꧑꧐. ꦢꦸꦠꦶꦪꦱꦶꦏ꧀ꦑꦠ꧀ꦠꦪꦱꦸꦠ꧀ꦠꦁ

꧙꧑. ‘‘ꦠꦶꦱ꧀ꦱꦺꦴ ꦆꦩꦴ, ꦨꦶꦏ꧀ꦑꦮꦺ, ꦱꦶꦏ꧀ꦑꦴ. ꦏꦠꦩꦴ ꦠꦶꦱ꧀ꦱꦺꦴ? ꦄꦣꦶꦱꦷꦭꦱꦶꦏ꧀ꦑꦴ, ꦄꦣꦶꦕꦶꦠ꧀ꦠꦱꦶꦏ꧀ꦑꦴ, ꦄꦣꦶꦥꦚ꧀ꦚꦴꦱꦶꦏ꧀ꦑꦴ.

‘‘ꦏꦠꦩꦴ ꦕ, ꦨꦶꦏ꧀ꦑꦮꦺ, ꦄꦣꦶꦱꦷꦭꦱꦶꦏ꧀ꦑꦴ? ꦆꦣ, ꦨꦶꦏ꧀ꦑꦮꦺ, ꦨꦶꦏ꧀ꦑꦸ ꦱꦷꦭꦮꦴ ꦲꦺꦴꦠꦶ…ꦥꦺ… ꦱꦩꦴꦢꦴꦪ ꦱꦶꦏ꧀ꦑꦠꦶ ꦱꦶꦏ꧀ꦑꦴꦥꦢꦺꦱꦸ. ꦄꦪꦁ ꦮꦸꦕ꧀ꦕꦠꦶ, ꦨꦶꦏ꧀ꦑꦮꦺ, ꦄꦣꦶꦱꦷꦭꦱꦶꦏ꧀ꦑꦴ.

‘‘ꦏꦠꦩꦴ ꦕ, ꦨꦶꦏ꧀ꦑꦮꦺ, ꦄꦣꦶꦕꦶꦠ꧀ꦠꦱꦶꦏ꧀ꦑꦴ? ꦆꦣ, ꦨꦶꦏ꧀ꦑꦮꦺ, ꦨꦶꦏ꧀ꦑꦸ ꦮꦶꦮꦶꦕ꧀ꦕꦺꦮ ꦏꦴꦩꦺꦲꦶ…ꦥꦺ… ꦕꦠꦸꦠ꧀ꦡꦁ ꦙꦴꦤꦁ ꦈꦥꦱꦩ꧀ꦥꦗ꧀ꦗ ꦮꦶꦲꦫꦠꦶ. ꦄꦪꦁ ꦮꦸꦕ꧀ꦕꦠꦶ, ꦨꦶꦏ꧀ꦑꦮꦺ, ꦄꦣꦶꦕꦶꦠ꧀ꦠꦱꦶꦏ꧀ꦑꦴ.

‘‘ꦏꦠꦩꦴ ꦕ, ꦨꦶꦏ꧀ꦑꦮꦺ, ꦄꦣꦶꦥꦚ꧀ꦚꦴꦱꦶꦏ꧀ꦑꦴ? ꦆꦣ, ꦨꦶꦏ꧀ꦑꦮꦺ, ꦨꦶꦏ꧀ꦑꦸ ꦄꦴꦱꦮꦴꦤꦁ ꦑꦪꦴ ꦄꦤꦴꦱꦮꦁ ꦕꦺꦠꦺꦴꦮꦶꦩꦸꦠ꧀ꦠꦶꦁ ꦥꦚ꧀ꦚꦴꦮꦶꦩꦸꦠ꧀ꦠꦶꦁ ꦢꦶꦛ꧀ꦜꦺꦮ ꦣꦩ꧀ꦩꦺ ꦱꦪꦁ ꦄꦨꦶꦚ꧀ꦚꦴ ꦱꦕ꧀ꦖꦶꦏꦠ꧀ꦮꦴ ꦈꦥꦱꦩ꧀ꦥꦗ꧀ꦗ ꦮꦶꦲꦫꦠꦶ. ꦄꦪꦁ ꦮꦸꦕ꧀ꦕꦠꦶ, ꦨꦶꦏ꧀ꦑꦮꦺ, ꦄꦣꦶꦥꦚ꧀ꦚꦴ ꦱꦶꦏ꧀ꦑꦴ. ꦆꦩꦴ ꦑꦺꦴ, ꦨꦶꦏ꧀ꦑꦮꦺ, ꦠꦶꦱ꧀ꦱꦺꦴ ꦱꦶꦏ꧀ꦑꦴ’’ꦠꦶ.

‘‘ꦄꦣꦶꦱꦷꦭꦁ ꦄꦣꦶꦕꦶꦠ꧀ꦠꦁ, ꦄꦣꦶꦥꦚ꧀ꦚꦚ꧀ꦕ ꦮꦷꦫꦶꦪꦮꦴ;

ꦡꦴꦩꦮꦴ ꦣꦶꦠꦶꦩꦴ ꦙꦴꦪꦷ, ꦱꦠꦺꦴ ꦒꦸꦠ꧀ꦠꦶꦤ꧀ꦢ꧀ꦫꦶꦪꦺꦴ [ꦈꦥ꧀ꦥꦠ꧀ꦠꦶꦤ꧀ꦢ꧀ꦫꦶꦪꦺꦴ (ꦏ.)] ꦕꦫꦺ.

‘‘ꦪꦡꦴ ꦥꦸꦫꦺ ꦠꦡꦴ ꦥꦕ꧀ꦖꦴ, ꦪꦡꦴ ꦥꦕ꧀ꦖꦴ ꦠꦡꦴ ꦥꦸꦫꦺ;

ꦪꦡꦴ ꦄꦣꦺꦴ ꦠꦡꦴ ꦈꦢ꧀ꦣꦁ, ꦪꦡꦴ ꦈꦢ꧀ꦣꦁ ꦠꦡꦴ ꦄꦣꦺꦴ.

‘‘ꦪꦡꦴ ꦢꦶꦮꦴ ꦠꦡꦴ ꦫꦠ꧀ꦠꦶꦁ, ꦪꦡꦴ ꦫꦠ꧀ꦠꦶꦁ ꦠꦡꦴ ꦢꦶꦮꦴ;

ꦄꦨꦶꦨꦸꦪ꧀ꦪ ꦢꦶꦱꦴ ꦱꦧ꧀ꦧꦴ, ꦄꦥ꧀ꦥꦩꦴꦟꦱꦩꦴꦣꦶꦤꦴ.

‘‘ꦠꦩꦴꦲꦸ ꦱꦺꦑꦁ ꦥꦛꦶꦥꦢꦁ [ꦥꦴꦛꦶꦥꦢꦁ (?) ꦩ. ꦤꦶ. ꧒.꧒꧗ ꦥꦱ꧀ꦱꦶꦠꦧ꧀ꦧꦁ], ꦄꦡꦺꦴ ꦱꦁꦱꦸꦢ꧀ꦣꦕꦴꦫꦶꦪꦁ [ꦱꦁꦱꦸꦢ꧀ꦣꦕꦴꦫꦟꦁ (ꦱꦷ. ꦥꦷ.), ꦱꦁꦱꦸꦢ꧀ꦣꦕꦴꦫꦶꦤꦁ (ꦱ꧀ꦪꦴ. ꦏꦁ.)];

ꦠꦩꦴꦲꦸ ꦭꦺꦴꦏꦺ ꦱꦩ꧀ꦧꦸꦢ꧀ꦣꦁ, ꦣꦷꦫꦁ ꦥꦛꦶꦥꦢꦤ꧀ꦠꦒꦸꦁ.

‘‘ꦮꦶꦚ꧀ꦚꦴꦟꦱ꧀ꦱ ꦤꦶꦫꦺꦴꦣꦺꦤ, ꦠꦟ꧀ꦲꦴꦏ꧀ꦑꦪꦮꦶꦩꦸꦠ꧀ꦠꦶꦤꦺꦴ;

ꦥꦗ꧀ꦗꦺꦴꦠꦱ꧀ꦱꦺꦮ ꦤꦶꦧ꧀ꦧꦴꦤꦁ, ꦮꦶꦩꦺꦴꦏ꧀ꦑꦺꦴ ꦲꦺꦴꦠꦶ ꦕꦺꦠꦱꦺꦴ’’ꦠꦶ. ꦢꦱꦩꦁ;