦆꦠ꧀ꦡꦠ꧀ꦠꦮꦠꦶ ꦕꦴ’ꦠꦶ, ꦄꦪꦩ꧀ꦥꦱꦶꦢ꧀ꦣꦶꦫꦹꦥꦺꦤ ꦤ ꦮꦠ꧀ꦠꦠꦺꦠꦶ ꦱꦩ꧀ꦧꦤ꧀ꦣꦺꦴ, ꦪꦢꦶ ꦄꦪꦩ꧀ꦥꦱꦶꦢ꧀ꦣꦶꦫꦹꦥꦺꦤ ꦮꦠ꧀ꦠꦠꦺ, ꦏꦸꦠꦺꦴ ꦕꦫꦲꦶ ꦆꦠ꧀ꦡꦠ꧀ꦠꦴꦮꦱꦴꦪꦺꦴꦠ꧀ꦪꦴꦲ- ‘ꦆꦠ꧀ꦡꦠ꧀ꦠꦴꦮꦱꦴꦪꦺꦴ’ꦕ꧀ꦕꦴꦢꦶ. ꦆꦢꦴꦤꦶ ꦗꦶꦤꦶꦤ꧀ꦢꦧꦸꦢ꧀ꦣꦶꦮꦕꦤꦩꦴꦤꦷꦪ ꦠꦱ꧀ꦱꦴ ꦪꦸꦠ꧀ꦠꦠ꧀ꦠꦩꦸꦧ꧀ꦨꦴꦮꦪꦶꦠꦸꦩꦴꦲ- ‘ꦪꦺꦴꦥ꧀ꦪꦴꦲꦶ’ꦕ꧀ꦕꦴꦢꦶ, ꦪꦢꦷꦥꦶꦕ꧀ꦕꦴꦢꦶ ꦗꦶꦤꦶꦤ꧀ꦢꦧꦸꦢ꧀ꦣꦶꦮꦕꦤꦁ, ꦠꦱ꧀ꦱꦴꦠꦶ ꦆꦠ꧀ꦡꦠ꧀ꦠꦱ꧀ꦱ, ꦥꦢꦠ꧀ꦡꦺꦴ ꦕ ꦆꦠ꧀ꦡꦠ꧀ꦠꦁ ꦱꦶꦪꦴꦠꦶ ꦪꦺꦴꦥ꧀ꦪꦴꦲꦺꦠꦶ ꦱꦩ꧀ꦧꦤ꧀ꦣꦺꦴ, ꦒꦩ꧀ꦩꦩꦴꦤꦠ꧀ꦡꦠ꧀ꦠꦴ ꦆꦠꦶꦱꦢ꧀ꦢꦴꦥ꧀ꦥꦪꦺꦴꦒꦺꦴ, ꦠꦱ꧀ꦱꦴꦪꦸꦠ꧀ꦠꦤ꧀ꦠꦶ ꦠꦱ꧀ꦱꦺꦮꦁ ꦮꦴꦢꦶꦤꦺꦴ ꦗꦶꦤꦶꦤ꧀ꦢꦧꦸꦢ꧀ꦣꦶꦤꦺꦴ ꦮꦕꦤꦩꦪꦸꦠ꧀ꦠꦁꦠ꧀ꦪꦠ꧀ꦡꦺꦴ, ꦏꦸꦠꦺꦴꦕ꧀ꦕꦴꦲ- ‘ꦌꦮꦁ ꦲꦶ’ꦕ꧀ꦕꦴꦢꦶ, ꦪꦢꦶ ꦆꦠ꧀ꦡꦠ꧀ꦠꦱ꧀ꦱ ꦮꦴꦏ꧀ꦪꦠ꧀ꦡꦠꦴ ꦆꦠ꧀ꦡꦶꦥ꧀ꦥꦕ꧀ꦕꦪꦤꦶꦮꦠ꧀ꦠꦶꦏꦠꦴ, ꦌꦮꦁ ꦱꦠꦶ ꦱꦴꦭꦴꦪꦩꦶꦕ꧀ꦕꦴꦢꦶꦱꦢ꧀ꦢꦤ꧀ꦠꦫꦴꦥꦺꦏ꧀ꦑꦴ ꦆꦠ꧀ꦡꦠ꧀ꦠꦥ꧀ꦥꦠꦷꦠꦶ ꦠꦠ꧀ꦫꦺꦠ꧀ꦪꦴꦢꦷꦱꦸ ꦱꦶꦪꦴꦠꦶ ꦄꦠ꧀ꦡꦺꦴ, ꦤꦺꦮ ꦠꦡꦴ ꦥꦠꦷꦪꦠꦷꦠꦶ ꦨꦴꦮꦺꦴ, ꦮꦸꦠ꧀ꦠꦩꦺꦮꦠ꧀ꦡꦁ ꦦꦸꦛꦪꦶꦠꦸꦩꦴꦲ- ‘ꦠꦡꦴꦲꦶ’ꦕ꧀ꦕꦴꦢꦶ, ꦄꦮꦶꦢ꧀ꦢꦱꦸꦄꦪꦤ꧀ꦠꦶ ꦢꦶꦛ꧀ꦜꦤ꧀ꦠꦺꦴ ꦥꦚ꧀ꦚꦴꦱꦺꦴ, ꦄꦮꦶꦢ꧀ꦢꦱꦸ ꦄꦪꦤ꧀ꦠꦶ ꦈꦨꦪꦠ꧀ꦫꦴꦥ꧀ꦪꦠ꧀ꦫꦺꦏꦮꦕꦤꦱꦶꦱ꧀ꦱ ꦤꦶꦮꦠ꧀ꦠꦶꦪꦴ ꦏꦠꦁ ꦪꦩꦺꦏꦠ꧀ꦠꦁ, ꦠꦁ ꦱꦢ꧀ꦢꦤ꧀ꦠꦫꦴꦢ꧀ꦪꦤꦥꦺꦏ꧀ꦑꦩꦺꦮ ꦥꦠꦷꦪꦠꦺꦠ꧀ꦪꦠ꧀ꦡꦺꦴ, ꦆꦠ꧀ꦡꦠ꧀ꦠ ꦮꦸꦠ꧀ꦠꦶꦤꦴ ꦱꦴꦭꦴꦢꦶꦱꦢ꧀ꦢꦺꦤ ꦱꦴꦩꦴꦤꦴꦣꦶꦏꦫꦟ꧀ꦪꦁ ꦠꦠ꧀ꦫꦺꦠ꧀ꦪꦺꦠꦱ꧀ꦱꦴꦠꦶ ꦌꦠꦴꦮꦠꦴ ꦄꦴꦥ꧀ꦥꦕ꧀ꦕꦪꦺꦴ ꦈꦥ꧀ꦥꦗ꧀ꦗꦠꦷꦠꦶ ꦕ ꦤ ꦱꦏ꧀ꦏꦴ ꦮꦠ꧀ꦠꦸꦤ꧀ꦠꦶ ꦢꦱ꧀ꦱꦺꦤ꧀ꦠꦺꦴ ꦄꦴꦲ-‘ꦱꦩꦴꦤꦴꦣꦶꦏꦫꦟꦠ꧀ꦠꦩ꧀ꦥꦶ’ꦕ꧀ꦕꦴꦢꦶ, ꦱꦩꦴꦤꦴꦣꦶꦏꦫꦟꦠ꧀ꦠꦩ꧀ꦥꦷꦠꦶ (ꦆꦠ꧀ꦡꦶ) ꦮꦸꦠ꧀ꦠꦶꦤꦴ ꦱꦴꦭꦴꦢꦶꦱꦢ꧀ꦢꦺꦤ ꦱꦴꦩꦴꦤꦴꦣꦶꦏꦫꦟ꧀ꦪꦩ꧀ꦥꦶ, ꦄꦴꦥ꧀ꦥꦕ꧀ꦕꦪꦴꦢꦷꦤꦁ ꦤꦴꦔ꧀ꦒꦤ꧀ꦠꦶ ꦱꦩ꧀ꦧꦤ꧀ꦣꦺꦴ.