꧙. ꦨꦺꦴꦗꦤꦱꦸꦠ꧀ꦠꦁ

꧓꧗. ‘‘ꦨꦺꦴꦗꦤꦁ, ꦨꦶꦏ꧀ꦑꦮꦺ, ꦢꦢꦩꦴꦤꦺꦴ ꦢꦴꦪꦏꦺꦴ ꦥꦛꦶꦒ꧀ꦒꦴꦲꦏꦴꦤꦁ ꦥꦚ꧀ꦕ ꦜꦴꦤꦴꦤꦶ ꦢꦺꦠꦶ. ꦏꦠꦩꦴꦤꦶ ꦥꦚ꧀ꦕ? ꦄꦴꦪꦸꦁ ꦢꦺꦠꦶ, ꦮꦟ꧀ꦟꦁ ꦢꦺꦠꦶ, ꦱꦸꦑꦁ ꦢꦺꦠꦶ, ꦧꦭꦁ ꦢꦺꦠꦶ, ꦥꦛꦶꦨꦴꦤꦁ [ꦥꦛꦶꦨꦴꦟꦁ (ꦱꦷ.)] ꦢꦺꦠꦶ. ꦄꦴꦪꦸꦁ ꦑꦺꦴ ꦥꦤ ꦢꦠ꧀ꦮꦴ ꦄꦴꦪꦸꦱ꧀ꦱ ꦨꦴꦒꦷ ꦲꦺꦴꦠꦶ ꦢꦶꦧ꧀ꦧꦱ꧀ꦱ ꦮꦴ ꦩꦴꦤꦸꦱꦱ꧀ꦱ ꦮꦴ; ꦮꦟ꧀ꦟꦁ ꦢꦠ꧀ꦮꦴ ꦮꦟ꧀ꦟꦱ꧀ꦱ ꦨꦴꦒꦷ ꦲꦺꦴꦠꦶ ꦢꦶꦧ꧀ꦧꦱ꧀ꦱ ꦮꦴ ꦩꦴꦤꦸꦱꦱ꧀ꦱ ꦮꦴ; ꦱꦸꦑꦁ ꦢꦠ꧀ꦮꦴ ꦱꦸꦑꦱ꧀ꦱ ꦨꦴꦒꦷ ꦲꦺꦴꦠꦶ ꦢꦶꦧ꧀ꦧꦱ꧀ꦱ ꦮꦴ ꦩꦴꦤꦸꦱꦱ꧀ꦱ ꦮꦴ; ꦧꦭꦁ ꦢꦠ꧀ꦮꦴ ꦧꦭꦱ꧀ꦱ ꦨꦴꦒꦷ ꦲꦺꦴꦠꦶ ꦢꦶꦧ꧀ꦧꦱ꧀ꦱ ꦮꦴ ꦩꦴꦤꦸꦱꦱ꧀ꦱ ꦮꦴ; ꦥꦛꦶꦨꦴꦤꦁ ꦢꦠ꧀ꦮꦴ ꦥꦛꦶꦨꦴꦤꦱ꧀ꦱ ꦨꦴꦒꦷ ꦲꦺꦴꦠꦶ ꦢꦶꦧ꧀ꦧꦱ꧀ꦱ ꦮꦴ ꦩꦴꦤꦸꦱꦱ꧀ꦱ ꦮꦴ. ꦨꦺꦴꦗꦤꦁ, ꦨꦶꦏ꧀ꦑꦮꦺ, ꦢꦢꦩꦴꦤꦺꦴ ꦢꦴꦪꦏꦺꦴ ꦥꦛꦶꦒ꧀ꦒꦴꦲꦏꦴꦤꦁ ꦆꦩꦴꦤꦶ ꦥꦚ꧀ꦕ ꦜꦴꦤꦴꦤꦶ ꦢꦺꦠꦷ’’ꦠꦶ.

‘‘ꦄꦴꦪꦸꦢꦺꦴ ꦧꦭꦢꦺꦴ ꦣꦷꦫꦺꦴ, ꦮꦟ꧀ꦟꦢꦺꦴ ꦥꦛꦶꦨꦴꦤꦢꦺꦴ;

ꦱꦸꦑꦱ꧀ꦱ ꦢꦴꦠꦴ ꦩꦺꦣꦴꦮꦷ, ꦱꦸꦑꦁ ꦱꦺꦴ ꦄꦣꦶꦒꦕ꧀ꦖꦠꦶ.

‘‘ꦄꦴꦪꦸꦁ ꦢꦠ꧀ꦮꦴ ꦧꦭꦁ ꦮꦟ꧀ꦟꦁ, ꦱꦸꦑꦚ꧀ꦕ ꦥꦛꦶꦨꦴꦤꦏꦁ [ꦥꦛꦶꦨꦴꦟꦏꦁ (ꦱꦷ.), ꦥꦛꦶꦨꦴꦤꦢꦺꦴ (ꦱ꧀ꦪꦴ. ꦏꦁ. ꦥꦷ. ꦏ.)];

ꦢꦷꦓꦴꦪꦸ ꦪꦱꦮꦴ ꦲꦺꦴꦠꦶ, ꦪꦠ꧀ꦡ ꦪꦠ꧀ꦡꦹꦥꦥꦗ꧀ꦗꦠꦷ’’ꦠꦶ. ꦱꦠ꧀ꦠꦩꦁ;