꧒. ꦥꦜꦩꦮꦶꦮꦴꦢꦩꦹꦭꦱꦸꦠ꧀ꦠꦁ

꧔꧒. ‘‘ꦏꦠꦶ ꦤꦸ ꦑꦺꦴ, ꦨꦤ꧀ꦠꦺ, ꦮꦶꦮꦴꦢꦩꦹꦭꦴꦤꦷ’’ꦠꦶ? ‘‘ꦢꦱ ꦑꦺꦴ, ꦈꦥꦴꦭꦶ, ꦮꦶꦮꦴꦢꦩꦹꦭꦴꦤꦶ. ꦏꦠꦩꦴꦤꦶ ꦢꦱ? ꦆꦣꦸꦥꦴꦭꦶ, ꦨꦶꦏ꧀ꦑꦹ ꦄꦣꦩ꧀ꦩꦁ ꦣꦩ꧀ꦩꦺꦴꦠꦶ ꦢꦷꦥꦺꦤ꧀ꦠꦶ, ꦣꦩ꧀ꦩꦁ ꦄꦣꦩ꧀ꦩꦺꦴꦠꦶ ꦢꦷꦥꦺꦤ꧀ꦠꦶ, ꦄꦮꦶꦤꦪꦁ ꦮꦶꦤꦪꦺꦴꦠꦶ ꦢꦷꦥꦺꦤ꧀ꦠꦶ, ꦮꦶꦤꦪꦁ ꦄꦮꦶꦤꦪꦺꦴꦠꦶ ꦢꦷꦥꦺꦤ꧀ꦠꦶ, ꦄꦨꦴꦱꦶꦠꦁ ꦄꦭꦥꦶꦠꦁ ꦠꦡꦴꦒꦠꦺꦤ ꦨꦴꦱꦶꦠꦁ ꦭꦥꦶꦠꦁ ꦠꦡꦴꦒꦠꦺꦤꦴꦠꦶ ꦢꦷꦥꦺꦤ꧀ꦠꦶ, ꦨꦴꦱꦶꦠꦁ ꦭꦥꦶꦠꦁ ꦠꦡꦴꦒꦠꦺꦤ ꦄꦨꦴꦱꦶꦠꦁ ꦄꦭꦥꦶꦠꦁ ꦠꦡꦴꦒꦠꦺꦤꦴꦠꦶ ꦢꦷꦥꦺꦤ꧀ꦠꦶ, ꦄꦤꦴꦕꦶꦟ꧀ꦟꦁ ꦠꦡꦴꦒꦠꦺꦤ ꦄꦴꦕꦶꦟ꧀ꦟꦁ ꦠꦡꦴꦒꦠꦺꦤꦴꦠꦶ ꦢꦷꦥꦺꦤ꧀ꦠꦶ, ꦄꦴꦕꦶꦟ꧀ꦟꦁ ꦠꦡꦴꦒꦠꦺꦤ ꦄꦤꦴꦕꦶꦟ꧀ꦟꦁ ꦠꦡꦴꦒꦠꦺꦤꦴꦠꦶ ꦢꦷꦥꦺꦤ꧀ꦠꦶ, ꦄꦥꦚ꧀ꦚꦠ꧀ꦠꦁ ꦠꦡꦴꦒꦠꦺꦤ ꦥꦚ꧀ꦚꦠ꧀ꦠꦁ ꦠꦡꦴꦒꦠꦺꦤꦴꦠꦶ ꦢꦷꦥꦺꦤ꧀ꦠꦶ, ꦥꦚ꧀ꦚꦠ꧀ꦠꦁ ꦠꦡꦴꦒꦠꦺꦤ ꦄꦥꦚ꧀ꦚꦠ꧀ꦠꦁ ꦠꦡꦴꦒꦠꦺꦤꦴꦠꦶ ꦢꦷꦥꦺꦤ꧀ꦠꦶ. ꦆꦩꦴꦤꦶ ꦑꦺꦴ, ꦈꦥꦴꦭꦶ, ꦢꦱ ꦮꦶꦮꦴꦢꦩꦹꦭꦴꦤꦷ’’ꦠꦶ. ꦢꦸꦠꦶꦪꦁ.