꧒. ꦏꦟ꧀ꦛꦏꦱꦸꦠ꧀ꦠꦁ

꧗꧒. ꦌꦏꦁ ꦱꦩꦪꦁ ꦨꦒꦮꦴ ꦮꦺꦱꦴꦭꦶꦪꦁ ꦮꦶꦲꦫꦠꦶ ꦩꦲꦴꦮꦤꦺ ꦏꦹꦛꦴꦒꦴꦫꦱꦴꦭꦴꦪꦁ ꦱꦩ꧀ꦧꦲꦸꦭꦺꦲꦶ ꦄꦨꦶꦚ꧀ꦚꦴꦠꦺꦲꦶ ꦄꦨꦶꦚ꧀ꦚꦴꦠꦺꦲꦶ ꦡꦺꦫꦺꦲꦶ ꦱꦴꦮꦏꦺꦲꦶ ꦱꦢ꧀ꦣꦶꦁ – ꦄꦴꦪꦱ꧀ꦩꦠꦴ ꦕ ꦕꦴꦭꦺꦤ [ꦥꦴꦭꦺꦤ (ꦱ꧀ꦪꦴ.)], ꦄꦴꦪꦱ꧀ꦩꦠꦴ ꦕ ꦈꦥꦕꦴꦭꦺꦤ [ꦈꦥ꧀ꦥꦴꦭꦺꦤ (ꦱ꧀ꦪꦴ.)], ꦄꦴꦪꦱ꧀ꦩꦠꦴ ꦕ ꦏꦸꦏ꧀ꦏꦸꦛꦺꦤ [ꦏꦏ꧀ꦏꦛꦺꦤ (ꦱꦷ. ꦱ꧀ꦪꦴ.)], ꦄꦴꦪꦱ꧀ꦩꦠꦴ ꦕ ꦏꦭ꦳ꦶꦩ꧀ꦨꦺꦤ [ꦏꦮꦶꦩ꧀ꦨꦺꦤ (ꦱꦷ.)], ꦄꦴꦪꦱ꧀ꦩꦠꦴ ꦕ ꦤꦶꦏꦛꦺꦤ [ꦏꦛꦺꦤ (ꦱꦷ.)], ꦄꦴꦪꦱ꧀ꦩꦠꦴ ꦕ ꦏꦛꦶꦱ꧀ꦱꦲꦺꦤ; ꦄꦚ꧀ꦚꦺꦲꦶ ꦕ ꦄꦨꦶꦚ꧀ꦚꦴꦠꦺꦲꦶ ꦄꦨꦶꦚ꧀ꦚꦴꦠꦺꦲꦶ ꦡꦺꦫꦺꦲꦶ ꦱꦴꦮꦏꦺꦲꦶ ꦱꦢ꧀ꦣꦶꦁ.

ꦠꦺꦤ ꦑꦺꦴ ꦥꦤ ꦱꦩꦪꦺꦤ ꦱꦩ꧀ꦧꦲꦸꦭꦴ ꦄꦨꦶꦚ꧀ꦚꦴꦠꦴ ꦄꦨꦶꦚ꧀ꦚꦴꦠꦴ ꦭꦶꦕ꧀ꦖꦮꦷ ꦨꦢ꧀ꦫꦺꦲꦶ ꦨꦢ꧀ꦫꦺꦲꦶ ꦪꦴꦤꦺꦲꦶ ꦥꦫꦥꦸꦫꦴꦪ [ꦥꦫꦁꦥꦸꦫꦴꦪ (ꦱ꧀ꦪꦴ. ꦄꦛ꧀ꦜ.)] ꦈꦕ꧀ꦕꦴꦱꦢ꧀ꦢꦴ ꦩꦲꦴꦱꦢ꧀ꦢꦴ ꦩꦲꦴꦮꦤꦁ ꦄꦗ꧀ꦙꦺꦴꦒꦴꦲꦤ꧀ꦠꦶ ꦨꦒꦮꦤ꧀ꦠꦁ ꦢꦱ꧀ꦱꦤꦴꦪ. ꦄꦡ ꦑꦺꦴ ꦠꦺꦱꦁ ꦄꦴꦪꦱ꧀ꦩꦤ꧀ꦠꦴꦤꦁ ꦌꦠꦢꦲꦺꦴꦱꦶ – ‘‘ꦆꦩꦺ ꦑꦺꦴ ꦱꦩ꧀ꦧꦲꦸꦭꦴ ꦄꦨꦶꦚ꧀ꦚꦴꦠꦴ ꦄꦨꦶꦚ꧀ꦚꦴꦠꦴ ꦭꦶꦕ꧀ꦖꦮꦷ ꦨꦢ꧀ꦫꦺꦲꦶ ꦨꦢ꧀ꦫꦺꦲꦶ ꦪꦴꦤꦺꦲꦶ ꦥꦫꦥꦸꦫꦴꦪ ꦈꦕ꧀ꦕꦴꦱꦢ꧀ꦢꦴ ꦩꦲꦴꦱꦢ꧀ꦢꦴ ꦩꦲꦴꦮꦤꦁ ꦄꦗ꧀ꦙꦺꦴꦒꦴꦲꦤ꧀ꦠꦶ ꦨꦒꦮꦤ꧀ꦠꦁ ꦢꦱ꧀ꦱꦤꦴꦪ. ‘ꦱꦢ꧀ꦢꦏꦟ꧀ꦛꦏꦴ ꦑꦺꦴ ꦥꦤ ꦙꦴꦤꦴ’ ꦮꦸꦠ꧀ꦠꦴ ꦨꦒꦮꦠꦴ. ꦪꦁꦤꦹꦤ ꦩꦪꦁ ꦪꦺꦤ ꦒꦺꦴꦱꦶꦔ꧀ꦒꦱꦴꦭꦮꦤꦢꦴꦪꦺꦴ ꦠꦺꦤꦸꦥꦱꦔ꧀ꦏꦩꦺꦪ꧀ꦪꦴꦩ. ꦠꦠ꧀ꦡ ꦩꦪꦁ ꦄꦥ꧀ꦥꦱꦢ꧀ꦢꦴ ꦄꦥ꧀ꦥꦴꦏꦶꦟ꧀ꦟꦴ ꦦꦴꦱꦸꦁ [ꦦꦴꦱꦸ (ꦱ꧀ꦪꦴ. ꦏ.)] ꦮꦶꦲꦫꦺꦪ꧀ꦪꦴꦩꦴ’’ꦠꦶ. ꦄꦡ ꦑꦺꦴ ꦠꦺ ꦄꦴꦪꦱ꧀ꦩꦤ꧀ꦠꦺꦴ ꦪꦺꦤ ꦒꦺꦴꦱꦶꦔ꧀ꦒꦱꦴꦭꦮꦤꦢꦴꦪꦺꦴ ꦠꦺꦤꦸꦥꦱꦔ꧀ꦏꦩꦶꦁꦱꦸ; ꦠꦠ꧀ꦡ ꦠꦺ ꦄꦴꦪꦱ꧀ꦩꦤ꧀ꦠꦺꦴ ꦄꦥ꧀ꦥꦱꦢ꧀ꦢꦴ ꦄꦥ꧀ꦥꦴꦏꦶꦟ꧀ꦟꦴ ꦦꦴꦱꦸꦁ ꦮꦶꦲꦫꦤ꧀ꦠꦶ.

ꦄꦡ ꦑꦺꦴ ꦨꦒꦮꦴ ꦨꦶꦏ꧀ꦑꦹ ꦄꦴꦩꦤ꧀ꦠꦺꦱꦶ – ‘‘ꦏꦲꦁ ꦤꦸ ꦑꦺꦴ, ꦨꦶꦏ꧀ꦑꦮꦺ, ꦕꦴꦭꦺꦴ, ꦏꦲꦁ ꦈꦥꦕꦴꦭꦺꦴ, ꦏꦲꦁ ꦏꦸꦏ꧀ꦏꦸꦛꦺꦴ, ꦏꦲꦁ ꦏꦭ꦳ꦶꦩ꧀ꦨꦺꦴ, ꦏꦲꦁ ꦤꦶꦏꦛꦺꦴ, ꦏꦲꦁ ꦏꦛꦶꦱ꧀ꦱꦲꦺꦴ; ꦏꦲꦁ ꦤꦸ ꦑꦺꦴ ꦠꦺ, ꦨꦶꦏ꧀ꦑꦮꦺ, ꦡꦺꦫꦴ ꦱꦴꦮꦏꦴ ꦒꦠꦴ’’ꦠꦶ?

‘‘ꦆꦣ, ꦨꦤ꧀ꦠꦺ, ꦠꦺꦱꦁ ꦄꦴꦪꦱ꧀ꦩꦤ꧀ꦠꦴꦤꦁ ꦌꦠꦢꦲꦺꦴꦱꦶ – ‘ꦆꦩꦺ ꦑꦺꦴ ꦱꦩ꧀ꦧꦲꦸꦭꦴ ꦄꦨꦶꦚ꧀ꦚꦴꦠꦴ ꦄꦨꦶꦚ꧀ꦚꦴꦠꦴ ꦭꦶꦕ꧀ꦖꦮꦷ ꦨꦢ꧀ꦫꦺꦲꦶ ꦨꦢ꧀ꦫꦺꦲꦶ ꦪꦴꦤꦺꦲꦶ ꦥꦫꦥꦸꦫꦴꦪ ꦈꦕ꧀ꦕꦴꦱꦢ꧀ꦢꦴ ꦩꦲꦴꦱꦢ꧀ꦢꦴ ꦩꦲꦴꦮꦤꦁ ꦄꦗ꧀ꦙꦺꦴꦒꦴꦲꦤ꧀ꦠꦶ ꦨꦒꦮꦤ꧀ꦠꦁ ꦢꦱ꧀ꦱꦤꦴꦪ ‘ꦱꦢ꧀ꦢꦏꦟ꧀ꦛꦏꦴ ꦑꦺꦴ ꦥꦤ ꦙꦴꦤꦴꦮꦸꦠ꧀ꦠꦴ ꦨꦒꦮꦠꦴ ꦪꦁꦤꦹꦤ ꦩꦪꦁ ꦪꦺꦤ ꦒꦺꦴꦱꦶꦔ꧀ꦒꦱꦴꦭꦮꦤꦢꦴꦪꦺꦴ ꦠꦺꦤꦸꦥꦱꦔ꧀ꦏꦩꦺꦪ꧀ꦪꦴꦩ ꦠꦠ꧀ꦡ ꦩꦪꦁ ꦄꦥ꧀ꦥꦱꦢ꧀ꦢꦴ ꦄꦥ꧀ꦥꦴꦏꦶꦟ꧀ꦟꦴ ꦦꦴꦱꦸꦁ ꦮꦶꦲꦫꦺꦪ꧀ꦪꦴꦩꦴ’ꦠꦶ. ꦄꦡ ꦑꦺꦴ ꦠꦺ, ꦨꦤ꧀ꦠꦺ, ꦄꦴꦪꦱ꧀ꦩꦤ꧀ꦠꦺꦴ ꦪꦺꦤ ꦒꦺꦴꦱꦶꦔ꧀ꦒꦱꦴꦭꦮꦤꦢꦴꦪꦺꦴ ꦠꦺꦤꦸꦥꦱꦔ꧀ꦏꦩꦶꦁꦱꦸ. ꦠꦠ꧀ꦡ ꦠꦺ ꦄꦴꦪꦱ꧀ꦩꦤ꧀ꦠꦺꦴ ꦄꦥ꧀ꦥꦱꦢ꧀ꦢꦴ ꦄꦥ꧀ꦥꦴꦏꦶꦟ꧀ꦟꦴ ꦦꦴꦱꦸꦁ ꦮꦶꦲꦫꦤ꧀ꦠꦷ’’ꦠꦶ.

‘‘ꦱꦴꦣꦸ ꦱꦴꦣꦸ, ꦨꦶꦏ꧀ꦑꦮꦺ, ꦪꦡꦴ ꦠꦺ ꦩꦲꦴꦱꦴꦮꦏꦴ ꦱꦩ꧀ꦩꦴ ꦧ꧀ꦪꦴꦏꦫꦩꦴꦤꦴ ꦧ꧀ꦪꦴꦏꦫꦺꦪ꧀ꦪꦸꦁ, ‘ꦱꦢ꧀ꦢꦏꦟ꧀ꦛꦏꦴ ꦲꦶ, ꦨꦶꦏ꧀ꦑꦮꦺ, ꦙꦴꦤꦴ’ ꦮꦸꦠ꧀ꦠꦴ ꦩꦪꦴ.

‘‘ꦢꦱꦪꦶꦩꦺ, ꦨꦶꦏ꧀ꦑꦮꦺ, ꦏꦟ꧀ꦛꦏꦴ. ꦏꦠꦩꦺ ꦢꦱ? ꦥꦮꦶꦮꦺꦏꦴꦫꦴꦩꦱ꧀ꦱ ꦱꦔ꧀ꦒꦟꦶꦏꦴꦫꦴꦩꦠꦴ ꦏꦟ꧀ꦛꦏꦺꦴ, ꦄꦱꦸꦨꦤꦶꦩꦶꦠ꧀ꦠꦴꦤꦸꦪꦺꦴꦒꦁ ꦄꦤꦸꦪꦸꦠ꧀ꦠꦱ꧀ꦱ ꦱꦸꦨꦤꦶꦩꦶꦠ꧀ꦠꦴꦤꦸꦪꦺꦴꦒꦺꦴ ꦏꦟ꧀ꦛꦏꦺꦴ, ꦆꦤ꧀ꦢ꧀ꦫꦶꦪꦺꦱꦸ ꦒꦸꦠ꧀ꦠꦢ꧀ꦮꦴꦫꦱ꧀ꦱ ꦮꦶꦱꦹꦏꦢꦱ꧀ꦱꦤꦁ ꦏꦟ꧀ꦛꦏꦺꦴ, ꦧ꧀ꦫꦲ꧀ꦩꦕꦫꦶꦪꦱ꧀ꦱ ꦩꦴꦠꦸꦒꦴꦩꦹꦥꦕꦴꦫꦺꦴ [ꦩꦴꦠꦸꦒꦴꦩꦺꦴꦥꦮꦶꦕꦴꦫꦺꦴ (ꦱꦷ.), ꦩꦴꦠꦸꦒꦴꦩꦹꦥꦮꦶꦕꦫꦺꦴ (ꦏ.)] ꦏꦟ꧀ꦛꦏꦺꦴ, [ꦏꦡꦴ. ꧓꧓꧓] ꦥꦜꦩꦱ꧀ꦱ ꦙꦴꦤꦱ꧀ꦱ ꦱꦢ꧀ꦢꦺꦴ ꦏꦟ꧀ꦛꦏꦺꦴ, ꦢꦸꦠꦶꦪꦱ꧀ꦱ ꦙꦴꦤꦱ꧀ꦱ ꦮꦶꦠꦏ꧀ꦏꦮꦶꦕꦴꦫꦴ ꦏꦟ꧀ꦛꦏꦴ, ꦠꦠꦶꦪꦱ꧀ꦱ ꦙꦴꦤꦱ꧀ꦱ ꦥꦷꦠꦶ ꦏꦟ꧀ꦛꦏꦺꦴ, ꦕꦠꦸꦠ꧀ꦡꦱ꧀ꦱ ꦙꦴꦤꦱ꧀ꦱ ꦄꦱ꧀ꦱꦴꦱꦥꦱ꧀ꦱꦴꦱꦺꦴ ꦏꦟ꧀ꦛꦏꦺꦴ, ꦱꦚ꧀ꦚꦴꦮꦺꦢꦪꦶꦠꦤꦶꦫꦺꦴꦣꦱꦩꦴꦥꦠ꧀ꦠꦶꦪꦴ ꦱꦚ꧀ꦚꦴ ꦕ ꦮꦺꦢꦤꦴ ꦕ ꦏꦟ꧀ꦛꦏꦺꦴ ꦫꦴꦒꦺꦴ ꦏꦟ꧀ꦛꦏꦺꦴ ꦢꦺꦴꦱꦺꦴ ꦏꦟ꧀ꦛꦏꦺꦴ ꦩꦺꦴꦲꦺꦴ ꦏꦟ꧀ꦛꦏꦺꦴ.

‘‘ꦄꦏꦟ꧀ꦛꦏꦴ, ꦨꦶꦏ꧀ꦑꦮꦺ, ꦮꦶꦲꦫꦡ. ꦤꦶꦏ꧀ꦏꦟ꧀ꦛꦏꦴ, ꦨꦶꦏ꧀ꦑꦮꦺ, ꦮꦶꦲꦫꦡ. ꦄꦏꦟ꧀ꦛꦏꦤꦶꦏ꧀ꦏꦟ꧀ꦛꦏꦴ, ꦨꦶꦏ꧀ꦑꦮꦺ, ꦮꦶꦲꦫꦡ. ꦄꦏꦟ꧀ꦛꦏꦴ, ꦨꦶꦏ꧀ꦑꦮꦺ, ꦄꦫꦲꦤ꧀ꦠꦺꦴ; ꦤꦶꦏ꧀ꦏꦟ꧀ꦛꦏꦴ, ꦨꦶꦏ꧀ꦑꦮꦺ, ꦄꦫꦲꦤ꧀ꦠꦺꦴ; ꦄꦏꦟ꧀ꦛꦏꦤꦶꦏ꧀ꦏꦟ꧀ꦛꦏꦴ, ꦨꦶꦏ꧀ꦑꦮꦺ, ꦄꦫꦲꦤ꧀ꦠꦺꦴ’’ꦠꦶ. ꦢꦸꦠꦶꦪꦁ.