꧗. ꦱꦏ꧀ꦑꦶꦨꦧ꧀ꦧꦱꦸꦠ꧀ꦠꦁ

꧗꧑. ‘‘ꦖꦲꦶ, ꦨꦶꦏ꧀ꦑꦮꦺ, ꦣꦩ꧀ꦩꦺꦲꦶ ꦱꦩꦤ꧀ꦤꦴꦒꦠꦺꦴ ꦨꦶꦏ꧀ꦑꦸ ꦄꦨꦧ꧀ꦧꦺꦴ ꦠꦠ꧀ꦫ ꦠꦠ꧀ꦫꦺꦮ ꦱꦏ꧀ꦑꦶꦨꦧ꧀ꦧꦠꦁ ꦥꦴꦥꦸꦟꦶꦠꦸꦁ ꦱꦠꦶ ꦱꦠꦶ ꦄꦴꦪꦠꦤꦺ. ꦏꦠꦩꦺꦲꦶ ꦖꦲꦶ? ꦆꦣ, ꦨꦶꦏ꧀ꦑꦮꦺ, ꦨꦶꦏ꧀ꦑꦸ ‘ꦆꦩꦺ ꦲꦴꦤꦨꦴꦒꦶꦪꦴ ꦣꦩ꧀ꦩꦴ’ꦠꦶ ꦪꦡꦴꦨꦹꦠꦁ ꦤꦥ꧀ꦥꦗꦴꦤꦴꦠꦶ, ‘ꦆꦩꦺ ꦜꦶꦠꦶꦨꦴꦒꦶꦪꦴ ꦣꦩ꧀ꦩꦴ’ꦠꦶ ꦪꦡꦴꦨꦹꦠꦁ ꦤꦥ꧀ꦥꦗꦴꦤꦴꦠꦶ, ‘ꦆꦩꦺ ꦮꦶꦱꦺꦱꦨꦴꦒꦶꦪꦴ ꦣꦩ꧀ꦩꦴ’ꦠꦶ ꦪꦡꦴꦨꦹꦠꦁ ꦤꦥ꧀ꦥꦗꦴꦤꦴꦠꦶ, ‘ꦆꦩꦺ ꦤꦶꦧ꧀ꦧꦺꦣꦨꦴꦒꦶꦪꦴ ꦣꦩ꧀ꦩꦴ’ꦠꦶ ꦪꦡꦴꦨꦹꦠꦁ ꦤꦥ꧀ꦥꦗꦴꦤꦴꦠꦶ, ꦄꦱꦏ꧀ꦏꦕ꧀ꦕꦏꦴꦫꦷ ꦕ ꦲꦺꦴꦠꦶ, ꦄꦱꦥ꧀ꦥꦴꦪꦏꦴꦫꦷ ꦕ. ꦆꦩꦺꦲꦶ ꦑꦺꦴ, ꦨꦶꦏ꧀ꦑꦮꦺ, ꦖꦲꦶ ꦣꦩ꧀ꦩꦺꦲꦶ ꦱꦩꦤ꧀ꦤꦴꦒꦠꦺꦴ ꦨꦶꦏ꧀ꦑꦸ ꦄꦨꦧ꧀ꦧꦺꦴ ꦠꦠ꧀ꦫ ꦠꦠ꧀ꦫꦺꦮ ꦱꦏ꧀ꦑꦶꦨꦧ꧀ꦧꦠꦁ ꦥꦴꦥꦸꦟꦶꦠꦸꦁ ꦱꦠꦶ ꦱꦠꦶ ꦄꦴꦪꦠꦤꦺ.

‘‘ꦖꦲꦶ, ꦨꦶꦏ꧀ꦑꦮꦺ, ꦣꦩ꧀ꦩꦺꦲꦶ ꦱꦩꦤ꧀ꦤꦴꦒꦠꦺꦴ ꦨꦶꦏ꧀ꦑꦸ ꦨꦧ꧀ꦧꦺꦴ ꦠꦠ꧀ꦫ ꦠꦠ꧀ꦫꦺꦮ ꦱꦏ꧀ꦑꦶꦨꦧ꧀ꦧꦠꦁ ꦥꦴꦥꦸꦟꦶꦠꦸꦁ ꦱꦠꦶ ꦱꦠꦶ ꦄꦴꦪꦠꦤꦺ. ꦏꦠꦩꦺꦲꦶ ꦖꦲꦶ? ꦆꦣ, ꦨꦶꦏ꧀ꦑꦮꦺ, ꦨꦶꦏ꧀ꦑꦸ ‘ꦆꦩꦺ ꦲꦴꦤꦨꦴꦒꦶꦪꦴ ꦣꦩ꧀ꦩꦴ’ꦠꦶ ꦪꦡꦴꦨꦹꦠꦁ ꦥꦗꦴꦤꦴꦠꦶ, ‘ꦆꦩꦺ ꦜꦶꦠꦶꦨꦴꦒꦶꦪꦴ ꦣꦩ꧀ꦩꦴ’ꦠꦶ ꦪꦡꦴꦨꦹꦠꦁ ꦥꦗꦴꦤꦴꦠꦶ, ‘ꦆꦩꦺ ꦮꦶꦱꦺꦱꦨꦴꦒꦶꦪꦴ ꦣꦩ꧀ꦩꦴ’ꦠꦶ ꦪꦡꦴꦨꦹꦠꦁ ꦥꦗꦴꦤꦴꦠꦶ, ‘ꦆꦩꦺ ꦤꦶꦧ꧀ꦧꦺꦣꦨꦴꦒꦶꦪꦴ ꦣꦩ꧀ꦩꦴ’ꦠꦶ ꦪꦡꦴꦨꦹꦠꦁ ꦥꦗꦴꦤꦴꦠꦶ, ꦱꦏ꧀ꦏꦕ꧀ꦕꦏꦴꦫꦷ ꦕ ꦲꦺꦴꦠꦶ, ꦱꦥ꧀ꦥꦴꦪꦏꦴꦫꦷ ꦕ. ꦆꦩꦺꦲꦶ ꦑꦺꦴ, ꦨꦶꦏ꧀ꦑꦮꦺ, ꦖꦲꦶ ꦣꦩ꧀ꦩꦺꦲꦶ ꦱꦩꦤ꧀ꦤꦴꦒꦠꦺꦴ ꦨꦶꦏ꧀ꦑꦸ ꦨꦧ꧀ꦧꦺꦴ ꦠꦠ꧀ꦫ ꦠꦠ꧀ꦫꦺꦮ ꦱꦏ꧀ꦑꦶꦨꦧ꧀ꦧꦠꦁ ꦥꦴꦥꦸꦟꦶꦠꦸꦁ ꦱꦠꦶ ꦱꦠꦶ ꦄꦴꦪꦠꦤꦺ’’ꦠꦶ. ꦱꦠ꧀ꦠꦩꦁ.