(꧑꧑). ꦫꦴꦒꦥꦺꦪ꧀ꦪꦴꦭꦁ

꧑꧑꧗. ‘‘ꦫꦴꦒꦱ꧀ꦱ, ꦨꦶꦏ꧀ꦑꦮꦺ, ꦄꦨꦶꦚ꧀ꦚꦴꦪ ꦄꦛ꧀ꦜ ꦣꦩ꧀ꦩꦴ ꦨꦴꦮꦺꦠꦧ꧀ꦧꦴ. ꦏꦠꦩꦺ ꦄꦛ꧀ꦜ? ꦱꦩ꧀ꦩꦴꦢꦶꦛ꧀ꦜꦶ, ꦱꦩ꧀ꦩꦴꦱꦔ꧀ꦏꦥ꧀ꦥꦺꦴ, ꦱꦩ꧀ꦩꦴꦮꦴꦕꦴ, ꦱꦩ꧀ꦩꦴꦏꦩ꧀ꦩꦤ꧀ꦠꦺꦴ, ꦱꦩ꧀ꦩꦴꦄꦴꦗꦷꦮꦺꦴ, ꦱꦩ꧀ꦩꦴꦮꦴꦪꦴꦩꦺꦴ, ꦱꦩ꧀ꦩꦴꦱꦠꦶ, ꦱꦩ꧀ꦩꦴꦱꦩꦴꦣꦶ – ꦫꦴꦒꦱ꧀ꦱ, ꦨꦶꦏ꧀ꦑꦮꦺ, ꦄꦨꦶꦚ꧀ꦚꦴꦪ ꦆꦩꦺ ꦄꦛ꧀ꦜ ꦣꦩ꧀ꦩꦴ ꦨꦴꦮꦺꦠꦧ꧀ꦧꦴ’’ꦠꦶ.

꧑꧑꧘. ‘‘ꦫꦴꦒꦱ꧀ꦱ, ꦨꦶꦏ꧀ꦑꦮꦺ, ꦄꦨꦶꦚ꧀ꦚꦴꦪ ꦄꦛ꧀ꦜ ꦣꦩ꧀ꦩꦴ ꦨꦴꦮꦺꦠꦧ꧀ꦧꦴ. ꦏꦠꦩꦺ ꦄꦛ꧀ꦜ? ꦄꦗ꧀ꦙꦠ꧀ꦠꦁ ꦫꦹꦥꦱꦚ꧀ꦚꦷ ꦧꦲꦶꦢ꧀ꦣꦴ ꦫꦹꦥꦴꦤꦶ ꦥꦱ꧀ꦱꦠꦶ ꦥꦫꦶꦠ꧀ꦠꦴꦤꦶ ꦱꦸꦮꦟ꧀ꦟꦢꦸꦧ꧀ꦧꦟ꧀ꦟꦴꦤꦶ, ꦠꦴꦤꦶ ꦄꦨꦶꦨꦸꦪ꧀ꦪ ‘ꦗꦴꦤꦴꦩꦶ ꦥꦱ꧀ꦱꦴꦩꦷ’ꦠꦶ ꦌꦮꦁꦱꦚ꧀ꦚꦷ ꦲꦺꦴꦠꦶ. ꦄꦗ꧀ꦙꦠ꧀ꦠꦁ ꦫꦹꦥꦱꦚ꧀ꦚꦷ ꦧꦲꦶꦢ꧀ꦣꦴ ꦫꦹꦥꦴꦤꦶ ꦥꦱ꧀ꦱꦠꦶ ꦄꦥ꧀ꦥꦩꦴꦟꦴꦤꦶ ꦱꦸꦮꦟ꧀ꦟꦢꦸꦧ꧀ꦧꦟ꧀ꦟꦴꦤꦶ, ꦠꦴꦤꦶ ꦄꦨꦶꦨꦸꦪ꧀ꦪ ‘ꦗꦴꦤꦴꦩꦶ ꦥꦱ꧀ꦱꦴꦩꦷ’ꦠꦶ ꦌꦮꦁꦱꦚ꧀ꦚꦷ ꦲꦺꦴꦠꦶ. ꦄꦗ꧀ꦙꦠ꧀ꦠꦁ ꦄꦫꦹꦥꦱꦚ꧀ꦚꦷ ꦧꦲꦶꦢ꧀ꦣꦴ ꦫꦹꦥꦴꦤꦶ ꦥꦱ꧀ꦱꦠꦶ ꦥꦫꦶꦠ꧀ꦠꦴꦤꦶ ꦱꦸꦮꦟ꧀ꦟꦢꦸꦧ꧀ꦧꦟ꧀ꦟꦴꦤꦶ, ꦠꦴꦤꦶ ꦄꦨꦶꦨꦸꦪ꧀ꦪ ‘ꦗꦴꦤꦴꦩꦶ ꦥꦱ꧀ꦱꦴꦩꦷ’ꦠꦶ ꦌꦮꦁꦱꦚ꧀ꦚꦷ ꦲꦺꦴꦠꦶ. ꦄꦗ꧀ꦙꦠ꧀ꦠꦁ ꦄꦫꦹꦥꦱꦚ꧀ꦚꦷ ꦧꦲꦶꦢ꧀ꦣꦴ ꦫꦹꦥꦴꦤꦶ ꦥꦱ꧀ꦱꦠꦶ ꦄꦥ꧀ꦥꦩꦴꦟꦴꦤꦶ ꦱꦸꦮꦟ꧀ꦟꦢꦸꦧ꧀ꦧꦟ꧀ꦟꦴꦤꦶ, ꦠꦴꦤꦶ ꦄꦨꦶꦨꦸꦪ꧀ꦪ ‘ꦗꦴꦤꦴꦩꦶ ꦥꦱ꧀ꦱꦴꦩꦷ’ꦠꦶ ꦌꦮꦁꦱꦚ꧀ꦚꦷ ꦲꦺꦴꦠꦶ. ꦄꦗ꧀ꦙꦠ꧀ꦠꦁ ꦄꦫꦹꦥꦱꦚ꧀ꦚꦷ ꦧꦲꦶꦢ꧀ꦣꦴ ꦫꦹꦥꦴꦤꦶ ꦥꦱ꧀ꦱꦠꦶ ꦤꦷꦭꦴꦤꦶ ꦤꦷꦭꦮꦟ꧀ꦟꦴꦤꦶ ꦤꦷꦭꦤꦶꦢꦱ꧀ꦱꦤꦴꦤꦶ ꦤꦷꦭꦤꦶꦨꦴꦱꦴꦤꦶ ꦥꦷꦠꦴꦤꦶ ꦥꦷꦠꦮꦟ꧀ꦟꦴꦤꦶ…ꦥꦺ… ꦭꦺꦴꦲꦶꦠꦏꦴꦤꦶ ꦭꦺꦴꦲꦶꦠꦏꦮꦟ꧀ꦟꦴꦤꦶ…ꦥꦺ… ꦎꦢꦴꦠꦴꦤꦶ ꦎꦢꦴꦠꦮꦟ꧀ꦟꦴꦤꦶ…ꦥꦺ… ꦎꦢꦴꦠꦤꦶꦨꦴꦱꦴꦤꦶ, ꦠꦴꦤꦶ ꦄꦨꦶꦨꦸꦪ꧀ꦪ ‘ꦗꦴꦤꦴꦩꦶ ꦥꦱ꧀ꦱꦴꦩꦷ’ꦠꦶ ꦌꦮꦁꦱꦚ꧀ꦚꦷ ꦲꦺꦴꦠꦶ – ꦫꦴꦒꦱ꧀ꦱ, ꦨꦶꦏ꧀ꦑꦮꦺ, ꦄꦨꦶꦚ꧀ꦚꦴꦪ ꦆꦩꦺ ꦄꦛ꧀ꦜ ꦣꦩ꧀ꦩꦴ ꦨꦴꦮꦺꦠꦧ꧀ꦧꦴ’’.

꧑꧑꧙. ‘‘ꦫꦴꦒꦱ꧀ꦱ, ꦨꦶꦏ꧀ꦑꦮꦺ, ꦄꦨꦶꦚ꧀ꦚꦴꦪ ꦄꦛ꧀ꦜ ꦣꦩ꧀ꦩꦴ ꦨꦴꦮꦺꦠꦧ꧀ꦧꦴ. ꦏꦠꦩꦺ ꦄꦛ꧀ꦜ? ꦫꦹꦥꦷ ꦫꦹꦥꦴꦤꦶ ꦥꦱ꧀ꦱꦠꦶ, ꦄꦗ꧀ꦙꦠ꧀ꦠꦁ ꦄꦫꦹꦥꦱꦚ꧀ꦚꦷ ꦧꦲꦶꦢ꧀ꦣꦴ ꦫꦹꦥꦴꦤꦶ ꦥꦱ꧀ꦱꦠꦶ, ꦱꦸꦨꦤ꧀ꦠꦺꦮ ꦄꦣꦶꦩꦸꦠ꧀ꦠꦺꦴ ꦲꦺꦴꦠꦶ, ꦱꦧ꧀ꦧꦱꦺꦴ ꦫꦹꦥꦱꦚ꧀ꦚꦴꦤꦁ ꦱꦩꦠꦶꦏ꧀ꦏꦩꦴ ꦥꦛꦶꦓꦱꦚ꧀ꦚꦴꦤꦁ ꦄꦠ꧀ꦡꦔ꧀ꦒꦩꦴ ꦤꦴꦤꦠ꧀ꦠꦱꦚ꧀ꦚꦴꦤꦁ ꦄꦩꦤꦱꦶꦏꦴꦫꦴ ‘ꦄꦤꦤ꧀ꦠꦺꦴ ꦄꦴꦏꦴꦱꦺꦴ’ꦠꦶ ꦄꦴꦏꦴꦱꦴꦤꦚ꧀ꦕꦴꦪꦠꦤꦁ ꦈꦥꦱꦩ꧀ꦥꦗ꧀ꦗ ꦮꦶꦲꦫꦠꦶ, ꦱꦧ꧀ꦧꦱꦺꦴ ꦄꦴꦏꦴꦱꦴꦤꦚ꧀ꦕꦴꦪꦠꦤꦁ ꦱꦩꦠꦶꦏ꧀ꦏꦩ꧀ꦩ ‘ꦄꦤꦤ꧀ꦠꦁ ꦮꦶꦚ꧀ꦚꦴꦟ’ꦤ꧀ꦠꦶ ꦮꦶꦚ꧀ꦚꦴꦟꦚ꧀ꦕꦴꦪꦠꦤꦁ ꦈꦥꦱꦩ꧀ꦥꦗ꧀ꦗ ꦮꦶꦲꦫꦠꦶ, ꦱꦧ꧀ꦧꦱꦺꦴ ꦮꦶꦚ꧀ꦚꦴꦟꦚ꧀ꦕꦴꦪꦠꦤꦁ ꦱꦩꦠꦶꦏ꧀ꦏꦩ꧀ꦩ ‘ꦤꦠ꧀ꦡꦶ ꦏꦶꦚ꧀ꦕꦷ’ꦠꦶ ꦄꦴꦏꦶꦚ꧀ꦕꦚ꧀ꦚꦴꦪꦠꦤꦁ ꦈꦥꦱꦩ꧀ꦥꦗ꧀ꦗ ꦮꦶꦲꦫꦠꦶ, ꦱꦧ꧀ꦧꦱꦺꦴ ꦄꦴꦏꦶꦚ꧀ꦕꦚ꧀ꦚꦴꦪꦠꦤꦁ ꦱꦩꦠꦶꦏ꧀ꦏꦩ꧀ꦩ ꦤꦺꦮꦱꦚ꧀ꦚꦴꦤꦴꦱꦚ꧀ꦚꦴꦪꦠꦤꦁ ꦈꦥꦱꦩ꧀ꦥꦗ꧀ꦗ ꦮꦶꦲꦫꦠꦶ, ꦱꦧ꧀ꦧꦱꦺꦴ ꦤꦺꦮꦱꦚ꧀ꦚꦴꦤꦴꦱꦚ꧀ꦚꦴꦪꦠꦤꦁ ꦱꦩꦠꦶꦏ꧀ꦏꦩ꧀ꦩ ꦱꦚ꧀ꦚꦴꦮꦺꦢꦪꦶꦠꦤꦶꦫꦺꦴꦣꦁ ꦈꦥꦱꦩ꧀ꦥꦗ꧀ꦗ ꦮꦶꦲꦫꦠꦶ – ꦫꦴꦒꦱ꧀ꦱ, ꦨꦶꦏ꧀ꦑꦮꦺ, ꦄꦨꦶꦚ꧀ꦚꦴꦪ ꦆꦩꦺ ꦄꦛ꧀ꦜ ꦣꦩ꧀ꦩꦴ ꦨꦴꦮꦺꦠꦧ꧀ꦧꦴ’’.

꧑꧒꧐-꧑꧔꧖. ‘‘ꦫꦴꦒꦱ꧀ꦱ, ꦨꦶꦏ꧀ꦑꦮꦺ, ꦥꦫꦶꦚ꧀ꦚꦴꦪ…ꦥꦺ… ꦥꦫꦶꦏ꧀ꦑꦪꦴꦪ… ꦥꦲꦴꦤꦴꦪ… ꦑꦪꦴꦪ… ꦮꦪꦴꦪ… ꦮꦶꦫꦴꦒꦴꦪ… ꦤꦶꦫꦺꦴꦣꦴꦪ… ꦕꦴꦒꦴꦪ… ꦥꦛꦶꦤꦶꦱ꧀ꦱꦒ꧀ꦒꦴꦪ…ꦥꦺ… ꦆꦩꦺ ꦄꦛ꧀ꦜ ꦣꦩ꧀ꦩꦴ ꦨꦴꦮꦺꦠꦧ꧀ꦧꦴ’’.

꧑꧔꧗-꧖꧒꧖. ‘‘ꦢꦺꦴꦱꦱ꧀ꦱ…ꦥꦺ… ꦩꦺꦴꦲꦱ꧀ꦱ… ꦏꦺꦴꦣꦱ꧀ꦱ… ꦈꦥꦤꦴꦲꦱ꧀ꦱ… ꦩꦏ꧀ꦑꦱ꧀ꦱ… ꦥꦭ꦳ꦴꦱꦱ꧀ꦱ… ꦆꦱ꧀ꦱꦴꦪ… ꦩꦕ꧀ꦖꦫꦶꦪꦱ꧀ꦱ … ꦩꦴꦪꦴꦪ… ꦱꦴꦜꦺꦪ꧀ꦪꦱ꧀ꦱ… ꦡꦩ꧀ꦨꦱ꧀ꦱ… ꦱꦴꦫꦩ꧀ꦨꦱ꧀ꦱ… ꦩꦴꦤꦱ꧀ꦱ… ꦄꦠꦶꦩꦴꦤꦱ꧀ꦱ… ꦩꦢꦱ꧀ꦱ… ꦥꦩꦴꦢꦱ꧀ꦱ ꦄꦨꦶꦚ꧀ꦚꦴꦪ…ꦥꦺ… ꦥꦫꦶꦚ꧀ꦚꦴꦪ… ꦥꦫꦶꦏ꧀ꦑꦪꦴꦪ… ꦥꦲꦴꦤꦴꦪ… ꦑꦪꦴꦪ… ꦮꦪꦴꦪ… ꦮꦶꦫꦴꦒꦴꦪ… ꦤꦶꦫꦺꦴꦣꦴꦪ… ꦕꦴꦒꦴꦪ… ꦥꦛꦶꦤꦶꦱ꧀ꦱꦒ꧀ꦒꦴꦪ…ꦥꦺ… ꦆꦩꦺ ꦄꦛ꧀ꦜ ꦣꦩ꧀ꦩꦴ ꦨꦴꦮꦺꦠꦧ꧀ꦧꦴ’’ꦠꦶ.

ꦫꦴꦒꦥꦺꦪ꧀ꦪꦴꦭꦁ ꦤꦶꦛ꧀ꦜꦶꦠꦁ.