꧕. ꦄꦨꦶꦨꦴꦪꦠꦤꦱꦸꦠ꧀ꦠꦁ

꧖꧕. [ꦢꦷ. ꦤꦶ. ꧓.꧓꧓꧘, ꧓꧕꧘; ꦄ. ꦤꦶ. ꧑꧐.꧒꧙] ‘‘ꦄꦛ꧀ꦜꦶꦩꦴꦤꦶ, ꦨꦶꦏ꧀ꦑꦮꦺ, ꦄꦨꦶꦨꦴꦪꦠꦤꦴꦤꦶ. ꦏꦠꦩꦴꦤꦶ ꦄꦛ꧀ꦜ? ꦄꦗ꧀ꦙꦠ꧀ꦠꦁ ꦫꦹꦥꦱꦚ꧀ꦚꦷ ꦌꦏꦺꦴ ꦧꦲꦶꦢ꧀ꦣꦴ ꦫꦹꦥꦴꦤꦶ ꦥꦱ꧀ꦱꦠꦶ ꦥꦫꦶꦠ꧀ꦠꦴꦤꦶ ꦱꦸꦮꦟ꧀ꦟꦢꦸꦧ꧀ꦧꦟ꧀ꦟꦴꦤꦶ. ‘ꦠꦴꦤꦶ ꦄꦨꦶꦨꦸꦪ꧀ꦪ ꦗꦴꦤꦴꦩꦶ ꦥꦱ꧀ꦱꦴꦩꦷ’ꦠꦶ, ꦌꦮꦁꦱꦚ꧀ꦚꦷ ꦲꦺꦴꦠꦶ. ꦆꦢꦁ ꦥꦜꦩꦁ ꦄꦨꦶꦨꦴꦪꦠꦤꦁ.

‘‘ꦄꦗ꧀ꦙꦠ꧀ꦠꦁ ꦫꦹꦥꦱꦚ꧀ꦚꦷ ꦌꦏꦺꦴ ꦧꦲꦶꦢ꧀ꦣꦴ ꦫꦹꦥꦴꦤꦶ ꦥꦱ꧀ꦱꦠꦶ ꦄꦥ꧀ꦥꦩꦴꦟꦴꦤꦶ ꦱꦸꦮꦟ꧀ꦟꦢꦸꦧ꧀ꦧꦟ꧀ꦟꦴꦤꦶ. ‘ꦠꦴꦤꦶ ꦄꦨꦶꦨꦸꦪ꧀ꦪ ꦗꦴꦤꦴꦩꦶ ꦥꦱ꧀ꦱꦴꦩꦷ’ꦠꦶ, ꦌꦮꦁꦱꦚ꧀ꦚꦷ ꦲꦺꦴꦠꦶ. ꦆꦢꦁ ꦢꦸꦠꦶꦪꦁ ꦄꦨꦶꦨꦴꦪꦠꦤꦁ.

‘‘ꦄꦗ꧀ꦙꦠ꧀ꦠꦁ ꦄꦫꦹꦥꦱꦚ꧀ꦚꦷ ꦌꦏꦺꦴ ꦧꦲꦶꦢ꧀ꦣꦴ ꦫꦹꦥꦴꦤꦶ ꦥꦱ꧀ꦱꦠꦶ ꦥꦫꦶꦠ꧀ꦠꦴꦤꦶ ꦱꦸꦮꦟ꧀ꦟꦢꦸꦧ꧀ꦧꦟ꧀ꦟꦴꦤꦶ. ‘ꦠꦴꦤꦶ ꦄꦨꦶꦨꦸꦪ꧀ꦪ ꦗꦴꦤꦴꦩꦶ ꦥꦱ꧀ꦱꦴꦩꦷ’ꦠꦶ, ꦌꦮꦁꦱꦚ꧀ꦚꦷ ꦲꦺꦴꦠꦶ. ꦆꦢꦁ ꦠꦠꦶꦪꦁ ꦄꦨꦶꦨꦴꦪꦠꦤꦁ.

‘‘ꦄꦗ꧀ꦙꦠ꧀ꦠꦁ ꦄꦫꦹꦥꦱꦚ꧀ꦚꦷ ꦌꦏꦺꦴ ꦧꦲꦶꦢ꧀ꦣꦴ ꦫꦹꦥꦴꦤꦶ ꦥꦱ꧀ꦱꦠꦶ ꦄꦥ꧀ꦥꦩꦴꦟꦴꦤꦶ ꦱꦸꦮꦟ꧀ꦟꦢꦸꦧ꧀ꦧꦟ꧀ꦟꦴꦤꦶ. ‘ꦠꦴꦤꦶ ꦄꦨꦶꦨꦸꦪ꧀ꦪ ꦗꦴꦤꦴꦩꦶ ꦥꦱ꧀ꦱꦴꦩꦷ’ꦠꦶ, ꦌꦮꦁꦱꦚ꧀ꦚꦷ ꦲꦺꦴꦠꦶ. ꦆꦢꦁ ꦕꦠꦸꦠ꧀ꦡꦁ ꦄꦨꦶꦨꦴꦪꦠꦤꦁ.

‘‘ꦄꦗ꧀ꦙꦠ꧀ꦠꦁ ꦄꦫꦹꦥꦱꦚ꧀ꦚꦷ ꦌꦏꦺꦴ ꦧꦲꦶꦢ꧀ꦣꦴ ꦫꦹꦥꦴꦤꦶ ꦥꦱ꧀ꦱꦠꦶ ꦤꦷꦭꦴꦤꦶ ꦤꦷꦭꦮꦟ꧀ꦟꦴꦤꦶ ꦤꦷꦭꦤꦶꦢꦱ꧀ꦱꦤꦴꦤꦶ ꦤꦷꦭꦤꦶꦨꦴꦱꦴꦤꦶ. ‘ꦠꦴꦤꦶ ꦄꦨꦶꦨꦸꦪ꧀ꦪ ꦗꦴꦤꦴꦩꦶ ꦥꦱ꧀ꦱꦴꦩꦷ’ꦠꦶ, ꦌꦮꦁꦱꦚ꧀ꦚꦷ ꦲꦺꦴꦠꦶ. ꦆꦢꦁ ꦥꦚ꧀ꦕꦩꦁ ꦄꦨꦶꦨꦴꦪꦠꦤꦁ.

‘‘ꦄꦗ꧀ꦙꦠ꧀ꦠꦁ ꦄꦫꦹꦥꦱꦚ꧀ꦚꦷ ꦌꦏꦺꦴ ꦧꦲꦶꦢ꧀ꦣꦴ ꦫꦹꦥꦴꦤꦶ ꦥꦱ꧀ꦱꦠꦶ ꦥꦷꦠꦴꦤꦶ ꦥꦷꦠꦮꦟ꧀ꦟꦴꦤꦶ ꦥꦷꦠꦤꦶꦢꦱ꧀ꦱꦤꦴꦤꦶ ꦥꦷꦠꦤꦶꦨꦴꦱꦴꦤꦶ. ‘ꦠꦴꦤꦶ ꦄꦨꦶꦨꦸꦪ꧀ꦪ ꦗꦴꦤꦴꦩꦶ ꦥꦱ꧀ꦱꦴꦩꦷ’ꦠꦶ, ꦌꦮꦁꦱꦚ꧀ꦚꦷ ꦲꦺꦴꦠꦶ. ꦆꦢꦁ ꦖꦛ꧀ꦜꦁ ꦄꦨꦶꦨꦴꦪꦠꦤꦁ.

‘‘ꦄꦗ꧀ꦙꦠ꧀ꦠꦁ ꦄꦫꦹꦥꦱꦚ꧀ꦚꦷ ꦌꦏꦺꦴ ꦧꦲꦶꦢ꧀ꦣꦴ ꦫꦹꦥꦴꦤꦶ ꦥꦱ꧀ꦱꦠꦶ ꦭꦺꦴꦲꦶꦠꦏꦴꦤꦶ ꦭꦺꦴꦲꦶꦠꦏꦮꦟ꧀ꦟꦴꦤꦶ ꦭꦺꦴꦲꦶꦠꦏꦤꦶꦢꦱ꧀ꦱꦤꦴꦤꦶ ꦭꦺꦴꦲꦶꦠꦏꦤꦶꦨꦴꦱꦴꦤꦶ. ‘ꦠꦴꦤꦶ ꦄꦨꦶꦨꦸꦪ꧀ꦪ ꦗꦴꦤꦴꦩꦶ ꦥꦱ꧀ꦱꦴꦩꦷ’ꦠꦶ, ꦌꦮꦁꦱꦚ꧀ꦚꦷ ꦲꦺꦴꦠꦶ. ꦆꦢꦁ ꦱꦠ꧀ꦠꦩꦁ ꦄꦨꦶꦨꦴꦪꦠꦤꦁ.

‘‘ꦄꦗ꧀ꦙꦠ꧀ꦠꦁ ꦄꦫꦹꦥꦱꦚ꧀ꦚꦷ ꦌꦏꦺꦴ ꦧꦲꦶꦢ꧀ꦣꦴ ꦫꦹꦥꦴꦤꦶ ꦥꦱ꧀ꦱꦠꦶ ꦎꦢꦴꦠꦴꦤꦶ ꦎꦢꦴꦠꦮꦟ꧀ꦟꦴꦤꦶ ꦎꦢꦴꦠꦤꦶꦢꦱ꧀ꦱꦤꦴꦤꦶ ꦎꦢꦴꦠꦤꦶꦨꦴꦱꦴꦤꦶ. ‘ꦠꦴꦤꦶ ꦄꦨꦶꦨꦸꦪ꧀ꦪ ꦗꦴꦤꦴꦩꦶ ꦥꦱ꧀ꦱꦴꦩꦷ’ꦠꦶ, ꦌꦮꦁꦱꦚ꧀ꦚꦷ ꦲꦺꦴꦠꦶ. ꦆꦢꦁ ꦄꦛ꧀ꦜꦩꦁ ꦄꦨꦶꦨꦴꦪꦠꦤꦁ. ꦆꦩꦴꦤꦶ ꦑꦺꦴ, ꦨꦶꦏ꧀ꦑꦮꦺ, ꦄꦛ꧀ꦜ ꦄꦨꦶꦨꦴꦪꦠꦤꦴꦤꦷ’’ꦠꦶ. ꦥꦚ꧀ꦕꦩꦁ.