꧑꧓. ꦫꦴꦒꦥꦺꦪ꧀ꦪꦴꦭꦁ

꧑꧔꧐. ‘‘ꦫꦴꦒꦱ꧀ꦱ, ꦨꦶꦏ꧀ꦑꦮꦺ, ꦄꦨꦶꦚ꧀ꦚꦴꦪ ꦖ ꦣꦩ꧀ꦩꦴ ꦨꦴꦮꦺꦠꦧ꧀ꦧꦴ. ꦏꦠꦩꦺ ꦖ? ꦢꦱ꧀ꦱꦤꦴꦤꦸꦠ꧀ꦠꦫꦶꦪꦁ, ꦱꦮꦤꦴꦤꦸꦠ꧀ꦠꦫꦶꦪꦁ, ꦭꦴꦨꦴꦤꦸꦠ꧀ꦠꦫꦶꦪꦁ, ꦱꦶꦏ꧀ꦑꦴꦤꦸꦠ꧀ꦠꦫꦶꦪꦁ, ꦥꦴꦫꦶꦕꦫꦶꦪꦴꦤꦸꦠ꧀ꦠꦫꦶꦪꦁ, ꦄꦤꦸꦱ꧀ꦱꦠꦴꦤꦸꦠ꧀ꦠꦫꦶꦪꦁ. ꦫꦴꦒꦱ꧀ꦱ, ꦨꦶꦏ꧀ꦑꦮꦺ, ꦄꦨꦶꦚ꧀ꦚꦴꦪ ꦆꦩꦺ ꦖ ꦣꦩ꧀ꦩꦴ ꦨꦴꦮꦺꦠꦧ꧀ꦧꦴ’’ꦠꦶ.

꧑꧔꧑. ‘‘ꦫꦴꦒꦱ꧀ꦱ, ꦨꦶꦏ꧀ꦑꦮꦺ, ꦄꦨꦶꦚ꧀ꦚꦴꦪ ꦖ ꦣꦩ꧀ꦩꦴ ꦨꦴꦮꦺꦠꦧ꧀ꦧꦴ. ꦏꦠꦩꦺ ꦖ? ꦧꦸꦢ꧀ꦣꦴꦤꦸꦱ꧀ꦱꦠꦶ, ꦣꦩ꧀ꦩꦴꦤꦸꦱ꧀ꦱꦠꦶ, ꦱꦔ꧀ꦓꦴꦤꦸꦱ꧀ꦱꦠꦶ, ꦱꦷꦭꦴꦤꦸꦱ꧀ꦱꦠꦶ, ꦕꦴꦒꦴꦤꦸꦱ꧀ꦱꦠꦶ, ꦢꦺꦮꦠꦴꦤꦸꦱ꧀ꦱꦠꦶ. ꦫꦴꦒꦱ꧀ꦱ, ꦨꦶꦏ꧀ꦑꦮꦺ, ꦄꦨꦶꦚ꧀ꦚꦴꦪ ꦆꦩꦺ ꦖ ꦣꦩ꧀ꦩꦴ ꦨꦴꦮꦺꦠꦧ꧀ꦧꦴ’’ꦠꦶ.

꧑꧔꧒. ‘‘ꦫꦴꦒꦱ꧀ꦱ, ꦨꦶꦏ꧀ꦑꦮꦺ, ꦄꦨꦶꦚ꧀ꦚꦴꦪ ꦖ ꦣꦩ꧀ꦩꦴ ꦨꦴꦮꦺꦠꦧ꧀ꦧꦴ. ꦏꦠꦩꦺ ꦖ? ꦄꦤꦶꦕ꧀ꦕꦱꦚ꧀ꦚꦴ, ꦄꦤꦶꦕ꧀ꦕꦺ ꦢꦸꦏ꧀ꦑꦱꦚ꧀ꦚꦴ, ꦢꦸꦏ꧀ꦑꦺ ꦄꦤꦠ꧀ꦠꦱꦚ꧀ꦚꦴ, ꦥꦲꦴꦤꦱꦚ꧀ꦚꦴ, ꦮꦶꦫꦴꦒꦱꦚ꧀ꦚꦴ, ꦤꦶꦫꦺꦴꦣꦱꦚ꧀ꦚꦴ. ꦫꦴꦒꦱ꧀ꦱ, ꦨꦶꦏ꧀ꦑꦮꦺ, ꦄꦨꦶꦚ꧀ꦚꦴꦪ ꦆꦩꦺ ꦖ ꦣꦩ꧀ꦩꦴ ꦨꦴꦮꦺꦠꦧ꧀ꦧꦴ’’ꦠꦶ.

꧑꧔꧓-꧑꧖꧙. ‘‘ꦫꦴꦒꦱ꧀ꦱ, ꦨꦶꦏ꧀ꦑꦮꦺ, ꦥꦫꦶꦚ꧀ꦚꦴꦪ…ꦥꦺ… ꦥꦫꦶꦏ꧀ꦑꦪꦴꦪ… ꦥꦲꦴꦤꦴꦪ… ꦑꦪꦴꦪ… ꦮꦪꦴꦪ… ꦮꦶꦫꦴꦒꦴꦪ… ꦤꦶꦫꦺꦴꦣꦴꦪ… ꦕꦴꦒꦴꦪ… ꦥꦛꦶꦤꦶꦱ꧀ꦱꦒ꧀ꦒꦴꦪ ꦖ ꦣꦩ꧀ꦩꦴ ꦨꦴꦮꦺꦠꦧ꧀ꦧꦴ’’.

꧑꧗꧐-꧖꧔꧙. ‘‘ꦢꦺꦴꦱꦱ꧀ꦱ…ꦥꦺ… ꦩꦺꦴꦲꦱ꧀ꦱ… ꦏꦺꦴꦣꦱ꧀ꦱ… ꦈꦥꦤꦴꦲꦱ꧀ꦱ… ꦩꦏ꧀ꦑꦱ꧀ꦱ… ꦥꦭ꦳ꦴꦱꦱ꧀ꦱ… ꦆꦱ꧀ꦱꦴꦪ… ꦩꦕ꧀ꦖꦫꦶꦪꦱ꧀ꦱ… ꦩꦴꦪꦴꦪ… ꦱꦴꦜꦺꦪ꧀ꦪꦱ꧀ꦱ… ꦡꦩ꧀ꦨꦱ꧀ꦱ… ꦱꦴꦫꦩ꧀ꦨꦱ꧀ꦱ… ꦩꦴꦤꦱ꧀ꦱ… ꦄꦠꦶꦩꦴꦤꦱ꧀ꦱ… ꦩꦢꦱ꧀ꦱ… ꦥꦩꦴꦢꦱ꧀ꦱ ꦄꦨꦶꦚ꧀ꦚꦴꦪ…ꦥꦺ… ꦥꦫꦶꦚ꧀ꦚꦴꦪ… ꦥꦫꦶꦏ꧀ꦑꦪꦴꦪ… ꦥꦲꦤꦴꦪ… ꦑꦪꦴꦪ… ꦮꦪꦴꦪ… ꦮꦶꦫꦴꦒꦴꦪ… ꦤꦶꦫꦺꦴꦣꦴꦪ… ꦕꦴꦒꦴꦪ… ꦥꦛꦶꦤꦶꦱ꧀ꦱꦒ꧀ꦒꦴꦪ ꦆꦩꦺ ꦖ ꦣꦩ꧀ꦩꦴ ꦨꦴꦮꦺꦠꦧ꧀ꦧꦴ’’ꦠꦶ. ꦆꦢꦩꦮꦺꦴꦕ ꦨꦒꦮꦴ. ꦄꦠ꧀ꦠꦩꦤꦴ ꦠꦺ ꦨꦶꦏ꧀ꦑꦹ ꦨꦒꦮꦠꦺꦴ ꦨꦴꦱꦶꦠꦁ ꦄꦨꦶꦤꦤ꧀ꦢꦸꦤ꧀ꦠꦶ.

ꦫꦴꦒꦥꦺꦪ꧀ꦪꦴꦭꦁ ꦤꦶꦛ꧀ꦜꦶꦠꦁ.