꧔꧖. ꦖ

ꦢ꧀ꦮꦴꦢꦪꦺꦴ ꦄꦛ꧀ꦜꦴꦫꦱꦤ꧀ꦠꦴ ꦧꦲꦸꦮꦕꦤꦤ꧀ꦠꦴꦠꦶ ‘ꦖꦏꦷ’ꦠꦶ ꦮꦠ꧀ꦠꦧ꧀ꦧꦺ ‘ꦖꦴ’ꦠꦶ ꦌꦏꦮꦕꦤꦁ ꦤ ꦪꦸꦗ꧀ꦗꦠꦷꦠꦶ ꦕꦺꦴꦢꦺꦠꦶ ‘ꦤꦤꦸꦕꦴ’ꦠꦶꦄꦴꦢꦶꦤꦴ, ꦥꦫꦶꦲꦫꦠꦶ ꦤꦕ꧀ꦕꦴꦢꦶꦤꦴ, ꦤꦺꦠꦶ ‘ꦖꦭ꦳ꦺꦴ’ꦠꦶ ꦄꦪꦸꦠ꧀ꦠꦺꦴ-ꦪꦁ ꦤꦶꦢ꧀ꦢꦺꦱꦺꦴ ꦤ ꦲꦺꦴꦠꦷꦠꦶ ꦄꦠ꧀ꦡꦺꦴ, ꦖꦱꦢ꧀ꦢꦱ꧀ꦱ ꦄꦤꦸꦏꦫꦟꦠ꧀ꦠꦴ ꦖꦱꦢ꧀ꦢꦴꦤꦸꦏꦫꦟꦠ꧀ꦠꦴ, ꦲꦺꦛ꧀ꦜꦴ ꦮꦸꦠ꧀ꦠꦱꦴꦣꦸꦱꦢ꧀ꦢꦫꦹꦥꦴ ꦱꦴꦣꦸꦱꦢ꧀ꦢꦫꦹꦥꦩꦤꦸꦏꦫꦟꦁ ꦮꦶꦨꦗꦠꦶ ‘ꦄꦤꦸꦏꦫꦟꦚ꧀ꦕ ꦢꦸꦮꦶꦣ’ꦩꦶꦕ꧀ꦕꦴꦢꦶꦤꦴ, ꦥꦫꦶꦕ꧀ꦕꦠ꧀ꦠꦺꦴ ꦗꦲꦶꦠꦺꦴ ꦄꦠ꧀ꦡꦺꦴ ꦮꦶꦣꦶꦤꦶꦱꦺꦣꦫꦹꦥꦺꦴ ꦪꦱ꧀ꦱ ꦠꦁ ꦥꦫꦶꦕ꧀ꦕꦠ꧀ꦠꦠ꧀ꦠꦁ, ꦌꦠ꧀ꦡ ꦥꦤ ꦖꦱꦢ꧀ꦢꦺꦤ ꦖꦱꦔ꧀ꦑ꧀ꦪꦴꦮꦶꦱꦺꦱꦺꦴ ꦥꦫꦶꦕ꧀ꦕꦠ꧀ꦠꦺꦴ, ꦄꦨꦶꦣꦴꦪꦠꦺꦴ ꦲꦺꦴꦠꦷꦠꦶ ꦆꦩꦶꦤꦴ ꦖꦱꦢ꧀ꦢꦱ꧀ꦱ ꦄꦤꦸꦏꦴꦫꦶꦪꦺꦤꦴꦠ꧀ꦡꦺꦤꦴꦠ꧀ꦡꦮꦤ꧀ꦠꦠ꧀ꦡꦩꦴꦲ, ꦌꦏꦮꦕꦤꦤ꧀ꦠꦱ꧀ꦱ ꦤꦶꦢ꧀ꦢꦺꦱꦺꦴ ꦏꦠꦺꦴ… ꦖꦱꦢ꧀ꦢꦮꦕꦤꦷꦪꦱ꧀ꦱ ꦖꦱ꧀ꦱ ꦌꦏꦠ꧀ꦠꦴ, ꦄꦤꦸꦏꦴꦫꦶꦪꦱ꧀ꦱꦴꦠꦶ ꦌꦏꦴꦢꦶꦤꦺꦴ ꦱꦔ꧀ꦑ꧀ꦪꦴ ꦱꦢ꧀ꦢꦱ꧀ꦱ ꦠꦢꦚ꧀ꦚꦱ꧀ꦱ ꦮꦴ ꦪꦢꦤꦸꦏꦴꦫꦶꦪꦩꦺꦏꦴꦢꦶꦏꦁ ꦠꦢꦚ꧀ꦚꦁ ꦮꦴ ꦱꦢ꧀ꦢꦫꦹꦥꦁ ꦠꦱ꧀ꦱ. ꦱꦔ꧀ꦑ꧀ꦪꦴꦢꦶꦮꦶꦱꦺꦱꦤ꧀ꦠꦶ ꦌꦏꦠ꧀ꦠꦴꦢꦶꦱꦔ꧀ꦑ꧀ꦪꦴꦮꦶꦱꦺꦱꦁ ꦠꦢꦚ꧀ꦚꦁ ꦮꦴ, ‘‘ꦪꦺꦴꦩ꧀ꦲꦶ ꦢ꧀ꦮꦶꦤ꧀ꦤꦁ ꦢꦸꦮꦺ ꦢ꧀ꦮꦺ’’ꦠꦶ (꧒-꧒꧑꧙) ꦱꦸꦠ꧀ꦠꦺ ꦢ꧀ꦮꦶꦱꦢ꧀ꦢꦺꦴ-ꦤꦸꦏꦴꦫꦶꦪꦁ ꦢ꧀ꦮꦶꦱꦢ꧀ꦢꦫꦹꦥꦁ ꦠꦧ꧀ꦧꦕꦤꦷꦪꦚ꧀ꦕ ꦢ꧀ꦮꦶꦱꦔ꧀ꦑ꧀ꦪꦴꦮꦶꦱꦺꦱꦩ꧀ꦥꦫꦴꦩꦱꦠꦷꦠꦶ ꦠꦧ꧀ꦧꦴꦕꦏꦁ ꦢ꧀ꦮꦶꦤ꧀ꦤꦤ꧀ꦠꦶ ꦧꦲꦸꦮꦕꦤꦁ, ꦄꦡ ‘ꦭ꦳ꦚꦶ’ꦠꦶ ꦏꦱ꧀ꦩꦴ ꦤ ꦮꦸꦠ꧀ꦠꦁ ꦌꦮꦚ꧀ꦲꦶ ꦱꦠꦶ ꦚꦴꦤꦧꦤ꧀ꦣꦠ꧀ꦠꦴꦭ꦳ꦏꦴꦫꦺꦴ ꦄꦴꦢ꧀ꦪꦮꦪꦮꦺꦴ ꦨꦮꦶꦠꦸꦩꦫꦲꦠꦷꦠꦶ ꦕꦺꦴꦢꦤꦩ꧀ꦩꦤꦱꦶ ꦤꦶꦣꦴꦪ ‘ꦖꦱꦢ꧀ꦢꦴ’ꦠꦶꦄꦴꦢꦶꦩꦴꦲ, ꦄꦤ꧀ꦠꦴꦥꦮꦴꦢꦺꦤ ꦮꦶꦣꦷꦪꦩꦴꦤꦺꦴ ꦭ꦳ꦏꦴꦫꦺꦴ ꦖ ꦱꦢ꧀ꦢꦴ ꦥꦫꦱ꧀ꦱꦴꦢꦶꦱ꧀ꦱ ꦄꦴꦒꦩꦠ꧀ꦠꦴ…ꦥꦺ… ꦲꦺꦴꦠꦷꦠꦶ ꦱꦩ꧀ꦧꦤ꧀ꦣꦺꦴ, ꦄꦤ꧀ꦠꦴꦥꦮꦴꦢꦺꦤꦴꦠꦶ ꦆꦩꦶꦤꦴ ‘ꦱꦫꦱ꧀ꦱꦴ’ꦠꦶ ꦖꦛ꧀ꦜꦷꦤꦶꦢ꧀ꦢꦺꦱꦠꦺꦴ ‘‘ꦖꦭ꦳ꦷꦪꦤ꧀ꦠꦱ꧀ꦱꦴ’’ꦠꦷ-ꦩꦱ꧀ꦱ ꦮꦶꦱꦪꦨꦴꦮꦁ ꦢꦷꦥꦺꦠꦶ, ꦥꦫꦱ꧀ꦱꦴꦠꦶ ꦆꦩꦶꦤꦴ ‘ꦖꦴ’ꦠꦶ ꦥꦚ꧀ꦕꦩꦷꦤꦶꦢ꧀ꦢꦺꦱꦠꦺꦴ ‘‘ꦥꦚ꧀ꦕꦩꦶꦪꦁ ꦥꦫꦱ꧀ꦱꦴ’’ꦠꦷꦩꦱ꧀ꦱ ꦮꦶꦱꦪꦨꦴꦮꦁ, ꦄꦴꦢꦶꦱ꧀ꦱꦴꦠꦶ ꦆꦩꦶꦤꦴ ꦭ꦳ꦱ꧀ꦱꦺꦏꦮꦟ꧀ꦟꦠ꧀ꦠꦴ ꦄꦤ꧀ꦠꦴꦥꦮꦴꦢꦺꦤ ‘‘ꦄꦴꦢꦶꦱ꧀ꦱꦴ’’ꦠꦶ ꦱꦸꦠ꧀ꦠꦺ ꦤ ꦄꦴꦢ꧀ꦪꦤ꧀ꦠꦺꦴ ꦮꦶꦪꦺꦏꦺꦴꦥꦶ ꦱꦫꦺꦴꦠꦶ ꦱꦫꦱ꧀ꦱꦴꦢꦶꦱ꧀ꦱ ꦥꦠ꧀ꦠꦶꦁ ꦢꦱ꧀ꦱꦺꦠꦶ, ꦄꦪꦩꦺꦠ꧀ꦡꦴꦣꦶꦥ꧀ꦥꦴꦪꦺꦴ ‘ꦖꦴ’ꦠꦶ ꦥꦚ꧀ꦕꦩꦷꦤꦶꦢ꧀ꦢꦺꦱꦴ ‘‘ꦥꦚ꧀ꦕꦩꦶꦪꦁ ꦥꦫꦱ꧀ꦱꦴ’’ꦠꦶ (꧑-꧑꧕) ꦥꦫꦱ꧀ꦱ ꦱꦩ꧀ꦥꦠ꧀ꦠꦁ ꦏꦴꦫꦶꦪꦁ ꦌꦏꦮꦟ꧀ꦟꦠ꧀ꦠꦴ ‘‘ꦖꦛ꧀ꦜꦶꦪꦤ꧀ꦠꦱ꧀ꦱꦴ’’ꦠꦶ (꧑-꧑꧗) ꦄꦤ꧀ꦠꦱ꧀ꦱ ꦱꦩ꧀ꦥꦠ꧀ꦠꦁ ‘‘ꦄꦴꦢꦶꦱ꧀ꦱꦴ’’ꦠꦶ (꧑-꧑꧖) ꦄꦴꦢꦶꦮꦟ꧀ꦟꦱ꧀ꦱ ꦥꦥ꧀ꦥꦺꦴꦠꦷ’’ꦠꦶ. ꦄꦴꦢꦶꦨꦹꦠꦺꦴꦮ ꦲꦺꦴꦠꦷꦠꦶ ꦄꦱꦠꦶꦥꦶ ꦚꦏꦴꦫꦺ ꦄꦴꦒꦩꦒ꧀ꦒꦲꦟꦴꦤꦸꦮꦠ꧀ꦠꦶꦪꦴ ꦄꦴꦒꦩꦶꦤꦁ ꦱꦫꦁ ꦄꦮꦶꦤꦴꦱꦺꦤ꧀ꦠꦺꦴ ꦠꦱ꧀ꦱ ꦄꦴꦢ꧀ꦪꦮꦪꦮꦨꦹꦠꦺꦴꦮ ꦲꦺꦴꦠꦷꦠꦶ ꦄꦠ꧀ꦡꦺꦴ, ꦭꦏꦴꦫꦁ ꦏꦫꦺꦴꦤ꧀ꦠꦶ ‘‘ꦪꦮꦩꦢꦤꦠꦫꦭꦴꦕꦴꦒꦩꦴ’’ꦠꦶ ꦱꦸꦠ꧀ꦠꦺꦤ, ꦠꦤ꧀ꦠꦶ ꦭꦏꦴꦫꦏꦫꦟꦁ ꦈꦨꦶꦤ꧀ꦤꦩꦮꦶꦱꦺꦱꦮꦕꦤꦚ꧀ꦕ ꦄꦪꦸꦠ꧀ꦠꦠꦁ ꦢꦱ꧀ꦱꦺꦠꦶ ‘ꦠꦺꦱꦩ꧀ꦥꦶ’ꦕ꧀ꦕꦴꦢꦶꦤꦴ, ꦠꦺꦱꦩ꧀ꦥꦷꦠꦶ ꦏꦕ꧀ꦕꦴꦪꦤꦴꦤꦩ꧀ꦥꦶ, ꦄꦏ꧀ꦑꦫꦱꦚ꧀ꦚꦴꦪꦤ꧀ꦠꦶ ‘‘ꦄꦏ꧀ꦑꦫꦴꦥꦴꦢꦪꦺꦴ ꦌꦏꦕꦠ꧀ꦠꦴꦭꦷꦱ’’ꦤ꧀ꦠꦶ ꦮꦶꦣꦷꦪꦩꦴꦤꦄꦏ꧀ꦑꦫ ꦱꦚ꧀ꦚꦴꦪꦁ. ꦄꦮꦶꦱꦺꦱꦺ ꦭꦭ꦳ꦴꦤꦁ ꦤꦴꦤꦠ꧀ꦠꦴꦨꦴꦮꦺ, ꦥꦴꦏꦛꦺꦴ ꦮꦴꦠꦶ ꦆꦩꦶꦤꦴ ꦱꦸꦠꦶꦭꦶꦥꦶꦨꦺꦢꦱ꧀ꦱ ꦥꦕ꧀ꦕꦏ꧀ꦑꦱꦶꦢ꧀ꦣꦠꦤ꧀ꦢꦱ꧀ꦱꦺꦠꦶ, ꦠꦠ꧀ꦡ ꦲꦶ ꦱꦺꦴꦠꦮꦶꦚ꧀ꦚꦴꦟꦮꦷꦡꦶꦪꦴ ꦭꦭ꦳ꦴꦤꦁ ꦮꦶꦱꦸꦁꦮꦶꦱꦸꦁ ꦒꦲꦟꦁ ꦱꦸꦠꦶ, ꦠꦁꦠꦁ ꦢꦺꦱꦮꦴꦱꦷꦤꦁ ꦭꦺꦑꦴ ꦮ ꦮꦠ꧀ꦡꦴꦤꦁ ꦭꦶꦥꦶ, ꦠꦺꦱꦁ ꦨꦺꦢꦺꦴ ꦱꦺꦴꦠꦕꦏ꧀ꦑꦸꦮꦶꦚ꧀ꦚꦴꦟꦒꦪ꧀ꦲꦠ꧀ꦠꦴ ꦥꦕ꧀ꦕꦏ꧀ꦑꦱꦶꦢ꧀ꦣꦺꦴ, ꦖꦭ꦳ꦨꦶꦚ꧀ꦚꦴꦠꦶ ꦮꦶꦏꦥ꧀ꦥꦺꦤ ꦭ꦳ꦏꦴꦫꦴꦒꦩꦥꦏ꧀ꦑꦺ ꦫꦹꦥꦁ.