(꧖) ꧑. ꦑꦺꦩꦮꦒ꧀ꦒꦺꦴ

꧑. ꦑꦺꦩꦱꦸꦠ꧀ꦠꦁ

꧕꧒. ‘‘‘ꦑꦺꦩꦁ ꦑꦺꦩ’ꦤ꧀ꦠꦶ, ꦄꦴꦮꦸꦱꦺꦴ, ꦮꦸꦕ꧀ꦕꦠꦶ. ꦏꦶꦠ꧀ꦠꦴꦮꦠꦴ ꦤꦸ ꦑꦺꦴ, ꦄꦴꦮꦸꦱꦺꦴ, ꦑꦺꦩꦁ ꦮꦸꦠ꧀ꦠꦁ ꦨꦒꦮꦠꦴ’’ꦠꦶ?

‘‘ꦆꦣꦴꦮꦸꦱꦺꦴ, ꦨꦶꦏ꧀ꦑꦸ ꦮꦶꦮꦶꦕ꧀ꦕꦺꦮ ꦏꦴꦩꦺꦲꦶ…ꦥꦺ… ꦥꦜꦩꦁ ꦙꦴꦤꦁ ꦈꦥꦱꦩ꧀ꦥꦗ꧀ꦗ ꦮꦶꦲꦫꦠꦶ. ꦌꦠ꧀ꦠꦴꦮꦠꦴꦥꦶ ꦑꦺꦴ, ꦄꦴꦮꦸꦱꦺꦴ, ꦑꦺꦩꦁ ꦮꦸꦠ꧀ꦠꦁ ꦨꦒꦮꦠꦴ ꦥꦫꦶꦪꦴꦪꦺꦤ…ꦥꦺ….

‘‘ꦥꦸꦤ ꦕꦥꦫꦁ, ꦄꦴꦮꦸꦱꦺꦴ, ꦨꦶꦏ꧀ꦑꦸ ꦱꦧ꧀ꦧꦱꦺꦴ ꦤꦺꦮꦱꦚ꧀ꦚꦴꦤꦴꦱꦚ꧀ꦚꦴꦪꦠꦤꦁ ꦱꦩꦠꦶꦏ꧀ꦏꦩ꧀ꦩ ꦱꦚ꧀ꦚꦴꦮꦺꦢꦪꦶꦠꦤꦶꦫꦺꦴꦣꦁ ꦈꦥꦱꦩ꧀ꦥꦗ꧀ꦗ ꦮꦶꦲꦫꦠꦶ, ꦥꦚ꧀ꦚꦴꦪ ꦕꦱ꧀ꦱ ꦢꦶꦱ꧀ꦮꦴ ꦄꦴꦱꦮꦴ ꦥꦫꦶꦏ꧀ꦑꦷꦟꦴ ꦲꦺꦴꦤ꧀ꦠꦶ. ꦌꦠ꧀ꦠꦴꦮꦠꦴꦥꦶ ꦑꦺꦴ, ꦄꦴꦮꦸꦱꦺꦴ, ꦑꦺꦩꦁ ꦮꦸꦠ꧀ꦠꦁ ꦨꦒꦮꦠꦴ ꦤꦶꦥ꧀ꦥꦫꦶꦪꦴꦪꦺꦤꦴ’’ꦠꦶ. ꦥꦜꦩꦁ.

꧒. ꦑꦺꦩꦥ꧀ꦥꦠ꧀ꦠꦱꦸꦠ꧀ꦠꦁ

꧕꧓. ꦑꦺꦩꦥ꧀ꦥꦠ꧀ꦠꦺꦴ ꦑꦺꦩꦥ꧀ꦥꦠ꧀ꦠꦺꦴꦠꦶ, ꦄꦴꦮꦸꦱꦺꦴ, ꦮꦸꦕ꧀ꦕꦠꦶ…ꦥꦺ…. ꦢꦸꦠꦶꦪꦁ.

꧓. ꦄꦩꦠꦱꦸꦠ꧀ꦠꦁ

꧕꧔. ꦄꦩꦠꦁ ꦄꦩꦠꦤ꧀ꦠꦶ, ꦄꦴꦮꦸꦱꦺꦴ, ꦮꦸꦕ꧀ꦕꦠꦶ…ꦥꦺ…. ꦠꦠꦶꦪꦁ.

꧔. ꦄꦩꦠꦥ꧀ꦥꦠ꧀ꦠꦱꦸꦠ꧀ꦠꦁ

꧕꧕. ꦄꦩꦠꦥ꧀ꦥꦠ꧀ꦠꦺꦴ ꦄꦩꦠꦥ꧀ꦥꦠ꧀ꦠꦺꦴꦠꦶ, ꦄꦴꦮꦸꦱꦺꦴ, ꦮꦸꦕ꧀ꦕꦠꦶ…ꦥꦺ…. ꦕꦠꦸꦠ꧀ꦡꦁ.

꧕. ꦄꦨꦪꦱꦸꦠ꧀ꦠꦁ

꧕꧖. ꦄꦨꦪꦁ ꦄꦨꦪꦤ꧀ꦠꦶ, ꦄꦴꦮꦸꦱꦺꦴ, ꦮꦸꦕ꧀ꦕꦠꦶ…ꦥꦺ…. ꦥꦚ꧀ꦕꦩꦁ.

꧖. ꦄꦨꦪꦥ꧀ꦥꦠ꧀ꦠꦱꦸꦠ꧀ꦠꦁ

꧕꧗. ꦄꦨꦪꦥ꧀ꦥꦠ꧀ꦠꦺꦴ ꦄꦨꦪꦥ꧀ꦥꦠ꧀ꦠꦺꦴꦠꦶ, ꦄꦴꦮꦸꦱꦺꦴ, ꦮꦸꦕ꧀ꦕꦠꦶ…ꦥꦺ…. ꦖꦛ꧀ꦜꦁ.

꧗. ꦥꦱ꧀ꦱꦢ꧀ꦣꦶꦱꦸꦠ꧀ꦠꦁ

꧕꧘. ꦥꦱ꧀ꦱꦢ꧀ꦣꦶ ꦥꦱ꧀ꦱꦢ꧀ꦣꦷꦠꦶ, ꦄꦴꦮꦸꦱꦺꦴ, ꦮꦸꦕ꧀ꦕꦠꦶ…ꦥꦺ…. ꦱꦠ꧀ꦠꦩꦁ.

꧘. ꦄꦤꦸꦥꦸꦧ꧀ꦧꦥꦱ꧀ꦱꦢ꧀ꦣꦶꦱꦸꦠ꧀ꦠꦁ

꧕꧙. ꦄꦤꦸꦥꦸꦧ꧀ꦧꦥꦱ꧀ꦱꦢ꧀ꦣꦶ ꦄꦤꦸꦥꦸꦧ꧀ꦧꦥꦱ꧀ꦱꦢ꧀ꦣꦷꦠꦶ, ꦄꦴꦮꦸꦱꦺꦴ, ꦮꦸꦕ꧀ꦕꦠꦶ…ꦥꦺ…. ꦄꦛ꧀ꦜꦩꦁ.

꧙. ꦤꦶꦫꦺꦴꦣꦱꦸꦠ꧀ꦠꦁ

꧖꧐. ꦤꦶꦫꦺꦴꦣꦺꦴ ꦤꦶꦫꦺꦴꦣꦺꦴꦠꦶ, ꦄꦴꦮꦸꦱꦺꦴ, ꦮꦸꦕ꧀ꦕꦠꦶ…ꦥꦺ…. ꦤꦮꦩꦁ.

꧑꧐. ꦄꦤꦸꦥꦸꦧ꧀ꦧꦤꦶꦫꦺꦴꦣꦱꦸꦠ꧀ꦠꦁ

꧖꧑. ‘‘‘ꦄꦤꦸꦥꦸꦧ꧀ꦧꦤꦶꦫꦺꦴꦣꦺꦴ ꦄꦤꦸꦥꦸꦧ꧀ꦧꦤꦶꦫꦺꦴꦣꦺꦴ’ꦠꦶ, ꦄꦴꦮꦸꦱꦺꦴ, ꦮꦸꦕ꧀ꦕꦠꦶ. ꦏꦶꦠ꧀ꦠꦴꦮꦠꦴ ꦤꦸ ꦑꦺꦴ, ꦄꦴꦮꦸꦱꦺꦴ, ꦄꦤꦸꦥꦸꦧ꧀ꦧꦤꦶꦫꦺꦴꦣꦺꦴ ꦮꦸꦠ꧀ꦠꦺꦴ ꦨꦒꦮꦠꦴ’’ꦠꦶ?

‘‘ꦆꦣꦴꦮꦸꦱꦺꦴ, ꦨꦶꦏ꧀ꦑꦸ ꦮꦶꦮꦶꦕ꧀ꦕꦺꦮ ꦏꦴꦩꦺꦲꦶ…ꦥꦺ… ꦥꦜꦩꦁ ꦙꦴꦤꦁ ꦈꦥꦱꦩ꧀ꦥꦗ꧀ꦗ ꦮꦶꦲꦫꦠꦶ. ꦌꦠ꧀ꦠꦴꦮꦠꦴꦥꦶ ꦑꦺꦴ, ꦄꦴꦮꦸꦱꦺꦴ, ꦄꦤꦸꦥꦸꦧ꧀ꦧꦤꦶꦫꦺꦴꦣꦺꦴ ꦮꦸꦠ꧀ꦠꦺꦴ ꦨꦒꦮꦠꦴ ꦥꦫꦶꦪꦴꦪꦺꦤ…ꦥꦺ….

‘‘ꦥꦸꦤ ꦕꦥꦫꦁ, ꦄꦴꦮꦸꦱꦺꦴ, ꦨꦶꦏ꧀ꦑꦸ ꦱꦧ꧀ꦧꦱꦺꦴ ꦤꦺꦮꦱꦚ꧀ꦚꦴꦤꦴꦱꦚ꧀ꦚꦴꦪꦠꦤꦁ ꦱꦩꦠꦶꦏ꧀ꦏꦩ꧀ꦩ ꦱꦚ꧀ꦚꦴꦮꦺꦢꦪꦶꦠꦤꦶꦫꦺꦴꦣꦁ ꦈꦥꦱꦩ꧀ꦥꦗ꧀ꦗ ꦮꦶꦲꦫꦠꦶ, ꦥꦚ꧀ꦚꦴꦪ ꦕꦱ꧀ꦱ ꦢꦶꦱ꧀ꦮꦴ ꦄꦴꦱꦮꦴ ꦥꦫꦶꦏ꧀ꦑꦷꦟꦴ ꦲꦺꦴꦤ꧀ꦠꦶ. ꦌꦠ꧀ꦠꦴꦮꦠꦴꦥꦶ ꦑꦺꦴ, ꦄꦴꦮꦸꦱꦺꦴ, ꦄꦤꦸꦥꦸꦧ꧀ꦧꦤꦶꦫꦺꦴꦣꦺꦴ ꦮꦸꦠ꧀ꦠꦺꦴ ꦨꦒꦮꦠꦴ ꦤꦶꦥ꧀ꦥꦫꦶꦪꦴꦪꦺꦤꦴ’’ꦠꦶ. ꦢꦱꦩꦁ.

꧑꧑. ꦄꦨꦧ꧀ꦧꦱꦸꦠ꧀ꦠꦁ

꧖꧒. ‘‘ꦤꦮ, ꦨꦶꦏ꧀ꦑꦮꦺ, ꦣꦩ꧀ꦩꦺ ꦄꦥ꧀ꦥꦲꦴꦪ ꦄꦨꦧ꧀ꦧꦺꦴ ꦄꦫꦲꦠ꧀ꦠꦁ ꦱꦕ꧀ꦖꦶꦏꦴꦠꦸꦁ. ꦏꦠꦩꦺ ꦤꦮ? ꦫꦴꦒꦁ, ꦢꦺꦴꦱꦁ, ꦩꦺꦴꦲꦁ, ꦏꦺꦴꦣꦁ, ꦈꦥꦤꦴꦲꦁ, ꦩꦏ꧀ꦑꦁ, ꦥꦭ꦳ꦴꦱꦁ, ꦆꦱ꧀ꦱꦁ, ꦩꦕ꧀ꦖꦫꦶꦪꦁ – ꦆꦩꦺ ꦑꦺꦴ, ꦨꦶꦏ꧀ꦑꦮꦺ, ꦤꦮ ꦣꦩ꧀ꦩꦺ ꦄꦥ꧀ꦥꦲꦴꦪ ꦄꦨꦧ꧀ꦧꦺꦴ ꦄꦫꦲꦠ꧀ꦠꦁ ꦱꦕ꧀ꦖꦶꦏꦴꦠꦸꦁ.

‘‘ꦤꦮ, ꦨꦶꦏ꧀ꦑꦮꦺ, ꦣꦩ꧀ꦩꦺ ꦥꦲꦴꦪ ꦨꦧ꧀ꦧꦺꦴ ꦄꦫꦲꦠ꧀ꦠꦁ ꦱꦕ꧀ꦖꦶꦏꦴꦠꦸꦁ. ꦏꦠꦩꦺ ꦤꦮ? ꦫꦴꦒꦁ, ꦢꦺꦴꦱꦁ, ꦩꦺꦴꦲꦁ, ꦏꦺꦴꦣꦁ, ꦈꦥꦤꦴꦲꦁ, ꦩꦏ꧀ꦑꦁ, ꦥꦭ꦳ꦴꦱꦁ, ꦆꦱ꧀ꦱꦁ, ꦩꦕ꧀ꦖꦫꦶꦪꦁ – ꦆꦩꦺ ꦑꦺꦴ, ꦨꦶꦏ꧀ꦑꦮꦺ, ꦤꦮ ꦣꦩ꧀ꦩꦺ ꦥꦲꦴꦪ ꦨꦧ꧀ꦧꦺꦴ ꦄꦫꦲꦠ꧀ꦠꦁ ꦱꦕ꧀ꦖꦶꦏꦴꦠꦸ’’ꦤ꧀ꦠꦶ. ꦌꦏꦴꦢꦱꦩꦁ.

ꦑꦺꦩꦮꦒ꧀ꦒꦺꦴ ꦥꦜꦩꦺꦴ.