꧔. ꦥꦸꦧ꧀ꦧꦺꦴ

ꦮꦠ꧀ꦠꦠꦺꦠꦶ ꦄꦠ꧀ꦡꦮꦱꦴ ꦮꦶꦨꦠ꧀ꦠꦶꦮꦶꦥꦫꦶꦟꦴꦩꦺꦤ ꦮꦠ꧀ꦠꦠꦺ, ꦤꦤꦸ ꦕꦺꦠ꧀ꦪꦴꦢꦶꦕꦺꦴꦢꦤꦴ, ꦤꦺꦱꦢꦺꦴꦱꦺꦴꦕ꧀ꦕꦴꦢꦶ ꦥꦫꦶꦲꦴꦫꦺꦴ, ꦢꦺꦴꦱꦴꦨꦴꦮꦺ ꦏꦴꦫꦟ ꦩꦴꦲ-‘ꦪꦺꦴꦪꦺꦴ…ꦥꦺ… ꦥꦠꦷꦪꦠꦺ’ꦠꦶ, ꦮꦸꦠ꧀ꦠꦁ ꦱꦩꦠ꧀ꦠꦺꦠꦶ-‘ꦤꦲꦶ’ꦕ꧀ꦕꦴꦢꦶꦤꦴ, ꦤꦤꦸ ꦕ ꦥꦸꦧ꧀ꦧꦱꦢ꧀ꦢꦺꦴ ꦪꦩꦺꦏꦠ꧀ꦠꦴ ꦌꦏꦁ ꦥꦸꦧ꧀ꦧꦩꦴꦕꦶꦏ꧀ꦑꦠꦶ ꦤ ꦱꦏꦭꦤ꧀ꦠꦶ ꦏꦡꦁ ‘‘ꦥꦸꦧ꧀ꦧꦺꦴ’ꦠꦶ ꦮꦸꦠ꧀ꦠꦺ ꦪꦺꦴꦪꦺꦴꦠꦶ ꦚꦴꦪꦠꦶ ‘ꦪꦺꦴꦪꦺꦴ ꦥꦸꦧ꧀ꦧꦺꦴ’ꦠꦶ ꦕ ꦮꦸꦠ꧀ꦠꦺ ‘ꦠꦺꦱꦸ ꦢ꧀ꦮꦷꦱꦸ’ꦠꦶ ꦌꦠ꧀ꦡ’ꦢ꧀ꦮꦷꦱꦸ ꦢ꧀ꦮꦷꦱꦸ’ꦠꦶ ꦆꦢꦁ ꦏꦡꦁ ꦱꦸꦑꦺꦤꦺꦮ ꦥꦠꦷꦪꦠꦺ ꦠꦢꦶꦢꦩꦱꦶꦢ꧀ꦣꦺꦤꦴꦱꦶꦢ꧀ꦣꦱꦴꦣꦤꦤ꧀ꦠꦶ ꦄꦴꦱꦔ꧀ꦏꦶꦪ ꦠꦢꦨꦴꦮꦩꦸꦧ꧀ꦨꦴꦮꦷꦪ ꦥꦸꦧ꧀ꦧ ꦱꦢ꧀ꦢꦱ꧀ꦱ ꦮꦶꦕ꧀ꦖꦴꦒꦩꦏꦠ꧀ꦠꦩꦮꦒꦩꦪꦶꦠꦸꦩꦴꦲ-‘ꦤꦕꦺꦢ’ꦩꦶꦕ꧀ꦕꦴꦢꦶ. ꦠꦁꦪꦺꦴꦒꦴꦠꦶ ꦈꦥꦕꦴꦫꦮꦱꦺꦤꦴꦲ, ꦠꦧ꧀ꦧꦤ꧀ꦠꦠꦴꦪꦮꦴꦠꦶ ꦄꦠ꧀ꦡꦶꦪꦠ꧀ꦡꦺ ꦄꦥ꧀ꦥꦕ꧀ꦕꦪꦮꦱꦺꦤ, ꦌꦮꦩꦸꦥꦫꦶꦥꦶ.