੮. ਸਂਸਟ੍ਠਵਾਰੋ

੩੫੧. ਸਮ੍ਮੁਖਾਵਿਨਯੋਤਿ ਵਾ ਸਤਿਵਿਨਯੋਤਿ ਵਾ – ਇਮੇ ਧਮ੍ਮਾ ਸਂਸਟ੍ਠਾ ਉਦਾਹੁ ਵਿਸਂਸਟ੍ਠਾ? ਲਬ੍ਭਾ ਚ ਪਨਿਮੇਸਂ ਧਮ੍ਮਾਨਂ ਵਿਨਿਬ੍ਭੁਜਿਤ੍ਵਾ ਵਿਨਿਬ੍ਭੁਜਿਤ੍ਵਾ ਨਾਨਾਕਰਣਂ ਪਞ੍ਞਾਪੇਤੁਂ? ਸਮ੍ਮੁਖਾਵਿਨਯੋਤਿ ਵਾ ਅਮੂਲ਼੍ਹਵਿਨਯੋਤਿ ਵਾ…ਪੇ… ਸਮ੍ਮੁਖਾਵਿਨਯੋਤਿ ਵਾ ਪਟਿਞ੍ਞਾਤਕਰਣਨ੍ਤਿ ਵਾ… ਸਮ੍ਮੁਖਾਵਿਨਯੋਤਿ ਵਾ ਯੇਭੁਯ੍ਯਸਿਕਾਤਿ ਵਾ… ਸਮ੍ਮੁਖਾਵਿਨਯੋਤਿ ਵਾ ਤਸ੍ਸਪਾਪਿਯਸਿਕਾਤਿ ਵਾ… ਸਮ੍ਮੁਖਾਵਿਨਯੋਤਿ ਵਾ ਤਿਣਵਤ੍ਥਾਰਕੋਤਿ – ਇਮੇ ਧਮ੍ਮਾ ਸਂਸਟ੍ਠਾ ਉਦਾਹੁ ਵਿਸਂਸਟ੍ਠਾ? ਲਬ੍ਭਾ ਚ ਪਨਿਮੇਸਂ ਧਮ੍ਮਾਨਂ ਵਿਨਿਬ੍ਭੁਜਿਤ੍ਵਾ ਵਿਨਿਬ੍ਭੁਜਿਤ੍ਵਾ ਨਾਨਾਕਰਣਂ ਪਞ੍ਞਾਪੇਤੁਂ?

ਸਮ੍ਮੁਖਾਵਿਨਯੋਤਿ ਵਾ ਸਤਿਵਿਨਯੋਤਿ ਵਾ – ਇਮੇ ਧਮ੍ਮਾ ਸਂਸਟ੍ਠਾ, ਨੋ ਵਿਸਂਸਟ੍ਠਾ; ਨ ਚ ਲਬ੍ਭਾ ਇਮੇਸਂ ਧਮ੍ਮਾਨਂ ਵਿਨਿਬ੍ਭੁਜਿਤ੍ਵਾ ਵਿਨਿਬ੍ਭੁਜਿਤ੍ਵਾ ਨਾਨਾਕਰਣਂ ਪਞ੍ਞਾਪੇਤੁਂ. ਸਮ੍ਮੁਖਾਵਿਨਯੋਤਿ ਵਾ ਅਮੂਲ਼੍ਹਵਿਨਯੋਤਿ ਵਾ…ਪੇ… ਸਮ੍ਮੁਖਾਵਿਨਯੋਤਿ ਵਾ ਪਟਿਞ੍ਞਾਤਕਰਣਨ੍ਤਿ ਵਾ… ਸਮ੍ਮੁਖਾਵਿਨਯੋਤਿ ਵਾ ਯੇਭੁਯ੍ਯਸਿਕਾਤਿ ਵਾ… ਸਮ੍ਮੁਖਾਵਿਨਯੋਤਿ ਵਾ ਤਸ੍ਸਪਾਪਿਯਸਿਕਾਤਿ ਵਾ… ਸਮ੍ਮੁਖਾਵਿਨਯੋਤਿ ਵਾ ਤਿਣਵਤ੍ਥਾਰਕੋਤਿ ਵਾ – ਇਮੇ ਧਮ੍ਮਾ ਸਂਸਟ੍ਠਾ, ਨੋ ਵਿਸਂਸਟ੍ਠਾ; ਨ ਚ ਲਬ੍ਭਾ ਇਮੇਸਂ ਧਮ੍ਮਾਨਂ ਵਿਨਿਬ੍ਭੁਜਿਤ੍ਵਾ ਵਿਨਿਬ੍ਭੁਜਿਤ੍ਵਾ ਨਾਨਾਕਰਣਂ ਪਞ੍ਞਾਪੇਤੁਂ.