꧑. ꦈꦥꦱꦩ꧀ꦥꦴꦢꦺꦠꦧ꧀ꦧꦱꦸꦠ꧀ꦠꦁ

꧒꧕꧑. [ꦩꦲꦴꦮ. ꧘꧔] ‘‘ꦥꦚ꧀ꦕꦲꦶ, ꦨꦶꦏ꧀ꦑꦮꦺ, ꦣꦩ꧀ꦩꦺꦲꦶ ꦱꦩꦤ꧀ꦤꦴꦒꦠꦺꦤ ꦨꦶꦏ꧀ꦑꦸꦤꦴ ꦈꦥꦱꦩ꧀ꦥꦴꦢꦺꦠꦧ꧀ꦧꦁ. ꦏꦠꦩꦺꦲꦶ ꦥꦚ꧀ꦕꦲꦶ? ꦆꦣ, ꦨꦶꦏ꧀ꦑꦮꦺ, ꦨꦶꦏ꧀ꦑꦸ ꦄꦱꦺꦑꦺꦤ ꦱꦷꦭꦏ꧀ꦑꦤ꧀ꦣꦺꦤ ꦱꦩꦤ꧀ꦤꦴꦒꦠꦺꦴ ꦲꦺꦴꦠꦶ; ꦄꦱꦺꦑꦺꦤ ꦱꦩꦴꦣꦶꦏ꧀ꦑꦤ꧀ꦣꦺꦤ ꦱꦩꦤ꧀ꦤꦴꦒꦠꦺꦴ ꦲꦺꦴꦠꦶ; ꦄꦱꦺꦑꦺꦤ ꦥꦚ꧀ꦚꦴꦏ꧀ꦑꦤ꧀ꦣꦺꦤ ꦱꦩꦤ꧀ꦤꦴꦒꦠꦺꦴ ꦲꦺꦴꦠꦶ; ꦄꦱꦺꦑꦺꦤ ꦮꦶꦩꦸꦠ꧀ꦠꦶꦏ꧀ꦑꦤ꧀ꦣꦺꦤ ꦱꦩꦤ꧀ꦤꦴꦒꦠꦺꦴ ꦲꦺꦴꦠꦶ; ꦄꦱꦺꦑꦺꦤ ꦮꦶꦩꦸꦠ꧀ꦠꦶꦚꦴꦟꦢꦱ꧀ꦱꦤꦏ꧀ꦑꦤ꧀ꦣꦺꦤ ꦱꦩꦤ꧀ꦤꦴꦒꦠꦺꦴ ꦲꦺꦴꦠꦶ. ꦆꦩꦺꦲꦶ ꦑꦺꦴ, ꦨꦶꦏ꧀ꦑꦮꦺ, ꦥꦚ꧀ꦕꦲꦶ ꦣꦩ꧀ꦩꦺꦲꦶ ꦱꦩꦤ꧀ꦤꦴꦒꦠꦺꦤ ꦨꦶꦏ꧀ꦑꦸꦤꦴ ꦈꦥꦱꦩ꧀ꦥꦴꦢꦺꦠꦧ꧀ꦧ’’ꦤ꧀ꦠꦶ. ꦥꦜꦩꦁ.