੧੩. ਕੁਸਲਵਾਰੋ

੩੦੩. ਸਮ੍ਮੁਖਾਵਿਨਯੋ ਕੁਸਲੋ ਅਕੁਸਲੋ ਅਬ੍ਯਾਕਤੋ? ਯੇਭੁਯ੍ਯਸਿਕਾ ਕੁਸਲਾ ਅਕੁਸਲਾ ਅਬ੍ਯਾਕਤਾ? ਸਤਿਵਿਨਯੋ ਕੁਸਲੋ ਅਕੁਸਲੋ ਅਬ੍ਯਾਕਤੋ? ਅਮੂਲ਼੍ਹਵਿਨਯੋ ਕੁਸਲੋ ਅਕੁਸਲੋ ਅਬ੍ਯਾਕਤੋ? ਪਟਿਞ੍ਞਾਤਕਰਣਂ ਕੁਸਲਂ ਅਕੁਸਲਂ ਅਬ੍ਯਾਕਤਂ? ਤਸ੍ਸਪਾਪਿਯਸਿਕਾ ਕੁਸਲਾ ਅਕੁਸਲਾ ਅਬ੍ਯਾਕਤਾ? ਤਿਣਵਤ੍ਥਾਰਕੋ ਕੁਸਲੋ ਅਕੁਸਲੋ ਅਬ੍ਯਾਕਤੋ?

ਸਮ੍ਮੁਖਾਵਿਨਯੋ ਸਿਯਾ ਕੁਸਲੋ, ਸਿਯਾ ਅਬ੍ਯਾਕਤੋ. ਨਤ੍ਥਿ ਸਮ੍ਮੁਖਾਵਿਨਯੋ ਅਕੁਸਲੋ.

ਯੇਭੁਯ੍ਯਸਿਕਾ ਸਿਯਾ ਕੁਸਲਾ, ਸਿਯਾ ਅਕੁਸਲਾ, ਸਿਯਾ ਅਬ੍ਯਾਕਤਾ.

ਸਤਿਵਿਨਯੋ ਸਿਯਾ ਕੁਸਲੋ, ਸਿਯਾ ਅਕੁਸਲੋ, ਸਿਯਾ ਅਬ੍ਯਾਕਤੋ.

ਅਮੂਲ਼੍ਹਵਿਨਯੋ ਸਿਯਾ ਕੁਸਲੋ, ਸਿਯਾ ਅਕੁਸਲੋ, ਸਿਯਾ ਅਬ੍ਯਾਕਤੋ.

ਪਟਿਞ੍ਞਾਤਕਰਣਂ ਸਿਯਾ ਕੁਸਲਂ, ਸਿਯਾ ਅਕੁਸਲਂ, ਸਿਯਾ ਅਬ੍ਯਾਕਤਂ.

ਤਸ੍ਸਪਾਪਿਯਸਿਕਾ ਸਿਯਾ ਕੁਸਲਾ, ਸਿਯਾ ਅਕੁਸਲਾ ਸਿਯਾ ਅਬ੍ਯਾਕਤਾ.

ਤਿਣਵਤ੍ਥਾਰਕੋ ਸਿਯਾ ਕੁਸਲੋ, ਸਿਯਾ ਅਕੁਸਲੋ, ਸਿਯਾ ਅਬ੍ਯਾਕਤੋ.

ਵਿਵਾਦਾਧਿਕਰਣਂ ਕੁਸਲਂ ਅਕੁਸਲਂ ਅਬ੍ਯਾਕਤਂ. ਅਨੁਵਾਦਾਧਿਕਰਣਂ ਕੁਸਲਂ ਅਕੁਸਲਂ ਅਬ੍ਯਾਕਤਂ. ਆਪਤ੍ਤਾਧਿਕਰਣਂ ਕੁਸਲਂ ਅਕੁਸਲਂ ਅਬ੍ਯਾਕਤਂ. ਕਿਚ੍ਚਾਧਿਕਰਣਂ ਕੁਸਲਂ ਅਕੁਸਲਂ ਅਬ੍ਯਾਕਤਂ.

ਵਿਵਾਦਾਧਿਕਰਣਂ ਸਿਯਾ ਕੁਸਲਂ, ਸਿਯਾ ਅਕੁਸਲਂ, ਸਿਯਾ ਅਬ੍ਯਾਕਤਂ.

ਅਨੁਵਾਦਾਧਿਕਰਣਂ ਸਿਯਾ ਕੁਸਲਂ, ਸਿਯਾ ਅਕੁਸਲਂ, ਸਿਯਾ ਅਬ੍ਯਾਕਤਂ.

ਆਪਤ੍ਤਾਧਿਕਰਣਂ ਸਿਯਾ ਅਕੁਸਲਂ, ਸਿਯਾ ਅਬ੍ਯਾਕਤਂ. ਨਤ੍ਥਿ ਆਪਤ੍ਤਾਧਿਕਰਣਂ ਕੁਸਲਂ.

ਕਿਚ੍ਚਾਧਿਕਰਣਂ ਸਿਯਾ ਕੁਸਲਂ, ਸਿਯਾ ਅਕੁਸਲਂ, ਸਿਯਾ ਅਬ੍ਯਾਕਤਂ.

ਕੁਸਲਵਾਰੋ ਨਿਟ੍ਠਿਤੋ ਤੇਰਸਮੋ.