꧑. ꦄꦨꦶꦚ꧀ꦚꦴꦱꦸꦠ꧀ꦠꦁ

꧒꧕꧔. ‘‘ꦕꦠ꧀ꦠꦴꦫꦺꦴꦩꦺ, ꦨꦶꦏ꧀ꦑꦮꦺ, ꦣꦩ꧀ꦩꦴ. ꦏꦠꦩꦺ ꦕꦠ꧀ꦠꦴꦫꦺꦴ? ꦄꦠ꧀ꦡꦶ, ꦨꦶꦏ꧀ꦑꦮꦺ, ꦣꦩ꧀ꦩꦴ ꦄꦨꦶꦚ꧀ꦚꦴ ꦥꦫꦶꦚ꧀ꦚꦺꦪ꧀ꦪꦴ; ꦄꦠ꧀ꦡꦶ, ꦨꦶꦏ꧀ꦑꦮꦺ, ꦣꦩ꧀ꦩꦴ ꦄꦨꦶꦚ꧀ꦚꦴ ꦥꦲꦴꦠꦧ꧀ꦧꦴ; ꦄꦠ꧀ꦡꦶ, ꦨꦶꦏ꧀ꦑꦮꦺ, ꦣꦩ꧀ꦩꦴ ꦄꦨꦶꦚ꧀ꦚꦴ ꦨꦴꦮꦺꦠꦧ꧀ꦧꦴ; ꦄꦠ꧀ꦡꦶ, ꦨꦶꦏ꧀ꦑꦮꦺ, ꦣꦩ꧀ꦩꦴ ꦄꦨꦶꦚ꧀ꦚꦴ ꦱꦕ꧀ꦖꦶꦏꦴꦠꦧ꧀ꦧꦴ.

‘‘ꦏꦠꦩꦺ ꦕ, ꦨꦶꦏ꧀ꦑꦮꦺ, ꦣꦩ꧀ꦩꦴ ꦄꦨꦶꦚ꧀ꦚꦴ ꦥꦫꦶꦚ꧀ꦚꦺꦪ꧀ꦪꦴ? ꦥꦚ꧀ꦕꦸꦥꦴꦢꦴꦤꦏ꧀ꦑꦤ꧀ꦣꦴ [ꦥꦚ꧀ꦕꦸꦥꦴꦢꦴꦤꦏ꧀ꦑꦤ꧀ꦣꦴꦠꦶꦱ꧀ꦱ ꦮꦕꦤꦷꦪꦁ (ꦏ.)] – ꦆꦩꦺ ꦮꦸꦕ꧀ꦕꦤ꧀ꦠꦶ, ꦨꦶꦏ꧀ꦑꦮꦺ, ꦣꦩ꧀ꦩꦴ ꦄꦨꦶꦚ꧀ꦚꦴ ꦥꦫꦶꦚ꧀ꦚꦺꦪ꧀ꦪꦴ.

‘‘ꦏꦠꦩꦺ ꦕ, ꦨꦶꦏ꧀ꦑꦮꦺ, ꦣꦩ꧀ꦩꦴ ꦄꦨꦶꦚ꧀ꦚꦴ ꦥꦲꦴꦠꦧ꧀ꦧꦴ? ꦄꦮꦶꦗ꧀ꦗꦴ ꦕ ꦨꦮꦠꦟ꧀ꦲꦴ ꦕ – ꦆꦩꦺ ꦮꦸꦕ꧀ꦕꦤ꧀ꦠꦶ, ꦨꦶꦏ꧀ꦑꦮꦺ, ꦣꦩ꧀ꦩꦴ ꦄꦨꦶꦚ꧀ꦚꦴ ꦥꦲꦴꦠꦧ꧀ꦧꦴ.

‘‘ꦏꦠꦩꦺ ꦕ, ꦨꦶꦏ꧀ꦑꦮꦺ, ꦣꦩ꧀ꦩꦴ ꦄꦨꦶꦚ꧀ꦚꦴ ꦨꦴꦮꦺꦠꦧ꧀ꦧꦴ? ꦱꦩꦡꦺꦴ ꦕ ꦮꦶꦥꦱ꧀ꦱꦤꦴ ꦕ – ꦆꦩꦺ ꦮꦸꦕ꧀ꦕꦤ꧀ꦠꦶ, ꦨꦶꦏ꧀ꦑꦮꦺ, ꦣꦩ꧀ꦩꦴ ꦄꦨꦶꦚ꧀ꦚꦴ ꦨꦴꦮꦺꦠꦧ꧀ꦧꦴ.

‘‘ꦏꦠꦩꦺ ꦕ, ꦨꦶꦏ꧀ꦑꦮꦺ, ꦣꦩ꧀ꦩꦴ ꦄꦨꦶꦚ꧀ꦚꦴ ꦱꦕ꧀ꦖꦶꦏꦴꦠꦧ꧀ꦧꦴ? ꦮꦶꦗ꧀ꦗꦴ ꦕ ꦮꦶꦩꦸꦠ꧀ꦠꦶ ꦕ – ꦆꦩꦺ ꦮꦸꦕ꧀ꦕꦤ꧀ꦠꦶ, ꦨꦶꦏ꧀ꦑꦮꦺ, ꦣꦩ꧀ꦩꦴ ꦄꦨꦶꦚ꧀ꦚꦴ ꦱꦕ꧀ꦖꦶꦏꦴꦠꦧ꧀ꦧꦴ. ꦆꦩꦺ ꦑꦺꦴ, ꦨꦶꦏ꧀ꦑꦮꦺ, ꦕꦠ꧀ꦠꦴꦫꦺꦴ ꦣꦩ꧀ꦩꦴ’’ꦠꦶ. ꦥꦜꦩꦁ.