꧑. ꦱꦤ꧀ꦣꦶ ꦏꦟ꧀ꦝ

ꦱꦚ꧀ꦚꦴ

꧒. ꦄꦏ꧀ꦑꦫꦴꦥꦴꦢꦪꦺꦴ ꦌꦏꦕꦠ꧀ꦠꦴꦭꦷꦱꦁ.

ꦄꦏ꧀ꦑꦫꦴꦥꦶ ꦄꦏꦴꦫꦴꦢꦪꦺꦴ ꦌꦏꦕꦠ꧀ꦠꦴꦭꦷꦱꦁ ꦱꦸꦠ꧀ꦠꦤ꧀ꦠꦺꦴꦥꦏꦴꦫꦴ. ꦠꦁ ꦪꦡꦴ-ꦄ ꦄꦴ-ꦆ ꦇ-ꦈ ꦈꦴ-ꦌ ꦎ, ꦏ ꦑ ꦒ ꦓ ꦔ, ꦕ ꦖ ꦗ ꦙ ꦚ, ꦛ ꦜ ꦝ ꦞ ꦟ, ꦠ ꦡ ꦢ ꦣ ꦤ, ꦥ ꦦ ꦧ ꦨ ꦩ, ꦪ ꦫ ꦭ ꦮ ꦱ ꦲ ꦭ꦳ ꦄꦁ-ꦆꦠꦶ.

꧓. ꦠꦠ꧀ꦡꦺꦴꦢꦤ꧀ꦠꦴꦱꦫꦴ ꦄꦛ꧀ꦜ.

ꦠꦠ꧀ꦡ ꦄꦏ꧀ꦑꦫꦺꦱꦸ ꦎꦏꦴꦫꦤ꧀ꦠꦴ ꦄꦛ꧀ꦜ ꦱꦫꦴ ꦤꦴꦩ. ꦠꦠ꧀ꦡꦺꦠꦶ ꦮꦠ꧀ꦠꦠꦺ.

꧔. ꦭꦲꦸꦩꦠ꧀ꦠꦴ ꦠꦪꦺꦴ ꦫꦱ꧀ꦱꦴ.

ꦠꦠ꧀ꦡ ꦱꦫꦺꦱꦸ ꦭꦲꦸꦩꦠ꧀ꦠꦴ ꦄ, ꦆ, ꦈ ꦆꦠꦶ ꦠꦪꦺꦴ ꦫꦱ꧀ꦱꦴ.

꧕. ꦄꦚ꧀ꦚꦺ ꦢꦷꦓꦴ.

ꦠꦠ꧀ꦡ ꦱꦫꦺꦱꦸ ꦫꦱ꧀ꦱꦺꦲꦚ꧀ꦚꦺ ꦢꦷꦓꦴ.

ꦱꦁꦪꦺꦴꦒꦠꦺꦴ ꦥꦸꦧ꧀ꦧꦺ ꦌꦎ ꦫꦱ꧀ꦱꦴ ꦆꦮꦺꦴꦕ꧀ꦕꦤ꧀ꦠꦺ, ꦄꦤꦤ꧀ꦠꦫꦴ ꦧ꧀ꦪꦚ꧀ꦗꦤꦴ ꦱꦁꦪꦺꦴꦒꦺꦴ. ꦌꦠ꧀ꦡ, ꦱꦺꦪ꧀ꦪꦺꦴ, ꦎꦛ꧀ꦜꦺꦴ, ꦱꦺꦴꦠ꧀ꦡꦶ.

꧖. ꦱꦺꦱꦴ ꦧ꧀ꦪꦚ꧀ꦗꦤꦴ.

ꦱꦫꦺ ꦜꦥꦺꦠ꧀ꦮꦴ ꦱꦺꦱꦴ ꦏꦴꦢꦪꦺꦴ ꦤꦶꦒ꧀ꦒꦲꦷꦠꦤ꧀ꦠꦴ ꦧ꧀ꦪꦚ꧀ꦗꦤꦴ.

꧗. ꦮꦒ꧀ꦒꦴ ꦥꦚ꧀ꦕꦥꦚ꧀ꦕꦱꦺꦴ ꦩꦤ꧀ꦠꦴ.

ꦧ꧀ꦪꦚ꧀ꦗꦤꦴꦤꦁ ꦏꦴꦢꦪꦺꦴ ꦩꦏꦴꦫꦤ꧀ꦠꦴ ꦥꦚ꧀ꦕꦥꦚ꧀ꦕꦱꦺꦴ ꦄꦏ꧀ꦑꦫꦮꦤ꧀ꦠꦺꦴ ꦮꦒ꧀ꦒꦴ.

꧘. ꦮꦒ꧀ꦒꦴꦤꦁ ꦥꦜꦩꦢꦸꦠꦶꦪꦴ ꦱꦺꦴ ꦕꦴꦓꦺꦴꦱꦺꦴ. ꦭ꦳ꦤ꧀ꦠꦴꦚ꧀ꦚꦺ ꦓꦺꦴꦱꦴ. ꦓꦺꦴꦱꦴꦓꦺꦴꦱꦱꦚ꧀ꦚꦴ ꦕ ‘‘ꦥꦫꦱꦩꦚ꧀ꦚꦴ ꦥꦪꦺꦴꦒꦺ’’ꦠꦶ ꦱꦔ꧀ꦒꦲꦷꦠꦴ. ꦌꦮꦁ ꦭꦶꦔ꧀ꦒ, ꦱꦧ꧀ꦧꦤꦴꦩ, ꦥꦢ, ꦈꦥꦱꦒ꧀ꦒ, ꦤꦶꦥꦴꦠ, ꦠꦢ꧀ꦣꦶꦠ, ꦄꦴꦑ꧀ꦪꦴꦠ, ꦏꦩ꧀ꦩꦥ꧀ꦥꦮꦕꦤꦷꦪꦴꦢꦶꦱꦚ꧀ꦚꦴ ꦕ.

꧙. ꦄꦁꦆꦠꦶ ꦤꦶꦒ꧀ꦒꦲꦷꦠꦁ.

ꦄꦁꦆꦠꦶ ꦄꦏꦴꦫꦠꦺꦴ ꦥꦫꦁ ꦪꦺꦴ ꦧꦶꦤ꧀ꦢꦸ ꦱꦹꦪꦠꦺ, ꦠꦁ ꦤꦶꦒ꧀ꦒꦲꦷꦠꦁ ꦤꦴꦩ.

ꦧꦶꦤ꧀ꦢꦸ ꦕꦹꦭ꦳ꦴꦩꦟꦴꦏꦴꦫꦺꦴ, ꦤꦶꦒ꧀ꦒꦲꦷꦠꦤ꧀ꦠꦶ ꦮꦸꦕ꧀ꦕꦠꦺ.

ꦏꦺꦮꦭꦱ꧀ꦱꦴ ꦥ꧀ꦥꦪꦺꦴꦒꦠ꧀ꦠꦴ, ꦄꦏꦴꦫꦺꦴ ꦱꦤ꧀ꦤꦶꦣꦷꦪꦠꦺ.

꧑꧐. ꦄ, ꦏꦮꦒ꧀ꦒ, ꦲꦴ ꦏꦟ꧀ꦝꦗꦴ, ꦆ, ꦕꦮꦒ꧀ꦒ, ꦪꦴ ꦠꦴꦭꦸꦗꦴ, ꦈ, ꦥꦮꦒ꧀ꦒꦴ ꦎꦛ꧀ꦜꦗꦴ, ꦛꦮꦒ꧀ꦒ, ꦫ, ꦭ꦳ꦴ ꦩꦸꦢ꧀ꦣꦗꦴ, ꦠꦮꦒ꧀ꦒ, ꦭ, ꦱꦴ ꦢꦤ꧀ꦠꦗꦴ, ꦌ ꦏꦟ꧀ꦜꦠꦴꦭꦸꦗꦺꦴ, ꦎ ꦏꦟ꧀ꦜꦺꦴꦛ꧀ꦜꦗꦺꦴ, ꦮꦺꦴ ꦢꦤ꧀ꦠꦺꦴꦛ꧀ꦜꦗꦺꦴ.

ꦱꦚ꧀ꦚꦴ

ꦱꦫꦱꦤ꧀ꦣꦶ

꧑꧑. ꦭꦺꦴꦏ ꦄꦒ꧀ꦒꦺꦴꦆꦠ꧀ꦪꦱ꧀ꦩꦶꦁ – ‘‘ꦥꦸꦧ꧀ꦧꦩꦣꦺꦴꦜꦶꦠ ꦩꦱ꧀ꦱꦫꦁ ꦱꦫꦺꦤ ꦮꦶꦪꦺꦴꦗꦪꦺ’’ꦠꦶ ꦥꦸꦧ꧀ꦧꦧ꧀ꦪꦚ꧀ꦗꦤꦁ ꦱꦫꦠꦺꦴ ꦥꦸꦡꦏ꧀ꦏꦴꦠꦧ꧀ꦧꦁ.

ꦱꦫꦴ ꦱꦫꦺ ꦭꦺꦴꦥꦁ.

ꦄꦤꦤ꧀ꦠꦫꦺ ꦱꦫꦺ ꦥꦫꦺ ꦱꦫꦴ ꦭꦺꦴꦥꦁ ꦥꦥ꧀ꦥꦺꦴꦤ꧀ꦠꦶ.

‘‘ꦤꦫꦺ ꦥꦫꦁ ꦪꦸꦠ꧀ꦠꦺ’’ꦠꦶ ꦄꦱ꧀ꦱꦫꦺꦴ ꦧ꧀ꦪꦚ꧀ꦗꦤꦺꦴ ꦥꦫꦏ꧀ꦑꦫꦁ ꦤꦺꦠꦧ꧀ꦧꦺꦴ ꦭꦺꦴꦏꦒ꧀ꦒꦺꦴ.

ꦱꦫꦺꦠ꧀ꦪꦱ꧀ꦩꦶꦁ ꦎꦥꦱꦶꦭꦺꦱꦶꦏꦺꦴ ꦏꦴꦱꦱꦠ꧀ꦠꦩꦷ, ꦠꦠꦺꦴ ꦮꦟ꧀ꦟꦏꦴꦭꦧ꧀ꦪꦮꦣꦴꦤꦺ ꦏꦴꦫꦶꦪꦁ ꦤ ꦲꦺꦴꦠꦶ. ꦪꦡꦴ-ꦩꦁ ꦄꦲꦴ ꦱꦷꦠꦶ, ‘‘ꦥꦩꦴꦢꦩꦤꦸꦪꦸꦚ꧀ꦗꦤ꧀ꦠꦷ’’ꦠ꧀ꦪꦴꦢꦶꦒꦴꦡꦴꦪꦁ ‘ꦗꦤꦴ ꦄꦥ꧀ꦥꦩꦴꦢ’ꦤ꧀ꦠꦶ ꦕ. ꦌꦮꦁ ꦱꦧ꧀ꦧꦱꦤ꧀ꦣꦷꦱꦸ.

ꦄꦤꦤ꧀ꦠꦫꦁ ꦥꦫꦱ꧀ꦱ ꦱꦫꦱ꧀ꦱ ꦭꦺꦴꦥꦁ ꦮꦏ꧀ꦑꦠꦶ, ꦠꦱ꧀ꦩꦴꦤꦺꦤ ꦥꦸꦧ꧀ꦧꦱ꧀ꦱ ꦭꦺꦴꦥꦺꦴ ꦚꦴꦪꦠꦶ, ꦠꦺꦤꦺꦮ ꦱꦠ꧀ꦠꦩꦷꦤꦶꦢ꧀ꦢꦶꦛ꧀ꦜꦱ꧀ꦱ ꦥꦫꦠꦴꦥꦶ ꦒꦩ꧀ꦪꦠꦺ.

꧑꧒. ꦱꦫꦺꦠ꧀ꦪꦣꦶꦏꦴꦫꦺꦴ. ꦥꦤ ꦆꦩꦺ ꦥꦤ ꦆꦩꦺꦠꦷꦲ-ꦱꦫꦴ ꦭꦺꦴꦥꦁ ꦆꦠ꧀ꦮꦺꦮ.

ꦮꦴ ꦥꦫꦺꦴ ꦄꦱꦫꦹꦥꦺꦴ.

ꦄꦱꦩꦴꦤꦫꦹꦥꦴꦱꦫꦩ꧀ꦲꦴ ꦥꦫꦺꦴ ꦱꦫꦺꦴ ꦮꦴ ꦭꦸꦥ꧀ꦪꦠꦺ, ꦥꦤꦩꦺ, ꦥꦤꦶꦩꦺ.

꧑꧓. ꦧꦤ꧀ꦣꦸꦱ꧀ꦱ ꦆꦮ, ꦤ ꦈꦥꦺꦠꦷꦠꦷꦣ –

ꦏ꧀ꦮꦕꦴꦱꦮꦟ꧀ꦟꦁ ꦭꦸꦠ꧀ꦠꦺ.

ꦱꦫꦺ ꦭꦸꦠ꧀ꦠꦺ ꦥꦫꦱꦫꦱ꧀ꦱ ꦏ꧀ꦮꦕꦶ ꦄꦱꦮꦟ꧀ꦟꦺꦴ ꦲꦺꦴꦠꦷꦠꦶ ꦆ ꦈ ꦆꦕ꧀ꦕꦺꦠꦺꦱꦁ ꦜꦴꦤꦴꦱꦤ꧀ꦤꦴ ꦌ ꦎ. ꦧꦤ꧀ꦣꦸꦱ꧀ꦱꦺꦮ. ꦤꦺꦴꦥꦺꦠꦶ.

꧑꧔. ꦠꦠ꧀ꦫ ꦄꦪꦁ, ꦪꦴꦤꦶ ꦆꦣ, ꦧꦲꦸ ꦈꦥꦏꦴꦫꦁ, ꦱꦢ꧀ꦣꦴ ꦆꦣ, ꦠꦡꦴ ꦈꦥꦩꦤ꧀ꦠ꧀ꦪꦺꦠꦱ꧀ꦩꦶꦁ –

ꦢꦷꦓꦁ.

ꦱꦫꦺ ꦭꦸꦠ꧀ꦠꦺ ꦥꦫꦺꦴ ꦱꦫꦺꦴ ꦏ꧀ꦮꦕꦶ ꦜꦴꦤꦴꦱꦤ꧀ꦤꦁ ꦢꦷꦓꦁ ꦪꦴꦠꦶ. ꦠꦠ꧀ꦫꦴꦪꦁ, ꦪꦴꦤꦷꦣ, ꦧꦲꦹꦥꦏꦴꦫꦁ, ꦱꦢ꧀ꦣꦷꦣ, ꦠꦡꦹꦥꦩꦁ.

꧑꧕. ꦏꦶꦁꦱꦸ ꦆꦣꦺꦠ꧀ꦪꦠ꧀ꦫ –

ꦥꦸꦧ꧀ꦧꦺꦴ ꦕ.

ꦱꦫꦺ ꦭꦸꦠ꧀ꦠꦺ ꦥꦸꦧ꧀ꦧꦺꦴ ꦕ ꦏ꧀ꦮꦕꦶ ꦢꦷꦓꦁ ꦪꦴꦠꦶ. ꦏꦶꦁ ꦱꦹꦣ.

꧑꧖. ꦠꦺ ꦄꦗ꧀ꦗ, ꦠꦺ ꦄꦲꦁꦠꦺꦠ꧀ꦡ –

ꦪꦩꦺꦢꦤ꧀ꦠꦱ꧀ꦱꦴꦢꦺꦱꦺꦴ.

ꦱꦫꦺ ꦥꦫꦺ ꦄꦤ꧀ꦠꦱ꧀ꦱ ꦌꦏꦴꦫꦱ꧀ꦱ ꦏ꧀ꦮꦕꦶ ꦪꦺꦴ ꦄꦴꦢꦺꦱꦺꦴ ꦲꦺꦴꦠꦶ, ꦠ꧀ꦪꦗ꧀ꦗ, ‘‘ꦢꦷꦓ’’ꦤ꧀ꦠꦶ ꦧ꧀ꦪꦚ꧀ꦗꦤꦺ ꦥꦫꦺ ꦏ꧀ꦮꦕꦶ ꦢꦷꦓꦺꦴ, ꦠ꧀ꦪꦴꦲꦁ.

ꦏ꧀ꦮꦕꦷꦠꦶ ꦏꦶꦁ. ꦤꦺꦠ꧀ꦡ.

꧑꧗. ꦱꦺꦴ ꦄꦱ꧀ꦱ, ꦄꦤꦸ ꦌꦠꦶꦠ꧀ꦪꦺꦠ꧀ꦡ –

ꦮꦩꦺꦴꦢꦸꦢꦤ꧀ꦠꦴꦤꦁ.

ꦱꦫꦺ ꦥꦫꦺ ꦄꦤ꧀ꦠꦺꦴ ꦏꦴꦫꦸꦏꦴꦫꦴꦤꦁ ꦏ꧀ꦮꦕꦶ ꦮꦺꦴ ꦄꦴꦢꦺꦱꦺꦴ ꦲꦺꦴꦠꦶ. ꦱ꧀ꦮꦱ꧀ꦱ, ꦄꦤ꧀ꦮꦺꦠꦶ.

ꦏ꧀ꦮꦕꦷꦠꦶ ꦏꦶꦁ. ꦠꦪꦱ꧀ꦱꦸ, ꦱꦩꦺꦠꦴꦪꦱ꧀ꦩꦴ.

꧑꧘. ꦆꦣ ꦄꦲꦁ ꦠꦷꦣ –

ꦢꦺꦴ ꦣꦱ꧀ꦱ ꦕ.

ꦱꦫꦺ ꦥꦫꦺ ꦣꦱ꧀ꦱ ꦏ꧀ꦮꦕꦶ ꦢꦺꦴ ꦲꦺꦴꦠꦶ. ꦢꦷꦓꦺ – ꦆꦢꦴꦲꦁ. ꦏ꧀ꦮꦕꦷꦠꦶ ꦏꦶꦁ. ꦆꦣꦺꦮ. ꦕꦏꦴꦫꦺꦤ ꦧ꧀ꦪꦚ꧀ꦗꦤꦺꦥꦶ, ꦆꦣ ꦨꦶꦏ꧀ꦑꦮꦺ.

꧑꧙. ꦥꦠꦶ ꦄꦤ꧀ꦠꦸꦁ, ꦮꦸꦠ꧀ꦠꦶ ꦄꦱ꧀ꦱꦺꦠꦷꦲ –

ꦆꦮꦟ꧀ꦟꦺꦴ ꦪꦤ꧀ꦤꦮꦴ.

ꦱꦫꦺ ꦥꦫꦺ ꦆꦮꦟ꧀ꦟꦱ꧀ꦱ ꦪꦺꦴ ꦤꦮꦴ ꦲꦺꦴꦠꦶ. ꦏꦠ ꦪꦏꦴꦫꦱ꧀ꦱ ꦠꦶꦱ꧀ꦱ ‘‘ꦱꦧ꧀ꦧꦺꦴ ꦕꦤ꧀ꦠꦷ’’ꦠꦶ ꦏ꧀ꦮꦕꦶ ꦕꦴꦢꦺꦱꦺ ‘‘ꦥꦫꦢ꧀ꦮꦺꦨꦴꦮꦺꦴ ꦜꦴꦤꦺ’’ꦠꦶ ꦱꦫꦠꦺꦴ ꦥꦫꦧ꧀ꦪꦚ꧀ꦗꦤꦱ꧀ꦱ ꦜꦴꦤꦴꦱꦤ꧀ꦤꦮꦱꦴ ꦢ꧀ꦮꦶꦠ꧀ꦠꦁ. ꦥꦕ꧀ꦕꦤ꧀ꦠꦁ, ꦮꦸꦠ꧀ꦪꦱ꧀ꦱ.

ꦤꦮꦴꦠꦶ ꦏꦶꦁ. ꦥꦛꦒ꧀ꦒꦶ,

ꦌꦠ꧀ꦡ ‘‘ꦏ꧀ꦮꦕꦶ ꦥꦛꦶ ꦥꦠꦶꦱ꧀ꦱꦺ’’ꦠꦶ ꦥꦠꦶꦱ꧀ꦱ ꦥꦛꦶ, ꦮꦟ꧀ꦟꦒ꧀ꦒꦲꦟꦁ ꦱꦧ꧀ꦧꦠ꧀ꦡ ꦫꦱ꧀ꦱꦢꦷꦓ ꦱꦔ꧀ꦒꦲꦟꦠ꧀ꦡꦁ.

꧒꧐. ꦪꦡꦴ ꦌꦮꦺꦠꦷꦲ –

ꦌꦮꦴꦢꦶꦱ꧀ꦱ ꦫꦶ ꦥꦸꦧ꧀ꦧꦺꦴ ꦕ ꦫꦱ꧀ꦱꦺꦴ.

ꦱꦫꦠꦺꦴ ꦥꦫꦱ꧀ꦱ ꦌꦮꦱ꧀ꦱꦴꦢꦶꦌꦏꦴꦫꦺꦴ ꦫꦶꦠ꧀ꦠꦁ ꦤꦮꦴ ꦪꦴꦠꦶ. ꦥꦸꦧ꧀ꦧꦺꦴ ꦕ ꦜꦴꦤꦴꦱꦤ꧀ꦤꦁ ꦫꦱ꧀ꦱꦁ. ꦪꦡꦫꦶꦮ. ꦪꦡꦺꦮ.

꧒꧑. ꦤ ꦆꦩꦱ꧀ꦱ, ꦠꦶ ꦄꦔ꧀ꦒꦶꦏꦁ, ꦭꦲꦸ ꦌꦱ꧀ꦱꦠꦶ, ꦄꦠ꧀ꦡ ꦄꦠ꧀ꦡꦁ, ꦆꦠꦺꦴ ꦄꦴꦪꦠꦶ, ꦠꦱ꧀ꦩꦴ ꦆꦲ, ꦱꦧ꧀ꦨꦶ ꦌꦮ, ꦖ ꦄꦨꦶꦚ꧀ꦚꦴ, ꦥꦸꦡ ꦌꦮ, ꦥꦴ ꦌꦮꦠꦷꦲ ꦮꦴ ꦠ꧀ꦮꦺꦮ –

ꦪ ꦮ ꦩ ꦢ ꦤ ꦠ ꦫ ꦭ꦳ꦴ ꦕꦴꦒꦩꦴ.

ꦱꦫꦺ ꦥꦫꦺ ꦪꦴꦢꦪꦺꦴ ꦄꦴꦒꦩꦴ ꦮꦴ ꦲꦺꦴꦤ꧀ꦠꦶ, ꦕꦏꦴꦫꦺꦤ ꦒꦺꦴ ꦕ. ꦤꦪꦶꦩꦱ꧀ꦱ, ꦠꦶꦮꦔ꧀ꦒꦶꦏꦁ, ꦭꦲꦸꦩꦺꦱ꧀ꦱꦠꦶ, ꦄꦠ꧀ꦠꦢꦠ꧀ꦡꦁ, ꦆꦠꦺꦴꦤꦴꦪꦠꦶ, ꦠꦱ꧀ꦩꦴꦠꦶꦲ, ꦱꦧ꧀ꦨꦶꦫꦺꦮ, ꦖꦭ꦳ꦨꦶꦚꦴ, ꦥꦸꦡꦒꦺꦮ, ‘‘ꦫꦱ꧀ꦱ’’ꦤ꧀ꦠꦶ ꦧ꧀ꦪꦚ꧀ꦗꦤꦺ ꦥꦫꦺ ꦏ꧀ꦮꦕꦶ ꦫꦱ꧀ꦱꦺꦴ. ꦥꦒꦺꦮ.

ꦮꦴꦠꦶ ꦏꦶꦁ. ꦖ ꦄꦨꦶꦚ꧀ꦚꦴ, ꦥꦸꦡ ꦌꦮ, ꦥꦴ ꦌꦮ.

ꦌꦠ꧀ꦡ ‘‘ꦱꦫꦺ ꦏ꧀ꦮꦕꦷ’’ꦠꦶ ꦱꦫꦴꦤꦁ ꦥꦏꦠꦶ ꦲꦺꦴꦠꦶ, ꦱꦱ꧀ꦱꦫꦹꦥꦩꦺꦮ, ꦤ ꦮꦶꦏꦴꦫꦺꦴꦠ꧀ꦪꦠ꧀ꦡꦺꦴ.

꧒꧒. ꦄꦨꦶ ꦈꦒ꧀ꦒꦠꦺꦴꦠ꧀ꦪꦠ꧀ꦫ –

‘‘ꦄꦧ꧀ꦨꦺꦴ ꦄꦨꦷ’’ꦠꦶ ꦄꦨꦶꦱ꧀ꦱ ꦄꦧ꧀ꦨꦺꦴ. ꦄꦧ꧀ꦨꦸꦒ꧀ꦒꦠꦺꦴ.

ꦱꦫꦱꦤ꧀ꦣꦶ

ꦧ꧀ꦪꦚ꧀ꦗꦤꦱꦤ꧀ꦣꦶ

꧒꧓. ꦧ꧀ꦪꦚ꧀ꦗꦤꦺꦠ꧀ꦪꦣꦶꦏꦴꦫꦺꦴ. ꦏ꧀ꦮꦕꦷꦠ꧀ꦮꦺꦮ. ꦱꦺꦴ ꦨꦶꦏ꧀ꦑꦸ, ꦏꦕ꧀ꦕꦶ ꦤꦸ ꦠ꧀ꦮꦁ, ꦗꦴꦤꦺꦩ ꦠꦤ꧀ꦠꦷꦲ –

ꦭꦺꦴꦥꦚ꧀ꦕ ꦠꦠ꧀ꦫꦴꦏꦴꦫꦺꦴ.

ꦧ꧀ꦪꦚ꧀ꦗꦤꦺ ꦥꦫꦺ ꦱꦫꦴꦤꦁ ꦏ꧀ꦮꦕꦶ ꦭꦺꦴꦥꦺꦴꦲꦺꦴꦠꦶ, ꦠꦠ꧀ꦫ ꦭꦸꦠ꧀ꦠꦺ ꦜꦴꦤꦺ ꦄꦏꦴꦫꦴꦒꦩꦺꦴ, ꦕꦏꦴꦫꦺꦤ ꦎꦏꦴꦫꦸꦏꦴꦫꦴꦥꦶ. ꦱꦨꦶꦏ꧀ꦑꦸ ꦏꦕ꧀ꦕꦶꦤꦺꦴ ꦠ꧀ꦮꦁ, ꦗꦴꦤꦺꦩꦸ ꦠꦁ.

ꦏ꧀ꦮꦕꦷꦠꦶ ꦏꦶꦁ, ꦱꦺꦴꦩꦸꦤꦶ.

꧒꧔. ꦈꦓꦺꦴꦱꦺꦴ, ꦄꦴꦑꦴꦠꦤ꧀ꦠꦷꦲ – ꦢ꧀ꦮꦺꦨꦴꦮꦺ ꦜꦴꦤꦺ ꦆꦠ꧀ꦮꦺꦮ.

ꦮꦒ꧀ꦒꦺ ꦓꦺꦴꦱꦴꦓꦺꦴꦱꦴꦤꦁ ꦠꦠꦶꦪꦥꦜꦩꦴ.

ꦮꦒ꧀ꦒꦺ ꦓꦺꦴꦱꦴꦓꦺꦴꦱꦴꦤꦁ ꦕꦠꦸꦠ꧀ꦡꦢꦸꦠꦶꦪꦴꦤꦁ ꦠꦧ꧀ꦧꦒ꧀ꦒꦺ ꦠꦠꦶꦪꦥꦜꦩꦴ ꦲꦺꦴꦤ꧀ꦠꦶ ꦪꦡꦴꦱꦔ꧀ꦑ꧀ꦪꦁ ꦪꦸꦠ꧀ꦠꦺ ꦜꦴꦤꦺ, ꦈꦒ꧀ꦓꦺꦴꦱꦺꦴ, ꦫꦱ꧀ꦱꦺ ꦄꦏ꧀ꦑꦴꦠꦁ.

꧒꧕. ꦥꦫ ꦱꦲꦱ꧀ꦱꦁ, ꦄꦠꦶꦥ꧀ꦥꦑꦺꦴꦠꦷꦲ – ‘‘ꦏ꧀ꦮꦕꦶ ꦎ ꦧ꧀ꦪꦚ꧀ꦗꦤꦺ’’ꦠꦶ ꦎꦏꦴꦫꦴꦒꦩꦺꦴ. ꦥꦫꦺꦴꦱꦲꦱ꧀ꦱꦁ. ꦒꦴꦒꦩꦺ ꦕ, ꦄꦠꦶꦥ꧀ꦥꦒꦺꦴꦑꦺꦴ.

꧒꧖. ꦄꦮ ꦤꦢ꧀ꦣꦴꦠ꧀ꦪꦠ꧀ꦫ – ‘‘ꦎ ꦄꦮꦱ꧀ꦱꦺ’’ꦠꦶ ꦏ꧀ꦮꦕꦶ ꦄꦮꦱ꧀ꦱ ꦎ. ꦎꦤꦢ꧀ꦣꦴ.

ꦏ꧀ꦮꦕꦷꦠꦶ ꦏꦶꦁ. ꦄꦮꦱꦸꦱ꧀ꦱꦠꦸ.

ꦧ꧀ꦪꦚ꧀ꦗꦤꦱꦤ꧀ꦣꦶ.

ꦤꦶꦒ꧀ꦒꦲꦷꦠꦱꦤ꧀ꦣꦶ

꧒꧗. ꦤꦶꦒ꧀ꦒꦲꦷꦠꦤ꧀ꦠ꧀ꦪꦣꦶꦏꦴꦫꦺꦴ. ꦏꦶꦁ ꦏꦠꦺꦴ, ꦱꦁ ꦗꦴꦠꦺꦴ, ꦱꦁ ꦜꦶꦠꦺꦴ, ꦠꦁ ꦣꦤꦁ, ꦠꦁ ꦩꦶꦠ꧀ꦠꦤ꧀ꦠꦶꦲ –

ꦮꦒ꧀ꦒꦤ꧀ꦠꦁ ꦮꦴ ꦮꦒ꧀ꦒꦺ.

ꦮꦒ꧀ꦒꦧ꧀ꦪꦚ꧀ꦗꦤꦺ ꦥꦫꦺ ꦧꦶꦤ꧀ꦢꦸꦱ꧀ꦱ ꦠꦧ꧀ꦧꦒ꧀ꦒꦤ꧀ꦠꦺꦴ ꦮꦴ ꦲꦺꦴꦠꦶ. ꦏꦶꦔ꧀ꦏꦠꦺꦴ, ꦱꦚ꧀ꦗꦴꦠꦺꦴ, ꦱꦟ꧀ꦜꦶꦠꦺꦴ, ꦠꦤ꧀ꦣꦤꦁ, ꦠꦩ꧀ꦩꦶꦠ꧀ꦠꦁ.

ꦮꦴꦠꦶ ꦏꦶꦁ. ꦤ ꦠꦁ ꦏꦩ꧀ꦩꦁ.

ꦮꦴꦏꦴꦫꦺꦤꦺꦮ ꦭꦺ ꦭꦺꦴ ꦕ. ꦥꦸꦭ꧀ꦭꦶꦔ꧀ꦒꦁ.

꧒꧘. ꦮꦴꦠ꧀ꦪꦣꦶꦏꦴꦫꦺꦴ. ꦌꦮꦁ ꦄꦱ꧀ꦱ, ꦌꦠꦁ ꦄꦮꦺꦴꦕꦺꦠꦷꦲ –

ꦩꦢꦴ ꦱꦫꦺ.

ꦱꦫꦺ ꦥꦫꦺ ꦧꦶꦤ꧀ꦢꦸꦤꦺꦴ ꦩ ꦢꦴ ꦮꦴ ꦲꦺꦴꦤ꧀ꦠꦶ. ꦌꦮꦩꦱ꧀ꦱ, ꦌꦠꦢꦮꦺꦴꦕ.

ꦮꦴꦠꦶ ꦏꦶꦁ. ꦩꦁ ꦄꦗꦶꦤꦶ.

꧒꧙. ꦠꦁ ꦌꦮ, ꦠꦁ ꦲꦷꦠꦷꦲ –

ꦌꦲꦺꦚꦁ.

ꦌꦏꦴꦫꦺ, ꦲꦺ ꦕ ꦥꦫꦺ ꦧꦶꦤ꧀ꦢꦸꦤꦺꦴ ꦚꦺꦴ ꦮꦴ ꦲꦺꦴꦠꦶ. ꦢ꧀ꦮꦶꦠ꧀ꦠꦺ – ꦠꦚ꧀ꦚꦺꦮ, ꦠꦩꦺꦮ. ꦠꦚ꧀ꦲꦶ, ꦠꦁ ꦲꦶ.

꧓꧐. ꦱꦁꦪꦺꦴꦒꦺꦴꦠꦷꦲ –

ꦱꦪꦺ ꦕ.

ꦪꦏꦴꦫꦺ ꦥꦫꦺ ꦠꦺꦤ ꦱꦲ ꦧꦶꦤ꧀ꦢꦸꦤꦺꦴ ꦚꦺꦴ ꦮꦴ ꦲꦺꦴꦠꦶ. ꦢ꧀ꦮꦶꦠ꧀ꦠꦺ – ꦱꦚ꧀ꦚꦺꦴꦒꦺꦴ, ꦱꦁꦪꦺꦴꦒꦺꦴ.

꧓꧑. ꦕꦏ꧀ꦑꦸ ꦄꦤꦶꦕ꧀ꦕꦁ, ꦄꦮ ꦱꦶꦫꦺꦴꦠꦷꦲ - ꦄꦴꦒꦩꦺꦴ, ꦏ꧀ꦮꦕꦶꦠ꧀ꦮꦺꦮ.

ꦤꦶꦒ꧀ꦒꦲꦷꦠꦚ꧀ꦕ.

ꦱꦫꦺ, ꦧ꧀ꦪꦚ꧀ꦗꦤꦺ ꦮꦴ ꦥꦫꦺ ꦏ꧀ꦮꦕꦶ ꦧꦶꦤ꧀ꦢ꧀ꦮꦴꦒꦩꦺꦴ ꦲꦺꦴꦠꦶ. ꦕꦏ꧀ꦑꦸꦁꦄꦤꦶꦕ꧀ꦕꦁ, ꦄꦮꦁꦱꦶꦫꦺꦴ.

꧓꧒. ꦮꦶꦢꦹꦤꦁ ꦄꦒ꧀ꦒꦁ, ꦠꦴꦱꦁ ꦄꦲꦁꦠꦷꦲ –

‘‘ꦏ꧀ꦮꦕꦶ ꦭꦺꦴꦥꦁ’’ꦠꦶ ꦱꦫꦺ ꦧꦶꦤ꧀ꦢꦸꦭꦺꦴꦥꦺꦴ, ꦮꦶꦢꦹꦤꦒ꧀ꦒꦁ. ꦢꦷꦓꦺꦠꦴꦱꦴꦲꦁ.

꧓꧓. ꦧꦸꦢ꧀ꦣꦴꦤꦁ ꦱꦴꦱꦤꦁ, ꦱꦁ ꦫꦴꦒꦺꦴꦠꦷꦲ –

‘‘ꦧ꧀ꦪꦚ꧀ꦗꦤꦺ ꦕꦺ’’ꦠꦶ ꦧꦶꦤ꧀ꦢꦸꦭꦺꦴꦥꦺꦴ, ꦧꦸꦢ꧀ꦣꦴꦤꦱꦴꦱꦤꦁ. ꦢꦷꦓꦺꦱꦴꦫꦴꦒꦺꦴ.

꧓꧔. ꦧꦷꦗꦁ ꦆꦮꦺꦠꦷꦲ –

ꦥꦫꦺꦴ ꦮꦴ ꦱꦫꦺꦴ.

ꦧꦶꦤ꧀ꦢꦸꦠꦺꦴ ꦥꦫꦺꦴ ꦱꦫꦺꦴ ꦮꦴ ꦭꦸꦥ꧀ꦪꦠꦺ, ꦧꦷꦗꦁꦮ.

꧓꧕. ꦌꦮꦁ ꦄꦱ꧀ꦱꦺꦠꦷꦲ –

ꦧ꧀ꦪꦚ꧀ꦗꦤꦺꦴ ꦕ ꦮꦶꦱꦚ꧀ꦚꦺꦴꦒꦺꦴ.

ꦧꦶꦤ꧀ꦢꦸꦠꦺꦴ ꦥꦫꦺ ꦱꦫꦺ ꦭꦸꦠ꧀ꦠꦺ ꦱꦁꦪꦺꦴꦒꦺꦴ ꦧ꧀ꦪꦚ꧀ꦗꦤꦺꦴ ꦮꦶꦤꦛ꧀ꦜꦱꦁꦪꦺꦴꦒꦺꦴ ꦲꦺꦴꦠꦷꦠꦶ ꦥꦸꦧ꧀ꦧꦱꦭꦺꦴꦥꦺꦴ. ꦌꦮꦁꦱ.

ꦤꦶꦒ꧀ꦒꦲꦷꦠꦱꦤ꧀ꦣꦶ.

ꦮꦺꦴꦩꦶꦱ꧀ꦱꦏ ꦱꦤ꧀ꦣꦷ

꧓꧖. ꦄꦤꦸꦥꦢꦶꦛ꧀ꦜꦴꦤꦁ ꦮꦸꦠ꧀ꦠꦪꦺꦴꦒꦠꦺꦴ.

ꦆꦣꦴꦤꦶꦢ꧀ꦢꦶꦛ꧀ꦜꦴ ꦱꦤ꧀ꦣꦪꦺꦴ ꦮꦸꦠ꧀ꦠꦴꦤꦸꦱꦴꦫꦺꦤ ꦚꦺ ꦪ꧀ꦪꦴ, ꦪꦡꦴ – ꦪꦢꦶ ꦌꦮꦁ, ꦧꦺꦴꦣꦶ ꦄꦔ꧀ꦒꦴꦠꦷꦲ – ꦪꦴꦢꦺꦱꦺ ꦆꦩꦶꦤꦴ ꦱꦸꦠ꧀ꦠꦺꦤ ꦢꦪꦏꦴꦫꦱꦁꦪꦺꦴꦒꦱ꧀ꦱ ꦗꦺꦴ, ꦣꦪꦏꦴꦫꦱꦁꦪꦺꦴꦒꦱ꧀ꦱ ꦙꦺꦴ, ꦢ꧀ꦮꦶꦠ꧀ꦠꦺ – ꦪꦗ꧀ꦗꦺꦮꦁ, ꦧꦺꦴꦗ꧀ꦙꦔ꧀ꦒꦴ.

꧓꧗. ꦄꦱꦢꦶꦱꦱꦁꦪꦺꦴꦒꦺ ꦌꦏꦱꦫꦹꦥꦠꦴ ꦕ.

ꦥꦫꦶ ꦌꦱꦤꦴꦠꦷꦲ – ꦪꦴꦢꦺꦱꦺ ꦫꦏꦴꦫꦱ꧀ꦱ ꦪꦺꦴ, ꦥꦪ꧀ꦪꦺꦱ ꦤꦴ.

꧓꧘. ꦮꦟ꧀ꦟꦴꦤꦁ ꦧꦲꦸꦠ꧀ꦠꦁ, ꦮꦶꦥꦫꦷꦠꦠꦴ ꦕ.

ꦱꦫꦠꦶ, ꦆꦠꦶ ꦌꦮ, ꦱꦴ ꦆꦠ꧀ꦡꦷ, ꦧꦸꦱꦁ ꦌꦮ, ꦧꦲꦸ ꦄꦴꦧꦴꦣꦺꦴ, ꦄꦣꦶ ꦄꦨꦮꦶ, ꦱꦸꦑꦁ, ꦢꦸꦏ꧀ꦑꦁ, ꦗꦷꦮꦺꦴꦠꦷꦲ –

ꦩꦴꦒꦩꦺꦴ ꦱꦏꦴꦫꦺ ꦄꦏꦴꦫꦱ꧀ꦱ ꦈ ꦕ, ꦱꦸꦩꦫꦠꦶ.

ꦆꦱ꧀ꦱ ꦮꦺꦴ, ꦆꦠ꧀ꦮꦺꦮ.

ꦥꦫꦭꦺꦴꦥꦺ ꦄꦴꦏꦴꦫꦱ꧀ꦱ ꦎ, ꦱꦺꦴꦠ꧀ꦡꦷ.

ꦩꦴꦢꦺꦱꦺ, ꦥꦸꦧ꧀ꦧꦢꦷꦓꦺ ꦕ ꦌꦏꦴꦫꦱ꧀ꦱ ꦆ. ꦧꦸꦱꦴꦩꦶꦮ.

ꦮꦴꦢꦺꦱꦺ ꦲꦮꦏꦴꦫꦮꦶꦥꦫꦶꦪꦪꦺꦴ. ꦧꦲ꧀ꦮꦴꦧꦴꦣꦺꦴ.

ꦄꦣꦶꦱ꧀ꦱ ꦏ꧀ꦮꦕꦶ ꦄꦢ꧀ꦣꦺꦴ, ꦢꦷꦓꦺ-ꦄꦢ꧀ꦣꦴꦨꦮꦶ.

ꦧꦶꦤ꧀ꦢꦸꦤꦺꦴ, ꦎꦏꦴꦫꦱ꧀ꦱ ꦕ ꦌ. ꦱꦸꦑꦺ, ꦢꦸꦏ꧀ꦑꦺ, ꦗꦷꦮꦺ.

꧓꧙. ꦫꦢꦴꦤꦁ ꦭ꦳ꦺꦴ, ꦥꦛꦶꦧꦺꦴꦣꦺꦴ, ꦥꦫꦶꦭ꦳ꦴꦲꦺꦴ.

꧔꧐. ꦱꦫꦺ, ꦧ꧀ꦪꦚ꧀ꦗꦤꦺ ꦮꦴ ꦥꦫꦺ ꦧꦶꦤ꧀ꦢꦸꦤꦺꦴ ꦏ꧀ꦮꦕꦶ ꦩꦺꦴ. ꦩꦩ ꦄꦨꦴꦱꦶ, ꦧꦸꦢ꧀ꦣꦩ ꦱꦫꦟꦁ, ꦥꦸꦧ꧀ꦧꦺ ꦩꦺꦴ ꦥꦫꦁ ꦤ ꦤꦺꦠꦧ꧀ꦧꦺꦴ ꦄꦪꦸꦠ꧀ꦠꦠ꧀ꦠꦴ.

꧔꧑. ꦧꦶꦤ꧀ꦢꦸꦠꦺꦴ ꦥꦫꦱꦫꦴꦤ ꦩꦚ꧀ꦚꦱ꧀ꦱꦫꦠꦴꦥꦶ.

ꦠꦁ ꦆꦩꦶꦤꦴ, ꦌꦮꦁ ꦆꦩꦁ, ꦏꦶꦁ ꦄꦲꦁ ꦠꦷꦲ-ꦆꦱ꧀ꦱ ꦄ. ꦠꦢꦩꦶꦤꦴ.

ꦆꦱ꧀ꦱ ꦈ, ꦄꦏꦴꦫꦱ꧀ꦱ ꦕ ꦌ, ꦧꦶꦤ꧀ꦢꦸꦭꦺꦴꦥꦴꦢꦺꦴ. ꦌꦮꦸꦩꦁ, ꦏꦺꦲꦁ.

꧔꧒. ꦮꦴꦏ꧀ꦪꦱꦸꦑꦸꦕ꧀ꦕꦴꦫꦟꦠ꧀ꦡꦁ, ꦖꦤ꧀ꦢꦲꦴꦤꦶꦠ꧀ꦡꦚ꧀ꦕ ꦮꦟ꧀ꦟꦭꦺꦴꦥꦺꦴꦥꦶ.

ꦥꦛꦶꦱꦔ꧀ꦑꦴꦪ ꦪꦺꦴꦤꦶꦱꦺꦴꦠꦷꦲ – ꦥꦸꦧ꧀ꦧꦪꦭꦺꦴꦥꦺꦴ, ꦥꦛꦶꦱꦔ꧀ꦑꦴꦪꦺꦴꦤꦶꦱꦺꦴ.

꧔꧓. ꦄꦭꦴꦧꦹꦤꦶꦠ꧀ꦪꦴꦢꦺꦴ ꦄꦏꦴꦫꦭꦺꦴꦥꦺꦴ. ꦭꦴꦧꦹꦤꦶ ꦱꦷꦢꦤ꧀ꦠꦶ, ꦱꦶꦭꦴ ꦥ꧀ꦭꦮꦤ꧀ꦠꦶ.

꧔꧔. ꦮꦸꦠ꧀ꦪꦨꦺꦢꦴꦪ ꦮꦶꦏꦴꦫꦺꦴꦥꦶ.

ꦄꦏꦫꦩ꧀ꦲꦱꦺ ꦠꦺꦠ꧀ꦪꦴꦢꦺꦴ ꦱꦏꦴꦫꦺ ꦒꦫꦸꦤꦺꦴ ꦌꦏꦴꦫꦱ꧀ꦱ ꦆꦩꦶꦤꦴ ꦭꦲꦸꦄꦏꦴꦫꦺꦴ, ꦄꦏꦫꦩ꧀ꦲꦱ ꦠꦺ ꦏꦶꦕ꧀ꦕꦁ.

꧔꧕. ꦄꦏ꧀ꦑꦫꦤꦶꦪꦩꦺꦴ ꦖꦤ꧀ꦢꦁ, ꦒꦫꦸꦭꦲꦸꦤꦶꦪꦩꦺꦴ ꦨꦮꦺ ꦮꦸꦠ꧀ꦠꦶ,

ꦢꦷꦓꦺꦴ, ꦱꦁꦪꦺꦴꦒꦴꦢꦶꦥꦸꦧ꧀ꦧꦺꦴ ꦫꦱ꧀ꦱꦺꦴ ꦕ ꦒꦫꦸ, ꦭꦲꦸ ꦠꦸ ꦫꦱ꧀ꦱꦺꦴ. ꦪꦡꦴ- ꦄꦴ, ꦄꦱ꧀ꦱ, ꦄꦁ, ꦄ.

꧔꧖. ꦌꦮꦩꦚ꧀ꦚꦴꦥꦶ ꦮꦶꦚ꧀ꦚꦺꦪ꧀ꦪꦴ, ꦱꦁꦲꦶꦠꦴ ꦠꦤ꧀ꦠꦶꦪꦴ ꦲꦶꦠꦴ;

ꦱꦁꦲꦶꦠꦴꦠꦶ ꦕ ꦮꦟ꧀ꦟꦴꦤꦁ, ꦱꦤ꧀ꦤꦶꦣꦧ꧀ꦪꦮꦣꦴꦤꦠꦺꦴ.

ꦮꦺꦴꦩꦶꦱ꧀ꦱꦏꦱꦤ꧀ꦣꦶ.