꧘. ꦱꦥ꧀ꦥꦸꦫꦶꦱꦱꦸꦠ꧀ꦠꦁ

꧓꧘. ‘‘ꦱꦥ꧀ꦥꦸꦫꦶꦱꦺꦴ, ꦨꦶꦏ꧀ꦑꦮꦺ, ꦏꦸꦭꦺ ꦗꦴꦪꦩꦴꦤꦺꦴ ꦧꦲꦸꦤꦺꦴ ꦗꦤꦱ꧀ꦱ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ ꦲꦺꦴꦠꦶ – ꦩꦴꦠꦴꦥꦶꦠꦹꦤꦁ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ ꦲꦺꦴꦠꦶ, ꦥꦸꦠ꧀ꦠꦢꦴꦫꦱ꧀ꦱ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ ꦲꦺꦴꦠꦶ, ꦢꦴꦱꦏꦩ꧀ꦩꦏꦫꦥꦺꦴꦫꦶꦱꦱ꧀ꦱ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ ꦲꦺꦴꦠꦶ, ꦩꦶꦠ꧀ꦠꦴꦩꦕ꧀ꦕꦴꦤꦁ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ ꦲꦺꦴꦠꦶ, ꦥꦸꦧ꧀ꦧꦥꦺꦠꦴꦤꦁ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ ꦲꦺꦴꦠꦶ, ꦫꦚ꧀ꦚꦺꦴ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ ꦲꦺꦴꦠꦶ, ꦢꦺꦮꦠꦴꦤꦁ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ ꦲꦺꦴꦠꦶ, ꦱꦩꦟꦧ꧀ꦫꦴꦲ꧀ꦩꦟꦴꦤꦁ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ ꦲꦺꦴꦠꦶ.

‘‘ꦱꦺꦪ꧀ꦪꦡꦴꦥꦶ, ꦨꦶꦏ꧀ꦑꦮꦺ, ꦩꦲꦴꦩꦺꦓꦺꦴ ꦱꦧ꧀ꦧꦱꦱ꧀ꦱꦴꦤꦶ ꦱꦩ꧀ꦥꦴꦢꦺꦤ꧀ꦠꦺꦴ ꦧꦲꦸꦤꦺꦴ ꦗꦤꦱ꧀ꦱ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ [ꦲꦶꦠꦴꦪ…ꦥꦺ… (ꦱ꧀ꦪꦴ. ꦏ.)] ꦲꦺꦴꦠꦶ; ꦌꦮꦩꦺꦮꦁ ꦑꦺꦴ, ꦨꦶꦏ꧀ꦑꦮꦺ, ꦱꦥ꧀ꦥꦸꦫꦶꦱꦺꦴ ꦏꦸꦭꦺ ꦗꦴꦪꦩꦴꦤꦺꦴ ꦧꦲꦸꦤꦺꦴ ꦗꦤꦱ꧀ꦱ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ ꦲꦺꦴꦠꦶ – ꦩꦴꦠꦴꦥꦶꦠꦹꦤꦁ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ ꦲꦺꦴꦠꦶ, ꦥꦸꦠ꧀ꦠꦢꦴꦫꦱ꧀ꦱ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ ꦲꦺꦴꦠꦶ, ꦢꦴꦱꦏꦩ꧀ꦩꦏꦫꦥꦺꦴꦫꦶꦱꦱ꧀ꦱ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ ꦲꦺꦴꦠꦶ, ꦩꦶꦠ꧀ꦠꦴꦩꦕ꧀ꦕꦴꦤꦁ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ ꦲꦺꦴꦠꦶ, ꦥꦸꦧ꧀ꦧꦥꦺꦠꦴꦤꦁ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ ꦲꦺꦴꦠꦶ, ꦫꦚ꧀ꦚꦺꦴ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ ꦲꦺꦴꦠꦶ, ꦢꦺꦮꦠꦴꦤꦁ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ ꦲꦺꦴꦠꦶ, ꦱꦩꦟꦧ꧀ꦫꦴꦲ꧀ꦩꦟꦴꦤꦁ ꦄꦠ꧀ꦡꦴꦪ ꦲꦶꦠꦴꦪ ꦱꦸꦑꦴꦪ ꦲꦺꦴꦠꦷ’’ꦠꦶ.

‘‘ꦧꦲꦹꦤꦁ [ꦧꦲꦸꦤ꧀ꦤꦁ (ꦱꦷ. ꦥꦷ.)] ꦮꦠ ꦄꦠ꧀ꦡꦴꦪ, ꦱꦥ꧀ꦥꦚ꧀ꦚꦺꦴ ꦓꦫꦩꦴꦮꦱꦁ;

ꦩꦴꦠꦫꦁ ꦥꦶꦠꦫꦁ ꦥꦸꦧ꧀ꦧꦺ, ꦫꦠ꧀ꦠꦶꦤ꧀ꦢꦶꦮꦩꦠꦤ꧀ꦢꦶꦠꦺꦴ.

‘‘ꦥꦹꦗꦺꦠꦶ ꦱꦲꦣꦩ꧀ꦩꦺꦤ, ꦥꦸꦧ꧀ꦧꦺꦏꦠꦩꦤꦸꦱ꧀ꦱꦫꦁ;

ꦄꦤꦴꦒꦴꦫꦺ ꦥꦧ꧀ꦧꦗꦶꦠꦺ, ꦄꦥꦕꦺ ꦧ꧀ꦫꦲ꧀ꦩꦕꦴꦫꦪꦺꦴ [ꦧ꧀ꦫꦲ꧀ꦩꦕꦴꦫꦶꦤꦺꦴ (ꦱ꧀ꦪꦴ.)].

‘‘ꦤꦶꦮꦶꦛ꧀ꦜꦱꦢ꧀ꦣꦺꦴ ꦥꦹꦗꦺꦠꦶ, ꦚꦠ꧀ꦮꦴ ꦣꦩ꧀ꦩꦺ ꦕ ꦥꦺꦱꦭꦺꦴ [ꦥꦺꦱꦭꦺ (ꦏ.)];

ꦫꦚ꧀ꦚꦺꦴ ꦲꦶꦠꦺꦴ ꦢꦺꦮꦲꦶꦠꦺꦴ, ꦚꦴꦠꦷꦤꦁ ꦱꦑꦶꦤꦁ ꦲꦶꦠꦺꦴ.

‘‘ꦱꦧ꧀ꦧꦺꦱꦁ [ꦱꦧ꧀ꦧꦺꦱꦸ (ꦏ.)] ꦱꦺꦴ [ꦱ (ꦱ꧀ꦪꦴ. ꦥꦷ. ꦏ.)] ꦲꦶꦠꦺꦴ ꦲꦺꦴꦠꦶ, ꦱꦢ꧀ꦣꦩ꧀ꦩꦺ ꦱꦸꦥ꧀ꦥꦠꦶꦛ꧀ꦜꦶꦠꦺꦴ;

ꦮꦶꦤꦺꦪ꧀ꦪ ꦩꦕ꧀ꦖꦺꦫꦩꦭꦁ, ꦱ ꦭꦺꦴꦏꦁ ꦨꦗꦠꦺ ꦱꦶꦮ’’ꦤ꧀ꦠꦶ. ꦄꦛ꧀ꦜꦩꦁ;